● డ్రైవర్లు, ట్రాన్స్‌పోర్ట్‌, ట్రాఫిక్‌ సిబ్బందితో ప్రత్యేక బృందాల ఏర్పాటు ● ట్రాఫిక్‌, వాహనాలక్రమబద్ధీకరణ వీరి బాధ్యత ● ప్రతి స్కూల్‌లో సీసీ కెమెరాల ఏర్పాటు తప్పనిసరి ● సిటీ పోలీస్‌ కమిషనర్‌ సీవీ ఆనంద్‌ వెల్లడి సాక్షి, సిటీబ్యూరో: విద్యా సంవత్సరం పునఃప్రారంభమైన నేపథ్యంలో పోలీసులు పాఠశాలలపై ప్రత్యేక నిఘా పెట్టారు. బడి బస్సుల ఫిట్‌నెస్‌ మొదలు యాజమాన్యం, డ్రైవర్ల పనితీరు తదితర అంశాలపై దృష్టి సారించారు. ఈ నేపథ్యంలో గురువారం పాఠశాల విద్యార్థుల భద్రతపై సిటీ పోలీసులు రవీంద్ర భారతిలో పాఠశాల యాజమాన్యాలు, డ్రైవర్లతో సమావేశాన్ని ఏర్పాటు చేశారు. ఈ సందర్భంగా కమిషనర్‌ సీవీ ఆనంద్‌ మాట్లాడుతూ.. ప్రతి స్కూల్‌ బస్సు అనుమతులు, సీటింగ్‌ సామర్థ్యం, పాఠశాలల పేరు, నంబరు, డ్రైవర్‌ అనుభవం తదితర వివరాలను డిస్‌ప్లే చేయాలని ఆదేశించారు. అజాగ్రత్త కారణంగా గత మూడేళ్లలో 8 మంది విద్యార్థులు మృత్యువాత పడ్డారని సీపీ గుర్తు చేశారు. విద్యార్థులు పాఠశాల బస్సులలోనే ప్రయాణించేలా చూసుకోవాలని, ప్రతి పాఠశాలలో బస్సు భద్రతలపై యాజమాన్యాలు నిరంతరం పర్యవేక్షించాలన్నారు. పిల్లలకు ఎలాంటి సమస్య ఎదురైనా యాజమాన్యాలే బాధ్యత వహించాల్సి ఉంటుందని హెచ్చరించారు. డ్రోన్లతో నిఘా.. ట్రాఫిక్‌ జాయింట్‌ కమిషనర్‌ జోయల్‌ డేవిస్‌ మాట్లాడుతూ.. నగరంలో రోజూ 90 లక్షల పైగా వాహనా లు తిరుగుతున్నాయని, 3 వేల మంది సిబ్బందితో ట్రాఫిక్‌ను నియంత్రిస్తున్నట్లు తెలిపారు. మూడేళ్లలో 8 మంది విద్యార్థులు రోడ్డు ప్రమాదాల్లో ప్రాణాలు కోల్పోయారన్నారు. త్వరలో పాఠశాలల వద్ద డ్రోన్‌లతో ప్రత్యేక నిఘా ఏర్పాటు చేస్తామని, పాఠశాలల పరిసరాల్లో ట్రాఫిక్‌ నియంత్రణ యాజమాన్యాల బాధ్యత అని స్పష్టం చేశారు. పాఠశాల పరిసర ప్రాంతాల్లో ట్రాఫిక్‌ను నియంత్రించడానికి యాజమాన్యాలు సెక్యూరిటీ, ట్రాఫిక్‌ సిబ్బందిని ఏర్పాటు చేసుకోవాలని సూచించారు. పరిమితికి మించి పిల్లలను వాహనాల్లో ఎక్కించుకోకూడదని, దీనిని పోలీసుల బాధ్యతగా వదిలేయకుండా తల్లిదండ్రులు కూడా జాగ్రత్తలు తీసుకోవాలని కోరారు. ట్రాఫిక్‌ సిగ్నల్స్‌పై విద్యార్థులకు అవగాహన కల్పించాలని, ప్రైమరీ స్కూల్‌, హై స్కూళ్ల సమయాల్లో మార్పులు చేయడం ద్వారా మెరుగైన ఫలితాలు ఉంటాయన్నారు. మైనర్లు వాహనాలు నడిపితే వాహన రిజిస్ట్రేషన్‌ రద్దు చేస్తామని హెచ్చరించారు. వీరికి 25 సంవత్సరాల వరకు డ్రైవింగ్‌ లైసెన్స్‌ రాదని హెచ్చరించారు. ఇప్పటివరకు 766 వాహనాల రిజిస్ట్రేషన్లను రద్దు చేసినట్లు ఆయన వెల్లడించారు. సీసీ కెమెరాలు తప్పనిసరి.. ప్రతి పాఠశాల పరిసరాల్లో సీసీ కెమెరాలు ఉండేలా చూసుకోవాలని, వాటి నిర్వహణపై నిరంతరం పర్యవేక్షించాలన్నారు. డ్రైవర్లు పిల్లలు ఎక్కేటప్పుడు, దిగేటప్పుడు పరిసర ప్రాంతాలను గమనించాలని, అక్కడే ప్రమాదాలు ఎక్కువగా జరిగే అవకాశం ఉంటుందని హెచ్చరించారు. ఒక్క విద్యార్థి చనిపోయినా పాఠశాలకు పెద్ద సమస్యగా మారుతుందన్నారు. పిల్లలు పాఠశాలలకు ఓవర్‌ లోడెడ్‌ ఆటోల్లోనూ వెళ్తున్నారని, అలా వెళ్లడం వల్ల ప్రమాదాలు, మరణాలు సంభవించే అవకాశం ఉంటుందని, వీటిపై తల్లిదండ్రులు దృష్టి పెట్టి జాగ్రత్తలు తీసుకోవాలని కమిషనర్‌ సీవీ ఆనంద్‌ కోరారు. యాజమాన్యాలు పాఠశాల పరిసర ప్రాంతాలలో సైన్‌ బోర్డు ఉండేలా చూసుకోవాలని, ఒకే ప్రాంతంలో ఎక్కువ పాఠశాలలు ఉన్నప్పుడు ట్రాఫిక్‌ సమస్యలు ఎక్కువగా ఉంటాయని, అబిడ్స్‌, సికింద్రాబాద్‌, జూబ్లీహిల్స్‌ లాంటి ప్రాంతాలలో ఇలాంటి సమస్యలు ఎదురవుతున్నాయన్నారు. ఆయా ప్రాంతాల్లో రవాణా, ట్రాఫిక్‌ సిబ్బంది సమన్వయంతో ప్రత్యేక బృందాన్ని ఏర్పాటు చేసేందుకు చర్యలు తీసుకుంటామన్నారు. సమావేశంలో జీహెచ్‌ఎంసీ అడిషననల్‌ కమిషనర్‌ గోపాల్‌, జేటీసీ రమేష్‌ డీఈఓ రోహిణి తదితరులు పాల్గొన్నారు.

స్థలాల కోసం సాక్షి, సిటీబ్యూరో: కొత్త సబ్‌స్టేషన్ల నిర్మాణానికి స్థల లభ్యత ప్రధాన అడ్డంకిగా మారింది. సబ్‌స్టేషన్లు నిర్మించేందుకు దక్షిణ తెలంగాణ విద్యుత్‌ పంపిణీ సంస్థ సిద్ధంగా ఉన్నప్పటికీ.. నిర్మాణాలకు అవసరమైన భూములు అందుబాటులో లేకపోవడం, రెవెన్యూ యంత్రాంగం కేటాయించిన భూములపై వివాదాలు కొనసాగుతుండటం, పెరిగిన ధరలకు అనుగుణంగా ఎస్‌ఎస్‌ఆర్‌ రేట్లు పెంచక పోవడంతో కొత్త సబ్‌స్టేషన్ల నిర్మాణ ప్రక్రియ ఒక అడుగు ముందుకు నాలుగు అడుగులు వెనక్కు అన్నచందంగా మారింది. అనువుగా లేకపోవడం, వివాదాలు కొనసాగడం.. ● పెరుగుతున్న విద్యుత్‌ డిమాండ్‌ను దృష్టిలో ఉంచుకుని మెట్రో, రంగారెడ్డి, మేడ్చల్‌ జోన్ల పరిధిలో రూ.420 కోట్ల అంచనా వ్యయంతో వచ్చే ఏడాది చివరి నాటికి 88 కొత్త 33/11 కేవీ సబ్‌స్టేషన్లు నిర్మించాలని నిర్ణయించింది. ఎంపిక చేసిన ప్రాంతాల్లో భూములను కేటాయించాల్సిందిగా ప్రభుత్వానికి లేఖ రాసింది. కోర్‌సిటీలో అనువైన భూములు లేకపోవడం, ఉన్నవి కూడా కబ్జాదారుల చేతుల్లోకి వెళ్లిపోవడం, శివారు ప్రాంతాల్లో కేటాయించిన భూములపై కూడా పలు వివాదాలు కొనసాగుతుండటం తదితర కారణాలతో టెండర్‌ ప్రక్రియలో పాల్గొనేందుకు ఔత్సాహిక కంపెనీలు ముందుకు రాకపోవడంలేదు. విధిలేని పరిస్థితిల్లో డిస్కం సర్కిళ్ల వారీగా టెండర్లు ఆహ్వానించింది. ఇప్పటి వరకు ఆరు సబ్‌స్టేషన్లకు టెండర్లు ఖరారు చేయగా, తాజాగా మరో నాలుగు సబ్‌ స్టేషన్లకు టెండర్లు ఆహ్వానించింది. ● కోర్‌సిటీ పరిధిలో సబ్‌స్టేషన్లకు భూముల కొరత ప్రధాన అడ్డంకిగా మారింది. రంగారెడ్డి జిల్లాలో ప్రభుత్వ భూములు ఉన్నప్పటికీ.. డిస్కంకు కేటాయించిన భూముల్లో వివాదాలు కొనసాగుతున్నాయి. కొన్ని కోర్టు పరిధిలో ఉండగా, మరికొన్ని ప్రైవేటు వ్యక్తుల చేతుల్లోకి వెళ్లాయి. వీటిని విడిపించి డిస్కం ఇంజినీర్లకు అప్పగించడంలో రెవెన్యూ యంత్రాంగం నిర్లక్ష్యంగా వ్యవహరిస్తోంది. భూములు కేటాయిస్తే.. కేవలం ఏడాది లోపే సైబర్‌సిటీ సర్కిల్‌ పరిధిలో సబ్‌స్టేషన్‌లు నిర్మించనున్నారు. విద్యుత్‌ సబ్‌స్టేషన్లకు భూములు కరువు సర్కిళ్ల వారీగా డిస్కం టెండర్లు ముందుకు రాని కాంట్రాక్టర్లు వీటికి ఓకే.. మేడ్చల్‌ జోన్‌లో.. హబ్సిగూడ సర్కిల్‌ పరిధిలోని సబ్‌స్టేషన్లకు ఇప్పటికే టెండర్‌ ప్రక్రియ పూర్తయింది. ఏ వివాదం లేని భూములు ఉండటం ఇక్కడ కలిసి వచ్చిన అంశం. వెంకటాపూర్‌, మేడిపల్లి సహా మేడ్చల్‌ సర్కిల్‌ పరిధిలో శంభీపూర్‌, సాయినగర్‌, అంతాయిపల్లి ఐడీఓసీ, షాపూర్‌నగర్‌లలో కొత్త సబ్‌స్టేషన్లు నిర్మించనున్నారు. సంగారెడ్డి సర్కిల్‌ పరిధిలోని పోచారం, లక్డారం, పెద్దాపూర్‌, సదాశివపేట్‌, సింఫనీ పార్క్‌కాలనీ, అందోల్‌, రాజంపేట్‌, ఆరుట్ల, జహీరాబాద్‌ రైల్వేస్టేషన్‌, గోపనపల్లి, గుడిపల్లి, తిమ్మాపూర్‌లలో 33/11 కేవీ సబ్‌స్టేషన్లు అందుబాటులోకి రానున్నాయి.

లాలాపేట : చికిత్స పేరుతో ఆటిజంతో బాధ పడుతున్న చిన్నారులతో అమానుషంగా ప్రవర్తిస్తున్న వ్యక్తిపై ఉస్మానియా యూనివర్సిటీ పోలీసులు గురువారం కేసు నమోదు చేశారు. పోలీసుల కథనం మేరకు వివరాలిలా ఉన్నాయి. ఆటిజం, స్పీచ్‌ థెరఫిస్టుగా చెలామణి అవుతున్న రంజిత్‌ అనే వ్యక్తి గత కొంత కాలంగా హబ్సిగూడలో వైబ్రాంట్‌ వింగ్స్‌ పేరుతో చైల్డ్‌ డెవలప్‌మెంట్‌ సెంటర్‌ నిర్వహిస్తున్నారు. అక్కడికి వచ్చే చిన్నారులకు స్పీచ్‌ థెరఫీ ద్వారా మాటలు నేర్పించాల్సిన అతను వారి శరీరంపై, కాళ్లపై రక్తం వచ్చేలా గాట్లు పెట్టడం, స్కేల్‌ తో కొట్టడం చేస్తున్నాడు. చెంగిచర్ల ప్రాంతానికి చెందిన బాలిక (04) మైల్డ్‌ ఆటిజం, స్పీచ్‌ డిలేతో బాధపడుతోంది. ఆమె తల్లిదండ్రులు అమెరికాలో ఉంటున్నారు. సదరు చిన్నారి చెంగిచర్లలోని అమ్మమ్మ తాతల వద్ద ఉంటూ గత మూడు నెలలుగా వైబ్రాంట్‌ వింగ్స్‌ సెంటర్‌లో చికిత్స పొందుతోంది. ఇందుకు గాను నెలకు రూ. 60 వేల నుంచి రూ.లక్ష వరకు ఫీజు చెల్లిస్తున్నట్లు బాలిక తల్లి ఉమాశ్రీ తెలిపారు. కాగా రంజిత్‌ ట్రీట్‌మెంట్‌ పేరుతో చిన్నారి ఒంటిపై రక్తం కారేలా గోళ్లతో రక్కడం, స్కేల్‌తో వాతలు వచ్చేలా కొడుతున్నాడు. దీంతో బాలిక రంజిత్‌ను చూడగానే భయంతో వణికిపోతోంది. ఈ విషయమై బాలిక తల్లి రంజిత్‌ను నిలదీయగా చికిత్సలో భాగంగానే అలా చేస్తున్నట్లు బుకాయించాడు. ఈ విషయమై పోలీసులకు ఫిర్యాదు చేస్తే మీ పాపను కిడ్నాప్‌ చేస్తామంటూ బాలిక అమ్మమ్మను బెదిరించాడు. బాధితురాలి తల్లి బుధవారం ఓయూ పోలీస్‌ స్టేషన్‌లో ఫిర్యాదు చేయడంతో కేసు నమోదు చేసిన పోలీసులు దర్యాప్తు చేపట్టారు. కాగా అతడికి నోటీసు ఇచ్చి పంపించినట్లు బాలిక తల్లి ఆరోపిస్తోంది. బాధితురాలిని వైద్య పరీక్షల నిమిత్తం గాంధీ హాస్పిటల్‌కు తరలించారు.

సాక్షి, సిటీబ్యూరో: పారిశుద్ధ్య కార్యక్రమాల పేరిట ఇప్పటికే ఏటా రూ.వందల కోట్లు వెచ్చిస్తున్న జీహెచ్‌ఎంసీ.. తాజాగా పర్యాటక ప్రాంతాల్లో స్పెషలైజ్డ్‌ శానిటేషన్‌ పేరిట రూ.కోట్లు ఖర్చు చేసేందుకు సిద్ధమవుతోంది. గతంలోనూ చార్మినార్‌, గోల్కొండ కోట వంటి ప్రాంతాల్లో, బేగంపేట– బంజారాహిల్స్‌ వంటి సంపన్న ప్రాంతాల్లో ప్రత్యేక పారిశుద్ధ్యం పేరిట కోట్లు వెచ్చించినప్పటికీ ఫలితం లేకుండాపోయింది. ప్రైవేటు ఏజెన్సీల పేరిట ఎవరి జేబులు నిండాయో కానీ, ఆ విధానం వల్ల ఎలాంటి ప్రయోజనం కనిపించనప్పటికీ.. తిరిగి అదే చరిత్రను పునరావృతం చేసేందుకు సన్నద్ధమవుతున్నారు. స్పెషలైజ్డ్‌ ఏజెన్సీల పేరిట ఇప్పటికే సికింద్రాబాద్‌ జోన్‌లో రైల్వే స్టేషన్‌ నుంచి క్లాక్‌ టవర్‌ వరకు, ఖైరతాబాద్‌ జోన్‌లోని మెహిదీపట్నం, కార్వాన్‌, గోషామహల్‌, ఖైరతాబాద్‌, జూబ్లీహిల్స్‌ సర్కిళ్లలో, చార్మినార్‌ జోన్‌లోని రెండు సర్కిళ్లలో టూరిస్టు ప్రదేశాలున్న వాణిజ్య ప్రాంతాల్లో పారిశుద్ధ్య కార్యక్రమాల కోసమంటూ రిక్వెస్ట్‌ ఫర్‌ ప్రపోజల్స్‌ (ఆర్‌ఎఫ్‌పీ) ఆహ్వానించింది. మిగతా జోన్లలోనూ, మిగతా ప్రాంతాల్లో సైతం పిలిచే ఆలోచనలో ఉన్నట్లు తెలుస్తోంది.పర్యాటకాభివృద్ధి కోసమట..పారిశుద్ధ్య కార్యక్రమాలు సవ్యంగా లేకపోవడం పర్యాటకాభివృద్ధికి ఆటంకంగా మారుతుందని, వాణిజ్య మార్గాల్లో దుకాణాల వారు పడేసే వ్యర్థాలతో నగరాన్ని సందర్శించడానికి వచ్చే జాతీయ, అంతర్జాతీయ పర్యాటకులకు ప్రతికూల అభిప్రాయం ఏర్పడే అవకాశమున్నందున, పారిశుద్ధ్యాన్ని మెరుగుపరిచేందుకు ఈ స్పెషలైజ్డ్‌ ఏజెన్సీల సేవలు కోరుతున్నట్లు నోటిఫికేషన్‌లో పేర్కొన్నారు. మూడు షిఫ్టులుగా పనిచేసే సిబ్బందితో 24 గీ7గా పారిశుద్ధ్యం బాగుండేందుకు తగిన సాంకేతిక నైపుణ్యం కలిగిన సంస్థలు తమ ప్రపోజల్స్‌ పంపాలని పేర్కొంది.అయ్యే పనేనా?ఆయా రోడ్లపై కాగితాలు, చెత్త, పూడిక, కూల్చివేతల వ్యర్థాలు, రాళ్లతో సహా నిర్మాణ రంగంలోని వ్యర్థాలు 24 గంటల పాటు ఏ సమయంలోనూ కనిపించకుండా ఉండాలని నిబంధనల్లో పేర్కొంది. ఇందుకుగాను మొదటి షిఫ్టులో ప్రతి 300 మీటర్లకు, రెండో షిఫ్టులో ప్రతి 500 మీటర్లకు ఒక స్వీపింగ్‌ వర్కర్‌తో పాటు ప్రతి వెయ్యి మీటర్లకు కాగితాలు ఏరివేసేందుకు ఒక కార్మికుడు, ప్రతి రెండువేల మీటర్లకు ఒక సూపర్‌వైజర్‌ ఉండాలని పేర్కొంది. పారిశుద్ధ్య ప్రమాణాలు పాటించేందుకు తగిన వాహనాలు, యంత్రాలు ఉండాలని తెలిపింది. రోడ్లతోపాటు ఫుట్‌ఫాత్‌లు, సెంట్రల్‌ మీడియన్లు సైతం తళతళలాడాలని సూచించింది. ఇలా ఎన్నో నిబంధనలు విధించింది. అంతేకాదు, స్వచ్ఛమైన తాగునీరు, పబ్లిక్‌ టాయ్‌లెట్లను కూడా యూజర్‌ చార్జీలు తీసుకొని నిర్వహించాలట. గత అనుభవాలు తెలిసిన వారికి మాత్రం ఇది అమలయ్యే కార్యక్రమంగా కనిపించడం లేదు. తొలుత మూడేళ్ల వ్యవధి వరకు ఉండే ఒప్పందం పని తీరును బట్టి మరో ఏడాది పొడిగిస్తారు. ఏడాదికి కిలోమీటరుకు దాదాపు రూ.30 లక్షలు చెల్లిస్తారు.పాత తరహాలోనే..ఎన్‌ఎఫ్‌సీఎల్‌–కేబీఆర్‌ పార్కు, రోడ్‌ నెంబర్‌ 45 – జూబ్లీహిల్స్‌ చెక్‌పోస్ట్‌, పెద్దమ్మ గుడి –నీరూ జంక్షన్‌, రోడ్‌నెంబర్‌ 12– కేబీఆర్‌పార్క్‌, కేబీఆర్‌పార్క్‌–జగన్నాథ ఆలయం, జూబ్లీహిల్స్‌ చెక్‌పోస్ట్‌– పెద్దమ్మ గుడి, రోడ్‌ నెంబర్‌ 45– అగ్రసేన్‌ విగ్రహం, ఎన్‌ఎఫ్‌సీఎల్‌– విరించి హాస్పిటల్‌తో పాటు ఆయా సర్కిళ్లలోని పలు ప్రాంతాల్లో పారిశుద్ధ్యం మెరుగుపరిచేందుకు స్పెషలైజ్డ్‌ ఏజెన్సీలను ఆహ్వానించారు.

పోస్టుల భర్తీపై ఎన్‌ఎంసీ, రాష్ట్ర ప్రభుత్వం చెరో దారి ● వైద్య విద్య, రోగులకు సేవలు, పరిశోధనలపై తీవ్ర ప్రభావం ● గాంధీ, ఉస్మానియా, నిలోఫర్‌, కేన్సర్‌, ఫీవర్‌ ఆస్పత్రుల్లో పని భారం పరిశోధనలపై ఫోకస్‌ నిల్‌.. వైద్య కళాశాలల్లో బోధనతో పాటు రోగులకు అందించే వైద్య సేవలు, పరిశోధనలూ కీలకంగా ఉంటాయి. బోధనాస్పత్రుల్లో సిబ్బంది కొరతతో ఉన్న వారిపై ఒత్తిడి పెరుగుతోంది. పలు రకాల కమిటీల్లో సభ్యులుగా ఉండటం, పరిపాలనా విధులు అప్పగించడం వంటివి అదనపు భారంగా మారుతున్నాయని పలువురు వైద్యులు పేర్కొంటున్నారు. పరిశోధనలు చేపట్టే అవకాశమే లేకుండా పోతోందని ఆందోళన వ్యక్తం చేస్తున్నారు. భవిష్యత్‌ అవసరాలను దృష్టిలో పెట్టుకుని ఇప్పటి నుంచే పరిశోధనలు ప్రారంభించాలని వైద్యులు పేర్కొంటున్నారు. ప్రస్తుత పరిస్థితుల్లో అది సాధ్యం కావడంలేదని ఆరోపిస్తున్నారు. 2023లో చివరిసారిగా నియామకాలు చేపట్టారు. అనంతరం రెండేళ్లు కావస్తున్నా ఖాళీల భర్తీకి ఎలాంటి చర్యలు చేపట్టడంలేదంటున్నారు. కొంత మంది వైద్యులు ప్రైవేటు ప్రాక్టీస్‌ చేసుకుంటున్నారన్న ఆరోపణలూ లేకపోలేదు. సాక్షి, సిటీబ్యూరో: నగరంలోని గాంధీ, ఉస్మానియా, నిలోఫర్‌, కేన్సర్‌, ఫీవర్‌ ఆస్పత్రులు ఆరోగ్య ప్రదాయినులుగా నిలుస్తున్నాయి. ఆయా ప్రభుత్వాస్పత్రుల్లో ప్రత్యేక వైద్య సేవల కోసం రిఫరల్‌ కేసులు పెద్ద సంఖ్యలో వస్తుంటాయి. ఇంతటి ప్రాధాన్యమున్న బోధనాస్పపత్రుల్లో టీచింగ్‌ స్టాఫ్‌ కొరత వేధిస్తోంది. పోస్టులు భర్తీ చేయడంపై ఉన్నతాధికారులు దృష్టి సారించడం లేదన్న ఆరోపణలు వెల్లువెత్తుతున్నాయి. సుమారు 40 శాతం మంది వైద్యులు (టీచింగ్‌) పోస్టులు ఖాళీలు ఉన్నాయని సమాచారం. వైద్య కళాశాలకు అవసరమైన పోస్టులను జాతీయ మెడికల్‌ కౌన్సిల్‌ నిర్ణయిస్తోంది. రాష్ట్ర ప్రభుత్వం మెడికల్‌ కళాశాలతో కలిసి ఉన్న ఆస్పత్రి, అందులో పడకలు ఆధారంగా పోస్టులను కేటాయిస్తోంది. దీంతో ఈ రెండింటి మధ్య భారీ వ్యత్యాసం కనిపిస్తోంది. ఫలితంగా మెడికల్‌ కళాశాలల్లో బోధన సిబ్బంది సరిపడా ఉన్నారంటే ఉన్నారు. లేరంటే లేరనే వాదనలు వినిపిస్తున్నాయి. సమర్థించుకునేవారు ఎన్‌ఎంసీ లెక్కలను చూపిస్తున్నారు. ఈ అంకెల ఆధారంగా చూస్తే కళాశాల అవసరాల కంటే ఎక్కువ మంది ఉన్నట్లు కనిపిస్తోంది. అయితే.. రాష్ట్ర ప్రభుతకేటాయింపులను పరిశీలిస్తే మాత్రం అసలు విషయం వెలుగుచూస్తోంది. రోగులకు అందే సేవలు, వైద్య విద్యార్థుల తరగతులపై తీవ్ర ప్రభావం చూపిస్తోంది. ప్రస్తుతం పరిశోధనలపై ఫోకస్‌ చేసే అవకాశమే లేదని పలువురు వైద్యులు పేర్కొంటున్నారు. వైద్య సేవలపై ప్రభావం.. నగరంలోని ప్రభుత్వాస్పత్రులకు వచ్చే రోగుల్లో అత్యధిక శాతం మంది పేద, మధ్య తరగతి కుటుంబాలకు చెందినవారే ఉంటారు. సిబ్బంది కొరతతో నాణ్యమైన వైద్య సేవలు అందించే అవకాశం లేకుండాపోతోంది. బెడ్‌లు ఎక్కువ, వైద్యులు సంఖ్య తక్కువగా ఉండటమే దీనికి కారణంగా కనిపిస్తోంది. కొన్ని విభాగాల్లో ఒక్కరూ లేని పరిస్థితి. ఉదాహరణకు గాంధీ వైద్య కళాశాలకు ఎన్‌ఎంసీ నిబంధనల ప్రకారం 147 మంది బోధన సిబ్బంది (ప్రొఫెసర్‌, అసోసియేట్‌ ప్రొఫెసర్‌, అసిస్టెంట్‌ ప్రొఫెసర్‌) ఉండాలి. రాష్ట్ర ప్రభుత్వం మాత్రం మూడు కేటగిరీలు కలిపి 330 మందికిపైగా సిబ్బందిని కేటాయించింది. ప్రస్తుతం ఇక్కడ పని చేస్తున్న వారు సుమారు 200 మంది ఉన్నారు. మిగతా 130 పోస్టులు ఖాళీగా ఉన్నాయి. ఇక్కడ 2 వేల పడకల ఆస్పత్రి ఉంది. నిత్యం వేలాది మంది ఓపీ, ఐపీ ఉంటుంది. ఉస్మానియా పరిధిలోని ఉస్మానియా, నిలోఫర్‌, ఫీవర్‌ ఆస్పత్రుల్లోనూ సుమారు 40 శాతం పోస్టులు ఖాళీగా ఉన్నాయని వైద్యులు పేర్కొంటున్నారు. దీంతో ఉన్న వారిపై ఒత్తిడి పెరుగుతోందని చెబుతున్నారు. ఖాళీల ప్రభావం రోగులకు అందించే సరైన వైద్యం అందించే అవకాశం లేకుండాపోతోంది. రోగులు రోజుల తరబడి ఎదురుచూడాల్సిన పరిస్థితులు నెలకొన్నాయి. విద్యార్థులకు సరైన బోధన అందుతోందా అంటే అదీ కష్టమే అంటున్నారు.

కాచిగూడ: ఓ వ్యక్తిపై కత్తితో దాడిచేసి హత్యాయత్నానికి పాల్పడిన కేసులో రౌడీషీటర్‌ను కాచిగూడ రైల్వే పోలీసులు అరెస్ట్‌ చేసి రిమాండ్‌కు తరలించారు. గురువారం కాచిగూడ రైల్వే పోలీస్‌ స్టేషన్‌లో ఏర్పాటు చేసిన విలేకరుల సమావేశంలో రైల్వే డీఎస్పీ జావేద్‌, ఇన్‌స్పెక్టర్‌ ఆర్‌.ఎల్లప్పతో కలిసి వివరాలు వెల్లడించారు. యాకత్‌పురా, బడాబజార్‌కు చెందిన షేక్‌ ఖదీర్‌ యాకుత్‌పుర రైల్వే స్టేషన్‌లో ఫ్లాట్‌ ఫారం దాటుతుండగా మాదన్నపేట, చౌని ప్రాంతానికి చెందిన రౌడీషీటర్‌ మహ్మద్‌ అబ్దుల్‌ సోహైల్‌తో పాటు అతని అనుచరులు డబ్బులు, సెల్‌ఫోన్‌ ఇవ్వాలని డిమాండ్‌ చేశారు. షేక్‌ ఖదీర్‌ అందుకు నిరాకరించడంతో అబ్దుల్‌ సోహైల్‌ కత్తితో అతనిపై దాడిచేశాడు. బాధితుడి ఫిర్యాదు మేరకు కేసు నమోదు చేసి దర్యాప్తు చేపట్టిన కాచిగూడ రైల్వే పోలీసులు ప్రధాన నిందితుడు మహ్మద్‌ అబ్దుల్‌ సోహైల్‌ను గురువారం అరెస్ట్‌ చేసి రిమాండ్‌కు తరలించారు. మరో ఇద్దరు నిందితులు ముదస్సిర్‌, ఆయన్‌ పరారీలో ఉన్నట్లు తెలిపారు.

నాగోలు: వికలాంగ సమాజాన్ని ఏకం చేసి పాలకుల మెడలు వంచి అనేక హక్కులు సాధించుకున్న చరిత్ర ఎమ్మార్పీఎస్‌, వీహెచ్‌పీఎస్‌ లకు ఉందని, భవిష్యత్తులోనూ వికలాంగులకు పెన్షన్లు, అన్ని రకాల హక్కులతో పాటు రాజకీయ భాగస్వామ్యం సాధించేంతవరకు రాజీలేని పోరాటం కొనసాగిస్తామని ఎమ్మర్పీఎస్‌ వ్యవస్థాపక అధ్యక్షుడు మందకృష్ణ మాదిగ అన్నారు. గురువారం నాగోలు శుభం కన్వెన్షన్‌ హాల్‌ పద్మశ్రీ పురస్కార గ్రహీత మంద కృష్ణ మాదిగను వికలాంగుల హక్కుల పోరాట సమితి జాతీయ కమిటీ ఆధ్వర్యంలో ఘనంగా సన్మానించారు. వీహెచ్‌పిఎస్‌ రాష్ట్ర అధ్యక్షుడు జంగయ్య అధ్యక్షన ఏర్పాటు చేసిన సభలో మందకృష్ణ మాదిగ మాట్లాడుతూ పద్మశ్రీ పురస్కారం అణచివేతకు గురైన వర్గాల ప్రయోజనాలు కాపాడే విషయంలో మరింత బాధ్యతను పెంచిందన్నారు. నిరంతరం ప్రజల్లో ఉంటూ కులం, మతంతో సంబంధం లేకుండా అన్ని వర్గాల ప్రజల కోసం చేసిన పోరాటాలకు గుర్తింపుగానే పద్మశ్రీ దక్కిందన్నారు. 17 ఏళ్లుగా వికలాంగులు తనపై ఎంతో నమ్మ కం పెట్టుకున్నారని, వారికి న్యాయంగా దక్కాల్సిన హక్కులతో పాటు రాజ్యాధికారంలో భాగస్వామ్యం సాధించేంతవరకు పోరాడతానన్నారు. దేశంలో, రాష్ట్రంలో వికలాంగులను ఏ ప్రభుత్వం పట్టించుకోలేదని, ఆ బాధ్యత ఎమ్మార్పీఎస్‌ తీసుకొని వీహెచ్‌పిఎస్‌ ఏర్పాటు చేసి వికలాంగులకు పెన్షన్లు పెంచాలని పెద్ద ఎత్తున పోరాటం చేసిందని గుర్తు చేశారు. వికలాంగులకు ఏపీలో రూ. 6000, తెలంగాణలో రూ.4016 పెన్షన్‌ రావడానికి ఎమ్మార్పీఎస్‌, విహెచ్‌పీఎస్‌ చేసిన పోరాటమే ప్రధాన కారణం అన్నారు. తెలంగాణ ముఖ్యమంత్రి రేవంత్‌ రెడ్డి వికలాంగుల రూ.6 వేలు పెన్షన్‌ ఇస్తామని మాట ఇచ్చి తప్పాడని ఆరోపించారు. తమ సోదరుడిగా భావించి సన్మాన సభను ఏర్పాటు చేసినందుకు వికలాంగులకు కృతజ్ఞతలు తెలిపారు. కార్యక్రమంలో విహెచ్‌పీఎస్‌ జాతీ య కోర్‌ కమిటీ చైర్మన్‌ గోపాలరావు, ఉపేందర్‌ మాదిగ, రావుగళ్ళ బాబు తదితరులు పాల్గొన్నారు.

సికింద్రాబాద్‌: విదేశాల్లో ఉద్యోగాల పేరుతో మోసగించిన మహిళను, ఆమెకు సహకరించిన మరో నిందితుడిని సిటీ టాస్క్‌ఫోర్స్‌ పోలీసులు గురువారం అదుపులోకి తీసుకున్నారు. టాస్క్‌ఫోర్స్‌ అదనపు డీసీపీ అందె శ్రీనివాస్‌రావు, ఇన్‌స్పెక్టర్‌ ఎస్‌.రాఘవేంద్ర చెప్పిన వివరాల ప్రకారం.. నగరంలోని నాచారంలో నసీమాబాను అనే మహిళ కుటుంబ సభ్యులతో కలిసి నివసిస్తోంది. పెద్ద మొత్తంలో డబ్బు సంపాదించాలన్న అత్యాశతో నసీమాబాను తన సోదరి ఫాతిమా ఇంకొందరి సహకారంతో తార్నాకలో ఓ కన్సల్టెన్సీ కార్యాలయాన్ని ప్రారంభించింది. అవుట్‌ సోర్సింగ్‌ ఉద్యోగులను నియమించుకుని విదేశాలకు వెళ్లేందుకు వీసాలు, ఉద్యోగాలు ఇప్పిస్తామని సోషల్‌ మీడియాలో విస్తృతంగా ప్రచారం చేసింది. వీరి ప్రకటనలు చూసిన హైదరాబాద్‌, నిజామాబాద్‌ తదితర ప్రాంతాలకు చెందిన పలువురు ఉద్యోగాలు చేసేందుకు, పాస్‌పోర్టులతో పాటు రూ.35 లక్షలు అప్పగించారు. నిర్ణీత సమయంలో వారికి వీసాలు రాలేదు. ఉద్యోగాలు ఇప్పించలేదు. పాస్‌పోర్టులు, డబ్బులు అప్పగించిన వారినుంచి ఒత్తిడి రావడంతో నసీమాబాను నకిలీ వీసాలు, ఉద్యోగ నియామక పత్రాలు సృష్టించి వారికి ఇచ్చింది. అసలు నిజం బయటపడటంతో పాస్‌పోర్టుదారులు తమ డబ్బు తిరిగి ఇవ్వాలని డిమాండ్‌ చేస్తుండడంతో ఆమె సెల్‌ఫోన్‌ స్విచ్‌ ఆఫ్‌ చేసింది. బాధితుల ఫిర్యాదుతో కేసు దర్యాప్తు చేపట్టిన టాస్క్‌ఫోర్స్‌ సౌత్‌జోన్‌ పోలీసులు నసీమాబానును, ఆమెకు సహకరించిన బేగంపేటకు చెందిన సయ్యద్‌ ఆదిల్‌ను అదుపులోకి తీసుకుని విచారణ చేయగా.. వాస్తవాలను వెల్లడించారు. ఇదే కేసులో భాగస్వాములుగా ఉన్న ఫాతిమా, రేఖ కోసం గాలిస్తున్నట్లు పోలీసులు పేర్కొన్నారు. మహిళ సహా మరో నిందితుడి అరెస్టు

గచ్చిబౌలి: సంధ్య కన్వెన్షన్‌ ఎండీ శ్రీధర్‌ రావుపై గచ్చిబౌలి పోలీసులు కేసు నమోదు చేశారు. మంగళవారం గచ్చిబౌలిలోని ఫెర్టిలైజర్స్‌ కో–ఆప్‌రేటివ్‌ హౌసింగ్‌ సొసైటీలో రోడ్లపై హైడ్రా అధికారులు సర్వే నిర్వహించి మార్కింగ్‌ చేసిన విషయం తెలిసిందే. దీనిని వీడియో తీస్తుండగా శ్రీధర్‌ రావు అతడి అనుచరులు తమపై బ్యాట్‌, కత్తితో దాడి చేశారని నటి రమ్మశ్రీ సోదరుడు ప్రశాంత్‌తో పాటు కుషీ చంద్‌ వేర్వేరుగా ఫిర్యాదు చేశారు. ప్రాథమిక విచారణ చేపట్టిన గచ్చిబౌలి పోలీసులు శ్రీధర్‌ రావు, అతని అనుచరుడు వెంకటేష్‌తో పాటు మరికొంత మందిపై కేసులు నమోదు చేశారు. భవనంపై నుంచి దూకి మహిళ ఆత్మహత్య మణికొండ: కుటుంబ తగాదాల నేపథ్యంలో ఓ మహిళ భవనం 4వ అంతస్తు పైనుంచి దూకి ఆత్మహత్యకు పాల్పడిన సంఘటన నార్సింగి పోలీస్‌స్టేషన్‌ పరిధిలోని పుప్పాలగూడ, సాయిరాం కాలనీలో బుధవారం రాత్రి చోటు చేసుకుంది. స్థానికుల కథనం మేరకు వివరాలిలా ఉన్నాయి. సాయిరాం కాలనీలోని ఆర్‌కే రెసిడెన్సీలో అన్నపూర్ణ(58) తన కుటుంబంతో కలిసి నివాసం ఉంటోంది. గత కొన్ని రోజులుగా ఇంట్లో గొడవలు జరుగుతుండటంతో మనస్తాపానికి లోనైన ఆమె భవనం నాలుగవ అంతస్తు నుంచి దూకి ఆత్మహత్యకు పాల్పడింది. మృతురాలి భర్త ఫిర్యాదు మేరకు నార్సింగి పోలీసులు కేసు నమోదు చేసుకుని దర్యాప్తు చేస్తున్నారు. గంజాయి చాక్లెట్ల పట్టివేత నిందితుడి అరెస్ట్‌ మేడ్చల్‌: గంజాయిని చాక్లెట్లు విక్రయిసున్న వ్యక్తిని అరెస్ట్‌ చేసిన మేడ్చల్‌ ఎకై ్సజ్‌ పోలీసులు అతడి నుంచి 5 కిలోల గంజాయి చాక్లెట్లు స్వాధీనం చేసుకున్నారు. ఎక్సైజ్‌ ఇన్‌స్పెక్టర్‌ నవనీత కథనం మేరకు వివరాలిలా ఉన్నాయి. గుండ్లపోచంపల్లి పరిధిలోని అయోధ్య చౌరస్తా వద్ద రూట్‌ వాచ్‌ చేస్తున్న పోలీసులు అనుమానాస్పదంగా కనిపించిన ఉత్తరప్రదేశ్‌ కు చెందిన జయరామ్‌ మిశ్రా అనే వ్యక్తిని అదుపులోకి తీసుకుని విచారించగా అతడి వద్ద చాక్లెట్ల గంజాయి చాక్లెట్లు గుర్తించారు. ఉత్తరప్రదేశ్‌లో వాటిని కోనుగోలు చేసిన అతను నగరానికి తీసుకువచ్చి విక్రయిస్తున్నట్లు పోలీసులు తెలిపారు, నిందితుడిని అరెస్ట్‌ చేసిన పోలీసులు రిమాండ్‌కు తరలించారు. దాడుల్లో ఇన్‌స్పెక్టర్‌ నవనీతతో పాటు ఎస్‌ఐ వెంకట్‌రెడ్డి, సిబ్బంది పాల్గొన్నారు. కత్తితో బెదిరించి డబ్బు లాక్కెళ్లిన రౌడీషీటర్‌ గౌలిపురా: ఓ వ్యక్తిని రౌడీషీటర్‌ కత్తితో బెదిరించి డబ్బు లాక్కెళ్లిన ఘటన భవానీనగర్‌ పోలీస్‌స్టేషన్‌ పరిధిలో గురువారం చోటు చేసుకుంది. పోలీసుల వివరాల ప్రకారం..యాకుత్‌పురా బడాబజార్‌కు చెందిన మహ్మద్‌ ఫుర్కాన్‌ అన్సారీ (18) చార్మినార్‌ బట్టల వ్యాపారం నిర్వహిస్తున్నాడు. అన్సారీకి స్నేహితుడు ఇమ్రాన్‌ ఫోన్‌ చేసి ఉదయం ఊరు వెళుతున్నానని కలవాలని తెలిపాడు. దీంతో అన్సారీ గురువారం తెల్లవారుజామున 12.30 గంటలకు స్నేహితుడు ఇమ్రాన్‌ను కలిసేందుకు సమద్‌ హోటల్‌ వద్దకు వచ్చాడు. అదే సమయంలో రౌడీషీటర్‌ మహ్మద్‌ వాజిద్‌ అలియాస్‌ షా (30) అన్సారీని కత్తితో బెదిరించి తన వద్ద ఉన్న రూ.3 వేలను బలవంతంగా లాక్కొని దాడి చేసి పారిపోయాడు. బాధితుని ఫిర్యాదు మేరకు పోలీసులు కేసు నమోదు చేసుకొని దర్యాప్తు చేస్తున్నారు. రోడ్డు ప్రమాదంలో గర్భిణి మృతి అత్తాపూర్‌: ఆస్పత్రిలో చికిత్స పొందుతున్న బంధువులను చూసి వెళుతుండగా రోడ్డు ప్రమాదానికి గురై గర్భిణి మృతి చెందిన సంఘటన అత్తాపూర్‌ పోలీస్‌స్టేషన్‌ పరిధిలో గురువారం చోటు చేసుకుంది. ఇన్‌స్పెక్టర్‌ నాగేశ్వర్‌రావు, ఎస్‌ఐ కేతనారెడ్డి కథనం మేరకు వివరాలిలా ఉన్నాయి. వికారాబాద్‌ పట్టణానికి చెందిన జమీల్‌ అసరా ఫాతిమా(29) దంపతులు గురువారం క్రిస్టల్‌ గార్డెన్‌ సమీపంలోని బటర్‌ఫ్లై ఆస్పత్రిలో చికిత్స పొందుతున్న బంధువును పరామర్శించేందుకు నగరానికి వచ్చారు. బంధువులను చూసి యాక్టివాపై తమ కుమారుడితో కలిసి తిరిగి వెళుతుండగా పీవీఎన్‌.ఆర్‌ ఎక్స్‌ప్రెస్‌వే పిల్లర్‌ నెంబర్‌ 198 వద్ద ముందుగా వెళ్తున్న వాహనం కారు డోర్‌ తెరిచి ఉండటాన్ని గుర్తించిన జమీల్‌ బైక్‌ను ఒక్కసారిగా ఆపి వేశాడు. ఇదే సమయంలో వెనుక నుంచి వస్తున్న ఆర్టీసీ బస్సు వీరి బైక్‌ను ఢీకొనడంతో అస్రా ఫాతిమా కింద పడింది. బస్సు చక్రాలు ఆమె మీదుగా వెళ్లడంతో అక్కడికక్కడే మృతి చెందింది. సంఘటనా స్థలానికి చేరుకున్న పోలీసులు మృతదేహాన్ని స్వాధీనం చేసుకుని పోస్టుమార్టం నిమిత్తం ఉస్మానియా ఆస్పత్రికి తరలించారు. కేసు నమోదు చేసుకుని దర్యాప్తు చేస్తున్నారు.

కాచిగూడ: ప్రయాణికుడిపై దాడిచేసి అతడి నుంచి నగదు, సెల్‌ఫోన్‌ లాక్కెళ్లిన కేసులో ఇద్దరు నిందితులను కాచిగూడ పోలీసులు అరెస్ట్‌ చేసి రిమాండ్‌కు తరలించారు. కాచిగూడ రైల్వే స్టేషన్‌లో గురువారం ఏర్పాటు చేసిన సమావేశంలో రైల్వే డీఎస్పీ ఎస్‌.ఎన్‌. జావేద్‌, ఇన్‌స్పెక్టర్‌ ఆర్‌.ఎల్లప్ప, వివరాలు వెల్లడించారు. మలక్‌పేట రైల్వే స్టేషన్‌లో కనకయ్య అనే వ్యక్తి ఎంఎంటిఎస్‌ రైలు ఎక్కుతుండగా గుర్తుతెలియని వ్యక్తులు అతడిపై దాడి చేసి నగదు, మొబైల్‌ ఫోన్‌ లాక్కుని పరారయ్యారు. బాధితుడి ఫిర్యాదు మేరకు పోలీసులు కేసు నమోదు చేసుకుని దర్యాప్తు చేపట్టారు. ఈ నేపథ్యంలో కాచిగూడ రైల్వే స్టేషన్‌లో తనిఖీలు చేపట్టిన పోలీసులు అనుమానాస్పదంగా కనిపించిన బతుకమ్మ కుంట ప్రాంతానికి చెందిన దాసరి మౌనిక, పోతుగల్‌ ప్రాంతానికి చెందిన బి.సుక్కయ్యలను అదుపులోకి తీసుకుని విచారించగా నేరం అంగీకరించారు. వారి నుంచి సెల్‌ఫోన్‌, రూ.500 నగదు స్వాధీనం చేసుకున్న పోలీసులు నిందితులను అరెస్ట్‌ చేసి రిమాండ్‌కు తరలించారు. నిందితులను పట్టుకున్న పోలీసు సిబ్బందిని అధికారులు అభినందించారు. బీదర్‌ టు హైదరాబాద్‌ రాజేంద్రనగర్‌: బీదర్‌ నుంచి గంజాయిని తీసుకొచ్చి నగరంలో విక్రయించేందుకు యత్నించిన నలుగురు యువకులను రాజేంద్రనగర్‌ పోలీసులు అరెస్టు చేశారు. వారి నుంచి కారుతో పాటు ఐదు కిలోల గంజాయిని స్వాధీనం చేసుకున్నారు. ఎస్‌ఐ మామిడి కిశోర్‌ కథనం మేరకు వివరాలిలా ఉన్నాయి. రాజేంద్రనగర్‌ బుద్వేల్‌కు చెందిన జగదీష్‌, నరేందర్‌, చింతల్‌మేట్‌కు చెందిన రామ్‌ కుమార్‌ స్నేహితులు. చెడు అలవాట్లకు బానిసలైన వీరు బీదర్‌ వెళ్లి గంజాయిని తీసుకొచ్చి విక్రయించాలని నిర్ణయించుకున్నారు. ఇందులో భాగంగా కారులో బీదర్‌ వెళ్లిన వారు మహేశ్‌ అనే వ్యక్తిని సంప్రదించగా అతను రూ. 40 వేలకు ఐదు కిలోల గంజాయిని విక్రయించాడు. సరుకు తీసుకుని నగరానికి వస్తుండగా సమాచారం అందుకున్న రాజేంద్రనగర్‌ పోలీసులు గురువారం మధ్యాహ్నం కారును ఆపి సోదా చేయగా ఐదు కిలోల గంజాయిని గుర్తించారు. కారుతో పాటు గంజాయిని సీజ్‌ చేసిన పోలీసులు నిందితులను అదుపులోకి తీసుకున్నారు.గంజాయి విక్రయించిన మహేశ్‌ కోసం గాలిస్తున్నట్లు తెలిపారు. నాకు న్యాయం చేయాలి మణికొండ/బండ్లగూడ: నీవు నాకు నచ్చావని.. నీవు లేకుండా బతకలేనని.. వెంటపడి ఓ యువతిని ప్రేమించి పెళ్లి చేసుకున్నాడో సాఫ్ట్‌వేర్‌ ఇంజనీర్‌. పెళ్లయిన నాలుగు నెలల నుంచే తన నైజాన్ని బయటపెట్టి నరకం చూపించినా మౌనంగా భరించింది. తీరా ఇప్పుడు నీవు వద్దంటూ రెండో వివాహానికి సిద్ధమయ్యాడు. దీంతో ఆమె భర్త ఇంటి ఎదుట తనకు న్యాయం చేయాలని ఆందోళన బాట పట్టింది. బాధితురాలి తల్లి కథనం మేరకు వివరాలిలా ఉన్నాయి.. హైదర్షాకోట్‌లోని సాయి బాలాజీనగర్‌ కాలనీలో నివాసం ఉంటున్న శ్రీధర్‌కుమార్‌ సాఫ్ట్‌వేర్‌ ఇంజనీర్‌గా పనిచేస్తున్నాడు. ఐదేళ్ల క్రితం స్రవంతి అనే యువతిని ప్రేమించి పెళ్లి చేసుకున్నాడు. అతడి ప్రేమ నిజమని నమ్మిన ఆమె తల్లితండ్రులను సైతం ఎదిరించి అతడిని వివాహం చేసుకుంది. నాలుగు నెలలు గడవగానే తన నిజస్వరూపం బయటపెట్టిన శ్రీధర్‌ ఆమెను ప్రతి రోజూ వేధించేవాడు. అయినా సంతృప్తి చెందని అతను ఇటీవల మరో వివాహం చేసుకునేందుకు సిద్ధమయ్యాడు. ఆ విషయం తెలుసుకున్న స్రవంతి గురువారం సాయంత్రం భర్త ఇంటి ఎదుట తల్లితో కలిసి ప్లకార్డులు పట్టుకుని మౌనదీక్షకు దిగింది. తనకు న్యాయం జరిగే వరకు ఇక్కడి నుంచి కదిలేది లేదని భీష్మించుకుని కూర్చుంది. చుట్టు పక్కల వారు ఆమెకు నచ్చజెప్పేందుకు ప్రయత్నించినా వినకుండా తన దీక్షను కొనసాగిస్తోంది. ● గంజాయి అక్రమ రవాణా ● నలుగురు యువకుల అరెస్ట్‌ ● ఐదు కిలోల గంజాయి స్వాధీనంభర్త ఇంటి ఎదుట యువతి మౌన దీక్ష

నెత్తినసాక్షి, సిటీబ్యూరో: ఇళ్లలో వెలుగులు నింపాల్సిన విద్యుత్‌ తీగలు.. పౌరుల జీవితాల్లో చీకట్లు నింపుతున్నాయి. నెత్తిన మృత్యుపాశాల్లా వేలాడుతున్న వైర్లు ఎప్పుడు.. ఎవరిపై తెగిపడతాయో తెలియని దుస్థితి నెలకొంది. ఎలాంటి ఈదురు గాలులు, వర్షాలు లేకపోయినప్పటికీ.. వైర్లు తెగిపడుతుండటాన్ని పరిశీలిస్తే.. డిస్ట్రిబ్యూషన్‌ లైన్ల వ్యవస్థ ఎంత బలహీనంగా ఉందో అర్థమవుతోంది. విద్యుత్‌ లైన్ల నిర్వహణ కోసం డిస్కం ఏటా రూ.100 కోట్లకుపైగా ఖర్చు చేస్తోంది. అయినా ప్రమాదాలు తగ్గడంలేదు. తాజాగా సరూర్‌నగర్‌ డివిజన్‌ చింతల్‌కుంట ఫీడర్‌కు సంబంధించిన 11 కేవీ పోల్‌పై పాలిమర్‌ పిన్‌ ఇన్సులేటర్‌లోని మెటల్‌ రాడ్డు విరిగిపడి, హైటెన్షన్‌ విద్యుత్‌ కేబుల్‌ తెగిపడటంతో.. సాగర్‌ రింగ్‌రోడ్డు సమీపంలోని ఓ దేవాలయం ఫుట్‌పాత్‌పై నిద్రపోతున్న ఓ మహిళ, పురుషుడు (యాచకులు) విద్యుదాఘాతంతో మృత్యువాత పడ్డారు. విద్యుత్‌ ఇంజినీర్లు మాత్రం తమ తప్పిదాన్ని కప్పిపుచ్చుకునేందుకు గుర్తు తెలియని ఓ వాహనం స్తంభాన్ని ఢీకొనడంతోనే వైర్లు తెగిపడినట్లు చెబుతున్నారు. నిర్వహణ లోపంతోనే.. నగరంలోని పాతబస్తీ సహా ప్రధాన బస్తీల్లో ఇప్పటికీ నిజాం కాలం నాటి ఓవర్‌హెడ్‌ లైన్లు, ఇనుప స్తంభాలే ఉన్నాయి. ఏళ్ల క్రితం ఏర్పాటు చేసిన ఈ లైన్లు ప్రస్తుతం శిథిలావస్థకు చేరుకున్నాయి. తరచూ వైర్లు తెగిపడు తుండటంతో పాటు స్తంభాలను ముట్టుకుంటే షాక్‌ కొడుతున్నాయి. లైన్లకు అడ్డుగా ఉన్న చెట్ల కొమ్మలను తొలగించడం, లూజు లైన్లు సరి చేయడం, దెబ్బతిన్న పిన్‌ ఇన్సులేటర్లను మార్చడం, పాడైన ఫ్యూజ్‌ బాక్సులను మార్చ డం, డీటీఆర్‌ల వద్ద పటిష్టమైన ఎర్తింగ్‌ ఏర్పాటు చేయడం వంటి పనుల కోసం డిస్కం ఏటా రూ.100 కోట్లు ఖర్చు చేస్తోంది. కంపెనీ కేటాయించిన నిధులు హారతి కర్పూరంలా కరిగిపోతున్నాయి తప్ప.. సరఫరా వ్యవస్థ మాత్రం మెరుగుపడటం లేదు. క్షేత్రస్థాయిలో ఇంజినీర్లు ఎప్పటికప్పుడు లైన్‌ టు లైన్‌, పోల్‌ టు పోల్‌ తిరిగి ప్రమాదకరంగా మారిన వాటిని గుర్తించి, వాటి స్థానంలో కొత్త వైర్లు, స్తంభాలు, పిన్‌ ఇన్సులేటర్లు ఏర్పాటు చేయాల్సి ఉన్నా.. పట్టించుకోవడం లేదు. లైన్ల పునరుద్ధరణ అంటే కేవలం చెట్ల కొమ్మల తొలగింపు ఒక్కటే అన్నట్లుగా వ్యవహరిస్తున్నారు. ప్రతిపాదనలకే సరి.. గ్రేటర్‌ను విశ్వనగరంగా తీర్చి దిద్దే క్రమంలో భాగంగా వేలాడుతున్న వైర్లను తొలగించి, వాటి స్థానంలో భూగర్భ విద్యుత్‌ కేబుళ్లను ఏర్పాటు చేయాలని డిస్కం నిర్ణయించింది. ఉప ముఖ్యమంత్రి మల్లు భట్టి విక్రమార్క నేతృత్వంలోని ఇంజినీర్ల బృందం ఇటీవల బెంగళూరులో పర్యటించి భూగర్భ విద్యుత్‌ కేబుల్‌ పనులను పరిశీలించి వివరాలను సేకరించింది. 3400 కిలోమీటర్ల 33 కేవీ, 11500 కిలోమీటర్ల 11 కేవీ లైన్లలో యూజీ కేబుళ్లు లైన్లు, 15 వేల కిలోమీటర్ల ఏబీ కేబుల్‌ లైన్ల ఏర్పాటుకు ప్రతిపాదనలు సిద్ధం చేసింది. ఇందు కోసం రూ.13,600 కోట్ల వరకు ఖర్చువుతుందని అంచనా వేసింది. బకాయిలు భారీగా పేరుకపోవడం, ప్రభుత్వం నుంచి రావాల్సిన బిల్లులు సకాలంలో రాకపోవడంతో డిస్కం ఇప్పటికే పీకల్లోతు ఆర్థిక సంక్షోభంలో కూరుకుపోయింది. రాష్ట్ర ప్రభుత్వం సైతం నిధుల్లేవంటూ చేతులెత్తేసింది. కేంద్రం దయతలచి ఏదైనా స్కీం ప్రకటిస్తే గాని.. ఈ పనులు ఇప్పట్లో పూర్తికాని పరిస్థితి నెలకొంది. ప్రాణాంతకంగా వేలాడుతున్న విద్యుత్‌ తీగలు లైన్ల పునరుద్ధరణకు ఏటా రూ.100 కోట్లకుపైగా ఖర్చు అయినా మెరుగుపడని పంపిణీ వ్యవస్థ తరచూ తెగిపడుతున్న వైర్లు సాగర్‌ రింగ్‌రోడ్డు వద్ద ఇద్దరు వ్యక్తుల విషాదాంతం

సామాజిక మాధ్యమాల్లో తొలుత పరిచయమయ్యారు. కొన్నాళ్లపాటు నమ్మకంగా మెలిగారు. ఆ తర్వాత తమ నిజ స్వరూపాన్ని బయటపెట్టారు. ఈ రెండు ఘటనల్లో మహిళలే బాధితులుగా మారారు. షాదీ డాట్‌కామ్‌ ద్వారా మహిళను పరిచయం చేసుకున్న వ్యక్తి పెళ్లి చేసుకుంటానని నమ్మబలికి లైంగిక దాడికి పాల్పడటంతో పాటు రూ.లక్షల్లో నగదు తీసుకుని మోసానికి పాల్పడ్డాడు. మరో ఘటనలో స్నాప్‌చాట్‌లో పరిచయమైన ఓ యువతిని వేధిస్తున్న వ్యక్తిపై పోలీసులకు ఫిర్యాదు అందింది. సనత్‌నగర్‌: షాదీ డాట్‌కామ్‌ ద్వారా ఓ మహిళను పరిచయం చేసుకున్నాడు..ఆపై పెళ్లి చేసుకుంటానని నమ్మబలికి పలుమార్లు బలవంతంగా లైంగిక దాడికి పాల్పడ్డాడు. అంతటితో ఆగకుండా రూ.లక్షల్లో నగదు తీసుకుని మోసానికి పాల్పడిన ఓ వ్యక్తిపై బేగంపేట పోలీస్‌స్టేషన్‌లో కేసు నమోదైంది. వివరాల్లోకి వెళితే..బేగంపేట రసూల్‌పురాకు చెందిన మహిళ (47)కు వెస్ట్‌ ముంబైకి చెందిన కల్పేష్‌ కక్కడ్‌ (42) షాదీ డాట్‌కామ్‌లో పరిచయమయ్యాడు. పెళ్లి చేసుకుంటానని చెప్పి ఫేస్‌బుక్‌ రిక్వెస్ట్‌ పంపి ఆమెతో పరిచయం పెంచుకున్నాడు. తనకు బాగా ఆస్తిపాస్తులు ఉన్నాయని, నమ్మబలికాడు. నగరానికి వచ్చి ఇక్కడే మకాం వేశాడు. ఈ క్రమంలో పలుమార్లు బలవంతంగా లైంగికదాడికి పాల్పడ్డాడు. షేర్‌ మార్కెట్‌లో పెట్టుబడులు అంటూ బాధితురాలితో పాటు ఆమె బంధువుల నుంచి రూ.22 లక్షల వరకు అప్పుగా తీసుకున్నాడు. ఆ తర్వాత కొద్దిరోజులకు ముంబైకి పారిపోయాడు. బాధితురాలు ఫోన్‌ చేసి పెళ్లి విషయం, డబ్బు విషయం అడిగితే వారిద్దరూ సన్నిహితంగా ఉన్న సమయంలో తీసుకున్న ఫొటోలు, వీడియోలు తన వద్ద ఉన్నాయని, డబ్బు ఇవ్వాలని డిమాండ్‌ చేస్తే వీడియోలు, ఫొటోలను వైరల్‌ చేస్తానని బెదిరించాడు. దీంతో బాధితురాలు బేగంపేట పోలీసులకు ఫిర్యాదు చేసింది. ఈ మేరకు పోలీసులు నిందితుడిపై కేసు నమోదు చేసుకుని దర్యాప్తు చేస్తున్నారు. పోచారం: స్నాప్‌చాట్‌లో పరిచయమైన ఓ యువతిని వేధిస్తున్న వ్యక్తిపై పోలీసులకు ఫిర్యాదు అందింది. వివరాల్లోకి వెళితే..స్నాప్‌చాట్‌లో 2024 జూన్‌ నెలలో యాగిరెడ్డి అనిల్‌కుమార్‌కు ఓ మహిళ పరిచయమైంది. ఇరువురు ఆన్‌లైన్‌లో చాటింగ్‌ చేసుకుంటున్నారు. కొన్ని రోజుల తర్వాత ఆమె స్నాప్‌చాట్‌ లాగిన్‌లో సమస్య వచ్చింది. దీన్ని అనిల్‌ పరిష్కరిస్తానని ఆమె ఐడీ, పాస్‌వర్డ్‌ తీసుకున్నాడు. వీటిని వినియోగించి ఆమె వ్యక్తిగత ఫొటోలను సేకరించాడు. ఈ ఫొటోలను ఇతరులకు షేర్‌ చేస్తానని బెదిరించి విడతల వారీగా రూ.90 వేలు ఫోన్‌పే ద్వారా తీసుకున్నాడు. ఈ నెల 8వ తేదీన సంస్కృతి టౌన్‌షిప్‌లోని ఓ ఫ్లాట్‌కు రావాలని డిమాండ్‌ చేయడంతో ఆమె వెళ్లింది. అక్కడ ఆమైపె అనిల్‌ దాడి చేసి డబ్బు ఇవ్వాలని డిమాండ్‌ చేశాడు. దీంతో బాధితురాలు పోలీసులకు ఫిర్యాదు చేశారు. గత ఏడాది కాలంగా ఆమెను అనిల్‌ ఇబ్బందిపెడుతున్నట్లు ఫిర్యాదులో పేర్కొంది. సనత్‌నగర్‌ పరిధిలో.. అటు స్నాప్‌చాట్‌లో పరిచయమై వేధింపులు.. ఇటు షాదీ డాట్‌కామ్‌లో పరిచయమై.. మహిళపై లైంగిక దాడి..ఆపై బ్లాక్‌మెయిల్‌

బంజారాహిల్స్‌: ఈవెంట్లలో ఫొటోలు తీసే ఫొటోగ్రాఫర్లను పరిచయం చేసుకుని ఖరీదైన కెమెరాలను తక్కువ ధరకే ఇప్పిస్తానంటూ నమ్మించి డబ్బులు దండుకుంటున్న నిందితుడిని బంజారాహిల్స్‌ పోలీసులు ఆదివారం అరెస్టు చేశారు. వివరాల్లోకి వెళితే..శ్రీకృష్ణానగర్‌లో నివసించే సూరజ్‌ ధనాల ఈవెంట్లలో డీజే ఆపరేటర్‌గా పనిచేస్తుంటాడు. తాను వెళ్లే ఈవెంట్లలో అక్కడి ఫొటోగ్రాఫర్లను పరిచయం చేసుకుంటూ ఇంతకంటే మేలైన, నాణ్యత ఉన్న, అత్యంత ఆధునిక పరిజ్ఞానంతో ఉన్న కెమెరాలను తక్కువ ధరకు ఇప్పిస్తానంటూ నమ్మబలికాడు. ఇలా వరంగల్‌, హైదరాబాద్‌, కరీంనగర్‌, నిజామాబాద్‌ తదితర పోలీస్‌స్టేషన్ల పరిధిలో 24 మందిని నమ్మించి లక్షలాది రూపాయలు వసూలు చేసి మోసం చేసిన సూరజ్‌ ధనాలను బంజారాహిల్స్‌ పోలీసులు చీటింగ్‌ కేసులో అరెస్టు చేశారు. ఇలా అడ్డదారుల్లో వసూలు చేసిన డబ్బును నిందితుడు ఆన్‌లైన్‌ బెట్టింగ్‌లలో పెట్టేవాడని దర్యాప్తులో తేలింది. బెట్టింగ్‌లకు బానిసైన సూరజ్‌ ఈజీ మనీ కోసం ఫొటోగ్రాఫర్లకు వలవేస్తూ తక్కువ ధరకే కెమెరాలు ఇప్పిస్తానంటూ నమ్మించి పెద్ద మొత్తంలో డబ్బులు వసూలు చేసి ముఖం చాటేసేవాడు. గత ఏడాది గజ్వేల్‌ పోలీసులు ఇదే తరహా చీటింగ్‌ కేసులో నిందితుడిని రిమాండ్‌కు తరలించారు. జైలు నుంచి బెయిల్‌పై వచ్చిన తర్వాత కూడా సూరజ్‌ తన ప్రవర్తనను మార్చుకోకుండా ఇలాంటి మోసాలకు తరచూ పాల్పడుతున్నాడు. ఇప్పటివరకు ఆయనపై రాష్ట్ర వ్యాప్తంగా 24 కేసులు నమోదయ్యాయని పోలీసుల దర్యాప్తులో తేలింది. బంజారాహిల్స్‌ పోలీసులు కేసు దర్యాప్తు చేస్తున్నారు.

