నాలా నిర్మాణానికి సహకరించండి

వరంగల్‌ అర్బన్‌: నాలా నిర్మాణానికి సహకరిస్తే కాలనీవాసులకు న్యాయం చేస్తామని బల్దియా కమిషనర్‌ అశ్విని తానాజీ వాకడే పేర్కొన్నారు. వరంగల్‌ 42 వ డివిజన్‌లోని తెలంగాణ కాలనీని టౌన్‌ప్లానింగ్‌, ఇంజనీరింగ్‌ విభాగాల అధికారులతో కమిషనర్‌ మంగళవారం పరిశీలించారు. ఈ సందర్భంగా కమిషనర్‌ మాట్లాడుతూ స్థానిక ప్రజల సౌకర్యార్థం నాలా నిర్మాణానికి భూ యజమానులు ముందుకురావాలని కోరారు. కార్యక్రమంలో ఎస్‌ఈ ప్రవీణ్‌చంద్ర, ఇన్‌చార్జ్‌ సీపీ రవీంద్రరాడేకర్‌, ఈఈ శ్రీనివాస్‌, టీపీఎస్‌ అనిల్‌, ఏఈ మోజామిల్‌ తదితరులు పాల్గొన్నారు.