బంజారాహిల్స్‌: చెరువుల పరిరక్షణ, పునరుజ్జీవానికి కృషి చేస్తున్న హైడ్రాకు తగిన న్యాయ సలహాలు అందించడానికి ఎల్లప్పుడూ అందుబాటులో ఉంటామని న్యాయ నిపుణులు వెల్లడించారు. శనివారం హైడ్రా కార్యాలయంలో ప్రభుత్వ భూములు కాపాడుతున్న సందర్భంగా తలెత్తుతున్న ఇబ్బందులు, న్యాయపరమైన అంశాలపై ఎలాంటి చర్యలు తీసుకోవాలి అనే విషయాలపై హైడ్రా కమిషనర్‌ ఏవీ రంగనాఽథ్‌ ఆధ్వర్యంలో చర్చించారు. ఈ సందర్భంగా వారు మాట్లాడుతూ.. ప్రభుత్వ స్థలాలతో పాటు రహదారులు, పార్కులు కబ్జాకు కాకుండా హైడ్రా కాపాడుతోందన్నారు. చెరువులను పునరుద్ధరణ, వరద కాలువలను సజీవంగా ఉంచడంతోనే నగరానికి వరద ముప్పు తగ్గుతుందని నిపుణులు సూచించారు. కార్యక్రమంలో హైకోర్టు సీనియర్‌ న్యాయవాది జస్టిస్‌ రేసు మహేందర్‌ రెడ్డి తదితరులు పాల్గొన్నారు.

తెలంగాణ రాష్ట్ర ప్రభుత్వ ఆధ్వర్యంలో శనివారం నగరంలోని ఎల్‌బీ స్టేడియంలో నిర్వహించిన క్రిస్మస్‌ సంబరాలు అంబరాన్నంటాయి. ఈ వేడుకలకు ముఖ్యమంత్రి రేవంత్‌ రెడ్డి, టీపీసీసీ అధ్యక్షుడు మహేష్‌కుమార్‌ గౌడ్‌, మంత్రులు పొంగులేటి శ్రీనివాసరెడ్డి, పొన్నం ప్రభాకర్‌ గౌడ్‌, సీఎస్‌ శాంతి కుమారి, మేయర్‌ గద్వాల్‌ విజయలక్ష్మి, క్రైస్తవ మత పెద్దలు, దైవజనులు భారీ సంఖ్యలో హాజరయ్యారు. ఈ సందర్భంగా క్రైస్తవులు ఆలపించిన భక్తిగీతాలతో ఎల్‌బీ స్టేడియం పరిసరాలు ఆధ్యాత్మిక శోభను సంతరించుకున్నాయి.

మెట్రో రెండో దశ అమీర్‌పేట: మెట్రో రెండో దశ పనులు త్వరలో ప్రారంభమవుతాయని, స్థలాలు ఇచ్చేవారికి గజానికి రూ.81 వేలు ఇస్తామని హైదరాబాద్‌ కలెక్టర్‌ ఇప్పటికే ప్రకటించినట్లు మెట్రోలైల్‌ ఎండీ ఎన్‌వీఎస్‌ రెడ్డి తెలిపారు. ప్రయాణికులకు చివరి మైలు కనెక్టివిటీ మెరుగుపర్చేందుకు ర్యాపిడోతో భాగస్వామ్యం చేసుకున్నట్లు చెప్పారు. శనివారం అమీర్‌పేట హోటల్‌ గ్రీన్‌ పార్క్‌ మ్యారీగోల్డ్‌ హోటల్‌లో అంగీకార పత్రాలపై సంతకాలు చేశారు. ఈ సందర్భంగా ఆయన మాట్లాడుతూ.. 76 కిలో మీటర్ల వరకు రెండో దశ మెట్రో పనులు చేసేందుకు రాష్ట్ర ప్రభుత్వం అనుమతినిచ్చిందని, కేంద్రం నుంచి అనుమతులు రాగానే పనులు చేపడతామన్నారు. పాత బస్తీకి మెట్రో రైలు సౌకర్యం కల్పించాలనే డిమాండ్‌ పెరిగిందని, భూసేకరణ కోసం 1,100 ఆస్తులను గుర్తించినట్లు తెలిపారు. స్థలాలు ఇచ్చేందుకు ముందుకు వచ్చే వారికి 10 రోజుల్లో చెక్కులు ఇచ్చేందుకు సిద్ధంగా ఉన్నామన్నారు. అనంతరం రోడ్ల విస్తరణ పనులు చేపట్టనున్నట్లు చెప్పారు. నిత్యం 5 లక్షల మంది మెట్రో జర్నీ నగరంలో ప్రతి రోజూ 5 లక్షల మంది వరకు మెట్రోలో ప్రయాణం చేస్తున్నారని ఎన్‌వీఎస్‌ రెడ్డి తెలిపారు. లక్ష మంది ప్రయాణికులకైనా బస్సు, ర్యాపిడో ద్వారా కనెక్టివిటీ కల్పించాలని భావిస్తున్నామన్నారు. ఆటోల్లో ప్రయాణ ఖర్చులు ఎక్కువ అవుతున్న తరుణంలో ర్యాపిడో కేవలం 3 కిలోమీటర్ల వరకు రూ.30 మాత్రమే చార్జి చేయడం సంతోషదాయకమన్నారు. భూ బాధితులకు గజానికి రూ.81 వేల పరిహారం ప్రయాణికులకు చివరి మైలు కనెక్టివిటీకి చర్యలు ర్యాపిడోతో భాగస్వామ్యం: మెట్రో ఎండీ ఎన్‌వీఎస్‌ రెడ్డి మహిళా ప్రయాణికుల భద్రతపై రాజీ లేదు.. బైక్‌ టాక్సీలతో మహిళా ప్రయాణికులు సునాయాస ప్రయాణం చేసేలా అన్ని సౌకర్యాలు కల్పిస్తున్నామని, భద్రత విషయంలో రాజీ పడేది లేదని చెప్పారు. సమస్య తలెత్తిన వెంటనే పోలీసులకు సమాచారం ఇచ్చి ఆకతాయిలను పట్టుకునేందుకు వీలుగా ప్రత్యేకంగా ఒక ఫోన్‌ నంబర్‌ను సైతం అందుబాటులోకి తీస్తున్నామన్నారు. కార్యక్రమంలో ఎల్‌అండ్‌టీ, ఎల్‌టీహెచ్‌ఆర్‌ఎంఎల్‌ సీఎస్‌ఓ మురళీ వరదరాజన్‌, రాపిడో సీఎంఓ పవన్‌దీప్‌ సింగ్‌, సందీప్‌ మండల్‌, రిషి కుమార్‌వర్మ తదితరులు పాల్గొన్నారు.

కడ్తాల్‌: కడ్తాల్‌ మండల కేంద్రం సమీపంలోని మహేశ్వర మహాపిరమిడ్‌లో శనివారం ధ్యాన జనుల సందడి మధ్య పత్రీజీ ధ్యాన మహాయాగం–3 వేడుకలు అట్టహాసంగా ప్రారంభమయ్యాయి. నాగర్‌కర్నూల్‌, కర్నూలు ఎంపీలు మల్లురవి, నాగరాజు వివిధ ప్రాంతాల నుంచి తరలి వచ్చిన పిరమిడ్‌ మాస్టర్లు, దివంగత ధ్యాన గురువు సుభాష్‌ పత్రీజీ కుమార్తె పరిణిత, ట్రస్ట్‌ చైర్మన్‌ విజయభాస్కర్‌రెడ్డితో కలిసి జ్యోతి ప్రజ్వలన చేసి వేడుకలను ప్రారంభించారు. ఈ సందర్భంగా ఎంపీ మల్లురవి మాట్లాడుతూ.. ధ్యానాన్ని ప్రపంచానికి పరిచయం చేసిన గొప్ప వ్యక్తి పత్రీజీ అని, ధ్యానమయ సమాజం కోసం ఆయన చేసిన కృషి ప్రశంసనీయనీయమని కొనియాడారు. పత్రీజీ చూపిన ధ్యాన మార్గం అనుసరణీయమన్నారు. కర్నూల్‌ ఎంపీ నాగరాజు మాట్లాడుతూ.. ప్రతి ఒక్కరూ ధ్యాన సాధన చేయాలని, ధ్యానంతో తమ జీవితాలను బాగు చేసుకోవాలని సూచించారు. ప్రారంభమైన పత్రీజీ ధ్యాన మహాయాగ వేడుకలు జ్యోతి ప్రజ్వలన చేసిన ఎంపీలు మల్లురవి, నాగరాజు వివిధ ప్రాంతాల నుంచి తరలివచ్చిన ధ్యానులు

సాక్షి, సిటీబ్యూరో: నూతన సంవత్సర వేడుకల కోసం గోవా నుంచి హైదరాబాద్‌కు అక్రమంగా మద్యం తరలిస్తున్న ఇద్దరు వ్యక్తులను వికారాబాద్‌ ఎకై ్సజ్‌ పోలీసులు అదుపులోకి తీసుకున్నారు. పోలీసుల కథనం మేరకు వివరాలిలా ఉన్నాయి. హైదరాబాద్‌కు చెందిన ఇద్దరు యువకులు గోవా వెళ్లారు. తిరిగి వచ్చే సమయంలో రూ.లక్ష విలువ చేసే 95 మద్యం బాటిళ్లను కొనుగోలు చేసి వాస్కోడిగామా రైలులో బయలుదేరారు. దీనిపై ఎకై ్సజ్‌ పోలీసులకు సమాచారం అందడంతో వికారాబాద్‌ ఎకై ్సజ్‌ సూపరిండెంట్‌ విజయభాస్కర్‌, ఎస్‌ఐలు ప్రేమ్‌రెడ్డి, వీరాంజనేయులు రైల్లో తనిఖీలు చేపట్టారు. నాలుగు బోగీలలో సోదాలు నిర్వహించి మద్యం బాటిళ్లను స్వాధీనం చేసుకున్నారు. ఈ మేరకు ఎక్సైజ్‌ ఎన్‌ఫోర్స్‌మెంట్‌ డైరెక్టర్‌ వి.బి.కమలాసన్‌రెడ్డి, రంగారెడ్డి డిప్యూటి కమిషనర్‌ పి.దశరథ్‌ అభినందించారు. మద్యం అక్రమ రవాణా వాస్కోడిగామా రైల్‌లో తరలింపు స్వాధీనం చేసుకున్న ఎకై ్సజ్‌ పోలీసులు

