హ్యుందయ్‌ ఎక్స్‌టర్‌ బుకింగ్స్‌ ప్రారంభం

హైదరాబాద్: హ్యుందయ్‌ మోటార్‌ ఇండియా లిమిటెడ్‌ ఆధ్వర్యంలో నూతనంగా ప్రారంభమైన హ్యుందయ్‌ ఎక్స్‌టర్‌ బుకింగ్‌లను ప్రారంభించింది. ఈ సందర్భంగా సంస్థ సీఓఓ తరుణ్‌ గార్గ్‌ మాట్లాడుతూ.. హ్యుందయ్‌ ఎక్స్‌టర్‌ బుకింగ్‌లను రూ.11,000కే ప్రారంభిస్తున్నామని అన్నారు.

మార్కెట్‌లోకి విడుదలైన ఈ ఎక్స్‌టర్‌ 3 పవర్‌ట్రెయిన్‌ ఎంపికలతో, 5–స్పీడ్‌ మాన్యువల్‌ ట్రాన్స్‌మిషన్‌తో పెట్రోల్‌–సీఎన్‌జీ సదుపాయలతో అందుబాటులో ఉందని ఆయన పేర్కొన్నారు. జెన్‌–జెడ్‌ కస్టమర్ల ఆకాంక్షలు, జీవనశైలిని సంతృప్తిపరిచే అనుకూలమైన ఫీచర్లతో హ్యుందయ్‌ ఎక్స్‌టర్‌ అలరిస్తుందని అన్నారు. కస్టమర్‌లు ఈఎక్స్‌, ఎస్‌, ఎస్‌ఎక్స్‌, ఎస్‌ఎక్స్‌(ఓ) వంటి 5 విభిన్న శ్రేణులను ఎంచుకోవచ్చని అన్నారు.