TV
హైదరాబాద్, బిజినెస్‌ బ్యూరో: ఎలక్ట్రానిక్స్‌ తయారీ దిగ్గజం చైనాకు చెందిన ట్రాన్సన్‌ గ్రూప్‌ బ్రాండ్‌ టెక్నో తాజాగా మెగాబుక్‌ టీ1 సిరీస్‌ ల్యాప్‌టాప్స్‌ను ప్రవేశపెట్టింది. 11వ తరం ఇంటెల్‌ ప్రాసెసర్స్‌తో ప్రీమియం అల్యూమినియం మెటల్‌ కేసింగ్‌తో రూపొందాయి. వేరియంట్‌నుబట్టి 16 జీబీ వరకు ర్యామ్, 1 టీబీ వరకు స్టోరేజ్‌ స్పేస్‌తో వీటిని విడుదల చేసింది.
ధర రూ.37,999 నుంచి మొదలై రూ.59,999 వరకు ఉంది. 17.5 గంటల బ్యాటరీ లైఫ్, 14.8 మిల్లీ మీటర్ల మందం, 1.48 కిలోల బరువు, 2 ఎంపీ ఫిజికల్‌ ప్రైవసీ కెమెరా, ఫింగర్‌ ప్రింట్‌ పవర్‌ బటన్, 180 డిగ్రీల వ్యూయింగ్‌ యాంగిల్, 9 పోర్ట్స్‌ వంటి హంగులు ఉన్నాయి. అమెజాన్‌ స్పెషల్‌ ఉత్పాదనగా విడుదల చేశారు.
Comments
Please login to add a commentAdd a comment