అడ్రస్‌ లేని వార్డెన్‌.. వసతి గృహంలో వార్డెన్‌ అందుబాటులో ఉండడం లేదు. విద్యార్థులకు జ్వరం, జలుబు వంటివి వస్తే సమయానికి వైద్యం అందడం లేదు. ఒకే నర్సు ఇక్కడ అందుబాటులో ఉన్నారు. రాత్రిపూట సిబ్బంది ఎవరూ ఇక్కడ ఉండటం లేదు. ఇలా చెబుతూపోతే దారుషిఫా అంధ బాలుర వసతి గృహంలో సమస్యలు ఎన్నో.. ఎన్నెన్నో..! సాక్షి, సిటీబ్యూరో: అసలే శీతాకాలం. ఆపై వణికించే చలిపులి.. మరోవైపు దోమల మధ్య నిద్ర.. శుచీ శుభ్రత లేని ఆహారం.. పూర్తిస్థాయిలో అందుబాటులో లేని దుప్పట్లు.. ఇలా ఎన్నో ఇబ్బందులతో ఆ దివ్యాంగులు పడుతున్న కష్టాలు అన్నీఇన్నీ కావు. నగరంలోని దారుషిఫా ప్రభుత్వ అంధ బాలుర వసతి గృహం సమస్యలకు నెలవుగా మారింది. ఇక్కడి విద్యార్థులను పట్టించుకునే వారే లేకుండాపోయారు. తమ కష్టాలు పాలకులకు, అధికారులకు కానరావా? అంటూ ఆవేదన చెందుతున్నారు. ఈ నేపథ్యంలోనే ఇక్కడి దివ్యాంగ విద్యార్థుల దయనీయ పరిస్థితులను ‘సాక్షి’ ప్రతినిధి స్వయంగా పరిశీలించగా నివ్వెరపోయే నిజాలు వెలుగు చూశాయి. ఉన్నది ఒకే గీజర్‌.. గ్రామీణ ప్రాంతాలకు చెందిన 60 మంది విద్యార్థులు పాతబస్తీలోని అంధుల పాఠశాలలో చదువుతుంటున్నారు. ప్రస్తుతం శీతాకాలం కావడంతో చలి వణికిస్తోంది. కానీ.. ఇక్కడి హాస్టల్‌లో వేడి నీటి సౌకర్యం లేకుండాపోయింది. దీంతో విద్యార్థులు ఉదయం పూట వణికించే చలిలోనే చల్లని నీటితో స్నానాలు చేస్తున్నారు. ఉన్న ఒక్క గీజర్‌ 60 మందికి సరిపోవడం లేదు. రాత్రిపూట చలి తీవ్రత కారణంగా అరకొర దుప్పట్లతో నిద్రకుపక్రమిస్తున్నారు. నీళ్ల చారు.. ఉడకని అన్నం.. ఉడికీ ఉడకని అన్నం. పలచని నీళ్ల పప్పు. కడుపు నింపని తిండి. చిన్న పాత్రల్లోనే వండుతుండటంతో విద్యార్థులందరికీ అన్నం సరిపోవడం లేదు. నాణ్యత లేని ఆహారం.. ఇలా ఎన్నో సమస్యల మధ్య దివ్యాంగ విద్యార్థులు రోజులు గడుపుతున్నారు. చలికాలం రాక ముందే విద్యార్థులకు దుప్పట్లు అందించాల్సి ఉంది. కానీ ఇప్పటికీ అవి పూర్తి స్థాయిలో అందలేదు. యూనిఫారం ఇచ్చారు కానీ అవి సైజులు సరిగా లేక పోవడంతో విద్యార్థులు వాటిని వాడటం లేదు. నాణ్యత లోపించిన చారు, అన్నం దుప్పటి లేకుండానే..తమ గోడు వెళ్లబోసుకుంటున్న దివ్యాంగ విద్యార్థులువణికించే చలిలో దివ్యాంగుల ఆవేదన పూర్తి స్థాయిలో అందని దుప్పట్లు దోమల బెడదతో తప్పని తిప్పలు నాణ్యత లేని భోజనంతో నానా తంటాలు ఇదీ దారుషిఫా అంధ బాలుర వసతి గృహ విద్యార్థుల దయనీయ స్థితి

న్యూ ఇయర్‌ వేడుకలపై గట్టి నిఘా కొంత మందికే రూ.500 వంట గ్యాస్‌ అక్రమంగా మద్యం సరఫరా చేస్తే కేసులు ● డ్రగ్స్‌ వినియోగదారులపై కఠిన చర్యలు ● ఎకై ్సజ్‌ ఎన్‌ఫోర్స్‌మెంట్‌ డైరెక్టర్‌ కమలాసన్‌ రెడ్డి అర్హత సాధించినా కొందరికే పరిమితం ● నిబంధనల వర్తింపునకు స్పష్టత కరువు రాంనగర్‌కు చెందిన గృహిణి ఈ ఏడాది ఆరంభంలో ప్రభుత్వం ప్రతిష్టాత్మకంగా నిర్వహించిన ప్రజా పాలనలో భాగంగా గృహజ్యోతి, మహాలక్ష్మి , ఇందిరమ్మ.. ఇలా ఇతరత్రా పథకాల వర్తింపునకు దరఖాస్తు చేసుకున్నారు. ఆమె అర్హత సాధించడంతో గృహజ్యోతి కింద విద్యుత్‌ జీరో బిల్లు వర్తించింది. కానీ.. రూ.500 వంట గ్యాస్‌ సబ్సిడీ మాత్రం వర్తించలేదు. ఎల్పీజీ గ్యాస్‌ కనెక్షన్‌ ఆమె భర్త పేరుపై ఉండటంతో ఈ పథకం వర్తించదని ప్రచారం జరగడంతో.. సరిగా ఐదు నెలల క్రితం ప్రభుత్వం దరఖాస్తును సవరించుకునేందుకు వెసులుబాటు కల్పించింది. దీంతో కలెక్టరేట్‌లోని మీ సేవ కేంద్రానికి వెళ్లి మార్పు చేసుకుంది. అయినా.. ఆమెకు ఇప్పటి వరకు రూ. 500 గ్యాస్‌ పథకం వర్తించని పరిస్థితి నెలకొంది. అయితే.. దీనిపై గ్యాస్‌ ఏజెన్సీలతో పాటు పౌరసరఫరాల అధికారులకు సైతం స్పష్టత లేకపోవడం గమనార్హం. సాక్షి, సిటీబ్యూరో: నూతన సంవత్సర వేడుకలపై ఎకై ్సజ్‌ పోలీసులు నిఘా పెట్టారు. అనుమతి లేని మద్యం, మాంసం సరఫరా, డ్రగ్స్‌ వినియోగం తదితరాలపై ఉక్కుపాదం మోపనున్నారు. ఈ మేరకు జీహెచ్‌ఎంసీ పరిధిలో 30–40 ప్రత్యేక బృందాలను ఏర్పాటు చేసినట్లు ఎకై ్సజ్‌ ఎన్‌ఫోర్స్‌మెంట్‌ డైరెక్టర్‌ వీబీ కమలాసన్‌ రెడ్డి తెలిపారు. ప్రభుత్వ ఆమోదిత మద్యం మినహా ఇతర ప్రాంతాల నుంచి దిగుమతి చేసుకునే న్‌ డ్యూటీ పెయిడ్‌ లిక్కర్‌ వినియోగపై కేసులు నమోదు చేస్తామని హెచ్చరించారు. మత్తు పదార్థాలను వినియోగిస్తే నార్కోటిక్స్‌, డ్రగ్స్‌, అండ్‌ సైకోట్రాపక్‌ (ఎన్‌డీపీఎస్‌) చట్టం కేసులు నమోదు చేస్తామని చెప్పారు. అనుమతి లేని ప్రాంతాలు, వాణిజ్య స్థలాల్లో మద్యం వినియోగించరాదని తెలిపారు. బెంగళూరు, మహారాష్ట్ర ప్రాంతాల నుంచి వచ్చే ట్రావెల్‌ బస్సులు, వాహనాలతో పాటు రాజస్థాన్‌, ఢిల్లీ, పంజాబ్‌, హరియాణా వంటి రాష్ట్రాల నుంచి వచ్చే రైళ్లలో ఎకై ్సజ్‌ ప్రత్యేక బృందాలు తనిఖీలు నిర్వహిస్తాయన్నారు. నానాక్‌రాంగూడ, ధూల్‌పేట వంటి ప్రాంతాలపై నిఘా ఉంటుందని ఆయన పేర్కొన్నారు. సాక్షి, సిటీబ్యూరో: రాష్ట్రంలో కాంగ్రెస్‌ ప్రభుత్వానికి ఏడాది గడిచింది. కానీ.. అర్హులందరికీ రూ.500కు వంటగ్యాస్‌ అందని ద్రాక్షగా మారింది. ఆరు గ్యారంటీల్లో భాగంగా సిలిండర్‌పై సబ్సిడీ అందిస్తున్నా.. మెజార్టీ బీపీఎల్‌ కుటుంబాలకు వర్తించడం లేదు. బీపీఎల్‌ కింద ఒకే కుటుంబం గృహజ్యోతి పథకానికి అర్హత సాధించినా.. మహాలక్ష్మి పథకానికి మాత్రం అర్హత సాధించకపోవడం విస్మయానికి గురి చేస్తోంది. దీంతో పూర్తి స్థాయి బహిరంగ మార్కెట్‌ ధర చెల్లించి వంట గ్యాస్‌ సిలిండర్‌ కొనుగోలు చేయక తప్పడం లేదు. లోక్‌సభ ఎన్నికల ముందు గ్యాస్‌ సబ్సిడీ వర్తింపు అమలు ప్రారంభ మైంది. ప్రజాపాలనలో స్వీకరించిన దరఖాస్తుల ఆధారంగా బీపీఎల్‌ కుటుంబాలను గుర్తించారు. మిగతా పథకాల మాదిరిగా మహాలక్ష్మి పథకానికి కూడా తెల్ల రేషన్‌ కార్డును ప్రామాణికంగా తీసుకున్నారు. కానీ పథకం కొందరికే వర్తించడంతో పేద కుటుంబాలు నిరాశలో ఉన్నాయి. ఒక్క శాతం సైతం దాటలేదు.. నగర పరిధిలో వంట గ్యాస్‌ కనెక్షన్లు సుమారు 31.18 లక్షలు ఉండగా అందులో కేవలం ఒక శాతం కనెక్షన్‌దారులకు మాత్రమే రూ.500 సబ్సిడీ వంటగ్యాస్‌ వర్తిస్తోంది. సుమారు 24.74 లక్షల కుటుంబాలు మహాలక్ష్మి పథకం కింద దరఖాస్తు చేసుకున్నట్లు అధికార గణాంకాలు స్పష్టం చేస్తున్నాయి. అందులో సుమారు 19.01 లక్షల కుటుంబాలు మాత్రమే తెల్లరేషన్‌ కార్డులు కలిగి ఉన్నాయి. అయితే.. సబ్సిడీ గ్యాస్‌ మాత్రం మూడు లక్షలలోపు కనెక్షన్‌దారులు మాత్రమే ఎంపికై నట్లు పౌరసరఫరాల శాఖ గణాంకాలు స్పష్టం చేస్తున్నాయి. మిగతా సుమారు 16 లక్షల కనెక్షన్‌దారులు అర్హులుగా ఉన్నా.. సబ్సిడీ వర్తింపు మాత్రం అందని ద్రాక్షగా మారింది. ● నగర పరిధిలో సుమారు 52,65,129 గృహ విద్యుత్‌ కనెక్షన్లు ఉండగా.. ఇందులో ప్రజాపాలనలో గృహజ్యోతి కింద ఉచిత విద్యుత్‌ కోసం 24 లక్షల కుటుంబాలు దరఖాస్తు చేసుకున్నాయి. అందులో 11 లక్షల కటుంబాలు జీరో బిల్లుకు అర్హత సాధించాయి. మిగతా కుటుంబాలు వివిధ కారణాలతో తిరస్కరణకు గురయ్యాయి. కేంద్రం సబ్సిడీ ఓకే.. కేంద్ర ప్రభుత్వం అందిస్తున్న వంట గ్యాస్‌ సబ్సిడీ మాత్రం వినియోగదారులకు బ్యాంక్‌ ఖాతాలో నగదు బదిలీ కింద రూ. 40.71 జమ అవుతోంది. కేంద్ర ప్రభుత్వం సిలిండర్‌ ధరతో నిమిత్తం లేకుండా వినియోగదారు బ్యాంక్‌ ఖాతాలో పరిమితంగా నగదు జమ చేస్తోంది. ప్రస్తుతం బహిరంగ మార్కెట్‌ ప్రకారం 14.5 కేజీల డొమెస్టిక్‌ ఎల్పీజీ సిలిండర్‌ ధర రూ.855. పలుకుతోంది. గృహ వినియోగదారులందరూ సిలిండర్‌ ధరను పూర్తిగా చెల్లించి కొనుగోలు చేస్తున్నారు. కేంద్ర ప్రభుత్వం చమురు సంస్థల ద్వారా సబ్సిడీని నగదు బదిలీ కింద వినియోగదారుల ఖాతాలో జమ చేస్తోంది.28న చర్లపల్లి టర్మినల్‌ ప్రారంభం: ఎంపీ ఈటల సాక్షి, సిటీబ్యూరో: ఈ నెల 28న చర్లపల్లి రైల్వే టర్మినల్‌ను రైల్వేశాఖ మంత్రి అశ్విని వైష్ణవ్‌, కేంద్ర బొగ్గు, గనుల శాఖ మంత్రి కిషన్‌ రెడ్డి చేతుల మీదుగా తెలంగాణ ప్రజలకు అంకితం చేయబోతున్నట్లు మల్కాజిగిరి ఎంపీ ఈటల రాజేందర్‌ తెలిపారు. ఈ కార్యక్రమంలో పౌరులందరూ పాల్గొని విజయవంతం చేయాలని ఆయన కోరారు. సికింద్రాబాద్‌, కాచిగూడ, నాంపల్లి రైల్వే స్టేషన్‌లలో ప్రయాణికుల తాకిడి ఎక్కువ కావటంతో చర్లపల్లిలో రైల్వే టర్మినల్‌ నిర్మించినట్లు పేర్కొన్నారు. ప్రధాని నరేంద్ర మోదీ రూ.500 కోట్లతో చర్లపల్లిలో గొప్ప రెల్వేస్టేషన్‌ నిర్మాణాన్ని చేపట్టినట్లు ఆయన తెలిపారు. కాచిగూడ: వ్యవసాయాభివృద్ధికి కాంగ్రెస్‌ ప్రభుత్వం ప్రత్యేక కృషి చేస్తోందని రాష్ట్ర ప్లానింగ్‌ బోర్డు వైస్‌ చైర్మన్‌ డాక్టర్‌ జి.చిన్నారెడ్డి అన్నారు. తెలంగాణ ఎకనామిక్‌ అసోసియేషన్‌ ఆధ్వర్యంలో శనివారం నారాయణగూడలోని రాజా బహదూర్‌ వెంకటరామారెడ్డి మహిళా కళాశాలలో ‘పొడినేల వ్యవసాయం – సమస్యలు, సవాళ్లు’ అంశంపై జరిగిన సదస్సులో ఆయన ముఖ్య అతిథిగా ప్రసంగించారు. గతంలో మహబూబ్‌నగర్‌ వంటి జిల్లాల్లో వర్షపాతం తక్కువగా ఉండటంతో నీరు లేక భూములు డ్రైల్యాండ్‌గా మారి పంటలు పండక ప్రజలు వలస వెళ్లే వారని అన్నారు. ప్రస్తుతం భూములను సారవంతం చేయడంతో ఆ పరిస్థితిని అధిగమించి పంటలను పండిస్తున్నారని తెలిపారు. మేధావులు, యువత వ్యవసాయ రంగం పట్ల ప్రజలకు అవగాహన పెంపొందించేలా కృషి చేయాలని సూచించారు. సదస్సులో తెలంగాణ ఎకనమిక్‌ అసోసియేషన్‌ అధ్యక్షుడు ప్రొఫెసర్‌ ఎం.ముత్యంరెడ్డి, యూఓహెచ్‌ స్కూల్‌ ఆఫ్‌ సోషల్‌ సైన్స్‌ మాజీ డీన్‌ ప్రొఫెసర్‌ డి.నర్సింహారెడ్డి, ప్రొఫెసర్‌ శ్రీజిత్‌ మిశ్రా, సీఈఎస్‌ఎస్‌ హైదరాబాద్‌ డైరెక్టర్‌ ప్రొఫెసర్‌ ఈ.రేవతి, ఐసీఏఆర్‌ రాయపూర్‌ జాయింట్‌ డైరెక్టర్‌ ఎ.అమరేందర్‌ రెడ్డి తదితరులు పాల్గొన్నారు. సదస్సులో పాల్గొన్న చిన్నారెడ్డి తదితరులు

