Samsung: ఈ స్మార్ట్‌ఫోన్‌ ప్రి-బుక్‌ చేస్తే స్మార్ట్‌ట్యాగ్‌ ఉచితం...!

ప్రముఖ స్మార్ట్‌ఫోన్‌ కంపెనీ శాంసంగ్‌ కస్టమర్లకు గుడ్‌న్యూస్‌ను అందించింది. కొద్ది రోజుల్లోనే శాంసంగ్‌ భారత మార్కెట్‌లోకి నెక్ట్స్‌ జనరేషన్‌ ఫోల్డబుల్‌ ఫ్లాగ్‌షిప్‌ స్మార్ట్‌ ఫోన్‌ను రిలీజ్‌ చేయనుంది. కాగా శాంసంగ్‌ గెలాక్సీ జెడ్‌ ఫోల్డ్‌ 3, గెలాక్సీ జెడ్‌ ఫ్లిప్‌ 3 ఫోల్డబుల్‌ స్మార్ట్‌ఫోన్లను భారత మార్కెట్లలోకి ఆగస్టు 11 న లాంచ్‌ చేయనున్నట్లు తెలుస్తోంది. తాజాగా ఈ స్మార్ట్‌ఫోన్ల ప్రీ బుకింగ్‌ను నేటి (ఆగస్టు 6) నుంచి ప్రారంభం​ కానుంది.


ఫ్రీ బుకింగ్‌ కోసం కస్టమర్లు రూ. 2000 చెల్లించాల్సి ఉంటుంది. గెలాక్సీ జెడ్‌ ఫోల్డ్‌ 3, గెలాక్సీ జెడ్‌ ఫ్లిప్‌ 3 ఫోల్డబుల్‌ స్మార్ట్‌ఫోన్లను శాంసంగ్‌ ఇండియా ఈ-స్టోర్లలో లేదా శాంసంగ్‌ షాప్‌ యాప్‌లో బుక్‌ చేసుకోవచ్చును. ప్రీ బుకింగ్‌ చేసుకున్న కస్టమర్లకు శాంసంగ్‌ ఉచితంగా శాంసంగ్‌ స్మార్ట్‌ట్యాగ్‌ను అందించనుంది. మార్కెట్‌లో  శాంసంగ్‌ స్మార్ట్‌ట్యాగ్‌ ధర రూ. 2,699 గా ఉంది. రెండువేలతో  ప్రీ బుక్‌ చేసుకున్న అమౌంట్‌ను ఈ స్మార్ట్‌ఫోన్‌ను కొనుగోలు చేసే సమయంలో అడ్జస్ట్‌ చేయనుంది.

శాంసంగ్‌ గెలాక్సీ జెడ్‌ ఫోల్డ్‌ ధర రూ. 1,49,990గా ఉండనున్నట్లు తెలుస్తోంది. మరోవైపు శాంసంగ్‌ గెలాక్సీ జెడ్‌ ఫ్లిప్‌ 3 ధర సుమారు రూ. 80 వేల నుంచి రూ. 90 వేల మధ్య ఉండనున్నట్లు తెలుస్తోంది. ఒకవేళ ఈ ధరలు నిజమైతే మునుపటి శాంసంగ్‌ ఫోల్డబుల్‌ ఫోన్లకంటే తక్కువ ధరలు ఉండనున్నాయి.