బంజారాహిల్స్‌: వాకర్ల వాహనాల పార్కింగ్‌ సమస్యకు మరో పది రోజుల్లో శాశ్వత పరిష్కారం లభించనుంది. బంజారాహిల్స్‌లోని కేబీఆర్‌ పార్కును ఆనుకుని మల్టీలెవల్‌ పార్కింగ్‌కు ఏర్పాట్లు చేశారు. వారం రోజులుగా జరుగుతున్న ట్రయల్‌ రన్‌ విజయవంతమైంది. ఆరు అంతస్తుల్లో 72 కార్లు పార్కింగ్‌ చేసుకునేందుకు అవకాశం కల్పించారు. వారం రోజుల నుంచి పార్కు వాకర్స్‌ తమ కార్లను ట్రయల్‌ రన్‌లో భాగంగా ఇక్కడ పార్కింగ్‌ చేస్తున్నారు. మరో 10 రోజుల్లో అధికారికంగా ఇది అందుబాటులోకి రానుంది. ఇంకా కొన్ని పనులు మిగిలి ఉన్నాయని, అవి పూర్తయ్యాక ప్రారంభిస్తామని నిర్వాహకులు తెలిపారు. నవ నిర్మాణ్‌ అసోసియేట్స్‌ సంస్థ రూ.6.50 కోట్ల వ్యయంతో నగరంలోని మొదటి మల్టీలెవల్‌ పార్కింగ్‌ను అత్యాధునిక సాంకేతిక పరిజ్ఞానంతో నిర్మించింది. ఈ పార్కింగ్‌ వ్యవస్థ విజయవంతమైతే కేబీఆర్‌ చుట్టూ మరో రెండు ప్రాంతాల్లో నిర్మించాలని యోచిస్తున్నారు.

మీర్‌పేట: ప్రతి ఒక్కరూ ఆరోగ్యంపై అప్రమత్తంగా ఉండాలని మీర్‌పేట కార్పొరేషన్‌ విజ్ఞానపురి కాలనీ అధ్యక్షుడు ఆర్‌ కృష్ణ పేర్కొన్నారు. బృంగి హాస్పిటల్‌ సహకారంతో కాలనీ అసోసియేషన్‌ ఆధ్వర్యంలో ఆదివారం కాలనీ సెంటర్‌ పార్కు వద్ద ఏర్పాటు చేసిన ఉచిత న్యూరో వైద్య శిబిరాన్ని ఆయన ప్రారంభించి మాట్లాడారు. ప్రస్తుత ఆహారపు అలవాట్లు, ఉరుకులు పరుగుల జీవితంలో ఆరోగ్యం పట్ల శ్రద్ధ వహించడం లేదన్నారు. కాలనీవాసుల ఆరోగ్య రక్షణ కోసం ప్రత్యేకంగా ప్రతీ ఆదివారం వైద్య శిబిరాన్ని ఉదయం 9 నుంచి మధ్యాహ్నం 1 గంట వరకు నిర్వహిస్తున్నామన్నారు. ఈ అవకాశాన్ని సద్వినియోగం చేసుకోవాలని ఆయన కోరారు.

సుందరయ్య విజ్ఞాన కేంద్రం: తెలంగాణలో విద్యా వ్యవస్థ కుంటుపడిందని, అందుకు కారణం గత పాలకుల వైఫల్యమేనని తెలంగాణ ఉన్నత విద్యామండలి వైస్‌ చైర్మన్‌ ప్రొఫెసర్‌ ఇటిక్యాల పురుషోత్తం అన్నారు. తెలంగాణ పరిరక్షణ సంస్థ ఆధ్వర్యంలో ‘తెలంగాణ విద్యారంగం–ఆంధ్ర కార్పొరేట్‌ దోపిడీ’ అనే అంశంపై సుందరయ్య విజ్ఞాన కేంద్రంలో ఆదివారం సాయంత్రం రౌండ్‌ టేబుల్‌ సమావేశం నిర్వహించారు. ముఖ్యఅతిథిగా పాల్గొన్న ఆయన మాట్లాడుతూ తెలంగాణలోని ఏ ఉన్నత విద్యా సంస్థలోనూ విద్యా ప్రమాణాలు పాటించడం లేదని పేర్కొన్నారు. కార్పొరేట్‌ కళాశాలలన్నీ వ్యాపార దృక్పథంతో నడుస్తున్నాయని, దీంతో విద్యా ప్రమాణాలు పూర్తిగా తగ్గిపోయాయన్నారు. నడవని కాలేజీలకు ఫీజు రీయింబర్స్‌మెంట్‌ ఇవ్వకూడదని చెప్పారు. ● విద్య, వైద్యాన్ని ఉచితంగా అందించాలని అప్పుడే వ్యవస్థ బాగుపడుతుందని అన్నారు. సోషల్‌ వెల్ఫేర్‌ కళాశాలల్లో చదివే పిల్లలే నీట్‌ వంటి పోటీ పరీక్షల్లో మంచి ర్యాంకులు సాధించారన్నారు. కార్పొరేట్‌ విద్యా సంస్థలు విద్యా వ్యవస్థను నాశనం చేస్తున్నాయన్నారు. సీఎం రేవంత్‌రెడ్డికి విద్యా వ్యవస్థను బాగుపరచాలనే సంకల్పం ఉందని, దానికి పౌర సమాజం కూడా సహకరించాలన్నారు. ఈ కార్యక్రమంలో ప్రముఖ కవి డాక్టర్‌ సుంకిరెడ్డి నారాయణ రెడ్డి అధ్యక్షతన జరిగిన ఈ కార్యక్రమంలో కేంద్ర సాహిత్య అకాడమీ యువ పురస్కార గ్రహీత డాక్టర్‌ పసునూరి రవీందర్‌, పాశం యాదగిరి, పల్లె వినయ్‌కుమార్‌, ఇర్వేంటి విజయ్‌కుమార్‌, ఆర్‌.వెంకట్‌రెడ్డి, అశోక్‌రెడ్డి, కిరణ్‌, సంగిశెట్టి శ్రీనివాస్‌ తదితరులు పాల్గొన్నారు.ప్రొఫెసర్‌ ఇటిక్యాల పురుషోత్తం

హిమాయత్‌నగర్‌: ఆర్థిక ఇబ్బందులు తట్టుకోలేక ఓ ఆటో డ్రైవర్‌ ఆత్మహత్య చేసుకున్న ఘటన నారాయణగూడ పోలీస్‌ స్టేషన్‌ పరిధిలో చోటుచేసుకుంది. ఆదివారం ఎస్‌ఐ షఫీ తెలిపిన వివరాల ప్రకారం నారాయణగూడ విఠల్‌ వాడికి చెందిన ఆటో డ్రైవర్‌ డి.కోటేశ్వర్‌(50) ఆర్థిక ఇబ్బందులతో ఈ నెల 10న సాయంత్రం పురుగులమందు తాగి ఆత్మహత్య యత్నం చేశారు. గమనించిన కుటుంబ సభ్యులు అతడిని ఉస్మానియా జనరల్‌ హాస్పిటల్‌లో చేర్పించగా చికిత్స పొందుతూ శనివారం మృతి చెందాడు. మృతుడికి ఇద్దరు పిల్లలు ఉన్నారు. ఆయన మరణంపై ఎటువంటి అనుమానాలు లేవని కుటుంబ సభ్యులు తెలిపినట్లు పోలీసులు చెప్పారు. మృతుడి సోదరుడు డి.పరమేశ్వర్‌ ఫిర్యాదు మేరకు పోలీసులు కేసు నమోదు చేసుకుని దర్యాప్తు చేస్తున్నారు. కేంద్రం వెంటనే కులగణన చేపట్టాలి హయత్‌నగర్‌: స్వాతంత్య్రం వచ్చి 78 ఏళ్లు గడిచినా ఏ వర్గం వారి జనాభా ఎంత ఉందో లెక్కలు లేకపోవడం దురదృష్టకరమని సీపీఐ రాష్ట్ర వర్గ సభ్యుడు ఆందోజు రవీంద్రాచారి, కౌన్సిల్‌ సభ్యుడు ముత్యాల మాదిరెడ్డి ఆవేదన వ్యక్తం చేశారు. ఆదివారం జరిగిన పార్టీ కుంట్లూరు శాఖ మహాసభలో వారు మాట్లాడారు. కేంద్రం తక్షణం స్పందించి కులగణన చేపట్టాలని డిమాండ్‌ చేశారు. పేద ప్రజలకు కార్పొరేట్‌ విద్య, వైద్యం ఉచితంగా అందజేయాలన్నారు. పార్టీ మండల సహాయ కార్యదర్శి ఆజ్మీరా హరిసింగ్‌ నాయక్‌ ఆధ్వర్యంలో జరిగిన కార్యక్రమంలో మండల కార్యవర్గ సభ్యుడు చిర్ర శేఖర్‌, నాయకులు గణేశ్‌, పేరాల గోపి, సైదులు, అనసూయ, రాజు, రవళి తదితరులు పాల్గొన్నారు.

● బీసీ సంక్షేమ బాలుర గృహంలో 100 సీట్లు ● నాణ్యమైన భోజనంతో పాటు వసతి ● తుక్కుగూడలో దరఖాస్తుల ప్రక్రియ ప్రారంభం తుక్కుగూడ: బీసీ సంక్షేమ అభివృద్ధి శాఖ ఆధ్వర్యంలో విద్యార్థుల కోసం రాష్ట్ర ప్రభుత్వం సంక్షేమ వసతి గృహాలను ఏర్పాటు చేసింది. వీటిలో భాగంగా తుక్కుగూడ పురపాలిక కేంద్రంలో బాలుర గృహం కలదు. ఇందులో విద్యార్థుల సంఖ్య పూర్తి స్థాయిలో భర్తీ చేసేందుకు అధికారులు చర్యలు చేపట్టారు. దీనికోసం కొత్తగా చేరబోయే వారికి పలు రకాల వసతులను కలిపించనున్నారు. ఇక్కడ విద్యార్థుల సంఖ్య ప్రతీ ఏటా తగ్గుతూ వస్తోంది. దీంతో ఈ గృహంలో విద్యార్థుల సంఖ్య పెంపే లక్ష్యంగా అధికారులు కృషి చేస్తున్నారు. తల్లిదండ్రులకు అవగాహన కల్పిస్తున్నారు. ప్రవేశాల కోసం విస్తృత ప్రచారం చేస్తున్నారు. మూడో తరగతి నుంచి.. బాలుర వసతి గృహంలో మూడోతరగతి నుంచి పదోతరగతి వరకు 100 మందికి ప్రవేశం కల్పించే అవకాశం ఉంది. రెండు, మూడేళ్ల నుంచి పూర్తి స్థాయిలో విద్యార్థులు చేరకపోవడంతో కొన్ని సీట్లు మిగిలిపోయేవి. తుక్కుగూడ మున్సిపాలిటీ కేంద్రంలో ప్రస్తుతం 50శాతం పైగా విద్యార్థులు ఉన్నారు. ప్రస్తుతం పూర్తిస్థాయిలో ప్రవేశాలే లక్ష్యంగా అధికారులు, ఉపాధ్యాయులు పనిచేస్తున్నారు. ఇక్కడ ఇతర మండలాలకు చెందిన వారికి సైతం ప్రవేశం కల్పించనున్నారు. స్థానికంగా ఉండే పాఠశాలలకు, తల్లిదండ్రుల వద్దకు వెళ్లి ప్రచారం చేస్తున్నారు. వసతిగృహంలో చేరేలా అవగాహన కల్పిస్తున్నారు. ఇక్కడ వసతి గృహంలో 100 మంది విద్యార్థుల్లో బీసీలకు 75 సీట్లు, ఎస్సీలకు 15సీట్లు, ఎస్టీలకు 5 సీట్లను కేటాయించారు. పౌష్టికాహారం అందజేత.. విద్యార్థులకు వసతితో పాటు, నాణ్యమైన భోజనాన్ని నిత్యం అందించనున్నారు. గతంలో విద్యార్థులకు మెస్‌ చార్జీల రూపేణ ఒక్కరిపై రూ.1,100లు ఖర్చు చేస్తుండేది. ప్రస్తుతం పెరిగిన ధరలకు అనుకూలంగా రూ.2,150 వెచ్చించనుంది. దీంతో విద్యార్థులకు మరింత నాణ్యమైన పౌష్టికాహారం వడ్డించనున్నారు. ప్రతీరోజు.. ఉదయం 7గంటలకు రాగిజావ, పాలు. అనంతరం గంట తరువాత బ్రేక్‌ఫాస్ట్‌లో భాగంగా ఉప్మా, పులిహోర, కిచిడి రసం, చపాతి, పూరీ, ఇడ్లీ, జీర రైస్‌, టమాట అన్నం ఇలా రోజుకోరకంగా అందజేయనున్నారు. మధ్యాహ్నం పాఠశాలలో భోజనం ఉంటుంది. సాయత్రం ఐదు గంటలకు స్నాక్స్‌ పల్లిపట్టి, అటుకులు, బిస్కెట్స్‌, శనగలు, బొబ్బర్లు తదితర పదార్థాలు అందించనున్నారు. గతంలో వారానికి రెండు గుడ్లు, అరటిపండ్లు ఇచ్చేవారు. ఇప్పుడు వారంలో ఐదు రోజుల పాటు ఇవ్వనున్నారు. వారంలో ఆదివారం చికెన్‌ ఉంటుందని అధికారులు తెలిపారు. దీనికి తోడు విద్యార్థులకు మూడోతరగతి నుంచి ఏడోతరగతి వరకు రూ.150, 8నుంచి 10వ తరగతి వరకు రూ.200 కాస్మొటిక్‌ ఛార్జీలను ప్రభుత్వం చెల్లించనుంది. సద్వినియోగం చేసుకోవాలి తుక్కుగూడ బీసీ బాలుర సంక్షేమ వసతిగృహంలో 100 సీట్లు ఉన్నాయి. విద్యార్థుల సంఖ్యను పెంచడానికి విసృత్తంగా ప్రచారం చేస్తున్నాం. మొత్తం సీ ట్లను భర్తీ చేసేవిధంగా చర్యలు తీసుకుంటున్నాం. అర్హులైన విద్యార్థులు వసతిగృహాన్ని సద్వినియోగం చేసుకోవాలి. – జగదీశ్‌ కుమార్‌, బీసీ, బాలుర వసతి గృహ సంక్షేమ అధికారి, తుక్కుగూడ

పంథా మార్చినసకుటుంబ సపరివార సమేతంగా వచ్చి నేరాలు● ఒకప్పుడు దోపిడీలు, బందిపోటు దొంగతనాలు ● నగరంలో వీళ్లు చేసిన హత్యలు, దారుణాలు ఎన్నో ● ప్రస్తుతం గంధపు చెట్ల స్మగ్లింగ్‌ వైపు మళ్లిన గ్యాంగ్స్‌ ● తాజాగా నలుగురిని అరెస్టు చేసిన సిటీ పోలీసులు ● పరారీలో ఉన్న 19 మంది కోసం ముమ్మరంగా వేటసాక్షి, సిటీబ్యూరో: మధ్యప్రదేశ్‌లోని నుంచి వచ్చి నగరంలోని వివిధ ప్రాంతాల్లో గంధపు చెట్లను నరికి ఎత్తుకుపోతున్న పార్థీ గ్యాంగ్‌ను నగర పోలీసులు శుక్రవారం పట్టుకున్నారు. ఈ ముఠాకు చెందిన నలుగురిని అరెస్టు చేసి, పరారీలో ఉన్న మరో 19 మంది కోసం గాలిస్తున్నారు. తెలుగు రాష్ట్రాల్లో అనేక నేరాలు చేసిన పార్థీ గ్యాంగ్‌ ప్రస్తుతం తన పంథా మార్చింది. అత్యంత కరుడుగట్టిన ఈ ముఠా పేరు చెప్తే ఒకప్పుడు పోలీసులే హడలిపోయే వాళ్లు. దోపిడీలు, బందిపోటు దొంగతనాలు, సొత్తు కోసం హత్యలు, అత్యాచారాలు చేసిన ఈ గ్యాంగ్స్‌ ప్రస్తుతం గంధపు చెట్లపై పడ్డాయి. మధ్యప్రదేశ్‌, మహారాష్ట్ర, గుజరాత్‌, రాజస్థాన్‌ల్లో విస్తరించి ఉన్న పార్థీ గ్యాంగ్స్‌లో మూడు రకాలు ఉన్నాయని పోలీసులు చెప్తున్నారు. అవే పాసి పార్థీలు, పన్‌ పార్థీలు, గ్రామ్‌ పార్థీలు... వీటిలో పన్‌, గ్రామ్‌ ముఠాలు అత్యంత ప్రమాదకరమని స్పష్టం చేస్తున్నారు. పగలు రెక్కీ... రాత్రికి పంజా... పార్థీ గ్యాంగ్స్‌ కొన్నేళ్ల క్రితం వరకు శివార్లలో ఒంటరి ఇళ్లు, ఫామ్‌హౌస్‌ల్ని ఎంచుకుని క్రూరంగా బందిపోటు దొంగతనాలకు పాల్పడేవి. అడవుల్లో వేటాడేప్పుడు క్రూరమృగాలపై ఎలా దాడి చేస్తారో... దోచుకునే సమయంలో మనుషుల పైనా అదే స్థాయిలో వీళ్లు విరుచుకుపడేవారు. బాధితుల్ని తీవ్రంగా గాయపరచడం, ఎదిరిస్తే హతమార్చడం వారి నైజం. నిర్మానుష్య ప్రాంతాల్లో గుడారాలు వేసుకుని నివసిస్తూ..పగలు ప్లాస్టిక్‌ సామాన్లు, పూసలు అమ్ముకునే వారిగా వీధుల వెంట తిరిగేవాళ్లు. అనువైన ఇంటిని ఎంపిక చేసుకుని అర్ధరాత్రి దాటిన తరవాత దానిపై విరుచుకుపడి విలయం సృష్టించే వాళ్లు. ఆ కాలం నుంచి ‘క్రిమినల్‌ ట్రైబ్‌’ ముద్ర... బ్రిటీష్‌ కాలంలో ఉత్తరాదికి చెందిన పార్థీ గ్యాంగ్స్‌ను క్రిమినల్‌ ట్రైబ్‌ యాక్ట్‌ కింద నోటిఫై చేశారు. అప్పట్లో వీళ్లు కేవలం నేరాలు మాత్రమే చేస్తుండటంతో ఇలా చేసి వారిపై పటిష్ట నిఘా ఉంచారు. స్వాతంత్య్రం వచ్చిన తర్వాత భారత ప్రభుత్వం పార్థీలకు జీవనోపాధి కల్పించడంతో దాదాపు 99 శాతం మంది తమ జీవనశైలి మార్చుకున్నారు. అయినప్పటికీ ఇప్పటికీ కొన్ని ముఠాలు నేరాలు చేయడమే తమ జీవనాధారంగా చేసుకున్నాయి. ఒకప్పుడు మహారాష్ట్రకు చెందిన ముఠాలకు గణేష్‌ బాపు రావు పవార్‌ దలే నాయకుడిగా ఉండేవాడు. అత్యంత ప్రమాదకరమైన వ్యక్తిగా పేరున్న ఇతనిపై సైబరాబాద్‌తో పాటు మెదక్‌, నల్గొండ, వరంగల్‌, నిజామాబాద్‌, అదిలాబాద్‌ జిల్లాలతో పాటు ఏపీలోనూ అనేక కేసులు ఉన్నాయి. ఇతన్ని 2005లో సైబరాబాద్‌ స్పెషల్‌ ఆపరేషన్‌ టీం పోలీసులు అరెస్టు చేశారు. ఆపై 2011లో సైబరాబాద్‌ పోలీసులే ఇతని సోదరుడు రాహుల్‌ బాపురావు పవార్‌ను పట్టుకున్నారు. వేసవి కాలంలోనే ఎక్కువగా... ఈ ముఠాలు అప్పట్లో వేసవి కాలంలోనే సైబరాబాద్‌పై విరుచుకుపడేవి. దీని వెనుక ఓ ఆసక్తికరమైన కారణం ఉందని పోలీసులు చెప్తున్నారు. పార్థీలు ప్రతి ఏడాదీ సెప్టెంబరు, అక్టోబరు, నవంబరు నెలల్లో కొండ ప్రాంతాల్లో ఉన్న తమ స్వస్థలాల్లో పూర్తిగా విశ్రాంతి తీసుకుంటూ గడుపుతారు. డిసెంబరు నెల నుంచి దొంగతనాలు ప్రారంభించేవారు. ముందుగా మహారాష్ట్రలో, ఆపై గుజరాత్‌ల్లో నేరాలు చేసేవారు. అక్కడ నుంచి ఇక్కడకు చేరే సరికి మార్చి, ఏప్రిల్‌ వచ్చేది. అలా ఆగస్టు వరకు ఇక్కడ నేరాలు చేసి కర్ణాటక రాష్ట్రంలోకి ప్రవేశించి..మళ్లీ సెప్టెంబరు వచ్చేసరికి తమ స్వస్థలాలకు చేరుతుండేవారు. ఒక్కోసారి ఈ పార్థీ ముఠాలు సీజన్‌ను మారుస్తూ నవంబరులోనూ నగరంపై పడి రెచ్చిపోయేవారు. పోలీసుల్ని ఏమార్చడానికి ఈ ఎత్తు వేసేవారని అధికారులు చెప్తున్నారు.ఆ గ్యాంగ్స్‌ ‘పని’ చేసేది ఇలా...శివార్లలో ప్రవేశించి నిర్జన ప్రదేశాల్లో గుడిసెలు వేసుకుని నివస్తారు. రాహుల్‌ బాపురావు పవార్‌ ముఠా అప్పట్లో లింగంపల్లిలో మకాం పెట్టింది. పగలు గ్యాంగ్‌లోని మహిళలతో రెక్కీ నిర్వహించేవారు. అన్ని రకాలుగా అనువుగా ఉన్న ఇళ్ళను ఎంచుకుని అర్ధరాత్రి విజృంభించి బందిపోటు దొంగతనాలకు పాల్పడేవారు. దోపిడీలకు సైతం శివార్లలోని ఒంటరిగా ఉన్న ఇళ్లనే ఎంచుకునేది. సాధారణంగా ఈ ముఠా ఎలాంటి ఆయుధాల్నీ తమతో తెచ్చుకోదు. బందిపోటు దొంగతనం చేయబోయే ఇంటి ఆవరణలో, ఇంట్లో చేతికి దొరికిన వస్తువుతో పాశవికంగా దాడి చేస్తుంది. ఆ సమయంలో సాధారణంగా బాధితులకు మాట్లాడే అవకాశం కూడా ఇవ్వరు. తొలుత బాధితుల్ని గాయపరచడం ద్వారా భయభ్రాంతులకు గురిచేసి..ఆపై సొత్తు చేజిక్కించుకోవడం వీరి నైజం. వీళ్లు ఎక్కువగా బాధితుల తలపైనే దాడి చేసేవారు. 2001లో నాగోలులోని కో–ఆపరేటివ్‌ బ్యాంక్‌ కాలనీలోని ఓ ఇంట్లో వీరు సృష్టించిన విలయం రాష్ట్ర వ్యాప్తంగా సంచలనం రేపింది.

రాయదుర్గం: నగరానికి, చెరువులకు పురాతన చరిత్రతో పాటు అవినాభావ సంబంధం ఉంది. ఇక్కడ ఉన్న చెరువులను కాపాడటం, కలుిషితం కాకుండా చూడటం గగనంగా మారింది. ఇలాంటి తరుణంలో నగరంలో మొదటిసారిగా ఓ చెరువునే ఏర్పాటు చేసి భూగర్భ జలాల పెంపునకు చర్యలు తీసుకుంటున్నారు. ఇందుకోసం గచ్చిబౌలిలోని మౌలానా ఆజాద్‌ జాతీయ ఉర్దూ విశ్వవిద్యాలయం క్యాంపస్‌లో నూతనంగా చెరువు తవ్వకానికి శ్రీకారం చుట్టడం విశేషం. ‘మనూ’ క్యాంపస్‌లో పదిహేను రోజుల క్రితం చెరువు తవ్వకం పనులకు వైస్‌ చాన్స్‌లర్‌, పద్మశ్రీ ప్రొఫెసర్‌ సయ్యద్‌ ఐనుల్‌ హసన్‌ శంకుస్థాపన చేశారు. క్యాంపస్‌లో భూగర్భ జలాలను గణనీయంగా పెంపొందించి బోర్‌వెల్‌లకు కీలకమైన వనరుగా ఉపయోగపడేలా దీన్ని రూపొందించారు. ‘మనూ’ క్యాంపస్‌లోని వృక్షాలకు అవసరమైన నీరు అందుబాటులో ఉండేలా, పచ్చదనం మరింత పెంపొందేలా, పక్షులు, ఇతర జీవజాతుల మనుగడ సాఫీగా సాగేలా ఈ చెరువుకు శ్రీకారం చుట్టారు. క్యాంపస్‌లో తయారు చేసే ఈ చెరువుకు ‘జీవవైవిధ్య చెరువు’ (బయోడైవర్సిటీ పాండ్‌)గా పేరు కూడా పెట్టడం గమనార్హం. మనూలో ‘బయోడైవర్సిటీ పాండ్‌’కు శ్రీకారం నగరంలోనే సరికొత్త విధానంలో తొలి చెరువు క్యాంపస్‌లో భూగర్భ జలాల పెంపునకు చర్యలు ప్రత్యేకతలివీ.. క్యాంపస్‌లోని 2.68 ఎకరాల విస్తీర్ణంలో చెరువు ఏర్పాటు 450 మీటర్ల వ్యాసంతో దీనికి రూపకల్పన 80 లక్షల లీటర్ల నీటి సామర్థ్యం ఉండేలా.. మురుగు నీరు చేరకుండా కేవలం వర్షం నీటితోనే నిల్వ నగరంలోని మిగతా చెరువుల కన్నా విభిన్నంగా తీర్చిదిద్దడం చెరువు పరిసరాల్లో జీవ వైవిధ్యం ఉట్టిపడేలా.. ప్రకృతి సహజసిద్ధంగా ఉండేలా.. వేలాది నాటి భారీ బండరాళ్లను కాపాడటం పక్షుల ఆవాసాలు, చెరువు చుట్టూ పచ్చదనం పెంచడం పూల మొక్కలను కూడా పెంచేందుకు నిర్ణయం క్యాంపస్‌లోని వారు ఆహ్లాద వాతావరణంలో సేద తీరేలా చర్యలు చుట్టూ వాకింగ్‌ ట్రాక్‌ల ఏర్పాటు యోచన అందమైన లైటింగ్‌, చెరువులో నీటి ఫౌంటెన్‌లతో కొత్త శోభ.

హుడాకాంప్లెక్స్‌: రాజకీయాల కోసం పేద ప్రజలను ఇబ్బంది పెట్టడం సరికాదని మాజీ మంత్రి, మహేశ్వరం ఎమ్మెల్యే సబితారెడ్డి హితవు పలికారు. సరూర్‌నగర్‌, ఆర్‌కేపురం డివిజన్లకు చెందిన డబుల్‌ బెడ్‌రూం ఇళ్ల లబ్ధిదారులు తమ సమస్యలను ఆదివారం ఎమ్మెల్యేకు వివరించారు. ఈ సందర్భంగా ఆమె మాట్లాడుతూ.. మహేశ్వరం నియోజకవర్గంలోని పేదలకు దాదాపు 5వేల డబుల్‌ బెడ్‌రూం ఇళ్లు ఆన్‌లైన్‌ లక్కీడీప్‌ ద్వారా కేటాయించడం జరిగిందన్నారు. ఆర్‌కేపురం, సరూర్‌నగర్‌ డివిజన్లకు చెందిన 1,800 మందికి డ్రా ద్వారా కేటాయించామన్నారు. స్థానికులకు 10 శాతం కేటాయించి ప్రభుత్వ నిబంధనల ప్రకారమే అర్హులకు పట్టాలు ఇచ్చామని వివరించారు. కొంతమంది కావాలని కోర్టులకు వెళ్లి లబ్ధిదారులను ఇబ్బంది పెట్టే విధంగా చేస్తూ ఆనందం పొందుతున్నారని విమర్శించారు. ఉన్నతాధికారులతో చర్చించి లబ్ధిదారులకు న్యాయం చేస్తామని ఎమ్మెల్యే హామీ ఇచ్చారు.

సాక్షి, సిటీబ్యూరో: ఉన్నతాధికారులు, పరిచయస్తులు, స్నేహితులు, బంధువుల ఫొటోలను వాట్సాప్‌ డీపీలుగా పెట్టుకుని వారి మాదిరిగా చాటింగ్‌ చేస్తూ డబ్బు కాజేసిన ఉదంతాలు ఇదివరకు అనేకం చూశాం కదా! అయితే ఇప్పుడు సరికొత్తగా ‘వాట్సాప్‌ మిమిక్రీ’ఫ్రాడ్‌ వెలుగులోకి వచ్చింది. లండన్‌లో నివసిస్తున్న ఓ వ్యక్తి గొంతును సైబర్‌ నేరగాళ్లు అనుకరిస్తూ నగరానికి చెందిన ప్రభుత్వ ఉద్యోగికి ఫోన్‌ చేసి రూ.2.05 లక్షలు కాజేశారు. ఈ మేరకు బాధితుడు గురువారం సిటీ సైబర్‌ క్రైమ్‌ ఠాణాలో ఫిర్యాదు చేశారు. బాధితుడి(27) స్నేహితుడు కొన్నేళ్లుగా లండన్‌లో విద్యనభ్యసిస్తున్నారు. గత నెల 22న బాధితుడికి +44 7961925094 నంబర్‌ నుంచి వాట్సాప్‌ సందేశం వచ్చింది. లండన్‌లో ఉన్న స్నేహితుడు పంపినట్లుగా అది ఉండటంతో బాధితుడు అప్రమత్తం అయ్యాడు. తన స్నేహితుడికి నేరుగా ఫోన్‌ చేసి సంప్రదించడానికి ప్రయత్నించాడు. అయితే ఆ నెంబర్‌ అందుబాటులో లేకపోవడంతో సాధ్యం కాలేదు. కొద్దిసేపటికి 8132883688 నెంబర్‌ నుంచి ఫోన్‌ చేసిన సైబర్‌ నేరగాళ్లు బాధితుడి స్నేహితుడి గొంతును అనుకరిస్తూ మాట్లాడారు. దీంతో తన స్నేహితుడే మాట్లాడుతున్నట్లు బాధితుడు భావించాడు. తాను లండన్‌ నుంచి హైదరాబాద్‌కు వస్తున్నట్లు అవతలి వ్యక్తి చెప్పాడు. కొద్దిసేపటికి మళ్లీ ఫోన్‌ చేసిన నేరగాడు తాను ఢిల్లీ విమానాశ్రయంలో చిక్కుకున్నట్లు తెలిపాడు. తన వద్ద విదేశీ కరెన్సీ ఉండటంతో ఆదాయపు పన్ను అధికారులు అదుపులోకి తీసుకున్నారని చెప్పాడు. కొద్దిసేపటికి కాల్‌ చేసిన మరో వ్యక్తి ఆదాయపు పన్ను అధికారిగా పరిచయం చేసుకున్నాడు. క్లియరెన్స్‌ చార్జీలు చెల్లిస్తే.. రూ.55,500 క్లియరెన్స్‌ చార్జీలు చెల్లిస్తే స్నేహితుడిని విడిచిపెడతామని సైబర్‌ నేరగాడు చెప్పాడు. బాధితుడిని నమ్మించేందుకు ఓ నకిలీ రసీదును వాట్సాప్‌ ద్వారా పంపాడు. తన స్నేహితుడిని రక్షించాలనే ఉద్దేశంతో బాధితుడు ఈ మొత్తం చెల్లించాడు. ఆ తర్వాత మళ్లీ కాల్‌ చేసిన నేరగాడు మరో పన్ను పేరుతో ఇంకో రూ.1,50,000 బదిలీ చేయించుకున్నాడు. ఆపై మరోసారి కాల్‌ చేసి రూ.3,50,000 డిమాండ్‌ చేయడంతో బాధితుడు అనుమానించాడు. తన స్నేహితుడిని అతడి నెంబర్‌కు కాల్‌ చేసి సంప్రదించాడు. అలా తాను మోసపోయినట్లు తెలుసుకున్న బాధితుడు ఆన్‌లైన్‌ ద్వారా సిటీ సైబర్‌ క్రైమ్‌ ఠాణాను ఆశ్రయించాడు. వాట్సాప్‌ మిమిక్రీతో ఫ్రాడ్‌ చేసిన సైబర్‌ నేరగాళ్లు లండన్‌లోని స్నేహితుడి పేరిట నగరవాసికి టోకరా

అందులో ఫిట్‌నెస్‌ లేని నాలుగు స్కూల్‌ బస్సులు కూడా..కేపీహెచ్‌బీ కాలనీ: వేసవి సెలవులు ముగిసి పాఠశాలలు తెరుచుకున్న నేపథ్యంలో రోడ్లపైకి వస్తున్న స్కూల్‌ బస్సులపై రవాణాశాఖ అధికారులు ప్రత్యేక దృష్టి సారించారు. స్పెషల్‌ డ్రైవ్‌లు నిర్వహిస్తూ నిబంధనలకు విరుద్ధంగా నడుపుతున్న బస్సులను, సరైన ఫిట్‌నెస్‌ లేని వాహనాలను సీజ్‌ చేస్తున్నారు. ఇందులో భాగంగా మూడు రోజులుగా కూకట్‌పల్లి ప్రాంతీయ రవాణా శాఖ మోటార్‌ వెహికల్‌ ఇన్‌స్పెక్టర్‌ శ్రీనుబాబు ఆధ్వర్యంలో తనిఖీలు నిర్వహిస్తున్నారు. గురువారం ఉదయం తులసివనం వద్ద నిర్వహించిన తనిఖీల్లో ఫిట్‌నెస్‌ లేని నాలుగు స్కూల్‌ బస్సులను సీజ్‌ చేసినట్లు తెలిపారు. టాక్స్‌ చెల్లించని మరో రెండు వాహనాలను సీజ్‌ చేశారు. వీటితోపాటు నిబంధనలకు విరుద్ధంగా బస్సులో ఎక్కువ మంది విద్యార్థులను ఎక్కించుకున్న శ్రీ చైతన్య, నారాయణ విద్యా సంస్థల బస్సులను కూడా సీజ్‌ చేసినట్లు ఇన్‌స్పెక్టర్‌ శ్రీనుబాబు తెలిపారు. సరైన అనుమతి పత్రాలు లేకుండా కనీసం ఫిట్‌నెస్‌ సర్టిఫికెట్‌ లేకుండా తిరుగుతున్న మూడు స్కూల్‌ బస్సులను ఇన్‌స్పెక్టర్‌ శ్రీనుబాబు ఆధ్వర్యంలో బుధవారం సీజ్‌ చేశారు. మంగళవారం కూడా ఒక స్కూల్‌ బస్సు ఫిట్‌నెస్‌ లేకుండా తిరుగుతుండటంతో పట్టుకున్నట్లు శ్రీనుబాబు తెలిపారు. పన్నులు చెల్లించని మరో రెండు వాహనాలను కూడా సీజ్‌ చేసినట్లు చెప్పారు. తనిఖీల్లో ప్రధానంగా ఫస్ట్‌ ఎయిడ్‌ కిట్స్‌, అగ్నిమాపక పరికరాలు, వాహన ఫిట్‌నెస్‌ వంటివి లేకుంటే చర్యలు తప్పవని ఎంవీఐ హెచ్చరించారు.

సాక్షి, సిటీబ్యూరో: జీహెచ్‌ఎంసీ కమిషనర్‌ కర్ణన్‌ ఆదేశాల మేరకు ఫుడ్‌సేఫ్టీ అధికారులు బుధవారం నుంచి 69 మిఠాయి దుకాణాలను తనిఖీలు చేశారు. నిబంధనలు ఉల్లంఘించి నిర్లక్ష్యంగా షాపులు నిర్వహిస్తున్న వారికి నోటీసులు జారీ చేశారు. కనీసం ఫుడ్‌ సేఫ్టీ లైసెన్స్‌ కూడా లేని పది దుకాణాలకు తాళాలు వేసి సీల్‌ చేశారు. అధికారులు మూసివేసిన మిఠాయి దుకాణాల్లో శ్రీలక్ష్మి మిఠాయి భండార్‌(ఎల్‌బీ నగర్‌), శ్రీరాఘవేంద్ర స్వీట్‌ హౌస్‌ అండ్‌ బేకరి(ఎల్‌బీ నగర్‌), శ్రీసాయిరామ్‌ హాట్‌చిప్స్‌ అండ్‌ స్వీట్స్‌ (ఎల్‌బీ నగర్‌), న్యూబాలాజీ మిఠాయి భండార్‌ అండ్‌ హాట్‌ చిప్స్‌ (కొత్తపేట), సూపర్‌ స్వీట్స్‌(అలీజా కోట్ల), రామ్‌స్వరూప్‌ మిఠాయి భండార్‌ (రామంతాపూర్‌), ప్రేమ్‌ స్వీట్స్‌ (శేరిలింగంపల్లి), శ్రీబాలాజీ ఛగన్‌లాల్‌ మిఠాయి భండార్‌ (మల్లికార్జున నగర్‌), జోధ్‌పూర్‌ మిఠాయివాలా (మచ్చ బొల్లారం), శ్రీరాఘవేంద్ర హాట్‌చిప్స్‌ (బీరంగూడ) ఉన్నాయి.

ప్రజల కోసమా.. ప్రకటనల కోసమా ? సాక్షి, సిటీబ్యూరో: ఉన్న సదుపాయాలను ప్రజలు వినియోగించుకుంటున్నదీ, లేనిదీ పట్టించుకోని జీహెచ్‌ఎంసీ.. ఎవరి ప్రయోజనాల కోసమో గానీ అవసరం లేకపోయినా కొన్ని పనులు చేస్తుంటుంది. అందుకు ఉదాహరణగా ఫుట్‌ఓవర్‌బ్రిడ్జి (ఎఫ్‌ఓబీ)లనే చెప్పుకోవచ్చు. నిజానికి నగరంలో ఎఫ్‌ఓబీల అవసరం ఎక్కువే. ప్రధాన రహదారుల్లో పలు ప్రాంతాల్లో రోడ్లు దాటలేక పాదచారులు పడుతున్న అవస్థలు అన్నీ ఇన్నీ కావు. వారి సమస్య తీర్చడం కోసం ఇప్పటికే కొన్ని ఎఫ్‌ఓబీలు నిర్మించిన జీహెచ్‌ఎంసీ.. వాటిని ఎంతమంది వినియోగించుకుంటున్నారు? అవస్థలు పడుతూ అయినా చాలామంది రోడ్డుపైనే నడుస్తున్నారు తప్ప వాటిని ఎందుకు వినియోగించుకోవడం లేదు? అనే ఆలోచనే లేకుండాపోయింది. కట్టడం వరకే మావంతు అన్నట్లుగా వ్యవహరించడంతో రూ.కోట్లు వెచ్చించి నిర్మించిన ఎన్నో ఫ్లై ఓవర్లు నిరుపయోగంగా మారాయి. కొన్ని ఏళ్ల తరబడి నిర్మాణాల్లోనే ఉన్నాయి. అయినా.. మళ్లీ కొత్తగా 86 ఎఫ్‌ఓబీలకు ఫీజిబిలిటీ స్టడీ చేయాల్సిందిగా నేషనల్‌ ఇనిస్టిట్యూట్‌ ఆఫ్‌ అర్బన్‌ మేనేజ్‌మెంట్‌ (ఎన్‌ఐయూఎం)ను కోరింది. దాని స్టడీ పూర్తయ్యాక కొత్త ఎఫ్‌ఓబీలు నిర్మించేందుకు సిద్ధమైంది. అప్పుడలా.. ● పాదచారులు ప్రమాదాల బారిన పడకుండా రోడ్డు దాటేందుకు 100 ప్రాంతాల్లో ఎఫ్‌ఓబీలు నిర్మించాలని ఏడేళ్ల క్రితం అప్పటి ప్రభుత్వం భావించింది. ఎఫ్‌ఓబీలపై ప్రకటనల వల్ల వాటిని చూస్తూ వెళ్లే వాహనదారులు ప్రమాదాల బారిన పడే అవకాశశం ఉండటంతో, పాదచారులకు ఉపకరించడానికే అవి ఉండాలని భావించి నిబంధనల్ని మార్చింది. ప్రకటనలు లేకుంటే ఆదాయం రాదని భావించి పీపీపీ పద్ధతిలో వాటిని ఏర్పాటు చేసేందుకు ప్రైవేటు ఏజెన్సీలు వెనకడుగు వేశాయి. కేవలం తొమ్మిది ఎఫ్‌ఓబీలకు మాత్రమే ప్రైవేటు ఏజెన్సీలు ముందుకొచ్చాయి. దాంతో ప్రభుత్వమే ఆ బాధ్యత తీసుకొని తొలిదశలో 42 ఎఫ్‌ఓబీలు హెచ్‌ఎండీఏకు, 10 ప్రాంతాల్లో జీహెచ్‌ఎంసీకి నిర్మాణ బాధ్యతలప్పగించింది. ● ఐదు ప్రాంతాల్లో తప్ప తాము నిర్మించలేమని హెచ్‌ఎండీఏ చేతులెత్తేయడంతో, 39 ఎఫ్‌ఓబీల నిర్మాణ వ్యయాన్ని భరించాల్సిందిగా ఆదేశించి, పనులు జీహెచ్‌ఎంసీకి అప్పగించింది. ఫీజిబిలిటీ తదితరాలను పరిగణనలోకి తీసుకుని 17 ప్రాంతాల్లో పనులు చేపట్టినప్పటికీ, కొన్నింటి పనులు ఇంకా సాగుతూనే ఉన్నాయి. ఇందుకు నిదర్శనం జీవీకే మాల్‌ దగ్గరి ఎఫ్‌ఓబీ. బాలానగర్‌, మదీనాగూడ, మియాపూర్‌, ఈఎస్‌ఐ ఆస్పత్రి (ఎర్రగడ్డ), హైదరాబాద్‌ సెంట్రల్‌ మాల్‌ (పంజగుట్ట), నేరేడ్‌మెట్‌ బస్టాప్‌, సెయింట్‌ ఆన్స్‌ స్కూల్‌ (సికింద్రాబాద్‌), సెయింట్‌ ఆన్స్‌ స్కూల్‌ (తార్నాక), స్వప్న థియేటర్‌ (రాజేంద్రనగర్‌), ఒమర్‌ హోటల్‌ అండ్‌ షాలిమార్‌ హోటల్‌, రంగభుజంగ థియేటర్‌, మూసాపేట క్రాస్‌ రోడ్స్‌ ప్రాంతాల్లో పూర్తయ్యాయి. నిర్వహణ లేమి.. నగరంలో 23 ఎఫ్‌ఓబీలు ఎప్పటి నుంచో ఉన్నాయి. వాటికి నిర్వహణ లేకపోవడంతో చెత్తా చెదారాలు పేరుకుపోయాయి. పరిశుభ్రత లేకపోవడంతో పాటు కొన్నింట్లో పైకి వెళ్లేందుకు లిఫ్టులు లేక, కొన్నింట్లో లిఫ్టులు ఉన్నప్పటికీ పని చేయక నిరుపయోగంగా మారాయి. లిఫ్టులు లేని చోట అంత పైకి మెట్లు ఎక్కలేక, కష్టమైనా రోడ్డు దాటడానికే ప్రజలు మొగ్గుచూపుతున్నారు. రోడ్డు డివైడర్లను సైతం దూకుతున్నారు తప్ప ఎఫ్‌ఓబీలను వినియోగించుకోవడం లేదు. ఎఫ్‌ఓబీలు ఉన్నచోట 5 శాతం ప్రజలు కూడా వినియోగించుకోవడం లేదు. ఇప్పుడిలా.. గత ప్రభుత్వం ప్రమాదాలు జరుగుతాయని ప్రకటనలపై ఆంక్షలు విధిస్తే.. పురాతనమైన ఎఫ్‌ఓబీలను సైతం ప్రకటనలకిచ్చేందుకు, తద్వారా ఆదాయం పొందేందుకు అనుమతించాలంటూ జీహెచ్‌ఎంసీ ప్రస్తుత ప్రభుత్వాన్ని కోరింది. కొత్తవాటినీ ప్రకటనల ఆదాయం వచ్చేలా ఏర్పాటు చేసేందుకే ఫీజిబిలిటీ స్టడీ కోసం ఎన్‌ఐయూఎంను కోరింది. పాత ఎఫ్‌ఓబీలున్న ప్రాంతాలు అనూటెక్స్‌ (సైనిక్‌పురి), హెచ్‌పీ పెట్రోల్‌బంక్‌ (రామంతాపూర్‌), నేషనల్‌ పోలీస్‌ అకాడమీ (రాజేంద్రనగర్‌), గగన్‌ పహాడ్‌, మహావీర్‌ హాస్పిటల్‌, ఎన్‌ఎండీసీ (మాసాబ్‌ట్యాంక్‌), ఎన్టీఆర్‌ మార్గ్‌ (ట్యాంక్‌బండ్‌), గ్రీన్‌లాండ్స్‌ గెస్ట్‌హౌస్‌, ఎల్‌వీ ప్రసాద్‌ కంటి ఆస్పత్రి, ముఫకంజా కాలేజ్‌ (బంజారాహిల్స్‌), భారతీయ విద్యాభవన్‌ స్కూల్‌(ఫిల్మ్‌నగర్‌), వెల్స్‌ఫార్గో (ఖాజాగూడ), ఐఎస్‌బీ, ఐటీసీ కోహినూర్‌, మియాపూర్‌ క్రాస్‌రోడ్స్‌, ఆల్విన్‌ క్రాస్‌రోడ్స్‌ (మదీనాగూడ), మలేషియన్‌ టౌన్‌షిప్‌, కేపీహెచ్‌బీ–4 ఫేజ్‌, కళామందిర్‌ (కేపీహెచ్‌బీ కాలనీ), ఐడీపీఎల్‌, మెట్టుగూడ, రైల్‌నిలయం, హైదరాబాద్‌ పబ్లిక్‌ స్కూల్‌ (బేగంపేట). ఉన్నవాటికే దిక్కులేదు.. కొత్తగా 86 ఎఫ్‌ఓబీలకు రెడీ జీహెచ్‌ఎంసీ రూటే సపరేటు

బడి గంటలు మోగాయి. గురువారం నుంచి నూతన విద్యా సంవత్సరం ప్రారంభమైంది. వేసవి సెలవుల అనంతరం పాఠశాలలు తెరుచుకున్నాయి. ఇన్నాళ్లూ ఆటా పాటలతో సరదాగా గడిపిన పిల్లలు మళ్లీ బడిబాట పట్టారు. ఉదయం నుంచే రోడ్లపై సందడి కనిపించింది. తొలిరోజు కావడంతో తల్లిదండ్రులు తమ పిల్లలను స్కూల్‌ వరకు వచ్చి వదిలివెళ్లారు. ప్రైవేటు స్కూళ్ల యాజమాన్యాలు ప్రవేశ ద్వారం వద్ద విద్యార్థులకు చాకెట్లు, పెన్సిళ్లు, బెలూన్లు, పూలు అందించి స్వాగతం పలికాయి. కొన్ని ప్రభుత్వ పాఠశాలల్లో విద్యార్థులకు పాఠ్యపుస్తకాలు, నోటు పుస్తకాలు, యూనిఫాంలు పంపిణీ చేశారు. – సాక్షి, సిటీబ్యూరో

సాక్షి, సిటీబ్యూరో: ప్రభుత్వ చౌకధరల దుకాణాల్లో ‘ఉచిత బియ్యం’ నిల్వలు ఖాళీ కావడంతో డీలర్లు నో స్టాక్‌ బోర్డులు పెట్టేశారు. ఆహార భద్రత కార్డు కలిగిన కుటుంబాలకు ఒకేసారి మూడు (జూన్‌, జులై, ఆగస్టు) నెలల రేషన్‌ బియ్యం కోటాను పంపిణీ చేయడంతో బియ్యం నిల్వలపై ప్రభావం పడింది. కేటాయింపుల్లో తగినంత బియ్యం కోటా రేషన్‌ షాపులకు సరఫరా చేయకపోవడంతో ఈ పరిస్థితి తలెత్తింది. వాస్తవంగా రేషన్‌ దుకాణాల్లో మూడు నెలల కోటాకు సరిపడా స్థలం లేక డీలర్లు సైతం దుకాణం కెపాసిటీకి తగిన నిల్వలు మాత్రమే గోదాముల నుంచి డ్రా చేస్తూ వచ్చారు. రేషన్‌ కార్డుదారులు మూడు నెలల కోటా డ్రా చేయడంతో బియ్యం నిల్వలు సరిపోని పరిస్థితి నెలకొంది. దీంతో డీలర్లు బియ్యం స్టాక్‌ వచ్చే వరకు దుకాణాలు మూసివేయడంతో లబ్ధి కుటుంబాలు ఆందోళన చెందుతున్నాయి. సన్నబియ్యంపై ఆసక్తితో.. ప్రభుత్వ చౌకధరల దుకాణాల ద్వారా పంపిణీ చేస్తున్న సన్నబియ్యంపై లబ్ధి కుటుంబాల ఆసక్తి పెరిగింది. ఒకేసారి మూడు నెలల బియ్యం పంపిణీ చేస్తుండటంతో ఈ నెల ఒకటి నుంచి రేషన్‌ షాపులకు తాకిడి పెరిగింది. గత రెండు వారాలుగా షాపుల ముందు ఉదయం నుంచే భారీగా క్యూ కట్టారు. వాస్తవంగా ఏప్రిల్‌ వరకు దొడ్డు బియ్యం పంపిణీ చేయడంతో కార్డుదారులు కోటా డ్రా చేసేందుకు అంతగా ఆసక్తి కనబర్చలేదు. గత నెలలో సన్న బియ్యం పంపిణీ ప్రారంభం కావడంతో డిమాండ్‌ పెరిగింది. తాజాగా మూడు నెలల బియ్యం ఒకేసారి పంపిణీ చేస్తుండటంతో మరింత డిమాండ్‌ పెరిగినట్లయింది. కోటా కేటాయింపు ఇలా.. హైదరాబాద్‌, రంగారెడ్డి, మేడ్చల్‌– మల్కాజిగిరి జిల్లాలకు కలిపి సుమారు 11,02,32,403 మెట్రిక్‌ టన్నుల బియ్యం కోటాను ప్రభుత్వం కేటాయించింది. మొత్తం దాదాపు 17.57 లక్షల కార్డులు ఉండగా, అందులో సుమారు 62,26,523 యూనిట్లు ఉన్నాయి. ఆహార భద్రత కార్డులు కలిగిన ఎఫ్‌ఎస్‌సీ కేటగిరీలో యూనిట్‌కు నెలకు ఆరు కిలోల బియ్యం చొప్పున మూడు నెలలకు 18 కిలోలు, ఏఎఫ్‌ఎస్‌సీ కార్డులకు నెలకు 35 కిలోల చొప్పున 105 కిలోల బియ్యం, అన్నపూర్ణ కార్డులకు నెలకు 10 కిలోల చొప్పున 30 కిలోలు ఉచిత బియ్యం పంపిణీ చేస్తున్నారు. మూడు నెలల కోటా డ్రాకు పెరిగిన తాకిడి రేషన్‌ షాపులను తెరవని డీలర్లు ఆందోళనకు గురవుతున్న లబ్ధిదారులు

వరద ముప్పు ప్రాంతాలను పరిశీలించిన హైడ్రా కమిషనర్‌ సాక్షి, సిటీబ్యూరో: నగరంలో వరద ముప్పు ఉన్న పలు ప్రాంతాలను హైడ్రా కమిషనర్‌ ఏవీ రంగనాథ్‌ క్షేత్రస్థాయిలో పరిశీలించారు. గురువారం తెల్లవారుజామున కురిసిన వర్షానికి నీరు చేరిన డోయన్స్‌ కాలనీ, లింగంపల్లి రైల్వే అండర్‌ బ్రిడ్జి తదితర చోట్లకు ఆయన వెళ్లారు. ఎగువ నుంచి వచ్చిన వరద సాఫీగా గోపి చెరువుకు చేరే మార్గం లేని కారణంగా శేరిలింగంపల్లి మున్సిపల్‌ కార్యాలయం రోడ్డు, కాలనీల్లోని నీరు చేరినట్లు గుర్తించారు. వర్షం నీరు, గోపి చెరువు నుంచి వచ్చిన వరదతో లింగంపల్లి అండర్‌ పాస్‌లో మునిగినట్లు స్థానికులు ఆయన దృష్టికి తీసుకువచ్చారు. గోపి చెరువు, చాకలి చెరువులో నీటిమట్టం తగ్గించి వరద కట్టడి చేయవచ్చని సూచించారు. కొండాపూర్‌లోని కాసోరోస్‌ అపార్ట్‌మెంట్‌ పరిసరాలను రంగనాథ్‌ తనిఖీ చేశారు. వరద, మురుగు కాలువలను పూర్తి స్థాయిలో పునరుద్ధరించాలని అధికారులకు సూచించారు. బాచుపల్లిలో పలు వరద కాలువలను ఆయన పరిశీలించారు. ఎస్‌ఎన్‌డీపీ పథకం కింద చేపట్టిన కాలువల నిర్మాణ పనులు వేగంగా జరగాలని అధికారులను ఆదేశించారు. అప్పటి వరకు చెన్నం చెరువు నుంచి వచ్చే వరద రామచంద్రాపురం కాలనీలో నిలవకుండా దిగువన ఉన్న బాచుపల్లి చెరువులోకి చేరేలా ఏర్పాట్లు చేయాలని సూచించారు. వరద ముప్పునకు పరిష్కారం.. ప్రజావాణిలో వచ్చిన ఫిర్యాదుల మేరకు నగరంలోని రాజేంద్రనగర్‌ మండలంలోని ఉప్పర్‌పల్లి, శాస్త్రిపురం, పల్లె చెరువు ప్రాంతాలను రంగనాథ్‌ బుధవారం సందర్శించారు. ఉప్పర్‌పల్లిలోని అశోక్‌ విహార్‌ కాలనీలో మురుగు, వరద కాలువలు లేక ప్రజలు ఇబ్బందులు పడుతున్న ప్రాంతాలకు వెళ్లారు. ఎగువ నుంచి వచ్చే వరదలతో ఐదు అపార్ట్‌మెంట్లలో నివసిస్తున్న 400 కుటుంబాలు ఏడేళ్లుగా తాము పడుతున్న అవస్థలను హైడ్రా కమిషనర్‌కు వివరించారు. 150 మీటర్ల దూరంలో మూసీ నదిని కలిపే ప్రధాన కాలువ ఉందని దానికి అనుసంధానంగా కాలువ ఏర్పాటు చేస్తే తమకు ఇబ్బందులు తప్పుతాయని విజ్ఞప్తి చేశారు. నిధులు మంజూరైనా భూయజమానులు పనులకు అనుమతించడం లేదన్నారు. ఆ కాలువను తవ్వి సమస్యను పరిష్కరిస్తామని కమిషనర్‌ హామీ ఇచ్చారు. దీంతో గురువారం ఉదయం కాలువల్ని తవ్వించిన రంగనాథ్‌ స్థానికుల సమస్యను పరిష్కరించారు. మైలార్‌దేవ్‌పల్లిలోని పల్లె చెరువు ఔట్‌లెట్‌తో పాటు శాసీ్త్రపురంలోని కబ్జాకు గురైన పార్కును పరిశీలించారు. శేరిలింగంపల్లి పరిధిలో పర్యటించిన రంగనాథ్‌ ఉప్పర్‌పల్లిలో కేవలం 12 గంటల్లో సమస్య పరిష్కారం

సాక్షి, సిటీబ్యూరో: హైదరాబాద్‌ జిల్లా కలెక్టర్‌గా దాసరి హరిచందనను నియమిస్తూ ప్రభుత్వం గురువారం ఆదేశాలు జారీ చేసింది. ఇక్కడి కలెక్టర్‌ అనుదీప్‌ దురిశెట్టిని ఖమ్మం జిల్లా కలెక్టర్‌గా బదిలీ చేసింది. మేడ్చల్‌ జిల్లా కలెక్టర్‌గా మిక్కిలినేని మనూ చౌదరిని నియమించింది. ఇక్కడి కలెక్టర్‌ గౌతమ్‌ను సింగరేణి కాలరీస్‌ డైరెక్టర్‌గా బదిలీ చేసింది. హైదరాబాద్‌ సీఆర్‌ఓగా ముజమ్మిల్‌ ఖాన్‌ హైదరాబాద్‌ చీఫ్‌ రేషనింగ్‌ అధికారిగా ముజమ్మిల్‌ ఖాన్‌కు అదనపు బాధ్యతలు అప్పగిస్తూ ప్రభుత్వం ఆదేశాలు జారీ చేసింది. మేడ్చల్‌కు మిక్కిలినేని మనూ చౌదరి

గ్రేటర్‌ పరిధిలో 1,825 బడిబస్సులు ఫిట్‌‘లెస్‌’సాక్షి, సిటీబ్యూరో: బడులు తిరిగి తెరుచుకొనే నాటికి సామర్థ్యం ఉన్న బస్సులను అందుబాటులో ఉంచాలనే నిబంధన మరోసారి ఉల్లంఘనకు గురైంది. సామర్థ్యంలేని బస్సులు వందల సంఖ్యలో రోడ్డెక్కాయి. స్కూల్‌ బస్సుల నిర్వహణపై రవాణాశాఖ ఆంక్షలు విధించినా.. కొన్ని విద్యాసంస్థలు నిర్లక్ష్యం చేస్తున్నాయి. గురువారం గ్రేటర్‌ పరిధిలోని రంగారెడ్డి, మేడ్చల్‌, హైదరాబాద్‌ జిల్లాల పరిధిలో నిర్వహించిన తనిఖీల్లో సామర్థ్యం లేని 40 బస్సులను జప్తు చేసినట్లు రవాణా శాఖ విజిలెన్స్‌ అండ్‌ ఎన్‌ఫోర్స్‌మెంట్‌ జాయింట్‌ ట్రాన్స్‌పోర్ట్‌ కమిషనర్‌ ఎం.చంద్రశేఖర్‌గౌడ్‌ తెలిపారు. ఫిట్‌నెస్‌ లేకుండా తిరిగే బస్సులను జప్తు చేయడంతో పాటు భారీ జరిమానాలను సైతం విధిస్తామని ఆయన హెచ్చరించారు. ఏటా.. ఏదో ఒక చోట.. ● ప్రతి సంవత్సరం ఎక్కడో ఒకచోట స్కూల్‌ బస్సులు ప్రమాదానికి గురవుతున్నాయి. అభం శుభం తెలియని చిన్నారులు ప్రమాదాల బారిన పడుతున్నారు. ఆయా ఘటనల్లో బస్సుల సామర్థ్యం ప్రశ్నార్థకం కావడంతో పాటు డ్రైవర్ల నిర్లక్ష్యం కూడా ఉంటోంది. వాహనాలు నడిపే సమయంలో సరైన జాగ్రత్తలు పాటించడం లేదు. పరిమితికి మించిన వేగంతో వాహనాలు నడుపుతూ ప్రమాదాలకు కారణమవుతున్నారు. ● మరోవైపు బస్సు బయటి వైపు వెనుక, ముందు గమనించకుండా ముందుకు కదిలించడం వంటి ఘటనల్లోనూ చిన్నారులు బలవుతూనే ఉన్నారు. మరోవైపు నగర శివార్లలోని పలు విద్యాసంస్థలకు చెందిన వాటిలో కాలం చెల్లిన బస్సులే ఎక్కువగా ఉన్నాయి. సెకండ్‌ హ్యాండ్‌ వాహనాలను కొనుగోలు చేసి వాటిని పిల్లల కోసం వినియోగిస్తున్నారు. ఆర్టీఏ అధికారులు మొక్కుబడిగా తనిఖీలు చేసి ఫిట్‌నెస్‌ సర్టిఫికెట్లు ఇస్తున్నారనే ఆరోపణలున్నాయి. గ్రేటర్‌ పరిధిలో ఇప్పటికీ ఫిట్‌నెస్‌ లేనివి 1,825 బస్సులు ఉన్నాయి. మూడు జిల్లాల పరిధిలో మొత్తం 13,552 బస్సులు ఉండగా వాటిలో ఇప్పటి వరకు 11,727 బస్సులకు ఫిట్‌నెస్‌ పరీక్షలు నిర్వహించి సర్టిఫికెట్లు ఇచ్చినట్లు అధికారులు తెలిపారు. సామర్థ్యం లేనివాటిపై రవాణా శాఖ కొరడా నగర వ్యాప్తంగా విస్తృతంగా తనిఖీలు మొదటి రోజు 40 బస్సులు జప్తు ప్రత్యేక బృందాలతో యంత్రాంగం నిఘా

అబిడ్స్‌: ఎగ్జిబిషన్‌ గ్రౌండ్స్‌లో ప్రసాద పంపిణీకి అన్ని శాఖల వారీగా ఏర్పాట్లు వేగిరమయ్యాయి. ఈ నెల 8న ఉదయం నుంచి 9వ తేదీ ఉదయం వరకు చేప ప్రసాదం పంపిణి చేయనున్నారు. పోలీస్‌, జీహెచ్‌ఎంసీ, ఆర్‌అండ్‌బీ, వాటర్‌ బోర్డు, విద్యుత్‌, రెవెన్యూ, రవాణా, మత్స్య తదితర ప్రభుత్వ శాఖలతో అధికారులు సమన్వయ సమావేశాలు నిర్వహించి చేప ప్రసాదం పంపిణీకి భారీ ఎత్తున సన్నాహాలు చేస్తున్నారు. ఆర్‌అండ్‌బీ ఆధ్వర్యంలో బారికేడ్లు, షెడ్ల నిర్మాణాలు దాదాపు పూర్తి కావస్తున్నాయి. భారీ బందోబస్తు: ఏసీపీ ప్రవీణ్‌ కుమార్‌ ఈ సందర్భంగా 800 మంది పోలీసులతో బందోబస్తు ఏర్పాట్లు చేస్తున్నట్లు అబిడ్స్‌ డివిజన్‌ ఏసీపీ పి.ప్రవీణ్‌కుమార్‌ వెల్లడించారు. ఎగ్జిబిషన్‌ గ్రౌండ్‌ పరిసరాల్లో సీసీ కెమెరాలతో నిఘా చేడతామన్నారు. అబిడ్స్‌, బేగంబజార్‌ పోలీస్‌స్టేషన్ల సిబ్బందితో పాటు సెంట్రల్‌జోన్‌ సిబ్బంది, ఇతర అదనపు పోలీసు బలగాలతో బందోబస్తు చేపట్టనున్నట్లు ఆయన వివరించారు. స్వచ్ఛంద సంస్థల వలంటీర్ల సహాయం కూడా తీసుకుంటామన్నారు. వాటర్‌ బోర్డు ఆధ్వర్యంలో దాదాపు 5 లక్షల వాటర్‌ ప్యాకెట్లను అందుబాటులో ఉంచనున్నట్లు జీఎం జాన్‌ షరీఫ్‌ తెలిపారు.

సాక్షి, సిటీబ్యూరో: నాలాల కబ్జాలపై హైడ్రా కమిషనర్‌ ఏవీ రంగనాథ్‌ దృష్టి సారించారు. సోమవారం ప్రజావాణిలో అందిన ఫిర్యాదులపై గురువారం క్షేత్రస్థాయిలో ఆయన పరిశీలించారు. తొలుత హస్మత్‌పేట్‌ పికెట్‌ నాలా, ప్యాట్నీ సెంటర్‌ వద్ద హస్మత్‌పేట్‌, పికెట్‌ నాలాలు కుంచించుకుపోవడంతో మహేంద్ర హిల్స్‌, పికెట్‌, జేబీఎస్‌, బాలంరాయి, విమాన్‌నగర్‌ తదితర ప్రాంతాలు నీట మునుగుతున్నాయని స్థానికులు ఆధారాలతో చూపించారు. నాలా కబ్జాలకు గురికావడంతో వేలాది ఇళ్లు ప్రతిసారీ మునుగుతున్నాయని ఆవేదన వ్యక్తంచేశారు. కంటోన్మెంట్‌ అధికారులకు గతంలో ఫిర్యాదు చేశామని తెలిపారు. నగరంలోని నాలాలపై కిర్లోస్కర్‌ కమిటీ, ఓయెంట్స్‌ కమిటీ నివేదికలతో పాటు సర్వే ఆఫ్‌ ఇండియా, ఎన్‌ఆర్‌ఎస్‌సీ శాటిలైట్‌ చిత్రాలను పరిశీలించి చర్యలు తీసుకుంటామని హైడ్రా కమిషనర్‌ ఏవీ రంగనాథ్‌ తెలిపారు. చీకోటి గార్డెన్స్‌లోనూ.. ప్రకాష్‌నగర్‌ మెట్రోతో పాటు చీకోటి గార్డెన్స్‌ ప్రాంతాలు 3 సెం.మీ వర్షం కురిస్తే నీట మునుగుతున్నాయి. ఇక్కడ అర మీటర్ల వెడల్పు వరద కాల్వ కొన్ని చోట్ల 4.5 మీటర్ల మేర కబ్జా అయ్యిందని స్థానికులు హైడ్రా కమిషనర్‌కు ఫిర్యాదు చేశారు. కొన్ని చోట్ల ఎవరికి నచ్చినట్లు వారు నాలాను డైవర్ట్‌ చేశారని పేర్కొన్నారు. దీంతో సమీప ప్రాంతాలు, అపార్ట్‌మెంట్లు చిన్నపాటి వర్షానికే నీట మునుగుతున్నాయన్నారు. అధికారులతో చర్చించి త్వరలోనే చర్యలు తీసుకుంటామని కమిషనర్‌ హామీ ఇచ్చారు.