సాక్షి, సిటీబ్యూరో: సైబర్‌ నేరస్తుల చేతికి చిక్కి మోసపోయిన రూ.5.25 లక్షల సొమ్మును హైదరాబాద్‌ సైబర్‌ క్రైమ్‌ పోలీసులు రికవరీ చేసి, బాధితుడికి అప్పగించారు. పోలీసుల కథనం మేరకు వివరాలిలా ఉన్నాయి.. హైదరాబాద్‌కు చెందిన వ్యా పారికి సైబర్‌ నేరస్తులు స్టాక్‌ ట్రేడింగ్‌ పేరుతో వల వేశారు. అధిక లాభాలు అందిస్తామని నమ్మించడంతో కేటుగాళ్లు సూచించిన బ్యాంక్‌ ఖాతాలకు బాధితుడు రూ.7.25 లక్షల సొమ్మును బదిలీ చేశా డు. బాధితుడు సైబర్‌ క్రైమ్‌ పోలీసులను ఆశ్రయించడంతో సత్వరమే స్పందించిన పోలీసులు అనధికారిక లావాదేవీలు జరిగాయని బ్యాంక్‌కు సమాచారం అందించి, ఖాతాలోని సొమ్మును ఫ్రీజ్‌ చేయించారు. సొమ్మును తిరిగి అందజేయాలని కోరుతూ బాధితుడు న్యాయస్థానంలో పిటిషన్‌ దాఖలు చేశాడు. కోర్టు ఆదేశాల మేరకు పోలీసులు రూ.5.25 లక్షలు బాధితుడికి అందజేశారు. బైక్‌ అదుపు తప్పి యువకుడి మృతి మరొకరికి గాయాలు శామీర్‌పేట్‌: ద్విచక్ర వాహనం అదుపు తప్పి ఓ యువకుడు మృతి చెందగా, మరొకరు తీవ్రంగా గాయపడిన సంఘటన శామీర్‌పేట పోలీస్‌ స్టేషన్‌ పరిధిలో శనివారం తెల్లవారుజామున చోటు చేసుకుంది. పోలీసుల కథనం మేరకు వివరాలిలా ఉన్నాయి.. వెస్ట్‌ గోదావరి జిల్లాకు చెందిన శీలం దుర్గా ప్రసాద్‌ (27), నాగవంశీ (25) సిద్దిపేట జిల్లా, కర్కపట్ల గ్రామంలో ఉంటూ ఓ ప్రైవేటు కంపెనీలో ఉద్యోగం చేస్తున్నారు. బైక్‌పై నగరానికి వెళ్లిన వారు కర్కపట్లకు తిరిగి వస్తుండగా అలియాబాద్‌ గ్రామ సమీపంలో బైక్‌ అదుపు తప్పి కింద పడ్డారు. ఈ ఘటనలో బైక్‌ నడుపుతున్న దుర్గాప్రసాద్‌ తీవ్ర గాయాలు కావడంతో అక్కడికక్కడే మృతి చెందాడు. తీవ్రంగా గాయపడిన నాగవంశీ ఆసుపత్రిలో చికిత్స పొందుతు న్నాడు. పోలీసులు కేసు దర్యాప్తు చేస్తున్నారు.

సాక్షి,సిటీబ్యూరో: రవాణాశాఖలో డీటీసీలు, జేటీసీలు గా పదోన్నతులు పొందిన అధికారులకు పోస్టింగ్‌లు ఇస్తూ ప్రభుత్వం శనివారం ఉత్తర్వులు జారీ చేసింది. ● జాయింట్‌ ట్రాన్స్‌ పోర్ట్‌ కమిషనర్లు గా పదోన్నతి పొందిన మామిండ్ల చంద్ర శేఖర్‌ గౌడ్‌ కు విజిలెన్స్‌, ఎన్‌ ఫోర్స్‌ మెంట్‌ ఐటీ జాయింట్‌ ట్రాన్‌న్స్‌ పోర్ట్‌ కమిషనర్‌గా, శివలింగయ్యకు అడ్మినిస్ట్రేషన్‌, ప్లానింగ్‌, జాయింట్‌ ట్రాన్‌న్స్‌పోర్ట్‌ కమిషనర్‌గా పోస్టింగ్‌లు ఇచ్చారు. ● డిప్యూటి ట్రాన్‌న్స్‌ పోర్ట్‌ కమిషనర్లులుగా పదోన్నతులు పొందిన రవీందర్‌ కుమార్‌ ను అదిలాబాద్‌ డీటీసీగా, ఎన్‌. వాణిని నల్గొండ డీటీసీగా, అఫ్రీన్‌ సిద్దిఖీని కమిషనర్‌ కార్యాలయంలో డీటీసీగా, కిషన్‌ను మహబూబ్‌ నగర్‌ డీటీసీగా , సదానందంకు రంగారెడ్డి డీటీసీగా పోస్టింగ్‌ ఇస్తూ ఉత్తర్వులు జారీ చేశారు. ఉత్తర్వులు జారీ చేసిన ప్రభుత్వం

