ఏం జరిగింది?.. విదేశాల్లో భారత కంపెనీల పెట్టుబడులు డౌన్‌

ముంబై: భారత కంపెనీలు విదేశాల్లోని తమ వెంచర్లలో చేసే పెట్టుబడులు ఆగస్ట్‌ నెలలో 59 శాతం తగ్గి 1.03 బిలియన్‌ డాలర్లుగా ఉన్నాయి. అంతక్రితం ఏడాది ఇదే నెలలో భారత కంపెనీలు విదేశాల్లో చేసిన పెట్టుబడులు 2.5 బిలియన్‌ డాలర్లుగా ఉన్నాయి. ఈ ఏడాది జూలై నెలకు సంబంధించి పెట్టుబడులు చూసినా, 1.12 బిలియన్‌ డాలర్లుగా ఉన్నాయి.

లెన్స్‌కార్ట్‌ సొల్యూషన్స్‌.. సింగపూర్‌లోని తన సబ్సిడరీలో 319 మిలియన్‌ డాలర్లను ఇన్వెస్ట్‌ చేసింది. గ్లెన్‌మార్క్‌ ఫార్మాస్యూటికల్స్‌ స్విట్జర్లాండ్‌లోని సబ్సిడరీలో 100 మిలియన్‌ డాలర్లను పెట్టుబడిగా పెట్టింది. (క్లిక్: రూపీలోనే ఇన్‌వాయిస్, చెల్లింపులు, భారీ ఊరట)