సీబీఎస్‌ఈ నిబంధనతో వెతుకులాటలో పాఠశాలలుసాక్షి, సిటీబ్యూరో: విద్యార్థులకు మాతృభాషలోనే బోధించాలన్న సెంట్రల్‌ బోర్డ్‌ ఆఫ్‌ సెకండరీ ఎడ్యుకేషన్‌ (సీబీఎస్‌ఈ) నిర్ణయం పలు పాఠశాలలను గందరగోళానికి గురి చేస్తోంది. ఈ నిబంధన కూడా 2025–26 విద్యా సంవత్సరం నుంచే అమలులోకి రానుంది. ఇందుకోసం పాఠశాలలు పెద్ద ఎత్తున తెలుగు ఉపాధ్యాయులను నియమించాల్సి వస్తోంది. నగరంలోని పలు పాఠశాలల ప్రిన్సిపాళ్లు చెబుతున్న ప్రకారం.. 40 శాతానికి పైగా ఉపాధ్యాయులు తెలుగు తెలిసినవారు కాకపోవడం ఇప్పుడు పెద్ద సమస్యగా మారింది.కొరతే.. సమస్య..జాతీయ విద్యా విధానం (ఎన్‌ఈపీ) ప్రకారం, కొత్త నిబంధనలో భాగంగా విద్యార్థులకు రెండో తరగతి వరకు తమ మాతృభాషలో లేదా రాష్ట్ర భాషలో బోధన అందించాలి. ‘ఇది అమలు చేయడంలో ప్రధాన సమస్య ఉపాధ్యాయుల కొరతే. తెలుగు బోధనకు ప్రత్యేక తరగతులు నిర్వహించాల్సి వస్తుంది లేదా సబ్జెక్ట్‌ అనువదించేందుకు కొత్త ఉపాధ్యాయులను నియమించాలి’ అని కొంపల్లిలోని ఓ పాఠశాల డైరెక్టర్‌ అన్నారు. ‘టాప్‌ స్కూళ్లలో కనాకష్టంగా 10% ఉపాధ్యాయులే తెలుగులో బోధించగలరు’ అని చెప్పారాయన.గట్టి సవాలే..తెలుగు బోధన మీడియంగా ఉండటం గట్టి సవాలేనని హైదరాబాద్‌ సాహోదయ స్కూల్స్‌ కాంప్లెక్స్‌లో సభ్యులుగా ఉన్న పలు సీబీఎస్‌ఈ పాఠశాలల ప్రిన్సిపాళ్లు కూడా అంటున్నారు. రామంతాపూర్‌లోని ఓ పేరొందిన స్కూల్‌కి ప్రిన్సిపాల్‌ మాట్లాడుతూ ‘తెలంగాణ నుంచే కాక ఇతర రాష్ట్రాల్లోనూ తరచూ ఉపాధ్యాయులు ట్రాన్స్‌ఫర్స్‌పై వస్తూ ఉంటారు. వారిలో చాలామంది ఇంగ్లిష్‌ మీడియంలో చదివినవారు కాబట్టి వారికి తెలుగుపై పట్టు ఉండడం లేదు’ అని అన్నారు. అదే పరిస్థితి విద్యార్ధులకు కూడా ఎదురవుతుందని, వారు కూడా రాష్ట్రాలతో పాటు స్కూళ్లు మారుతూ ఉంటారని.. దీంతో ఈ నిబంధన అమలు కష్టసాధ్యమని ఆయన గుర్తు చేశారు.మేలు కూడా..సమస్యలు ఎలా ఉన్నప్పటికీ.. ఈ నిబంధన మేలు చేస్తుందని కూడా కొందరు అభిప్రాయపడుతున్నారు. ముఖ్యంగా స్టేట్‌ సిలబస్‌ అమలు చేస్తున్న పలు పాఠశాలల యాజమాన్యాలకు ఇది మంచి మార్పుగా అనిపిస్తోంది ‘మన దగ్గర చాలా మంది టీచర్లకు తెలుగు తెలుసు తెలుగు మీడియం వల్ల విద్యార్థులకు మెరుగైన పునాది పడుతుంది. తద్వారా ఉన్నత తరగతులలో సులభంగా విషయాలు అర్థం చేసుకుంటారు’ అని రాష్ట్ర గుర్తింపు పొందిన పాఠశాలల యాజమాన్య సంఘం కార్యదర్శి శేఖర్‌ రావు అంటున్నారు.ఈ విధానం మంచిదే.. కానీ..మాతృభాషలో నేర్చుకుంటే కాన్సెప్ట్స్‌ బాగా అర్థమవడానికి నేర్చుకున్నది ప్రాసెస్‌ చేసుకోవడానికి మేధాశక్తి పెరిగేందుకు వీలుంటుంది. అది చిన్న వయసులో జరగడం చాలా ఉపయుక్తం. దీనివల్ల మనం సంస్కృతీ సంప్రదాయాలను బాగా ప్రమోట్‌ చేయగలుగుతాం. మాతృభాషలో నేర్చుకోవడం ఆత్మవిశ్వాసాన్ని పెంచుతుంది. పిల్లలు ఉపాధ్యాయులతో బాగా ఇంటరాక్ట్‌ కాగలుగుతారు. ఈ లాభాలున్నప్పటికీ.. ప్రస్తుతం దీనిని అమలు చేయడంలో కొన్ని సవాళ్లు ఉన్నాయి. ముఖ్యంగా టీచర్లకు శిక్షణ, అలాగే రీసోర్సెస్‌ సమకూర్చుకోవాలి. మరోవైపు ప్రస్తుత గ్లోబల్‌ మార్కెట్‌ను చూసుకుంటే ఆంగ్ల భాషా నైపుణ్యం చాలా అవసరం. ఈ నిర్ణయం అమలుతో ఆంగ్లభాష నేర్చుకోవడం ఆలస్యం కావచ్చు. ఇలాంటి కొన్ని కీలక సవాళ్లను మనం సరిగా పరిష్కరించుకోగలిగితే.. ఈ విధానం విజయవంతంగా అమలు చేయవచ్చు.– తనూజ, ప్రిన్సిపాల్‌, పల్లవి మోడల్‌ స్కూల్‌

సాక్షి, సిటీబ్యూరో: హైదరాబాద్‌ మహానగరాభివృద్ధి సంస్థ (హెచ్‌ఎండీఏ) మరోసారి భూ బేరానికి సన్నద్ధమవుతోంది. గతంలో వివిధ ప్రాంతాల్లో విక్రయించగా మిగిలిపోయిన స్థలాలను మరోసారి అమ్మకానికి పెట్టేందుకు అధికారులు చర్యలు చేపట్టారు. పాత లే అవుట్‌లలో ఉన్న స్థలాలను విక్రయించడంతో పాటు కొత్త లే అవుట్‌లను సైతం సిద్ధం చేస్తున్నారు. నగరంలో చేపట్టనున్న పలు ప్రాజెక్టుల కోసం సుమారు రూ.5,000 కోట్లు ఆర్జించడమే లక్ష్యంగా హెచ్‌ఎండీఏ ఆన్‌లైన్‌ బిడ్డింగ్‌కు ప్రణాళికలను రూపొందిస్తోంది. గతంలో భారీ స్పందన లభించిన ప్రాంతాల్లో.. ● సికింద్రాబాద్‌ నుంచి డెయిరీఫాం వరకు, శామీర్‌పేట్‌ వరకు ఎలివేటెడ్‌ కారిడార్‌లకు ప్రతిపాదనలు రూపొందించిన సంగతి తెలిసిందే. ప్యారడైజ్‌ నుంచి డెయిరీఫాం వరకు టెండర్లను సైతం కేటాయించారు.శామీర్‌పేట్‌ రూట్‌లో ఆస్తుల సేకరణ తుది దశకు చేరింది. ఈ రెండు ప్రాజెక్టుల నిర్మాణానికి కనీసం రూ.3000 కోట్లకు పైగా ఖర్చు కానున్నట్లు అంచనా. అలాగే రావిర్యాల నుంచి ఆమన్‌గల్‌ వరకు నిర్మించనున్న గ్రీన్‌ఫీల్డ్‌ రోడ్డుకు సైతం రెండు దశల్లో రూ.2500 కోట్ల వరకు వ్యయం కానుంది. ● హైదరాబాద్‌ మహానగరాభివృద్ధిలో భాగంగా మెగా మాస్టర్‌ప్లాన్‌– 2050, సికింద్రాబాద్‌ స్కైవాక్‌, హుస్సేన్‌సాగర్‌ సుందరీకరణ, పార్కులు, మౌలిక సదుపాయాల అభివృద్ధి, రహదారుల విస్తరణ వంటి పలు అభివృద్ధి కార్యక్రమాలను దృష్టిలో ఉంచుకొని భూముల అమ్మకాల ద్వారా ఆదాయాన్ని సమకూర్చుకోవాలని అధికారులు భావిస్తున్నారు. ఈ క్రమంలో గతంలో కొనుగోలుదార్ల నుంచి భారీ స్పందన లభించిన ప్రాంతాల్లో మిగిలిపోయిన ప్లాట్‌లను మొదట విక్రయించి ఆ తర్వాత రెండు, మూడు దశల్లో వివిధ ప్రాంతాల్లోని స్థలాలను విక్రయించనున్నారు. మొదటి దశలో.. కోకాపేట్‌ నియోపొలిస్‌, ఇన్ముల్‌నర్వ, ఉప్పల్‌ భగాయత్‌, తుర్కయంజాల్‌లో గతంలో పెద్ద ఎత్తున స్పందన లభించింది. అప్పటి ప్రభుత్వానికి రూ.వేల కోట్ల ఆదాయం లభించింది. ఉప్పల్‌ భగాయత్‌లో రెండు దశల్లో ప్లాట్‌లను విక్రయించారు. కోకాపేట్‌లో ఎన్నారైలు, దేశంలోని వివిధ ప్రాంతాలకు చెందిన నిర్మాణ సంస్థలు, రియల్టర్లు పెద్ద ఎత్తున పోటీపడ్డారు. ప్రస్తుతం ఈ నాలుగు ప్రాంతాల్లో రైతుల నుంచి సేకరించిన భూములపై వారికి 60 శాతం ప్లాట్‌లను కేటాయించగా హెచ్‌ఎండీఏకు 40 శాతం ప్లాట్‌లు లభించాయి. వాటిలో మరో 385 ప్లాట్‌లు అమ్మకానికి సిద్ధంగా ఉన్నట్లు అధికారులు తెలిపారు. రెండు, మూడో దశల్లో.. మొదటి దశలో కొనుగోలుదారులు, వివిధ వర్గాల నుంచి లభించే స్పందన మేరకు ఆన్‌లైన్‌ బిడ్డింగ్‌ కొనసాగించనున్నారు. ఈ క్రమంలో బుద్వేల్‌, ప్రతాపసింగారం, బహదూర్‌పల్లి, హకీంపేట్‌, షేక్‌పేట్‌లలోని హుడాహైట్స్‌, కంది, కుత్బుల్లాపూర్‌, పెద్దకంజర్ల, ఫసల్‌వాడి తదితర ప్రాంతాల్లో లే అవుట్‌లను అభివృద్ధి చేసి ప్లాట్‌లను విక్రయించనున్నారు. దశలవారీగా విక్రయించేందుకు హెచ్‌ఎండీఏ లే అవుట్‌లు.. ఏరియా మొత్తం హెచ్‌ఎండీఏ విక్రయించినవి ప్రస్తుతం ఉన్నవి ఎకరాల్లో ప్లాట్లులేమూరు 83.47 164 - 164 తొర్రూరు 117.375 885 392 493 కుర్మల్‌గూడ 16.75 145 86 59 బాచుపల్లి 27.36 206 204 2 మేడిపల్లి 53.21 208 91 117 (కొన్ని ప్లాట్లు కోర్టు కేసుల్లో ఉన్నాయి.) మోకిల 165.37 908 189 719 (కొన్ని స్థలాల రిజిస్ట్రేషన్‌ పెండింగ్‌లో ఉంది.) బుద్వేల్‌ 182.10 17 12 4 ప్రతాప సింగారం 126.12 24 - 24 బహదూర్‌పల్లి 40.00 221 152 69 హుడా హైట్స్‌ 12.45 37 - 37 కంది 47.14 341 - 341వివిధ ప్రాంతాల్లో ఆన్‌లైన్‌బిడ్డింగ్‌కు సిద్ధంగా ఉన్న ప్లాట్లు ఏరియా మొత్తం హెచ్‌ఎండీఏ విక్రయించినవి ప్రస్తుతం ఉన్నవి ఎకరాల్లో ప్లాట్లు కోకాపేట్‌ 533.01 20 14 5 (ఒకప్లాట్‌ రంగారెడ్డి కలెక్టరేట్‌కు తిరిగి ఇచ్చారు) ఇన్ముల్‌నర్వ 92.69 327 – – ఉప్పల్‌ భగాయత్‌ 56.39 64 23 41తుర్కయంజాల్‌ 9.00 34 22 12 మొత్తం హెచ్‌ఎండీఏ ప్లాట్లు : 1141, రైతులకు కేటాయించినవి : 696, ఇప్పటి వరకు విక్రయించినవి : 59, అమ్మకానికి సిద్ధంగా ఉన్నవి : 385 ఆదాయ సముపార్జనకు హెచ్‌ఎండీఏ ప్రణాళికలు ఎలివేటెడ్‌ కారిడార్లు, గ్రీన్‌ఫీల్డ్‌ రోడ్డు తదితర ప్రాజెక్టుల కోసం.. మొదటి దశలో కోకాపేట్‌, ఇన్ముల్‌నర్వ, ఉప్పల్‌, తుర్కయంజాల్‌ ప్లాట్‌ల బిడ్డింగ్‌ నాలుగు ప్రాంతాల్లో 385 ప్లాట్లు విక్రయానికి సిద్ధం రెండు, మూడు దశల్లో మరో 10 ప్రాంతాల్లో స్థలాల వేలం

9 మంది కంప్యూటర్‌ ఆపరేటర్లు, 8 మంది హెల్త్‌ అసిస్టెంట్ల తొలగింపు సాక్షి, సిటీబ్యూరో: నకిలీ బర్త్‌ సర్టిఫికెట్ల జారీలో పాత్ర ఉందని గుర్తించిన జీహెచ్‌ఎంసీ 9 మంది కంప్యూటర్‌ ఆపరేటర్లు, 8 మంది హెల్త్‌ అసిస్టెంట్లపై వేటు వేసింది. విధుల నుంచి వారిని తొలగించింది. జీహెచ్‌ఎంసీలోని 14 సర్కిళ్ల పరిధిలో ఈ అక్రమా లు జరిగినట్లు గుర్తించి వారిని తొలగించారు. బుధవారం జీహెచ్‌ఎంసీ పాలకమండలి సమావేశం జరిగేంత వరకు వారిని తొలగించినట్లు వెల్లడి కాలేదు. నకిలీ బర్త్‌, డెత్‌ సర్టిఫికెట్ల బాధ్యులను గుర్తిస్తూ తగిన చర్యలు తీసుకుంటున్నామని, 9 మంది కంప్యూటర్‌ ఆపరేటర్లు, 8 మంది హెల్త్‌ అసిస్టెంట్లను విధుల నుంచి తొలగించినట్లు అధికారులు సభకు సమాధానమిచ్చారు. ఔట్‌సోర్సింగ్‌వారిపై తప్ప అధికారులపై చర్యలు తీసుకోరా? అనే సభ్యుల ప్రశ్నకు బదులిస్తూ పోలీసు కేసులు నమోదయ్యాయని, విచారణ జరుగుతోందని, దోషులుగా తేలినవారిపై చర్యలు తీసుకుంటామని తెలిపారు. కొందరిపై అభియోగాలు నమోదు చేసినట్లు ఈ సందర్భంగా పేర్కొన్నారు. కాప్రా, ఉప్పల్‌, హయత్‌నగర్‌, ఎల్‌బీనగర్‌, గోషామహల్‌, ఖైరతాబాద్‌, ఆర్‌సీపురం–పటాన్‌చెరు, కుత్బుల్లాపూర్‌, గాజులరామారం సర్కిళ్లలోని కంప్యూటర్‌ ఆపరేటర్లను, మలక్‌పేట, సంతోష్‌నగర్‌, చార్మినార్‌, ఫలక్‌నుమా, రాజేంద్రనగర్‌, గోషామహల్‌, ఆర్‌సీపురం–పటాన్‌చెరు, కుత్బుల్లాపూర్‌ సర్కిళ్లలోని హెల్త్‌ అసిస్టెంట్లను విధుల నుంచి తొలగించారు. అధికారుల పాత్ర లేకుండా సాధ్యమా ? ఈ నేపథ్యంలో అధికారుల ప్రమేయం లేకుండా కేవలం ఔట్‌సోర్సింగ్‌పై పనిచేసే వారే బర్త్‌, డెత్‌ సర్టిఫికెట్లను జారీ చేశారా? అనే ప్రశ్న ప్రస్తుతం ఉత్పన్నమవుతోంది. నకిలీ సర్టిఫికెట్లకు వారిని బాధ్యులుగా పేర్కొంటూ, కేవలం వారిపైనే వేటు వేయడంతో జీహెచ్‌ఎంసీ తీరుపై పలువురు అనుమానాలు వ్యక్తం చేస్తున్నారు. ఎంతోకాలంగా ఈ ‘దందా’ జరుగుతున్నా, దాదాపు రెండున్నరేళ్లక్రితమే అవకతవకలు దృష్టికి రావడంతో అప్పట్లో జారీ అయిన సర్టిఫికెట్లను రద్దు చేశామని చెబుతున్నప్పటికీ, ఇంతవరకు ఇంకా ఎందుకు నకిలీ సర్టిఫికెట్ల జారీని కట్టడి చేయలేకపోయారనే వ్యాఖ్యలు వినిపిస్తున్నాయి. నకిలీ బర్త్‌ సర్టిఫికెట్ల వ్యవహారంలో వీరి పాత్ర ఉందని..

సాక్షి, సిటీబ్యూరో: జీహెచ్‌ఎంసీ పరిధిలో భవన (ఇళ్ల) నిర్మాణంలో భాగంగా ఇంకుడుగుంతలు తవ్వుతున్న వారే కొందరు. వారిలోనూ చాలామంది కేవలం ఓసీ (ఆక్యుపెన్సీ సర్టిఫికెట్‌) పొందేందుకు మాత్రం తూతూమంత్రంగా ఇంకుడుగుంతలున్నట్లు చూపుతున్నప్పటికీ, అనంతరం చాలామంది వాటి నిర్వహణను పట్టించుకోవడం లేదు. దీంతో ఉన్న ఇంకుడు గుంతలు సైతం కాగితాల్లో తప్ప వాటితో ఎటువంటి మేలూ జరగడం లేదు. వర్షపు నీరు భూమి లోపలికి వెళ్లడం లేదు. దీనికంతటికీ కారణం అధికారుల అశ్రద్ధ, పర్యవేక్షణ లేకపోవడమే. గత ఐదేళ్లలో జీహెచ్‌ంసీ 69,575 భవన నిర్మాణాలకు అనుమతులివ్వగా, అందులో ఇంకుడు గుంతలు నిర్మించింది 23,239 భవనాల్లోనే. అంటే 33.40 శాతమే. ఓవైపు భూగర్భ జలాలు అడుగంటకుండా కాపాడేందుకు, మరోవైపు వర్షాలొచ్చినప్పుడు నాలాలు పొంగిపొర్లి రోడ్లు, కాలనీలు మునిగిపోకుండా ఉండేందుకు ప్రభుత్వం 100 చదరపు మీటర్ల కంటే ఎక్కువ స్థలంలో నిర్మించే అన్ని ఇళ్లకు ఇంకుడుగుంతల నిర్మాణాన్ని తప్పనిసరి చేసింది. ఓసీల కోసమే.. ● వాల్టా చట్టం మేరకు 200 చదరపు మీటర్ల కంటే ఎక్కువ స్థలంలో భవనాలకు ఓసీ జారీ చేసేముందు నిబంధనల్ని కఠినంగా అమలు చేయాలని ప్రభుత్వం ఆదేశించింది. క్షేత్రస్థాయిలో తనిఖీలు చేసి, ఇంకుడుగుంత ఉంటేనే ఓసీ ఇవ్వాలని స్పష్టం చేసింది. లేని పక్షంలో ఓసీ ఇవ్వొద్దని పేర్కొంది. ఇటీవల ముగిసిన ఆర్థిక సంవత్సరం (2024–25)లో జీహెచ్‌ఎంసీ 11,509 భవన నిర్మాణాలకు అనుమతులు జా రీ చేయగా, వాటిలో 4,578 భవన నిర్మాణదారులు మాత్రమే ఇంకుడు గుంతలు నిర్మించారు. ● వారిలో 2,036 మంది ఓసీలు పొందారు. అలా గడచిన ఐదేళ్లలో 1,0001 మంది మాత్రమే ఓసీలు పొందారు. నీటి వనరులు, భూమి, పర్యావరణ పరిరక్షణ కోసం ప్రభుత్వం వాల్టా చట్టాన్ని తెచ్చినప్పటికీ, అమలులో అటు అధికారులు, ఇటు ప్రజలు శ్రద్ధ చూపడం లేదు. 200 చదరపు మీటర్ల కంటే తక్కువ స్థలం, ఏడు మీటర్ల లోపు భవనాలకు ఓసీల అవసరం లేకుండా మినహాయింపు ఇచ్చారు. ఇతరులకు అమ్ముకోవాలనుకున్నప్పుడు, లేక బ్యాంకు రుణం అవసరమైప్పుడు చూపించేందుకు మాత్రమే ఓసీలు తీసుకుంటున్నవారూ ఉన్నారు. గత ఐదేళ్లలో జీహెచ్‌ఎంసీలో ఇళ్ల నిర్మాణాలు, ఇంకుడు గుంతలు ఇలా.. ఆర్థిక భవన ఓసీలు ఇంకుడు సంవత్సరం అనుమతులు జారీ గుంతలు 2020–21 12,306 1,216 5,378 2021–22 17,604 1,606 3,284 2022–23 14,665 2,560 4,881 2023–24 13,491 2,683 5,218 2024–25 11,509 2,036 4,578 మొత్తం 69,575 10,001 23,239 ఓసీలు పొందే వరకే పరిమితం.. ఆ తర్వాత పట్టించుకోని వైనం ఐదేళ్లలో తవ్వినవి 33 శాతమే 69 వేలకుగాను 23వేల ఇళ్లలోనే.. వాటికి సైతం కొరవడిన నిర్వహణ బల్దియాలో భూగర్భజలాలు పెరిగేదెలా?

సాక్షి, సిటీబ్యూరో: నగర ట్రాఫిక్‌ విభాగం అధికారులు ప్రయోగాత్మకంగా తెరిచిన తార్నాక జంక్షన్‌ను ఇక మూసివేయనున్నారు. అక్కడి వాస్తవ పరిస్థితులతో పాటు ఇతక కారణాల నేపథ్యంలో ప్రస్తుతం ఆ చౌరస్తా అటు పోలీసులు, ఇటు వాహనచోదకులకు చుక్కలు చూపిస్తోంది. బుధవారం ‘జంక్షన్‌లో ‘జామ్‌’జాటం’ శీర్షికన ‘సాక్షి’ దినపత్రికలో ప్రచురితమైన కథనాన్ని పరిగణనలోకి తీసుకున్న ట్రాఫిక్‌ చీఫ్‌ డి.జోయల్‌ డెవిస్‌ గురువారం ఆ ప్రాంతానికి వెళ్లారు. క్షేత్రస్థాయిలో అనేక అంశాలను అధ్యయనం చేశారు. దీంతోపాటు వివిధ మార్గాల్లో అధ్యయనం చేసిన అధికారులు శుక్రవారం నుంచి తార్నాక జంక్షన్‌ను మూసేయాలని, పాత పద్ధతిలోనే వాహనాల రాకపోకలు పునరుద్ధరించాలని నిర్ణయించారు.

నిజాంపేట్‌: బాచుపల్లి పోలీస్‌స్టేషన్‌ పరిధిలో వెలుగుచూసిన ‘సూట్‌కేస్‌లో మహిళ శవం’ కేసును పోలీసులు 24 గంటల్లోనే ఛేదించారు. వివరాలివీ... నేపాల్‌కు చెందిన తార బెహార(33), విజయ్‌తోఫా(30)లు నేపాల్‌లోని పక్కపక్క గ్రామాల వారు. తార బెహార్‌కు ఇదివరకే వివాహం అయ్యింది. ఇద్దరు పిల్లలు ఉన్నారు. భర్తతో విడిపోయి జీవనం సాగిస్తోంది. ● ఇదిలా ఉండగా తార బెహార, విజయ్‌తోఫాల మధ్య పరిచయం కాస్తా వివాహేతర సంబంధానికి దారి తీసింది. ఇద్దరు ఏప్రిల్‌ 4న జూబ్లీహిల్స్‌లోని విజయ్‌ తోఫా తల్లిదండ్రుల వద్దకు వచ్చారు. అక్కడి నుంచి 45 రోజుల క్రితం బౌరంపేట్‌లోని ఇందిరమ్మ కాలనీలో ఓ ఇంటిని అద్దెకు తీసుకొని కాపురం పెట్టారు. విజయ్‌ తోఫా స్థానికంగా ఓ ఫాస్ట్‌ ఫుడ్‌ సెంటర్‌లో మాస్టర్‌గా పని చేస్తున్నాడు. ఈ క్రమంలో తార బెహార్‌ గర్భం దాల్చింది. గర్భం విషయంలో వారి మధ్య గొడవ జరుగుతోంది. గర్భం తీసేసుకుంటానని తార బెహార్‌... వద్దంటూ విజయ్‌ తోఫా వాదిస్తుండటంతో ఇద్దరి మధ్య విభేదాలు ప్రారంభమయ్యాయి. ఈ గొడవ మే 22న తీవ్ర స్థాయికి చేరింది. దీంతో తీవ్ర ఆగ్రహానికి గురైన విజయ్‌ తోఫా... తార బేహార్‌ను ఇంట్లోనే ఉరి వేసి చంపేశాడు. శవాన్ని ఓ పెద్ద సూట్‌కేసులో కుక్కి అర్ధరాత్రి ఇందిరమ్మ కాలనీకి అనుకుని ఉన్న నిర్మానుష ప్రాంతంలోకి తీసుకెళ్లి పడేశాడు. 26వ తేదీన ఇంటిని ఖాళీ చేసి జూబ్లీహిల్స్‌లోని తన కుటుంబం వద్దకు వెళ్లాడు. ● కేసు నమోదు చేసుకున్న పోలీసులు డ్యాగ్‌ స్కాడ్‌ను రంగంలోకి దింపి గాలింపు చేపట్టారు. డాగ్‌లు ఇందిరమ్మ కాలనీ వైపు వెళ్లడంతో దర్యాప్తును ఆ దిశగా చేపట్టారు. గండిమైసమ్మ నుంచి బాచుపల్లి, మియాపూర్‌ నుంచి బాచుపల్లి వైపు ప్రధాన రోడ్డుపై ఉన్న అన్ని సీసీ కెమెరాల ఫుటేజీలను పరిశీలించారు. ● శవం పూర్తిగా కుళ్లిపోవడంతో ఎలాంటి ఆధారాలు లభించలేదు. కేవలం గాజులు, కలర్‌ఫుల్‌ డ్రెస్‌ల ఆధారంగా పోలీసులు మృతురాలు ఇతర రాష్ట్రానికి చెందినదిగా భావించారు. ఈ క్రమంలో ఆమె నేపాల్‌వాసిగా నిర్ధారణ అయ్యింది. గోల్డెన్‌ కలర్‌ హ్యాండిలే ఆధారంగా... మృతదేహాన్ని సూట్‌ కేసులో తీసుకురావడంతో పోలీసులు సూట్‌కేస్‌ దిశగా సైతం విచారణ చేపట్టారు. అక్కడ లభించిన సూట్‌కేసు ఖరీదైనది.. అందులో కొత్తగా ఉంది. హ్యాండిల్‌ కొత్తగా ఉండటంతో పోలీసులు ప్రగతినగర్‌, మియాపూర్‌, నిజాంపేట్‌ కూకట్‌పల్లి తదితర ప్రాంతాల్లోని లెదర్‌ బ్యాగ్‌లు, సూట్‌కేసుల షాపుల్లో విచారణ ప్రారంభించాడు. పదిహేను రోజుల క్రితం పెద్ద సూట్‌ కేసులు ఎవరెవరు కొన్నారనే కోణంలో దర్యాప్తు చేపట్టారు. చివరకు బాచపల్లి చౌరస్తాలోని ఓ లెదర్‌ షాపులో ఈ నెల 23న విజయ్‌ తోఫా పెద్ద సూట్‌ కేసు కొన్నట్లు సీసీ ఫుటేజీ లభించింది. ర్యాపిడోతో ‘బుక్‌’అయ్యాడు... సూట్‌కేస్‌ను కొన్న విజయ్‌ తోఫా ర్యాపిడో బైక్‌ బుక్‌ చేశాడు. ఆ ర్యాపిడో బైక్‌ ఆధారంగా పోలీసులు సీసీ ఫుటేజీలను పరిశీలించగా అతడు ఇందిరమ్మ కాలనీకి చేరుకున్నట్లు తెలిసింది. ర్యాపిడో నుంచి సమాచారం తీసుకుని నేరస్తుడి నెంబర్‌ను ట్రేస్‌ చేశారు. అప్పటికే అతని సెల్‌ ఫోన్‌ స్విచ్ఛాప్‌లో ఉంది. ఈ క్రమంలో సాంకేతిక అంశాలతో గంటల వ్యవ్యధిలో కనుకుని జూబ్లీహిల్స్‌లో విజయ్‌ తోఫా కుటుంబం ఉందని నిర్ధారించుకున్నారు. నిఘా పెట్టి విజయ్‌ తోఫాను గురువారం అదుపులోకి తీసుకుని విచారణ చేస్తున్నారు. గర్భం విషయంలో ఇద్దరి మధ్య వాగ్వాదం చివరకు హత్య అర్ధరాత్రి శవాన్ని ఎత్తుకుని 2 కిలో మీటర్లు నడిచి పొదల్లో పడేసిన వైనం పోలీసుల అదుపులో నిందితుడు

లంచం తీసుకుంటూ పట్టుబడ్డ తూంకుంట మున్సిపల్‌ సిబ్బంది శామీర్‌పేట్‌: తూంకుంట మున్సిపల్‌ సిబ్బంది లంచం తీసుకుంటూ గురువారం ఏసీబీ అధికారులకు పట్టుబడ్డారు. వివరాలివీ... తూంకుంట మున్సిపాలిటీలో ఇటీవల విలీనమైన శామీర్‌పేట వార్డులో విధులు నిర్వహిస్తున్న బిల్‌ కలెక్టర్‌ రాంరెడ్డి, కంప్యూటర్‌ ఆపరేటర్‌ శ్రావణ్‌లు రూ. 20 వేల లంచం తీసుకుంటూ ఏసీబీ అధికారులకు పట్టుబడ్డారు. శామీర్‌పేట వార్డు పరిధిలో ఓ వ్యక్తి రెండు ఇళ్లను కొనుగోలు చేసి మ్యుటేషన్‌ కోసం దరఖాస్తు చేసుకున్నాడు. ఏడాదిన్నరగా మ్యుటేషన్‌ కోసం అధికారుల చుట్టూ తిరిగాడు. శామీర్‌పేట వార్డు ఆఫీసులో పని చేసే బిల్‌ కలెక్టర్‌ రాంరెడ్డి, కంప్యూటర్‌ ఆపరేటర్‌ శ్రావణ్‌లు లంచం డిమాండ్‌ చేశారని, దీంతో బాధితుడు ఏసీబీని ఆశ్రయించినట్లు ఏసీబీ డీఎస్పీ ఆనంద్‌ కుమార్‌ వెల్లడించారు. లంచం డబ్బులు తీసుకుంటుండగా వల పన్ని పట్టుకున్నామన్నారు. ఈ కేసులో ఎవరెవరికి సంబంధాలు ఉన్నాయనే కోణంలో దర్యాప్తు చేస్తున్నట్లు ఆయన పేర్కొన్నారు. ఒక స్థలం.. డబుల్‌ రిజిస్ట్రేషన్‌.. ప్లాట్‌ విక్రయించి వ్యక్తి అరెస్టు దుండిగల్‌: ఒకే స్థలాన్ని రెండు సార్లు రిజిస్ట్రేషన్‌ చేసిన వ్యక్తిని దుండిగల్‌ పోలీసులు అరెస్ట్‌ చేసి రిమాండ్‌కు తరలించారు. పోలీసుల సమాచారం మేరకు... మల్లంపేట ప్రాంతానికి చెందిన జె.అశోక్‌ కుమార్‌ అలియాస్‌ సారా అశోక్‌ స్థానికంగా ఉన్న 195, 196వ సర్వే నెంబర్లలోని 9.39 గుంటల్లో గతంలో వెంచర్‌ వేశాడు. మౌలాలికి చెందిన అన్వర్‌ ఖాతూన్‌ అనే మహిళ బాచుపల్లికి చెందిన మోహన్‌రెడ్డి సహకారంతో 1986 సంవత్సరంలో సదరు వెంచర్‌లో ప్లాట్‌ను కొనుగోలు చేసింది. కొన్నాళ్ల వరకు ఖాతూన్‌తో పాటు ఆమె కుటుంబ సభ్యులు ప్లాట్‌ వద్దకు రాలేదు. ఇది గమనించిన అశోక్‌ సదరు ప్లాట్‌ను స్వాధీనం చేసుకునేందుకు కుట్ర పన్నాడు. అందులో భాగంగా 2004 సంవత్సరంలో అశోక్‌ సదరు స్థలాన్ని మోహన్‌రెడ్డి పేరు మీద రిజిస్ట్రేషన్‌ చేయించాడు. 2023లో ఖాతూన్‌ ఆమె కుటుంబ సభ్యులు ప్లాట్‌ వద్దకు రావడంతో మోసం వెలుగుచూసింది. మోహన్‌రెడ్డి పేరుపై ప్లాట్‌ను మార్చినట్లు గుర్తించారు. ఈ మేరకు బాధితురాలు ఇచ్చిన ఫిర్యాదుతో కేసు నమోదు చేసుకున్న పోలీసులు డబుల్‌ రిజిస్ట్రేషన్‌ చేసిన అశోక్‌కుమార్‌ను నిందితుడిగా గుర్తించారు. గురువారం అశోక్‌కుమార్‌ను అరెస్ట్‌ చేసి రిమాండ్‌కు తరలించారు. ఈ కేసులో అశోక్‌కుమార్‌తో పాటు ఇతరుల పాత్ర ఏమైనా ఉందా.. ఇలాంటి దొంగ రిజిస్ట్రేషన్లు ఇంకేమైనా చేశాడా అనే కోణంలో పోలీసులు దర్యాప్తు చేస్తున్నారు.

రైలు నుంచి దించినందుకు విధ్వంసాలకు కుట్ర సాక్షి, సిటీబ్యూరో: హైదరాబాద్‌ పరిసర ప్రాంతాలతో పాటు తమిళనాడులోనూ రైలు పట్టాలపై రాళ్లు, రాడ్లు, కర్రలు పెట్టి రైల్వే ప్రొటెక్షన్‌ ఫోర్స్‌తో (ఆర్పీఎఫ్‌) సహా జాతీయ దర్యాప్తు సంస్థనూ (ఎన్‌ఐఏ) పరుగులు పెట్టించిన నకిలీ బాబా చిక్కాడు. ఇతగాడిని తెలంగాణ ఆర్పీఎఫ్‌ పోలీసులు అరెస్టు చేయగా... చైన్నె అధికారులు పీటీ వారెంట్‌పై అక్కడకు తరలించారు. ● ఉత్తరాఖండ్‌కు చెందిన విజయ్‌కుమార్‌ వృత్తిరీత్యా ఎలక్ట్రీషియన్‌. బతుకుతెరువు కోసం ఒడిస్సాలో స్థిరపడిన ఇతగాడు కుటుంబాన్ని వదిలేసి హఠాత్తుగా బాబా అవతారం ఎత్తాడు. తన పేరును ఓంగా మార్చుకుని దేశ సంచారం మొదలుపెట్టాడు. భిక్షాటన చేసుకుంటూ జీవించడం, కనిపించిన రైలు ఎక్కడం, నచ్చిన చోట దిగడం, ప్లాట్‌ఫామ్స్‌పై దొరికినవి తినడం ఇవే దినచర్యలుగా కొన్నేళ్లు బతికేశాడు. ● రైళ్లు, రైల్వే ప్లాట్‌ఫామ్స్‌పై ఇలాంటి బాబాలు, భిక్షాటన చేసే వాళ్లు, హిజ్రాల బెడద పెరిగిపోతున్నాయంటూ ప్రయాణికుల నుంచి రైల్వే అధికారులకు వరుస ఫిర్యాదులు అందాయి. దీంతో ప్రయాణికులను ఇబ్బంది పెడుతున్న ఇలాంటి వాళ్లను ఉపేక్షించవద్దని రైల్వే ఉన్నతాధికారులు స్పష్టమైన ఆదేశాలను జారీ చేశారు. ● అప్పటి నుంచి టీసీలు, జీఆర్పీ, ఆర్పీఎఫ్‌ అధికారులు ఇలాంటి వాళ్లు ఎక్కడ కనిపించినా టికెట్‌ తనిఖీ చేయడం, లేకపోతే దింపేయడం లాంటివి చేస్తున్నారు. ఈ నేపథ్యంలో రైలులో ఒడిస్సా నుంచి హైదరాబాద్‌ వస్తున్న ఓం బాబాను టిక్కెట్‌ లేని కారణంగా టీసీ మార్గమధ్యంలో దింపేశారు. ఈ విషయంలోనే ఓం బాబా హర్ట్‌ అయ్యాడు. దీంతో ఏకంగా రైల్వేల పైనే కక్ష పెంచుకున్నాడు. ● నగరంలోని కాచిగూడ–బుద్వేల్‌ మధ్య రైలు పట్టాలపై పెద్ద కర్రలు, రాళ్లు పెట్టాడు. వీటిని గుర్తించిన గ్యాంగ్‌మెన్లు తొలగించి, ఆర్పీఎఫ్‌కు సమాచారం ఇచ్చారు. దీంతో అప్రమత్తమైన అధికారులు నిందితుడిని పట్టుకునేందుకు మఫ్టీలో రంగంలోకి దిగడంతో పాటు గ్యాంగ్‌మెన్లను అప్రమత్తం చేశారు. ● కాటేదాన్‌ ప్రాంతంలో రైలు పట్టాల వద్ద అనుమానాస్పదంగా తిరుగుతున్న ఓంను గుర్తించిన ఆర్పీఎఫ్‌ అతడిని అదుపులోకి తీసుకుంది. ● విచారణ నేపథ్యంలో ఈ నేరాలు తానే చేసినట్లు అతడు అంగీకరించడంతో అరెస్టు చేసి జైలుకు పంపారు. ● నగరంలో ఈ పని చేసి, అరెస్టు కావడానికి మధ్యలో చైన్నె వెళ్లిన ఓం అక్కడా ఇలాంటి పనే చేశాడు. విల్లివాక్కం, అంబత్తూరు, ఆవడి, అరక్కోణంలలో రైలు పట్టాలపై వస్తువులు పెట్టడంతో ఐదు కేసులు నమోదయ్యాయి. ● ఈ ఏడాది ఏప్రిల్‌ 26 ఉదయం 9.30 గంటలకు అవడి రైల్వే యార్డ్‌ వద్ద సిగ్నల్‌ ఆపరేషన్‌ విఫలమైంది. రైల్వే సిబ్బంది వెంటనే ట్రాక్‌ను పరిశీలించగా ఐరన్‌న్‌ పెండ్రాల్‌ క్లిప్‌లు తొలగించినట్లు గుర్తించారు. క్లిప్‌లు, రెండు అంగుళాల ఇనుప ముక్కలను ట్రాక్‌పై ఉంచినట్లు తేల్చారు. ● మరుసటి రోజు రాత్రి 7 గంటలకు అరక్కోణం రైల్వే స్టేషన్‌ సమీపంలోని ఆరు పాయింట్ల వద్ద బ్యాలస్ట్‌, ఇనుప ముక్కలు కనిపించాయి. అదే రోజు రాత్రి 11.47 గంటలకు అంబత్తూరు రైల్వే స్టేషన్‌లో ఐదు చోట్ల బ్యాలస్ట్‌లు ఉంచినట్లు ఆర్పీఎఫ్‌కి సందేశం వచ్చింది. ● రైల్వే సిబ్బంది వెంటనే అప్రమత్తమై బ్యాలస్ట్‌ను తొలగించి, ట్రాక్‌పై రైళ్ల రాకపోకలను పునరుద్ధరించారు. ఇక్కడి అధికారుల విచారణలో ఈ విషయాలు వెలుగులోకి రావడంతో చైన్నె ఆర్పీఎఫ్‌ అధికారులకు సమాచారం ఇచ్చారు. ● దీంతో ఓంపై అక్కడి కోర్టు నుంచి ప్రిజనర్స్‌ ట్రాన్సిట్‌ (పీటీ) వారెంట్‌ తీసుకొచ్చిన అధికారులు చైన్నె తరలించారు. ● తమిళనాడులో ఇతడు చేసిన పనితో ఎన్‌ఐఏ కూడా ఉలిక్కిపడింది. దీని వెనుక ఉగ్రకోణం ఉందని అనుమానించి రంగంలోకి దిగింది. చివరకు ఇది ఓ దొంగ బాబా పనిగా తేలడంతో అంతా ఊపిరి పీల్చుకున్నారు. ఉత్తరాఖండ్‌కు చెందిన ఓ నకిలీ బాబా వ్యవహారం హైదరాబాద్‌తో పాటు తమిళనాడులోనూ కేసులు అరెస్టు చేసిన రైల్వే ప్రొటెక్షన్‌ ఫోర్స్‌ అధికారులు వారెంట్‌పై తీసుకువెళ్లిన చైన్నె ఆర్పీఎఫ్‌ బృందాలు

సాక్షి, సిటీబ్యూరో: ఆపరేషన్‌ సిందూర్‌ ఎంతో సాహసోపేత చర్య అని ఎంపీ లక్ష్మణ్‌ పేర్కొన్నారు. గురువారం సాయంత్రం బీజేపీ రాష్ట్ర కార్యాలయంలో ప్రధాని నరేంద్రమోదీ 11 ఏళ్ల పాలన, విజయాలు, ప్రపంచ పర్యావరణ దినోత్సవం, యోగా దివస్‌ అజెండాలతో బీజేపీ గోల్కొండ జిల్లా నేతలతో వర్క్‌షాప్‌ నిర్వహించారు. ఈ సందర్భంగా ఎంపీ మాట్లాడుతూ... మోదీ దేశ పౌరుల భద్రతకు ప్రథమ ప్రాధాన్యం ఇస్తున్నారన్నారు. ఉగ్రదాడులకు పాల్పడుతున్న పాకిస్తాన్‌కు తగిన గుణపాఠం చెప్పారన్నారు. 70 ఏళ్ల కాంగ్రెస్‌ పాలనతో పోల్చితే దేశంలో ఐఐటీలు, ఐఐఎం, ఎయిమ్స్‌ సంఖ్య రెట్టింపయ్యాయని, మెడికల్‌ సీట్లు గణనీయంగా పెరిగాయన్నారు. 52 కోట్ల మందికి ముద్ర రుణాలు ఇచ్చామన్నారు. మేకిన్‌ ఇండియా సత్ఫలితాలను ఇచ్చిందని తెలిపారు. పార్టీ గోల్కొండ జిల్లా అధ్యక్షుడు ఉమామహేంద్ర మాట్లాడుతూ... నాయకులు, కార్యర్తలు కేంద్ర కార్యక్రమాలను ప్రజల్లోకి తీసుకెళ్లాలని తెలిపారు. 21న యోగా దివస్‌ నిర్వహించుకుందామని కోరారు. కార్యక్రమంలో కార్పొరేటర్‌ సురేఖ, ప్రేమ్‌ సింగ్‌ రాథోడ్‌, అట్లూరి రామకృష్ణ, ఉమా రాణి, కోలా దీపక్‌, తదితరులు పాల్గొన్నారు.

సాక్షి, సిటీబ్యూరో: ప్రపంచ రక్తదాతల దినోత్సవాన్ని పురస్కరించుకొని ఈ నెల 14వ తేదీన తెలంగాణలోని మెడికల్‌ కళాశాలల్లో రక్తదాన శిబిరాలు నిర్వహించనున్నామని తెలంగాణ మెడికల్‌ కౌన్సిల్‌ చైర్మన్‌ మహేష్‌ పేర్కొన్నారు. గురువారం మెడికోస్‌ బ్లడ్‌ డోనర్స్‌ క్లబ్‌ ఏర్పాటు చేసిన ప్రత్యేక పోస్టర్‌ను మెడికల్‌ కౌన్సిల్‌ కార్యాలయంలో ఆవిష్కరించారు. అనంతరం ఆయన మాట్లాడుతూ... రక్తదానం చేసేందుకు ఆరోగ్యంగా ఉన్న ప్రతి ఒక్కరూ స్వచ్ఛందంగా ముందుకు రావాలని పిలుపునిచ్చారు. వైద్య విద్యార్థులు చేపడుతున్న సేవా కార్యక్రమాలు అభినందనీయమన్నారు. కార్యక్రమంలో మెడికల్‌ కౌన్సిల్‌ ఉపాధ్యక్షుడు శ్రీనివాస్‌, సభ్యులు సన్నీ డేవిస్‌ తదతరులు పాల్గొన్నారు. పోస్టర్‌ను ఆవిష్కరిస్తున్న దృశ్యం

ఓఆర్‌ఆర్‌ చుట్టూ అభివృద్ధికి సర్కారు అడుగులు సాక్షి, సిటీబ్యూరో: భాగ్యనగరానికి మణిహారమైన ఔటర్‌ రింగ్‌ రోడ్డు (ఓఆర్‌ఆర్‌)ను ఉద్యోగ, ఉపాధి అవకాశాల కేంద్రంగా అభివృద్ధి చేయాలని రాష్ట్ర ప్రభుత్వం నిర్ణయించింది. జిల్లా కేంద్రాలతో అనుసంధానంగా ఉంటూ ఇతర నగరాలకు వెళ్లేందుకు అంతర్జాతీయ స్థాయి మౌలిక సదుపాయాలతో నిర్మితమైన ఔటర్‌ చుట్టూ ఐటీ, పరిశ్రమల స్థాపనకు ప్రభుత్వం శరవేగంగా ప్రణాళికలు సిద్ధం చేస్తోంది. హైదరాబాద్‌ చుట్టూ 158 కిలో మీటర్ల పొడవైన ఈ రహదారి ప్రాంతాలలో సెజ్‌ తరహాలో కంపెనీలకు స్థలాలను కేటాయించాలని నిర్ణయించారు. ఇదే సమయంలో సంస్థలకు చేరువలో నివాసాలు ఉండేలా కసరత్తు చేస్తున్నారు. దీంతో నగరాభివృద్ధి విస్తరించడంతో పాటు వాక్‌ టు వర్క్‌ విధానంలో ఆయా ప్రాంతాలు శరవేగంగా అభివృద్ధి చెందుతాయి. కనిష్టంగా వెయ్యి ఎకరాలు.. ఔటర్‌ చుట్టూ పరిశ్రమల ఏర్పాటుకు ప్రభుత్వ భూములను సేకరించేందుకు రెవెన్యూ అధికారులు కసరత్తు చేస్తున్నారు. రంగారెడ్డి, మేడ్చల్‌ జిల్లాల్లో ఔటర్‌కు సమీపంలోని కొన్ని ప్రాంతాలు, విమానాశ్రయానికి దగ్గరగా ఉండే మరికొన్ని ప్రాంతాలను ఇప్పటికే పరిశీలించారు. శేరిలింగంపల్లి, మహేశ్వరం, చేవెళ్ల, ఇబ్రహీంపట్నం మండలాల పరిధిలో ఒక్కోచోట వెయ్యి ఎకరాలకు తక్కువ కాకుండా భూములను సేకరించాలన్న అధికారులు లక్ష్యాన్ని నిర్దేశించుకున్నారు. మరోవైపు గతంలో ఏవైనా సంస్థలకు స్థలాలు ఇచ్చి అవి ఇంకా కార్యకలాపాలు ప్రారంభించకపోతే వాటిని వెనక్కి తీసుకునే మార్గాలను కూడా అధికారులు అన్వేషిస్తున్నారు. ఇందుకు అవసరమైన విధివిధానాలను రూపొందించే పనిలో నిమగ్నమయ్యారు. వాక్‌ టు వర్క్‌ తరహాలో.. ఔటర్‌ చుట్టూ రానున్న పరిశ్రమలు వాక్‌ టు వర్క్‌ విధానంలో ఉండాలని ప్రభుత్వ పెద్దలు నిర్ణయించారు. కంపెనీలకు చేరువలోనే నివాసాలు ఉండేలా ప్రణాళికలు చేస్తున్నారు. స్పెషల్‌ ఎకనామిక్‌ జోన్‌ (సెజ్‌) తరహాలో ఒకేచోట 300 ఎకరాల భూములు సేకరించాలని, పరిశ్రమలు, ఐటీ సంస్థలకు సమీపంలో ప్రభుత్వ స్థలాలను అభివృద్ధి చేస్తే అక్కడ నివాసం ఉండేందుకు వీలుంటుందని రెవెన్యూ అధికారుల భావిస్తున్నారు. ఇందుకోసం 300 గజాల చొప్పున ప్లాట్లుగా విభజించాలని నిర్ణయించారు. రోడ్లు, తాగునీరు, మురుగు నీటి వ్యవస్థలను అందుబాటులో ఉండేలా ప్రణాళికలు చేస్తున్నారు. అభివృద్ధి విస్తరణ.. ఇప్పటికే ఫాక్స్‌కాన్‌ సంస్థ రంగారెడ్డి జిల్లా కలెక్టర్‌ కార్యాలయానికి సమీపంలో యాపిల్‌ ఫోన్‌ విడిభాగాల తయారీ ప్లాంట్‌కు శ్రీకారం చుట్టిన సంగతి తెలిసిందే. దీంతో పాటు మహేశ్వరం మండలం తుక్కుగూడలో ఎలక్ట్రానిక్‌ సిటీ బాగా ప్రాచుర్యం పొందింది. ఈ రెండు పరిశ్రమలతో పాటు షాబాద్‌ మండలంలో విద్యుత్‌ బస్సుల తయారీ, టెక్స్‌టైల్స్‌ పరిశ్రమలు ఇప్పటికే తమ కార్యకలాపాలు నిర్వహిస్తున్నాయి. కొత్తగా ఏర్పాటు చేయనున్న ఐటీ, పరిశ్రమల హబ్‌లలో పరిశ్రమలు, ఐటీ సంస్థలతో పాటు వాటికి సమీపంలో విద్యా సంస్థలు, వినోద కార్యకలాపాలు నిర్వహించే సంస్థలు, రెస్టారెంట్లను ప్రారంభిస్తే అభివృద్ధి మరింత విస్తరించే అవకాశముంది. ఐటీ, పరిశ్రమలకు స్థలాల కేటాయింపునకు కసరత్తు ⁠òÜgŒæ ™èlÆý‡àÌZ HÆ>µr$ ^ólĶæ*ÌS° °Æý‡~Ķæ$… కంపెనీలు, నివాసాలు ఒకేచోట ఉండేలా ప్రణాళికలు

ఔటర్‌ నుంచి ట్రిపుల్‌ ఆర్‌ వరకు గ్రీన్‌ఫీల్డ్‌ రోడ్లు ● జాతీయ, రాష్ట్ర రహదారులతో అనుసంధానం ● మొదటి దశలో 10 రహదారులకు హెచ్‌ఎండీఏ ప్రణాళికలుసాక్షి, సిటీబ్యూరో: ఔటర్‌రింగ్‌ రోడ్డు నుంచి కొత్తగా నిర్మించనున్న రీజినల్‌ రింగ్‌రోడ్డు వరకు గ్రీన్‌ఫీల్డ్‌ రేడియల్‌ రోడ్ల పనులకు హైదరాబాద్‌ మహానగరాభివృద్ధి సంస్థ (హెచ్‌ఎండీఏ) సన్నాహాలు చేపట్టింది. రావిర్యాల నుంచి ఆమన్‌గల్‌ మార్గంలో నిర్మించనున్న గ్రీన్‌ఫీల్డ్‌ తరహాలోనే మరో 10 ప్రాంతాల్లో రహదారుల విస్తరణకు ప్రణాళికలు సిద్ధమవుతున్నాయి. ఔటర్‌ నుంచి రీజినల్‌ రింగ్‌రోడ్డుకు జాతీయ, రాష్ట్ర రహదారులను అనుసంధానం చేస్తూ వీటిని నిర్మించనున్నారు. ఓఆర్‌ఆర్‌ నుంచి ట్రిపుల్‌ ఆర్‌ వరకు ప్రజలు సాఫీగా రాకపోకలు సాగించేందుకు అనుగుణంగా విశాలమైన రహదారులు అందుబాటులో ఉంటాయని హెచ్‌ఎండీఏ మెట్రోపాలిటన్‌ కమిషనర్‌ సర్ఫరాజ్‌ అహ్మద్‌ తెలిపారు. ఉత్తర, దక్షిణ భాగాలుగా రెండు దశల్లో నిర్మించనున్న సుమారు 350 కిలోమీటర్ల మేర అనుసంధానం చేసే విధంగా గ్రీన్‌ఫీల్డ్‌ రోడ్లను దశలవారీగా నిర్మించనున్నట్లు ఆయన పేర్కొన్నారు. ఇరువైపులా టౌన్‌షిప్‌లు ఔటర్‌ నుంచి రీజినల్‌ రింగ్‌ రోడ్డు వరకు ఆధునిక సదుపాయాలతో టౌన్‌షిప్‌లు నిర్మించనున్నారు. ఇందుకోసం వివిధ ప్రాంతాల్లో రైతుల నుంచి భూములు సేకరించి లోకల్‌ ఏరియా డెవలప్‌మెంట్‌ ప్లాన్‌కు అనుగుణంగా లే అవుట్‌లను అభివృద్ధి చేయాలని హెచ్‌ఎండీఏ భావిస్తోంది. వీటిని గ్రీన్‌ఫీల్డ్‌ రోడ్లకు ఇరువైపులా నిర్మించనున్నారు. ప్రజలు నివాస సముదాయాల నుంచి తేలిగ్గా గ్రీన్‌ఫీల్డ్‌కు చేరుకొనే సదుపాయం ఉంటుంది. ప్రతి లే అవుట్‌ను అన్నిమౌలిక సదుపాయాలతో డిజైన్‌ చేసేందుకు ప్రతిపాదించారు. రైతుల నుంచి భూములు సేకరించి ఏర్పాటు చేసే లేఅవుట్‌లలో 60 శాతం భూమిని తిరిగి వారికే అందజేయనున్నారు. మిగతా 40 శాతం భూమిని హెచ్‌ఎండీఏ తీసుకోనుంది. ప్రస్తుతం ప్రతిపాదించిన రావిర్యాల– ఆమన్‌గల్‌ మార్గంలో మొదటి దశలో రేడియల్‌ రోడ్డుకు ఇరువైపులా కి.మీ పరిధిలో 21 లక్షల చదరపు మీటర్ల (518.92 ఎకరాలు) విస్తీర్ణంలో టౌన్‌షిప్‌ను, రెండో దశలో 500 మీటర్ల పరిధిలో మరొకదానిని అభివృద్ధి చేసే ప్రతిపాదనలు ఉన్నాయి. త్వరలో రతన్‌టాటా గ్రీర్‌ఫీల్డ్‌ రోడ్డు పనులు.. ఫ్యూచర్‌సిటీ ప్రాజెక్టులో భాగంగా ఓఆర్‌ఆర్‌ రావిర్యాల ఇంటర్‌చేంజ్‌ నుంచి ఆమన్‌గల్‌ వరకు నిర్మించనున్న 41.50 కి.మీ. గ్రీన్‌ఫీల్డ్‌ రోడ్డు పనులను హైకోర్టు స్టే ఎత్తివేసిన వెంటనే ప్రారంభించేందుకు హెచ్‌ఎండీఏ అనుబంధ హెచ్‌జీసీఎల్‌ సంస్థ సిద్ధంగా ఉన్నాయి. ఇందుకోసం రూ.1,665 కోట్లు ఖర్చు కానున్నట్లు అంచనా.రెండోదశలో మీర్‌ఖాన్‌పేట్‌ నుంచి ట్రిపుల్‌ ఆర్‌ వద్ద అమన్‌గల్‌ వరకు రూ.2,365 కోట్ల వ్యయంతో 22.3 కిలోమీటర్లు నిర్మించనున్నారు. ఇవీ ప్రత్యేకతలు.. ● గ్రీన్‌ఫీల్డ్‌ రోడ్లు 100 మీటర్ల వెడల్పుతో కూడిన యాక్సెస్‌ కంట్రోల్డ్‌ ఎక్స్‌ప్రెస్‌వేలు. ఆరు లైన్ల ప్రధాన రహదారి (3+3 లేన్‌) ● భవిష్యత్తులో 8 లైన్‌లకు (4+4) విస్తరించే అవకాశం ఉంటుంది. ● రావిర్యాల–ఆమన్‌గల్‌ గ్రీన్‌ఫీల్డ్‌ రోడ్డు మధ్యలోనే మెట్రో కారిడార్‌ కోసం 20 మీటర్ల భూమిని కేటాయిస్తారు.ఈ మార్గంలో ఎట్‌గ్రేడ్‌ (భూమార్గంలో)గా మెట్రో కారిడార్‌ రానుంది. ● గ్రీన్‌ఫీల్డ్‌ రోడ్లకు రెండు వైపులా 3–లైన్‌ల సర్వీస్‌ రోడ్లు ఉంటాయి. 2 మీటర్ల చొప్పున గ్రీన్‌బెల్ట్‌ను (పచ్చదనం) ఏర్పాటు చేస్తారు. ● రెండు వైపులా 3 మీటర్ల సైకిల్‌ ట్రాక్‌, 2 మీటర్ల వెడల్పుతో ఫుట్‌పాత్‌, మరో 2 మీటర్ల యూటిలిటీ కారిడార్‌ను ఏర్పాటు చేయనున్నారు.

జేఎన్టీయూలో అలరించిన వేడుకలుకేపీహెచ్‌బీకాలనీ: జవహర్‌లాల్‌ నెహ్రూ సాంకేతిక విశ్వవిద్యాలయం (జేఎన్టీయూ) 13వ స్నాతకోత్సవం మంగళవారం ఆద్యంతం ఉత్సాహంగా కొనసాగింది. యూనివర్సిటీ చాన్స్‌లర్‌ హోదాలో గవర్నర్‌ జిష్ణుదేవ్‌ వర్మకు వీసీ కిషన్‌ కుమార్‌ రెడ్డి, రెక్టార్‌ విజయ్‌కుమార్‌ రెడ్డి, రిజిస్ట్రార్‌ వెంకటేశ్వరరావు ఘన స్వాగతం పలికారు. గతానికి భిన్నంగా స్నాతకోత్సవ కార్యక్రమంలో యూనివర్సిటీ అధికారులు సంప్రదాయ వస్త్రధారణతో అలరించారు. బంగారు పతకాలు సాధించిన విద్యార్థుల కేరింతలు, అభినందనలు తెలిపేందుకు వచ్చిన తల్లిదండ్రులు, కుటుంబ సభ్యుల ఆనందోత్సాహాల నడుమ స్నాతకోత్సవం పండగ వాతావరణాన్ని తలపించింది. విజ్ఞానాన్ని సమాజానికి అందించాలి: గవర్నర్‌ జిష్ణుదేవ్‌ వర్మ విజ్ఞానాన్ని సంపాదించడమే కాదు దాన్ని సమాజానికి ఉపయోగపడే విధంగా వినియోగించడమే నిజమైన విద్య అని గవర్నర్‌ జిష్ణుదేవ్‌ వర్మ అన్నారు. జేఎన్టీయూ స్నాతకోత్సవంలో ఆయన ముఖ్య అతిథిగా మాట్లాడుతూ.. విద్యార్థుల విజయంలో తల్లిదండ్రులు, ఉపాధ్యాయుల పాత్ర ఎనలేనిదని కొనియాడారు. విద్యార్థులు సృజనాత్మకత, నైతిక విలువలతో ముందుకు సాగాలని సూచించారు. అనంతరం వివిధ విభాగాల్లో బంగారు పతకాలు సాధించిన విద్యార్థినీ విద్యార్థులకు ప్రదానం చేశారు ఎంతో ఆనందంగా ఉంది.. గవర్నర్‌ చేతుల మీదుగా గోల్డ్‌ మెడల్‌ అందుకోవడం చాలా సంతోషంగా ఉంది. 5 గోల్డ్‌ మెడల్స్‌ రావటంతో ఆనందంగా ఉంది. తల్లిదండ్రులు, ఉపాధ్యాయుల సహకారంతోనే ఇది సాధ్యమైంది. –నవ్యశ్రీ, ఈసీఈ విభాగం నా కల సాకారమైంది సివిల్‌ ఇంజినీరింగ్‌లో 3 గోల్డ్‌ మెడల్స్‌ వచ్చాయి. మా నాన్న ఉపాధ్యాయుడు. ఎంతోమంది విద్యార్థులకు చదువు గొప్పతనం గురించి చెబుతుంటారు. నా తల్లిదండ్రుల కృషి చాలా ఉంది. – పి.సుప్రియ, సివిల్‌ ఇంజినీరింగ్‌

ఉస్మా‘నయా’ ఆస్పత్రి కోసం 31 ఎకరాల 39 గుంటలు సాక్షి, సిటీబ్యూరో: అఫ్జల్‌గంజ్‌లోని ఉస్మానియా ఆస్పత్రిని గోషామహల్‌లో శివకుమార్‌ లాల్‌ పోలీ సు స్టేడియం ప్రాంతానికి తరలించాలని ప్రభు త్వం నిర్ణయించింది. దీనికి సంబంధించిన కసరత్తు సైతం ప్రారంభమైంది. మొత్తం 43 ఎకరాల 37 గంటల ఈ స్టేడియం స్థలం నుంచి 31 ఎకరాల 39 గుంటలు ఆస్పత్రికి, 11 ఎకరాల 38 గుంటలు పోలీసు అవసరాలకు కేటాయించారు. కొత్త ఉస్మా నియా ఆస్పత్రికి కేటాయించిన స్థలాన్ని నగర పోలీ సు కమిషనర్‌ సీవీ ఆనంద్‌ మంగళవారం వైద్యశాఖకు అప్పగించారు. మిలిగిన స్థలంలో పోలీసు నిర్మాణాలను త్వరలో ప్రారంభించనున్నారు. అదనంగా మరో రెండు ఎకరాలు.. ప్రస్తుతం గోషామహల్‌లోని పోలీసుస్టేడియం ప్రాంగణంలో ఓ పక్క స్టేడియం, సిటీ సెక్యూరిటీ వింగ్‌ కార్యాలయం, డాగ్‌ స్క్వాడ్‌, అశ్విక దళంతో పాటు శిథిలమైన కొన్ని పోలీసు క్వార్టర్స్‌ కూడా ఉన్నాయి. వీటికి ఎదురుగా ఉన్న ఖాళీ స్థలంలో అమరుల స్తూపం ఉండగా దాన్నే పోలీసు అధికారులు గ్రౌండ్‌గా వినియోగిస్తున్నారు. ఈ స్తూపానికి ఏమాత్రం నష్టం వాటిల్లకుండా, సముచిత ప్రాధాన్యం ఇస్తూ స్డేడియంతో పాటు ఇతర నిర్మాణాలు చేపట్టనున్నారు. దీనికోసం సర్కారు రూ.55 కోట్లు మంజూరు చేసింది. అశ్వికదళం కోసం తాత్కాలికంగా నిర్మించిన 24 షెడ్లను ఆనంద్‌ మంగళవారం ప్రారంభించారు. తాత్కాలిక ప్రాతిపదికన డాగ్‌ స్క్వాడ్‌ను బేగంపేటలోని పోలీసు క్వార్టర్స్‌లోకి పంపారు. ఈ స్థలానికి అదనంగా ట్రాఫిక్‌ ట్రైనింగ్‌ ఇనిస్టిట్యూట్‌ (టీటీఐ) వద్ద మరో రెండు ఎకరాలు నగర పోలీసు విభాగానికి కేటాయించింది. ఇక్కడ కెన్నెల్‌ వింగ్‌ ఏర్పాటు చేయాలని నిర్ణయించారు. ఆ వాహనాలు శిథిలం కాకుండా.. నగరంలోని ఏడు జోన్లకు సంబంధించిన పోలీసులు వివిధ సందర్భాల్లో స్వాధీనం చేసుకున్న వాహనాలను ప్రస్తుతం ఈ స్టేడియంలోనే ఉంచుతున్నారు. వీటికి ఎలాంటి రక్షణ లేకపోవడంతో ఎండకు ఎండి, వానకు తడిసి శిథిలం అవుతున్నాయి. ఈ నేపథ్యంలోనే కొత్త నిర్మాణాల్లో భాగంగా ఈ వాహనాల కోసం ఐదు అంతస్తుల భవనం నిర్మిస్తున్నారు. పక్కనే మరో నాలుగు అంతస్తుల్లో సీఎస్‌డబ్ల్యూ, సీటీసీలతో పాటు ట్రైనింగ్‌ సెంటర్‌ నిర్మిస్తారు. మిగిలిన ప్రాంతంలో స్టేడియం, గ్రౌండ్స్‌ ఉండనున్నాయి. ఉస్మానియా ఆస్పత్రి కోసం ప్రభుత్వం గోషామహల్‌ స్టేడియం ప్రాంగణం నుంచి 25 ఎకరాలు తీసుకుంటున్న నేపథ్యంలో.. దీనికి ప్రతిగా ఆరాంఘర్‌ ప్రాంతంలో 12 ఎకరాలను పోలీసు విభాగానికి కేటాయించింది. ఈ స్థలంలో రాష్ట్ర స్థాయి బ్యారెక్స్‌, ప్లేగ్రౌండ్‌, డ్రిల్‌ ఏరియా నిర్మించాలని డీజీపీ కార్యాలయం నిర్ణయించింది. రహదారులు సైతం విస్తరణకు ప్రతిపాదనలు.. ఎన్నికలతో పాటు బోనాలు, గణేష్‌ ఉత్సవాలతో పాటు ఇతర కీలక బందోబస్తుల కోసం ఇతర ప్రాంతాలు, రాష్ట్రాల నుంచి వచ్చే బలగాల కోసం ఈ బ్యారెక్స్‌ వినియోగించనున్నారు. అత్యాధునిక సౌకర్యాలతో నిర్మించనున్న వీటిలో ఉన్నతాధికారుల కోసమూ కొన్నింటిని కేటాయించనున్నారు. గోషామహల్‌ స్టేడియం ప్రాంతంలో ఉస్మానియా ఆస్పత్రి నిర్మాణానికి సన్నాహాలు జరుగుతున్న నేపథ్యంలో ఆ చుట్టు పక్కల ఉన్న రహదారులపైనా ప్రభుత్వ విభాగాలు దృష్టి పెట్టాయి. ప్రస్తుతం అది వాణిజ్య ప్రాంతం కావడంతో పాటు రోడ్లన్నీ ఇరుకుగా ఉంటాయి. ఆస్పత్రి నిర్మాణం ప్రారంభంతోనే ఈ రోడ్ల విస్తరణకూ చర్యలు చేపట్టనున్నారు. ఆస్పత్రి చుట్టూ 30, 60, 100 అడుగుల వెడల్పుతో రోడ్లు నిర్మించడానికి ప్రణాళికలు సిద్ధమయ్యాయి. దీనికోసం ఇప్పటికే అధికారులు సర్వే సైతం ప్రారంభించినట్లు తెలిసింది. ప్రస్తుతం ఉన్న రోడ్ల స్థితిగతులు, కొత్త వాటి కోసం సేకరించాల్సిన ఆస్తులు, కూల్చివేతలపై లోతుగా అధ్యయనం చేస్తున్నారని సమాచారం. అప్పగించిన పోలీసు కమిషనర్‌ సీవీ ఆనంద్‌ మిగతా 11 ఎకరాల 38 గుంటల్లో పోలీసు నిర్మాణాలు స్వాధీనం చేసుకున్న వాహనాలకు ప్రత్యేక భవనం వివరాలు వెల్లడించిన సిటీ కొత్వాల్‌

జీహెచ్‌ఎంసీ కమిషనర్‌ ఆర్‌వీ కర్ణన్‌ బంజారాహిల్స్‌: కేబీఆర్‌ పార్క్‌లో వాక్‌వే పనులను వేగవంతం చేయాలని జీహెచ్‌ఎంసీ కమిషనర్‌ ఆర్‌వీ కర్ణన్‌ అధికారులను ఆదేశించారు. మంగళవారం ఆయన కేబీఆర్‌ పార్క్‌ వాక్‌వే పనులను పరిశీలించారు. లైసెన్స్‌ తీసుకున్న పెట్‌ డాగ్స్‌ను మాత్రమే పార్క్‌లోకి తీసుకురావాలని కమిషనర్‌ ఆదేశించారు. కేబీఆర్‌ పార్క్‌ చుట్టూ హెచ్‌ సిటీ ద్వారా చేపట్టే ఫ్లైవర్లు, అండర్‌పాసులు కోర్టు ఆదేశాల మేరకు నిర్మిస్తున్నారా? అంటూ ప్రాజెక్టు ఇంజినీరింగ్‌ అధికారులను వివరణ అడిగారు. సెన్సిటివ్‌ జోన్‌ పరిధిలోనే పనులు చేపట్టినట్లు ప్రాజె క్టు ఇంజినీర్లు కమిషనర్‌కు వివరించారు. ఆయన వెంట అడిషనల్‌ కమిషనర్‌ సుభద్రా దేవి, డీసీ సమ్మయ్య, ప్రాజెక్టు ఎస్‌ఈ శ్రీలక్ష్మి, ఈఈ నాయక్‌, డిప్యూటీ ఈఈ హరీష్‌, సర్కిల్‌ ఈఈ విజయ కుమార్‌ తదితరులు పాల్గొన్నారు.