అలాంటి భవనాలు సర్కిళ్ల వారీగా సర్కిల్‌ భవనాలు కాప్రా 7,853 ఉప్పల్‌ 5,483 హయత్‌నగర్‌ 6,773 ఎల్‌బీనగర్‌ 6,094 సరూర్‌నగర్‌ 6,893 మలక్‌పేట 6,572 సంతోష్‌నగర్‌ 3,022 చాంద్రాయణగుట్ట 2,451 చార్మినార్‌ 1,5313 ఫలక్‌నుమా 5,171 రాజేంద్రనగర్‌ 5,477 మెహిదీపట్నం 8,492 కార్వాన్‌ 4,625 గోషామహల్‌ 3,4137 ముషీరాబాద్‌ 6,675 అంబర్‌పేట 9,750 ఖైరతాబాద్‌ 1,4745 జూబ్లీహిల్స్‌ 9,815 యూసుఫ్‌గూడ 3,209 శేరిలింగంపల్లి 1,7055 చందానగర్‌ 7,437 ఆర్‌సీపురం, పటాన్‌చెరు 2,390 మూసాపేట్‌ 7,948 కూకట్‌పల్లి 7,349 కుత్బుల్లాపూర్‌ 6,653 గాజులరామారం 4,591 అల్వాల్‌ 4,903 మల్కాజిగిరి 5,549 సికింద్రాబాద్‌ 2,773 బేగంపేట 20,324సాక్షి, సిటీబ్యూరో: నెలాఖరు వస్తోందంటే చాలు జీహెచ్‌ఎంసీ అధికారుల గుండెల్లో రైళ్లు పరుగెడుతున్నాయి. సిబ్బంది జీతాల చెల్లింపుల కోసం అన్ని మార్గాలను అన్వేషిస్తున్నారు. త్వరలోనే డిసెంబర్‌ నెలతో పాటు సంవత్సరం కూడా ముగియ వస్తుండటంతో సకాలంలో జీతాలు చెల్లించేందుకు ఆదాయ మార్గాలపై దృష్టి సారించారు. ప్రస్తుతం కమిషనర్‌ ఇలంబర్తి కన్ను ట్రేడ్‌ లైసెన్సులపై పడింది. వాస్తవానికి డిసెంబర్‌ నెలాఖరులోగా ట్రేడ్‌ లైసెన్సుల ఫీజులు వసూలు కావాలి. కానీ, ఇప్పటి వరకు వాటి గురించి సంబంధిత అధికారులెవరూ పెద్దగా పట్టించుకోలేదు. లైసెన్సులు తీసుకోని వారిపై దృష్టి ట్రేడ్‌ లైసెన్సులున్నప్పటికీ ఫీజు చెల్లించని వారితోపాటు అసలు ట్రేడ్‌ లైసెన్సులే లేకుండా ఎన్నో వ్యాపారాలు నడుస్తుండటం తెలిసిందే. సాధారణంగా నివాస భవనాలకు అనుమతులు పొంది, వాటిని వ్యాపార కార్యకలాపాలకు వినియోగించేవారి గురించి తెలిసిందే. ఇది ఓవైపు పరిస్థితి కాగా.. మరోవైపు వాణిజ్య భవనానికే అనుమతి తీసుకున్నప్పటికీ, ట్రేడ్‌ లైసెన్సులు తీసుకోనివారు/ఫీజు చెల్లించని వారు భారీగానే ఉన్నట్లు గుర్తించారు. జీహెచ్‌ఎంసీ ఆస్తిపన్ను జాబితా మేరకు 3,17,033 వాణిజ్య భవనాలుండగా, వాటిలో కేవలం 1,09,702 భవనాల వారు మాత్రమే ట్రేడ్‌ లైసెన్సు ఫీజు చెల్లించారు. ఫీజు చెల్లించని వారితోపాటు ట్రేడ్‌ లైసెన్స్‌ నంబర్లు ఆస్తిపన్ను నంబర్‌ (పీటీఐఎన్‌)తో సరిపోలని భవనాలు కలిపి 2,49,522 ఉన్నట్లు గుర్తించారు. సదరు భవనాలను గుర్తించి ఈ నెలాఖరులోగా ట్రేడ్‌ లైసెన్స్‌ ఫీజు వసూలు చేయాల్సిందిగా కమిషనర్‌ ఇలంబర్తి సంబంధిత అధికారులకు ఆదేశాలు జారీ చేశారు. నిధుల కోసం బల్దియా చర్యలు ఆదాయ మార్గాలపై కమిషనర్‌ అన్వేషణ సిబ్బంది వేతనాల చెల్లింపులకు తంటాలు ఫీజులు వసూలు చేయాలని ఆదేశాలు

గన్‌ఫౌండ్రీ: ఎల్బీస్టేడియం వద్ద సెల్‌టవర్‌ ఎక్కి మాజీ హోంగార్డు హల్‌చల్‌ చేశాడు. రోడ్డున పడ్డ మాజీ హోంగార్డుల కుటుంబాలను ఆదుకోవాలని నినాదాలు చేశాడు. ఈ సందర్భంగా మాజీ హోంగార్డు వీరాంజనేయులు మాట్లాడుతూ తాము ఉమ్మడి ఆంధ్రప్రదేశ్‌లో విధులు నిర్వహించామని, తెలంగాణ ఉద్యమంలో పాల్గొన్నందుకు అప్పటి ప్రభుత్వం అన్యాయంగా 250 మంది హోంగార్డులను తొలగించిందన్నారు. తమను విధుల్లోకి తీసుకుంటామని మాజీ సీఎం కేసీఆర్‌, ప్రస్తుత ముఖ్యమంత్రి రేవంత్‌రెడ్డి హామీ ఇచ్చారని, ఇప్పటి వరకు హామీని నెరవేర్చకుండా మోసం చేశారని ఆవేదన వ్యక్తం చేశారు. తమకు న్యాయం చేయాలని ఎన్నో ఏళ్లుగా వేడుకుంటున్నా ఎవరూ పట్టించుకోనందునే ఈ నిరసన చేపట్టాల్సి వచ్చిందన్నారు. తమ సమస్యపై అసెంబ్లీలో చర్చించి తమను విధుల్లోకి తీసుకోవాలని డిమాండ్‌ చేశాడు. ఈ విషయం తెలియడంతో అక్కడికి చేరుకున్న పోలీసులు మాజీ హోంగార్డుల సమస్యలను సీఎం దృష్టికి తీసుకువెళ్తామని హామీ ఇవ్వడంతో అతను కిందకు దిగి వచ్చాడు. తొలగించిన 250 మంది హోంగార్డులను విధుల్లోకి తీసుకోవాలని డిమాండ్‌

బంజారాహిల్స్‌: నేరాల పరిశోధనలో పోలీసు విచారణ అధికారితో పాటు ఫోరెన్సిక్‌ నిపుణులు, పబ్లిక్‌ ప్రాసిక్యూటర్‌ సమన్వయంతో చేస్తే మంచి ఫలితాలు ఉంటాయని విజిలెన్స్‌ అండ్‌ ఎన్‌ఫోర్స్‌మెంట్‌ డీజీ కొత్తకోట శ్రీనివాస్‌రెడ్డి అన్నారు. శనివారం బంజారాహిల్స్‌లోని సుల్తాన్‌ ఉల్‌ ఉలూం లా కాలేజీ ఆధ్వర్యంలో ఇంటర్‌ కాలేజీ క్రైం సీన్‌ ఇన్వెస్టిగేషన్‌ కాంపిటీషన్‌ నిర్వహించారు. కార్యక్రమానికి ముఖ్య అతిథిగా హాజరైన ఆయన న్యాయ విద్యార్థులకు పలు సూచనలు, సలహాలు ఇచ్చారు. గతంలో పోలిస్తే క్రైం సీన్‌ దర్యాప్తు చేసే విషయంలో చాలా మార్పులు వచ్చాయని ఒకప్పుడు సరైన సాంకేతిక పరిజ్ఞానం ఉండేది కాదని కానీ ఇప్పుడు అత్యాధునిక పరికరాలు, టెక్నాలజీ అందుబాటులోకి వచ్చిందన్నారు. దీంతో నేరస్తులు తప్పించుకోవవడం సాధ్యం కావడం లేదన్నారు. క్రైం ఇన్వెస్టిగేషన్‌లో ఐవో, ఎఫ్‌ఎస్‌ఎల్‌, పీపీ విభాగాల అధికారులు సమన్వయంతో పని చేస్తే నేరస్తులకు శిక్ష పడటంతో పాటు బాధితులకు సత్వర న్యాయం జరుగుతుందని ఆయన పేర్కొన్నారు. న్యాయ విద్యార్థులు ఆలోచనా విధానాన్ని కూడా ఎప్పటికప్పుడు మార్చుకోవాలని ఎంతో ఓపిక ఉండాలని అప్పుడే గొప్ప న్యాయవాదులుగా మారతారన్నారు. ఈ సందర్భంగా తన కెరీర్‌లో కొన్ని కేసుల్లో ఇన్వెస్టిగేషన్‌ చేసిన తీరును విద్యార్థులతో కలిసి ఆయన పంచుకున్నారు. కార్యక్రమంలో మాజీ ఫోరెన్సిక్‌ డీడీ శారద అవదానం, నేషనల్‌ లా యూనివర్సిటీ ప్రొఫెసర్‌ నందిని, సుల్తాన్‌ ఉల్‌ ఉలూం ఎడ్యుకేషనల్‌ సొసైటీ గౌరవ కార్యదర్శి జాఫర్‌ జావెద్‌, లా కాలేజీ వైస్‌ ప్రిన్సిపాల్‌ ప్రొఫెసర్‌ గీతా, ఇబ్రహీం అలీ సిద్దిఖీ, అక్బర్‌ అలీ ఖాన్‌ తదితరులు పాల్గొన్నారు. విజిలెన్స్‌ అండ్‌ ఎన్‌ఫోర్స్‌మెంట్‌ డీజీ కె. శ్రీనివాస్‌రెడ్డి

సుల్తాన్‌బజార్‌: భాషా సాహిత్య సంస్కృతుల పరిరక్షణ, వికాసానికి కృషి చేస్తేనే అవి పరిపూర్ణంగా భావితరాలకు అందుతాయని వక్తలు అన్నారు. పద్మభూషణ్‌ డాక్టర్‌ కేఐ వరప్రసాద్‌ రెడ్డి నేతృత్వంలోని శాంతా వసంతా ట్రస్ట్‌ ఆధ్వర్యంలో శనివారం రాత్రి బొగ్గులకుంటలోని తెలంగాణ సారస్వత పరిషత్‌ ఆడిటోరియంలో జరిగిన కార్యక్రమంలో ప్రముఖ కవి సినీ గీత కర్త డాక్టర్‌ సుద్దాల అశోక్‌తేజకు డాక్టర్‌ వరప్రసాదరెడ్డి ఉత్తమ సాహితీవేత్త పురస్కారాన్ని, మనసు ఫౌండేషన్‌ నిర్వాహకులు డాక్టర్‌ మన్నం వెంకటరాయుడికి వెంకట రమణారెడ్డి సాహిత్య సేవారత్న పురస్కారాన్ని ప్రదానం చేశారు. ఈ సందర్భంగా పరిషత్‌ అధ్యక్షులు ఆచార్య ఎల్లూరి శివారెడ్డి మాట్లాడుతూ వరప్రసాదరెడ్డి ప్రపంచానికి ప్రాణాధారమైన ఔషధాన్ని అందించడమే కాకుండా సాంస్కృతి వైభవాన్ని పరిరక్షించేందుకు కృషి చేస్తున్నారన్నారు. డాక్టర్‌ కేవీ.రమణాచారి మాట్లాడుతూ వరప్రసాద్‌రెడ్డి తల్లిదండ్రులను స్మరించుకునేందుకు వారి పేరుతో సాహితీమూర్తులకు కళాకారులకు క్రమం తప్పకుండా పురస్కారాలు అందించి గౌరవించడం గొప్ప విషయమన్నారు. కార్యక్రమంలో పరిషత్‌ ప్రధాన కార్యదర్శి డాక్టర్‌ జె.చెన్నయ్య, శాంతా వసంత ట్రస్ట్‌ కార్యదర్శి నవీన్‌, సాహితీ ప్రియులు పాల్గొన్నారు.

