లోటస్‌ స్టేటస్‌! ఈ వైపు ఓ లుక్‌ వేయండి..

ఎక్కువ హంగామా లేకుండా ఇంటికి కళ తెచ్చేది పూల అలంకరణే! అలాగని రోజూ తాజా పువ్వులకు తూగలేం కదా! అందుకే ఈ లోటస్‌ ఫ్రేమ్‌ వైపు ఓ లుక్‌ వేయండి.. దాంతో ఇంటి అందాన్ని ద్విగుణీకృతం చేసుకోవచ్చు. ఇంట్లోకి పాజిటివ్‌ ఎనర్జీని ఆహ్వానించవచ్చు!

• తామర పువ్వుల గుచ్ఛంతో ఉన్న ఫ్రేమ్స్, లోటస్‌ పెయింటింగ్‌ని లివింగ్‌ రూమ్‌ లేదా డైనింగ్‌ రూమ్‌లలో అలంకరించవచ్చు. వీటివల్ల ఆ ప్రాంతమంతా ప్రశాంతంగా అనిపిస్తుంది.

• సూర్యోదయం వెలుగులో అప్పుడే విచ్చుకుంటున్న తామర పువ్వుల అందం ఇంటి వాతావరణాన్ని వైబ్రెంట్‌గా మారుస్తుంది. గోవుతో కలసి ఉన్న తామర పువ్వుల వాల్‌ పేపర్స్‌ను పూజ గది, పార్టిషన్స్‌కు ఉపయోగించవచ్చు.

• హంగు, ఆర్భాటాలు అక్కర్లేదనుకునేవారు లోటస్‌ క్యాండిల్‌ ఏర్పాటుతో ఇంటి శోభను పెంచుకోవచ్చు.

• లోటస్‌ థీమ్‌తో ఉన్న కుషన్‌ కవర్స్‌ను ఎంచుకుంటే గదికి అలంకరణ.. మనసుకు ఆహ్లాదం చేకూరుతాయి.

• వందల రూపాయల నుంచి లభించే రకరకాల లోటస్‌ డిజైన్స్‌ను మీ అభిరుచికి తగ్గట్టు ఎంచుకుని, ఇలా డెకరేషన్‌లో భాగం చేసి ఇంటి స్టేటస్‌నే మార్చేసుకోవచ్చు!