శంషాబాద్‌: అమెరికా నుంచి డిపోర్ట్‌ అయిన విద్యార్థి సర్టిఫికెట్‌ నకిలీదిగా తేలడంతో హైదరాబాద్‌లోని ఓ నకిలీ సర్టిఫికెట్‌ విక్రయిస్తున్న కన్సెల్టెన్సీ గుట్టు రట్టైంది. శంషాబాద్‌ ఏసీపీ శ్రీకాంత్‌గౌడ్‌ తెలిపిన మేరకు..నల్గొండ జిల్లా పారేపల్లిగూడెం గ్రామానికి చెందిన పకీరు గోపాల్‌రెడ్డి 2018లో మధురై కామరాజ్‌ విశ్వవిద్యాలయంలో కంప్యూటర్‌ సైన్స్‌ డిగ్రీ పూర్తి చేసినట్లు సర్టిఫికెట్లు సమర్పించి ఏడాదిన్నర కిందట అమెరికాలోని వెబ్‌స్టర్‌ వర్సిటీలో 28 వేల డాలర్ల ఫీజు చెల్లించి ఉన్నత చదువులో ప్రవేశం పొందాడు. 15 నెలలు చదివిన తర్వాత ఇంటికి తిరిగి వచ్చి ఐదు నెలలు ఇక్కడే ఉన్నాడు. నాలుగురోజుల కిందట అమెరికా వెళ్లిన అతడిని అక్కడి ఇమిగ్రేషన్‌ అధికారులు యునివర్సిటీలో ఇన్‌యాక్టివ్‌ విద్యార్థిగా గుర్తించి స్వదేశానికి తిప్పిపంపారు. దీంతో తిరిగి వచ్చే క్రమంలో ఆదివారం శంషాబాద్‌ విమానాశ్రయంలో ఇమిగ్రేషన్‌ అధికారులు అతడి వీసాతో పాటు విద్యార్హత సర్టిఫికెట్లు పరిశీలించగా నకిలీ సర్టిఫికెట్‌ గుట్టు బయటపడింది. దీంతో అతన్ని ఆర్‌జీఐఏ ఔట్‌పోస్టు పోలీసులకు అప్పగించారు. పదిహేను మందికి పైగా.. నకిలీ సర్టిఫికెట్లపై కేసు నమోదు చేసుకున్న పోలీసులు గోపాల్‌రెడ్డిని విచారించగా బీఎన్‌రెడ్డి నగర్‌ టీచర్స్‌ కాలనీలో ఉన్న ధనలక్ష్మీ ఒవర్సీస్‌ ప్రైవేటు లిమిటెడ్‌ సంస్థలో రూ.80 వేలకు డిగ్రీ సర్టిఫికెట్‌ కొనుగోలు చేసినట్లు చెప్పాడు. సీఐ బాలరాజు ఆధ్వర్యంలో ఎస్‌ఐ సిద్దేశ్వర్‌ పోలీసుల బృందం ధనలక్ష్మీ ఒవర్సీస్‌ సంస్థపై దాడులు చేశారు. సంస్థ నిర్వాహకుడు కాతోజు అశోక్‌ను అరెస్ట్‌ చేయడంతో పాటు అక్కడ ఉన్న మధురై కామరాజ్‌, ఉస్మానియా వర్సిటీలకు చెందిన 17 నకిలీ డిగ్రీ, ప్రొవిజినల్‌ మార్కుల పత్రాలను స్వాధీనం చేసుకున్నారు. సరైన విద్యార్హత లేకుండా విదేశీ విద్యనభ్యసించాలనుకునే వారు ఒక్కొక్కరి నుంచి రూ.లక్ష వరకు వసూలు చేస్తూ నకిలీ సర్టిఫికెట్‌ అందజేస్తున్నట్లు గుర్తించారు. పదిహేనుమందికిపైగా నకిలీ సర్టిఫికెట్లతో విదేశీ విద్యకు వెళ్లినట్లు విచారణలో అశోక్‌ వెల్లడించాడు. కేరళకు చెందిన వ్యక్తికి ఒక్కో సర్టిఫికెట్‌కు రూ.30 వేలు ఇస్తే..అతడే సర్టిఫికెట్లు తయారుచేసి పంపిస్తున్నట్లు తెలిపాడు. అశోక్‌ నుంచి నకిలీ సర్టిఫికెట్లతో పాటు వివిధ బ్యాంకులకు చెందిన నకిలీ స్టాంపులు, నకిలీ ఎక్స్‌పీరియన్స్‌ సర్టిఫికెట్లు, ల్యాప్‌టాప్‌లు, మొబైల్‌ ఫోన్లు, రూ.10 లక్షల నగదు స్వాధీనం చేసుకున్నారు. గోపాల్‌రెడ్డి, అశోక్‌లను రిమాండ్‌కు తరలించగా కేరళకు చెందిన వ్యక్తి కోసం గాలిస్తున్నారు.ఓ కన్సల్టెన్సీ నిర్వాకం అమెరికా నుంచి తిరిగొచ్చిన విద్యార్థి సర్టిఫికెట్‌ పరిశీలనలో బయటపడ్డ వైనం కేరళలో తయారీ..హైదరాబాద్‌లో విక్రయం ఇద్దరి అరెస్ట్‌..ఒకరి పరారీ

బన్సీలాల్‌పేట్‌: హెచ్‌ఎండీఏ మరమ్మతులు చేపట్టిన జేమ్స్‌ స్ట్రీట్‌ భవనాన్ని పోలీస్‌ శాఖకు అప్పగించారని, త్వరలోనే రాంగోపాల్‌పేట పోలీస్‌ స్టేషన్‌ ఇక్కడికి వస్తుందని నగర పోలీస్‌ కమిషనర్‌ సీవీ ఆనంద్‌ వెల్లడించారు. సికింద్రాబాద్‌ ఎంజీ రోడ్డులోని రాంగోపాల్‌పేట్‌ పురాతన పోలీసు స్టేషన్‌ను మంగళవారం ఉత్తర మండలం డీసీపీ రష్మి పెరుమాల్‌, నగర ట్రాఫిక్‌ డీసీసీ రాహుల్‌ హెడ్గే తదితరులతో కలిసి ఆయన సందర్శించారు. ఈ సందర్భంగా సీవీ ఆనంద్‌ మాట్లాడారు. రాంగోపాల్‌పేట్‌ పాత పోలీసు స్టేషన్‌కు హెచ్‌ఎండీఏ మరమ్మతులు నిర్వహించి బ్రహ్మాండంగా తయారు చేశారన్నారు. సదరు స్టేషన్‌ను తిరిగి తమకు అప్పగించడం జరిగిందని తెలిపారు. త్వరలో హైదరాబాద్‌ జిల్లా ఇన్‌చార్జి మంత్రి పొన్నం ప్రభాకర్‌ చేతుల మీదుగా ప్రారంభిస్తామన్నారు. జేమ్స్‌ స్ట్రీట్‌ భవనం 1870 సంవత్సరంలో నిర్మించారు. అప్పటి నుంచి 2016 వరకు సుదీర్ఘకాలం రామ్‌గోపాల్‌పేట్‌ పోలీసు స్టేషన్‌ ఇక్కడే కొనసాగింది. ఆ తర్వాత మరమ్మతుల కోసం తొమ్మిదేళ్ల క్రితం హెచ్‌ఎండీఏ స్వాధీనం చేసుకుని..ఇప్పుడు అప్పగిస్తోంది. రానున్న కొద్ది రోజుల్లో రాంగోపాల్‌పేట్‌ పోలీసు స్టేషన్‌కు సంబంధించిన వస్తువులను తిరిగి ఇక్కడి తీసుకవచ్చి పోలీసు కార్యకలాపాలు సాగించనున్నట్లు పేర్కొన్నారు. అలాగే పురాణి హవేలిలోని సిటీ పొలీసు కమిషనర్‌ కార్యాలయం మరమ్మతులు పూర్తి కావచ్చాయని, త్వరలో ఈ భవనాన్ని ప్రారంభించి అక్కడి నుంచీ నగర పోలీసు కార్యకలాపాలు కొనసాగిస్తామని ఆయన వెల్లడించారు. బీజేపీ కార్పొరేటర్లతో కిషన్‌రెడ్డి సమావేశంసాక్షి, సిటీబ్యూరో: బీజేపీ రాష్ట్ర కార్యాలయంలో ఆ పార్టీ కార్పొరేటర్లతో కేంద్ర మంత్రి కిషన్‌ రెడ్డి మంగళవారం భేటీ అయ్యారు. జీహెచ్‌ఎంసీ కౌన్సిల్‌ సమావేశంలో లేవనెత్తాల్సిన అంశాలపై ఆయన వారితో చర్చించారు. బస్తీ పర్యటనలో తన దృష్టికి వచ్చిన సమస్యలను ఆయన ప్రస్తావించారు. వర్షాకాల సన్నద్ధతపైన ప్రభుత్వాన్ని ప్రశ్నించాలని కార్పొరేటర్లకు సూచించారు. అలాగే గుల్జార్‌హౌస్‌ అగ్నిప్రమాద ఘటనలో ప్రభుత్వ నిర్లక్ష్యంపైన కూడా ప్రశ్నించాలని సూచించారు. గ్రేటర్‌ సమస్యలపై బల్దియా మీటింగ్‌లో అంశాల వారీగా ఏయే కార్పొరేటర్లు ఏం మాట్లాడాలనే దానిపై కిషన్‌ రెడ్డి దిశానిర్దేశం చేశారు.● రాంగోపాల్‌పేట పోలీస్‌ స్టేషన్‌ త్వరలో అక్కడికి తరలింపు ● సందర్శించిన సీపీ సీవీ ఆనంద్‌

సాక్షి, సిటీబ్యూరో: వర్షాలు పడినప్పుడు హైదరాబాద్‌ నగరంలో ట్రాఫిక్‌, ఇతర సమస్యలు తలెత్తకుండా పోలీస్‌, ట్రాఫిక్‌, హైడ్రా, జీహెచ్‌ఎంసీ విభాగాలు అప్రమత్తంగా ఉండాలని ముఖ్యమంత్రి రేవంత్‌రెడ్డి అధికారులను ఆదేశించారు. నాలుగు విభాగాల అధికారులు సమన్వయంతో పనిచేసి సమస్యలు తలెత్తకుండా తగిన చర్యలు తీసుకోవాలని సూచించారు. ప్రస్తుత సీజన్‌ను దృష్టిలో ఉంచుకొని వర్షాలు, వరదలకు సంబంధించి కమాండ్‌ కంట్రోల్‌ సెంటర్‌ నుంచి మానిటరింగ్‌ చేసేందుకు ఒక వ్యవస్థను ఏర్పాటు చేసుకోవాలని ఆదేశించారు. సమస్యాత్మక ప్రాంతాలను గుర్తించి ముందస్తు చర్యలు తీసుకునేందుకు తగిన ప్రణాళికలు సిద్ధం చేసుకోవాలన్నారు. వర్షాకాల సన్నద్ధతపై ఆయా విభాగాల అధికారులతో మంగళవారం సమీక్ష సమావేశం నిర్వహించారు. ఈ సందర్భంగా మాట్లాడుతూ, నగరంలో అసంపూర్తిగా ఉన్న నాలాల పూడికతీత పనుల్ని వీలైనంతగా త్వరగా పూర్తి చేయాలని ఆదేశించారు. మాన్సూన్‌ ఎమర్జెన్సీ టీమ్స్‌ 24 గంటలు అందుబాటులో ఉండేలా చూడాలన్నారు. ఇప్పటికే గుర్తించిన 141 వాటర్‌ లాగింగ్‌ పాయింట్స్‌వద్ద రెయిన్‌వాటర్‌ హార్వెస్టింగ్‌ వెల్స్‌ పనుల పురోగతి గురించి ఈ సందర్భంగా అధికారులను అడిగి తెలుసుకున్నారు. హార్వెస్టింగ్‌ వెల్స్‌లోకి చేరే వర్షపు నీటిని ఆటోమేటిక్‌ పంపులతో బయటకు పంపించేలా చర్యలు తీసుకోవాలన్నారు. వాతావరణ శాఖ సూచనలకు అనుగుణంగా ముందస్తు చర్యలు చేపట్టాలన్నారు. ఔటర్‌ రింగ్‌ రోడ్డు లోపల ఉన్న కోర్‌ అర్బన్‌ రీజియన్‌(సీఆర్‌యూ)లో సమస్యలు తలెత్తకుండా ప్రత్యేక దృష్టి సారించాలన్నారు. కోర్‌ అర్బన్‌ రీజియన్‌ పరిధిలోని చెరువులు, నాలాలు, రోడ్ల విస్తరణ, అభివృద్ధికి సంబంధించి ప్రత్యేక పాలసీని తయారు చేసే అంశాన్ని పరిశీలించాలన్నారు. సమావేశంలో ప్రభుత్వ ప్రధాన కార్యదర్శి రామకృష్ణారావు, సీఎంఓ అధికారులు శేషాద్రి, మాణిక్‌ రాజ్‌, జీహెచ్‌ఎంసీ కమిషనర్‌ కర్ణన్‌, హైడ్రా కమిషనర్‌ రంగనాథ్‌, హెచ్‌ఎండీఏ, తదితర విభాగాల అధికారులు పాల్గొన్నారు. వర్షాకాల సన్నద్ధతపై అధికారులతో సమీక్షలో సీఎం రేవంత్‌రెడ్డి పోలీస్‌, ట్రాఫిక్‌, హైడ్రా, జీహెచ్‌ఎంసీ అప్రమత్తంగా ఉండాలి మాన్సూన్‌ ఎమర్జెన్సీ టీమ్స్‌ 24 గంటలు అందుబాటులో..

జలమండలి ఎండీ సాక్షి, సిటీబ్యూరో: నగరంలోని సీవరేజ్‌, వాననీటి కాలువ అనుసంధానం పాయింట్లను గుర్తించి రెండు లైన్లను వేర్వేరుగా నిర్మించాలని జలమండలి ఎండీ అశోక్‌ రెడ్డి ఆదేశించారు. జీహెచ్‌ఎంసీ, జలమండలి శాఖల అధికారులు సమన్వయంతో పనిచేయాలని సూచించారు. సోమవారం మలక్‌పేట్‌లోని నల్గొండ చౌరస్తాలో సీవరేజ్‌ మరమ్మతు పనులను ఆయన అధికారులతో కలిసి పరిశీలించారు. రెండు దశాబ్దాల క్రితం నాటి సీవరేజ్‌ లైను శిథిలమైపోవడంతో అవుట్‌లెట్‌ లేక వర్షం కురిసిన సమయాల్లో సీవరేజ్‌ రహదారిపై పొంగుతున్నట్టు గుర్తించారు. సీవరేజ్‌ లైన్లు ధ్వంసమైన ప్రాంతాన్ని పరిశీలించారు. మలక్‌పేట్‌ ఆర్‌యూబీ వరకు సీవరేజ్‌ లైన్ల నిర్మాణం చేపట్టడానికి అధికారులతో చర్చించారు. కొత్త సీవరేజ్‌ లైన్ల వల్ల తాత్కాలికంగా మురుగు సమస్య తలెత్తకుండా ఉంటుందని అన్నారు. అలాగే సమీపంలోని భవనాలనుంచి ఉత్పన్నమయ్యే సీవరేజ్‌ను ఎక్కడికక్కడే కాకుండా ఒకే అవుట్‌లెట్‌ వద్ద అనుసంధానం చేయడానికి ఏర్పాట్లు చేయాలని అధికారులకు సూచించారు. అలాగే సమీపంలోని అన్ని సీవరేజ్‌ లైన్లను, మ్యాన్‌ హోళ్లను డీసిల్టింగ్‌ చేసి మురుగు పొంగకుండా ముందస్తు చర్యలు చేపట్టాలని అధికారులకు సూచించారు. భవిష్యత్తులో సమస్య తలెత్తకుండా శాశ్వత పరిష్కారంకోసం ఇరు శాఖల అధికారులు సర్వే నిర్వహించాలని అన్నారు. ఈ కార్యక్రమంలో ఆపరేషన్‌ డైరెక్టర్‌ అమరేందర్‌ రెడ్డి, సీజీఎం నాగేందర్‌, జీఎం ఇతర అధికారులు, హైడ్రా అధికారులు పాల్గొన్నారు.

నాగోలు: వరుస చోరీలకు పాల్పడుతున్న పాత నేరస్తుడిని పహాడీషరీఫ్‌ పోలీస్‌లు అరెస్టు చేసి రిమాండ్‌కు తరలించారు. అతని వద్ద రూ.20 లక్షల విలువైన బంగారు, వెండి అభణాలు, నగదు, రెండు ద్విచక్ర వాహనాలను స్వాధీనం చేసుకున్నారు. గురువారం ఎల్‌బీనగర్‌ సీపీ క్యాంప్‌ కార్యాలయంలో ఏర్పాటు చేసిన సమావేశంలో రాచకొండ పోలీస్‌ కమిషనర్‌ సుధీర్‌బాబు తెలిపిన వివరాల ప్రకారం..మహబూబ్‌నగర్‌ జిల్లాలోని గజలపేట గ్రామానికి చెందిన అల్లం శివ (27) జీవనోపాధి కోసం నగరానికి వచ్చి అంబర్‌పేట్‌లో నివాసం ఉంటున్నాడు. మద్యం, డ్రగ్స్‌, బెట్టింగ్‌ల వంటి దుర్వ్యసనాలకు బానిసైన శివ డబ్బు కోసం నేరాలను ప్రారంభించాడు. 2023, 2024లలో అంబర్‌పేట్‌, వెల్దండ, ఊర్కొండ, మిడ్జిల్‌, మంచాల్‌, కల్వకుర్తి పోలీస్‌ స్టేషన్ల పరిధిలో పలు దొంగతనాలకు పాల్పడి జైలుకు కూడా వెళ్లాడు. జైలు నుండి విడుదలయ్యాక కూడా తీరు మార్చకోకుండా పహాడీషరీఫ్‌, హయత్‌నగర్‌, ఎల్‌బీనగర్‌ పోలీస్‌ స్టేషన్‌ పరిధిలో 7 చోట్ల మళ్లీ చోరీలకు పాల్పడ్డాడు. కేసు నమోదు చేసుకున్న పోలీసులు దర్యాప్తు చేస్తుండగా బుధవారం షాలిబండలో దొంగిలించిన వస్తువులను విక్రయించడానికి ప్రయత్నిస్తుండగా పహాడీషరీఫ్‌ పోలీసులు పట్టుకున్నారు. అతన్ని విచారణ చేయగా 7 చోట్ల చోరీలు చేసినట్లు ఒప్పుకున్నాడు. దీంతో అతని వద్ద నుండి పోలీసులు 17 తులాల బంగారు ఆభరణాలు, 41 తులాల వెండి ఆభరణాలు, రూ. 50 వేల నగదు, రెండు ద్విచక్ర వాహనాలు స్వాధీనం చేసుకుని రిమాండ్‌కు తరలించారు. శివను పహాడీషరీఫ్‌ డిఐ జితేందర్‌ రెడ్డి నేతృత్వంలోని క్రైమ్‌ బృందం పట్టుకున్నట్లు సీపీ తెలిపారు. ఈ సమావేశంలో మహేశ్వరం డీసీపీ సునీతారెడ్డి, అడిషనల్‌ డీసీపీ బి.వి.సత్యనారాయణ, ఏసీపీ జానకిరెడ్డి, పహాడీషరీఫ్‌ సీఐ గురువారెడ్డి సిబ్బంది పాల్గొన్నారు. రూ.20 లక్షల విలువైన సొత్తు స్వాధీనం

ఉస్మానియా యూనివర్సిటీ: ఓయూ డిగ్రీ ఫలితాలను విడుదల చేశారు. గురువారం సాయంత్రం ప్రకటించిన డిగ్రీ రెగ్యులర్‌, బ్యాక్‌లాగ్‌ కోర్సుల ఫలితాల్లో బాలుర కంటే బాలికలు అధిక శాతం ఉత్తీర్ణత సాధించారు. యూనివర్సిటీ పరిధిలో ఏప్రిల్‌లో జరిగిన బీఏ, బీకాం, బీఎస్సీ, బీబీఎం రెగ్యులర్‌ కోర్సుల్లో వివిధ సెమిస్టర్‌ పరీక్షల్లో మొత్తం 70 శాతం ఉత్తీర్ణత సాధించగా అందులో బాలికలు 79 శాతం, బాలురులు 60 శాతం పాసైనట్లు అధికారులు పేర్కొన్నారు. బీఏలో 1874 బాలికలు, 1294 బాలురులు మొత్తం 3168 మంది పాస్‌కాగా, బీకాంలో 14826 బాలికలు, 10312 బాలురులు మొత్తం 25138, బీఎస్సీలో 7468 బాలికలు, 1628 బాలురులు మొత్తం 9096, బీబీఏలో 3247 బాలికలు మొత్తం 6542 మంది విద్యార్థులు ఉత్తీర్ణత సాధించారు. వివిధ డిగ్రీ కోర్సుల చివరి సంవత్సరంలో మొత్తం 43,942 మంది పాసైనట్లు అధికారులు వివరించారు. ఫలితాలను ఉస్మానియా వెబ్‌సైట్లో చూడవచ్చు. యువ క్రీడాకారుడుసాయివర్ధన్‌కు సత్కారం సాక్షి, సిటీబ్యూరో: ఒలంపిక్స్‌లో పతాకం సాధించడానికి ప్రణాళికలు సిద్ధం చేసుకోవాలని, అందుకు పూర్తి సహకారం అందిస్తామని కలెక్టర్‌ అనుదీప్‌ దురిశెట్టి వెయిట్‌లిఫ్టింగ్‌ క్రీడాకారుడు జవాజి సాయివర్ధన్‌కు భరోసా ఇచ్చారు. ఈ నెల 4 నుండి 15 వరకు బీహార్‌ రాష్ట్రంలోని రాజగిరిలో నిర్వహించిన జాతీయస్థాయి ఖేలో ఇండియా యూత్‌ నేషనల్‌ గేమ్స్‌లో తెలంగాణ రాష్ట్రం నుండి ప్రాతినిధ్యం వహించి వెయిట్‌ లిఫ్టింగ్‌ 89 కేజీల విభాగంలో బంగారు పతకం సాధించిన సాయివర్ధన్‌ గురువారం కలెక్టర్‌ను ఆయన ఛాంబర్‌లో కలిశారు. బంగారు పతకం సాధించినందుకు సాయి వర్ధన్‌కు అభినందనలు తెలిపి శాలువతో సత్కరించారు. కార్యక్రమంలో జిల్లా యువజన క్రీడల అభివృద్ధి అధికారి సుధాకర్‌, అథ్లెట్‌ కోచ్‌ రాజేష్‌ తదితరులు పాల్గొన్నారు. రెయిన్‌బో ఆస్పత్రి చైర్మన్‌ పేరుతో సైబర్‌ మోసానికి యత్నం బంజారాహిల్స్‌: బంజారాహిల్స్‌ రోడ్డు నెంబర్‌–10లోని రెయిన్‌బో చిల్డ్రన్స్‌ హాస్పిటల్‌ చైర్మన్‌ పేరుతో అదే సంస్థకు చెందిన సీఎఫ్‌ఓకు రూ.20 లక్షలు పంపాలంటూ వాట్సప్‌ మెసేజ్‌ రాగా, ఆయన చాకచాక్యంగా వ్యవహరించి సైబర్‌ మోసానికి కళ్లెం వేశారు. ఈ మేరకు బంజారాహిల్స్‌ పోలీస్‌స్టేషన్‌లో ఫిర్యాదు చేశారు. వివరాల్లోకి వెళితే...బంజారాహిల్స్‌లోని రెయిన్‌బో చిల్డ్రన్స్‌ మెడికేర్‌ లిమిటెడ్‌ సీఎఫ్‌ఓ వికాస్‌ మహేశ్వరికి ఇటీవల సంస్థ సీఎండీ డాక్టర్‌ రమేష్‌ కంచర్ల పేరుతో ఓ వాట్సప్‌ మెసేజ్‌ వచ్చింది. తనకు రూ.20 లక్షలు పంపించాలని, ఓ బ్యాంక్‌ అకౌంట్‌ ఖాతాను కూడా పంపించాడు. అయితే ఈ బ్యాంక్‌ అకౌంట్‌ రాంచీలోని కిషోర్‌గంజ్‌ బ్యాంక్‌ నుంచివచ్చింది. వాట్సప్‌ నెంబర్‌ కూడా తన చైర్మన్‌ది కాకపోవడంతో వికాస్‌ మహేశ్వరి లోతుగా ఆరాతీశాడు. బ్యాంక్‌ అకౌంట్‌తో పాటు తన చైర్మన్‌ ఫోన్‌ నెంబర్‌ కూడా వేరేగా ఉండటంతో అనుమానం వచ్చి వెంటనే రమేష్‌ కంచర్లకు ఫోన్‌ చేసి మీరు డబ్బులు పంపించాలని మెసేజ్‌ చేశారా? అని అడిగాడు. తాను ఎలాంటి మెసేజ్‌ చేయలేదని ఆయన చెప్పడంతో ఇది సైబర్‌ మోసమని గ్రహించిన వికాస్‌ మహేశ్వరి బంజారాహిల్స్‌ పోలీస్‌స్టేషన్‌లో ఫిర్యాదు చేశాడు. ఈ మేరకు పోలీసులు కేసు నమోదు చేసుకుని దర్యాప్తు చేస్తున్నారు. ● నాలుగు కోర్సుల్లో 70 శాతం ఉత్తీర్ణత ● 75 శాతం బాలికలు...60 శాతం బాలురు పాస్‌

హైద‌రాబాద్‌: ఉత్తరప్రదేశ్‌ నుంచి నగరానికి అక్రమంగా తుపాకులు (తపంచాలు) తీసుకువచ్చి విక్రయించే ప్రయత్నం చేసిన ఇద్దరు అంతర్రాష్ట్ర నేరగాళ్లను మహేశ్వరం జోన్‌ ఎస్‌ఓటీ పోలీసులు, బాలాపూర్‌ పోలీసులు అరెస్టు చేశారు. 5 నాటు తుపాకులు, 18 రౌండ్ల బుల్లెట్లను స్వాధీనం చేసుకున్నారు. గురువారం ఎల్‌బీనగర్‌లోని క్యాంప్‌ కార్యాలయంలో ఏర్పాటు చేసిన సమావేశంలో రాచకొండ పోలీస్‌ కమిషనర్‌ సుధీర్‌బాబు వివరాలు వెల్లడించారు. ఉత్తరప్రదేశ్‌లోని రాంపూర్‌ నగరం జీనా ఇనాయత్‌ ఖాన్‌ కాలనీకి చెందిన మహ్మద్‌ జీషన్‌ అలియాస్‌ జీఖాన్‌ (28) 2016లో తన తల్లిదండ్రులు, సోదరితో కలిసి హైదరాబాద్‌కు వలస వచ్చి సంతోష్‌నగర్‌ రక్షాపురంలో నివాసం ఉంటున్నాడు. మహ్మద్‌ జీషన్‌ 2019లో సంతోష్‌ నగర్‌లో హెయిర్‌ సెలూన్‌ షాప్‌ను ఏర్పాటు చేశాడు. దీంతోపాటు నగరంలోని రక్షాపురం, గోల్కొండ, బాలాపూర్‌లో మరో మూడు హెయిర్‌ సెలూన్‌ షాపులను నడుపుతున్నాడు. సొంత గ్రామస్తుడైన తన స్నేహితుడు మహ్మద్‌ అమీర్‌ (24)ను నగరానికి తీసుకువచ్చి బాలాపూర్‌ ఎక్స్‌ రోడ్స్‌లోని జీషన్‌ హెయిర్‌ సెలూన్‌ షాప్‌లో పనిలో పెట్టాడు. మహ్మద్‌ జీషన్‌ మద్యం, విలాసవంతమైన జీవితానికి బానిసయ్యాడు. హెయిర్‌ సెలూన్‌తో వచ్చే సంపాదన విలాసాలకు సరిపోకపోవడంతో సులభంగా డబ్బు సంపాదించాలనుకున్నాడు. తక్కువ ధరకు దేశీయ ఆయుధాలను కొనుగోలు చేసి నగరంలో అవసరమైన వ్యక్తులకు అధిక ధరకు విక్రయించాలని పథకం వేశాడు. ఈ విషయాన్ని మహ్మద్‌ అమీర్‌కు తెలియజేయడంతో ఇందుకు అతను కూడా అంగీకరించాడు. జీషన్‌ ఉత్తర ప్రదేశ్‌లోని స్వగ్రామానికి చెందిన తన స్నేహితుడు అర్షి ఖాన్‌ను సంప్రదించాడు, అతను యూపీలోని రాంపూర్‌ ప్రాంతంలో అక్రమ తుపాకుల తయారీదారులతో సంబంధాలు కలిగి ఉన్నాడు. వారి ప్రణాళిక ప్రకారం కొన్ని రోజుల క్రితం వారు రాంపూర్‌ నగరానికి చెందిన అర్షి ఖాన్‌ నుంచి 5 రకాల తపంచాలను తకువ ధరకు కొనుగోలు చేశారు. హైదరాబాద్‌ నగరంలోని సంఘ వ్యతిరేక శక్తులకు తమ పరిచయాల ద్వారా ఒక్కటి రూ. 2 లక్షలకు విక్రయించడానికి తమ వద్ద ఉంచుకున్నారు. ఈ మేరకు గురువారం ఉదయం జీషన్‌, అమీర్‌లు బాలాపూర్‌ సెలూన్‌లో తుపాకులు ఉంచడానికి వెళుతుండగా.. విశ్వసనీయ సమాచారం అందుకున్న మహేశ్వరం ఎస్‌ఓటీ టీమ్‌, బాలాపూర్‌ పోలీసులతో కలిసి బాలాపూర్‌ పరిధిలోని రాయల్‌ కాలనీ వద్ద నిందితులను అడ్డగించి వారి వద్ద నుంచి 5 దేశీయ తపంచాలు, 18 రౌండ్ల బుల్లెట్లను స్వాధీనం చేసుకున్నారు. సమావేశంలో మహేశ్వరం డీసీపీ సునీతా రెడ్డి, అడిషనల్‌ డీసీపీ మహ్మద్‌ షాకిర్‌ హుస్సేన్‌, ఏసీపీ జానకిరెడ్డి పాల్గొన్నారు.

● మొత్తం ఏడింటిని ఏర్పాటు చేసిన కొత్వాల్‌ ● రూ.లక్ష లోపు కోల్పోయిన కేసుల దర్యాప్తు సాక్షి, సిటీబ్యూరో: సైబర్‌ బాధితులకు మరింత ఊరట ఇచ్చేలా పోలీసులు కీలక నిర్ణయం తీసుకున్నారు. నగరంలోని ప్రతి జోన్‌కూ ఒక జోనల్‌ సైబర్‌ సెల్‌ (జెడ్‌సీసీ) ఏర్పాటు చేశారు. గురువారం బషీర్‌బాగ్‌లోని పాత కమిషనరేట్‌లో మోడల్‌ సైబర్‌ సెల్‌ను కొత్వాల్‌ సీవీ ఆనంద్‌ నేరుగా, జోన్లలో ఏర్పాటు చేసిన ఏడింటిని వర్చువల్‌గా ప్రారంభించారు. రూ.లక్ష లోపు మొత్తంతో ముడిపడి ఉన్న కేసుల దర్యాప్తు జెడ్‌సీసీ పర్యవేక్షణలో జరగనుంది. వీటి పనితీరుకు సంబంధించి ప్రత్యేకంగా స్టాండర్డ్‌ ఆపరేటింగ్‌ ప్రొసీజర్‌ సైతం రూపొందించారు. సైబర్‌ ఠాణాపై పని భారం.. నానాటికీ పెరిగిపోతూ దర్యాప్తు అధికారులకు సవాల్‌ విసురుతున్న సైబర్‌ నేరాలు పోలీసులకు పెద్ద తలనొప్పిగా మారాయి. ఆర్థికాంశాలతో ముడిపడి ఉన్న కేసుల్లో నిందితులుగా బయటి రాష్ట్రాలకు చెందిన వాళ్లే ఎక్కువగా ఉంటున్నారు. ఈ నేపథ్యంలో సైబర్‌ క్రైమ్‌ ఠాణాకు చెందిన ఓ బృందం అనునిత్యం బయటి రాష్ట్రాల్లో ఉంటోంది. ఎన్ని వ్యయప్రయాసలకోర్చినా పాత్రధారులు, దళారులు తప్ప సూత్రధారులు చిక్కట్లేదు. ఈ కారణంగానే ఇటీవల సైబర్‌ క్రైమ్‌ పోలీసులు బాధితులు కోల్పోయిన నగదు ఫ్రీజ్‌ చేయడానికి, రీఫండ్‌ చేయించడానికి ప్రాధాన్యమిస్తున్నారు. ఈ నేపథ్యంలో సైబర్‌ క్రైమ్‌ ఠాణా తీవ్ర పని ఒత్తిడి ఎదుర్కొంటోంది. రూ.25 వేల నుంచి రూ.లక్ష వరకు.. సైబర్‌ క్రైమ్‌ పోలీసుస్టేషన్‌పై పని భారం తగ్గించడానికి రూ.లక్ష కంటే తక్కువ మొత్తంతో ముడిపడి ఉన్న కేసుల్ని స్థానిక పోలీసు స్టేషన్లలో నమోదు చేసేలా ఆదేశాలు జారీ చేశారు. ఇలాంటి కేసులు నమోదు అవుతున్నా... ఆ అధికారులకు ఉండే దైనందిన విధులు, బందోబస్తు డ్యూటీల కారణంగా దర్యాప్తు పూర్తి స్థాయిలో జరగట్లేదు. మరోపక్క అక్కడి అధికారులకు ఈ కేసుల్ని దర్యాప్తు చేసే పరిజ్ఞానం, తీరుతెన్నులపై అవగాహన ఉండట్లేదు. ఫలితంగా బాధితులు నష్టపోతున్నారు. ఈ పరిణామాలను పరిగణనలోకి తీసుకున్న నగర కొత్వాల్‌ సీవీ ఆనంద్‌ జెడ్‌సీసీలను ఏర్పాటు చేశారు. జోనల్‌ డీసీపీల నేతృత్వంలో పని చేసే వీటిలో విధులు నిర్వర్తించే వారికి నెల రోజుల పాటు శిక్షణ కూడా ఇచ్చారు. ఈ జెడ్‌సీసీలు రూ.25 వేల కంటే తక్కువ మొత్తంతో ముడిపడి ఉన్న నేరాల్లో నగదు ఫ్రీజ్‌ అయి ఉంటే రిఫండ్‌ చేయిస్తారు. రూ.25 వేల నుంచి రూ.లక్ష మధ్య మొత్తంతో ముడిపడిన వాటిపై స్థానిక ఠాణాలో కేసు నమోదు చేయిస్తారు. రూ.లక్ష కంటే ఎక్కువ మొత్తంతో ముడిపడి ఉన్న వాటిని సైబర్‌ క్రైమ్‌ ఠాణాకు పంపిస్తారు. జెడ్‌సీసీలు స్థానిక పోలీసుస్టేషన్లలో నమోదయ్యే సైబర్‌ నేరాలను దర్యాప్తు చేస్తారు. ఇతర రాష్ట్రాల్లో ఉన్న నిందితులను పట్టుకోవడంలో సహకరిస్తారు. సోషల్‌మీడియా వేధింపులు కేసుల్లో నిందితులు అపరిచితులైతే సైబర్‌ ఠాణాలో కేసు నమోదు చేయిస్తారు. నగరంలో సైబర్‌ నేరాలు పదేళ్లల్లో పది రెట్లు పెరిగాయి. 2015లో 351 కేసులు నమోదు కాగా.. గత ఏడాది ఆ సంఖ్య 3111కు చేరింది. సైబర్‌ క్రైమ్‌ ఠాణాలో 147 పోస్టులు ఉండగా.. 120 మందే అందుబాటులో ఉన్నారు. ఈ నేపథ్యంలోనే జెడ్‌సీసీలు ఏర్పాటు చేశాం. రెండుమూడేళ్ల పాటు వీటి పనితీరును అధ్యయనం చేసి, ఆపై ఠాణాలుగా మారుస్తాం. కేసుల నమోదు, దర్యాప్తులతో పాటు ఫ్రీజ్‌ అయిన మొత్తం రిఫండ్‌ ప్రక్రియ సులభతరం కానున్నాయి. – సీవీ ఆనంద్‌, నగర కొత్వాల్‌

అఫ్జల్‌గంజ్‌: కరోనా మళ్లీ విజృంభిస్తోందని వదంతుల నేపథ్యంలో నగరంలోని ఉస్మానియా ఆస్పత్రిలో ప్రత్యేక ఐసోలేషన్‌ వార్డును ఏర్పాటు చేశామని, ఎలాంటి విపత్కర పరిస్థితినైనా ఎదుర్కొనేందుకు సిద్ధంగా ఉన్నామని సూపరింటెండెంట్‌ డాక్టర్‌ రాకేష్‌ సహాయ్‌ తెలిపారు. కరోనా రోగులకు అవసరమైన వైద్య సేవలు అందించేందుకు అన్ని ఏర్పాట్లు చేశామన్నారు. అవసరమైన మాస్కులు, పీపీఈ కిట్లు, వెంటిలేటర్లు సిద్ధంగా ఉన్నాయన్నారు. ఆస్పత్రికి వచ్చే రోగులకు ఎలాంటి ఇబ్బందులు తలెత్తకుండా అన్ని విభాగాల అధికారులు సమన్వయంతో పని చేసేందుకు సిద్ధంగా ఉన్నారని చెప్పారు. విధి నిర్వహణలో సిబ్బంది, వైద్యులు నిర్లక్ష్యం వహిస్తే కఠిన చర్యలు తీసుకుంటామన్నారు. ప్రజలు కరోనా పట్ల ఆందోళన చెందకుం జాగ్రత్తలు పాటించాలని రాకేష్‌ సహాయ్‌ సూచించారు. ఐసోలేషన్‌ వార్డు

లక్డీకాపూల్‌: గ్రేటర్‌లోని శిథిలావస్థలో ఉన్న గృహాలను గుర్తించిన నేపథ్యంలో ఆస్తి, ప్రాణ నష్టం వాటిల్లకుండా పటిష్టమైన చర్యలు తీసుకోవాలని జీహెచ్‌ఎంసీ కమిషనర్‌ ఆర్‌వీ కర్ణన్‌ అధికారులను ఆదేశించారు. గురువారం సాయంత్రం శిథిలావస్థలో ఉన్న గృహాలు,సెల్లార్‌ నిర్మాణాలపై జోనల్‌ కమిషనర్లు, టౌన్‌ ప్లానింగ్‌ అధికారులతో ఆయన వీడియో కాన్ఫరెన్స్‌లో మాట్లాడారు. వర్షాలు ముందుగానే కురుస్తాయని వాతావరణ శాఖ సూచించిన నేపథ్యంలో అధికారులు అప్రమత్తంగా ఉండాలని సూచించారు. శిథిలావస్థలో ఉన్న గృహాల్లో నివసించే కుటుంబాలకు అవగాహన కల్పించి సురక్షిత ప్రాంతాలకు వెళ్లేలా చర్యలు తీసుకోవాలన్నారు.గ్రేటర్‌లో ఇప్పటి వరకు శిథిలావస్థకు చేరిన 428 కట్టడాలను గుర్తించినట్లు ఆయన తెలిపారు. వీటిలో 131 గృహాలకు మరమ్మతులకు అవకాశం ఉందని, మిగతా 297 నిర్మాణాలకు నోటీసులు జారీ చేయాలన్నారు. ఈ నెల 30వ తేదీ నుంచి వర్షాకాలం ముగిసే వరకు జీహెచ్‌ఎంసీ పరిధిలో కొత్త సెల్లార్ల నిర్మాణాలకు అనుమతి ఇవ్వకూడదని అధికారులను ఆదేశించారు. ఇప్పటికే నిర్మించిన సెల్లార్ల విషయంలో రిటైనింగ్‌ వాల్‌ నిర్మాణం, బారికేడ్లు నిబంధనల ప్రకారం ఉండేలా జాగ్రత్త తీసుకునేలా, సెల్లార్‌లో నీరు నిలవకుండా యజమానులకు నోటీసులు జారీ చేయాలన్నారు.

సాక్షి, సిటీబ్యూరో: పేకాట కోసం హైదరాబాద్‌ నుంచి గోవా వెళ్లిన ఓ రౌడీషీటర్‌ బుధవారం అర్థరాత్రి రెచ్చిపోయాడు. పనాజీలోని కంపాల్‌లో ఉన్న ఓ క్యాసినోలో వీరంగం సృష్టించాడు. స్వల్ప వివాదం నేపథ్యంలో విచక్షణ కోల్పోయి కర్రతో సెక్యూరిటీ గార్డులపై విరుచుకుపడ్డాడు. ఈ ఉదంతంలో ఓ సెక్యూరిటీ గార్డు చనిపోగా, మరొకరికి తీవ్ర గాయాలయ్యాయి. గోవా నుంచి పారిపోవడానికి దబోలిం విమానాశ్రయానికి వెళ్తుండగా సదరు రౌడీషీటర్‌ను పనాజీ పోలీసులు మార్గమధ్యంలో గురువారం తెల్లవారుజామున అరెస్టు చేశారు. చార్మినార్‌లోని మిశ్రీగంజ్‌కు చెందిన అబ్దుల్‌ అల్తాఫ్‌కు నేరచరిత్ర ఉంది. ఈ నేపథ్యంలోనే ఇతడిపై సైబరాబాద్‌ కమిషనరేట్‌ పరిధిలోని మైలార్‌దేవ్‌పల్లి పోలీసులు రౌడీషీట్‌ తెరిచారు. పేకాట కోసం తరచు గోవా వెళ్లివచ్చే ఇతగాడు రెండు రోజుల క్రితం అలానే వెళ్లాడు. బుధవారం రాత్రి గోవా రాజధాని పనాజీలోని కంపాల్‌లో ఉన్న క్యాసినో కార్నివాల్‌ అనే క్యాసినోకు వెళ్లాడు. అర్థరాత్రి దాటిన తర్వాత స్వల్ప విషయమై క్యాసినో నిర్వాహకులతో అల్తాఫ్‌కు వివాదం ఏర్పడింది. యాజమాన్యం ఆదేశాల మేరకు రంగంలోకి దిగిన ఆ క్యాసినో సెక్యూరిటీ గార్డులు అల్తాఫ్‌కు సర్దిచెప్పడంతో పాటు అక్కడ నుంచి పంపించే ప్రయత్నం చేశారు. దీంతో విచక్షణ కోల్పోయిన అల్తాఫ్‌ క్యాసినోలోని ఇంటర్నల్‌ స్టెయిర్‌ కేస్‌కు సంబంధించిన బ్లస్టర్‌ (పక్కన ఉండే కర్ర) విరగ్గొట్టి, దాన్ని తీసుకుని సెక్యూరిటీ గార్డులపై దాడి చేశాడు. ఈ బ్లస్టర్‌కు కింది భాగంలో ఇనుప తొడుగు ఉండటంతో మధ్యప్రదేశ్‌ నుంచి వెళ్లి గోవాలో పని చేస్తున్న ధీరు శర్మ, సౌత్‌ గోవాలోని షిరోడాకు చెందిన సత్యం గోవాన్కర్‌ తీవ్రంగా గాయపడ్డారు. వీరిని సహచర సెక్యూరిటీ గార్డులు బాంబోలింలోని గోవా మెడికల్‌ కాలేజీ హాస్పిటల్‌కు తరలించారు. అక్కడ చికిత్స పొందుతూ ధీరు శర్మ చనిపోగా... సత్యం పరిస్థితి విషమంగా ఉంది. అదును చూసుకుని ఆ క్యాసినో నుంచి బయటపడిన అల్తాఫ్‌ తాను బస చేసిన హోటల్‌ గదికి వెళ్లాడు. అక్కడ నుంచి తన లగేజీ తీసుకుని నార్త్‌ గోవాలోని దబోలిం విమానాశ్రయానికి బయలుదేరాడు. విషయం పోలీసుల వద్దకు వెళ్లి, కేసు నమోదయ్యే లోపు హైదరాబాద్‌ వచ్చి అజ్ఞాతంలోకి వెళ్లిపోవాలని భావించాడు. క్యాసినో కార్నివాల్‌లో జరిగిన ఈ ఘాతుకంపై గురువారం తెల్లవారుజామున 3.10 గంటలకు పనాజీ పోలీసులకు సమాచారం అందింది. తక్షణం అప్రమత్తమైన నార్త్‌ గోవా ఎస్పీ రాహుల్‌ గుప్తా నిందితుడిని పట్టుకోవడానికి ప్రత్యేక బృందాన్ని రంగంలోకి దింపారు. క్యాసినోలోని సీసీ కెమెరాల్లో రికార్డు అయిన దృశ్యాలతో పాటు సాంకేతిక ఆధారాలను బట్టి నిందితుడు అల్తాఫ్‌గా గుర్తించారు. అతడు విమానాశ్రయానికి వెళ్తున్నాడని తెలుసుకుని మార్గమధ్యంలో అరెస్టు చేశారు. ఈ నేరాన్ని లోతుగా దర్యాప్తు చేస్తున్న గోవా పోలీసులు అల్తాఫ్‌ అక్కడకు ఎందుకు వచ్చాడు? వివాదానికి కారణం ఏంటి? అనే విషయాలు ఆరా తీస్తున్నారు. స్వల్ప వివాదం నేపథ్యంలో చంపేసిన నగర వాసి నిందితుడు మైలార్‌దేవ్‌పల్లిఠాణా రౌడీషీటర్‌ అల్తాఫ్‌ దబోలిం ఎయిర్‌పోర్టు దారిలోపట్టుకున్న పనాజీ పోలీసులు

సాక్షి, రంగారెడ్డిజిల్లా: గ్రేటర్‌లో భూగర్భ కేబుళ్ల నాణ్యత ప్రశ్నార్థకంగా మారింది. అంచనాలకు భిన్నంగా పనులు చేయడంతో పాటు ప్రతిపాదిత మార్గానికి భిన్నంగా లైన్లు తవ్వుతుండటం.. నిర్ధేశిత ప్రమాణాలకు భిన్నమైన కేబుళ్లు, విద్యుత్‌ పరికరాలు వాడుతుండడంతో లైన్లు వేసిన కొద్ది రోజులకే దెబ్బతింటున్నాయి. ముఖ్యంగా ఐటీ, అనుబంధ కంపెనీలకు, భారీ గృహ, వాణిజ్య సముదాయాలకు నిలయమైన ఫైనాన్షియల్‌ డిస్ట్రిక్ట్‌లో చేపడుతున్న భూగర్భ కేబుల్‌ (యూజీ) పనుల నాణ్యతపై అనుమానాలు వ్యక్తం అవుతున్నాయి. ప్రైవేటు కాంట్రాక్టర్లతో ఇంజనీర్లు కుమ్మక్కై.. ఆయా రియల్‌ ఎస్టేట్‌ డెవెలపర్స్‌, వినియోగదారులకు కుచ్చుటోపీ పెడుతున్నారు. వాస్తవ ఖర్చుకు భిన్నంగా అంచనాలు రూపొందించడంతో పాటు అడ్డగోలుగా లైన్లు వేస్తున్నారు. నాసిరకం పనులు చేపడుతుండటంతో వేసిన కొద్ది రోజులకే ఆయా లైన్లలో సాంకేతిక సమస్యలు తలెత్తుతున్నాయి. తరచూ విద్యుత్‌ సరఫరాలో అంతరాయాలకు కారణమవుతున్నాయి. ఇప్పటికే కాన్సులేట్‌ కార్యాలయానికి చేపట్టిన యూజీ కేబుల్‌ పనులు సహా కొండాపూర్‌, ఇబ్రహీంబాగ్‌, గచ్చిబౌలి, రాజేంద్రనగర్‌, సరూర్‌నగర్‌, కందుకూరు, బంజారాహిల్స్‌, కూకట్‌పల్లి, మేడ్చల్‌, జీడిమెట్ల, హబ్సిగూడ డివిజన్ల పరిధిలో చేపడుతున్న యూజీ కేబుల్‌ పనులను ‘కేబుల్‌ టెస్టింగ్‌ వ్యాన్ల ద్వారా తనిఖీ చేపడితే అక్రమాలన్నీ బయటపడే అవకాశం ఉంది.ఓ డెవలపర్స్‌కు నోటీసులుపుప్పాల్‌గూడ పరిధిలో నిర్మాణంలో ఉన్న ఓ ప్రైవేటు డెవలపర్స్‌ సంస్థ రెండేళ్ల క్రితం విద్యుత్‌ సరఫరా కోసం దరఖాస్తు చేసుకుంది. డిస్కం ఇంజనీర్లు క్షేత్రస్థాయిలో పర్యటించి అంచనాలు రూపొందిం చారు. సదరు సంస్థకు 9,951 కిలోవాట్స్‌ సామర్థ్యంతో కూడిన డిమాండ్‌ అవసరం ఉన్నట్లు గుర్తించారు. సమీపంలోని సబ్‌స్టేషన్‌ నుంచి భూగర్భ కేబుల్‌ లైన్‌ వేసుకోవాల్సిందిగా సూచించి, ఆ మేరకు ఏ సబ్‌స్టేషన్‌ నుంచి ఏ మార్గంలో లైను వేయాలి? ఎన్ని అడుగుల లోతు తవ్వాలి? ఎంత సామర్థ్యంతో కూడిన కేబుల్‌ వేయాలి? కేబుల్‌ రక్షణ కోసం ఎంత పరిమాణంలో ఇసుక పోయాలి? కేబుళ్లపై ఏ సైజులో ఉన్న షాబాద్‌ బండలు పరచాలి? వంటి అన్ని అంశాలను ఎస్టిమేషన్‌లో పొందుపర్చారు. పనులు దక్కించుకున్న ప్రైవేటు కాంట్రాక్టర్‌ అంచనాలకు భిన్నంగా కేబుల్‌ పనులు చేసినట్లు గుర్తించారు. నిజానికి 1.5 మీటర్ల లోతులో వేయాల్సిన కేబుళ్లను భూమిపైనే పరిచ్చారు. కేబుల్‌ కింది భాగంలో 50 ఎంఎం, పై భాగంలో 250 ఎంఎం మందం ఇసుక పోయాలి. ఆర్వాత కేబుల్‌కు రక్షణగా 40 ఎంఎం షాబాద్‌ బండలు అమర్చాల్సి ఉంది. కానీ సదరు కాంట్రాక్టర్‌ పూర్తి నాసిరకంగా పనులు చేపట్టినట్లు గుర్తించారు. అంతేకాదు అధికారులు సూచించిన ప్రాంతంలో కాకుండా మరో ప్రాంతం నుంచి స్ట్రంచ్‌ తవ్వినట్లు నిర్ధారించారు. నిబంధనలకు విరుద్ధంగా చేపట్టిన ఈ పనులను నిలిపివేయాల్సిందిగా ఇప్పటికే డిస్కం సదరు డెవెలపర్స్‌కు నోటీసులు జారీ చేసినట్లు తెలిసింది.ఆ భవనాలకు కుచ్చుటోపీభూగర్భ కేబుల్‌ కాంట్రాక్టర్లు అదే ప్రాంతంలోని ఓ ప్రముఖ ఆస్పత్రి సహా బ్యాంకు, ప్రముఖ రియల్‌ ఎస్టేట్‌ కంపెనీలను మోసం చేశారు. ఆర్సీపురం 130 కేవీ సబ్‌స్టేషన్‌ నుంచి ఓ బ్యాంకు కోసం వేసిన భూగర్భ కేబుల్‌ లైన్‌ పనులు అంచనాలకు భిన్నంగా ఉన్నట్లు తెలిసింది. అదే విధంగా ఓ ప్రముఖ బహుళ అంతస్తుల భవనం సహా ఆస్పత్రి లైన్లను కూడా అంచనాలకు భిన్నంగా వేశారు. రెండు సంస్థల నుంచి వేర్వేరు చార్జీలు వసూలు చేసి, సింగిల్‌ స్ట్రంచ్‌ నుంచే కేబుల్స్‌ వేశారు. యూజీ కేబుల్‌ లైన్లపై దరఖాస్తుదారులకు కానీ, డెవెలపర్లకు కానీ సరైన అవగాహన లేకపోవడం కూడా కాంట్రాక్టర్లకు కలిసి వస్తోంది.

చార్మినార్‌: బక్రీద్‌ పండుగను భక్తిశ్రద్ధలతో శాంతియుతంగా నిర్వహించేందుకు అన్ని విభాగాల అధికారులు చర్యలు తీసుకోవాలని నగర పోలీస్‌ కమిషనర్‌ సీవీ ఆనంద్‌ అన్నారు. బక్రీద్‌ పండుగను పురస్కరించుకు మంగళవారం ఆయన సాలార్‌ జంగ్‌ మ్యూజియం ఆడిటోరియంలో వివిధ ప్రభుత్వ శాఖల అధికారులు, ముస్లిం మత పెద్దలతో సమన్వయ సమావేశం నిర్వహించారు. సమావేశంలో నగర అదనపు పోలీస్‌ కమిషనర్‌ (లా అండ్‌ ఆర్డర్‌) విక్రమ్‌ సింగ్‌ మాన్‌, జిహెచ్‌ఎంసీ చార్మినార్‌ జోనల్‌ కమిషనర్‌ టి వెంకన్న, ఆర్టీఓ రఘు ప్రసాద్‌, పశు సంవర్ధక శాఖ అదనపు డైరెక్టర్‌ డాక్టర్‌ మల్లేశ్వరి, విద్యుత్‌ శాఖ ఎస్‌ఈ డి.సోమి రెడ్డితో పాటు పలువురు అధికారులు, మజ్లీస్‌ ఎమ్మెల్యేలు, మత పెద్దలు పాల్గొన్నారు. ఈ సందర్భంగా సీపీ మాట్లాడుతూ నగరంలో తరతరాలుగా అన్ని మతాల ప్రజలు కలిసిమెలిసి ఉత్సవాలు చేసుకోవడం ఆనవాయితీగా వస్తుందన్నారు. జంతువుల అక్రమ రవాణాను అరికట్టేందుకు, భద్రతా కారణాల దృష్ట్యా మాత్రమే నగర కమిషనరేట్‌ చుట్టూ తనిఖీ కేంద్రాలను ఏర్పాటు చేశామన్నారు. నిబంధనలకు విరుద్ధంగా జంతువులను రవాణా చేయరాదన్నారు. పశువైద్యుల అనుమతితోనే జంతువులను తరలించాలన్నారు. అక్రమ రవాణా పేరుతో ఇతరులు ఎవరూ వాహనాలను అడ్డుకోరాదని కోరారు. వాహనాలను ఆపేందుకు, తనిఖీ చేయడానికి ప్రభుత్వ అధికారులు ఉన్నారని ఆయన స్పష్టం చేశారు. ప్రశాంత వాతావరణంలో పండుగ చేసుకోవాలి అధికారులు, మతపెద్దలకు సీపీ సూచనలు సాలార్‌ జంగ్‌ మ్యూజియం ఆడిటోరియంలో సమన్వయ సమావేశం

సాక్షి, సిటీబ్యూరో: గ్రేటర్‌ నగరంలో మూడు సెంటీమీటర్ల వర్షం పడినా రోడ్లు చెరువులవుతున్నాయి. కాలనీలు నీట మునుగుతున్నాయి. అదే ముంబై మాదిరిగా 25 సెంటీమీటర్లు, అంతకుమించి వర్షం పడితే? నగరం ఏం కానుందన్న ప్రశ్నలు ప్రజల నుంచి వెలువడుతున్నాయి. 2020లో కురిసిన భారీ వర్షాల నేపథ్యంలో అప్పటినుంచే ప్రభుత్వాలు ముంపు సమస్యలు తలెత్తకుండా తగిన చర్యలు చేపట్టినప్పటికీ, పనులింకా పూర్తి కాలేదు. అప్పటి కంటే ముంపు సమస్యల తీవ్రత తగ్గినప్పటికీ పూర్తిగా సమసి పోలేదు. ఈ నేపథ్యంలో ఊహించని విధంగా వర్షాకాలానికి ముందే ముంచుకొస్తున్న వానలు ప్రజల్లో అలజడి రేపుతున్నాయి. ఎప్పుడు వర్షాలొచ్చినా నగరంలో ఎదురవుతున్న పరిస్థితులే ఇందుకు కారణం. నాలాలు సాఫీగా ప్రవహించే పరిస్థితి లేక వరదనీరు పొంగిపొర్లడం, తీవ్ర ఆస్తి నష్టంతో పాటు కొన్ని సందర్భాల్లో ప్రాణనష్టాలు కూడా జరగడం ప్రజలను కలవరపెడుతున్నాయి.తప్పుతున్న అంచనాలుసాధారణంగా ప్రతి సంవత్సరం జూన్‌ రెండో వారంలో వర్షాలొస్తాయనే అంచనాలతో ప్రభుత్వ యంత్రాంగాలు ముందస్తు చర్యలు చేపడుతుంటాయి. ఈ ఏడాది సైతం జూన్‌ను దృష్టిలో ఉంచుకొనే జీహెచ్‌ఎంసీ గత కమిషనర్‌ ఇలంబర్తి, హైడ్రా కమిషనర్‌ రంగనాథ్‌లు సంయుక్త సమావేశం నిర్వహించి తగిన చర్యలు తీసుకోవాలని భావించారు. ఇంకా ఆ పనులు జరగలేదు. మరోవైపు హైదరాబాద్‌ జిల్లా ఇన్‌చార్జి మంత్రి పొన్నం ప్రభాకర్‌ సైతం వానాకాలం ముందస్తు చర్యలపై అప్రమత్తంగా ఉండాల్సిందిగా ఇటీవలే అధికారులతో నిర్వహించాల్సిన సమీక్ష సమావేశంలో దిశా నిర్దేశం చేశారు. జీహెచ్‌ఎంసీలోని అధికారులు సైతం ఆయా పనులు చేస్తున్నప్పటికీ, ఇంకా అవి పూర్తికాలేదు. వారు జూన్‌ నెలను లక్ష్యంగా పెట్టుకొని పనులు చేపట్టారు. వాస్తవానికి లక్ష్యం కంటే ఇంకొంత ఆలస్యం జరగడం పరిపాటి. ఈసారి జూన్‌కు ముందే నగరంలో వర్షాలు కురుస్తున్నాయి. రోహిణి కార్తెలో రోకండ్లు పగిలే ఎండలుంటాయనేది పెద్దలు చెప్పే మాట. కానీ కాలం, వాతావరణం, పరిస్థితులు మారాయి. ఎండలు మండే మే నెలలోనూ కుండపోత వానలు కురుస్తున్నాయి. పనులు వేగంగా జరగకపోవడానికి ఇదీ ఒక కారణం. అనుకోకుండా భారీ వర్షాలొస్తే మాత్రం నగర ప్రజలు విలవిలలాడాల్సిన పరిస్థితులే ఉన్నాయి. ఈ నేపథ్యంలో మరింత ముందు చూపుతో మరిన్ని జాగ్రత్త చర్యలు తీసుకోవాలనే అభిప్రాయాలు వ్యక్తమవుతున్నాయి.నానా కష్టాల నాలాలువానల్లో కలిగే ఎక్కువ నష్టాలకు నాలాలే కారణం. ప్రభుత్వం, జీహెచ్‌ఎంసీ ఎన్ని చర్యలు తీసుకుంటున్నప్పటికీ, మారని ప్రజల వైఖరి కూడా నాలాల సమస్యలకు కారణం. నాలాల్ని సకల వ్యర్థాలు వేసే ప్రాంతాలుగా భావిస్తున్న ప్రజలు వాటిల్లోనే పాత దుప్పట్ల నుంచి మొదలు పెడితే పనికిరాని కుర్చీల వరకు వేస్తున్నారు. దాంతో నీరు పోయే దారి లేక పరిస్థితి దారుణంగా మారుతోంది. డీసిల్టింగ్‌లోనూ సమస్యలు తలెత్తుతున్నాయి.ఉపశమనానికి హార్వెస్టింగ్‌ స్ట్రక్చర్స్‌భారీగా నీరు చేరి వాహనాలు మునిగిపోయే ప్రాంతాల్లో రోడ్లపై ఆ పరిస్థితి తలెత్తకుండా ఉండేందుకు 50 వరకు రెయిన్‌వాటర్‌ హార్విస్టింగ్‌ స్ట్రక్చర్స్‌ నిర్మించాలనుకున్నప్పటికీ, తొలిదశలో పనులు చేపట్టిన 12లో 11 పూర్తిచేశారు.ఐసీసీసీలో కీలక విభాగాల సమావేశంవర్షాకాలం నేపథ్యంలో నగరవాసులకు ఎలాంటి ఇబ్బందులు తలెత్తకుండా తీసుకోవాల్సిన చర్యలపై ప్రభుత్వ విభాగాలు దృష్టి పెట్టాయి. ఇందుకోసం కీలక విభాగాలకు చెందిన అధికారులతో జాయింట్‌ యాక్షన్‌ టీమ్‌ (జాట్‌) ఏర్పాటు చేయనున్నారు. ఇందులో భాగంగా మంగళవారం బంజారాహిల్స్‌లోని తెలంగాణ ఇంటిగ్రేటెడ్‌ కమాండ్‌ అండ్‌ కంట్రోల్‌ సెంటర్‌లో (ఐసీసీసీ) కీలక విభాగాలకు చెందిన అధికారులు సమావేశమయ్యారు. హైదరాబాద్‌ పోలీసు కమిషనర్‌ సీవీ ఆనంద్‌ నేతృత్వంలో సాగిన ఈ భేటీలో పలు కీలకాంశాలు చర్చించారు. జీహెచ్‌ఎంసీ పరిధిలో 141 వాటర్‌ లాగింగ్‌ ఏరియాలు ఉన్నట్లు అధికారులు గుర్తించారు. వాటర్‌ లాగింగ్‌ ఏరియాల్లో ట్రాఫిక్‌ నిర్వహణపై చర్చించారు. భారీ వర్షం కురిసిన సందర్భంలోనూ తక్షణం స్పందించిన విద్యుత్‌ పునరుద్ధరించడంపై దృష్టి పెట్టాలని నిర్ణయించారు. రహదారులపై నిలిచే వరద నీటిని వాహనచోదకులతో పాటు స్థానికులకు ఇబ్బందులు లేకుండా నాలాల్లోకి మళ్లించడానికి తీసుకోవాల్సిన చర్యలపై చర్చించారు. విపత్తుల సమయంలో స్పందిచడంపై స్టాండర్డ్‌ ఆపరేటింగ్‌ ప్రొసీజర్‌ (ఎస్‌ఓపీ) రూపొందించాలని ఫైర్స్‌ డీజీ వై.నాగిరెడ్డి అభిప్రాయపడ్డారు. సమావేశంలో హైడ్రా కమిషనర్‌ ఏవీ రంగనాథ్‌, సైబరాబాద్‌ సంయుక్త సీపీ డాక్టర్‌ గజారావు భూపాల్‌, ఐసీసీసీ డైరెక్టర్‌ వీబీ కమలాసన్‌రెడ్డి పాల్గొన్నారు.‘ఢీ’ సిల్టింగ్‌వాస్తవానికి జనవరి నుంచే నాలాల్లో పూడికతీత పనులు (డీసిల్టింగ్‌) ప్రారంభించి, మేలోగా పూర్తిచేయాల్సి ఉండగా, ఈసారి ఉన్నతాధికారులు తరచూ మారడంతో టెండర్లు.. పనులు కూడా ఆలస్యంగా మొదలయ్యాయి. దాంతో పనులు పూర్తి కాలేదు.డీ సిల్టింగ్‌ .. జోన్ల వారీగాజోన్‌ నాలాలు పనులైంది(కి.మీ) (నాలాలు)ఎల్‌బీనగర్‌ 104.39 77.86చార్మినార్‌ 387.75 281.91ఖైరతాబాద్‌ 181.11 98.19శేరిలింగంపల్లి 74.96 49.05కూకట్‌పల్లి 103.28 74.01సికింద్రాబాద్‌ 100.20 69.97మరింత అప్రమత్తత అవసరంవానలు ముందస్తుగానే వస్తున్నందున అధికార యంత్రాంగం మరింత ముందుచూపుతో వ్యవహరించాలని నగర ప్రజలు భావిస్తున్నారు. మరి అధికారులు ఎలా వ్యవహరించనున్నారో. ఏయే ప్రత్యేక చర్యలు తీసుకుంటారో చూడాల్సిందే!పూర్తయింది..కేసీపీ జంక్షన్‌, లేక్‌వ్యూ గెస్ట్‌హౌస్‌ (2), సెక్రటేరియట్‌ బస్టాప్‌, జూబ్లీహిల్స్‌ రోడ్‌నంబర్‌ 45, ఖాజాగూడ, సాగర్‌ రింగ్‌రోడ్‌, పీవీఎన్‌ఆర్‌ పిల్లర్‌ నంబర్‌ 264, చిల్కానగర్‌ టి జంక్షన్‌.పూర్తి కావాల్సింది..ఆర్‌టీఏ ఆఫీస్‌, ఖైరతాబాద్‌.