పటాన్‌చెరు టౌన్‌: నూతన సంవత్సర వేడుకల కోసం రాష్ట్ర రాజధాని హైదరాబాద్‌లో డ్రగ్స్‌ విక్రయించేందుకు ప్రయత్నిస్తున్న అంతర్రాష్ట్ర డ్రగ్స్‌ ముఠాను పోలీసులు అదుపులోకి తీసుకున్నారు. వారి నుంచి రూ.కోటి విలువైన 1000 గ్రాముల ఎండీఎంఏ డ్రగ్స్‌ను స్వాధీనం చేసుకున్నారు. ఈ మేరకు జిల్లా ఎస్పీ రూపేశ్‌ నార్కోటిక్స్‌ బ్యూరో ఎస్పీ చైతన్యతో కలిసి శనివారం పటాన్‌చెరు పోలీస్‌స్టేషన్‌లో ఏర్పాటు చేసిన విలేకరుల సమావేశంలో వివరాలు వెల్లడించారు. నార్కోటిక్స్‌ బ్యూరోకు అందిన సమాచారం మేరకు స్థానిక పోలీసులతో కలిసి శుక్రవారం సాయంత్రం పటాన్‌చెరు మండల పరిధిలోని ఇస్నాపూర్‌ జాతీయ రహదారి సమీపంలో తనిఖీలు నిర్వహిస్తుండగా ఇద్దరు వ్యక్తులు అనుమానాస్పదంగా సంచరిస్తుండగా..అదుపులోకి తీసుకుని విచారించారు. ముంబైకి చెందిన అబ్దుల్‌ హమీద్‌ షేక్‌, ముఖేష్‌ దూబే అనే ఇద్దరు వ్యక్తులు నూతన సంవత్సర వేడుకల కోసం హైదరాబాద్‌కు చెందిన షేక్‌ అమీర్‌కు అప్పగించేందుకు వెయ్యి గ్రాముల మాదకద్రవ్యాలు తీసుకుని వచ్చినట్లు తెలిపారు. వీరిద్దరూ ఢిల్లీలో ఉంటున్న జెమ్మీ, జిన్నీ అనే నైజీరియన్ల వద్ద వీటిని కొనుగోలు చేసినట్లు విచారణలో వెల్లడైందన్నారు. ఢిల్లీలో గ్రాము రూ. వెయ్యి చొప్పున కొనుగోలు చేసి.. హైదరాబాద్‌లో రూ.4 వేల నుంచి 5 వేలకు విక్రయిస్తున్నారని తెలిపారు. వీరితోపాటు ముంబైకి చెందిన రాయిస్‌ఖాన్‌ అనే వ్యక్తి సైతం నిషేధిత డ్రగ్స్‌ విక్రయిస్తున్నట్లు నిందితుల విచారణలో వెల్లడైందన్నారు. కొనుగోలు దారులను సైతం గుర్తించామని త్వరలోనే వారిని అదుపులోకి తీసుకుంటామన్నారు. నిందితుల నుంచి రూ.కోటి విలువైన ఎండీఎం, నాలుగు మొబైల్‌ ఫోన్లు, స్వాధీనం చేసుకున్నట్లు చెప్పారు. నిందితులను ఎన్‌డీపీఎస్‌ చట్టం కింద అరెస్ట్‌ చేసి రిమాండ్‌కు తరలించారు. ఢిల్లీలో వీరికి డ్రగ్స్‌ విక్రయించిన జెర్రీ,జిమ్మీ, రైస్‌ రియాజ్‌ ఖాన్‌ పరారీలో ఉన్నట్లు తెలిపారు. ఎవరైనా డ్రగ్స్‌ తయారు, రవాణా, విక్రయిస్తున్నట్లు సమాచారం తెలిస్తే వెంటనే జిల్లా నార్కోటిక్‌ బ్యూరో (87126 56777) నంబర్‌కు సమాచారం అందించాలని ఎస్పీ కోరారు. సమావేశంలో డీఎస్పీలు శ్రీధర్‌, రవీందర్‌ రెడ్డి, సీతారాం, పటాన్‌చెరు సీఐలు వినాయక్‌రెడ్డి, రమేశ్‌రెడ్డి, రాజు తదితరులు పాల్గొన్నారు. రూ.కోటి విలువైన మత్తుపదార్థాల పట్టివేత నూతన సంవత్సర వేడుకల కోసం హైదరాబాద్‌లో విక్రయించేందుకు యత్నం పోలీసుల అదుపులో ఇద్దరు నిందితులు వివరాలు వెల్లడించిన ఎస్పీ రూపేశ్‌

సాక్షి, సిటీబ్యూరో: నగరంలో కొద్ది రోజులుగా చలి తీవ్రత తగ్గింది. గత ఏడాది ఇదే సమయానికి చలితో ప్రజలు వణికిపోయారు. కానీ ఈ ఏడాది మాత్రం పరిస్థితులు అందుకు భిన్నంగా ఉన్నాయి. మధ్యాహ్న సమయంలో ఉష్ణోగ్రతలు పెరగడంతో ఉక్కపోతతో ప్రజలు ఇబ్బంది పడుతున్నారు. చలికాలంలో ఇదెక్కడి చోద్యం అంటూ విస్తుపోతున్నారు. ఈ నెల చివరి వరకు పరిస్థితులు ఇలాగే ఉంటాయని వాతావరణ శాఖ నిపుణులు చెబుతున్నారు. కారణాలేంటి..? బంగాళాఖాతంలో ఏర్పడిన తీవ్ర అల్పపీడనం కారణంగా ఒడిశాలో భారీ వర్షాలు కురుస్తున్నాయి. తమిళనాడు, ఏపీల్లోనూ గత వారంలో వర్షాలు కురిశాయి. ఈ వర్షాల కారణంగా అక్కడి నుంచి తేమ గాలులు తెలంగాణ రాష్ట్రంలోకి ప్రవేశించాయి. సాధారణంగా పొడిగాలులతో చలి తీవ్రత పెరుగుతుంది. కానీ తేమ గాలులతో ఉష్ణోగ్రతలు పెరిగి, చలి తీవ్రత తగ్గిపోతుందని నిపుణులు చెబుతున్నారు. మరో వారం రోజుల పాటు వాతావరణం ఇలాగే ఉంటుందన్నారు. ఆ తర్వాత తేమ తగ్గితే ఉష్ణోగ్రతలు తగ్గి, చలి తీవ్రత పెరిగే అవకాశం ఉందంటున్నారు. కొద్ది రోజులుగా తగ్గిన చలి ప్రభావం బంగాళాఖాతంలో అల్పపీడనమే కారణం ఈ నెల చివరి వరకూ ఇదే పరిస్థితి సర్వసాధారణమే.. పశ్చిమ పసిఫిక్‌ మహా సముద్రం నుంచి వచ్చిన గాలుల కారణంగా ఈ పరిస్థితి ఏర్పడింది. చలికాలం ప్రారంభంలో చలి తీవ్రత ఎక్కువగా ఉంటుంది. మళ్లీ కొద్దిరోజుల పాటు చలి తీవ్రత తగ్గుతుంది. ఏటా ఇలాంటి పరిస్థితులు ఉంటాయి. కాకపోతే పది రోజులు కొంచెం అటు ఇటుగా మారుతూ ఉంటాయి. ఇది సర్వసాధారణమైన విషయం. – బాలాజీ, తెలంగాణ వెదర్‌మ్యాన్‌

గవర్నర్‌ జిష్ణుదేవ్‌ వర్మ రాంగోపాల్‌పేట్‌: దేశ ఆర్థిక వ్యవస్థ అభివృద్ధి చెందడంలో విద్య కీలక పాత్ర పోషిస్తుందని గవర్నర్‌ జిష్ణుదేవ్‌ వర్మ అన్నారు. గురువారం సికింద్రాబాద్‌లోని సెయింట్‌ మేరీస్‌ సెంటినరీ కాలేజ్‌ ఆఫ్‌ మేనేజ్‌మెంట్‌ ఆధ్వర్యంలో రెండు రోజుల పాటు నిర్వహించనున్న జాతీయ స్థాయి మేనేజ్‌మెంట్‌ ఎంప్రెసా–24ను ఆయన ప్రారంభించి మాట్లాడారు. ఉన్నత విద్యాధికులతో పాటు మేధోశక్తి పెరిగితే ఆ దేశం అభివృద్ధి పథంలో ముందుకు వెళ్తుందన్నారు. దేశంలో భిన్న మతాలు, ప్రాంతాలు, భాషలు ఉన్నా మనమంతా భారతదేశ పౌరులమేనన్నారు. కార్యక్రమంలో హైదరాబాద్‌ ఆర్చ్‌ బిషప్‌, కార్డినల్‌ పూల ఆంథోని, కళాశాల డైరెక్టర్‌ డాక్టర్‌ పి.ఆంథోని వినయ్‌, ప్రిన్సిపాల్‌ డాక్టర్‌ ప్రవీణ్‌, ఉస్మానియా యూనివర్సిటీ మేనేజ్‌మెంట్‌ కళాశాల డీన్‌ ప్రొఫెసర్‌ శ్రీరాములు, విద్యాసాగర్‌, మిన్నీ మ్యాథ్యూ, చేతన్‌ శ్రీవాత్సవ్‌, కున్నుంకల్‌ తదితరులు పాల్గొన్నారు.

