బంగారం డబుల్‌ హ్యాట్రిక్‌.. ఈసారి ఏకంగా ఎంత పెరిగిందంటే..

Gold Price Today: దేశంలో బంగారం ధరలు డబుల్‌ హ్యాట్రిక్‌ కొట్టాయి. వరుసగా ఆరో రోజూ పసిడి ధరలు భారీగా ఎగిశాయి. నేడు (నవంబర్‌ 23) పెరిగిన ధరలతో కొత్త మార్కులను తాకాయి. ఆగకుండా పెరుగుతున్న ధరలు పసిడి కొనుగోలుదారులను నిరాశకు గురి చేస్తున్నాయి.

తెలుగు రాష్ట్రాలోని హైదరాబాద్‌, విశాఖపట్నం, విజయవాడ సహా  వివిధ ప్రాంతాల్లో  ఈరోజు 22 క్యారెట్ల బంగారం 10 గ్రాముల ధర రూ.750 పెరిగి రూ.73,000 లను తాకింది. అదే విధంగా 24 క్యారెట్ల బంగారం  రూ.820 ఎగసి రూ.79,640 వద్దకు చేరింది. చెన్నై, బెంగళూరు, ముంబై  ప్రాంతాలలోనూ ఇదే స్థాయిలో బంగారం ధరలు బెంబేలిత్తించాయి.

ఇక దేశ రాజధాని ఢిల్లీ విషయానికి వస్తే ఇక్కడా పసిడి ధరలు భారీగా పెరిగాయి. 10 గ్రాముల 22 క్యారెట్ల బంగారం రూ.750 పెరిగి రూ.73,150 వద్దకు చేరగా, 24 క్యారెట్ల పసిడి రూ.820 పెరిగి రూ.79,790 వద్దకు ఎగిసింది.

ఇదీ చదవండి: పసిడిపై పైచేయి.. సిల్వర్‌ ఈటీఎఫ్‌లకు డిమాండ్‌

మరోవైపు వెండి ధరలు (Silver Price Today) మాత్రం నేడు ఎలాంటి మార్పు లేకుండా నిలకడగా కొనసాగున్నాయి. హైదరాబాద్‌లో ప్రస్తుతం కేజీ వెండి ధర రూ.1,01,000 వద్ద ఉంది.

(Disclaimer: పైన పేర్కొన్న బంగారం, వెండి ధరలు సూచనపూర్వకమైనవి మాత్రమే. వీటిపై జీఎస్టీ, టీసీఎస్‌, ఇతర పన్నులు, సుంకాలు అదనంగా ఉండవచ్చు. ఖచ్చితమైన ధరల కోసం మీ స్థానిక నగల దుకాణంలో సంప్రదించండి)