సాక్షి,సిటీబ్యూరో: మహానగరానికి కృష్ణాజలాల తరలింపుకోసం చేపట్టిన సుంకిశాల ఇంటేక్‌ వెల్‌ పనులను ఏప్రెల్‌ నాటికి పూర్తి చేయాలని జలమండలి ఎండీ అశోక్‌ రెడ్డి అన్నారు. ఈ మేరకు మంగళవారం ఆయన ప్రాజెక్టు నిర్మాణ సంస్థ సీఈఓ, డైరెక్టర్‌, హైదరాబాద్‌ ఐఐటీ ప్రొఫెసర్లు, టీసీఎస్‌, గేట్ల ఎక్స్‌పర్ట్‌, తదితరులతో కలిసి సుంకిశాల ప్రాజెక్టు పనులను పరిశీలించారు. తొలుత ఉన్నతాధికారులతో కలిసి పైప్‌లైను విస్తరణ పనులను తనిఖీ చేశారు. ఇప్పటి వరకు మిగిలిపోయిన పైప్‌లైన్‌ పనుల వివరాలు అడిగి తెలుసుకున్నారు. నాణ్యతలో రాజీ పడకూడదని అధికారులకు సూచించారు. వర్షాకాలం సమీపించినందున పైప్‌లైన్‌ పనులను వేగవంతం చేయాలని అధికారులను ఆదేశించారు. అనంతరం నిర్మాణ సంస్థ సీఈఓ శ్రీనివాస్‌ రెడ్డి, డైరెక్టర్‌ శ్రీనివాస్‌ రెడ్డి, నిపుణులతో కలిసి సుంకిశాల పునర్నిర్మాణంలో తీసుకోవాల్సిన జాగ్రత్తలు, రీడిజైనింగ్‌ సంబంధించిన వివరాలపై చర్చించారు. శిథిలాల తొలగింపు అనంతరం సివిల్‌ వర్క్‌, కంట్రోల్‌ రూం పనులను వేగంగా ముగిస్తే సైడ్‌ వాల్‌ పునర్నిర్మాణానికి మార్గం సులువవుతుందని అంచనా వేశారు. అనంతరం నాగార్జున సాగర్‌ జలాశయం వైపు ఉన్న టన్నెలింగ్‌ పనులను పరిశీలించారు. టన్నెలింగ్‌ వద్ద గేట్ల నిర్మాణం, డిజైన్లపై నిపుణుడు కన్నయ్య నాయుడుతో చర్చించారు. 15 రోజుల్లో పునర్‌నిర్మాణ డిజైన్‌ ఫైనల్‌ సుంకిశాల ఇంటేక్‌ వెల్‌ రిటైనింగ్‌ వాల్‌ శిథిలాలను తొలగింపు పూర్తిచేసి పునర్‌నిర్మాణ పనులు మొదలు పెట్టేందుకు డిజైన్‌లు, డ్రాయింగ్‌ లను 15 రోజుల్లో ఫైనలైజ్‌ చేయాలని ఎండీ ఆదేశించారు. పునర్‌నిర్మాణ పనులు చేపట్టి ప్రాజెక్టును త్వరిత గతిన పూర్తి చేయాలని నిర్మాణ సంస్థ ప్రతినిధులను సూచించారు. ఇంటేక్‌ వెల్‌ ప్రాజెక్టు పైప్‌లైన్‌ పనులు నాలుగు కిలోమీటర్లు మినహా పూర్తి చేశామన్నారు. ఎలక్ట్రిక్‌ పనులు సైతం చివరి దశకు చేరుకున్నట్లు తెలిపారు. ఆయన వెంట ప్రాజెక్టు డైరెక్టర్‌ టీవీ శ్రీధర్‌, ిసీజీఎం మహేష్‌ కుమార్‌, హైదరాబాద్‌ ఐఐటి ప్రొఫెసర్లు శశిధర్‌, సురేంద్రనాథ్‌, గేట్ల రూపకర్త కన్నయ్య నాయుడు, టీసీఈ ప్రతినిధి నితీష్‌, ఇతర అధికారులు, నిర్మాణ సంస్థ ప్రతినిధులు ఉన్నారు. పనులు వేగవంతం చేయాలని నిర్మాణ సంస్థకు ఆదేశాలు ప్రాజెక్టు పనులను పరిశీలించిన జలమండలి ఎండీ అశోక్‌ రెడ్డి

సికింద్రాబాద్‌: చిలకలగూడ దూద్‌బావి ప్రభుత్వ ప్రాథమిక పాఠశాలకు వెళ్లే విద్యార్థులకు బాట దొరికింది. ఆ మార్గానికి అడ్డంగా స్థానికులు కట్టిన గోడను హైడ్రా అధికారులు మంగళవారం కూల్చేశారు. ఈ గోడ కారణంగా పాఠశాలకు వచ్చి వెళ్లే విద్యార్థులు తీవ్ర ఇబ్బందులు ఎదుర్కొంటున్నారు. ఈ నేపథ్యంలో పాఠశాల ప్రధానోపాధ్యాయుడు మల్లికార్జునరెడ్డి సోమవారం నిరసన తెలిపారు. జీహెచ్‌ఎంసీ జోనల్‌ కార్యాలయం ఎదుట ‘మా బడికి బాట వేయండి’ అంటూ ప్లకార్డులు ప్రదర్శించారు. దీనిపై సమాచారం అందడంతో స్పందించిన హైడ్రా కమిషనర్‌ ఏవీ రంగనాథ్‌ ఈ అంశంపై దృష్టి పెట్టాల్సిందిగా ఇన్‌స్పెక్టర్‌ ఆదిత్యను ఆదేశించారు. క్షేత్రస్థాయిలో పర్యటించిన ఆయన ఆ పాఠశాలకు వెళ్లే మార్గంలో అడ్డుగా గోడ ఉన్నట్లు నిర్థారించారు. మంగళవారం జీహెచ్‌ఎంసీ టౌన్‌ ప్లానింగ్‌ ఏసీపీ శ్రీనివాస్‌తో కలిసి గోడను తొలగించారు. త్వరలోనే అక్కడ గేటు ఏర్పాటు చేయనున్నట్లు బల్దియా జోనల్‌ కమిషనర్‌ రవి కిరణ్‌ ప్రకటించారు. దారికి అడ్డుగా కట్టిన గోడ తొలగించిన హైడ్రా

సీఎం ప్రజావాణిలో మహిళా ఎన్నారై ఫిర్యాదు లక్డీకాపూల్‌: జూబ్లీహిల్స్‌ రోడ్‌ నెంబర్‌ 25 లో స్థలాన్ని లీజుకు తీసుకుని నిర్వహిస్తున్న మై స్కూల్‌ ఇటలీ విద్యా సంస్థ ప్రాంగణంలో స్థల యజమాని రోనక్‌ యార్‌ ఖాన్‌ అతని అనుచరులు దౌర్జన్యం చేస్తూ భౌతిక దాడికి పాల్పడటమేగాక బీభత్సం సృష్టించారని వారిపై చర్యలు తీసుకోవాలని కోరుతూ ఇటలీకి చెందిన ఎన్నారై డాక్టర్‌ వల్లూరు అపర్ణ సీఎం ప్రజావాణిలో ఫిర్యాదు చేశారు. ప్రజాభవన్‌లో మంగళవారం నిర్వహించిన ప్రజావాణిలో ఆమె ఇచ్చిన ఫిర్యాదుపై రాష్ట్ర ప్రణాళికా సంఘం వైస్‌ చైర్మన్‌, సీఎం ప్రజావాణి ఇన్‌చార్జ్‌ డాక్టర్‌ జి. చిన్నా రెడ్డి, స్టేట్‌ నోడల్‌ అధికారి దివ్య దేవరాజన్‌లు వెంటనే స్పందించారు. సైబరాబాద్‌ పోలీస్‌ కమిషనర్‌ కు ఫోన్‌ చేసి బాధితురాలికి న్యాయం చేయాలని సూచించారు. డాక్టర్‌ వల్లూరు అపర్ణ యూకేలో ఉన్నతాభ్యాసం చేశారు. ఇటలీకి చెందిన ప్రముఖ అంకాలజిస్ట్‌ డాక్టర్‌ పెప్పోను వివాహం చేసుకుని అక్కడే స్థిర పడ్డారు. మాతృదేశంపై మమకారంతో దేశంలోని పలు రాష్ట్రాల్లో ఆమె సేవా కార్యక్రమాలు నిర్వహిస్తున్నారు. నగరంలో మై స్కూల్‌ ఇటలీ విద్యా సంస్థను నెలకొల్పేందుకు రోనక్‌ యార్‌ ఖాన్‌ కు చెందిన ఎకరం స్థలాన్ని 2027 వరకు లీజుకు తీసుకున్నారు. సదరు స్థలంలో స్కూల్‌ ఏర్పాటుకు సన్నాహాలు చేస్తుండగా స్థల యజమాని దౌర్జన్యం చేసి స్థలాన్ని వెంటనే ఖాళీ చేయాలని ఒత్తిడి పెంచుతున్నారని ఆమె ఫిర్యాదులో పేర్కొన్నారు. ఈ వివాదంపై మాదాపూర్‌ పోలీస్‌ స్టేషన్‌ లో ఇప్పటికే కేసు నమోదైందని తెలిపారు. రూ.50 లక్షలు ఇవ్వకుంటే చంపేస్తాంజీడిమెట్ల/కుత్బుల్లాపూర్‌: రూ. 50 లక్షలు ఇవ్వాలని లేని పక్షంలో మాజీ ఎన్‌ఎస్‌యూఐ (ఉమ్మడి ఆంధ్రప్రదేశ్‌) అధ్యక్షుడు కూన రాఘవేందర్‌గౌడ్‌ను చంపేస్తామని బెదిరిస్తూ మావోయిస్టుల పేరుతో గుర్తుతెలియని వ్యక్తులు అతని తండ్రి కూన రవీందర్‌గౌడ్‌కు లేఖ రాసి కారుపై పెట్టి వెళ్లిన సంఘటన జీడిమెట్ల పీఎస్‌ పరిధిలో ఆలస్యంగా వెలుగులోకి వచ్చింది. పోలీసులు, బాధితుల కథనం మేరకు వివరాలిలా ఉన్నాయి. షాపూర్‌నగర్‌కు చెందిన వ్యాపారవేత్త కూన రవీందర్‌గౌడ్‌ కుమారుడు రాఘవేంద్రగౌడ్‌ ఉమ్మడి ఆంధ్రప్రదేశ్‌లో ఎన్‌ఎస్‌యూఐ అధ్యక్షుడిగా పని చేశారు. ఈనెల 21న రాత్రి మంకీ క్యాప్‌, టీషర్ట్‌ ధరించిన వ్యక్తి అతడి ఇంటి మొదటి అంతస్తుకు వెళ్లాడు. ఆ తర్వాత కిందికి దిగి కారుపై ఎర్రటి వస్త్రంలో ఓ కవర్‌ పెట్టి అనంతరం ఇంటి ముందు ఉన్న తులసి మొక్కను తొలగించి వెళ్లిపోయాడు. 22న ఉదయం రవీందర్‌గౌడ్‌ తులసి మొక్క తొలగించి ఉండటాన్ని గుర్తించి పనివాళ్లతో మొక్కను అదే తొట్టిలో నాటించాడు. కొద్దిసేపటి తర్వాత కారుపై ఉన్న కవర్‌ను తెరిచి చూడగా నక్సలైట్‌ శంకరన్న గ్యాంగ్‌ పేరుతో రాసిన లేఖను గుర్తించాడు. షాపూర్‌నగర్‌లో ఉన్న రెండు ఇళ్లను పేల్చివేస్తామని.. నీకొడుకు రాఘవేంద్రను చంపేస్తామని..శుక్రవారం లోగా రూ.50లక్షలు సిద్ధంగా ఉంచుకోవాలని అందులో పేర్కొన్నారు. ఈ విషయమై కూన రాఘవేంద్ర గౌడ్‌ ఫిర్యాదు మేరకు జీడిమెట్ల పోలీసులు కేసు నమోదు చేసి దర్యాప్తు చేస్తున్నారు.గంజాయి విక్రయిస్తున్న యువకుల అరెస్టుమూసాపేట: గంజాయి విక్రయిస్తున్న నలుగురు యువకులను అరెస్టు చేసిన పోలీసులు వారి నుంచి 10 కేజీల గంజాయిని స్వాధీనం చేసుకున్న సంఘటన కూకట్‌పల్లి పోలీస్‌స్టేషన్‌ పరిధిలో చోటు చేసుకుంది. పోలీసుల కథనం మేరకు వివరాలిలా ఉన్నాయి. కరీంనగర్‌ జిల్లాకు చెందిన విక్రాంత్‌ రెడ్డి కూకట్‌పల్లిలోని హాస్టల్‌లో ఉంటూ డెలివరీ బాయ్‌గా పనిచేస్తున్నాడు. భూపాలపల్లి జిల్లాకు చెందిన దీక్షిత్‌, భద్రాద్రి కొత్తగూడెంకు చెందిన అభినయ్‌, మంచిర్యాలకు చెందిన అన్షు అతడి స్నేహితులు. గంజాయికి అలవాటు పడిన వీరు గంజాయిని కొనుగోలు చేసి విక్రయించాలని నిర్ణయించుకున్నారు. ఈ నేపథ్యంలో ఇటీవల వారికి పరిచయమైన అనురాగ్‌, వినయ్‌ కూడా వారితో జత కలిశారు. దీంతో వారు 10 కేజీల గంజాయిని కొనుగోలు చేసి తీసుకువచ్చారు. కూకట్‌పల్లిలోని సౌత్‌ ఇండియా షాపింగ్‌ మాల్‌ వెనుక టీస్టాల్‌ వద్ద అనుమానస్పదంగా తిరుగుతుండటంతో పోలీసులకు సమాచారం అందింది. దీంతో దాడి చేసిన పోలీసులు నలుగురిని అరెస్టు చేసి రిమాండ్‌కు తరలించారు. కాగా నిందితుల్లో ఒకరైన అభినయ్‌ 2024లో బేగంపేట పోలీస్‌స్టేషన్‌ పరిధిలో జరిగిన హత్య కేసులో నిందితుడిగా ఉన్నాడని, మిగిలిన ముగ్గురూ ఖాజీపేట పోలీస్‌స్టేషన్‌ పరిధిలో గంజాయి కేసులో జైలుకు వెళ్లి వచ్చినట్లు పోలీసులు తెలిపారు. పరారీలో ఉన్న అనురాగ్‌, వినయ్‌ కోసం గాలిస్తున్నామన్నారు. ఈ మేరకు పోలీసులు కేసు నమోదు చేసుకుని దర్యాప్తు చేస్తున్నారు.మున్సిపల్‌ సిబ్బందిపై దాడి నిందితులపై కేసు నమోదు ఉప్పల్‌: విధి నిర్వహణలో ఉన్న మున్సిపల్‌ సిబ్బందిపై దాడి చేసిన వ్యక్తులపై ఉప్పల్‌ పోలీసులు మంగళవారం కేసు నమోదు చేశారు. పోలీసుల కథనం మేరకు వివరాలు ఇలా ఉన్నాయి. ఉప్పల్‌ పారిశుద్ధ్య సిబ్బంది, ఫీల్డ్‌ అసిస్టెంట్‌ శ్రీనివాస్‌లుతో కలిసి మంగళవారం రామిరెడ్డినగర్‌ కూడలి వద్ద రోడ్డుపై వేసిన చెత్తను శుభ్రం చేస్తున్నారు. అదే సమయంలో అదే ప్రాంతానికి చెందిన మణెమ్మ అనే మహిళ రోడ్డుపై నిర్లక్ష్యంగా చెత్తను పారబోస్తుండటంతో ఫీల్డ్‌ అసిస్టెంట్‌ శ్రీనివాస్‌ రోడ్డుపై చెత్త వేయవద్దని ఇంటికి వచ్చే ఆటోలోనే చెత్త వేయాలని లేని పక్షంలో ఫైన్‌ విధిస్తామని చెప్పాడు. దీంతో ఆగ్రహానికి లోనైన ఆమె అతడితో వాగ్వాదానికి దిగింది. ఇంట్లో ఉన్న వ్యక్తులను పిలిచి గొడవ పెట్టుకుంది. ఈ లోగా అక్కడికి వచ్చిన పారిశుద్ధ్య సిబ్బంది ఆమెకు నచ్చజెప్పేందుకు ప్రయత్నించినా వినకుండా ఆమె కుటుంబ సభ్యులు మూకుమ్మడిగా పారిశుద్ద్య కార్మికులు జానకి, లక్ష్మీ, దేవి, సుజాత, జంగమ్మ, ఫీల్డ్‌ అసిస్టెంట్‌ శ్రీనివాస్‌పై దాడి చేసి గాయపరిచారు. శ్రీనివాస్‌ ఫిర్యాదు మేరకు ఉప్పల్‌ పోలీసులు కేసు నమోదు చేసుకుని దర్యాప్తు చేస్తున్నారు. దరఖాస్తుల ఆహ్వానం సాక్షి, రంగారెడ్డి జిల్లా: గిరిజన సంక్షేమ గురుకుల డిగ్రీ కళాశాలల్లో 2025–26 విద్యాసంవత్సరానికి ప్రథమ సంవత్సరంలో చేరేందుకు అడ్మిషన్లకోసం దరఖాస్తులు స్వీకరించనున్నట్టు హైదరాబాద్‌, రంగారెడ్డి జిల్లాల రీజినల్‌ కో ఆర్డినేటర్‌ నాగార్జునరావు మంగళవారం ఒక ప్రకటనలో పేర్కొన్నారు. డిగ్రీ ప్రథమ సంవత్సరంలో చేరాలనుకునే విద్యార్థులకు ఎంపీసీ, ఎంజెడ్సీ, బీజెడ్సీ, ఎంపీసీఎస్‌, బీఏ, బీకాం, ఇంటిగ్రేటెడ్‌ పీజీ కోర్సులు అందుబాటులో ఉన్నాయని తెలిపారు. ఇంటర్మీడియెట్‌ పూర్తి చేసిన విద్యార్థులు డిగ్రీలో అడ్మిషన్‌ పొందేందుకు నేరుగా గిరిజన గురుకుల డిగ్రీ కళాశాలల్లో సంప్రదించాలని సూచించారు.పోలీసులకు బాధితుడి ఫిర్యాదు మావోయిస్టుల పేరుతో కూన రవీందర్‌గౌడ్‌కు లేఖ

మూత పడినాపలు ఆస్పత్రుల్లో ఏళ్ల తరబడి సాగుతున్న నకిలీ బర్త్‌, డెత్‌ సర్టిఫికెట్ల దందాసాక్షి, సిటీబ్యూరో: జీహెచ్‌ఎంసీ పరిధిలో ఎంతోకాలంగా సాగుతున్న బర్త్‌(పుట్టుక), డెత్‌(మరణం)నకిలీ సర్టిఫికెట్ల దందా ఆగడం లేదు. అధికారులు ఒక మార్గంలో కట్టడి చర్యలు చేపడితే, వాటిపై ఆధారపడ్డ దళారులు మరో మార్గంలో తమ దందా నడిపిస్తున్నారు. వారికి, కొన్ని మీ సేవా కేంద్రాల నిర్వాహకులు, జీహెచ్‌ఎంసీలోని కొందరు సిబ్బందికి మధ్య ఉన్న సంబంధాల కారణంగానే ఈ అక్రమ సర్టిఫికెట్ల దందా సాగుతోందనే ఆరోపణలు వెల్లువెత్తుతున్నాయి. అవసరమైన వారి నుంచి అధికమొత్తంలో వసూలు చేసి నకిలీ బర్త్‌, డెత్‌ సర్టిఫికెట్లు జారీ చేసే వ్యవహారం జీహెచ్‌ఎంసీలో ఎంతో కాలంగా సాగుతోంది. కొన్ని సందర్భాల్లో పోలీసులు వాటిని బట్టబయలు చేశారు. అక్రమ సర్టిఫికెట్ల జారీని నిలువరించేందుకు జీహెచ్‌ఎంసీ చేస్తున్న ప్రయత్నాలు వృథా అవుతున్నాయి. ఇటీవలే టోలిచౌకి మెట్రో హాస్పిటల్‌ నుంచి 65 బర్త్‌ సర్టిఫికెట్లు, 8 డెత్‌ సర్టిఫికెట్లను నకిలీవిగా జీహెచ్‌ఎంసీ అధికారులు ప్రకటించడం తెలిసిందే. మరెన్నో ఆస్పత్రులు.. జీహెచ్‌ఎంసీలో వేల సంఖ్యలో ప్రైవేటు ఆస్పత్రులు ఉన్నాయి. వాటిల్లో దాదాపు 1800 ఆస్పత్రులకు బర్త్‌, డెత్‌ల వివరాలు ఆన్‌లైన్‌లో ఎప్పటికప్పుడు నమోదు చేసేందుకు జీహెచ్‌ఎంసీ వాటికి లాగిన్‌ సదుపాయం కల్పించింది. జనన, మరణ వివరాలు ఎప్పటికప్పుడు నమోదు కావడంతోపాటు బర్త్‌, డెత్‌ సర్టిఫికెట్లు ఇన్‌స్టంట్‌గా జారీ చేసి, ప్రజలకు ఇబ్బందులు తొలగించాలనే ఉద్దేశంతో ఈ ఏర్పాట్లు చేశారు. దాదాపు రెండున్నరేళ్ల క్రితం నాన్‌ అవైలబిలిటీ పేరిట దాదాపు 25వేల బర్త్‌ సర్టిఫికెట్లు ఎలాంటి ధ్రువపత్రాలు లేకుండా పొందినట్లు గుర్తించిన అధికారులు వాటిని రద్దు చేశారు. తిరిగి అలాంటి పొరపాట్లు జరగకుండా ఉండేందుకు తగిన చర్యలు తీసుకున్నారు. ఆస్పత్రుల్లో కాకుండా ఇతర ప్రాంతాల్లో జరిగే శిశువుల జననాలకు రికార్డులు ఉండనందున వాటిని నాన్‌ అవైలబిలిటీగా పేర్కొంటూ, ఆర్డీఓ ధ్రువీకరణలతో అందజేస్తారు.ఎలాంటి ధ్రువీకరణలు, ఏ పత్రాలు లేకున్నా వేల సంఖ్యలో నకిలీ సర్టిఫికెట్లు జారీ కావడంతో ఆ తర్వాత పలు చర్యలు చేపట్టినట్లు జీహెచ్‌ఎంసీ పేర్కొంది. కానీ, ఆస్పత్రులు సైతం నకిలీ దందాలకు పాల్పడటాన్ని గుర్తించలేకపోయింది.వెలుగులోకి ఇలా..గత జీహెచ్‌ఎంసీ కమిషనర్‌ నాన్‌ అవైలబిలిటీ కింద బర్త్‌ సర్టిఫికెట్ల కోసం ఎన్నో దరఖాస్తులు రాావడంతో అనుమానం వ్యక్తం చేశారు. ఈ నేపథ్యంలో వాటి పరిశీలనతోపాటు, ప్రైవేట్‌ ఆస్పత్రులపై సర్వేకు కూడా ఆదేశించారు. దీంతో సర్వే నిర్వహించిన అధికారులు 510 ఆస్పత్రులు పనిచేయడం లేదని గుర్తించారు. సదరు సర్వే సందర్భంలోనే మూతపడ్డ మెట్రో హాస్పిటల్‌నుంచి సైతం బర్త్‌, డెత్‌ సర్టిఫికెట్లు జారీ కావడాన్ని గుర్తించి, మూతపడ్డ 510 ఆస్పత్రులకు ఆన్‌లైన్‌లో వివరాలు నమోదు చేసే సదుపాయాన్ని రద్దు చేశారు. వాటిలోనూ నకిలీ సర్టిఫికెట్లు జారీ చేసిన ఆస్పత్రులున్నాయో, లేవో, ఉంటే ఎన్ని ఆస్పత్రులు ఎన్ని సర్టిఫికెట్లను జారీ చేశాయో తెలియదు.

బాలానగర్‌: ఫతేనగర్‌ ఫ్లైఓవర్‌కు సంబంధించిన పాత మెట్లు శిథిలావస్థకు చేరడంతో హైడ్రా అధికారులు మంగళవారం కూల్చేశారు. సోమవారం వీటి ద్వారా దిగుతుండగా కొన్ని విరిగిపడటంతో ఇద్దరు తీవ్రంగా గాయపడిన విషయం విదితమే. ఈ విషయం తెలుసుకున్న హైడ్రా కమిషనర్‌ ఏవీ రంగనాథ్‌ మంగళవారం ఆ ప్రాంతానికి వెళ్లి శిథిలావస్థకు చేరిన మెట్లను పరిశీలించారు. ప్రతి ఆదివారం సనత్‌నగర్‌లో సంత జరుగుతుందని, ఆ సందర్భంగా వందలాది మంది ఈ మెట్లను వినియోగిస్తారని స్థానికులు కమిషనర్‌ దృష్టికి తీసుకువచ్చారు. కూలడానికి సిద్ధంగా ఉన్న ఆ మెట్ల వల్ల ప్రమాదాలకు ఆస్కారం ఉందని, వర్షాకాలంలో ముప్పు ఎక్కువని గుర్తించిన రంగనాథ్‌ వాటిని కూల్చివేయాలని ఆదేశించారు. దీంతో హైడ్రా అధికారులు ఆ మెట్లను తొలగించారు. వర్షాకాలం సమీపిస్తున్న నేపథ్యంలో నగరంలో శిథిలావస్థకు చేరిన ఇలాంటి నిర్మాణాలను గుర్తించడానికి సివిల్‌ ఇంజినీరింగ్‌ నిపుణులతో తనిఖీ చేయాలని ఆదేశించారు. శిథిలావన్థలో ఉన్న వాటిని గుర్తించి కూల్చేయాలని సూచించారు. ఫతేనగర్‌ ఫ్లైఓవర్‌కు కొత్త మెట్లు నిర్మించేందుకు చర్యలు తీసుకుంటామని కార్పొరేటర్‌ సతీష్‌గౌడ్‌ పేర్కొన్నారు.

సాక్షి, సిటీబ్యూరో: రుణ మంజూరు ప్రాసెసింగ్‌ పేరిట నగరానికి చెందిన ఓ యువకుడి నుంచి సైబర్‌ నేరగాళ్లు రూ.14.5 లక్షలు కాజేశారు. ఈ మేరకు బాధితుడు సైబర్‌ క్రైమ్‌ పోలీసుస్టేషన్‌లో ఫిర్యాదు చేశారు. వివరాలు ఇలా ఉన్నాయి. ట్రావెల్స్‌ వ్యాపారం చేస్తున్న ఓ యువకుడు (36) కొన్నాళ్ల క్రితం ఇన్‌స్ట్రాగామ్‌లో తక్కువ వడ్డీకే రుణాలు ఇస్తామనే ప్రకటనకు ఆకర్షితుడైన అందులో ఉన్న రెండు నంబర్లతో సంప్రదింపులు జరిపారు. తనకు రూ.కోటి రుణం కావాలని చెప్పడంతో.. సైబర్‌ నేరగాళ్లు కొన్ని పత్రాలు, ప్రస్తుతం చేస్తున్న వ్యాపారానికి సంబంధించిన వివరాలు పంపించాలన్నారు. బాధితుడు పంపించిన వివరాలను పరిశీలించి రుణం మంజూరు చేశామని నేరగాళ్లు నమ్మించారు. ఆ డబ్బు బదిలీ చేయాలంటే కొంత ప్రాసెసింగ్‌ ఫీజుగా చెల్లించాలంటూ రూ.14.5 లక్షలు ఆర్టీజీఎస్‌ ద్వారా తమ బ్యాంకు ఖాతాలో వేయించుకున్నారు. కొన్నాళ్లు ఎదురు చూసిన బాధితుడు తనకు రావాల్సిన రూ.కోటి రాకపోవడంతో నేరగాళ్లను సంప్రదించే ప్రయత్నం చేశారు. వారి ఫోన్లు స్విచ్ఛాఫ్‌లో ఉండటంతో మోసపోయినట్లు గుర్తించి సైబర్‌ క్రైం ఠాణాను ఆశ్రయించారు. ఈ మేరకు కేసు నమోదు చేసుకున్న అధికారులు నిందితులు వినియోగించిన ఫోన్‌ నంబర్లు, బ్యాంకు ఖాతాల ఆధారంగా దర్యాప్తు చేస్తున్నారు. సోషల్‌మీడియాలో, ఫోన్‌ కాల్స్‌ ద్వారా వచ్చే ఇలాంటి ప్రకటనలు నమ్మవద్దని, కేవలం ఆర్‌బీఐ అధీకృత బ్యాంకులు, సంస్థల నుంచే రుణాలు తీసుకోవాలని అధికారులు సూచిస్తున్నారు.

హస్తినాపురం: తన వివాహేతర సంబంధంపై నిలదీశాడనే కోపంతో కట్టుకున్న భర్తనే చంపేసింది ఓ భార్య. ప్రమాదవశాత్తు ఇంట్లోపడి చనిపోయాడని కట్టుకథ అల్లి అందరినీ నమ్మించే ప్రయత్నం చేసింది. చివరికి అసలు విషయం బయటపడటంతో పోలీసులు కేసు నమోదు చేశారు. వనస్థలిపురం పోలీసులు చెప్పిన వివరాల ప్రకారం.. యాదాద్రి– భువనగిరి జిల్లా సంస్థాన్‌ నారాయణపురం మండలం వావిల్లపల్లి గ్రామం సభావత్‌ తండాకు చెందిన లారీ డ్రైవర్‌ కిషన్‌ నాయక్‌ తన భార్య చనిపోవడంతో ఇదే జిల్లా వలిగొండ మండలం గోకారం గ్రామానికి చెందిన శిరీషను ఎనిమిదేళ్ల క్రితం కులాంతర వివాహం చేసుకున్నాడు. వీరికి ఇద్దరు పిల్లలు ఉన్నారు. కొంతకాలంగా శిరీష ప్రవర్తనపై కిషన్‌ నాయక్‌ అనుమానంతో ఆమెను మందలించేవాడు. ఈ క్రమంలో ఇరువురి మధ్య గొడవలు జరగడంతో శిరీష హిల్‌ కాలనీలో వేరుగా ఉంటోంది. సోమవారం రాత్రి భర్త కిషన్‌ నాయక్‌కు ఫోన్‌ చేసి ఇంటికి రమ్మని చెప్పింది. భార్య శిరీష వద్దకు కిషన్‌ నాయక్‌ వెళ్లాడు. ఆమె వివాహేతర సంబంధంపై మళ్లీ నిలదీయడంతో కిషన్‌ నాయక్‌పై దాడిచేసి గోడకు నెట్టివేసింది. దీంతో అతను తీవ్ర గాయాలతో అక్కడికక్కడే మృతి చెందాడు. తన భర్త ప్రమాదవశాత్తు ఇంట్లో పడి చనిపోయాడని చిత్రీకరించేందుకు శిరీష యత్నించింది. విషయం తెలుసుకున్న కిషన్‌నాయక్‌ మొదటి భార్య కూతురు బిందు, బంధువులు అతడి మృతిపై అనుమానంతో పోలీసులకు ఫిర్యాదు చేశారు. శిరీషను అదుపులోకి తీసుకుని పోలీసులు విచారణ చేయడంతో.. భర్త కిషన్‌ నాయక్‌ను తానే హత్య చేసినట్లు అంగీకరించిందని పోలీసులు చెప్పారు. కేసు దర్యాప్తు చేస్తున్నట్లు పేర్కొన్నారు.

నల్లకుంట: నల్లకుంట ఫీవర్‌ ఆసుపత్రిలో మంగళవారం ఓ కోవిడ్‌ ఆనుమానిత కేసు నమోదైంది. హిమాయత్‌నగర్‌కు చెందిన వ్యక్తి(50) ఇటీవల తీర్థ యాత్రలకు వెళ్లి వచ్చాడు. ఈ క్రమంలో అనారోగ్యానికి గురైన అతను స్థానిక వైద్యుడి సూచన మేరకు కోవిడ్‌ పరీక్షలు చేయించుకోగా పాజిటివ్‌ వచ్చింది. దీంతో అతను మంగళవారం మధ్యాహ్నం నల్లకుంట ఫీవర్‌ ఆసుపత్రికి వచ్చాడు. అతడి రిపోర్టులను పరిశీలించిన ఆసుపత్రి డీఎంవో కోవిడ్‌గా అనుమానిస్తూ మందులు రాసి ఇచ్చాడు. కోవిడ్‌ లక్షణాలు ఉండడంతో మరోసారి ఆర్టీపీసీఆర్‌ పరీక్షలు చేయించుకోవాలని సూచించారు. ఇన్‌ పేషంట్‌గా చేరితే వైద్యుల పర్యవేక్షణలో చికిత్స అందిస్తామని తెలిపారు. అందుకు అతను తిరస్కరిస్తూ ఇంట్లోనే ఐసోలేషన్‌లో ఉంటానని చెప్పడంతో అతడి కుటుంబ సభ్యులందరూ కోవిడ్‌ పరీక్షలు చేయించుకోవాలని వైద్యులు సూచించారు.యూఎస్‌ వీసా ఇప్పిస్తానంటూ మోసం..నిందితుడిపై కేసు నమోదుబంజారాహిల్స్‌: యూఎస్‌ వీసా పేరుతో డబ్బులు వసూలు చేసిన వ్యక్తిపై బంజారాహిల్స్‌ పోలీస్‌స్టేషన్‌లో చీటింగ్‌ కేసు నమోదైంది. వివరాల్లోకి వెళితే..గచ్చిబౌలికి చెందిన కాసా ప్రణయ్‌యాదవ్‌ అమెరికాలోని రుట్‌గర్స్‌ యూనివర్సిటీలో ఎంఎస్‌ చేసేందుకు బషీర్‌ అహ్మద్‌ అనే వ్యక్తిని సంప్రదించాడు. యూఎస్‌ వీసా కోసం సర్వీసు చార్జీల కింద రూ.50 వేలు ఖర్చవుతుందని చెప్పడంతో అడ్వాన్స్‌గా రూ.20 వేలు చెల్లించాడు. వీసా అఫ్రూవల్‌ కోసం ఎంబసీ ఆఫీసర్‌ ఒకే ఒక్క ప్రశ్న వేస్తాడని, దాంతో వీసా అఫ్రూవల్‌ అవుతుందని బషీర్‌ అహ్మద్‌ చెప్పాడు. అయితే ప్రణయ్‌యాదవ్‌ ఎంబసీకి వెళ్లి హాజరుకాగా ఆయనను ఏడు ప్రశ్నలు అడిగాడు. అందుకు సమాధానం చెప్పలేకపోవడంతో వీసా రిజక్ట్‌ అయ్యింది. తనను వీసా పేరుతో మోసం చేసిన వ్యక్తిపై చర్యలు తీసుకోవాలంటూ బాధితుడు ఇచ్చిన ఫిర్యాదు మేరకు బంజారాహిల్స్‌ పోలీసులు కేసు నమోదు చేసుకుని దర్యాప్తు చేస్తున్నారు.భవనం పైనుంచి పడి వ్యక్తి మృతిమూసాపేట: అనుమానాస్పద స్థితిలో భవనం పైనుంచి పడి ఓ వ్యక్తి మృతి చెందిన సంఘటన కూకట్‌పల్లి పోలీస్‌స్టేషన్‌ పరిధిలో మంగళవారం చోటు చేసుకుంది. పోలీసుల కథనం మేరకు వివరాలిలా ఉన్నాయి. వివేకానందనగర్‌లోని మయూరి కర్రీ పాయింట్‌లో బిహార్‌కు చెందిన విజయ్‌ (32) అనే వ్యక్తి కుక్‌కు అసిస్టెంట్‌గా పనిచేస్తూ వాసిరెడ్డి స్వగృహ భవనంలోని 3వ అంతస్తులో ఉంటున్నాడు. ఈనెల మంగళవారం తెల్లవారుజామున పెద్దశబ్ధం రావటంతో వాచ్‌మెన్‌ వెళ్లి చూడగా విజయ్‌ కిందపడి ఉన్నాడు. స్థానికుల సహాయంతో అతడిని గాంధీ ఆసుపత్రికి తరలించగా అప్పటికే మృతి చెందినట్లు వైద్యులు నిర్ధారించారు. మద్యం తాగే అలవాటు ఉన్న విజయ్‌ తాగిన మైకంలో ప్రమాదవశాత్తు కిందపడి ఉండవచ్చునని భావిస్తున్నారు. ఈ మేరకు పోలీసులు కేసు నమోదు చేసుకుని దర్యాప్తు చేస్తున్నారు.

మేడ్చల్‌: మేడ్చల్‌ పరిధిలో ఓ మహిళ దారుణ హత్యకు గురైన ఘటన శుక్రవారం చోటుచేసుకుంది. పోలీసులు, స్థానికులు తెలిపిన వివరాల ప్రకారం.. వికారాబాద్‌ జిల్లాకు చెందిన లక్ష్మి (50) మేడ్చల్‌ మండల పరిధిలోని అత్వెల్లిలో అద్దె గదిలో నివాసం ఉంటూ కిష్టాపూర్‌లోని ఓ మద్యం దుకాణంలో రోజువారీ కూలీగా పని చేస్తోంది. శుక్రవారం తెల్లవారుజామున ఆమె ఉంటున్న గదిలోంచి పొగలు రావడాన్ని గమనించిన స్థానికులు పోలీసులకు సమాచారం అందించారు. పోలీసులు ఘటనా స్థలానికి చేరుకొని పరిశీలించారు. చెవులు, గొంతు కోసి.. సగం కాలిన స్థితిలో మహిళ మృతదేహం కనిపించింది. ఆమె ఒంటిపై దుస్తులు వేసి కాల్చివేసినట్టు గుర్తించారు. క్లూస్‌ టీం సహాయంతో పోలీసులు ఆధారాలను సేకరించారు. ఈ సందర్భంగా ఘటనా స్థలాన్ని పరిశీలించిన అనంతరం మేడ్చల్‌ డీసీపీ కోటిరెడ్డి మాట్లాడుతూ... మహిళ హత్య కేసు ఛేదించడానికి లోకల్‌, ఎస్వోటీ పోలీసులతో కలిపి ఐదు బృందాలను ఏర్పాటు చేశామన్నారు. మహిళ ఒంటి మీదున్న నగలు, డబ్బుల కోసం నమ్మించి ఇక్కడికి వచ్చిన వ్యక్తులు అఘాయిత్యానికి పాల్పడ్డారా?, గతంలో తనతో సహజీవనం చేసిన వ్యక్తి ఈ పని చేశాడా? అనే కోణంలో దర్యా ప్తు చేస్తున్నామన్నారు. కాగా.. అనుమానితులను అదుపులోకి తీసుకొని విచారణ చేస్తున్నట్లు సమాచారం. ఘటనా స్థలాన్ని పరిశీలిస్తున్న పోలీసులు మేడ్చల్‌ పరిధిలో మహిళ దారుణ హత్య సగభాగం వరకు కాలిన మృతదేహం

సాక్షి, సిటీబ్యూరో: నగర వాసుల తీరు మారడం లేదు. సీవరేజీ పైపులైన్‌లో వ్యర్థాలే కాదు.. కరగని ఘన పదార్థాలు, మురుగు ప్రవాహానికి అడ్డుపడే బ్లాంకెట్లు, బెడ్‌షీట్లను సైతం వదిలేస్తున్నారు. సీవరేజీ ఓవర్‌ ఫ్లో కట్టడికి 180 రోజుల స్పెషల్‌ డ్రైవ్‌ నిర్వహించి మ్యాన్‌హోల్‌ టు మ్యాన్‌హోల్‌ డీ– సిల్టింగ్‌ చేసినా.. సీవరేజీ వ్యర్థాలపై అవగాహన కల్పించినా మార్పు రావడంలేదు. ఇటీవల మలక్‌పేట నల్లగొండ చౌరస్తా వద్ద సీవరేజీ ఓవర్‌ ఫ్లో పై ఫిర్యాదుల వస్తుండంతో జలమండలి అధికారులు శుక్రవారం డీ– సిల్టింగ్‌ పనులు నిర్వహించారు. జెట్టింగ్‌ యంత్రాలను ఉపయోగించి మ్యాన్‌హోళ్ల నుంచి సిల్ట్‌ను బయటికి తీయగా.. అందులోంచి బ్లాంకెట్లు.. బెడ్‌ షీట్లు, దుస్తులు, ప్లాస్టిక్‌ వస్తువులు ఇతర ఘన పదార్థాలు బయటపడ్డాయి. దీని కారణంగా ఆ ప్రాంతంలోని మ్యాన్‌హోళ్లు ఓవర్‌ఫ్లో అవుతున్నట్టు గుర్తించారు. ఇకనుంచి ఎవరైనా మ్యాన్‌హోళ్లలో చెత్త, వ్యర్థాలు వేస్తే కఠిన చర్యలు తీసుకుంటామని జలమండలి అధికారులు హెచ్చరించారు. వాణిజ్య భవనాల్లో సిల్ట్‌ చాంబర్లు తప్పనిసరి వాణిజ్య భవన సముదాయాల్లో సిల్ట్‌ చాంబర్లు తప్పనిసరి అని జలమండలి సూచించింది. రెస్టారెంట్లు, హాస్టల్స్‌, హోటళ్లు, బేకరీలు, ఫుడ్‌ కోర్టులు, ఆఫీసులు తదితర వాణిజ్య కార్యకలాపాలు నిర్వహిస్తున్న భవనాల యజమానులు, బహుళ అంతస్తు భవన సముదాయాల నిర్వాహకులు.. తమ సీవరేజీ పైపులైన్‌ను నేరుగా జలమండలి సీవరేజ్‌ నెట్‌ వర్క్‌కు అనుసంధానం చేయడంతో వాటి నుంచి వచ్చే ఘన, కరగని వ్యర్థ పదార్థాలు మురుగు ప్రవాహనికి అడ్డుపడుతున్నాయి. ప్రధానంగా సిల్ట్‌ చాంబర్లు లేకపోవడంతో సీవరేజీ పైపులైన్లపై ఒత్తిడి పెరిగి అవి ఓవర్‌ ఫ్లో అవుతున్నాయి. మరోవైపు నివాస సముదాయాల నుంచి సీవరేజీ పైపులైన్‌లో బ్లాంకెట్లు, బెడ్‌షీట్లు, ప్లాస్టిక్‌ వస్తువులు, కవర్లు, వాటర్‌ బాటిళ్లు, ఘన పదార్థాలు లాంటి వ్యర్థాలు వదలడం సమస్యను మరింత తీవ్రతరం చేస్తోంది. నల్లగొండ చౌరస్తా వద్ద డీ– సిల్టింగ్‌లో వెలికితీత అవగాహన కల్పించినా.. మారని తీరు బయటపడుతున్న ఘన పదార్థాలు.. వ్యర్థాలు

3.5 ఎకరాల సర్కారు స్థలంపై కబ్జాదారుల కన్ను బంజారాహిల్స్‌: మూడున్నర ఎకరాల ప్రభుత్వ స్థలాన్ని కాజేసేందుకు కబ్జాదారులు చేయని కుయుక్తులు లేవు. పట్టు వదలని విక్రమార్కుల్లా భూమిపై పట్టు నిలుపుకోవాలని అటు పోలీసుల్ని, ఇటు రెవెన్యూ అధికారులను ముప్పు తిప్పలు పెడుతున్నారు. ఎంతో విలువైన మూడున్నర ఎకరాల ప్రభుత్వ స్థలాన్ని సొంతం చేసుకునేందుకు పన్నాగాలు పన్నుతూనే ఉన్నారు. కబ్జాదారు పార్థసారథి, ఆయన కొడుకు విజయ భార్గవన్‌ ఇద్దరూ కలిసి ఎవరికీ తెలియకుండా ఇక్కడి చెట్లపై సీసీ కెమెరాలు ఏర్పాటు చేసినట్టుగా అధికారులు గుర్తించారు. శుక్రవారం 12 సీసీ కెమెరాలను రెవెన్యూ యంత్రాంగం తొలగించింది. నకిలీ డాక్యుమెంట్లు సృష్టించి.. షేక్‌పేట తహసీల్దార్‌ అనితారెడ్డి చెప్పిన వివరాల ప్రకారం.. బంజారాహిల్స్‌ రోడ్‌ నెం–10లోని బసవతారకం కేన్సర్‌ ఆస్పత్రి ఎదురుగా తట్టిఖానా వాటర్‌ రిజర్వాయర్‌ను ఆనుకొని సర్వే నెం. 403/పిలో ప్రభుత్వానికి చెందిన 5 ఎకరాల స్థలం ఉంది. ఇందులో కొంత మంది అక్రమార్కులు నకిలీ డాక్యుమెంట్లు తయారు చేసి కబ్జా చేసేందుకు ఎనిమిదేళ్లుగా తీవ్ర ప్రయత్నాలు చేయడంతో పాటు రౌడీలను సైతం దింపి ఈ స్థలంలో సీసీ కెమెరాలు ఏర్పాటు చేశారు. ఇక్కడికి వచ్చిన వారిని భయభ్రాంతులకు గురి చేస్తున్నారు. ఇప్పటికే రెండుసార్లు ఈ స్థలాన్ని కబ్జా చేసిన పార్థసారథి, ఆయన కొడుకు విజయ్‌ భార్గవ్‌పై బంజారాహిల్స్‌ పోలీస్‌ స్టేషన్‌లో ఈ విషయంలో షేక్‌పేట రెవెన్యూ అధికారులు ఫిర్యాదు చేయగా కేసులు కూడా నమోదయ్యాయి. మూడుసార్లు ఈ స్థలంలోకి వెళ్లిన రెవెన్యూ అధికారులు నిర్మాణాలు కూల్చివేసి అక్రమార్కులపై ఫిర్యాదు చేశారు. అయినాసరే కబ్జాదారులు ఈ స్థలంలో అడుగడుగునా సీసీ కెమెరాలు ఏర్పాటు చేశారు. ప్రధాన ద్వారాన్ని తమ అధీనంలోకి తీసుకొని లోపల ఒక గదిని నిర్మించి రౌడీలను పెట్టుకున్నారు. సమాచారం అందుకున్న షేక్‌పేట మండల రెవెన్యూ అధికారులు.. కబ్జా జరిగిన స్థలం లోపల ఉన్న అయిదుగురు రౌడీలపై పోలీసులకు ఫిర్యాదు చేశారు. రౌడీలను అక్కడి నుంచి ఖాళీ చేయించారు. చెట్లపై సీసీ కెమెరాల ఏర్పాటుతో నిఘా వీటిని తొలగించిన రెవెన్యూ అధికారులు ప్రభుత్వ భూమిని ఆక్రమిస్తే చర్యలు: షేక్‌పేట తహసీల్దార్‌ అనితారెడ్డిఅధికారుల కళ్లుగప్పి.. ఠాణాలో క్రిమినల్‌ కేసులు నమోదైనా.. రౌడీలను తరి మేసినా.. అక్రమ నిర్మాణా లు కూల్చివేసినా.. సదరు కబ్జాదారులు మాత్రం ఈ స్థలంలో తిష్ట వేశారు. ఎలా గైనా భూమిని కబ్జా చేసుకోవాలని ఎన్నో రకాలుగా ప్రయత్నిస్తూ ఉన్నారు. కబ్జాదారుల ఆగడాలకు షేక్‌పేట తహసీల్దార్‌ అనితారెడ్డి చెక్‌ పెట్టినా.. అధికారుల కళ్లు గప్పి సెలవురోజుల్లో కబ్జాదారులు స్థలంలోకి చొచ్చుకొస్తున్నారు. అయిదెకరాల ఈ ప్రభుత్వ స్థలం పూర్తిగా ప్రభుత్వానికి చెందినదేనని.. ఇందులో ఎకరన్నర స్థలం తట్టిఖానా వాటర్‌ రిజర్వాయర్‌ కోసం కేటా యించినట్లు.. మిగతా మూడున్నర ఎకరాల భూమి పక్కాగా ప్రభుత్వానిదేనని తహసీల్దార్‌ అనితారెడ్డి పునరుద్ఘాటించారు. ఈ స్థలంపై ఎలాంటి వివాదాలు లేవని.. అందుకోసమే లోపల హెచ్చరిక బోర్డులతో పాటు బ్లూషీట్లపై ఇది ప్రభుత్వ భూమి అని రాసినట్లు ఆమె తెలిపారు. కబ్జాదారులు మరోసారి స్థలాన్ని ఆక్రమించేందుకు ప్రయత్నిస్తే పోలీసులకు ఫిర్యాదు చేస్తామని ఆమె హెచ్చరించారు.

సాక్షి, సిటీబ్యూరో: సమగ్ర రోడ్డు నిర్వహణ పథకం (సీఆర్‌ఎంపీ) కింద ప్రధాన మార్గాల్లోని రహదారుల నిర్వహణకు జీహెచ్‌ఎంసీ టెండర్లు ఆహ్వానిస్తోంది. ఐదేళ్ల క్రితం ఈ పనుల్ని పెద్ద కాంట్రాక్టు ఏజెన్సీలకిచ్చిన గడువు గత డిసెంబర్‌– జనవరిల్లోనే ముగిసిపోయింది. కానీ.. ఇప్పటివరకు మళ్లీ టెండర్లు పిలవలేదు. గతంలో మాదిరిగానే మళ్లీ పెద్ద ఏజెన్సీలకిచ్చే యోచనలో ఉన్న ఇంజినీరింగ్‌ అధికారులు రెండు రకాల ప్రతిపాదనలతో స్టాండింగ్‌ కమిటీ ఆమోదం పొందారు. స్టాండింగ్‌ కమిటీ ఆమోదం పొందిన విషయాన్ని తెలియజేస్తూ, ప్రభుత్వ అనుమతి కోసం సచివాలయానికి పంపి వేచి చూస్తున్నారు. ప్రభుత్వం నుంచి ఇంకా స్పష్టత రాకపోవడంతో.. తాత్కాలికంగా కొంత కాలం వరకై నా జీహెచ్‌ఎంసీ ఆధ్వర్యంలోనే ఈ పనులు చేసేందుకు తాజాగా టెండర్లు పిలుస్తున్నారు. వాస్తవానికి మే నెల ముగిసేలోగానే రీ కార్పెటింగ్‌, మరమ్మతులు తదితరమైనవి పూర్తి చేయాల్సి ఉండగా, స్పష్టత లేకపోవడంతో పనులు చేయలేదు. తాజాగా సికింద్రాబాద్‌ జోన్‌ పరిధిలో.. ఇప్పటికే అడపాదడపా వర్షాలు కురుస్తున్నాయి. వర్షాకాలంలో పెరిగే వర్షాలకు రోడ్లు దెబ్బతింటాయి. ఇప్పటికే వివిధ సంస్థల అవసరాల కోసం తవ్వకాలకు అనుమతులివ్వడంతో, అనుమతులున్న వాటితోపాటు లేని ప్రాంతాల్లోనూ అడ్డదిడ్డంగా రోడ్లను తవ్వి వదిలేశారు. వాటిని తిరిగి పూడ్చాల్సి ఉంది. వర్షాలకు గోతులు పడితే ప్రజలతో పాటు ప్రతిపక్షాల నుంచి విమర్శలు వెల్లువెత్తుతాయని గ్రహించి.. జూన్‌ వరకు పనుల కోసమంటూ తాజాగా సికింద్రాబాద్‌ జోన్‌లో టెండర్లు పిలిచారు. లేన్‌ మార్కింగ్‌లు, క్యాచ్‌పిట్స్‌ మరమ్మతులు, ఫుట్‌పాత్‌లు, సెంట్రల్‌ మీడియన్లకు రంగులతో సహా సీఆర్‌ఎంపీ రోడ్ల నిర్వహణకు రూ.1.03 కోట్ల అంచనా వ్యయంతో టెండర్లు పిలిచారు. పెద్ద ఏజెన్సీలకిచ్చేందుకు ప్రభుత్వం నుంచి అనుమతి వచ్చేంత వరకు తాత్కాలికంగా ఈ టెండర్లు పిలిచారు. మిగతా జోన్లలోనూ పిలవనున్నట్లు తెలుస్తోంది. లేన్‌మార్కింగ్‌లు, క్యాచ్‌ పిట్స్‌ పనులు సహా.. తాత్కాలికంగా జూన్‌ వరకు మాత్రమే.. ప్రభుత్వ నిర్ణయమేంటో? ఒక ప్రతిపాదన మేరకు గతంలో ఉన్న మార్గాల్లోనే అంతే దూరం పనులుండగా, మరో ప్రతిపాదనలో అదనంగా కొన్ని రోడ్లను చేర్చడంతో పాటు ఈసారి అదనంగా పూడికతీత పనులు కూడా చేర్చారు. గతంలో ఎప్పటికప్పుడు రోడ్ల రీకార్పెటింగ్‌, గుంతల పూడ్చివేత, స్వీపింగ్‌, గ్రీనరీ, ఫుట్‌పాత్‌లు, లేన్‌మార్కింగ్‌ల పనులుండేవి. పాత మార్గాల్లోని రోడ్లకే అయితే.. 744 కి.మీ. నిర్వహణకు అంచనా వ్యయం రూ.2,491 కోట్లు కాగా, కొత్త రోడ్లు కూడా కలిపి 1,142 కి.మీ. నిర్వహణకు రూ.అంచనా వ్యయం రూ.3,825 కోట్లు. గతం కంటే 398 కి.మీ. మేర పనులు, రూ.1,334 వ్యయం అదనం. వీటిలో ప్రభుత్వం దేనికి అనుమతిస్తుందో, లేక ఏం చేస్తుందో వేచి చూడాల్సిందే.

సాక్షి, సిటీబ్యూరో: గుజరాత్‌ కేంద్రంగా వ్యవస్థీకృతంగా సాగిన లగ్జరీ కార్ల అక్రమ రవాణా కేసుపై డైరెక్టరేట్‌ ఆఫ్‌ రెవెన్యూ ఇంటెలిజెన్స్‌ (డీఆర్‌ఐ) అహ్మదాబాద్‌ యూనిట్‌ అధికారులు దర్యాప్తు ముమ్మరం చేశారు. ఈ స్మగ్లింగ్‌లో కీలకంగా వ్యవహరించిన హైదరాబాద్‌ వ్యాపారి బర్షత్‌ ఖాన్‌ ఎగవేసిన కస్టమ్స్‌ సుంకం రూ.25 కోట్ల వరకు ఉంటుందని అంచనా వేస్తున్నారు. తక్షణం రూ.7 కోట్లు చెల్లించాలంటూ ఆదేశించగా... రూ.కోటి కట్టిన బర్షత్‌ మరో రూ.50 లక్షలు చెల్లించడానికి సంసిద్ధత వ్యక్తం చేస్తూ అహ్మదాబాద్‌ కోర్టులో గురువారం బెయిల్‌ కోసం దరఖాస్తు చేసుకున్నారు. ఈ పిటిషన్‌ను తిరస్కరించాలంటూ డీఆర్‌ఐ అధికారులు చేసిన వాదనలతో ఏకీభవించిన కోర్టు ఆ మేరకు నిర్ణయం తీసుకుంది. మరోపక్క ఈ లగ్జరీ కార్లను ఖరీదు చేసిన వారిలో ఇద్దరు హైదరాబాదీలను అహ్మదాబాద్‌ డీఆర్‌ఐ యూనిట్‌ గుర్తించింది. వీరి నుంచి వివరాలు సేకరించేందుకు శుక్రవారం ఓ ప్రత్యేక బృందం హైదరాబాద్‌ చేరుకుంది. విజయ్‌నగర్‌ కాలనీలోని మధ్య తరగతి కుటుంబానికి చెందిన బర్షత్‌ అహ్మద్‌ ఖాన్‌ గచ్చిబౌలిలోని డైమండ్‌ హిల్స్‌లో 2008 నుంచి ఎస్‌కే కార్‌ లాంజ్‌ పేరుతో వ్యాపారం నిర్వహిస్తున్నాడు. అతడి సోదరుడికి రెండు వర్క్‌షాప్స్‌ ఉండటంతో బర్షత్‌ సైతం ఈ రంగంలోకి వచ్చాడు. పలువురు రాజకీయ నాయకులు, అధికారులతో పాటు బడా బిల్డర్లు, కాంట్రాక్టులతో సంబంధాలు ఏర్పాటు చేసుకున్న బర్షత్‌ పదేళ్లలోనే గణనీయమైన స్థాయికి ఎదిగారు. ప్రస్తుతం క్‌లైవ్‌ ఆటోమోటివ్స్‌ ప్రైవేట్‌ లిమిటెడ్‌, బీఏకే కార్‌ లాంజ్‌ సర్వీసెస్‌ ప్రైవేట్‌ లిమిటెడ్‌, బీఏకే కార్‌ లాంజ్‌ ప్రైవేట్‌ లిమిటెడ్‌ సంస్థల్లో డైరెక్టర్‌గా ఉన్నారు. ఇతడి కార్‌ లాంజ్‌ నుంచి ఖరీదైన లగ్జరీ కార్లను ఖరీదు చేసే వారిలోనూ వీళ్లే ఎక్కువగా ఉన్నట్లు తెలిసింది. బర్షత్‌ కస్టమర్లలో అత్యధికులు పన్ను ఎగ్గొట్టడానికి చెల్లింపులన్నీ నగదు రూపంలోనే చేసినట్లు డీఆర్‌ఐ అనుమానిస్తోంది. గడిచిన కొన్నేళ్లల్లో అమెరికా, జపాన్‌లోని హమ్మర్‌ ఈవీ, కాడిలాక్‌ ఎస్కలేడ్‌, రోల్స్‌ రాయిస్‌, లెక్సస్‌, టయోటా ల్యాండ్‌ క్రూయిజర్‌, లింకన్‌ నేవిగేటర్‌ తదితర కంపెనీలకు చెందిన 30 కార్లను అక్రమంగా దిగుమతి చేసుకున్నట్లు డీఆర్‌ఐ గుర్తించింది. ఈ వాహనాలను హైదరాబాద్‌, పుణే, అహ్మదాబాద్‌, బెంగళూరు, ఢిల్లీల్లో బడా వ్యాపారులు, రియల్టర్లకు విక్రయించారని అధికారులు ఆధారాలు సేకరించారు. దాదాపు పది కార్లు హైదరాబాదీలకే అమ్మినట్లు డీఆర్‌ఐ అధికారులు చెప్తున్నారు. వీరిలో ఇద్దరిని గుర్తించిన డీఆర్‌ఐ మిగిలిన వారి కోసం ఆరా తీస్తోంది. లగ్జరీ కార్ల స్మగ్లర్‌ లెక్కలు తేలుస్తున్న అహ్మదాబాద్‌ డీఆర్‌ఐ తక్షణం రూ.ఏడు కోట్లు చెల్లించాలంటూ ఆదేశాలు రూ.కోటి చెల్లించి బెయిల్‌కు దరఖాస్తు హైదరాబాద్‌ చేరుకున్న ప్రత్యేక దర్యాప్తు బృందం నగరానికి చెందిన ఇద్దరు కార్ల కొనుగోలుదారుల గుర్తింపు

బంజారాహిల్స్‌: జూబ్లీహిల్స్‌ డివిజన్‌, షేక్‌పేట మండలం, జూబ్లీహిల్స్‌ రోడ్‌ నెం.78 నవ నిర్మాణ్‌నగర్‌ కాలనీ వెనక ఉన్న ప్రభుత్వ స్థలంలో..ఉమ్మడి ఏపీలో అప్పటి ముఖ్యమంత్రి నారా చంద్రబాబు నాయుడు ఇంట్లో పని చేసే సిబ్బంది కోసం క్వార్టర్లు నిర్మించారు. సర్వే నెం.403లో ఒక్కొక్కరికి 50 గజాల చొప్పున ఈ క్వార్టర్స్‌ నిర్మాణం చేపట్టారు. 1999 ప్రాంతంలో చంద్రబాబు ఇంట్లో పని చేసే సిబ్బంది కోసం ప్రభుత్వ ఖర్చులతో ప్రభుత్వ స్థలంలోనే ఈ క్వార్టర్లు నిర్మించి ఇందులో ఆరుగురికి పట్టాలు కూడా ఇచ్చారు. మరో ఆరు ప్లాట్లు ఖాళీగా ఉన్నాయి. అయితే చంద్రబాబు ఇంట్లో దోభీ, తోటమాలి తదితరులు ఖాళీగా ఉన్న ప్లాట్లలో ఉంటున్నారు. ప్లాట్‌ నెంబర్‌.1లో ఎలాంటి పట్టా లేకుండా సీహెచ్‌.మూర్తి అనే దోభీ కొంత కాలంగా అక్రమంగా నివసిస్తుండటమే కాకుండా..క్వార్టర్స్‌ ముందు రోడ్డును ఆక్రమించి షెడ్డు నిర్మించాడు. దీంతో స్థానికులు రాకపోకలు స్తంభించాయి. ఈ విషయమై కొంత కాలంగా పట్టాలు ఉండి అధికారికంగా ఉంటున్న వారికి, పట్టాలు లేకుండా ఖాళీ ప్లాట్లలో ఉంటున్న వారికి మధ్య రోడ్డు గొడవలు జరుగుతున్నాయి. ఇటీవలి కాలంలో ఇక్కడ సీవరేజి పైప్‌లైన్‌, మంచినీటి పైప్‌లైన్‌ మంజూరు కావడంతో పాటు జీహెచ్‌ఎంసీ రోడ్డు పనులు కూడా ప్రారంభించాల్సి ఉంది. అయితే దోభీ మూర్తి ఆక్రమించిన స్థలంలో షెడ్డు నిర్మాణం వీటికి అడ్డుగా ఉంది. సదరు షెడ్డును తొలగిస్తే పనులు ప్రారంభిస్తామని అధికారులు పేర్కొంటున్నారు. అక్రమ నిర్మాణంపై స్థానికులు షేక్‌పేట తహసీల్దార్‌కు స్థానికులు ఫిర్యాదు చేయడంతో తహసీల్దార్‌ అనితారెడ్డి క్వార్టర్లను పరిశీలించారు. వారి వద్ద ఉన్న పట్టాలు, ఖాళీగా ఉన్న ప్లాట్లపై ఆరా తీశారు. రోడ్డు ఆక్రమించి షెడ్డు ఎలా నిర్మిస్తారని ప్రశ్నించారు. ఇక్కడ ఎలాంటి నిర్మాణాలు చేపట్టినా కూల్చివేస్తామని, అక్రమ నిర్మాణాలు తొలగించేందుకు రెండు రోజుల గడువు ఇస్తున్నామని ఆమె హెచ్చరించారు. మరో వైపు పట్టాలు లేకుండానే కొంత మంది అక్రమార్కులు ప్రభుత్వం నిర్మించిన ఈ క్వార్టర్లలో తిష్టవేసి వీటిని శాశ్వతంగా కాజేసేందుకు నకిలీ పత్రాలు సృష్టిస్తున్నట్లుగా ఆరోపణలు ఉన్నాయి. రెవెన్యూ అధికారులు ఈ విషయంపై స్పందించి అక్రమార్కులను ఖాళీ చేయించి క్వార్టర్స్‌ అన్యాక్రాంతం కాకుండా చూడటంతో పాటు ప్రభుత్వ స్థలాన్ని కాపాడాలని స్థానికులు కోరుతున్నారు. ఉమ్మడి ఏపీలో చంద్రబాబు హయాంలో సిబ్బందికి క్వార్టర్లు వాటిలో తిష్టవేసిన అక్రమార్కులు రెవెన్యూ అధికారుల పరిశీలన అక్రమ నిర్మాణాలు తొలగించాలని ఆదేశం

సాక్షి సిటీబ్యూరో: కొత్త లేఅవుట్‌ల అభివృద్ధికి హెచ్‌ఎండీఏ సన్నాహాలు చేపట్టింది. ఔటర్‌రింగ్‌రోడ్డు చుట్టూ వివిధ ప్రాంతాల్లో రైతుల నుంచి భూములను సేకరించి అభివృద్ధి చేసేందుకు ప్రణాళికలను రూపొందించారు. బీఆర్‌ఎస్‌ హయాంలోనే కొన్ని ప్రాంతాల్లో హైదరాబాద్‌ మహానగర అభివృద్ధి సంస్థ (హెచ్‌ఎండీఏ) సొంత స్థలాలతో పాటు చుట్టుపక్కల ఉన్న రైతుల నుంచి కూడా భూములను సేకరించి భారీ లే అవుట్‌లను ఏర్పాటు చేసేందుకు చర్యలు చేపట్టారు. అనంతరం కాంగ్రెస్‌ అధికారంలోకి రావడంతో రియల్‌ ఎస్టేట్‌ రంగంలో స్తబ్ధత నెలకొనడంతో కొత్త లే అవుట్‌ల ఏర్పాటు ప్రక్రియను వాయిదా వేశారు. ప్రస్తుతం కొంతవరకు సానుకూల పరిస్థితులు నెలకొంటున్న నేపథ్యంలో అధికారులు కొత్త లేఅవుట్‌ల అభివృద్ఙిపై దృష్టి సారించారు. వివిధ ప్రాంతాల్లో రైతుల నుంచి భూముల సేకరణ వివిధ దశల్లో ఉంది. కొన్ని ప్రాంతాల్లో రైతులు స్వచ్ఛందంగా భూములను హెచ్‌ఎండీఏకు అప్పగించేందుకు ముందుకు రావడంతో లే అవుట్‌ల అభివృద్ధికి చర్యలు చేపట్టారు. గతంలో కోకాపేట్‌, బుద్వేల్‌లో నిర్వహించిన ఆన్‌లైన్‌ బిడ్డింగ్‌లో అనూహ్యమైన స్పందన రావడంతో.. మరోసారి అదే స్థాయిలో స్పందన లభించకపోయినప్పటికీ హెచ్‌ఎండీఏ స్వయంగా వెంచర్లను అభివృద్ధి చేసి విక్రయిస్తే రియల్‌ రంగంలో కొంత మార్పు రావచ్చని అధికారులు భావిస్తున్నారు. సుమారు 500 ఎకరాల్లో.. నగర శివార్లలోని కుర్మల్‌గూడ, ప్రతాపసింగారం, దండుమల్కాపురం, లేమూరు, ఇన్ముల్‌నర్వ, కొర్రెముల, నాదర్‌గుల్‌ తదితర ప్రాంతాల్లో నిరుపయోగంగా ఉన్న భూములను గుర్తించారు. ఇప్పటికే ఇన్ముల్‌నర్వలోని 96 ఎకరాలు, లేమూరులో మరో 83 ఎకరాల భూములలో రోడ్లు తదితర మౌలిక సదుపాయాల ఏర్పాటు కోసం చర్యలు చేపట్టారు. మిగతా చోట్ల కుర్మల్‌గూడలో 92 ఎకరాలు, బోగారంలో 125, ప్రతాపసింగారంలో సుమారు 151, దండుమల్కాపురంలో మరో 355 ఎకరాల చొప్పున భూమి ఉన్నట్లు గుర్తింంచారు. తిమ్మాపూర్‌లో 156 ఎకరాలు, కుత్బుల్లాపూర్‌లో 130, కొర్రెములలో 138 ఎకరాలు చొప్పున సేకరించనున్నారు. ఇప్పటి వరకు వివిధ ప్రాంతాల్లో సుమారు వెయ్యి ఎకరాలకు పైగా భూములు అందుబాటులో ఉన్నట్లు అంచనా. రైతుల నుంచి భూముల సేకరణ వివిధ దశల్లో ఉంది. మొదట కనీసం 500 ఎకరాల్లో లే అవుట్‌లను అభివృద్ధి చేసేందుకు ప్రణాళికలను సిద్ధం చేశారు. గతంలో హెచ్‌ఎండీఏ వెంచర్‌లలో ప్లాట్‌లు హాట్‌కేకుల్లా అమ్ముడుపోవడంతోనే రైతులు తమ భూములను హెచ్‌ఎండీఏకు అప్పగించేందుకు ఆసక్తితో ఉన్నట్లు అధికారులు చెప్పారు. కొనుగోలుదారులు సైతం హెచ్‌ఎండీఏపై నమ్మకంతో ముందుకు వస్తున్నారు. ప్రతాపసింగారంలో పనులు.. సుమారు 150 మంది రైతుల నుంచి ప్రతాపసింగారంలో ఇప్పటికే 133 ఎకరాల భూమి సేకరించారు. మరిన్ని భూముల సేకరణకు ప్రయత్నాలు కొనసాగుతున్నాయి. ఇప్పటి వరకు అందుబాటులో ఉన్నవాటితో పాటు కొత్తగా సేకరించనున్న వాటితో కలిపి సుమారు రూ.120 కోట్లతో భారీ వెంచర్‌ను అభివృద్ధి చేయనున్నారు. రైతులకు ఎకరాకు 1,741 చదరపు గజాల చొప్పున అభివృద్ధి చేసిన ప్లాట్లను అందజేయనున్నారు. ఈ ప్రాజెక్టు వల్ల ప్రభుత్వానికి పెద్ద ఎత్తున ఆదాయం లభించనుంది. మూడేళ్ల క్రితమే ఈ వెంచర్‌ ప్రతిపాదనలు సిద్ధం చేశారు. ప్రస్తుతం రోడ్ల నిర్మాణం, మార్కింగ్‌ పనులు కొనసాగుతున్నాయి. నగరానికి తూర్పు వైపున, ఔటర్‌రింగ్‌రోడ్డుకు చేరువలో ఉండడంతో ప్రతాపసింగారం లే అవుట్‌కు అనూహ్యమైన స్పందన లభించవచ్చని అంచనా వేస్తున్నారు. నయా వెంచర్ల ఏర్పాటులో హెచ్‌ఎండీఏ ఔటర్‌ సమీప గ్రామాల్లో లే అవుట్లకు సన్నాహాలు కుత్బుల్లాపూర్‌, కొర్రెముల, కుర్మల్‌గూడ, ప్రతాపసింగారంలలో..