రాయదుర్గం: మిల్లెట్ల వినియోగం, ప్రచారం మరింత పెరగాల్సిన అవసరం ఉందని హైదరాబాద్‌లోని బ్రిటిష్‌ డిప్యూటీ హైకమిషనర్‌ గారెత్‌ విన్‌ ఓవెన్‌ పేర్కొన్నారు. నాలెడ్జి సిటీలోని ఐకియా ప్రాంగణంలో గురువారం తెలంగాణ రాష్ట్ర ట్రైబల్‌ వెల్ఫేర్‌ డిపార్ట్‌మెంట్‌, బైసీ(బీఐఎస్‌వై) గ్రూప్‌, ఐకియా ఆధ్వర్యంలో మిల్లెట్ల వినియోగం, అవగాహన, గిరిజన సంఘం ప్రతినిధులతో నిర్వహించిన కార్యక్రమంలో ఆయన మాట్లాడారు. మినుములను, ఇతర మిల్లెట్లను తప్పనిసరిగా తినాలని ఆయన సూచించారు. వీటి వినియోగం పెరిగేలా చేయడానికి విస్త్రృత స్థాయిలో ప్రచారం చేయాల్సిన అవసరం ఉందన్నారు. తెలంగాణ ప్రభుత్వ ప్రధాన గిరిజన క్యూరేటర్‌ సత్యనారాయణ మాట్లాడుతూ.. కొన్ని వందల ఏళ్ల క్రితం గిరిజనులు మినుములు, జొన్నలు తినేవారని గుర్తు చేశారు. కార్యక్రమంలో మిల్లెట్‌ మ్యాన్‌ రాంబాబు, బైసీ గ్రూప్‌ వ్యవస్థాపకుడు నవీన్‌ మేడిశెట్టి పాల్గొన్నారు.

కొత్త భవనాలతో మరింత బాధ్యత సీఎం రేవంత్‌ రెడ్డి, వైద్య ఆరోగ్య శాఖ మంత్రి దామోదర రాజనర్సింహ చొరవతో నిర్మాణ పనులు చురుగ్గా జరుగుతున్నాయి. నూతన భవనాలు, అత్యాధునిక వసతుల కల్పనతో రోగుల్లో నమ్మకం పెరిగింది. ప్రస్తుత పడకలకు అదనంగా మరో 2 వేల పడకల భవనాల నిర్మాణ పనులు జరుగుతున్నాయి. దీంతో నిమ్స్‌లో పడకల సంఖ్య సుమారు 4 వేలకు చేరనుంది. కొత్త భవనాలతో మాపై బాధ్యత మరింత పెరుగుతుంది. పేదలకు మరింత మెరుగైన సేవలు అందించేందుకు కృషి చేస్తాం. 4 వేల పడకలతో దేశంలోనే అతిపెద్ద హాస్పిటళ్ల జాబితాలో నిమ్స్‌ చేరనుంది. – ప్రొ.నగరి బీరప్ప, నిమ్స్‌ డైరెక్టర్‌ లక్డీకాపూల్‌: నిజామ్స్‌ వైద్య విజ్ఞాన సంస్థ (నిమ్స్‌) విస్తరణ పనులు చురుగ్గా కొనసాగుతున్నాయి. ఆర్‌అండ్‌బీ శాఖ ఆధ్వర్యంలో రూ.1,678 కోట్ల వ్యయంతో 32.16 ఎకరాల విస్తీర్ణంలో నిర్మాణాలు చేపట్టారు. ప్రస్తుతం నిమ్స్‌లో అకడమిక్స్‌, ఇన్వెస్టిగేషన్‌, రీసెర్చ్‌తో పాటు 30కి పైగా విభాగాలు ఉన్నాయి. గుండె, మూత్రపిండాలు, మెదడు, కాలేయం, కేన్సర్‌, అత్యవసర విభాగం, ట్రామా, ఆర్థోపెడిక్‌ తదితర 42 విభాగాలకు సంబంధించి నూతన భవనాలు సమకూర్చనున్నారు. నూతన భవనాలు అందుబాటులోకి వస్తే స్పెషాలిటీ, సూపర్‌ స్పెషాలిటీ విభాగాల్లో పీజీ సీట్లు పెరుగుతాయి. ఆయా స్పెషాలిటీ విభాగాల్లో నర్సింగ్‌ సేవల్లోనూ ప్రత్యేక శిక్షణ పొందుతారు. ఇప్పటికే నిమ్స్‌లో ౖకార్డియాలజీ, నెఫ్రాలజీ, న్యూరాలజీ, న్యూరో సర్జరీ, సర్జికల్‌ గ్యాస్ట్రోఎంటరాలజీ, మెడికల్‌ గ్యాస్ట్రోఎంటరాలజీ, కార్డియో థొరాసిక్‌ సర్జరీ, వాస్కులర్‌ సర్జరీ, యూరాలజీ, రుమటాలజీ, క్రిటికల్‌ కేర్‌, డయాగ్నొస్టిక్‌ వంటి విభాగాలు ఉన్నాయి. ఆంకాలజీ విభాగంలో మెడికల్‌, సర్జికల్‌, రేడియేషన్‌ ఆంకాలజీ, క్యాథ్‌ ల్యాబ్‌, డయాలసిస్‌ సేవలు అందుబాటులో ఉన్నాయి. ఇక వైద్య విద్య విషయానికి వస్తే.. 14 స్పెషాలిటీ విభాగాలతో పాటు 23 సూపర్‌ స్పెషాలిటీల్లో పీజీ కోర్సులు అందుబాటులో ఉన్నాయి. సూపర్‌ స్పెషాలిటీలలో నర్సింగ్‌, పారా మెడికల్‌, అల్లైడ్‌ హెల్త్‌ సైన్సెస్‌కు సంబంధించిన సంస్థలు కొనసాగుతున్నాయి. 4 బ్లాక్‌ల్లో కొత్త భవనాలు.. బిల్టప్‌ ఏరియా 23,96,542.34 చ.అ. విస్తీరణంలో 4 బ్లాక్‌లను నిర్మించనున్నారు. 8 అంతస్తుల బ్లాక్‌–ఏలో అవుట్‌ పేషెంట్‌ విభాగం (ఓపీడీ), 13 అంతస్తుల బీ–బ్లాక్‌లో ఇన్‌పేషెంట్‌ విభాగం, 8 అంతస్తుల సీ–బ్లాక్‌లో ఎమర్జెన్సీ విభాగం, 14 అంతస్తుల బ్లాక్‌–డీలో ఐపీడీ విభాగాలు ఏర్పాటు కానున్నాయి. మొత్తంగా 2 వేల ఆక్సిజన్‌ పడకలతో పాటు 120 ఓపీడీ చాంబర్లు, 500 ఐసీయూ పడకలు, 300 పేయింగ్‌ రూమ్‌లతో పాటు 38 మాడ్యులర్‌ థియేటర్లు అందుబాటులోకి రానున్నాయి. ఏ బ్లాక్‌, బీ బ్లాక్‌ భవన సదుపాయాలు మొదటి అంతస్తుల స్లాబ్‌ నిర్మాణం పురోగతిలో ఉంది. సీ బ్లాక్‌ భవనం నిర్మాణ పనులలో తవ్వకం పనులు పూర్తయ్యాయి. భూగర్భ డ్రైనేజీ, నీటి లైన్లను నిర్మించారు. బ్లాక్‌ డిలో నాలుగు అంతస్తుల స్లాబ్‌ నిర్మాణం పూర్తయింది. సర్వీస్‌ బ్లాక్‌కు సంబంధించి కూడా తవ్వకం పనులు పురోగతిలో ఉన్నాయి. సెక్టార్‌– 3లో టీజీఎంఎస్‌ఐడీసీ ఆధ్వర్యంలో ఎన్‌హెచ్‌ఎం నిధుల కింద 200 పడకల ఎంసీహెచ్‌ ఆస్పత్రి భవన సదుపాయా నిర్మాణ పనులు కొనసాగుతున్నాయి. సెక్టార్‌–4లో ఆలయం, మసీదు, పాఠశాలలు వంటి నిర్మాణాల పునరావాస చర్యలు సాగుతున్నాయి. ఇందులో ఆలయ నిర్మాణం ఇప్పటికే 50 శాతం మేరకు పూర్తయింది. పాఠశాల భవన నిర్మాణ పనులు కూడా మొదలయ్యాయి. సెక్టార్‌–5లో నిమ్స్‌ కోసం ఆడిటోరియాన్ని నిర్మించనున్నారు. రూ.1,678 కోట్ల వ్యయంతో విస్తరణ చురుగ్గా కొనసాగుతున్న పనులు 32.16 ఎకరాల్లో 4 బ్లాక్‌ల నిర్మాణం 2,000 పడకలు.. 500 ఐసీయూ బెడ్లు 300 పేయింగ్‌ గదులు 38 మాడ్యులర్‌ థియేటర్లు రోగులకు మరింత మెరుగైన వైద్యం

ఎకై ్సజ్‌ ఎన్‌ఫోర్స్‌మెంట్‌ డైరెక్టర్‌ కమలాసన్‌రెడ్డి సాక్షి, సిటీబ్యూరో: న్యూ ఇయర్‌ వేడుకల్లో నాన్‌ డ్యూటీ పెయిడ్‌ లిక్కర్‌, డ్రగ్స్‌, గంజాయిపై నిఘా పెట్టాలని సంబంధిత శాఖ అధికారులకు ఎకై ్సజ్‌ ఎన్‌ఫోర్స్‌మెంట్‌ డైరెక్టర్‌ కమలాసన్‌రెడ్డి సూచించారు. గురువారం ఆబ్కారీ భవన్‌లో రంగారెడ్డి, హైదరాబాద్‌ ఎకై ్సజ్‌, ఎస్‌టీఎఫ్‌ బృందాలతో నిర్వహించిన సమీక్ష సమావేశంలో ఆయన మాట్లాడారు. జనవరి మొదటి వారం వరకు ఆయా అధికారులకు సెలవులను రద్దు చేస్తున్నట్లు ప్రకటించారు. అనివార్యమైతే తప్ప ఎవరూ సెలవులు పెట్టొద్దని సూచించారు. ఎన్‌డీపీఎల్‌ మద్యం రాకుండా చూడాలని, ఈవెంట్‌ మేనేజర్ల కదలికలపై దృష్టి పెట్టాలని, నానక్‌రాంగూడ, సింగరేణి కాలనీ, ఎల్బీనగర్‌, కర్మన్‌ఘాట్‌, గోల్కొండ, పుప్పాల్‌గూడ, మణికొండ, రామకృష్ణ కాలనీలపై ప్రత్యేక నిఘాను ఏర్పాటు చేయాలని చెప్పారు. సమావేశంలో జాయింట్‌ కమిషనర్లు ఖురేషీ, కేఏబీ శాస్త్రి, డిప్యూటీ కమిషనర్‌ పి.దశరథ్‌, అడిషనల్‌ ఎస్పీ భాస్కర్‌, అసిస్టెంట్‌ కమిషనర్లు ఆర్‌.కిషన్‌, అనిల్‌కుమార్‌రెడ్డి, ప్రణవి పాల్గొన్నారు.

23న స్టాండింగ్‌ కమిటీ సమావేశం సాక్షి, సిటీబ్యూరో: గత నెల 30న జరిగిన జీహెచ్‌ఎంసీ స్టాండింగ్‌ కమిటీ సమావేశంలో రాబోయే ఆర్థిక సంవత్సరానికి (2025–26) సంబంధించి ప్రవేశపెట్టిన రూ.8,340 కోట్ల ముసాయిదా బడ్జెట్‌పై సభ్యులు ఆగ్రహావేశాలు వ్యక్తం చేయడంతో దాన్ని సవరించారు. సవరించిన బడ్జెట్‌ను ఈ నెల 23వ తేదీన నిర్వహించనున్న ప్రత్యేక స్టాండింగ్‌ కమిటీ సమావేశం ముందుంచనున్నారు. గత సమావేశం ముందుంచిన బడ్జెట్‌లో ఆస్తిపన్ను, టౌన్‌ప్లానింగ్‌, ట్రేడ్‌లైసెన్స్‌, అడ్వర్టయిజ్‌మెంట్‌ ఫీజులు, తదితరాలను తక్కువగా చూపారని సభ్యులు మండిపడటంతో వాటిని సవరించడంతో పాటు ఇతరత్రా మార్పుచేర్పులతో బడ్జెట్‌ను సవరించారు. పరిశీలించేందుకు తమకు తగిన సమయమివ్వలేదని సభ్యులు మండిపడటంతో గురువారమే సమాచారం నిమిత్తం సదరు బడ్జెట్‌ ప్రతులను స్టాండింగ్‌ కమిటీ సభ్యులకు పంపించారు. అనంతరం అజెండాలో మార్పులున్నట్లు సంబంధిత యంత్రాంగం సమాచారం పంపినట్లు తెలిసింది. విశ్వసనీయ సమాచారం మేరకు సవరించిన ముసాయిదా బడ్జెట్‌లోని మార్పుల్లో ముఖ్యాంశాలు ఇలా ఉన్నాయి. అంశాల వారీగా పెంచిన నిధులు .. (రూ.కోట్లలో)అంశం ముసాయిదా సవరణ ఆస్తిపన్ను 2005.81 2029.81 టౌన్‌ప్లానింగ్‌ 1037.41 1201.15 ట్రేడ్‌ లైసెన్స్‌ 92.00 112.00 ప్రకటనల ఫీజులు 20.45 60.70 ఇవిలా ఉండగా, ముసాయిదాలోని రెవెన్యూ ఆదాయాన్ని రూ.4,205 కోట్ల నుంచి రూ.4,445 కోట్లకు పెంచుతూ సవరించారు.

కవాడిగూడ: హైదరాబాద్‌ 37 వ జాతీయ పుస్తక ప్రదర్శన గురువారం ఎన్టీఆర్‌ స్టేడియంలో ప్రారంభమైంది. ముఖ్యమంత్రి రేవంత్‌రెడ్డి, మంత్రులు జూపల్లి కృష్ణారావు, పొన్నం ప్రభాకర్‌, ఎమ్మెల్సీ కోదండరాం తదితరులు ప్రారంభోత్సవంలో పాల్గొన్నారు. ఈ నెల 29 వరకు కొనసాగనున్న పుస్తక ప్రదర్శనలో జాతీయ, అంతర్జాతీయ పుస్తక ప్రచురణ సంస్థలు స్టాళ్లను ఏర్పాటు చేశాయి. మొత్తం 350 స్టాళ్లు కొలువుదీరాయి. ప్రతి రోజూ మధ్యాహ్నం 12 నుంచి రాత్రి 9 గంటల వరకు ప్రదర్శన కొనసాగనుంది. మొదటి రోజే పుస్తక ప్రియులతో సందడి నెలకొంది. తెలంగాణ పబ్లిషర్స్‌. విశాలాంధ్ర, నవోదయ, ఎమెస్కో, మంచి పుస్తకం, మిళింద్‌ పబ్లిషర్స్‌, అన్వీక్షికి, నవ తెలంగాణ, జైభారత్‌, రాయలసీమ ఆధ్యాత్మిక వేదిక, బుద్ధం, మానవహక్కుల వేదిక, వీక్షణం, అరుణతార, విరసం తదితర పుస్తక ప్రచురణ సంస్థలు స్టాళ్లను ఏర్పాటు చేశాయి. బుక్‌ఫెయిర్‌లో సాంస్కృతిక ప్రదర్శనలు అలరించాయి. తెలంగాణ బుక్‌ స్టాల్‌ ను గ్రంథాలయ పరిషత్‌ చైర్మన్‌ డాక్టర్‌ రియాజ్‌, టీ– శాట్‌ సీఈఓ బోధనపల్లి వేణుగోపాల్‌ రెడ్డిలు ప్రారంభించారు. ఈ సందర్భంగా ‘భారతీయతకు భాష్యం సీతారాం ఏచూరి’ పుస్తకాన్ని పబ్లికేషన్స్‌ నిర్వాహకులు కోయ చంద్రమోహన్‌ వీరికి బహూకరించారు. హైదరాబాద్‌ బుక్‌ఫెయిర్‌ ప్రారంభం తొలిరోజే భారీ సంఖ్యలో సందర్శకులు

సాక్షి, సిటీబ్యూరో: సృజనాత్మకత కొత్త పుంతలు తొక్కుతుండటంతో సరికొత్త ఆవిష్కరణలు వెల్లువెత్తుతున్నాయి. ఆ కోవలోకి వచ్చేదే రోబోటిక్‌ క్యాప్సుల్‌ ఎండోస్కోపీ టెక్నాలజీ. జీర్ణకోశ సమస్యలతో బాధపడే వారికి సులువుగా వ్యాధి నిర్ధారించేందుకు ఈ సరికొత్త సాంకేతికత మన భాగ్యనగరంలో అందుబాటులోకి వచ్చింది. దీని పేరే పిల్‌బోట్‌ రోబో.. దీన్ని గురువారం గచ్చిబౌలిలోని ఏఐజీ ఆస్పత్రిలో ఆవిష్కరించారు. కృత్రిమ మేధ సాంకేతికత సాయంతో పనిచేసే ఈ పిల్‌బోట్‌.. సంప్రదాయ ఎండోస్కోపీలతో పోలిస్తే ఎన్నో రెట్లు కచ్చితత్వంతో పని చేస్తుందని వైద్యులు తెలిపారు. ఈ సాంకేతికతను ఏఐజీ ఆస్పత్రి భారత్‌లోనే తొలిసారిగా అందుబాటులోకి తెచ్చింది. అలా మింగేస్తే చాలు.. చిన్నపాటి ట్యాబ్లెట్‌ పరిమాణంలో ఉండే ఈ పిల్‌బోట్‌ను నోటి ద్వారా మింగితే చాలు అది కడుపులోకి వెళ్లి.. జీర్ణవ్యవస్థను పూర్తిగా పరిశీలిస్తుంది. ఇందులోని కెమెరా వ్యవస్థ హై రిజల్యూషనల్‌ చిత్రాలను మనకు పంపిస్తుంది. వైద్యులకు జీర్ణాశయంలోని పరిస్థితి క్షుణ్నంగా అర్థం చేసుకునేందుకు దోహదపడుతుంది. వ్యాధి నిర్ధారణ చేసేందుకు ఇది సమర్థంగా పని చేస్తుంది. అయితే.. పిల్‌బోట్‌ ఇంకా క్లినికల్‌ ట్రయల్స్‌ దశలోనే ఉందని, ఇంకా ఎఫ్‌డీఏ ఆమోదం పొందలేదని ఎండియాక్స్‌ ప్రతినిధి వెల్లడించారు. కార్యక్రమంలో మయో క్లినిక్‌కు చెందిన ప్రముఖ గ్యాస్ట్రో ఎంటరాలజిస్ట్‌ డాక్టర్‌ వివేక్‌ కుంభారి, ఎండియాక్స్‌ సహ వ్యవస్థాపకుడు డాక్టర్‌ అలెక్స్‌ ల్యూబ్కే, ఏఐజీ హాస్పిటల్స్‌ చైర్మన్‌ డాక్టర్‌ డి.నాగేశ్వర్‌రెడ్డి తదితరులు పాల్గొన్నారు. అందుబాటులోకి పిల్‌బోట్‌ రోబో ఏఐజీ ఆస్పత్రిలో ఆవిష్కరణ