మూడంతస్తుల నివాస భవనంలో చెలరేగిన మంటలు ● పసిపాప సహా ఏడుగురిని కాపాడిన ఫైర్‌ సిబ్బంది ● షార్ట్‌ సర్క్యూట్‌తోనే ప్రమాదం జరిగిందన్న పోలీసులు అఫ్జల్‌గంజ్‌: అఫ్జల్‌గంజ్‌లోని మహారాజ్‌గంజ్‌లో గురువారం ఉదయం భారీ అగ్నిప్రమాదం సంభవించింది. మూడంతస్తుల నివాస భవనంలో ఆకస్మికంగా మంటలు చెలరేగాయి. హుటాహుటిన అగ్నిమాపక సిబ్బంది భవనంలోని ఏడాది చిన్నారి సహా మరో ఏడుగురిని నిచ్చెన ద్వారా కిటికీల నుంచి బయటికి తీసుకువచ్చి రక్షించారు. అగ్నిమాపక సిబ్బంది సకాలంలో స్పందించడంతో పెను ప్రమాదం తప్పిందని స్థానికులు పేర్కొన్నారు. పూర్తి వివరాలు ఇలా ఉన్నాయి.. నగరంలోనే ప్రముఖ వ్యాపార కేంద్రమైన మహారాజ్‌గంజ్‌లోని మూడంతస్తుల భవనంలో రెండు కుటుంబాలు నివసిస్తున్నాయి. భవనంలో గురువారం ఉదయం అకస్మాత్తుగా మంటలు చెలరేగాయి. అందులో అప్పటికే ఉంటున్న రెండు కుటుంబాలకు చెందిన కిశోర్‌ లాల్‌వాని, రాజు లాల్‌వాని, లక్ష్మీ లాల్‌వాని, జ్యోతిరామ్‌, ప్రియ, యాష్‌, సమర్థ్‌లతో పాటు ఏడాది వయసున్న చిన్నారిని ఫైర్‌ సిబ్బంది సురక్షిత ప్రాంతానికి తరలించారు. మొదటి అంతస్తు నుంచి రెండు మూడు అంతస్తులకు వేగంగా మంటలు వ్యాపించడంతో మొదట నాలుగు ఫైర్‌ ఇంజిన్లతో మంటలు ఆర్పేందుకు అగ్నిమాపక సిబ్బంది ప్రయత్నించారు. మంటలను అదుపులోకి తీసుకువచ్చేందుకు సాయంత్రం వరకూ శ్రమించారు. దాదాపు 20 ఫైర్‌ ఇంజిన్లు వాడినట్లు అంచనా. కాగా.. ఈ భవనంలో ప్లాస్టిక్‌ గోదాంను నిర్వహిస్తుండడంతో మంటలు వేగంగా వ్యాప్తి చెందినట్లు పలువురు చెబుతున్నారు. షార్ట్‌ సర్క్యూట్‌ కారణంగానే అగ్ని ప్రమాదం జరిగినట్లు ఫైర్‌ అధికారులు గుర్తించారు. ఆస్తినష్టం ఎంత వాటిల్లిందనే విషయం తెలియాల్సి ఉందని పోలీసులు చెబుతున్నారు. కాగా.. ప్రమాద ఘటనపై ఎంపీ అనిల్‌కుమార్‌ యాదవ్‌, గోషామహల్‌ ఎమ్మెల్యే రాజాసింగ్‌, కార్పొరేటర్‌ శంకర్‌ యాదవ్‌ తదితరులు పరిశీలించారు.

సోమవారం నుంచి శనివారం వరకు పని ప్రణాళికలు సాక్షి, సిటీబ్యూరో: హైదరాబాద్‌ డిజాస్టర్‌ రెస్పాన్స్‌ అండ్‌ అసెట్‌ ప్రొటెక్షన్‌ ఏజెన్సీకి (హైడ్రా) ఓ టైమ్‌ టేబుల్‌ సిద్ధమైంది. వారంలో ఏ రోజు ఏ పని చేయాలి? అనేది కమిషనర్‌ ఏవీ రంగనాథ్‌ నిర్దేశించారు. దీనికి అనుగుణంగా ఆయన చర్యలు తీసుకుంటున్నారు. ప్రజల నుంచి వచ్చే ఫిర్యాదుల పరిష్కారం, హైడ్రా సంస్థాగత నిర్మాణం, క్షేత్ర స్థాయి పరిశీలన.. ఇలా ప్రతి అంశానికీ సమప్రాధాన్యం ఇస్తూ ఈ ప్రణాళికలు సిద్ధమయ్యాయి. ఈ వారం నుంనే ఈ విధానాలను అమలులోకి తీసుకువచ్చారు. మరోపక్క హైడ్రా కోసం ఇటీవల కొనుగోలు చేసిన 122 వాహనాలను అధికారులు, సిబ్బందికి అందజేశారు. సోమవారం ప్రజావాణితో మొదలై.. రాణిగంజ్‌లోని బుద్ధభవన్‌లో ఉన్న హైడ్రా ప్రధాన కార్యాలయంలో ప్రతి సోమవారం ప్రజావాణి నిర్వహిస్తున్నారు. ఆరోజు ఔటర్‌ రింగ్‌రోడ్‌ (ఓఆర్‌ఆర్‌) వరకు ఉన్న వివిధ ప్రాంతాల నుంచి పెద్ద ఎత్తున ఫిర్యాదుదారులు వస్తున్నారు. ప్రతి వారం కనీసం 50 నుంచి 60 మంది వస్తుండటంతో ఉదయం నుంచి సాయంత్రం వరకు సమయం పడుతోంది. చెరువుల ఫుల్‌ ట్యాంక్‌ లెవల్‌ (ఎఫ్‌టీఎల్‌), బఫర్‌ జోన్‌ సహా వివిధ అంశాల గుర్తింపునకు హైడ్రా నేషనల్‌ రిమోట్‌ సెన్సింగ్‌ సెంటర్‌ తో పాటు ప్రముఖ సంస్థల సహకారం తీసుకుంటోంది. ఆయా ఏజెన్సీల ద్వారా సాంకేతిక పరిజ్ఞానాన్ని అభివృద్ధి చేస్తోంది. ఈ అంశాల పురోగతిని పర్యవేక్షించడానికి హైడ్రా కమిషనర్‌ రంగనాథ్‌ ప్ర తి మంగళవారం రివ్యూలు ఏర్పాటు చేస్తున్నారు. కీలక ఫిర్యాదులపై క్షేత్రస్థాయి పర్యటన.. ప్రజావాణితో పాటు ఇతర విధానాల్లో హైడ్రాకు అందిన ఫిర్యాదులను అధికారులు అన్ని కోణాల్లోనూ పరిశీలిస్తున్నారు. దీనికోసం రెవెన్యూ, న్యాయశాఖ సహా వివిధ విభాగాల నుంచి అధికారులు డిప్యుటేషన్‌పై హైడ్రాలో పని చేస్తున్నారు. సున్నితమైన, కీలకాంశాలను స్వయంగా హైడ్రా కమిషనర్‌ పర్యవేక్షిస్తున్నారు. దీనికోసం ప్రతి బుధవారం క్షేత్రస్థాయి పర్యటనలు ప్రారంభించారు. ఇందులో భాగంగానే బుధవారం ఉదయం రంగారెడ్డి జిల్లా కోహెడ నుంచి పర్యటన మొదలు పెట్టిన రంగనాథ్‌ రాత్రి 7.30 గంటలకు మేడ్చల్‌ జిల్లా బౌరంపేటతో ముగించారు. గురువారం హైడ్రా పరిపాలన పరమైన అంశాలపై దృష్టి పెడుతున్న కమిషనర్‌ అంతర్గత సమావేశాలు నిర్వహిస్తున్నారు. శుక్రవారం ప్రజావాణి ద్వారా వచ్చిన ఫిర్యాదులు, వాటి పురోగతి, తీసుకున్న/తీసుకోవాల్సిన చర్యలపై సమీక్షలు నిర్వహిస్తున్నారు. ప్రతి శనివారం హైడ్రా ఆధ్వర్యంలో వర్క్‌షాప్స్‌ నిర్వహిస్తున్నారు. వీటిని నిపుణులతో పాటు మాజీ, ప్రస్తుత అధికారులను ఆహ్వానిస్తున్నారు. ఈ శనివారం నగరంలోని నాలాలపై చేపట్టాలని నిర్ణయించారు. ఒక్కో రోజు ఒక్కో పని చేసేలా కమిషనర్‌ ఆదేశాలు స్వయంగా పర్యవేక్షిస్తున్న ఏవీ రంగనాథ్‌ అధికారులు, క్షేత్రస్థాయి సిబ్బందికి వాహనాల కేటాయింపు ద్విచక్ర వాహనంతో పాటు హెల్మెట్‌ సైతం.. డిజాస్టర్‌ రెస్పాన్స్‌ ఫోర్స్‌ (డీఆర్‌ఎఫ్‌) బలగాలతో పాటు హైడ్రాలో పని చేసే అధికారులు, క్షేత్ర స్థాయి సిబ్బంది కోసం హైడ్రా 122 వాహనాలు ఖరీదు చేసింది. వీటిలో 21 ట్రక్కుల్ని కేవలం ప్రకృతి వైపరీత్యాలు, రెస్క్యూ కార్యకలాపాలకే వినియోగించనున్నారు. ఈ నేపథ్యంలోనే ప్రత్యేక ఉపకరణాలను వాహనంలో అందుబాటులో ఉంచారు. ఉన్నతాధికారులు, అధికారుల కోసం నాలుగు ఇన్నోవా క్రిస్టాలు, 55 స్కార్పియోలు ఖరీదు చేశారు. డీఆర్‌ఎఫ్‌తో పాటు అసెట్‌ ప్రొటెక్షన్‌ విభాగానికి చెందిన సిబ్బంది తరలింపు కోసం ఐదు మినీ బస్సుల్ని ఖరీదు చేశారు. క్షేత్ర స్థాయిలో విధులు నిర్వర్తించే సిబ్బంది వినియోగించడానికి 37 ద్విచక్ర వాహనాలు కొన్నారు. ఈ వాహనాలను అధికారులు, సిబ్బందికి కేటాయింపు పూర్తి చేశారు. కమిషనర్‌ రంగనాథ్‌ ఆదేశాల మేరకు ద్విచక్ర వాహనంతో పాటు కచ్చితంగా హెల్మెట్‌ కూడా పంపిణీ చేశారు. వాహనం నడిపే సమయంలో కచ్చితంగా దాన్ని ధరించాలని స్పష్టం చేస్తున్నారు.

సాక్షి, సిటీబ్యూరో: జంట నగరాలకు తాగునీరు అందించే ఉస్మాన్‌సాగర్‌కు (గండిపేట చెరువు) మురుగు ముప్పు తప్పింది. ఖానాపూర్‌, నాగులపల్లి నుంచి వచ్చే మురుగు నీరు బుల్కాపూర్‌ నాలా ద్వారా గండిపేటలోకి వెళ్లకుండా హైడ్రా కొత్త గేట్లు ఏర్పాటు చేసింది. వరద సమయంలో ఆ నీరు గండిపేటకు చేరేలా ఉండే రెండు గేట్లు శిథిలం కావడం, దీనిపై మీడియాలో వచ్చిన కథనాలతో హైడ్రా ఈ చర్య తీసుకుంది. శిథిలమైన గేట్లను పరిశీలించడానికి గతంలో హైడ్రా కమిషనర్‌ ఏవీ రంగనాథ్‌ అధికారుల బృందంతో కలిసి క్షేత్ర స్థాయిలో పర్యటించారు. అక్కడ పరిస్థితులు చూసిన ఆయన తక్షణం మరమ్మతులను చేపట్టాలని ఆదేశించారు. దీంతో శిథిలమైన రెండు గేట్ల స్థానంలో కొత్తవి అమర్చారు. బుల్కాపూర్‌ నాలాలో పేరుకుపోయిన చెత్త కొంతమేర తొలగించి మురుగు నీరు ముందుకు వెళ్లేలా ఏర్పాటు చేశారు. ఈ నాలా ఒకప్పుడు కేవలం వరద కాలువగా ఉండేది. శంకర్‌పల్లిలోని బుల్కాపూర్‌ చెరువు నుంచి ఖానాపూర్‌, కోకాపేట, నార్సింగ్‌, పుప్పాలగూడ, మణికొండ, దర్గా, షేక్‌పేట్‌, టోలిచౌకి, పోచమ్మ బస్తీ, చింతలబస్తీ మీదుగా హుస్సేన్‌సాగర్‌ వరకు వర్షపు నీటిని తీసుకెళ్లిన చరిత్ర ఈ నాలాకు ఉంది. ప్రస్తుతం నాలాకు ఎగువన ఉన్న నివాసాలు, వాణిజ్య సముదాయాలు, రిసార్టుల నుంచి బయటకు వస్తున్న మురుగు నీరు దీని ద్వారానే ప్రవహిస్తోంది. బుల్కాపూర్‌ నాలాను పూర్తి స్థాయిలో పునరుద్ధరిస్తే ప్రయోజనాలుంటాయని, హుస్సేన్‌సాగర్‌కు వర్షపు నీటిని తీసుకువెళ్లే ఏకై క నాలా ఇదేనని స్థానికులు చెబుతున్నారు. దీంతో నాలా పునరుద్ధరణపైనా హైడ్రా ప్రత్యేక దృష్టి సారించింది. బుల్కాపూర్‌ నాలాకు ‘హైడ్రా‘ గేట్లు దీని పునరుద్ధరణపై అధికారుల దృష్టి

మూసీ నది దక్షిణ ఒడ్డున సరికొత్త ఆధునిక ఎస్‌బీఆర్‌ సాంకేతికతతో నిర్మించిన నాగోలు ఎస్టీపీ దేశంలోనే అతి పెద్దది. ఇప్పటి వరకు ఎస్టీపీలకు యూఏఎస్‌బీ, ఎంబీబీఆర్‌, ఈఏబీఎన్‌ఆర్‌ టెక్నాల జీ వినియోగించగా.. సరికొత్త ఎస్‌బీఆర్‌ టెక్నాలజీతో సుమారు రూ.800 కోట్ల అంచనా వ్యయంతో 320 ఎమ్మెల్డీ సామర్థ్యం గల ఎస్టీపీని 15 ఎకరాల్లో నిర్మించారు. ఇటీవల వాటర్‌ డైజెస్ట్‌ అనే అంతర్జాతీయ సంస్థ యునెస్కో భాగస్వామ్యంతో 2024 –2025 సంవత్సరానికి గాను ప్రభుత్వ కేటగిరీలో ఉత్తమ ఎస్టీపీగా నాగోలు ఎంపిక చేసి జలమండలికి వరల్డ్‌ వాటర్‌ అవార్డు ప్రదానం చేసింది. పర్యావరణ అనుకూలత, సమర్థ మురుగు నీటి శుద్ధి, నీటి పునర్వినియోగం, ఆరోగ్యకర వాతావరణాన్ని అందిస్తున్నందుకు ఉత్తమ ఎస్టీపీగా ఎంపిక చేసింది. మురుగు నీటి పరిస్థితి ఇలా.. ● హైదరాబాద్‌ అర్బన్‌ ఆగ్లోమెరేషన్‌ పరిధిలో ప్రస్తుతం రోజువారీగా 1,950 మిలియన్‌ లీటర్‌ గ్యాలన్ల (ఎమ్మెల్డీ) మురుగు నీరు ఉత్పన్నమవుతోంది. ఇందులో జీహెచ్‌ఎంసీ పరిధిలో 1,650 ఎమ్మెల్డీ ఉంటుంది. జలమండలి ఇప్పటికే 37 ఎస్టీపీల ద్వారా 1,444 ఎమ్మెల్డీ మురుగు నీటిని శుద్ధి చేస్తోంది. మరో 322 ఎమ్మెల్డీ సామర్థ్యం గ ల ఐదు ఎస్టీపీలు నిర్మాణ పనులు పూర్తి చేసుకుని ట్రయల్‌ రన్‌ దశలో ఉండగా.. సుమారు 113.5 ఎమ్మెల్డీ సామర్థ్యంగల మూడు ఎస్టీపీల నిర్మాణ పనులు చివరి దశలో ఉన్నాయి. ఇవి పూర్తయితే దాదాపు 1,878 ఎమ్మెల్డీల మురుగు శుద్ధి చేయవచ్చు. మిగిలిన 72 ఎమ్మెల్డీల మురుగును శుద్ధి చేయాల్సి అవసరం ఉంటుంది. ● గత ప్రభుత్వం వంద శాతం మురుగు శుద్ధి లక్ష్యంతో సుమారు రూ.3,866.21 కోట్ల వ్యయంతో 3 ప్యాకేజీల్లో 5 సర్కిళ్లలో కొత్తగా 31 ఎస్టీపీల నిర్మాణాలకు సిద్ధం కాగా.. స్థలాల సేకరణ, ఇతరత్రా కారణాలతో వాటి సంఖ్యను ఇరవై ఎస్టీపీలకు కుదించినా సామర్థ్యం తగ్గకుండా పనులు పూర్తి చేసింది. అందులో ఇప్పటికే 12 ఎస్టీపీలు మురుగునీటిని శుద్ధి చేస్తుండగా, మరో ఎనిమిది ఎస్టీపీలు ప్రారంభానికి సిద్ధంగా ఉన్నాయి. హ్యామ్‌ మోడ్‌లో అమృత్‌ ఎస్టీపీలు కేంద్ర ప్రభుత్వ అమృత్‌ 2.0 పథకం కింద మంజూరైన 39 ఎస్టీపీలు హ్యామ్‌ మోడ్‌లో నిర్మించనున్నారు. ఇప్పటికే టెండర్‌ ప్రక్రియ పూర్తి కావడంతో నిర్మాణ పనులకు సిద్ధమవుతున్నాయి. మొత్తం ఎస్టీపీల్లో ఒకటి పీపీపీ మోడ్‌లో.. మిగిలిన 38 హైబ్రిడ్‌ అన్నూయిటీ మోడల్‌ (హ్యామ్‌)విధానంలో నిర్మించనున్నారు. ఇవి అందుబాటులోకి వస్తే 972 ఎమ్మెల్డీల మురుగును శుద్ధి చేయవచ్చు. వాటి నిర్మాణ పనులు రెండు ప్యాకేజీల్లో పూర్తి చేయనున్నారు. ప్యాకేజీ–1లో 16 ఎస్టీపీలును, ప్యాకేజీ–2లో 22 ఎస్టీపీలు నిర్మిస్తారు. నిర్మాణ సంస్ధ ఎస్టీపీలను నిర్మించి 15 ఏళ్లపాటు నిర్వహణకు చేపట్టనుంది. మూసీపై ఎస్టీపీల ప్రతిపాదన ● హైదరాబాద్‌ సమగ్ర సీవరేజీ మాస్టర్‌ ప్లాన్‌లో భాగంగా మూసీ నదిపై సుమారు 62 ఎస్టీపీల నిర్మాణాల కోసం రాష్ట్ర ప్రభుత్వం కేంద్రానికి ప్రతిపాదన సమర్పించింది. మహా నగరంలోని 80 శాతం మురుగు మూసీ నదిలోకి చేరుతోంది. మిగిలిన 20 శాతం స్థానిక చెరువుల్లో కలుస్తోంది. నగరంలో మూసీ నది సుమారు 55 కి.మీ మేర ప్రవహిస్తుండటంతో దానికిరువైపులా మురుగు కలుస్తోంది. రాబోయే పదేళ్లలో విస్తరించే హైదరాబాద్‌ అర్బన్‌ ఆగ్లోమెరేషన్‌ పరిధిలో రోజువారీగా 2,815 ఎమ్మెల్డీల మురుగు నీరు ఉత్పన్నం కావచ్చని జలమండలి అంచనా వేసింది. దీంతో మూసీపై మురుగు నీటి శుద్ధి కోసం ఎస్టీపీలను ప్రతిపాదించింది. ● ప్రస్తుతం మహానగరంలో 9,769 కిలో మీటర్లు మాత్రమే సీవరేజీ పైపులైన్‌ నెట్‌వర్క్‌ విస్తరించి ఉంది. కొత్తగా జీహెచ్‌ఎంసీ పరిధిలో 2.656 కి.మీ, ఓఆర్‌ఆర్‌ పరిధిలో 4,378 కి.మీ మేర విస్తరించాలన్న ప్రతిపాదనలు పెండింగ్‌లో ఉన్నాయి. ఇక మురుగు శుద్ధి.. వంద శాతం ఇప్పటికే 37 ఎస్టీపీలు.. త్వరలో మరో 8 అందుబాటులోకి అమృత్‌ 2.0 కింద కొత్తగా 39 నిర్మాణాలు.. కేంద్రం వద్ద మరో 62 ఎస్టీపీలకు ప్రతిపాదనలు ముందస్తుగా పదేళ్ల వరకు ఉత్పత్తయ్యే సీవరేజీపై ప్రణాళిక నాగోల్‌ ఎస్టీపీ పని తీరుతో జలమండలికి ‘వరల్డ్‌ వాటర్‌’ అవార్డు దక్షిణాసియాలోనే వంద శాతం మురుగును శుద్ధి చేసే తొలి నగరంగా రికార్డు సృష్టించేందుకు హైదరాబాద్‌ మహానగరం సిద్ధమవుతోంది. రాబోయే పదేళ్ల వరకు ఉత్పత్తయ్యే మురుగును సైతం శుద్ధి చేసేందుకు ముందస్తు ప్రత్యేక కార్యాచరణ ప్రణాళికతో జలమండలి అడుగులు వేస్తోంది. సరికొత్త సాంకేతికతో మురుగు శుద్ధి కేంద్రాల (ఎస్టీపీ) నిర్మాణ పనులు పూర్తి చేస్తోంది. తాజాగా అమృత్‌ 2.0 పథకం కింద మరో 39 ఎస్టీపీల నిర్మాణాలకు సిద్ధమైంది. – సాక్షి, సిటీబ్యూరో ముందస్తు ప్రణాళికతో.. నగరం శరవేగంగా విస్తరిస్తోంది. రాబోయే పదేళ్లలో ఉత్పత్తయ్యే మురుగు నీటిని అంచనా వేసి.. శుద్ధి ప్రక్రియ కోసం ముందస్తు ప్రణాళిక రూపొందించాం. మురుగు నీటి శుద్ధి కేంద్రాలను నిర్మిస్తున్నాం. ప్రస్తుతం ఉత్పత్తి అవుతున్న మురుగు నీటిని వంద శాతం శుద్ధి చేసే విధంగా ఎస్టీపీల నిర్మాణ పనులు పూర్తి చేశాం. భవిష్యత్తు అవసరాల కోసం అమృత్‌ ఎస్టీపీలు నిర్మిస్తున్నాం. మూసీలో కలిసే మురుగు నీటిని సైతం శుద్ధి కోసం ఎస్టీపీలను ప్రతిపాదించాం. – అశోక్‌ రెడ్డి, జలమండలి ఎండీ అత్యాధునిక సాంకేతికతతో.. సరికొత్త సాంకేతిక ‘సీక్వెన్షియల్‌ బ్యాచ్‌ రియాక్టర్‌ (ఎస్‌బీఆర్‌) టెక్నాలజీతో మురుగు నీటి శుద్ధి కేంద్రాలను నిర్మిస్తున్నాం. తక్కువ విస్తరణ, తక్కువ విద్యుత్‌తో ఎక్కువ మురుగు నీటిని ఇవి శుద్ధి చేస్తాయి. నిర్మాణ వ్యయం తక్కువే. మ్యాన్‌పవర్‌ లేకుండా పూర్తిగా ఆటోమెటిక్‌గా మురుగు నీటి శుద్ధి ప్రక్రియ కొనసాగుతోంది. – సుదర్శన్‌, జలమండలి డైరెక్టర్‌

మేడిపల్లి: కుటుంబ కలహాల నేపథ్యంలో ఓ మహిళ తన ముగ్గు కుమార్తెలతో సహా చెరువులోకి దూకి ఆత్మహత్యకు పాల్పడిన సంఘటన మేడిపల్లి పోలీస్‌ స్టేషన్‌లో పరిధిలో చోటు చేసుకుంది. మృతురాలి బంధువులు, స్థానికుల కథనం మేరకు వివరాలిలా ఉన్నాయి. మహబూబ్‌ నగర్‌ జిల్లా కన్మనూరు గ్రామానికి చెందిన నాగరాజు, సుజాత (32) ప్రేమించి పెళ్లి చేసుకున్నారు. బతుకుదెరువు నిమిత్తం నగరానికి వలసవచ్చిన వీరు నారపల్లి, మహాలక్ష్మిపురం కాలనీలో నివాసం ఉంటున్నారు.సుజాత చెరుకు రసం బండి నడుపుతుండగా, నాగరాజు ఆటో నడుపుతూ జీవనం సాగిస్తున్నారు. వీరికి ముగ్గురు ఆడపిల్లలు అక్షిత(13), ఉదయశ్రీ(11) వర్షిణి(6) ఉన్నారు. కొన్నాళ్లుగా భార్యాభర్తల మధ్య గొడవలు జరుగుతుండటంతో బుధవారం పెద్ద మనుషులు పంచాయితీ చేసి ఇద్దరికి సర్దిచెప్పారు. అయితే అదేరోజు రాత్రి మళ్లీ గొడవ జరగడంతో మనస్తాపానికి లోనైన సుజాత గురువారం ముగ్గురు పిల్లలతో సహా నారపల్లి చెరువులోకి దూకి అత్మహత్యకు పాల్పడింది. దీనిని గుర్తించిన స్థానికులు చెరువులోకి దూకి వారిని బయటికి తీశారు. అయితే అప్పటికే సుజాత, చిన్న కుమార్తె వర్షిణి మృతి చెందారు. అపస్మారకస్థితిలో ఉన్న అక్షిత, ఉదయశ్రీని గాంధీ ఆసుపత్రికి తరలించారు.వారి పరిస్థితి విషమంగా ఉన్నట్లు బంధువులు తెలిపారు. మృతదేహాలను పోస్టుమార్టం నిమిత్తం గాంధీ అసుపత్రికి తరలించారు. సుజాత బంధువుల ఫిర్యాదు మేరకు మేడిపల్లి పోలీసులు కేసు నమోదు చేసుకుని దర్యాప్తు చేస్తున్నారు. ● తల్లి, చిన్న కుమార్తె మృతి ● ఇద్దరు పిల్లలను కాపాడిన స్థానికులు

వీసా, పాస్‌పోర్టుల ట్యాంపరింగ్‌శంషాబాద్‌: వీసా, పాస్‌పోర్టులను ట్యాంపరింగ్‌ చేయడంతో పాటు నిబంధనలకు విరుద్ధంగా విజిటింగ్‌ వీసాలపై అమాయకులను ఉద్యోగాల పేరుతో విదేశాలకు పంపుతున్న ఓ ముఠాలోని ఇద్దరు సభ్యులను ఆర్‌జీఐఏ ఔట్‌పోస్టు, శంషాబాద్‌ ఎస్‌ఓటీ పోలీసులు గురువారం అరెస్ట్‌ చేసి రిమాండ్‌కు తరలించారు. శంషాబాద్‌ ఏసీపీ శ్రీకాంత్‌గౌడ్‌ కథనం మేరకు వివరాలు ఇలా ఉన్నాయి.. ఈ నెల 13న పశ్చిమగోదావరి జిల్లాకు చెందిన వెంకటరమణమ్మ కువైట్‌ వెళ్లేందుకు శంషాబాద్‌ ఎయిర్‌పోర్టుకు వచ్చింది. ఆమె పాస్‌పోర్టు, వీసాలను పరిశీలించిన అధికారులు ట్యాంపరింగ్‌ జరిగినట్లు గుర్తించి ఆమెను అడ్డుకున్నారు. దీంతో బాధితురాలు ఆర్‌జీఐఏ ఔట్‌పోస్టు పోలీసులకు ఫిర్యాదు చేసింది. తనతో పాటు మరికొందరికి ఇదే తరహాలో పశ్చిగోదావరి జిల్లాకు చెందిన ఏజెంట్లు కువైట్‌లో ఉద్యోగానికి పంపేందుకు తప్పుడు వీసాలు ఇచ్చినట్లు ఫిర్యాదులో పేర్కొంది. కేసు నమోదు చేసుకుని దర్యాప్తు చేపట్టిన పోలీసులు పశ్చిమగోదావరి జిల్లా పెనుగొండకు చెందిన సత్యనారాయణ, చిలుకూరు బాలాజీ, హైదరాబాద్‌కు చెందిన అంజి, కడప జిల్లాకు చెందిన సుంకర శివకుమార్‌, గోపాల్‌ ముఠాగా ఏర్పడి గల్ఫ్‌ ఏజెంట్లుగా పనిచేస్తున్నారు. నిరక్షరాస్యులు, అమాయకులను టార్గెట్‌ చేసుకుని కువైట్‌లో ఉద్యోగాలు ఇప్పిస్తామని వారి నుంచి డబ్బులు వసూలు చేస్తున్నారు. వర్కింగ్‌ వీసా కోసం నిబంధనల ప్రకారం ప్రొటెక్షన్‌ ఆఫ్‌ ఇమిగ్రేంట్‌ సర్టిఫికెట్‌ ఉండాల్సి ఉండగా వీరు దానిని తీసుకోకుండా వర్కిగ్‌ వీసా రద్దయినట్లు నకిలీ స్టాంపులతో క్యాన్సిల్డ్‌ ముద్రలు వేస్తున్నారు. అనంతరం బాధితులకు విజిటింగ్‌ వీసాలు అందజేసి ముందుగా మస్కట్‌కు పంపి అక్కడి నుంచి వారిని కువైట్‌కు పంపుతున్నారు. ఈ క్రమంలో పాస్‌పోర్టు, వీసాలను ట్యాంపరింగ్‌ చేయడంతో పాటు పీఓఈ సర్టిఫికేట్‌ లేకుండా విదేశాలకు పంపుతున్నారు. విజిటింగ్‌ వీసాలపై వెళుతున్న అమాయకులు పలు ప్రాంతాల్లో పట్టుబడుతూ మోసపోతున్నారు. నిందితుల ఆచూకీపై సమాచారం అందడంతో గురువారం నాంపల్లిలోని ఓ హోటల్‌పై దాడి చేసి చిలుకూరి బాలాజీ, సుంకర శివకుమార్‌లను అరెస్ట్‌ చేశారు. మరో ముగ్గురు పరారీలో ఉన్నట్లు తెలిపారు.వీరి నుంచి ట్యాంపరింగ్‌ చేసిన 14 వీసాలు, 14 పాస్‌పోర్టులు, 16 విమాన టికెట్లు, 2 నకిలీ స్టాంపులు, ఏడు సెల్‌ఫోన్లు, 1 ల్యాప్‌టాప్‌ స్వాఽధీనం చేసుకున్నారు. కేసును ఛేదించిన ఆర్‌జీఐఏ ఔట్‌ పోస్టు సీఐ బాలరాజు, ఎస్‌ఓటీ ఇన్‌స్పెక్టర్‌ సంజయ్‌కుమార్‌, ఎస్‌ఐ సిద్దేశ్వర్‌ తదితరులను ఏసీపీ అభినందించడంతో పాటు రివార్డులను అందజేశారు. మహిళ ఫిర్యాదుతో వెలుగులోకి నలుగురి ముఠా సభ్యుల్లో ఇద్దరి అరెస్ట్‌ ఉద్యోగాల పేరుతో విజిటింగ్‌ వీసాలపై విదేశాలకు పంపుతున్న వైనం

నాంపల్లి: పట్టపగలు.. నడిరోడ్డుపై అందరూ చూస్తుండగానే ఓ యువకుడిని ముగ్గురు గుర్తు తెలియని వ్యక్తులు కత్తులతో వెంబడించి దారుణంగా హత్య చేసిన సంఘటన గురువారం ఉదయం రెడ్‌హిల్స్‌ ప్రాంతంలో చోటు చేసుకుంది. పోలీసుల కథనం మేరకు వివరాలిలా ఉన్నాయి. పాతబస్తీ హఫీజ్‌ బాబానగర్‌కు చెందిన యాన్‌ ఖురేషీ (22) తన బావ మరిది హత్య కేసులో నిందితుడిగా ఉన్నాడు. 17 ఏళ్ల వయస్సులోనే హత్యకు పాల్పడిన అతను జువైనల్‌ హోమ్‌కు వెళ్లాడు. కంచన్‌బాగ్‌ పోలీసు స్టేషన్‌లో నమోదైన ఈ కేసుపై నాంపల్లి క్రిమినల్‌ కోర్టులో విచారణ జరుగుతోంది. గురువారం ఉదయం కేసు విచారణకు హాజరైన యాన్‌ ఖురేషీ బైక్‌పై ఇంటికి తిరిగి వెళ్తుండగా రెడ్‌హిల్స్‌లోని ఎంఎన్‌జే కేన్సర్‌ ఆసుపత్రి ఎదుట గుర్తు తెలియని వ్యక్తులు బ్యాట్‌తో దాడి చేశారు. కిందపడ్డ అతడిపై దాడి చేసి కత్తులతో గొంతు కోశారు. అంతటితో ఆగకుండా కడుపులో కసితీరా పొడిచారు. దీనిపై సమాచారం అందడంతో నాంపల్లి పోలీసులు, క్లూస్‌ టీమ్‌ బృందం సంఘటనా స్థలాన్ని పరిశీలించారు. పంచనామా నిర్వహించి మృతదేహాన్ని పోస్టుమార్టం నిమిత్తం ఉస్మానియా మార్చురీకి తరలించారు. నిందితులను పట్టుకునేందుకు మూడు బృందాలను ఏర్పాటు చేశారు. సీసీ కెమెరాల ద్వారా నిందితులను గుర్తించినట్లు నాంపల్లి పోలీసులు తెలిపారు. పాత కక్షల కారణంగానే హత్య జరిగినట్లుగా అనుమానిస్తున్నారు. మృతుడి కుటుంబసభ్యుల ఫిర్యాదు మేరకు కేసు నమోదు చేసుకుని దర్యాప్తు చేస్తున్నారు. రెడ్‌హిల్స్‌లో ఘటన

నాంపల్లి: నకిలీ సర్టిఫికెట్లు విక్రయిస్తున్న ముగ్గురు వ్యక్తులను అరెస్ట్‌ చేసిన దక్షిణ మండలం టాస్క్‌ఫోర్స్‌ పోలీసులు వారి నుంచి 15 నకిలీ సర్టిఫికెట్లు, మూడు మొబైల్‌ ఫోన్లు, రూ. 8 వేల నగదు స్వాధీనం చేసుకున్నారు. పోలీసుల కథనం మేరకు వివరాలిలా ఉన్నాయి. మాసబ్‌ట్యాంక్‌ ప్రాంతానికి చెందిన షాబాజ్‌ ఖాన్‌, ముర్తుజా నగర్‌కు చెందిన మహ్మద్‌ అబ్దుల్‌ ఇస్మాయిల్‌, శాలివాహన నగర్‌కు చెందిన కడారి రమేష్‌ నకిలీ సర్టిఫికెట్ల దందా నిర్వహిస్తున్నట్లు పోలీసులకు సమాచారం అందడంతో దాడి చేసిన పోలీసులు ముగ్గురు నిందితులను అదుపులోకి తీసుకున్నారు. కేసు నమోదు చేసిన పోలీసులు నిందితులను అరెస్టు చేసి రిమాండ్‌కు తరలించారు. పసికందును చిదిమేశాడు గోల్కొండ: కన్న కూతురిని కంటికి రెప్పలా కాపాడాల్సిన తండ్రే ఆమె పాలిట కాలయముడయ్యాడు. 11 రోజుల పసికందును తన మరో నాలుగేళ్ల కుమార్తె ఎదుటే దారుణంగా గొంతు కోసి హత్య చేసిన సంఘటన గురువారం గోల్కొండ పోలీస్‌స్టేషన్‌ పరిధిలో వెలుగులోకి వచ్చింది. ఇన్‌స్పెక్టర్‌ బి.సైదులు కథనం మేరకు వివరాలిలా ఉన్నాయి. నేపాల్‌కు చెందిన జగత్‌ నగరానికి వలస వచ్చి అపార్ట్‌మెంట్‌ల వద్ద వాచ్‌మెన్‌గా పని చేస్తున్నాడు. ఆరేళ్ల క్రితం అతడి మొదటి భార్య చనిపోవడంతో తమ దేశానికే చెందిన గౌరీ అనే మహిళను రెండో పెళ్లి చేసుకున్నాడు. షేక్‌పేట్‌ గుల్షన్‌ కాలనీలోని ఓ అపార్ట్‌మెంట్‌ వద్ద సెక్యూరిటీ గార్డుగా పని చేస్తున్న జగత్‌ కుటుంబంతో కలిసి అక్కడే వాచ్‌మెన్‌ రూంలో నివాసం ఉంటున్నాడు. వారికి ఓ కుమార్తె (4) ఉంది. 11 రోజుల క్రితం అతడి భార్య గౌరీ మరో ఆడబిడ్డకు జన్మనిచ్చింది. మద్యానికి బానిసైన జగత్‌ తరచూ తాగివచ్చి రాత్రి వేళల్లో భార్యతో గొడవపడేవాడు. ఇదిలా ఉండగా బుధవారం రాత్రి గదిలోనుంచి పసికందును తీసుకుని అపార్ట్‌మెంట్‌ గేటు బయటికి తెచ్చాడు. దీనిని గుర్తించిన అతడి పెద్ద కూతురు (4) తండ్రి వెంటే వచ్చింది. అనంతరం జగత్‌ పసికందును గేటు పక్కన రోడ్డుపై పడుకోబెట్టి గొంతు కోశాడు. అనంతరం చిన్నారి మృతదేహాన్ని టవల్‌లో చుట్టుకుని ఏమీ జరగనట్లు ఇంట్లోకి తీసుకెళ్లాడు. అప్పటికే భార్య నిద్రలో ఉండడంతో పసికందు మృతదేహాన్ని గదిలోని మూలన దాచాడు. తెల్లవారుజామున నిద్ర లేచిన అతడి భార్య గౌరి చిన్నారి కనిపించకపోవడంతో అపార్ట్‌మెంట్‌వాసులకు చెప్పింది. దీంతో వారు సీసీ కెమెరాలు పరిశీలించగా జగత్‌ చిన్నారిని హత్య చేసిన విషయం వెలుగులోకి వచ్చింది. గౌరి ఫిర్యాదు మేరకు కేసు నమోదు చేసిన గోల్కొండ పోలీసులు నిందితుడు జగత్‌ కోసం గాలింపు చేపట్టారు. అతను మెహిదీపట్నంలో ఉన్నట్లు గుర్తించి అదుపులోకి తీసుకుని విచారించగా నేరం అంగీకరించాడు. మృతదేహాన్ని సెవన్‌ టూమ్స్‌– టోలిచౌకీ రోడ్డులోని డస్ట్‌ బిన్‌లో పడేసినట్లు చెప్పాడు. పోలీసులు చిన్నారి మృతదేహాన్ని స్వాధీనం చేసుకుని ఉస్మానియా మార్చురీకి తరలించారు. టోలిచౌకీ ఏసీపీ సయ్యద్‌ ఫయాజ్‌ పర్యవేక్షణలో ఇన్‌స్పెక్టర్‌ సైదులు కేసు దర్యాప్తు చేస్తున్నారు. ● 11 రోజుల కుమార్తెను గొంతు కోసి చంపిన తండ్రి ● మరో కుమార్తె ఎదుటే ఘాతుకం ● పోలీసుల అదుపులో నిందితుడు

బంజారాహిల్స్‌: రాంగ్‌రూట్‌లో రావడమే కాకుండా ఆపినందు కు ట్రాఫిక్‌ కానిస్టేబుల్‌పై దురుసుగా ప్రవర్తించిన సినీ హీరో బెల్లంకొండ సాయి శ్రీనివాస్‌పై జూబ్లీహి ల్స్‌ పోలీసులు కేసు నమోదు చేయడమే కాకుండా గురువారం విచారణకు పిలిపించారు. రెండు రోజుల క్రితం జరిగిన ఘటనపై ఆ రా తీయడమే కాకుండా రాంగ్‌రూట్‌లో ఎందుకు వెళ్లాల్సి వచ్చిందని, మధ్యా హ్నం ఎక్కడి నుంచి వస్తున్నారంటూ ప్రశ్నించారు.అతడికి చెందిన బీవైడీ కారును సీజ్‌ చేశారు. 41ఏ నోటీసు ఇచ్చి తాము పిలిచినప్పుడు విచారణకు హాజరుకావాలని సూచించారు. శ్రీనివాస్‌పై జూబ్లీహిల్స్‌ ట్రాఫిక్‌ కానిస్టేబుల్‌ ఇచ్చిన ఫిర్యాదు మేరకు పలు సెక్షన్ల కింద కేసులు నమోదు చేశారు. సుమారు గంట పాటు ఆయనను జూబ్లీహిల్స్‌ పోలీసులు విచారించారు.

సాక్షి, సిటీబ్యూరో: నగరంలో ప్రభుత్వ చౌకధరల దుకాణాల ద్వారా పంపిణీ చేస్తున్న సన్నబియ్యం కోటాపై పోర్టబిలిటీ విధానం తీవ్ర ప్రభావం చూపుతోంది. పోర్టబిలిటీ విధానంలో ఏ రేషన్‌ షాపు నుంచైనా సరుకులు డ్రా చేసుకునే వెసులుబాటు ఉండటంతో లబ్ధిదారులు తమకు కేటాయించిన షాపులోనే కాకుండా ఎక్కడ పడితే అక్కడ కోటా డ్రా చేస్తున్నారు. వాస్తవంగా గత నెల వరకు దొడ్డు బియ్యం పంపిణీ కొనసాగడంతో కోటా డ్రా చేసేందుకు పెద్దగా ఆసక్తి కనబరిచేవారు కాదు. తాజాగా సన్నబియ్యం పంపిణీ జరుగుతుండటంతో కోటా డ్రా చేసేందుకు గత వారం రోజులుగా రేషన్‌ షాపుల ముందు క్యూ కడుతున్నారు. పోర్టబిలిటీ విధానంలో బియ్యం కోటా డ్రా కారణంగా రేషన్‌ దుకాణాల్లో నిల్వలు నిండుకుంటున్నాయి. ఫలితంగా బియ్యం కోటా డ్రాకు రేషన్‌ షాపుల చుట్టూ లబ్ధిదారులు చక్కర్లు కొటాల్సిన పరిస్థితి నెలకొంది. 17.40 లక్షల కుటుంబాలు.. గ్రేటర్‌ పరిధిలో రేషన్‌ కార్డులు కలిగిన సుమారు 17.40 లక్షల కుటుంబాలున్నాయి. ఇందులో ఈ నెల 8 వరకు సుమారు 11.02 లక్షల కుటుంబాలు సన్న బియ్యం కోటాను డ్రా చేసుకున్నట్లు పౌరసరఫరాల శాఖ గణాంకాలు స్పష్టం చేస్తున్నాయి. అందులో కేవలం పోర్టబిలిటీ విధానంలోనే సుమారు 6.92 కుటుంబాలు తమ కోటాను డ్రా చేసుకున్నట్లు తెలుస్తోంది. జిల్లాల వారీగా పరిశీలిస్తే హైదరాబాద్‌ పరిధిలో 2.98 లక్షలు, రంగారెడ్డి పరిధిలో 1.74 లక్షలు, మేడ్చల్‌ మల్కాజిగిరి జిల్లా పరిధిలో 2.19 లక్షల కార్డుదారులున్నట్లు తెలుస్తోంది. కేటాయింపు కంటే.. అదనంగా ప్రభుత్వ చౌకధరల దుకాణాల పరిధిలోని రేషన్‌ కార్డులు అందులోని యూనిట్లను బట్టి బియ్యం కోటాను పౌరసరఫరాల శాఖ కేటాయిస్తోంది. ప్రతినెలా బియ్యం కోటా సుమారు 70 నుంచి 85 శాతం వరకు డ్రా అవుతోంది. పోర్టబిలిటీ విధానంలో సుమారు 10 నుంచి 15 శాతం బియ్యం కోటా డ్రా చేసినా.. మిగిలిన కోటా సర్దుబాటు అవుతోంది. కొన్నిసార్లు అదనంగా మరో 10 శాతం కోటా కూడా కేటాయింపు జరగడంతో నిల్వలపై పెద్దగా ప్రభావం ఉండదు. అయితే.. ఈసారి సన్నబియ్యం పంపిణీ జరుగుతుండటంతో డ్రా తాకిడి పెరిగింది. గత నెలలో ఎన్నికల కోడ్‌ కారణంగా హైదరాబాద్‌ పరిధిలో సన్న బియ్యం కోటా పంపిణీ జరగలేదు. ఈ నెలలో సన్నబియ్యం పంపిణీ కొనసాగుతుండటంతో లబ్ధిదారుల కుటుంబాల ఆసక్తి పెరిగింది. గ్రేటర్‌ పరిధిలో ఈనెల 8వ తేదీ వరకు సన్న బియ్యం కోటా డ్రా ఇలా..జిల్లా మొత్తం కార్డులు కోటా డ్రా డ్రా చేసిన చేసిన కార్డులు బియ్యం (కిలోలు) హైదరాబాద్‌ 6,39,452 4,12,909 95,93,318 రంగారెడ్డి 5,71,820 3,46,444 77,42,776 మేడ్చల్‌–మల్కాజిగరి 5,29,698 3,43,480 75,63,696 సన్నబియ్యం పంపిణీపై తీవ్ర ప్రభావం రేషన్‌ షాపుల్లో నిండుకుంటున్న నిల్వలు కోటా కోసం లబ్ధిదారుల చక్కర్లు ఇప్పటివరకు 64 శాతం బియ్యం డ్రా 15 వరకు బియ్యం కోటా గడువు రేషన్‌ సరుకుల డ్రా గడువు ఈ నెల 15తో ముగియనుంది. అయితే ఇప్పటి వరకు కేవలం 64 శాతం కార్డు దారులు మాత్రమే బియ్యం కోటాను డ్రా చేశారు. మరో 36 శాతం డ్రా చేయాల్సి ఉంటుంది. మొత్త బియ్యం డ్రా చేసిన కుటుంబాల్లో సైతం సగం మంది పోర్టబిలిటీ విధానంలో సరుకులు డ్రా చేసినట్లు అధికార గణాంకాలు స్పష్టం చేస్తున్నాయి. సరిహద్దు జిల్లాల రేషన్‌ కార్డు కలిగిన కుటుంబాలు కూడా నగరంలో సుమారు మూడున్నర లక్షల ఉండటంతో వారు కూడా ఇక్కడే పోర్టబిలిటీ విధానంలో సరుకులు డ్రా చేస్తున్నట్లు తెలుస్తోంది. దీనిని బట్టి హైదరాబాద్‌, రంగారెడ్డి జిల్లా, మేడ్చల్‌–మల్కాజిగిరి జిల్లా రేషన్‌ కార్డులు కలిగిన కుటుంబాలు సగానికి పైగా సరుకులు డ్రా చేయనట్లు అర్ధమవుతోంది. ఇప్పటికే రేషన్‌ షాపుల్లో బియ్యం నిల్వలు నిండుకుండటంతో పేద కుటుంబాలు ఆందోళన వ్యక్తం చేస్తున్నారు. సత్వరమే స్టాక్‌ కొరత ఉన్న రేషన్‌ షాపులకు అదనపు బియ్యం కోటా సరఫరా చేయాలని వారు విజ్ఞప్తి చేస్తున్నారు.

శిథిల భవనాలతోవర్షా కాలంలో ప్రమాదాలు జరగకుండా చర్యలు సాక్షి, సిటీబ్యూరో: వర్షాకాలంలో ప్రమాదాలు జరగకుండా ఉండేందుకు తగిన చర్యలు తీసుకోవడంపై జీహెచ్‌ఎంసీ దృష్టి సారించింది. శిథిలావస్థలో ఉన్న భవనాలను సర్వే చేసి, ప్రమాదకర భవనాలు, కట్టడాలకు సంబంధించి తగిన చర్యలు తీసుకోవాల్సిందిగా కమిషనర్‌ కర్ణన్‌ టౌన్‌ప్లానింగ్‌ అధికారులను ఆదేశించారు. ఈమేరకు సర్క్యులర్‌ జారీ చేశారు. ప్రాధాన్యతతో పనులు పూర్తి చేయాలని పేర్కొన్నారు. సర్క్యులర్‌లోని ఆదేశాల మేరకు వివరాలు ఇలా ఉన్నాయి.. సర్కిళ్లలో సంబంధిత టౌన్‌ప్లానింగ్‌ అధికారులు పూర్తిస్థాయిలో సర్వే జరిపి శిథిల భవనాలు, పాత ప్రహరీలు తదితరమైనవి గుర్తించాలి. వాటి వివరాలను ఇంజినీరింగ్‌ విభాగానికి పంపించి స్ట్రక్చరల్‌ స్టెబిలిటీ పరీక్షలు చేయించి నివేదిక తెప్పించుకోవాలి. గత సంవత్సరం నివేదిక మేరకు మిగిలిపోయిన శిథిల భవనాలతో సహ మొత్తం ఎన్ని శిథిలభవనాలున్నాయో గుర్తించాలి. ప్రభుత్వ పాఠశాలల భవనాలు ప్రమాదకరంగా ఉంటే వెంటనే తగిన చర్యల కోసం సంబంధిత ప్రిన్సిపాల్‌ లేదా విద్యాశాఖ డైరెక్టర్‌ దృష్టికి తీసుకెళ్లాలి. ప్రైవేటు భవనాలకు సంబంధించి నిబంధనల కనుగుణంగా నోటీసులు జారీ చేయాలి. ప్రమాదకర భవనాలపై చర్యలు అత్యంత ప్రమాదకరంగా ఉన్న భవనాలను వెంటనే ఖాళీ చేయించే, సీల్‌ వేసే చర్యలు చేపట్టాలి. శిథిల నిర్మాణాల చుట్టూ బారికేడింగ్‌ చేయడంతో పాటు ప్రజలు వాటి సమీపంలో సంచరించకుండా హెచ్చరిక బోర్డులు ఉంచాలి. నోటీసులందుకున్న భవన యజమానులు మరమ్మతు చర్యలు చేపడితే ప్రమాణాలకు అనుగుణంగా మరమ్మతులు జరిగిందీ, లేనిదీ గుర్తించాలి. మరమ్మతులు చేయించిన యజమానుల నుంచి స్ట్రక్చరల్‌స్టెబిలిటీ సర్టిఫికెట్లు తీసుకోవాలి. కూల్చివేతలకు స్పెషల్‌ డ్రైవ్స్‌ ప్రమాదకర భవనాలను నిర్ణీత వ్యవధుల్లో కూల్చివేసేందుకు స్పెషల్‌డ్రైవ్స్‌ నిర్వహించాలి. అన్ని సర్కిళ్ల డిప్యూటీ సిటీ ప్లానర్లు / అసిస్టెంట్‌ సిటీ ప్లానర్‌లు తక్షణమే చర్యలు చేపట్టి ప్రధాన కార్యాయానికి నివేదిక అందజేయాలి. చీఫ్‌ఇంజినీర్‌ (మెయింటనెన్స్‌) సంబంధిత ఎగ్జిక్యూటివ్‌ ఇంజినీర్లు స్ట్రక్చరల్‌ స్టెబిలిటీ సర్టిఫికెట్లు త్వరితంగా ఇచ్చేలా చూడాలి.శిథిల భవనాల అప్‌డేటెడ్‌ సమాచారాన్ని గూగుల్‌ స్ప్రెడ్‌షీట్‌లో జియో కోఆర్డినేట్స్‌ లింక్‌తో సహ అందజేయాలి. జోనల్‌ కమిషనర్లు తమ సర్కిళ్లలో ఈ పనుల్ని సమీక్షిస్తూ, నిర్ణీత వ్యవధిలో పూర్తయ్యేలా సంబంధిత అధికారులను సమన్వయం చేయాలి. శిథిల, ప్రమాదకర భవనాల విషయంలో పై ఆదేశాలు పాటించని, నిర్లక్ష్యం కనబరిచే అధికారులపై క్రమశిక్షణ చర్యలు తీసుకోనున్నట్లు హెచ్చరించారు. పూర్తిస్థాయి సర్వే.. ప్రమాదకర భవనాల కూల్చివేతలు అధికారులకు జీహెచ్‌ఎంసీ కమిషనర్‌ కర్ణన్‌ ఆదేశాలు

సాక్షి, సిటీబ్యూరో: హైదరాబాద్‌ నుంచి హనోయ్‌లోని నోయ్‌బాయ్‌ విమానాశ్రయానికి కొత్తగా విమాన సర్వీసులు ప్రారంభమయ్యాయి. ఇప్పటి వరకు వియట్‌జైట్‌ ఎయిర్‌లైన్స్‌కు చెందిన సర్వీసులు మాత్రమే అందుబాటులో ఉండగా కొత్తగా వియత్నాం ఎయిర్‌లైన్స్‌ సర్వీసులు మొదలయ్యాయి. నగరం నుంచి వియత్నాం వెళ్లే పర్యాటకుల సంఖ్య క్రమంగా పెరుగుతుండడంతో విమాన సర్వీసులకు సైతం భారీ డిమాండ్‌ నెలకొంది. కొత్తగా ప్రారంభించిన వియత్నాం ఎయిర్‌లైన్స్‌ ఫ్లైట్‌ (వీఎన్‌–984) హైదరాబాద్‌ అంతర్జాతీయ విమానాశ్రయం నుంచి ప్రతి ఆది, బుధ, శుక్ర వారాల్లో రాత్రి 11.45 గంటలకు బయలుదేరుతుంది. హనోయ్‌ స్థానిక కాలమానం ప్రకారం ఉదయం 5.25 గంటలకు అక్కడికి చేరుకుంటుంది. తిరుగు ప్రయాణంలో వియత్నాం ఎయిర్‌లైన్స్‌ ఫ్లైట్‌ (వీఎన్‌–985) హనోయ్‌ నుంచి ప్రతి ఆది, బుధ, శుక్ర వారాల్లో సాయంత్రం 7.15 గంటలకు బయలుదేరి రాత్రి 10.15 గంటలకు హైదరాబాద్‌ చేరుకుంటుంది. మారుతోంది డెస్టినేషన్‌.. ● సాధారణంగా హైదరాబాద్‌ నుంచి ఎక్కువ మంది పర్యాటకులు దుబాయ్‌, సింగపూర్‌, థాయ్‌లాండ్‌, మలేసియా తదితర దేశాలకు రాకపోకలు సాగిస్తారు. హైదరాబాద్‌ అంతర్జాతీయ విమానాశ్రయం నుంచి ప్రతి రోజు సుమారు 12 వేల మందికిపైగా విదేశాలకు వెళ్లే ప్రయాణికులు ఉంటే వారిలో 60 శాతానికి పైగా ఈ నాలుగైదు దేశాలకు రాకపోకలు సాగించే వాళ్లే ఎక్కువ. కాగా.. కొంతకాలంగా సిటీ టూరిస్టుల డెస్టినేషన్‌లు మారుతున్నాయి. కొత్త ప్రదేశాల్లో పర్యటించేందుకు ఎక్కువ మంది ఆసక్తి చూపుతున్నారు. సోలోగా వెళ్లే వారికి, కుటుంబాలతో సహా కలిసి వెళ్లాలనుకొనే వాళ్లను వియత్నాం విశేషంగా ఆకట్టుకుంటోంది. గత సంవత్సరం భారత్‌ నుంచి సుమారు 5 లక్షల మంది వియత్నాం సందర్శించినట్లు అంచనా. వీరిలో తెలుగు రాష్ట్రాల నుంచి ప్రత్యేకించి హైదరాబాద్‌ అంతర్జాతీయ విమానాశ్రయం నుంచి వియత్నాంలోని వివిధ ప్రాంతాలకు రాకపోకలు సాగించినవాళ్లు లక్ష మందికిపైగా ఉంటారని అమీర్‌పేట్‌కు చెందిన ఒక ప్రముఖ ట్రావెల్స్‌ సంస్థ వెల్లడించింది. ● వియత్నాంకు పర్యాటక ప్యాకేజీలను అందజేస్తున్న సంస్థలకు సైతం డిమాండ్‌ పెరిగింది, సులభంగా వీసాలు లభించడం, విమాన చార్జీలు, పర్యాటక ఖర్చులు కూడా తక్కువ మొత్తంలోనే ఉండడం వల్ల ఎక్కువ మంది వియత్నాంను సందర్శిస్తున్నారు. ‘ఆ దేశంలో వందల కొద్దీ పర్యాటక స్థలాలు ఉన్నాయి. చారిత్రక ప్రదేశాలు ఉన్నాయి. ఆ దేశంలోని ఒక్క డానాంగ్‌ ప్రాంతాన్నే సుమారు 2.22 లక్షల మంది భారతీయ పర్యాటకులు గత సంవత్సరం సందర్శించారు.’అని వాల్మీకి ట్రావెల్స్‌ సంస్థ వ్యవస్థాపకులు హరికిషన్‌ తెలిపారు. ప్రస్తుతం హైదరాబాద్‌ నుంచి కనెక్టివిటీ పెరగడంతో ఎక్కువ మంది సందర్శించేందుకు అవకాశం ఉంటుందని పేర్కొన్నారు. సిటీ టూరిస్ట్‌ నయా డెస్టినేషన్‌ వియత్నాం ఎయిర్‌లైన్స్‌ సర్వీసులు ప్రారంభం తెలుగు రాష్ట్రాల నుంచి వియత్నాంకు పెరిగిన టూర్లు ఒక అందమైన దేశం.. సహజమైన దీవులు, ప్రకృతి రమణీయమైన ప్రదేశాలు, ఆహ్లాదకరమైన వాతావరణం విశేషంగా ఆకట్టుకుంటున్నాయి. ఆ దేశంలోని హనోయ్‌, హోచిమిన్‌ సిటీ, హాలోంగ్‌ బే, హోయి ఆన్‌, సాపా, హ్యూ,పాంగ్‌న, బిన్‌తన్‌, మయిచావ్‌, కావోబాంగ్‌ వంటి సుమారు 45 ప్రముఖ పర్యాటక స్థలాలను ఎక్కువ మంది సందర్శిస్తున్నారు.