అనేక అపార్ట్‌మెంట్లలో నిబంధనల ఉల్లంఘన సాక్షి, సిటీబ్యూరో/మణికొండ: ‘హైడ్రా–2.0’ తన పంథాను పూర్తిగా మార్చుకుంది. కూల్చివేతల విషయంలో సామాన్యులకు ఇబ్బందులు రాకుండా ఆచితూచి అడుగులు వేస్తోంది. కేవలం చెరువులు, నాలాలు, పార్కులు, ప్రభుత్వ స్థలాలే కాదు.. నిబంధనల విరుద్ధంగా గృహావసరాలకు అనుమతులు తీసుకుని, వాణిజ్య అవసరాలకు వినియోగిస్తున్న నిర్మాణాలపైనా చర్యలు తీసుకుంటోంది. మణికొండ పరిధిలోని అల్కాపురి టౌన్‌షిప్‌లో ఉన్న అనుహర్‌ మార్నింగ్‌ రాగా అపార్ట్‌మెంట్‌తో దీన్ని ప్రారంభించింది. ఓ ఫిర్యాదు ఆధారంగా ముందుకు వెళ్లిన హైడ్రా, స్థానిక అధికారులు దాని గ్రౌండ్‌ ఫ్లోర్‌లోని వ్యాపార సముదాయాలను గురువారం కూల్చేసింది. ట్రాఫిక్‌ ఇబ్బందులకు కారణమవుతూ.. నగరంలోని ఎన్నో నిర్మాణాలు నిబంధనలను ఉల్లంఘిస్తున్నాయి. పార్కింగ్‌తో పాటు ఇతర అవసరాల కోసం కేటాయిస్తూ అనుమతి తీసుకున్న, కేటాయించాల్సిన ప్రాంతాన్ని వాణిజ్య అవసరాలకు వాడేస్తున్నారు. దీంతో అటు నివాసితులకు, ఇటు ఆ మార్గంలో ప్రయాణించే వారికి ఇక్కట్లు తప్పట్లేదు. నివాసితుల వద్దకు వచ్చే విజిటర్స్‌తో పాటు ఆయా వాణిజ్య, వ్యాపార సంస్థలకు వచ్చే వినియోగదారులు తమ వాహనాలను రహదారిపై పార్క్‌ చేసుకుంటున్నారు. ఇది తీవ్రమైన ట్రాఫిక్‌ ఇబ్బందులకు కారణం అవుతోంది. అపార్ట్‌మెంట్‌ వాసుల ఫిర్యాదులతో.. అనుహర్‌ మార్నింగ్‌ రాగా అపార్ట్‌మెంట్‌ గ్రౌండ్‌ ఫ్లోర్‌లో రెసిడెన్షియల్‌కు అనుమతి తీసుకుని, వ్యాపార సముదాయాలుగా మారుస్తున్నారంటూ 38 ఫ్లాట్ల నివాసితులు అధికారులకు ఫిర్యాదు చేశారు. మూడేళ్ల క్రితం నార్సింగి పోలీసు స్టేషన్‌లోనూ ఫిర్యాదు చేశామని చెప్పారు. దీని ఆధారంగా హైడ్రా కమిషనర్‌ ఏవీ రంగనాథ్‌ స్థానిక మున్సిపల్‌ అధికారులతో కలిసి రెండు వారాల క్రితం క్షేత్రస్థాయి పరిశీలించారు. వివిధ అభ్యంతరాల నేపథ్యంలో హైడ్రా కార్యాలయంలో ఇరుపక్షాల వారిని సమావేశపరచడంతో పాటు అపార్టుమెంట్‌ నిర్మాణ అనుమతులకు సంబంధించిన పత్రాలను పరిశీలించారు. దీంతో రెసిడెన్షియల్‌ అనుమతి పొందిన భవనంలో కమర్షియల్‌ నిర్మాణాలు చేపడుతున్నట్లు తే లింది. ఎలివేషన్‌ కారిడార్లను మూసి ఓ బ్యాంక్‌నకు అవసరమైన స్ట్రాంగ్‌ రూం నిర్మాణం చేయడంతో అపార్ట్‌మెంట్‌కు పగుళ్లు కూడా వచ్చినట్లు గుర్తించారు. వాహనాల బ్యాటరీ చార్జింగ్‌ పాయింట్ల ప్రమాదాల నేపథ్యంలో నివాసితుల ఆందోళన వ్యక్తం చేశారు. దీనిపై అనుహర్‌ మార్నింగ్‌ రాగా అపార్టుమెంట్‌ నిర్మాణ యజమాని హర్షవర్ధన్‌ రెడ్డికి సంబంధిత విభాగాలు నోటీసులు జారీ చేసినా స్పందించలేదు. షోకాజ్‌ తర్వాత డిమాలిషన్‌ నోటీసులు.. మణికొండ మున్సిపల్‌ కమిషనర్‌ నోటీసులకు హర్షవర్ధన్‌రెడ్డి స్పందించకపోవడంతో అధికారులు షోకాజ్‌ నోటీసులు జారీ చేశారు. ఆపై డిమాలిషన్‌ నోటీసులు ఇస్తూ అవసరమైన సమయం ఇచ్చినా స్పందన లేకపోవడంతో హైడ్రా సమక్షంలో స్థానిక అధికారులు గురువారం కూల్చివేతలు చేపట్టారు. జీహెచ్‌ఎంసీ మినహా ఔటర్‌ రింగురోడ్డు పరిధిలోని అన్ని మున్సిపాలిటీలలో తెలంగాణ మున్సిపాలిటీస్‌ యాక్ట్‌ 2019 సెక్షన్‌ 178 (2) ప్రకారం హైడ్రాకు సమకూరిన అధికారాల ఆధారంగా కమిషనర్‌ కూల్చివేతలకు ఆదేశాలు జారీ చేశారు. అనుమతి లేని వ్యాపార సముదాయాలను క్షేత్రస్థాయిలో పరిశీలించి వాటిని తొలగిస్తామని అధికారులు స్పష్టం చేస్తున్నారు. ఈ విషయంలో చిరు వ్యాపారులు ఆందోళన చెందాల్సిన అవసరం లేదని, ట్రాఫిక్‌, స్థానికులకు ఇబ్బందులు లేకుండా వ్యాపారాలు చేసుకోవాలని సూచించారు. అల్కాపురిలో కూల్చివేతలు గృహావసరాలకు వాడాల్సిన భవనాలు వాణిజ్యానికి.. ఫిర్యాదుల ఆధారంగా విచారణ చేస్తున్న హైడ్రా మణికొండ అల్కాపురిలో షటర్ల కూల్చివేతమిగతా వాటికీ వర్తింపజేయాలి.. అనుహర్‌ మార్నింగ్‌ రాగా అపార్ట్‌మెంట్‌ కింద ఉన్న 14 షటర్లను అధికారులు గురువారం తొలగించారు. మున్సిపాలిటీకి కమర్షియల్‌ పన్నులు చెల్లిస్తున్న షటర్‌లను తాము కొనుగోలు చేసి వ్యాపారాలు చేస్తున్నామని వ్యాపారులు చెబుతున్నారు. అవి కూల్చేయడం ఎంత వరకు సబబు అంటూ కూల్చివేతలను అడ్డుకునే ప్రయత్నం చేశారు. ఇలాంటి నిర్మాణాలను మొదట్లోనే అడ్డుకోవాల్సిన అధికారులు కాలయాపన చేశారని, వారిపైనా చర్యలు తీసుకోవాలని డిమాండ్‌ చేశారు. మణికొండ మున్సిపాలిటీ పరిధిలో నివాసిత అనుమతులతో వందలాది భవనాలలో వ్యాపార సంస్థలు ఏర్పాటు చేశారని, వాటిపైనా హైడ్రా చర్యలు తీసుకోవాలంటున్నారు. తాము అప్పులు చేసి, ఆస్తులు అమ్మి వ్యాపారాలు పెట్టుకున్నామని, తమకు న్యాయం చేయాలని కోరుతున్నారు.

బాలానగర్‌: సులభంగా డబ్బు సంపాదించేందుకు దారి దోపిడీకి పాల్పడిన ఇద్దరు యువకులను బాలానగర్‌ పోలీసులు గురువారం అరెస్ట్‌ చేశారు. బాలానగర్‌ ఏసీపీ హనుమంతరావు కథనం మేరకు వివరాలిలా ఉన్నాయి. కర్ణాటక రాష్ట్రానికి చెందిన షేక్‌ సమీర్‌ ప్లంబర్‌గా పని చేసేవాడు. నగరంలోని గోల్కొండ ప్రాంతానికి చెందిన మహమ్మద్‌ హుస్సేన్‌ అతడి స్నేహితుడు. చెడు వ్యసనాలకు బానిసలైన వీరు సులువుగా డబ్బులు సంపాదించేందుకు దారి దోపిడీలు చేయాలని నిర్ణయించుకున్నారు. ఈ నేపథ్యంలో ఈ నెల 5న చింతల్‌ ప్రాంతానికి చెందిన సతీష్‌ డ్యూటీ నుంచి ఇంటికి తిరిగివెళుతుండగా ఉషా ఫ్యాన్‌ కంపెనీ సమీపంలో సమీర్‌, మహమ్మద్‌ హుస్సేన్‌ పథకం ప్రకారం సతీష్‌ బైక్‌ను ఢీకొన్నారు. అతను కింద పడిపోవడంతో అతడికి సహాయం చేస్తున్నట్లు దగ్గరికి వెళ్లి అతని మెడలోని 26.3 గ్రాముల గోల్డ్‌ చైన్‌, రెండు సెల్‌ఫోన్లు లాక్కున్నారు. సతీష్‌ వారిని అడ్డుకునేందుకు యత్నించగా అతడిపై దాడి చేసి అక్కడి నుంచి పరారయ్యారు. బాధితుడి ఫిర్యాదు మేరకు కేసు నమోదు చేసి దర్యాప్తు చేపట్టిన పోలీసులు సీసీ కెమెరాల పుటేజీ ఆధారంగా నిందితులను అదుపులోకి తీసుకొని విచారించగా నేరం అంగీకరించారు. వారి నుంచి బంగారు గొలుసు, 2 సెల్‌ ఫోన్లు స్వాధీనం చేసుకున్నారు. నిందితులను అరెస్ట్‌ చేసి రిమాండ్‌కు తరలించారు.

అమీర్‌పేట: ప్రైవేట్‌ హాస్టళ్లను టార్గెట్‌ చేసుకుని సెల్‌ ఫోన్‌ చోరీలకు పాల్పడుతున్న బావ, బామ్మర్ధులను అరెస్ట్‌ చేసిన ఎస్‌ఆర్‌నగర్‌ పోలీసులు వారి నుంచి రూ.10 లక్షల విలువైన 51 సెల్‌ ఫోన్లను స్వాధీనం చేసుకున్నారు. ఏసీపీ వెంకటరమణ, ఇన్‌స్పెక్టర్‌ శ్రీనాథ్‌రెడ్డి, డీఐ గోపాల్‌తో కలిసి గురువారం వివరాలు వెళ్లడించారు. నేపాల్‌కు చెందిన గోవింద్‌ బండారి, హిక్‌మత్‌ రావల్‌ గత కొన్నేళ్లుగా నగరంలో నివాసముంటున్నారు. గోవింద్‌ హైటెక్‌ సిటీ ప్రాంతంలో ఫాస్ట్‌ ఫుడ్‌ సెంటర్‌ నిర్వహిస్తుండగా, రావల్‌ రాణీగంజ్‌లో ఫాస్ట్‌ ఫుడ్‌ సెంటర్‌ నడుపుతున్నాడు. బావ,బామ్మర్దులైన వీరు కష్టపడకుండా డబ్బులు సంపాదించాలన్న ఉద్దేశంతో సెల్‌ఫోన్‌ చోరీలను ఎంచుకున్నారు. తెల్లవారుజామున ప్రైవేట్‌ హాస్టళ్లలోకి ప్రవేశించి సెల్‌ ఫోన్లు ఎత్తుకెళ్లేవారు. వాటిని నేపాల్‌ తీసుకెళ్లి అధిక ధరలకు విక్రయించి సొమ్ము చేసుకుంటున్నారు. ఎస్‌ఆర్‌నగర్‌ పోలీస్‌ స్టేషన్‌ పరిధిలో వీరిపై 22 కేసులు నమోదయ్యాయి. సైబరాబాద్‌ కమిషనరేట్‌ పరిధిలోని బాలానగర్‌, కేపీహెచ్‌బీ, జీడిమెట్ల, కూకట్‌పల్లి స్టేషన్ల పరిధిలోనూ చోరీలకు పాల్పడినట్లు గుర్తించారు. వారి నుంచి 51 సెల్‌ ఫోన్లు స్వాధీనం చేసుకున్న పోలీసులు నిందితులను అరెస్ట్‌ చేసి రిమాండ్‌కు తరలించారు. నిందితులను పట్టుకోవడంలో కీలకంగా వ్యవహరించిన క్రైం సిబ్బందిని ఉన్నతాధికారులు అభినందించారు.