ఇతర మెట్రోల పరిస్థితుల నుంచి పాఠం నేర్చుకోవాలి హైడ్రా మరింత బలోపేతం ముఖ్యమంత్రి ఆలోచన, ప్రభుత్వ ఆకాంక్షకు అనుగుణంగా హైడ్రా ఏర్పాటైంది. గడిచిన పది నెలల్లో ప్రజలకు చేరువై వారి మన్ననలు పొందింది. దీని ఏర్పాటు దేశంలోనే ఓ చారిత్రక నిర్ణయం అని ఇండియన్‌ స్కూల్‌ ఆఫ్‌ బిజినెస్‌ (ఐఎస్‌బీ) సైతం తన వ్యాసంలో కితాబిచ్చింది. ప్రజా సంక్షేమం కోసమే హైడ్రా పని చేస్తోంది. ఇప్పుడు పోలీసుస్టేషన్‌ కూడా రావడంతో మరింత బలోపేతం అవుతోంది. చెరువులకు సంబంధించిన ఎఫ్‌టీఎల్‌ నిర్ధారణకు సంబంధించిన కీలక ఫొటోలు మరో నెలన్నరలో నేషనల్‌ రిమోట్‌ సెన్సింగ్‌ సెంటర్‌ నుంచి అందుతాయి. నాలాల పునరుద్ధరణకు డేటా సేకరిస్తున్నాం. – ఏవీ రంగనాథ్‌, హైడ్రా కమిషనర్‌ సాక్షి, సిటీబ్యూరో: ‘బెంగళూరులో తాగునీరు, ముంబై, చైన్నెలలో వరద సమస్యల కారణంగా అనేక సంస్థలు అక్కడ నుంచి తరలి వెళ్లిపోతున్నాయి. ఢిల్లీలో కాలుష్యం కారణంగా పార్లమెంట్‌ నుంచి పాఠశాలల వరకు మూతపడే పరిస్థితి ఉంటుంది. మానవ తప్పిదం వల్ల అవి నివాసయోగ్యం కాని నగరాలుగా మారుతున్నాయి. వాటి నుంచి మనం గుణపాఠం నేర్చుకుని, పాఠంగా స్వీకరించాలి. లేదంటే హైదరాబాద్‌ కూడా వాటి సరసన చేరుతుంది. అందుకే ఎవరు ఏమి అనుకున్నా, ఎలాంటి విమర్శలు చేసినా నియంత్రించాలని, నిలువరించాలని అవసరమైతే ఆక్రమణదారుల్ని నిర్మూలించాలని నిర్ణయించుకుని హైడ్రాను ఏర్పాటు చేశాం’ అని ముఖ్యమంత్రి రేవంత్‌రెడ్డి పేర్కొన్నారు. గురువారం బుద్ధభవన్‌ వద్ద హైడ్రా పోలీసుస్టేషన్‌కు ఆయన ప్రారంభోత్సవం చేశారు. ఈ విభాగం అధికారిక వెబ్‌సైట్‌తో పాటు ప్రత్యేక వాహనాలను ఆవిష్కరించారు. కార్యక్రమంలో మేయర్‌ గద్వాల్‌ విజయలక్ష్మి, ఎంపీ అనిల్‌కుమార్‌ యాదవ్‌, హోం సెక్రటరీ రవి గుప్తా తదితరులు హాజరయ్యారు. ప్రకృతి విధ్వంసం జరిగినా ఫర్వాలేదా..? ఈ సందర్భంగా ముఖ్యమంత్రి మాట్లాడుతూ.. ‘హైడ్రా అంటే పేదల ఇళ్లు కూలగొట్టడానికి పెట్టినట్లు కొందరు చిత్రీకరిస్తున్నారు. వాళ్ల ఆలోచనలు, విధానాలతో నాకు ఆశ్చర్యం కలుగుతోంది. హైదరాబాద్‌లో ప్రకృతి విధ్వంసం జరిగినా.. నగరం కుప్పకూలినా ఫర్వాలేదు, నగరం కాలుష్య నగరంగా మారి ప్రజలు పారిపోయినా ఫర్వాలేదనే కుట్ర, కసి, కడుపుమంట వారి మాటల్లో కనిపిస్తోంది. మూసీ, ఈసీ నీటిని ఒడిసిపట్టడానికి వీటిని నిర్మించారు. అప్పటి నుంచి ఇప్పటి హైటెక్‌ సిటీ వరకు వివిధ సందర్భాల్లో నగరాన్ని పునరుద్ధరించుకుంటూ, అభివృద్ధి చేసుకుంటూ ముందుకు వెళ్లాం. అయితే చరిత్రలో చాలాసార్లు ప్రజలు నగరానికి వలస వచ్చినప్పుడల్లా సంప్రదాయ ప్రాంతాలను వదిలేసి కొత్త ప్రాంతాలను అభివృద్ధి చేసుకుంటూ వెళ్తున్నాం. పాత నగరాన్ని వదిలేసి కొత్తకొత్తవి అభివృద్ధి చేసుకుంటూ వెళ్లున్నాం. ఇలా కొన్నాళ్లు గడిస్తే వారసత్వంగా మనకు అందినవి కాలగర్భంలో కలిసిపోతాయి. దీన్ని దృష్టిలో పెట్టుకుని ఇది ఓల్డ్‌ సిటీ కాదు ఒరిజినల్‌ సిటీ అనే ఉద్దేశంతో పునరుద్ధరణ చేయాలని ఆలోచన చేశాం’ అని వ్యాఖ్యానించారు. సీఎంగా చెప్పినా ఆశించిన ఫలితాలు రాలేదు... ‘పోలీసు విభాగంలో ఏసీబీ, సీఐడీ, ఆక్టోపస్‌.. ఇవన్నీ ఒకేసారి అమలులోకి రాలేదు. అవసరాలు, పరిస్థితులకు తగ్గట్టు కొత్త శాఖలను ఏర్పాటు చేసుకున్నాం. ఎలక్ట్రిసిటీ, ఇరిగేషన్‌, పోలీసు ఇలా అనేక శాఖల మధ్య సమన్వయ లోపంతో సమస్య వచ్చినప్పుడు ఎవరి పరిష్కరించాలనే అంశంలో ఇబ్బందులు వస్తున్నాయి. శాఖల మధ్య సమన్వయం కోసం ముఖ్యమంత్రిగా నేను చెప్పినా ఆశించిన మేరకు ఫలితాలు రాలేదు. దీనిపై అనుభవజ్ఞులతో మాట్లాడి కీలక నిర్ణయాలు తీసుకున్నా’ అని వివరించారు. ‘1908లో వచ్చిన వరదల్ని చూసి భోరున విలపించిన నిజాం గొప్ప ఆలోచనతో మోక్షగుండం విశ్వేశ్వరయ్య ద్వారా వరదల నిరోధానికి ప్రణాళికలు చేశారు. అప్పట్లో వారు మొదలుపెట్టిన, విశ్వేశ్వరయ్య అందించిన గొప్ప కట్టడాలే మూసీ, ఉస్మాన్‌సాగర్‌, హిమాయత్‌సాగర్‌’లు అని రేవంత్‌రెడ్డి పేర్కొన్నారు. ఎవరెన్ని విమర్శలు చేసినా ముందుకే వెళతాం హైడ్రా ఠాణా ప్రారంభోత్సవంలో సీఎం రేవంత్‌ రెడ్డి

రాజేంద్రనగర్‌: తోటి మనిషికి సాయం చేసేందుకు వెళ్లిన ఓ డ్రైవర్‌ కారు ఢీకొని మృతి చెందిన సంఘటన రాజేంద్రనగర్‌ పోలీస్‌స్టేషన్‌ పరిధిలో గురువారం చోటు చేసుకుంది. రాజేంద్రనగర్‌ పోలీసుల కథనం మేరకు వివరాలిలా ఉన్నాయి. సిద్దిపేట రుద్రారం ప్రాంతానికి చెందిన మనోజ్‌ కుమార్‌ (25) కారు డ్రైవర్‌గా పని చేస్తున్నాడు. గత 15 నెలలుగా మాదాపూర్‌లోని లాంగ్‌ డ్రైవ్‌ కార్స్‌లో పని చేస్తున్న అతను అక్కడే ఉంటున్నాడు. బుధవారం రాత్రి కారులో శంషాబాద్‌ వెళ్లిన అతను ఓఆర్‌ఆర్‌ మీదుగా గచ్చిబౌలికి తిరిగి వెళుతున్నాడు. హిమాయత్‌సాగర్‌ వద్దకు రాగానే అప్పా నుంచి శంషాబాద్‌ వైపు వెళుతున్న ఓ ఇన్నోవా కారు టైర్‌ పేలి అదుపు తప్పి డివైడర్‌ను ఢీ కొట్టి ఆగిపోయింది. దీంతో సదరు కారు డ్రైవర్‌ ఆజం టైర్‌ మార్చేందుకు ప్రయత్నిస్తున్నాడు. అదే సమయంలో వెనకే వస్తున్న స్విఫ్ట్‌ డిజైర్‌ కారు డ్రైవర్‌ పవన్‌ దీనిని గమనించి తన వాహనాన్ని పక్కకు ఆపి అతడికి సహాయం చేస్తున్నాడు. ఇదే సమయంలో అటుగా వెళుతున్న మనోజ్‌ కుమార్‌ కూడా తన వాహనాన్ని పక్కన పార్కు చేసి రోడ్డు దాటి ఇన్నోవా కారు వద్దకు వచ్చాడు. జాకీ తీసుకుని టైర్‌ మార్చేందుకు ప్రయత్నిస్తుండగా వెనుకాల నుంచి వేగంగా దూసుకొచ్చిన మరో కారు ఇన్నోవాతో పాటు మనోజ్‌ను ఢీకొట్టింది. ఈ ఘటనలో తీవ్రంగా గాయపడిన అతను అక్కడికక్కడే మృతి చెందాడు. మరో డ్రైవర్‌ పవన్‌తో పాటు ఇన్నోవా యజమాని ఆజంలకు గాయాలయ్యాయి. ఈ ఘటనతో ఓఆర్‌ఆర్‌పై వాహనాల రాకపోకలు ఎక్కడికక్కడ నిలిచిపోయాయి. రాజేంద్రనగర్‌ లా అండ్‌ ఆర్డర్‌, ట్రాఫిక్‌ పోలీసులు, ఓఆర్‌ఆర్‌ సిబ్బంది సంఘటనా స్థలానికి చేరుకున్నారు. మూడు వాహనాలను తొలగించి ట్రాఫిక్‌ను క్రమబద్దీకరించారు. పంచనామా నిర్వహించి మృతదేహన్ని ఉస్మానియా మార్చురీకి తరలించారు. గాయపడిన ఇద్దరిని ప్రైవేటు ఆసుపత్రికి తరలించారు. మనోజ్‌ కుమార్‌ తండ్రి రామస్వామి ఫిర్యాదు మేరకు కేసు నమోదు చేసుకున్న పోలీసులు దర్యాప్తు చేస్తున్నారు. ● యువకుడి దుర్మరణం ● కారు టైరు మారుస్తుండగా ఢీకొన్న మరో కారు ● మరో ఇద్దరికి గాయాలు ● ఓఆర్‌ఆర్‌పై ఘటన

బంజారాహిల్స్‌: మొబైల్‌ స్నాచింగ్‌ల కోసం బైక్‌ చోరీకి పాల్పడిన ఇద్దరు పాత నేరస్తులను జూబ్లీహిల్స్‌ పోలీసులు గురువారం అరెస్టు చేసి రిమాండ్‌కు తరలించారు. వివరాల్లోకి వెళితే..ఆగాపురాకు చెందిన నసీర్‌ఖాన్‌ అలియాస్‌ నజీర్‌ ఆటోడ్రైవర్‌గా పని చేసేవాడు. అప్జల్‌సాగర్‌కు చెందిన ఇర్ఫాన్‌ఖాన్‌ అలియాస్‌ అర్మాస్‌ ఫర్నీచర్‌ షాపులో వర్కర్‌గా పని చేస్తున్నాడు. స్నేహితులైన వీరు జల్సాలకు అలవాటు పడ్డారు. వీరిపై నగరంలోని పలు పోలీస్‌స్టేషన్ల పరిధిలో మొబైల్‌ స్నాచింగ్‌లతో పాటు బైక్‌ చోరీలు, హత్యాయత్నం కేసులు ఉన్నాయి. ఏప్రిల్‌ 18న హయత్‌నగర్‌లో ఓ బైక్‌ చోరీ చేసిన బైక్‌ చోరీ చేసిన రషీద్‌ ఖాన్‌ అదే బైక్‌పై ఇర్ఫాన్‌ఖాన్‌తో కలిసి ఏప్రిల్‌ 30న బంజారాహిల్స్‌, జూబ్లీహిల్స్‌ పోలీస్‌స్టేషన్ల పరిధిలో 5 మొబైల్‌ స్నాచింగ్‌లకు పాల్పడ్డారు. ఫిర్యాదు అందుకున్న జూబ్లీహిల్స్‌ పోలీసులు నిందితుల కోసం గాలింపు చేపట్టారు. జూబ్లీహిల్స్‌లో స్నాచింగ్‌ జరిగిన ప్రాంతం నుంచి నాలుగు రోజుల పాటు 100 సీసీ కెమెరాలను పరిశీలించారు. గురువారం ఉదయం వీరు ఇద్దరూ హబీబ్‌నగర్‌లోని ఓ ఇంటి ఎదుట ఆగడాన్ని గుర్తించిన పోలీసులు వారిని అదుపులోకి తీసుకున్నారు. నిందితుల్లో రషీద్‌ఖాన్‌పై ఫిలింనగర్‌, బంజారాహిల్స్‌, హయత్‌నగర్‌, జూబ్లీహిల్స్‌, పంజగుట్ట, నాంపల్లి, రాజేంద్రనగర్‌, కూకట్‌పల్లి, హుమాయున్‌నగర్‌ పోలీస్‌స్టేన్ల పరిధిలో 17 కేసులు ఉన్నట్లు దర్యాప్తులో తేలింది. ఇర్ఫాన్‌ఖాన్‌పై హబీబ్‌నగర్‌, హుమాయున్‌నగర్‌, మార్కెట్‌, గుడిమల్కాపూర్‌ పోలీస్‌స్టేషన్ల పరిధిలో 6 కేసులు ఉన్నట్లు తెలిపారు. వీరిద్దరూ కలిసి మొబైల్‌ స్నాచింగ్‌ల కోసమే బైక్‌ చోరీ చేసినట్లుగా గుర్తించారు. వీరి నుంచి మొబైల్‌ ఫోన్లను స్వాధీనం చేసుకున్న పోలీసులు నిందితులను అరెస్టు చేసి రిమాండ్‌కు తరలించారు. జూబ్లీహిల్స్‌ పోలీసులు కేసు దర్యాప్తు చేస్తున్నారు. ఇద్దరు పాత నేరస్తుల అరెస్టు

సాక్షి, సిటీబ్యూరో: డిజిటల్‌ అరెస్టు పేరు చెబుతూ సైబర్‌ నేరగాళ్లు రెచ్చిపోతున్నారు. నగరానికి చెందిన ఓ ప్రభుత్వ ఉద్యోగినికి కాల్‌ చేసిన కేటుగాళ్లు రూ.84 లక్షలు కాజేశారు. ఆద్యంతం ఆమెను భయంలో ఉంచిన ఈ–కేడీలు తాత్కాలిక బెయిల్‌ కూడా ఇచ్చారు. ఎట్టకేలకు తాను మోసపోయినట్లు గుర్తించిన బాధితురాలు గురువారం సిటీ సైబర్‌ క్రైమ్‌ ఠాణాలో ఫిర్యాదు చేయడంతో కేసు నమోదైంది. ఈ స్కామ్‌ పూర్వాపరాలిలా ఉన్నాయి... ఓ ప్రభుత్వ ఉద్యోగినికి (57) ఈ ఏడాది మార్చి 4న ఓ ఫోన్‌ కాల్‌ వచ్చింది. ట్రాయ్‌ ఉద్యోగిగా పరిచయం చేసుకున్న అవతలి వ్యక్తి... ఆమెను పూర్తిగా నమ్మించేందుకు తన ఐడీ నెంబర్‌ అంటూ ఓడీ62813 అనే సంఖ్యను చెప్పాడు. బాధితురాలి పేరుతో నమోదై ఉన్న సెల్‌ నెంబర్‌ చట్ట వ్యతిరేక కార్యకలాపాలకు వినియోగించారని, ఇందుకు సంబంధించి తమ వద్ద ఫిర్యాదు ఉందంటూ కంప్‌లైంట్‌ నెంబర్‌ కూడా చెప్పాడు. వీలున్నంత త్వరగా వ్యక్తిగతంగా వెళ్లి ట్రాయ్‌ కార్యాలయంలో అధికారులకు కలవాలని చెప్పాడు. ఆ కొద్దిసేపటికి ముంబై సైబర్‌ క్రైమ్‌ డిపార్ట్‌మెంట్‌ ప్రతినిధిని అంటూ మరో వ్యక్తి ఫోన్‌ చేశాడు. వాట్సాప్‌ ద్వారా వీడియో కాల్‌ చేసిన అతను తతను దర్యాప్తు అధికారిగా పరిచయం చేసుకున్నాడు. మనీ లాండరింగ్‌ ఆరోపణలు ఎదుర్కొంటున్న ముంబైకి చెందిన వ్యాపారి నరేష్‌ గోయల్‌ వ్యవహారాల్లో బాధితురాలి పేరుతో ఉన్న ఫోన్‌ నెంబర్‌ వాడారని చెప్పాడు. ఇది జాతీయ భద్రతకు సంబంధించిన అంశమైనందున న్యాయపరమైన అంశాలు అనేకం ఉంటాయని, అప్పటి వరకు విషయం కుటుంబీకులతో సహా ఎవరికీ చెప్పద్దని స్పష్టం చేశాడు. గత నెల 8న వాట్సాప్‌ ద్వారానే బాధితురాలికి మరో వీడియో కాల్‌ వచ్చింది. కేసుకు సంబంధించిన చీఫ్‌ ఆఫ్‌ ఇన్వెస్టిగేషన్‌గా చెప్పుకున్న ఆ వ్యక్తి కీలక కేసులో ఆరోపణలు ఉండటంతో మీ ఆర్థిక లావాదేవీలను రిజర్వ్‌ బ్యాంక్‌ ఆఫ్‌ ఇండియా పరిశీలించి, క్లీన్‌ చిట్‌ ఇవ్వాల్సి ఉంటుందని చెప్పాడు. నరేష్‌ గోయల్‌తో సంబంధాలు ఉన్న స్లీపర్‌ సెల్స్‌ కొందరు బెదిరింపులకు దిగే అవకాశం ఉందని, ఈ కారణంగానే మీ ఫోన్‌పై పూర్తి నిఘా ఉంచుతామని చెప్పాడు. గత నెల 11న వీడియో కాల్‌ చేసిన మరో నేరగాడు తాను సర్వైలెన్స్‌ ఆఫీసర్‌నిని పరిచయం చేసుకున్నాడు. డిఫెన్స్‌ లాయర్‌ అంటూ మరో నేరగాడినీ పరిచయం చేసిన అతను డిజిటల్‌ అరెస్టు చేస్తున్నట్లు బాధితురాలికి చెప్పాడు. డిఫెన్స్‌ లాయర్‌గా చెప్పుకున్న వ్యక్తి వర్చువల్‌గా సుప్రీం కోర్టు న్యాయమూర్తి ముందు హాజరుపరుస్తారని చెప్పాడు. ఇదంతా నిజమని నమ్మిన బాధితురాలు తన భర్త ఆరోగ్యం బాలేదని, వర్చువల్‌ అప్పీరెన్స్‌కు కొంత సమయం కావాలని కోరారు. దీంతో ఆమెకు వాట్సాప్‌ ద్వారా టెంపరరీ బెయిల్‌ అని రాసి, సుప్రీం కోర్టు పేరుతో ఉన్న పత్రాలు, రూ.30 లక్షల విలువైనదిగా తయారు చేసిన నకిలీ ష్యూరిటీ బాండ్‌ పంపించాడు. దీని నిమిత్తం ఆ మొత్తం తన ఖాతాల్లో వేయించుకున్నాడు. తాము కోరిన మొత్తం సూచించిన బ్యాంకు ఖాతాల్లో వేయాలని, ఆ లావాదేవీలను ఆర్‌బీఐ, న్యాయస్థానం పరిశీలించి క్లీన్‌ చిట్‌ ఇస్తాయని నమ్మించాడు. ఆపై కేసు వీగిపోవడంతో పాటు డిపాజిట్‌ చేసిన నగదు అంతా రిఫండ్‌ వస్తుందని నమ్మించాడు. దీంతో బాధితురాలు తన ఎఫ్‌డీలు విత్‌డ్రా చేసి, బంగారంపై రుణం తీసుకుని, అప్పులు చేసి మొత్తం రూ.84 లక్షలు నేరగాళ్లు సూచించిన ఖాతాల్లో వేశారు. మంగళవారం ఆఖరుసారిగా కాల్‌ చేసిన నేరగాళ్లు కేసు క్లోజ్‌ అయిందని, డిపాజిట్‌ చేసిన మొత్తం త్వరలోనే రిఫండ్‌ అవుతుందని చెప్పారు. ఆ మరుసటి రోజు నుంచి వారి ఫోన్లన్నీ స్విచ్ఛాఫ్‌ అయిపోయాయి. దీంతో తాను మోసపోయినట్లు గుర్తించిన బాధితురాలు సిటీ సైబర్‌ క్రైమ్‌ ఠాణాలో ఫిర్యాదు చేయడంతో కేసు నమోదైంది. ప్రభుత్వ ఉద్యోగినికి టోకరా నరేష్‌ గోయల్‌ కేసుతో సంబంధం ఉందని ఫోన్‌ తాత్కాలిక బెయిల్‌, రిఫండ్‌ అంటూ మోసం

హస్తినాపురం: సెకండ్‌ హ్యాండ్‌ కార్ల వ్యాపారం ముసుగులో ఇతర రాష్ట్రాల నుంచి అక్రమంగా మద్యాన్ని తీసుకువచ్చి నగరంలో విక్రయిస్తున్న ముఠాకు ఎస్‌టీఎఫ్‌ పోలీసులు చెక్‌ పెట్టారు. వారి నుంచి రూ. 4 లక్షల విలువైన మద్యాన్ని స్వాధీనం చేసుకున్నారు. పోలీసుల కథనం మేరకు వివరాలిలా ఉన్నాయి. నాగర్‌కర్నూలు జిల్లాకు చెందిన కత్రావత్‌ రవీందర్‌ సెకండ్‌ హ్యాండ్‌ కార్ల వ్యాపారం చేసేవాడు. ఇందుకు గాను తరచూ ఢిల్లీతో పాటు ఇతర రాష్ట్రాలకు వెళ్లేవాడు. ఆయా ప్రాంతాల్లో కార్లను కొనుగోలు చేసే అతను అక్కడ తక్కువ ధర ఉన్న మద్యాన్ని కొనుగోలు చేసి కారు డిక్కీలో వేసుకుని నగరానికి తీసుకువచ్చేవాడు. ఈ మద్యం బాటిళ్లను హస్తినాపురం సంతోషిమాత కాలనీలో ఉంటున్న తన మిత్రుడు నాగిరెడ్డికి అందజేసేవాడు. అతను వాటిని విక్రయించగా వచ్చి వచ్చిన లాభాలను ఇద్దరూ పంచుకునేవాడు. దీనిపై సమాచారం అందడంతో ఎస్‌టీఎఫ్‌ పోలీసులు సీఐ నాగరాజు నేతృత్వంలో బుధవారం రాత్రి నాగిరెడ్డి ఇంటిపై దాడిచేశారు. ఈ సందర్భంగా డిల్లీ నుంచి తెచ్చిన 105 మద్యం బాటిళ్లను స్వాధీనం చేసుకున్నారు. స్వాధీనం చేసుకున్న మద్యం విలువ రూ.4 లక్షలు ఉండవచ్చునని సీఐ తెలిపారు. మద్యం బాటిళ్లను పట్టుకున్న ఎస్‌టీఎఫ్‌ టీఎంను ఎకై ్సజ్‌ ఎన్‌ఫోర్స్‌ మెంట్‌ డైరెక్టర్‌ షాన్‌వాజ్‌ఖాసీం అభినందించారు. దృష్టి మరల్చి చోరీలకు పాల్పడుతున్న ముఠా అరెస్టు అంబర్‌పేట: దృష్టి చోరీలకు పాల్పడుతున్న ఒకే కుటుంబానికి చెందిన వ్యక్తుల ముఠాను అంబర్‌పేట పోలీసులు అరెస్టు చేశారు. డీఐ హఫీజుద్దీన్‌ కథనం మేరకు వివరాలిలా ఉన్నాయి. మోఘల్‌పురా సుల్తాన్‌షాహికి చెందిన సయ్యద్‌ ఆఫ్రీదిన్‌, షేక్‌ హమీదుద్దీన్‌, నసీమ్‌ బేగం, ఖయ్యూం సుల్తానా ముఠాగా ఏర్పడి దృష్టి మరల్చి చోరీలకు పాల్పడుతున్నారు. ఈ నెల 5న వారు అంబర్‌పేట తిరుమల నగర్‌లోని భవానీలాల్‌ జ్యూవెల్లరీ దుకాణానికి వచ్చారు. వృద్ధురాలైన ఖయ్యూం సూల్తానా తన ఒంటిపై ఉన్న బంగారు గాజులను తీసి ఇచ్చి వాటిపై డబ్బులు కావాలని కోరింది. వాటికి రూ.2 లక్షలు వస్తాయని చెప్పిన దుకాణ యజమాని డబ్బులు ఇచ్చేందుకు సిద్దపడి కౌంటర్‌లో నుంచి తీసి బయటపెట్టారు. బంగారాన్ని పరీక్షించేందుకు అతను లోపలి వెళ్లగానే వారు కౌంటర్‌ పై ఉన్న రూ.2 లక్షల నగదును తీసుకుని ఉడాయించారు. అదే సమయంలో బంగారాన్ని పరీక్షించిన యజమానికి అది నకిలీదిగా గుర్తించి బయటికి చూడగా సుల్తానాతో పాటు మిగతా వ్యక్తులు కనిపించలేదు. బాధితుడి ఫిర్యాదు మేరకు కేసు నమోదు చేసుకున్న పోలీసులు గురువారం నిందితులను అరెస్టు చేశారు. వారి నుంచి రూ.2 లక్షలు నగదు స్వాధీనం చేసుకుని రిమాండ్‌కు తరలించారు. ● ఢిల్లీ నుంచి మద్యం అక్రమ రవాణా ● రూ. 4 లక్షల విలువైన నాన్‌డ్యూటీ పెయిడ్‌ లిక్కర్‌ పట్టివేత

గచ్చిబౌలి: సినీ ప్రముఖులు, రాజకీయ పెద్దలు తెలుసని బిల్డప్‌ ఇస్తూ విలువైన నగలను ఆర్డర్‌ చేసి ఉడాయించిన ఓ కిలేడీ కోసం పోలీసులు గాలిస్తున్నారు. మాయమాటలు చెప్పి రూ.50 లక్షల విలువ చేసే నగలను తీసుకుని బిల్లులు చెల్లించకుండా తిరుగుతున్న మహిళ కోసం రాయదుర్గం పోలీసులు గాలింపు ముమ్మరం చేశారు. కొద్ది రోజుల క్రితం అబిడ్స్‌లోని ఓ నగలు షాపు యజమానికి రమాదేవి అనే మహిళ వాట్సాప్‌ వీడియో కాల్‌ చేసి వివిధ డిజైన్ల నగలను ఎంపిక చేసుకుంది. దాదాపు రూ.50 లక్షల విలువైన నలను రాయదుర్గం పీఎస్‌ పరిధిలోని తాను నివాసం ఉండే ఓ గేటెడ్‌ కమ్యూనిటీకి తెప్పించుకుంది. చెక్‌ ఇచ్చి కొంత డబ్బు తక్కువగా ఉందని రెండు రోజుల తర్వాత బ్యాంకులో వేసుకోవాలని సూచించింది. అయితే ఆమె ఇచ్చిన చెక్‌ బౌన్స్‌ కావడంతో డబ్బులు ఇవ్వకుండా మొఖం చాటేసింది. బాధితులు రాయదుర్గం పీఎస్‌లో ఫిర్యాదు చేయడంతో కేసు నమోదు చేసిన పోలీసులు నిందితురాలు రమాదేవి కోసం గాలిస్తున్నారు. ఇది ఇలా ఉండా గతంలో ఇదే తరహాలో నగలు కాజేసిన ఆమైపె నార్సింగి పీఎస్‌ పరిధిలో ఒకటి, రాయదుర్గం పీఎస్‌లో రెండు కేసులు నమోదయ్యాయి. అయినా తన తీరుమార్చుకోని సదరు మహిళ సినీ ప్రముఖులు, రాజకీయనాయకులతో దిగిన ఫొటోలు చూపిస్తూ, తాను ధనవంతురాలినని బిల్డప్‌ ఇస్తూ జ్యువెల్లర్‌ షాపుల యజమానులతో పరిచయం చేసుకుంటుంది. కొన్ని సందర్భాల్లో నమ్మకంగా ఉన్నట్లు నమ్మిస్తుంది. ఆ తర్వాత పెద్ద మొత్తంలో విలువైన నగలు తీసుకుని మోసాలకు పాల్పడుతోంది. గతంలో నమోదైన కేసుల్లో నోటీసులు ఇచ్చిన పోలీసులు ఈ సారి ఆమెను అరెస్ట్‌ చేయాలనే యోచనలో ఉన్నట్లు తెలుస్తోంది. గొంతు కోసి..మృతదేహాన్ని తగులబెట్టి.. చాంద్రాయణగుట్ట: ఓ మహిళను గొంతుకోసి దారుణంగా హత్య చేయడమేగాక మృతదేహాన్ని తగలబెట్టిన సంఘటన చాంద్రాయణగుట్ట పోలీస్‌స్టేషన్‌ పరిధిలో బుధవారం అర్ధరాత్రి కలకలం రేపింది. పోలీసుల కథనం మేరకు వివరాలిలా ఉన్నాయి. పాతబస్తీ కేశవగిరి హిల్స్‌ ప్రాంతంలో కేతావత్‌ బుజ్జి (55), రూప్‌ దంపతులు నివాసం ఉంటున్నారు. భర్త, కుమారుడు మరో ప్రాంతంలో ఉండటంతో ఒంటరిగా ఉంటున్న బుజ్జి కూలీ పనులు చేసుకుని జీవనం సాగిస్తోంది. బుధవారం కూలీ పనులకు వెళ్లి రాత్రి ఇంటికి తిరిగి వచ్చింది. అర్ధరాత్రి ఆమె ఇంట్లో నుంచి మంటలు రావడాన్ని గుర్తించిన స్థానికులు డయల్‌ 100కు ఫోన్‌ చేశారు. సంఘటనా స్థలానికి చేరుకున్న బండ్లగూడ ఇన్‌స్పెక్టర్‌ గురునాథ్‌ తలుపులు బద్దలు కొట్టి లోనికి వెళ్లి చూడగా ఓ మహిళ మృతదేహం తగలబడుతున్నట్లు గుర్తించి మంటలను ఆర్పారు. అప్పటికే ఆమె మృతదేహం సగం కాలిపోయింది. సమాచారం అందుకున్న సైబర్‌ క్రైమ్‌ డీసీపీ కవిత ఘటనా స్థలాన్ని పరిశీలించారు. కాగా బుజ్జిని గొంతుకోసి హత్య చేసినట్లుగా పోలీసులు గుర్తించారు. ● నగల షాపులను బురిడీ కొట్టిస్తున్న ‘కిలేడీ’ ● రూ.50 లక్షల విలువైన నగలు టోకరా ● నిందితురాలి కోసం గాలింపు మహిళ దారుణ హత్య చాంద్రాయణగుట్టలో ఘాతుకం

సాక్షి, సిటీబ్యూరో: ఎలక్ట్రిక్‌ వాహనాల డీలర్‌షిప్‌ ఇస్తామంటూ నగరానికి చెందిన వ్యాపారి నుంచి రూ.కోటి తీసుకుని నిండా ముంచిన ఆరోపణలపై మొహాలీకి చెందిన అకాల్‌ ఈ–వరల్డ్‌ సంస్థపై సిటీ సీసీఎస్‌లో చీటింగ్‌ కేసు నమోదైంది. డీలర్‌షిప్‌ ఇవ్వడంతో పాటు ఈజెడ్‌వై గో ఈవీ పేరుతో తయారయ్యే వాహనాలు సరఫరా చేస్తానంటూ సదరు కంపెనీ హామీ ఇచ్చినట్లు బాధితుడు ఆరోపిస్తున్నాడు. బోరబండకు చెందిన వ్యాపారి డి.రమేష్‌ గౌడ్‌ 2023 నవంబర్‌లో ఈవీల డీలర్‌ షిప్‌ కోసం అకాల్‌ సంస్థను సంప్రదించారు. పంజాబ్‌లోని మొహాలీలో ఉన్న వారి కార్యాలయం, ఉత్తరప్రదేశ్‌లోని ఘజియాబాద్‌లోని వాహనాల తయారీ యూనిట్‌ సందర్శించిన తర్వాత పూర్తి సంతృప్తి చెందిన అతను సదరు కంపెనీ సీఎండీ హర్మన్‌ ప్రీత్‌ సింగ్‌, మార్కెటింగ్‌ హెడ్‌ గౌతమ్‌ సింగ్‌లతో సంప్రదింపులు జరిపారు. డీలర్‌షిప్‌ ఇవ్వడంతో పాటు వాహనాలు సరఫరా చేస్తామని, షోరూమ్‌ నిర్వహణలో పూర్తి సహాయ సహకారాలు అందిస్తామంటూ వాళ్లు హామీ ఇచ్చారని రమేష్‌ తన ఫిర్యాదులో పేర్కొన్నారు. డీలర్‌షిప్‌ కోసం గత ఏడాది ఫిబ్రవరి–ఏప్రిల్‌ మధ్య విడతల వారీగా రూ.57 లక్షలు అకాల్‌ సంస్థకు చెల్లించాడు. అమీర్‌పేటలో షోరూమ్‌ ఏర్పాటు కోసం మరో రూ.19 లక్షలు, సిబ్బంది జీతభత్యాలు, షోరూమ్‌ అద్దె కోసం మరో రూ.14 లక్షలు ఖర్చు చేశారు. గత ఏడాది ద్వితీయార్థానికి షోరూమ్‌ సిద్ధమైంది. అయితే అకాల్‌ సంస్థ కేవలం 20 వాహనాలను మాత్రమే సరఫరా చేసింది. వీటిలో 13 వాహనాలను ఆంధ్రప్రదేశ్‌లో ఉన్న మరో షోరూమ్‌కు పంపిన కంపెనీ మిగిలిన వాటిని వేర్వేరు వినియోగదారులకు అందించింది. ఈ క్రయవిక్రయాలకు సంబంధించిన నగదు రమేష్‌కు చేరాల్సి ఉండగా... నేరుగా హర్మన్‌ ప్రీత్‌ సింగ్‌, గౌతమ్‌లే తీసుకున్నారు. కొన్నాళ్లకు ఆ ఇద్దరి నుంచి స్పందన కరువుకావడంతో అనుమానం వచ్చిన రమేష్‌ మొహాలీ వెళ్లి చూడగా సదరు సంస్థ కార్యాలయం మూతపడినట్లు గుర్తించాడు. దీంతో తనతో పాటు రూ.43.7 లక్షలు పెట్టుబడిగా పెట్టిన మరో నలుగురూ ఆర్థికంగా నష్టపోయారని రమేష్‌ ఆరోపించాడు. అకాల్‌ కంపెనీకి చెల్లింపులు చేయడానికి రుణాలు తీసుకోవడంతో పాటు బంగారాన్నీ కుదువపెట్టానని పోలీసుల దృష్టికి తీసుకెళ్లాడడు. దాదాపు ఏడాది పాటు ఆ కంపెనీతో పాటు దాని యజమానుల ఆచూకీ కోసం ప్రయత్నించిన రమేష్‌ గౌడ్‌ చివరకు సోమవారం సీసీఎస్‌ పోలీసులను ఆశ్రయించి ఫిర్యాదు చేశాడు. దీని ఆధారంగా అకాల్‌ కంపెనీతో పాటు హర్మన్‌ ప్రీత్‌ సింగ్‌, కంపెనీలో డైరెక్టర్లుగా ఉన్న ఆయన భార్య జస్బీర్‌ కౌర్‌, కుమారుడు సహిబ్‌జ్యోత్‌ సింగ్‌, గౌతమ్‌ సింగ్‌లపై కుట్ర, మోసం సహా వివిధ ఆరోపణలపై కేసు నమోదు చేసిన అధికారులు దర్యాప్తు ప్రారంభించారు. ఎలక్ట్రిక్‌ వాహనాల డీలర్‌షిప్‌ ఇస్తానంటూ మోసం నగర వ్యాపారి నుంచి భారీ మొత్తం తీసుకున్న వైనం లోతుగా దర్యాప్తు చేస్తున్న సిటీ సీసీఎస్‌ పోలీసులు

సాక్షి, హైద‌రాబాద్‌: మెట్రో చార్జీల పెంపు ఖరారైంది. ఈ నెల 10వ తేదీ నుంచి కొత్త చార్జీలు అమల్లోకి రానున్నాయి. ప్రస్తుతం ఉన్న చార్జీలను 30 శాతం వరకు పెంచనున్నారు. దీంతో ప్రయాణికులపైన రోజుకు సుమారు రూ.కోటి భారం పడనుంది. ప్రస్తుతం సగటున ఒక ప్రయాణికుడు రోజుకు రూ.40 చొప్పున చార్జీలు చెల్లిస్తున్నట్లు భావిస్తే పెరుగనున్న చార్జీల వల్ల మరో రూ.20 భారం పడనున్నట్లు అంచనా. అంటే కొత్త చార్జీల వల్ల సగటు ప్రయాణికుడు సుమారు రూ.60 వరకు చెల్లించవలసి ఉంటుంది. ఈ లెక్కన ప్రతి రోజు సుమారు 4.8 లక్షల మంది ప్రయాణికుల నుంచి టిక్కెట్‌ల రూపంలో ఎల్‌అండ్‌టీ హైదరాబాద్‌ మెట్రో రైలుకు రూ.1.92 కోట్ల ఆదాయం లభిస్తుండగా, చార్జీల పెంపుతో రూ.2.88 కోట్ల వరకు లభించనున్నట్లు అంచనా. ఈ మేరకు ప్రతి నెలా సుమారు రూ.87 కోట్ల నుంచి రూ.90 కోట్ల వరకు ఆదాయం లభించవచ్చు.కొంతమేర ఊరట..ప్రస్తుతం నగరంలో మెట్రో రైళ్లు సుమారు రూ.6500 కోట్ల నష్టాలతో నడుస్తున్నాయి. మెట్రో రైళ్ల నిర్వహణ, విద్యుత్‌ వినియోగం, సిబ్బంది జీతభత్యాల చెల్లింపు, ఖర్చులను దృష్టిలో ఉంచుకొంటే టికెట్లపైన వచ్చే ఆదాయం తక్కువే అయినా చార్జీల పెంపు వల్ల కొంత మేరకు ఊరట లభించవచ్చునని అధికారులు అంచనా వేస్తున్నారు. ప్రస్తుతం 2 కిలోమీటర్ల కనిష్ట దూరానికి రూ.10 నుంచి 26 కిలోమీటర్లకు పైగా గరిష్టంగా రూ.60ల వరకు చార్జీలు ఉన్నాయి. ఈ నెల 10వ తేదీ నుంచి కనిష్ట చార్జీలు రూ.12 నుంచి గరిష్టంగా రూ.75 వరకు ఉంటాయని అధికారులు తెలిపారు. నగరంలోని మూడు కారిడార్‌లలో ప్రతిరోజు సుమారు 1200 ట్రిప్పులు నడుస్తున్నాయి. జూబ్లీ బస్‌స్టేషన్‌ నుంచి ఎంజీ బస్‌స్టేషన్‌ కారిడార్‌లో రద్దీ తక్కువగా ఉంటుంది. కానీ మిగతా రెండు కారిడార్‌లలోనే ప్రయాణికులు గరిష్టంగా రాకపోకలు సాగిస్తున్నారు. నాగోల్‌–రాయదుర్గం, ఎల్‌బీనగర్‌–మియాపూర్‌ కారిడార్‌లలో ప్రయాణికుల డిమాండ్‌ ఎక్కువగా ఉంటుంది. 2017 నవంబర్‌లో మెట్రో రైళ్లను ప్రవేశపెట్టినప్పటి నుంచి ఇప్పటి వరకు చార్జీలను పెంచలేదు. ప్రతి సంవత్సరం వరుసగా నష్టాలు నమోదవుతూనే ఉన్నప్పటికీ చార్జీల పెంపుపైన ప్రభుత్వం నుంచి సానుకూలత లభించకపోవడం, 2023 అసెంబ్లీ ఎన్నికల దృష్ట్యా చార్జీలను పెంచాలనే ప్రతిపాదనను హైదరాబాద్‌ మెట్రోరైల్‌ ఎప్పటికప్పుడు వాయిదా వేయవలసి వచ్చింది. ‘రవాణా ఆధారిత ఆదాయం కూడా ఆశించిన స్థాయిలో లేదు. రైళ్ల నిర్వహణ భారంగా మారింది. దీంతో చార్జీలను పెంచకతప్పడం లేదు.’ అని ఎల్‌అండ్‌టీ మెట్రోరైల్‌ ప్రతినిధి ఒకరు చెప్పారు.30 శాతం ఎందుకంటే....చార్జీల పెంపుపైన అన్ని విధాలుగా సమగ్ర అధ్యయనం చేసిన అనంతరమే 30 శాతం పెంచాలని నిర్ణయించినట్లు అధికారులు తెలిపారు. కనిష్ట దూరానికి ఇది 25 శాతమే ఉంటుందని పేర్కొన్నారు. ఈ మేరకు 4 నుంచి 6 కిలోమీటర్లకు ప్రస్తుతం రూ.15 ఉండగా ఇది రూ.20 వరకు పెరగనుంది. అలాగే ప్రస్తుతం 22 కిలోమీటర్ల నుంచి 26 కిలోమీటర్ల వరకు రూ.55 చార్జీ ఉంది. ఇది రూ.70 వరకు పెరుగనుంది. 26 కిలోమీటర్ల కంటే ఎక్కువ దూరానికి ఇప్పుడు రూ.60 ఉంటే రూ.75 వరకు చార్జీలు పెరగనున్నాయి. బెంగళూరు మెట్రో చార్జీలపైన ప్రత్యేకంగా అధ్యయనం చేసిన అనంతరం నగరంలో 30 శాతం కంటే ఎక్కువ పెంచరాదని భావించినట్లు అధికారులు చెప్పారు. ఈ ఏడాది ఫిబ్రవరి 9వ తేదీ నుంచి ఆ నగరంలో మెట్రో చార్జీలను 45 శాతానికి పెంచారు. కొన్ని స్టేజీల మధ్య ఇది 50 శాతం వరకు ఉంది. దీంతో అక్కడ 4 కిలోమీటర్లకు రూ.20లు, గరిష్టంగా 26 కిలోమీటర్ల కంటే ఎక్కువ దూరానికి రూ.90 వరకు చార్జీలు పెరిగాయి. ఈ అనూహ్యమైన పెంపుపైన ప్రయాణికుల నుంచి విముఖత వ్యక్తమైంది. దీంతో సుమారు 7 శాతం వరకు ప్రయాణికులు తగ్గారు. ఆ నగరంలో ఎదురైన అనుభవాన్ని దృష్టిలో ఉంచుకొని హైదరాబాద్‌లో కొత్త చార్జీలను ఖరారు చేశారు.

నగరంలో ప్రస్తుతం ప్రతి రోజు 4.8 లక్షల మంది ప్రయాణం చేస్తున్నారు. రద్దీ ఎక్కువగా ఉండే రోజుల్లో మాత్రం 5 లక్షల మందికి పైగా ప్రయాణం చేస్తున్నారు. ఆర్టీసీలో మహాలక్ష్మి పథకాన్ని ప్రవేశపెట్టిన తరువాత మహిళా ప్రయాణికుల సంఖ్య కొంత మేరకు తగ్గింది. చార్జీల పెంపు ప్రభావం ఎలా ఉంటుందనే అంశంపైన కూడా సీరియస్‌గా దృష్టి సారించారు. కొత్త చార్జీలు అమల్లోకి వచ్చిన తరువాత ప్రయాణికుల అభిప్రాయాలను తెలుసుకోనున్నట్లు అధికారులు చెప్పారు. బెంగళూరులో 45 శాతం పెంచడం వల్ల కొంత వ్యతిరేకత వచ్చిందని, హైదరాబాద్‌లో అలాంటి వ్యతిరేకత వ్యక్తం కాకపోవచ్చునని అధికారులు పేర్కొంటున్నారు. పైగా నగరంలో మెట్రో రైళ్లను ప్రవేశపెట్టినప్పటి నుంచి ఇప్పటి వరకు చార్జీలను పెంచలేదనే అంశాన్ని ప్రధానంగా పేర్కొంటున్నారు.

వాచ్‌మెన్‌ పేరుతో సిమ్‌కార్డు తీసుకుని... హేమ్‌రాజ్‌ ఇంట్లో చోరీ చేయడానికి నగరానికి వచ్చిన లోకేంద్ర గ్యాంగ్‌ సైదాబాద్‌ ప్రాంతంలో షెల్టర్‌ తీసుకుంది. తన ఖాళీ స్థలంలో కొన్ని గదులు నిర్మించిన దాని యజమాని వాచ్‌మెన్‌ ఆధీనంలో ఉంచారు. ఆ వాచ్‌మెన్‌ ద్వారానే ఓ గదిని అద్దెకు తీసుకున్న ఈ గ్యాంగ్‌ షెల్టర్‌ ఏర్పాటు చేసుకుంది. ఈ నేపథ్యంలో వీరికి సంబంధించిన ఎలాంటి గుర్తింపు పత్రాలు వారి వద్దా అందుబాటులో లేవు. నేరం చేయడానికి ముందు వినియోగించడానికి ఓ సెకండ్‌ హ్యాండ్‌ ఫోన్‌ను నగరంలోనే ఖరీదు చేసిన లోకేంద్ర.. ఆ స్థలం వాచ్‌మెన్‌ పేరుతో సిమ్‌కార్డు తీసుకున్నాడని పోలీసులు గుర్తించారు. కాచిగూడలో నేరం తర్వాత హేమ్‌రాజ్‌ కారులో సంతోష్‌నగర్‌ వరకు వెళ్లిన ఈ ముఠా ఆ వాహనం అక్కడ వదిలేసింది. అక్కడ నుంచి ట్యాక్సీలో షోలాపూర్‌కు... అట్నుంచి మరో ట్యాక్సీలో పుణేకు వెళ్లినట్లు పోలీసులు గుర్తించారు. అక్కడ నుంచి ఎటు వెళ్లారనేది ఆరా తీస్తున్నారు. ఈ నేరంలో ఐదుగురి పాత్ర ఉన్నట్లు పోలీసులు తొలుత భావించారు. అయితే నేరుగా పాల్గొన్న నలుగురితో పాటు మరికొందరి పాత్ర ఉన్నట్లు ఆధారాలు సేకరించారు. వీరిలో బిమ్లతో సహా నలుగురిని అరెస్టు చేసినట్లు తెలుస్తోంది. ఈ విషయాన్ని పోలీసులు ధ్రువీకరించట్లేదు. సాక్షి, సిటీబ్యూరో: కాచిగూడకు చెందిన కార్టన్స్‌ ఫ్యాక్టరీ యజమాని హేమ్‌రాజ్‌ దుగ్గర్‌ ఇంట్లో భారీ చోరీ చేసిన నేపాలీ గ్యాంగ్‌ సూత్రధారి లోకేంద్ర బహదూర్‌ షాహి నేతృత్వంలోని ముఠా చేసిన మరో నేరం వెలుగులోకి వచ్చింది. ఇక్కడ పంజా విసరడానికి ఆరు నెలల ముందు ముంబైకి చెందిన ఓ బడా వ్యాపారి ఇంట్లో ఇదే పంథాలో 5 కేజీల బంగారం తస్కరించినట్లు వెలుగులోకి వచ్చింది. ఆ నేరంలో లోకేంద్ర పాత్ర ఖరారు చేశామని, మిగిలిన వారి పాత్ర తేలాల్సి ఉందని నగర అధికారులకు మహారాష్ట్ర పోలీసుల తెలిపారు. కాచిగూడ కేసు దర్యాప్తును స్వయంగా పర్యవేక్షిస్తున్న ఈస్ట్‌జోన్‌ డీసీపీ డాక్టర్‌ బి.బాలస్వామి వివిధ రాష్ట్రాల పోలీసులతో పాటు భారత్‌–నేపాల్‌ సరిహద్దుల్లో ఉండే బలగాలతోనూ సంప్రదింపులు జరుపుతున్నారు. వ్యవస్థీకృతంగా లోకేంద్ర వ్యవహారాలు కొన్నేళ్ల క్రితం నేపాల్‌ నుంచి వసలవచ్చిన లోకేంద్ర వ్యవస్థీకృతంగా ఈ చోరీలు చేయిస్తున్నట్లు పోలీసులు గుర్తించారు. ఇక్కడి వ్యాపారుల ఇళ్లల్లో పని చేస్తున్న నేపాలీల్లో కొందరితో సంబంధాలు ఏర్పాటు చేసుకున్నాడు. వారి ద్వారా ఆయా వ్యాపారుల కార్యకలాపాలు, ఆర్థిక లావాదేవీలు తెలుసుకుంటున్నాడు. అప్పటికే పని చేస్తున్న వారి ద్వారానే, ఆ స్థానంలో మరో నేపాలీని పనిలో పెట్టిస్తున్నాడు. ఆపై అదును చూసుకుని తన ముఠాతో రంగంలోకి దిగి ఆ ఇంటిని కొల్లగొట్టిస్తున్నాడు. ముంబైకి చెందిన వ్యాపారి ఇంట్లో ఇదే పంథాలో ఐదు కేజీల బంగారం తస్కరించారు. ఈ నేరంలోనూ లోకేంద్రతో పాటు కాచిగూడ కేసులో వాంటెడ్‌గా ఉన్న దీపేందర్‌, చతుర్భుజ్‌ పాత్రల్నీ అక్కడి పోలీసులు అనుమానిస్తున్నారు. లోకేంద్ర అరెస్టు తర్వాతే దీనిపై క్లారిటీ కానుండటంతో అతడి కోసం గాలిస్తూ ఓ బృందాన్ని నేపాల్‌కు పంపారు. నగర పోలీసులకు చెందిన మూడు బృందాలు సైతం ఈ ముఠా కోసం వివిధ ప్రాంతాల్లో గాలిస్తున్నాయి. దళారిగా మాట్లాడిందీ దేవేంద్రే అని గుర్తింపు... ఇక్కడ చోరీ చేసిన సొత్తుతో నేపాల్‌ వెళ్లిపోయే లోకేంద్ర అక్కడ ఉన్న ఓ వ్యాపారి ద్వారా విక్రయించి సొమ్ము చేసుకుంటున్నాడు. ఆ మొత్తం నుంచి తన అనుచరులకు, నేరం చేయడానికి సహకరించిన వారిని వాటాలు ఇస్తున్నాడు. అనుచరులకు నేరుగా ఇస్తుండగా... సహకరించిన వారి కుటుంబీకులకు నేపాల్‌లోనే అందిస్తున్నాడు. ఆపై మరో నేరం చేయడానికి ఇంకో నగరాన్ని ఎంచుకుని లోకేంద్ర గ్యాంగ్‌ రంగంలోకి దిగుతోంది. ఇలానే హేమ్‌రాజ్‌ ఇంట్లో పని చేస్తున్న బిమ్లను సంప్రదించిన లోకేంద్ర ఆమె ద్వారా అర్పితను ఆ ఇంట్లో పనికి పెట్టాడు. మరో పనివాడు కావాలంటూ హేమ్‌రాజ్‌ ఆమెను కోరడంతో ఇంద్రన్‌ బహదూర్‌ అనే ఏజెంట్‌తో మాట్లాడించింది. అతడి ద్వారానే దీపేంద్ర హేమ్‌రాజ్‌ ఇంట్లో పనికి చేరాడు. ఆపై కేవలం వారం రోజుల్లోనే మిగిలిన వారితో కలిసి ఈ చోరీ చేశాడు. ఈ కేసు దర్యాప్తు నేపథ్యంలో కాచిగూడ పోలీసులు ఇంద్రన్‌ పేరుతో మాట్లాడింది కూడా దీపేంద్రే అని గుర్తించారు. లోకేంద్ర గ్యాంగ్‌కు సహకరించిన బిమ్లను పట్టుకున్నారు. ఆమెను అరెస్టు చేసిన రిమాండ్‌కు తరలించారు. అక్కడ ఓ బడా వ్యాపారి ఇంట్లో భారీ చోరీ ఐదు కేజీల బంగారం ఎత్తుకుపోయిన గ్యాంగ్‌ కాచిగూడలో నేరం చేయడానికి 6 నెలల ముందు.. ఈ కేసులో బిమ్లను అరెస్టు చేసిన నగర పోలీసులు

బంజారాహిల్స్‌: తనకు అడ్డు వస్తున్నాడనే కోపంతో ఓ వ్యక్తి సొంత బావనే దారికాచి కత్తితో పొడిచి హత్య చేసిన సంఘటన బంజారాహిల్స్‌ పోలీస్‌స్టేషన్‌ పరిధిలో ఆదివారం రాత్రి చోటు చేసుకుంది. పోలీసుల కథనం మేరకు వివరాలు ఇలా ఉన్నాయి. బంజారాహిల్స్‌ రోడ్డునెంబర్‌–12లోని ఫస్ట్‌లాన్సర్‌కు చెందిన మహ్మద్‌ ఇలియాస్‌ (47) సెంట్రింగ్‌ పని చేసేవాడు. అతడి బావమరిది అబ్దుల్‌ సత్తార్‌ మాసబ్‌ట్యాంక్‌ సమీపంలో ఓ చికెన్‌ షాపులో తండ్రి షేక్‌ అబ్దుల్‌ వాహెబ్‌, సోదరుడు గౌస్‌తో కలిసి పని చేసేవాడు. మద్యానికి బానిసైన సత్తార్‌ కొంతకాలంగా డబ్బుల కోసం తండ్రి, సోదరుడితో తరచూ గొడవపడటమేగాక డబ్బులు లాక్కెళ్లేవాడు. ఈ నేపథ్యంలో తండ్రిని, సోదరుడిని ఎందుకు ఇబ్బంది పెడుతున్నావని, మద్యం తాగడం మానేయాలని అతడి బావ మహ్మద్‌ ఇలియాస్‌ పలుమార్లు సత్తార్‌కు హితవు పలికాడు. డబ్బులు ఇవ్వకుండా తండ్రిని నియంత్రించాడు. ఈ విషయమై ఆదివారం రాత్రి ఇలియాస్‌, సత్తార్‌ల మధ్య తీవ్ర వాగ్వాదం చోటుచేసుకుంది. డబ్బుల కోసం తండ్రిని వేధించవద్దని, మరోమారు ఇబ్బందులకు గురిచేస్తే బాగుండదని బావమరిదిని హెచ్చరించిన ఇలియాస్‌ ఫస్ట్‌లాన్సర్‌లోని తన ఇంటికి వచ్చాడు. దీంతో ఆగ్రహానికి లోనైన సత్తార్‌ పథకం ప్రకారం చికెన్‌ షాపులోని కత్తిని జేబులో పెట్టుకుని బావను వెంబడించాడు. ఇంట్లోకి వెళ్తున్న ఇలియాస్‌ను బయటికి లాగి పొత్తి కడుపులో విచక్షణా రహితంగా పొడిచాడు. తీవ్రంగా గాయపడిన ఇలియాస్‌ను కుటుంబ సభ్యులు ఉస్మానియా ఆస్పత్రికి తీసుకెళ్లగా అప్పటికే మృతి చెందినట్లు వైద్యులు నిర్ధారించారు. మృతుడి కుమారుడు ఇంతియాజ్‌ ఫిర్యాదు మేరకు పోలీసులు సత్తార్‌పై కేసు నమోదు చేశారు. నాలుగు గంటల్లోనే పరారీలో ఉన్న నిందితుడిని అరెస్ట్‌ చేసి రిమాండ్‌కు తరలించారు. అతడి నుంచి రెండు కత్తులను స్వాధీనం చేసుకున్నారు. బంజారాహిల్స్‌ పోలీసులు కేసు దర్యాప్తు చేస్తున్నారు. బావను హత్య చేసిన బావమరిది

సాక్షి, రంగారెడ్డిజిల్లా: విద్యుత్‌ మీటర్ల గోల్‌మాల్‌ వ్యవహారంలో బాధ్యులపై వేటు పడింది. ఏఈ సహా లైన్‌ ఇన్‌స్పెక్టర్‌, మీటర్‌ రీడర్లను సస్పెండ్‌ చేసింది. మంజూరైన మీటర్లను సంబంధిత వినియోగదారుల నివాసాలకు అమర్చకుండా గుట్టుగా నిల్వ చేసిన కాంట్రాక్టర్‌ను బ్లాక్‌ లిస్ట్‌లో చేర్చింది. దక్షిణ తెలంగాణ విద్యుత్‌ పంపిణీ సంస్థ సైబర్‌సిటీ సర్కిల్‌ ఇబ్రహీంబాగ్‌ డివిజన్‌ చిత్రపురి కాలనీలోని ఓ కాంట్రాక్టర్‌ ఇంట్లో 42 విద్యుత్‌ మీటర్లు లభ్యమైన విషయం తెలిసిందే. దుండిగల్‌, ఇబ్రహీంబాగ్‌, సరూర్‌నగర్‌లో విద్యుత్‌ మీటర్లు పక్కదారి పట్టిన విషయంపై మూడు రోజుల క్రితం సాక్షిలో ‘మీటర్ల గోల్‌మాల్‌’ శీర్షికన ప్రత్యేక కథనం ప్రచురితమైన విషయం తెలిసిందే. ఈ అంశంపై సీఎండీ ముషారఫ్‌ ఫా రూఖీ సీరియస్‌ కావడంతో పాటు సమగ్ర విచారణకు ఆదేశించారు. ఈ మేరకు రంగారెడ్డిజోన్‌ సీజీఎం పాండ్యానాయక్‌ అంతర్గత విచారణ చేపట్టి సీఎండీకి సమగ్ర నివేదిక అందజేశారు. ‘తెలుగు సినీ వర్కర్స్‌ కో ఆపరేటీవ్‌ సొసైటీ’ పేరున జనవరి 25న 42 విద్యుత్‌ మీటర్లు జారీ చేసినట్లు గుర్తించారు. డిస్కం మంజూరు చేసిన ఈ మీటర్లను వినియోగదారుల ఇంటికి అమర్చకుండా కాంట్రాక్టర్‌ చెన్నకేశవరెడ్డి తన ఇంట్లోనే నిల్వ చేయడంతో పాటు ఏప్రిల్‌ నెలలో వీటికి బిల్లులు కూడా జారీ చేశారు. ఈ అంశంపై స్థానిక ఏఈ భాస్కర్‌రావు సహా లైన్‌ ఇన్‌స్పెక్టర్‌, మీటర్‌ రీడర్ల ప్రయేయం ఉన్నట్లు నిర్ధారణ అయింది. మీటర్ల గోల్‌మాల్‌కు కారణమవడంతో పాటు సంస్థ ఆర్థిక నష్టాలకు కారణమైన ఏఈ సహా మీటర్‌ రీడర్‌, లైన్‌ ఇన్‌స్పెక్టర్లను డిస్కం యాజమాన్యం సోమవారం సస్పెండ్‌ చేసింది. అంతేకాకుండా సదరు కాంట్రాక్టర్‌పై ఇప్పటికే రాయదుర్గం పోలీసు స్టేషన్‌లో కేసు నమోదు చేయించింది. బ్లాక్‌ లిస్ట్‌లో చేర్చడంతో పాటు లైసెన్సును రద్దు చేయాల్సిందిగా కోరుతూ సీఈఐ జీకి లేఖ రాసింది. ఉప్పల్‌లో ఘోర రోడ్డు ప్రమాదం.. యువకుడి దుర్మరణం ఉప్పల్‌: రోడ్డు ప్రమాదంలో ఓ యువకుడు అక్కడికక్కడే మృతి చెందిన సంఘటన ఉప్పల్‌ పోలీస్‌స్టేషన్‌ పరిధిలో చోటు సోమవారం తెల్లవారుజామున చోటు చేసుకుంది. పోలీసుల కథనం మేరకు వివరాలు ఇలా ఉన్నాయి. సూర్యాపేట జిల్లా, కోదాడకు చెందిన తుమాటి గోపీకృష్ణా రెడ్డి (27 అనే యువకుడు హాస్టల్‌ నిర్వహిస్తూ అన్నోజి గూడ ప్రేమలత అపార్టుమెంట్‌లో నివాసం ఉంటున్నాడు. అతడికి రెండేళ్ల క్రితం వివాహం జరిగింది. ఆదివారం సాయంత్రం స్నేహితుడిని కలిసేందుకు చైతన్యపురి వెళ్లిన అతను సోమవారం తెల్లవారుజామున ఇంటికి బయలుదేరాడు. నాగోల్‌ మేట్రో స్టేషన్‌ వద్ద యూటర్న్‌ తీసుకుంటుండగా ఉప్పల్‌ నుంచి నాగోల్‌ వైపు వేగంగా వచ్చిన లారీ అతడిని ఢీకొట్టింది. లారీ చక్రాల కింద పడిన అతడిని దాదాపుగా 10 మీటర్లు లాక్కెళ్లింది. ఈ ఘటనలో అతని శరీరం నుజ్జు నుజ్జుకావడంతో అక్కడికక్కడే మృతి చెందాడు. సమాచారం అందుకున్న పోలీసులు సంఘటనా స్థలానికి చేరుకుని మృతదేహాన్ని మూటగట్టి పోస్టుమార్టం నిమిత్తం గాంధీ ఆసుపత్రికి తరలించారు. కేసు నమోదు చేసుకుని దర్యాప్తు చేపట్టిన పోలీసులు ప్రమాదానికి కారణమైన లారీకోసం గాలిస్తున్నారు.గంజాయి పట్టివేతకుత్బుల్లాపూర్‌: ఎస్‌టీఎఫ్‌బీ సిబ్బంది దాడి చేసి ఓ వ్యక్తి నుంచి రూ.1.3 కేజీల గంజాయి స్వాధీనం చేసుకున్నారు. పోలీసుల కథనం మేరకు వివరాలిలా ఉన్నాయి. ఎస్‌టీఎఫ్‌బీ ఎస్‌ఐ బాలరాజు నేతృత్వంలో సోమవారం శివారెడ్డినగర్‌లో దాడులు నిర్వహించిన సిబ్బంది షరీఫ్‌ అనే వ్యక్తి నుంచి 1.3 కేజీల గంజాయి స్వాధీనం చేసుకున్నారు. అతడి నువచి బైక్‌, సెల్‌ఫోన్‌ సీజ్‌ చేసినట్లు తెలిపారు. ఈ ఘటనలో అఖిల్‌ అనే మరో వ్యక్తిపై కూడా కేసు నమోదు చేసి దర్యాప్తు చేస్తున్నామన్నారు.ఎండీఎంఏ డ్రగ్‌ స్వాధీనం..లంగర్‌ హౌజ్‌ ప్రాంతంలో హెచ్‌డీఎఫ్‌బీ బృందం దాడులు నిర్వహించి 5 గ్రాముల ఎండీఎంఏ డ్రగ్స్‌ స్వాధీనం చేసుకుంది. మహమ్మద్‌ సులేమా అనే వ్యక్తి డ్రగ్స్‌ విక్రయిస్తున్నట్లు సమాచారం అందడంతో దాడి చేసిన పోలీసులు అతడి నుంచి డ్రగ్స్‌తో పాటు రెండు సెల్‌ఫోన్లు, బైక్‌ను స్వాధీనం చేసుకున్నారు. అతడికి డ్రగ్స్‌ సరఫరా చేసిన బెంగళూరుకు చెందిన షకీల్‌పై కూడా కేసు నమోదు చేసి దర్యాప్తు చేస్తున్నట్లు తెలిపారు. నిందితుడిని గోల్కొం ఎకై ్సజ్‌ స్టేషన్‌లో అప్పగించారు.భార్య అనుమానించిందని.. మనస్తాపంతో భర్త ఆత్మహత్యసనత్‌నగర్‌: భర్త వేరే యువతితో కలిసి ఉన్న ఫొటోను చూసిన భార్య అనుమానంతో నిలదీయగా మనస్తాపం చెందిన యువకుడు ఉరేసుకుని ఆత్మహత్యకు పాల్పడిన సంఘటన బేగంపేట పోలీస్‌స్టేషన్‌ పరిధిలో సోమవారం వెలుగులోకి వచ్చింది. పోలీసుల కథనం మేరకు వివరాలు ఇలా ఉన్నాయి. బేగంపేట అన్నానగర్‌లో సాయికుమార్‌ (23), పూజ దంపతులు నివాసం ఉంటున్నారు. అయితే సాయికుమార్‌ తరచూ తమ పక్కింటి యువతితో మాట్లాడుతుండేవాడు. ఈ క్రమంలో అతను సదరు యువతితో కలిసి ఉన్న ఫొటోను చూసిన పూజ అతడిని నిలదీసింది. దీంతో మనస్తాపం చెందిన సాయికుమార్‌ ఆదివారం సాయంత్రం ఇంట్లో ఎవరూ లేని సమయంలో సీలింగ్‌ ఫ్యాన్‌కు ఉరేసుకుని ఆత్మహత్యకు పాల్పడ్డాడు. మృతుడి తల్లి అనురాధ ఫిర్యాదు మేరకు బేగంపేట పోలీసులు కేసు నమోదు చేసుకుని దర్యాప్తు చేస్తున్నారు.

సికింద్రాబాద్‌: సికింద్రాబాద్‌ జిల్లా రైల్వే పోలీసులు వివిధ కేసుల్లో పట్టుకున్న రూ.10 కోట్ల విలువైన 2 వేల కిలోల గంజాయిని సోమవారం దహనం చేశారు. యాదాద్రి జిల్లా, తొక్కాపూర్‌ గ్రామంలోని రోమో ఇండస్ట్రీస్‌ సహకారంతో గంజాయిని దహనం చేసినట్లు రైల్వే ఎస్పీ చందనాదీప్తి తెలిపారు. సికింద్రాబాద్‌ అర్బన్‌ డివిజన్‌లో 49 కేసుల్లో పట్టుబడిన 1419 కిలోలు, రూరల్‌ డివిజన్‌లో 5 కేసుల్లో పట్టుబడిన 100 కిలోలు, కాజీపేట డివిజన్‌ పరిధిలో పట్టుబడిన 490 కిలోల గంజాయిని దహనం చేశామన్నారు. గంజాయి ఉత్పత్తి చేసే ప్రాంతాల నుంచి నగరానికి వచ్చే అన్ని రైళ్లలో ముమ్మరంగా తనిఖీలు నిర్వహించడం ద్వారా గంజాయి రవాణాకు అడ్డుకట్ట వేస్తున్నామన్నారు. 74 కేసుల్లో నిందితులను అదుపులోకి తీసుకుని రిమాండ్‌ చేసిన మీదట న్యాయ సలహాలు తీసుకుని గంజాయిని దహనం చేశామన్నారు. కార్యక్రమంలో సికింద్రాబాద్‌ అర్బన్‌ డీఎస్‌పీ ఎస్‌ఎన్‌ జావెద్‌, రూరల్‌ డీఎస్‌పీ శ్రీనివాస్‌, కాజీపేట డీఎస్‌పీ టి.కృపాకర్‌ పాల్గొన్నారు.

కొత్తూరు: బయోచార్‌ ఉత్పత్తులతో వ్యవసాయ పొలాలు, నేలలు మరింత సారవంతంగా మారుతాయని కేంద్ర రోడ్డు రవాణా, రహదారుల శాఖ మంత్రి నితిన్‌గడ్కరీ అన్నారు. నందిగామ మండలం, కన్హా శాంతివనంలో హార్ట్‌ ఫుల్‌నెస్‌, పాపెల్‌ సంస్థల ఆధ్వర్యంలో ఏర్పాటు చేసిన బయోచార్‌ సెంటర్‌ ఆఫ్‌ ఎక్సలెన్స్‌ను శ్రీధర్‌బాబు, కోమటిరెడ్డి వెంకట్‌రెడ్డితో కలిసి సోమవారం ఆయన ప్రారంభించారు. ఈ సందర్భంగా మాట్లాడుతూ.. ప్రస్తుతం చాలా రాష్ట్రాల్లో మోతాదుకు మించి రసాయన ఎరువులు వినియోగిస్తున్నారన్నారు. దీంతో పొలాలు, వాతావరణం కలుషితమవుతోందని తెలిపారు. దీనికి తోడు రైతులు అనారోగ్యం బారిన పడుతున్నారన్నారు. బయోచార్‌ ఉత్పత్తులతో పొలాలు మరింత సారవంతంగా మారడంతో పాటు పంటల దిగుబడి సైతం పెరుగుతుందన్నారు. గ్రామీణ స్థాయిలో చిరు వ్యాపారులు, రైతులే దేశ ఆర్థిక వ్యవస్థకు వెన్నెముకలా ఉన్నారన్నారు. వారికి బయోచార్‌ ఉత్పత్తులు మరింత ఆర్థికంగా బలోపేతం చేయడానికి తోడ్పడతాయన్నారు. గ్రామీణ స్థాయిలో బయోచార్‌ ప్లాంట్లను నెలకొల్పడానికి యువ పారిశ్రామికవేత్తలు ముందుకురావాలని పిలుపునిచ్చారు. తక్కువ ఖర్చు, ఆధునిక పద్ధతుల్లో వ్యవసాయం, లాభసాటిగా ఉండే పంటలసాగుపై రైతులు దృష్టి పెట్టాల్సిన అవసరం ఉందన్నారు. దేశంలోని ఆయా రాష్ట్రాల్లో ఏటా పంటల వ్యర్థాలకు నిప్పు పెడుతున్నారని, దీంతో కాలుష్యంతో పాటు ఇతర ఇబ్బందులు ఏర్పడుతున్నట్లు తెలిపారు. బయోచార్‌ ఉత్పత్తులతో పంటల వ్యర్థాలను పొలాలకు బలం చేకూర్చే ఎరువులను తయారు చేసే అవకాశం ఉందన్నారు. బయోచార్‌ ఉత్పత్తులను దేశ వ్యాప్తంగా రైతులు వినియోగించేలా అవగాహన కార్యక్రమాలు నిర్వహిస్తామని ప్లాంట్‌ నిర్వాహకులు తెలిపారు. కార్యక్రమంలో హార్ట్‌ఫుల్‌నెస్‌ వ్యవస్థాపకుడు కమ్లేష్‌ జీ పటేల్‌, స్థానిక ఎమ్మెల్యే వీర్లపల్లి శంకర్‌, జడ్చర్ల ఎమ్మెల్యే అనిరుధ్‌రెడ్డి, జిల్లా గ్రంథాలయ సంస్థ చైర్మన్‌ మధుసూదన్‌రెడ్డి పాల్గొన్నారు.

కొద్దిరోజుల్లోనే స్పష్టత.. ఇప్పుడున్న చార్జీలపై గరిష్టంగా 20 శాతం వరకు పెంచే యోచన ఉంది. ప్రస్తుతం కనిష్టంగా రూ.10, గరిష్టంగా రూ.60 వరకు మెట్రో చార్జీలు ఉన్నాయి. 20 శాతం పెంచితే రూ.15 నుంచి రూ.75 వరకు పెరిగే అవకాశముందని అధికారులు తెలిపారు. మెట్రో చార్జీలు ఏ మేరకు పెరగనున్నాయనే అంశంపై కొద్ది రోజుల్లోనే స్పష్టత రానుందని అధికారులు పేర్కొన్నారు. చార్జీల పెంపు వల్ల ఇప్పుడున్న నష్టాలను అధిగమించేందుకు కొంతవరకు ఊరట లభిస్తుందని భావిస్తున్నారు. ● చార్జీల పెంపునకు కసరత్తు ● త్వరలో 20 శాతం వడ్డింపు సాక్షి, సిటీబ్యూరో: త్వరలో మెట్రో చార్జీలు పెరగనున్నాయి. కొంతకాలంగా చార్జీలను పెంచేందుకు ఎల్‌అండ్‌టీ హైదరాబాద్‌ మెట్రోరైల్‌ కసరత్తు చేపట్టిన సంగతి తెలిసిందే. వరుస నష్టాలను అధిగమించేందుకు చార్జీల పెంపు అనివార్యంగా మారినట్లు అధికారులు అంచనాకు వచ్చారు. ప్రస్తుతం రూ.6,500 కోట్ల నష్టాలతో నగరంలో మెట్రో రైళ్లు నడుస్తున్నాయి. కొద్దిరోజులుగా ప్రయాణికుల రాకపోకల్లోనూ హెచ్చుతగ్గులు నమోదవుతున్నాయి. సగటున 5 లక్షల మంది ప్రయాణిస్తున్నట్లు అంచనా ఉన్నప్పటికీ తరచూ 4.8 లక్షల నుంచి 5 లక్షలలోపే ప్రయాణికులు రాకపోకలు సాగిస్తున్నట్లు అధికారులు పేర్కొంటున్నారు. మహాలక్ష్మి ఎఫెక్ట్‌.. సిటీ బస్సుల్లో మహాలక్ష్మి పథకం కింద ఉచిత ప్రయాణ సదుపాయం కల్పించడంతో చాలా మంది మహిళలు వాటివైపే మొగ్గు చూపుతున్నారు. విద్యార్థినులు, ఉద్యోగినులు సైతం మెట్రో నుంచి సిటీబస్సుల వైపు మళ్లినట్లు సమాచారం. ఎల్‌బీనగర్‌–మియాపూర్‌, నాగోల్‌– రాయదుర్గం కారిడార్‌లలో ప్రయాణికుల రద్దీ ఉన్నా జేబీఎస్‌–ఎంజీబీఎస్‌ రూట్‌లో వీరి సంఖ్య రోజురోజుకూ పడిపోతోంది. ఈ క్రమంలో నష్టాలను ఎదుర్కొనేందుకు చార్జీల పెంపు మినహా మరో గత్యంతరం కనిపించడం లేదని ఓ అధికారి తెలిపారు. ప్రభుత్వ అనుమతితో.. నగరంలో 2017 నుంచి మెట్రో సేవలు అందుబాటులోకి వచ్చాయి. అప్పటినుంచి చార్జీలు పెంచలేదు. ఇదే సమయంలో బెంగళూరు, చైన్నె, ఢిల్లీలో రెండు నుంచి మూడుసార్లు చార్జీలు పెంచినట్లు అధికారులు పేర్కొన్నారు. గత ప్రభుత్వ హయాంలోనే చార్జీలను పెంచాలని ప్రతిపాదించినప్పటికీ అప్పట్లో ఎన్నికలను దృష్టిలో ఉంచుకొని ప్రభుత్వం అంగీకరించలేదు. కాంగ్రెస్‌ అధికారంలోకి వచ్చిన తర్వాత మెట్రో నష్టాలపై ఎప్పటికప్పుడు తెలియజేస్తూనే చార్జీల పెంపు కోసం అనుమతిని కోరారు. ఈ క్రమంలోనే తాజాగా ప్రభుత్వం నుంచి సూత్రప్రాయంగా అనుమతి లభించినట్లు తెలిసింది.

స్టాండింగ్‌ కమిటీ తిరస్కారం సాక్షి, సిటీబ్యూరో: దుకాణాలు, బ్యాంకులు తదితర సంస్థలకు ఎల్‌ఈడీ డిజిటల్‌ స్టాటిక్‌ బోర్టుల ఏర్పాటుకు జీహెచ్‌ఎంసీ స్టాండింగ్‌ కమిటీ బ్రేక్‌ వేసింది. ఈ ప్రతిపాదనకు స్టాండింగ్‌ కమిటీ ఆమోదించలేదు. గతంలో తిరస్కరించిన చెరువుల పునరుద్ధరణకు నామినేషన్‌పై ‘నీరి’ని టెక్నికల్‌ కన్సల్టెంట్‌గా నియమించే ప్రతిపాదనను మళ్లీ పెండింగ్‌లో పెట్టింది. నగర మేయర్‌ గద్వాల్‌ విజయలక్ష్మి అధ్యక్షతన గురువారం జరిగిన స్టాండింగ్‌ కమిటీ సమావేశం వివిధ రహదారుల విస్తరణకు సిఫారస్‌ చేసింది. సమావేశంలో 9 అంశాలతో పాటు 2 టేబుల్‌ అంశాలకు ఆమోద ముద్ర వేసినట్లు మేయర్‌ తెలిపారు. అడిషనల్‌, జోనల్‌ కమిషనర్లు ఆయా విభాగాలకు సంబంధించిన టెండర్లు తదితర నిర్ణయాలన్నింటినీ స్టాండింగ్‌ కమిటీలో ఆమోదం పొందిన తర్వాతే చర్యలు తీసుకోవాలని తెలిపారు. ఆమోదం లేకుండా ఎలాంటి నిర్ణయాలు తీసుకోరాదని సూచించారు. సమావేశంలో కమిషనర్‌ కర్ణన్‌, స్టాండింగ్‌ కమటీ సభ్యులు, ఆయా విభాగాల ఉన్నతాధకారులు పాల్గొన్నారు.

సాక్షి, హైద‌రాబాద్‌: నగర విశిష్టతల్లో తలమానికంగా చేరనున్న మరో ప్రతిష్టాత్మక అంతర్జాతీయ కార్యక్రమం ‘మిస్‌ వరల్డ్‌ 2025’ పోటీలు. ఇందులో భాగంగా నగరాన్ని సర్వాంగ సుందరంగా తీర్చిదిద్దనున్నారు. ఈ ప్రణాళికల్లో భాగంగా ఇప్పటికే నిర్వహణ ఏర్పాట్లు ప్రారంభమయ్యాయి. ఈ నెల 7 నుంచి 31 వరకు మిస్‌ వరల్డ్‌ పోటీలు జరగడం నగరానికే గర్వకారణం. ఇందులో భాగంగా పలు ప్రత్యేక ప్రాంతాల్లో క్రౌన్‌ రూపంలో ప్రతిమలు, లైటింగ్‌ ఎఫెక్టులు, అధునాతన హంగులను రూపొందించనున్నారు. మిస్‌ వరల్డ్‌ పోటీలు జరిగే ప్రధాన ప్రాంతమైన హైటెక్స్‌ వేదిక సమీప ప్రాంతాలను అంతర్జాతీయ ప్రముఖులు హౌరా అనేలా రమణీయంగా తీర్చిదిద్దుతున్నారు. పలు ప్రాంతాల్లో కళ్లు మిరుమిట్లుగొలిపే థీమ్‌ లైటింగ్‌ ఏర్పాటు చేయనున్నారు. హైటెక్‌ సిటీలోని దుర్గం చెరువు, ఏఎంబీ మాల్‌, గచ్చిబౌలి, రాయదుర్గం మెట్రో స్టేషన్ల వద్ద సెల్ఫీ పాయింట్లు, స్వాగత తోరణాలు ఏర్పాటు చేస్తున్నారు. ప్రత్యేకంగా నూతనంగా రూపొందించిన మిస్‌ వరల్డ్‌ లోగోను కూడా ఈ ప్రచారంలో వినియోగిస్తున్నారు.సందడి చేయనున్న గ్లోబల్‌ సెలబ్రెటీలు..మిస్‌ వరల్డ్‌ పోటీల నేపథ్యంలో దాదాపు 130 దేశాల నుంచి అంతర్జాతీయ ప్రముఖులు నగరానికి రానున్న్నారు. ఈ క్రమంలో ఎయిర్‌పోర్ట్‌ రోడ్‌లో 130 దేశాలకు చెందిన జాతీయ పతాకాలను ఏర్పాటు చేస్తున్నారు. ఈ అంతర్జాతీయ అతిథుల కోసం ఇప్పటికే ట్రైడెంట్‌ హోటల్‌ను నెల రోజుల పాటు ముందస్తుగానే బుక్‌ చేయడంతో పాటు పలు 5 స్టార్‌, 3 స్టార్‌ హోటళ్లను వినియోగించుకోనున్నారు. మాజీ ప్రపంచ సుందరీమణులు, గ్లోబల్‌ సినీ ప్రముఖులు, విదేశాంగ ప్రముఖులు ఇతర విభిన్న రంగాలకు చెందిన సెలబ్రెటీలు నగరానికి విచ్చేయనున్నారు. శుక్రవారం (ఈ నెల 2న) నగరంలోని హైటెక్స్‌ వేదికగా మిస్‌ వరల్డ్‌ పోటీలకు సంబంధించిన సమగ్ర వివరాలను వెల్లడించనున్నారు. ఈ కార్యక్రమంలో ప్రముఖ సినీనటుడు సోనూసూద్‌, మాజీ మిస్‌ ఇండియా నందినీ గుప్తా ముఖ్య అతిథులుగా వస్తున్నట్టు సమాచారం. 10న జరగనున్న ప్రారంభ కార్యక్రమంలో ముఖ్యమంత్రి రేవంత్‌ రెడ్డి పాల్గొననున్నారు.

సాక్షి, సిటీబ్యూరో: కోటి మందికిపైగా ప్రజలకు వివిధ సేవలు, నగరంలో పలు అభివృద్ధి కార్యక్రమాలు నిర్వహించాల్సిన జీహెచ్‌ఎంసీకి పది నెలల్లో నలుగురు కమిషనర్లుగా రావడంతో పరిస్థితి అయోమయంగా మారింది. పాలన గందరగోళంగా తయారైంది. పది నెలల వ్యవధిలో రోనాల్డ్‌రాస్‌, ఆమ్రపాలి, ఇలంబర్తి తర్వాత ప్రస్తుతం కర్ణన్‌ కమిషనర్‌గా వచ్చారు. ముఖ్యమంత్రి రేవంత్‌రెడ్డి హయాంలో జీహెచ్‌ఎంసీ కమిషనర్‌ను తరచూ మారుస్తుండటం రాజకీయంగా విమర్శలతో పాటు పాలన పరంగా సమస్యలు సృష్టిస్తోంది. ఒక కమిషనర్‌ తనదైన శైలిలో కార్యక్రమాలను పట్టాలెక్కించే లోపునే మారిపోతుండటంతో పరిస్థితి ఎప్పటికప్పుడు మొదటికి వస్తోంది. రోనాల్డ్‌రాస్‌ తర్వాత ఆమ్రపాలిని కమిషనర్‌గా నియమించినప్పుడు ఉన్నవారిలో సీనియర్‌ అయినందున నియమించినట్లు సీఎం అప్పట్లో విలేకరులతో ఓ సందర్భంలో చెప్పారు. ప్రస్తుతం సీనియాటికీ సైతం తిలోదకాలిచ్చారనే ఆరోపణలు వెల్లువెత్తుతున్నాయి. రోనాల్డ్‌రాస్‌, ఆమ్రపాలి మారడానికి కారణాలున్నాయి కానీ ఇలంబర్తిని మార్చడానికి కారణాలంటూ కనిపించడం లేదు. పైపెచ్చు ఇప్పుడిప్పుడే తగిన చర్యలతో జీహెచ్‌ఎంసీలో క్రమశిక్షణతోపాటు, అవినీతికి అడ్డుకట్ట పడుతుందని భావిస్తున్న తరుణంలో ఉన్నట్లుండి మార్చడంతో ఎందుకిలా చేస్తున్నారో తెలియడం లేదనే అభిప్రాయాలు వ్యక్తమవుతున్నాయి. ఆయన వస్తారో.. రారో.. ● తనకంటే జూనియర్‌ను కమిషనర్‌గా నియమించడంతో ఆయన వద్ద అడిషనల్‌ కమిషనర్‌గా పని చేయలేననే తలంపుతో కిల్లు శివకుమార్‌ నాయుడు సెలవుపై వెళ్లినట్లు జీహెచ్‌ఎంసీ వర్గాల్లో వినిపిస్తోంది. ఆయన జీహెచ్‌ఎంసీకి వస్తారో.. రారో తెలియాలంటే కొన్ని రోజులు ఆగాల్సిందే. మరోవైపు, దీర్ఘకాలిక సెలవులో ఉన్న అడిషనల్‌ కమిషనర్‌ స్నేహ శబరీష్‌ తిరిగి విధుల్లో చేరారు. ఆమెకు ఇంకా బాధ్యతలు కేటాయించలేదు. ఆమె సెలవులో వెళ్లడంతో ఆమె బాధ్యతల్ని ఇతరులకు అప్పగించారు. వారు తమదైన ప్రణాళిక, లక్ష్యాలతో పనులు చేస్తున్నారు. తిరిగి వారికా విధులు తప్పిస్తే మళ్లీ గందరగోళమేననే అభిప్రాయాలు వ్యక్తమవుతున్నాయి. ● ఒకవేళ.. శివకుమార్‌ నాయుడు జీహెచ్‌ఎంసీకి ఇక రాని పరిస్థితుల్లో ప్రస్తుతం ఆయన పరిధిలో ఉన్న విద్యుత్‌, చెరువులు, ఎస్‌ఎన్‌డీపీ, భూసేకరణ విభాగాలను స్నేహశబరీష్‌కు అప్పగించవచ్చనే అభిప్రాయాలు వ్యక్తమవుతున్నాయి. గతంలో ఆమె వివిధ విభాగాలను సమర్థంగా నిర్వహించడంతో వీటిని ఆమెకు అప్పగిస్తారని భావిస్తున్నారు. లేని పక్షంలో మళ్లీ కొత్త గందరగోళాలు తలెత్తుతాయనే అభిప్రాయాలు వ్యక్తమవుతున్నాయి. శివకుమార్‌ నాయుడు వద్ద ఉన్న హౌసింగ్‌ విభాగాన్ని ఇప్పటికే నళినీ పద్మావతికి అప్పగించారు. బదిలీపై జీహెచ్‌ఎంసీకి తిరిగి వచ్చిన భోర్ఖడే హేమంత్‌ సహదేవ్‌ రావు శేరిలింగంపల్లి జోనల్‌ కమిషనర్‌గా బాధ్యతలు స్వీకరించారు. అభివృద్ధి, సంస్కరణలు జరుగుతున్నా.. మరోవైపు.. జీహెచ్‌ఎంసీలో జరుగుతున్న వివిధ అభివృద్ధి పనుల్ని సరిగా ప్రచారం చేసుకోలేకపోతున్నారనే విమర్శలున్నాయి. రెగ్యులర్‌ సీపీఆర్‌ఓ లేకపోవడంతో మొక్కుబడి ప్రకటనలు తప్ప జీహెచ్‌ఎంసీలో ఎన్నో సంస్కరణలు, కొత్త కార్యక్రమాలు ప్రవేశపెట్టినా తెలియడం లేదు. పైపెచ్చు తరచూ తప్పుడు సమాచారం అందుతోందనే ఆరోపణలున్నాయి. గతంలో సీపీఆర్‌ఓ కార్యాలయం సమర్థంగా పనిచేసేది. ప్రస్తుతం ఆ విభాగాన్ని గాలికి వదిలేశారని చెబుతున్నారు. మిస్‌ వరల్డ్‌ పోటీలపై పై ప్రత్యేక శ్రద్ధ ‘మిస్‌ వరల్డ్‌ –2025’ పోటీలకు హైదరాబాద్‌ వేదిక కావడంతో అందరి చూపూ నగరంపై పడింది. ఈ నేపథ్యంలో వివిధ మార్గాల్ని, ఆయా ప్రాంతాల్ని సర్వాంగ సుందరంగా తీర్చిదిద్దిడంపై ప్రస్తుతం దృష్టి సారించారు. పోటీల్లో పాల్గొనే వారు చార్మినార్‌, లాడ్‌బజార్‌, చౌమహల్లా ప్యాలెస్‌, పోలీస్‌ కమాండ్‌ కంట్రోల్‌ సెంటర్‌, శిల్పారామం, ఫలక్‌నుమా ప్రాంతాలను సందర్శించనుండటంతో ఆయా ప్రాంతాల్లో ప్రత్యేక లైటింగ్‌ తదితర ఏర్పాట్లు చేయనున్నారు.

సాక్షి, సిటీబ్యూరో: జలమండలికి అవార్డుల పరంపర కొనసాగుతోంది. ఇప్పటికే వరల్డ్‌ వాటర్‌ అవార్డు, ఉత్తమ ఎస్టీపీ పురస్కారాన్ని అందుకోగా.. తాజాగా మరో అవార్డును తన ఖాతాలో వేసుకుంది. తమ సంస్థలో పని చేస్తున్న కార్మికుల కోసం అమలు చేస్తున్న సంక్షేమ పథకాలు, తీసుకుంటున్న చర్యలు, స్నేహ పూర్వక సంబంధాలకు గానూ ఉత్తమ యాజమాన్యం పురస్కారాన్ని అంతర్జాతీయ కార్మిక దినోత్సవం సందర్భంగా తెలంగాణ రాష్ట్ర ప్రభుత్వం ప్రకటించింది. గురువారం రవీంద్ర భారతిలో జరిగిన కార్మిక దినోత్సవంలో సీఎం రేవంత్‌ రెడ్డి చేతుల మీదుగా జలమండలి ఎండీ అశోక్‌ రెడ్డి అందుకున్నారు. ప్రభుత్వ విభాగాల్లో జలమండలికి మాత్రమే ఈ అవార్డు దక్కడం విశేషం. అవార్డుల ప్రధానోత్సవ కార్యక్రమంలో బోర్డు డైరెక్టర్‌ (పర్సనల్‌) మహమ్మద్‌ అబ్దుల్‌ ఖాదర్‌ తదితరులు పాల్గొన్నారు.

కవాడిగూడ: ఆన్‌లైన్‌ క్రికెట్‌ బెట్టింగ్‌ పాల్పడుతున్న వ్యక్తులను సెంట్రల్‌ జోన్‌ టాస్క్‌ఫోర్స్‌, దోమలగూడ పోలీసులు గురువారం అరెస్టు చేశారు. పోలీసుల కథనం మేరకు వివరాలిలా ఉన్నాయి. దోమలగూడ పోలీస్‌ స్టేషన్‌ పరిధిలోని హిమాయత్‌నగర్‌ స్ట్రీట్‌ నెంబర్‌ 8 పవని లింగయ్య అపార్ట్‌మెంట్‌లో క్రికెట్‌ ఆన్‌లైన్‌ బెట్టింగ్‌ పాల్పడుతున్న సమాచారం అందడంతో దాడి చేసిన పోలీసులు హిమాయత్‌నగర్‌కు చెందిన శ్రీరాజ్‌బూబ్‌, చిక్కడపల్లికి చెందిన సాయినాఽథ్‌, రేగళ్ల గోపీనాఽథ్‌లను అరెస్ట్‌ చేశారు. వారి నుంచి రూ.1.2 లక్షల నగదు, మూడు సెల్‌ ఫోన్లు స్వాధీనం చేసుకున్నారు. నిందితులపై కేసు నమోదు చేసి దర్యాప్తు చేస్తున్నట్లు తెలిపారు. నడి రోడ్డుపై కారు దగ్ధం హయుత్‌నగర్‌: రోడ్డుపై వెళుతున్న కారులో నుంచి ఒక్కసారిగా మంటలు రావడంతో దగ్ధమైన సంఘటన గురువారం హయత్‌నగర్‌ పోలీస్టేషన్‌ పరిధిలో జరిగింది. పోలీసుల కథనం మేరకు వివరాలిలా ఉన్నాయి.. యాదాద్రి జిల్లా ఎలిమినేడు గ్రామానికి చెందిన వేణుగోపాల్‌రెడ్డి రేనాల్డ్‌ కై ్వట్‌ కారులో భార్యతో కలిసి నగరానికి వస్తున్నాడు. హయత్‌నగర్‌ అంబేడ్కర్‌ సర్కిల్‌ సమీపంలో కారు ఇంజిన్‌లో నుంచి మంటలు వచ్చాయి. అప్రమత్తమైన వేణుగోపాల్‌రెడ్డి అతడి భార్య కారు దిగారు. క్షణాల్లో మంటలు వ్యాపించి కారు పూర్తిగా దగ్ధమైంది. ఫైర్‌ సిబ్బంది సంఘటనా స్థలానికి చేరుకుని మంటలను ఆర్పి వేశారు. ఈ మేరకు పోలీసులు కేసు నమోదు చేసుకుని దర్యాప్తు చేస్తున్నారు. సీపీకి చెప్పి కేసు పెట్టిస్తా మణికొండ: నా వాహనం నా ఇష్టం వచ్చినట్టు నడుపుతా.. అడగడానికి నీవెవరు... హైదరాబాద్‌ పోలీస్‌ కమిషనర్‌(సీపీ)కు చెప్పి నీపై కేసు పెట్టిస్తా.. అంటూ ఓ ద్విచక్రవాహన దారుడు నార్సింగి ట్రాఫిక్‌ పోలీస్‌స్టేషన్‌లో పనిచేస్తున్న హోం గార్డుపై వీరంగం సృష్టించిన సంఘటన ఆలస్యంగా వెలుగులోకి వచ్చింది. నార్సింగి పోలీసుల కథనం మేరకు వివరాలిలా ఉన్నాయి.. గత నెల 29న నార్సింగి ట్రాఫిక్‌ హోంగార్డు రహమతుల్లా బండ్లగూడ చౌరస్తాలో విధులు నిర్వహిస్తున్నాడు. అదే సమయంలో రిలయన్స్‌ స్మార్ట్‌ మాల్‌ పక్కనున్న కాలనీ నుంచి ఓ వ్యక్తి బైక్‌పై మెయిన్‌ రోడ్డు పైకి వచ్చాడు. అయితే ఆ సమయంలో ట్రాఫిక్‌ ఎక్కువగా ఉండటంతో సైడ్‌ రూట్‌లో వెళ్లాలని హోంగార్డు అతడికి సూచించాడు. దీంతో ఆగ్రహానికి లోనైన అతను నేను ఎవరనుకుంటున్నావు.? నన్నే ఆపుతావా.? అంటూ హోంగార్డును బూతులు తిట్టాడు. అంతటితో ఆగకుండా హైదరాబాద్‌ సీపీకి చెప్పి నీపై కేసు పెట్టిస్తా.. అంటూ మొబైల్‌లో సీపీ నెంబర్‌ చూపి బెదిరించాడు. అతను వెళ్లగానే అతడి కుమారుడు వచ్చి మరో మారు హోంగార్డును అసభ్యంగా దూషించాడు. దీంతో హోంగార్డ్‌ రహమతుల్లా గురువారం నార్సింగి పోలీసులకు ఫిర్యాదు చేశాడు. కేసు నమోదు చేసుకున్న పోలీసులు వాహనం నెంబర్‌ ఆధారంగా నిందితులను గుర్తించేందుకు చర్యలు చేపట్టారు. బైక్‌ ఢీకొని గుర్తు తెలియని వ్యక్తి మృతి కేపీహెచ్‌బీకాలనీ: ఫ్లై ఓవర్‌ బ్రిడ్జిపై రోడ్డు దాటుతున్న ఓ గుర్తు తెలియని వ్యక్తిని వేగంగా దూసుకొచ్చిన ఓ ద్విచక్ర వాహనం ఢీకొట్టడంతో తీవ్ర గాయాలకు గురైన ఆ వ్యక్తి అక్కడికక్కడే మృతి చెందిన సంఘటన కేపీహెచ్‌బీ పోలీస్‌స్టేషన్‌ పరిధిలో జరిగింది. ఎస్‌ఐ మౌనికా రెడ్డి సమాచారం మేరకు... కేపీహెచ్‌బీ కాలనీ రోడ్లపై తిరుగాడే ఓ గుర్తు తెలియని వ్యక్తి బుధవారం అర్ధరాత్రి 12:40 గంటల సమయంలో ఫోరం మాల్‌ ఎదురుగా ఉన్న ఫ్లై ఓవర్‌ బ్రిడ్జిపై రోడ్డు దాటుతుండగా హైటెక్‌ సిటీ నుంచి జేఎన్‌టియు వైపు వేగంగా దూసుకువచ్చిన ద్విచక్ర వాహనం ఢీకొట్టింది. దీంతో గుర్తు తెలియని వ్యక్తి తలకు తీవ్ర గాయాలు కాగా అక్కడికక్కడే మృతి చెందాడు. డయల్‌ 100 ద్వారా సమాచారం అందుకున్న పోలీసులు సంఘటనా స్థలానికి చేరుకొని మృతదేహాన్ని పోస్టుమార్టం నిమిత్తం గాంధీ ఆస్పత్రికి తరలించి ద్విచక్ర వాహనదారుడు అనిల్‌ను అదుపులోకి తీసుకొని దర్యాప్తు చేపట్టారు. గుర్తు తెలియని వ్యక్తి ఆచూకీ, ఇతర వివరాలను తెలుసుకునేందుకు పోలీసులు ప్రయత్నిస్తున్నారు. ఎమ్మెల్యే సుధీర్‌రెడ్డిపై పోలీసులకు ఫిర్యాదు హస్తినాపురం: ఎల్‌బీనగర్‌ ఎమ్మెల్యే దేవిరెడ్డి సుధీర్‌రెడ్డి తనను బెదిరిస్తున్నాడని అతనిపై చట్టప్రకారం చర్యలు తీసుకోవాలని కోరుతూ కాంగ్రెస్‌ నాయకుడు గోపిరెడ్డి చంద్రశేఖర్‌రెడ్డి గురువారం వనస్థలిపురం పోలీసులకు ఫిర్యాదు చేశాడు. ఇటీవల హస్తినాపురం కార్పొరేటర్‌ సుజాతనాయక్‌పై అనుచిత వ్యాఖ్యలు చేసినందుకు ఎల్‌బీనగర్‌ పోలీస్‌స్టేషన్‌ లో ఎమ్మెల్యే సుధీర్‌రెడ్డిపై ఎస్సీ, ఎస్టీ అట్రాసిటీ కేసు నమోదైందని, సుజాతనాయక్‌కు తాను అండగా ఉంటున్నానని ఎమ్మెల్యే కోపంగా కోపంగా ఉన్నాడన్నారు. గురువారం తాను వనస్థలిపురంలో గ్రంథాలయసంస్థ భవన నిర్మాణ భూమిపూజ కార్యక్రమానికి హాజరుకాగా ఎమ్మెల్యే సుధీర్‌రెడ్డి తన అనుచరులతో కలిసి దాడికి యత్నించాడని ఫిర్యాదులో పేర్కొన్నారు. ఎమ్మెల్యే నుంచి తనకు ప్రాణహాని ఉందని రక్షణ కల్పించాలని ఫిర్యాదులో పేర్కొన్నారు. ● నా ఇష్టం వచ్చినట్లు బైక్‌ నడుపుతా ● అడగడానికి నీవెవరు ● హోంగార్డుపై వాహనదారుడి వీరంగం ● నార్సింగి పోలీసులకు ఫిర్యాదు

సాక్షి, సిటీబ్యూరో: నగరంలో నమోదైన కేసులో వాంటెడ్‌గా ఉన్న నేరగాడిని పట్టుకోవడానికి సిటీ సైబర్‌ క్రైమ్‌ పోలీసులు ఢిల్లీ వెళ్లారు. సాంకేతిక ఆధారాలతో నిందితుడిని గుర్తించి అదుపులోకి తీసుకున్నారు. కోర్టులో హాజరుపరిచి నగరానికి తీసుకువచ్చేందుకు తెలంగాణ భవన్‌లో ఉంచారు. అదను చూసుకున్న అతగాడు పోలీసుల నుంచి ఎస్కేప్‌ అయ్యాడు. హైదరాబాద్‌ సైబర్‌ క్రైమ్‌ పోలీసులు దీనిని సవాల్‌గా తీసుకున్నారు. ఢిల్లీ పోలీసులు కేసు నమోదు చేసినప్పటికీ.. వారి సహాయం లేకుండానే 48 గంటల్లో పట్టుకున్నారు. గత నెలలో జరిగిన ఈ ఎపిసోడ్‌ ఆలస్యంగా వెలుగులోకి వచ్చింది. ఇన్వెస్ట్‌మెంట్‌ ఫ్రాడ్‌లో నిందితుడిగా... ఎస్సార్‌ నగర్‌కు చెందిన సాఫ్ట్‌వేర్‌ ఉద్యోగి (55) గత ఏడాది డిసెంబర్‌ 1న సిటీ సైబర్‌ క్రైమ్‌ ఠాణాలో ఫిర్యాదు చేశాడు. ఆన్‌లైన్‌ ద్వారా తనకు ఎర వేసిన సైబర్‌ నేరగాళ్లు తాము చెప్పినట్లు ఇన్వెస్ట్‌మెంట్స్‌ చేస్తే భారీ లాభాలు ఉంటాయని చెప్పారని, వారి మాటలు నమ్మిన తాను తొలినాళ్లల్లో లాభపడినా చివరకు రూ.72.4 లక్షలు కోల్పోయానని అందులో పేర్కొన్నాడు. 2024 సెప్టెంబర్‌–నవంబర్‌ మధ్యలో ఆ స్కామ్‌ జరిగినట్లు పోలీసుల దృష్టికి తీసుకువెళ్లాడు. దీని ఆధారంగా కేసు నమోదు చేసుకున్న అధికారులు సాంకేతికంగా దర్యాప్తు చేపట్టారు. ఢిల్లీలోని జామియానగర్‌లో ఫుడ్‌ డెలివరీ బాయ్‌గా పని చేస్తున్న మహ్మద్‌ ఉమర్‌, షహీన్‌బాగ్‌కు చెందిన విద్యార్థి ఇంతియాజ్‌ అహ్మద్‌ ఈ నేరంలో పాలుపంచుకున్నట్లు గుర్తించారు. పీటీ వారెంట్‌ తీసుకున్నాక పరారీ... ఈ నిందితులను అరెస్టు చేయడానికి సైబర్‌ క్రైమ్‌ ఠాణా ఇన్‌స్పెక్టర్‌ ఎస్‌.నరేష్‌ నేతృత్వంలోని బృందం గత నెల మూడో వారంలో ఢిల్లీ వెళ్లింది. ఏప్రిల్‌ 19న ఇద్దరు నిందితుల ఆచూకీ కనిపెట్టిన అధికారులు వారిని అరెస్టు చేశారు. మరుసటి రోజు అక్కడి సాకెట్‌లోని కోర్టులో హాజరుపరిచి హైదరాబాద్‌ తరలించడానికి ప్రిజనర్స్‌ ట్రాన్సిట్‌ (పీటీ) వారెంట్‌ తీసుకున్నారు. ఆ రోజు రైలు టిక్కెట్లు దొరక్కపోవడంతో మరుసటి రోజుకు (ఏప్రిల్‌ 21న) బుక్‌ చేసుకున్నారు. నిందితులిద్దరినీ తెలంగాణ భవన్‌కు తరలించిన పోలీసులు అక్కడి రూం నం.304లో బస చేశారు. అదే రోజు రాత్రి అదను చూసుకుని ఉమర్‌ పోలీసు కస్టడీ నుంచి పరారయ్యాడు. తెల్లవారుజామున ఒంటి గంట ప్రాంతంలో కాలకృత్యాలు తీసుకోవడానికంటూ వెళ్లిన ఉమర్‌.. ఎస్కార్ట్‌ కానిస్టేబుల్‌ను తొసేసి పారిపోయాడు. పట్టవదలకుండా గాలింపు దీంతో అప్రమత్తమైన పోలీసులు అతడి కోసం గాలించినా ఫలితం లేకపోవడంతో తిలక్‌మార్గ్‌ పోలీసుస్టేషన్‌లో ఫిర్యాదు చేయడంతో ఉమర్‌పై మరో కేసు నమోదైంది. ఢిల్లీ ఠాణాలో కేసు నమోదైనప్పటికీ.. తమ కస్టడీ నుంచి పారిపోయిన నిందితుడిని తామే పట్టుకోవాలని నగర పోలీసులు భావించారు. హైదరాబాద్‌లో ఉన్న బృందం సాంకేతిక సహకారం అందించగా... ఢిల్లీలోని టీమ్‌ క్షేత్రస్థాయిలో గాలించింది. ఎట్టకేలకు 48 గంటల్లో ఉమర్‌ ఆచూకీ కనిపెట్టి పట్టుకోగలిగింది. ఆపై నగరానికి తీసుకువచ్చి కోర్టులో హాజరుపరిచి జ్యుడీషియల్‌ రిమాండ్‌కు తరలించారు. ఢిల్లీలోని తిలక్‌మార్గ్‌ ఠాణాలో నమోదైన కేసులో అక్కడి పోలీసులు త్వరలో పీటీ వారెంట్‌పై తరలించనున్నారు. ఉమర్‌, అహ్మద్‌ను ప్రధాన సూత్రధారులకు బ్యాంకు ఖాతాలు అందించడంలో కీలకంగా వ్యవహరించారని పోలీసులు చెబుతున్నారు. ఢిల్లీలో సైబర్‌ నేరగాడిని పట్టుకున్న పోలీసులు తెలంగాణ భవన్‌ నుంచి తప్పించుకున్న ఉమర్‌ సవాల్‌గా తీసుకున్న సిటీ సైబర్‌ క్రైమ్‌ కాప్స్‌ స్థానిక పోలీసుల సహకారం లేకుండానే పట్టివేత

మియాపూర్‌: భవన నిర్మాణాల వద్ద విలువైన సామగ్రి, సెంట్రింగ్‌ వస్తువుల చోరీకి పాల్పడుతున్న మహిళల ముఠాను మియాపూర్‌ పోలీసులు అరెస్ట్‌ చేసి వారి నుంచి రూ.7లక్షల విలువైన అల్యూమినియం సెంట్రింగ్‌ సామగ్రి, రెండు ఆటోలను స్వాధీనం చేసుకున్నారు. గురువారం మియాపూర్‌ పోలీస్‌ స్టేషన్‌లో ఏర్పాటు చేసిన విలేకరు సమావేశంలో మియాపూర్‌ ఏసీపీ శ్రీనివాస్‌ కుమార్‌, ఇన్‌స్పెక్టర్‌ క్రాంతి కుమార్‌, డీఐ రమేష్‌ నాయుడుతో కలిసి వివరాలు వెల్లడించారు. సైదాబాద్‌లోని సింగరేణి కాలనీకి చెందిన ముడావత్‌ పద్మ, నెనావత్‌ విజయ, బిల్లావత్‌ లక్ష్మీ, నెనావత్‌ అమృత, సభావత్‌ సునిత, వాడిత్య అనిత, ఆటోడ్రైవర్‌ నెనావత్‌ చందర్‌ ముఠాగా ఏర్పడి రాత్రి వేళల్లో భారీ భవన నిర్మాణ సముదాయాల వద్ద సెంట్రింగ్‌ సామగ్రి, ఇతర విలువైన వస్తువుల చోరీకి పాల్పడుతున్నారు. వీరిలో ఒకరు ఉదయం వేళల్లో కాలనీల్లో తిరుగుతూ సెక్యూరిటీ లేని భవనాలను ఎంచుకుని ముఠా సభ్యులకు సమాచారం అందిస్తారు. రాత్రి అందరూ కలిసి ట్రాలీ ఆటోలో తాము ఎంచుకున్న భవనం వద్దకు చేరుకుంటారు. అదను చూసుకుని సెంట్రింగ్‌ సామగ్రి, ఇతర విలువైన వస్తువులను ఆటోలో వేసుకుని తరలించేవారు. అనంతరం దానిని అమ్మి సొమ్ము చేసుకుంటారు. గత నెల 19న వీరు అర్ధరాత్రి మియాపూర్‌లోని ఓ భవనం వద్ద అల్యూమినియం సెంట్రింగ్‌ సామగ్రి చోరీకి పాల్పడ్డారు. భవన యజమాని ఫిర్యాదు మేరకు మియాపూర్‌ పోలీసులు కేసు నమోదు చేసుకుని దర్యాప్తు చేపట్టారు. సమీపంలోని సీసీ కెమెరాల ఫుటేజీ ఆధారంగా నిందితులు పద్మ, విజయ, లక్ష్మీ, అమృత, సునిత, అనిత, చందర్‌లను అదుపులోకి తీసుకుని విచారించగా నేరం అంగీకరించారు. ముడావత్‌ పద్మపై 16, విజయపై 7, అమృతపై 1, సునిత 2 కేసులున్నట్లు తెలిపారు. వీరు గతంలో జైలుకు వెళ్లి వచ్చినా తమ వైఖరి మార్చుకోకుండా చోరీలకు పాల్పడుతున్నట్లు తెలిపారు. నిందితులను అరెస్ట్‌ చేసి రిమాండ్‌కు తరలించిన పోలీసులు రూ.7లక్షల సెంట్రింగ్‌ సామగ్రీ, రెండు ఆటోలను స్వాధీనం చేసుకున్నట్లు తెలిపారు. సెంట్రింగ్‌ దొంగల ముఠా ఆటకట్టు రూ.7లక్షల విలువైన సామగ్రి, రెండు ఆటోలు స్వాధీనం ఆరుగురు మహిళలతో సహా ఆటో డ్రైవర్‌ అరెస్ట్‌

మంత్రి పొన్నం ప్రభాకర్‌ గన్‌ఫౌండ్రీ: క్రీడారంగ అభివృద్ధికి తమ ప్రభుత్వం ఎంతగానో కృషి చేస్తోందని మంత్రి పొన్నం ప్రభాకర్‌ అన్నారు. ఆదివారం ఎల్బీస్టేడియంలో తెలంగాణ యూత్‌ కాంగ్రెస్‌ ఆధ్వర్యంలో నిర్వహిస్తున్న టి–20 క్రికెట్‌ చాంపియన్‌షిప్‌ పోటీలను ఆయన ప్రారంభించారు. క్రికెట్‌ ఖేలో–నషా చోడో అనే నినాదంతో, నో డ్రగ్స్‌– నో బెట్టింగ్‌ అంటూ క్రికెట్‌ పోటీలను నిర్వహించడం ఎంతో అభినందనీయమన్నారు. కార్యక్రమంలో రాజ్యసభ సభ్యుడు అనిల్‌కుమార్‌ యాదవ్‌, ఖైరతాబాద్‌ డీసీసీ అధ్యక్షుడు రోహిన్‌రెడ్డి, యూత్‌ కాంగ్రెస్‌ రాష్ట్ర అధ్యక్షుడు జక్కిడి శివచరణ్‌రెడ్డి, స్పోర్ట్స్‌ సెల్‌ ఇన్‌చార్జి పొన్నం తరుణ్‌ గౌడ్‌, శక్తి సూపర్‌ షీ కోఆర్డినేటర్‌ కె.విద్యారెడ్డి తదితరులు పాల్గొన్నారు.

సాక్షి, రంగారెడ్డి జిల్లా: పరస్పర బదిలీల్లో పలువురు ఉపాధ్యాయులు అడ్డదారులు తొక్కుతున్నారనే ఆరోపణలు వినిపిస్తున్నాయి. మరో రెండు మూడు నెలలు/ రోజుల్లో పదవీ విరమణ చేయాల్సిన వారు కూడా పరస్పర బదిలీ పేరుతో ఇతర జిల్లాలకు వెళ్తుండడం సందేహాలకు తావిస్తోంది. ప్రతిఫలంగా ఇతర జిల్లాల నుంచి ఇక్కడికి వచ్చే సర్వీసు ఎక్కువ ఉన్న వారి నుంచి ‘పెద్ద మొత్తంలో’ లబ్ధి పొందుతున్నట్లు తెలుస్తోంది. దీన్ని అడ్డుకోవాల్సిన ఉపాధ్యాయ సంఘాలు, ఉన్నతాధికారులు పరోక్షంగా ఇందుకు సహకరిస్తున్నట్లు విమర్శలు వెల్లువెత్తుతున్నాయి. నిజానికి స్థానికేతరుల కోటా 20 శాతానికి మించకూడదు. కానీ జిల్లాలో ఖమ్మం, నల్లగొండ, వరంగల్‌, మహబూబ్‌నగర్‌ జిల్లాల నుంచి డిప్యూటేషన్లపై వచ్చి చేరిన వారితో స్థానికేతరుల కోటా 50 శాతం దాటిపోయింది. స్పౌజ్‌ కోటాలో ఇప్పటికే 32 మంది ఉపాధ్యాయులు జిల్లాకు రాగా, తాజాగా పరస్పర బదిలీల ప్రక్రియలో భాగంగా మరో 112 మంది వచ్చి చేరినట్లు విశ్వసనీయ సమాచారం. ఇప్పుడెందుకు వెళ్తున్నట్లు? ప్రస్తుతం జిల్లా వ్యాప్తంగా 4,054 ఎస్‌జీటీలు, 3,997 స్కూల్‌ అసిస్టెంట్లు, 278 మంది హైస్కూలు ప్రధానోపాధ్యాయులు, 200 మంది ప్రైమరీ స్కూల్‌ ప్రధానోపాధ్యాయులు పని చేస్తున్నారు. జిల్లాల పునర్విభజనలో భాగంగా గత బీఆర్‌ఎస్‌ ప్రభుత్వ హయాంలో ఉపాధ్యాయులు, ఉద్యోగులను స్థానికత ఆధారంగా ఆయా జిల్లాలకు కేటాయించింది. ఉమ్మడి జిల్లాలోని కొంత మంది ఉపాధ్యాయులకు స్థానికత ఉన్నప్పటికీ సీనియారిటీ లేకపోవడంతో ఇతర జిల్లాలకు కేటాయించింది. ఇందులో భాగంగా ఆమనగల్లు మండల పరిధిలోని ఓ ప్రభుత్వ పాఠశాలలో పని చేస్తున్న ఓ ఉపాధ్యాయుడిని నాగరకర్నూలు జిల్లాకు కేటాయించింది. ఆయన ఇప్పటి వరకు రిలీవ్‌ కాలేదు. తనకున్న ఆర్థిక, రాజకీయ పలుకుబడితో నాలుగేళ్లుగా ఇక్కడే కొనసాగుతూ వచ్చారు. మరో మూడు రోజుల్లో ఉద్యోగ విరమణ చేయనున్నారు. సర్వీసు ముగిసే సమయంలో ఆయన పరస్పర బదిలీల్లో భాగంగా వికారాబాద్‌కు వెళ్తున్నారు. ఆయన స్థానంలో వికారాబాద్‌ జిల్లాకు చెందిన సర్వీసు ఎక్కువగా ఉన్న మరో ఉపాధ్యాయురాలు జిల్లాకు వచ్చారు. పరస్పర బదిలీల్లో భాగంగా ఇద్దరి మధ్య పెద్ద మొత్తంలో డబ్బులు చేతులు మారినట్లు ఆరోపణలు ఉన్నాయి. ఇలా జిల్లా వ్యాప్తంగా 25 మంది వరకు పరస్పర బదిలీల్లో వెళ్లి.. అటు నుంచి వచ్చే వారి నుంచి భారీగా ‘పుచ్చుకున్నట్లు’ తెలిసింది. నిజానికి సర్వీసు ముగింపు దశలో ఉన్న వారిని రిలీవ్‌ చేయకూడదు. జిల్లా విద్యాశాఖ అధికారులు ఇందుకు విరుద్ధంగా వ్యవహరిస్తుండడంపై అనుమానాలు వ్యక్తం అవుతున్నాయి. ఈ విషయమై కలెక్టర్‌కు ఫిర్యాదులు వెళ్లినట్లు సమాచారం. రంగారెడ్డి జిల్లా విద్యాశాఖలో అడ్డగోలు ట్రాన్స్‌ఫర్లు అనుకూలమైన చోటుకు వెళ్లేందుకు అడ్డదారులు నిబంధనలకు విరుద్ధంగా రిలీవింగ్‌.. జాయినింగ్‌ భారీగా డబ్బులు చేతులు మారినట్లు ఆరోపణలు ఇష్టారీతిన పోస్టింగ్‌లు ఆరోగ్య సమస్యలు, పిల్లల ఉన్నత చదువుల పేరుతో ఇతర జిల్లాలకు చెందిన ఉపాధ్యాయ సంఘాల నేతలు సహా ప్రజాప్రతినిధుల బంధువులు రాజకీయ, ఆర్థిక పలుకుబడిని అడ్డంపెట్టుకుని డిప్యూటేషన్‌పై జిల్లాకు వస్తున్నారు. విద్యార్థుల సంఖ్య ఎక్కువగా ఉన్న ప్రభుత్వ పాఠశాలలు కాకుండా, ఇంటికి సమీపంలో, తక్కువ విద్యార్థులు ఉన్న స్కూళ్లలో (ఫోకల్‌) పోస్టింగ్‌లు పొందుతున్నారు. ఇక్కడే పుట్టి, ఇక్కడే చదువుకుని, డీఎస్సీ ద్వారా ఉపాధ్యాయుడిగా ఎంపికై న వారు ఇతర మండలాల్లోని నాన్‌ ఫోకల్‌ పోస్టుల్లో పని చేయాల్సి వస్తోంది. సీనియార్టీ పేరుతో పదోన్నతులను కొల్లగొడుతున్నారు. ఈ విషయం తెలిసి కూడా ఒక్క ఉపాధ్యాయ సంఘం కూడా అభ్యంతరం చెప్పకపోవడం గమనార్హం. జిల్లాలో ఇప్పటికే 20 వేల మందికిపైగా బీఈడీ, టెట్‌ అర్హత పరీక్షలు పూర్తి చేసుకుని డీఎస్సీ కోసం ఎదురు చూస్తున్నారు. ప్రభుత్వం పోస్టుల భర్తీకి రెండు మూడేళ్లకోసారి నోటిఫికేషన్లు జారీ చేస్తే.. ఆయా సమయాల్లో ఖాళీ లేక జిల్లాలోని నిరుద్యోగ యువతకు ఉద్యోగాలు దొరకని పరిస్థితి నెలకొంది.

సాక్షి, సిటీబ్యూరో: మ్యాన్‌హోళ్ల క్లీనింగ్‌కు వినియోగిస్తున్న బిగ్‌ ఎయిర్‌టెక్‌ మిషన్లలో కాలం చెల్లిన వాటికి చెక్‌ పెట్టేందుకు జలమండలి సిద్ధమవుతోంది. ఎయిర్‌టెక్‌ వాహనాలకు పాత టెక్నాలజీ అప్‌గ్రేడ్‌తో కొత్త గ్రేడింగ్‌కు అవకాశం కల్పిస్తూనే సరికొత్త నిబంధనలతో టెండర్‌ ప్రక్రియ చేపట్టాలని నిర్ణయించింది. వాహన కాల పరిమితి 13 ఏళ్లలోపు ఉండాలని, జెట్టింగ్‌, సక్షన్‌తో పాటు గ్రాబర్‌ కలిగి ఉండేలా నిబంధనలు రూపొందిస్తోంది. పైపులైన్‌లోని మురుగును గ్రాబర్‌ (బకెట్‌) ద్వారా బయటికి తీసుకొచ్చేలా ఉన్న వాహనాలకే ప్రాధాన్యం ఇవ్వాలని నిర్ణయించింది. టెండర్ల ప్రక్రియ పూర్తయి వర్క్‌ ఆర్డర్‌ ఇచ్చిన తర్వాత ప్రతి మూడు నెలలకోసారి పీడీఐఎల్‌ (భారత ప్రభుత్వ వాహన యోగ్యత తనిఖీ కేంద్రం) ధ్రువీకరణ పత్రం తప్పనిసరిగా సమర్పించేలా నిబంధన రూపొందిస్తోంది. నిత్యం వాహనాల పనితీరుపై జీపీఎస్‌ ద్వారా ఏవీటీఎస్‌ వినియోగించి పర్యవేక్షించనుంది. ముచ్చటగా మూడోసారి.. జలమండలి పరిధిలో 80 భారీ ఎయిర్‌ మిషన్లను అద్దె ప్రాతిపదికన వినియోగిస్తున్నారు. ఎయిర్‌ టెక్‌ మిషన్ల టెండర్‌ వర్క్‌ ఆర్డర్‌ కాలపరిమితి గతేడాది సెప్టెంబర్‌ 14తోనే ముగిసింది. తిరిగి టెండర్‌ ప్రక్రియ చేపట్టకుండా ఇదివరకే మూడు నెలల చొప్పున రెండుసార్లు వర్క్‌ ఆర్డర్‌ కాలపరిమితిని అధికారులు పొడిగించారు. తాజాగా మూడోసారి కూడా ఆరు నెలల కాల పరిమితిని పొడిగించేందుకు దస్త్రాలు ముందుకు కదిలాయి. నిబంధనల ప్రకారం టెండర్‌ ప్రక్రియ కాలపరిమితి ముగియక ముందే కొత్త టెండర్‌ ప్రక్రియ చేపట్టి వర్క్‌ ఆర్డర్‌ ఇవ్వాల్సి ఉంటుంది. టెండర్‌ కాలపరిమితి ముగిసి ఎలాంటి ఆటంకం లేనప్పటికీ పాత వర్క్‌ ఆర్డర్‌కు గడువు పొడిగింపు పలు అనుమానాలకు తావిస్తోంది. ఒక నెల బిల్లు ముట్టజెబితే... ఎయిర్‌ టెక్‌ వాహనాల్లో సగానికిపైగా కాలం చెల్లినవి ఉన్నట్లు ఆరోపణలు వినిపిస్తున్నాయి. వాస్తవంగా మార్కెట్‌లో ఏఆర్‌ఏఐ బీఎస్‌–6 వాహనాలు అందుబాటులో ఉండగా.. జలమండలి మాత్రం అత్యధికంగా బీఎస్‌–3, బీఎస్‌–4 వాహనాలు వినియోగంలో ఉన్నట్లు తెలుస్తోంది. ఇది కొందరు జలమండలి ఉన్నతాధికారులకు కలిసి వచ్చేలా తయారైంది. కాలం చెల్లిన వాహనాలకు వర్క్‌ ఆర్డర్‌ను కొత్త టెండర్‌ ప్రక్రియ పూర్తి వరకు కొనసాగించాలంటే ఒక నెల బిల్లు ముట్టజెప్పాలని అధికారులు సదరు ఏజెన్సీలపై ఒత్తిడి చేస్తున్నట్లు ఆరోపణలు వినవస్తున్నాయి. ఇక జెట్టింగ్‌, సక్షన్‌తో పాటు గ్రాబర్‌ తప్పనిసరి పాత టెక్నాలజీ అప్‌గ్రేడ్‌తో కొత్త గ్రేడింగ్‌కు అవకాశం త్వరలో సరికొత్త నిబంధనలతో టెండర్ల ప్రక్రియ చర్యలకు సిద్ధమవుతున్న జలమండలి యంత్రాంగం ఏడాది రూ.30కోట్లపైనే.. జలమండలి భారీ ఎయిర్‌టెక్‌ వాహనాలకు ప్రతి యేటా రూ.30కోట్లకుపైగా అద్దె చెల్లిస్తోంది. నిబంధనల ప్రకారం ఒక్కో యంత్రం రోజువారీగా గరిష్టంగా 500 రన్నింగ్‌ మీటర్‌ మేర పైపులైన్‌లో సీవరేజీ క్లీనింగ్‌ చేయాల్సి ఉంటుంది. ఒక రన్నింగ్‌ మీటర్‌కు రూ.22 చొప్పున సదరు ఏజెన్సీలకు చెల్లిస్తోంది. ఇలా ఒక్కో యంత్రానికి నెలకు రూ.3.30 లక్షల చొప్పున ఏటా 80 వాహనాలకుగాను రూ.31.68 కోట్ల వరకు ఖర్చు చేస్తోంది. కొందరు భారీ ఎయిర్‌టెక్‌ యజమానులు క్షేత్రస్థాయి అధికారుల సహకారంతో లాగ్‌ పుస్తకాల్లో తప్పుడు సమాచారం నమోదు చేసి అక్రమాలకు పాల్పడుతున్నట్లు ఆరోపణలు ఉన్నాయి. కేవలం 150 నుంచి 200 వరకు రన్నింగ్‌ మీటర్ల పైపులైన్‌ క్లీన్‌ చేసి రెండింతలకు పైగా ఎక్కువగా నమోదు చేయించుకుంటున్నారనే విమర్శలు ఉన్నాయి. వాహనాలకు జీపీఎస్‌ ద్వారా ఏవీటీఎస్‌ విధించినా క్షేత్రస్థాయి అధికారుల ధ్రువీకరణ ఇందుకు దోహదం చేస్తోంది. మరోవైపు కొన్ని యంత్రాలు సరిగా పని చేయకున్నా పని చేసినట్లు బిల్లుల చెల్లింపు జరుగుతున్నట్లు ఆరోపణలు వినిపిస్తున్నాయి. త్వరలో టెండర్లు ఆహ్వానిస్తాం మురుగునీటి వ్యవస్థ నిర్వహణలో వినియోగిస్తున్న భారీ ఎయిర్‌టెక్‌ మిషన్ల కోసం సరికొత్త నిబంధనలతో త్వరలో టెండర్లు ఆహ్వానించనున్నాం. టెండర్‌ ప్రక్రియ పూర్తయి వర్క్‌ ఆర్డర్‌ ఇచ్చేవరకు సీవరేజీ క్లీనింగ్‌ చేస్తున్న వాహనాల వర్క్‌ ఆర్డర్ల కాలపరిమితి పొడించాలని నిర్ణయించాం. ఏఆర్‌ఏఐ నిబంధనల ప్రకారం కాలం చెల్లిన వాహనాలను కట్టడి చేస్తాం. – అశోక్‌రెడ్డి, ఎండీ, జలమండలి జలమండలి పరిధిలో భారీ ఎయిర్‌టెక్‌ యంత్రాలు ఇలా.. డివిజన్‌ నియోజక వర్గం వాహనాల సంఖ్య 1 చార్మినార్‌, బహదూర్‌పురా 6 2 మలక్‌పేట, యాకుత్‌పురా 6 3 కార్వాన్‌, నాంపల్లి (కొద్ది భాగం) 6 4 గోషామహల్‌, నాంపల్లి (కొద్ది భాగం) 6 5 అంబర్‌పేట, ముషీరాబాద్‌ 7 6 జూబ్లీహిల్స్‌, ఖైరతాబాద్‌ 10 7 సికింద్రాబాద్‌, సనత్‌నగర్‌ 7 8 చాంద్రాయణగుట్ట 3 9 కూకట్‌పల్లి 3 10 ఎల్‌బీనగర్‌ (కొద్ది భాగం) 2 11 ఎల్‌బీనగర్‌ (ఇంకొద్ది భాగం) 2 12 కుత్బుల్లాపుర్‌ 4 13 మల్కాజిగిరి 6 14 ఉప్పల్‌ 4 15 శేరిలింగంపల్లి (కొద్ది భాగం) 3 16 రాజేంద్రనగర్‌ 3 17 శేరిలింగంపల్లి (కొద్ది భాగం) 3

ఇబ్రహీంపట్నం: బహుజనుల రాజ్యాన్ని స్థాపించి ఎర్రకోటపై జెండా ఎగురవేయాలని దళితసేన వ్యవస్థాపక జాతీయ అధ్యక్షుడు జేబీ రాజు పిలుపునిచ్చారు. కేవీపీఎస్‌ ఆధ్వర్యంలో పూలే, అంబేద్కర్‌ జన జాతర సభను ఆదివారం రాత్రి ఇబ్రహీంపట్నంలో నిర్వహించారు. ఈ సందర్భంగా రాజు మాట్లాడుతూ.. 95 శాతం ఉన్న ఎస్సీ, ఎస్టీ, బీసీ, మైనార్టీ బహుజనులంతా ఏకమై బహుజన రాజ్యస్థాపనకు కృషిచేయాలన్నారు. ఆర్థిక, సామాజిక, రాజకీయంగా అందరూ సమానులేనని అంబేడ్కర్‌ రాజ్యాంగంలో రచిస్తే దానిని మార్చేందుకు కేంద్రంలోని బీజేపీ ప్రభుత్వం కుట్రలు చేస్తోందని ఆరోపించారు. రాజ్యాంగాన్ని మార్చే మెజార్టీ పార్లమెంట్‌లో లేని కారణంగానే మనుధర్మ శాస్త్రాన్ని అమలు చేయలేకపోయిందన్నారు. మనుధర్మాన్ని అమలు చేస్తే మన బతుకులు పాత కాలంలో మాదిరిగా మారిపోతాయని, మనుషుల మధ్య స్వేచ్ఛ, సమానత్వం ఉండవని, అణగారిన కులాలు ఆగమైపోతాయని ఆందోళన వ్యక్తం చేశారు. అంబేడ్కర్‌ కల్పించిన ఓటు హక్కు ద్వారా ఎన్నికల్లో బహుజనులు రాజ్యాధికారాన్ని సాధించాలని, అప్పుడే మన బతుకులు మారుతాయన్నారు. లెక్కలు తేలితే తమ ఆటలు సాగవని బీసీ జనాభా లెక్కలు తేల్చేందుకు కేంద్రంలోని బీజేపీ ప్రభుత్వం ముందుకు రావడంలేదని విమర్శించారు. పోరాటలతోనే రాజ్యాధికారం దక్కదని.. ఎన్నికల్లో గెలుపే ప్రధానమన్నారు. అందుకు బహుజనులంతా అధికారం చేపట్టే దిశగా ముందుకు సాగుదామని పిలుపునిచ్చారు. పూలే, అంబేడ్కర్‌ ఆశయాలను అమలు చేసేందుకు సిద్ధంగా ఉండాలన్నారు. బహుజన యుద్ధనౌక ఏపూరి సోమన్న మాట్లాడుతూ.. పూలే, అంబేడ్కర్‌లను స్మరించకపోతే మన భవిష్యత్‌ అంధకారం అవుతుందని పేర్కొన్నారు. మతాలు, కులాల మధ్య చిచ్చుపెట్టి అధికారం దక్కించుకోవాలనే దుర్భర పరిస్థితులు నేడు దేశంలో నెలకొన్నాయని ఆందోళన వ్యక్తం చేశారు. కేవీపీఎస్‌ నేతృత్వంలో బహుజనులను ఏకం చేస్తూ రాజ్యాధికారం వైపు నడిపించే పోరాటానికి తమ మద్దతు ఉంటుందన్నారు. కార్యక్రమంలో కేవీపీఎస్‌ రాష్ట్ర ప్రధాన కార్యదర్శి టి.స్కైలాబ్‌బాబు, జిల్లా అధ్యక్షుడు సామేల్‌, ప్రధాన కార్యదర్శి ప్రకాశ్‌ కారత్‌, సీపీఎం జిల్లా కార్యదర్శి పగడాల యాదయ్య తదితరులు పాల్గొన్నారు. దళితసేన వ్యవస్థాపక జాతీయ అధ్యక్షుడు జేబీ రాజు

కొడంగల్‌ రూరల్‌: ఎదురెదురుగా వస్తున్న బొలెరో..కారు ఢీకొన్న ప్రమాదంలో ముగ్గురు దుర్మరణం చెందారు. ఈ ఘటన వికారాబాద్‌ జిల్లా కొడంగల్‌ మండలం అయినన్‌పల్లి స్టేజ్‌ సమీపంలో ఆదివారం మధ్యాహ్నం చోటుచేసుకుంది. సీఐ శ్రీధర్‌రెడ్డి, ఎస్‌ఐ సత్యనారాయణ తెలిపిన వివరాల ప్రకారం.. ఆంధ్రప్రదేశ్‌ ఈస్ట్‌ గోదావరి జిల్లాకు చెందిన రామారావు(51) హైదరాబాద్‌లోని కేపీహెచ్‌పీ కాలనీలో ఏడాది కాలంగా నివాసం ఉంటున్నారు. ఇతనికి భార్య శారద, కుమారుడు అనిష్‌ ఉన్నారు. శనివారం పని మనిషి శ్రీలత(42), ఆమె మూడో కూతురు శ్రుతి(12)తో కలిసి కారులో కర్ణాటకలోని గానుగాపూర్‌లో గల దత్తాత్రేయస్వామి ఆలయానికి వెళ్లారు. ఆదివారం హైదరాబాద్‌కు తిరుగు ప్రయాణమయ్యారు. ఈ క్రమంలో కొడంగల్‌ మండలం అయినన్‌పల్లి గేటు సమీపంలోకి రాగానే కొడంగల్‌ నుంచి లక్ష్మీపల్లికి వెళ్తున్న బొలెరో వాహనం ఢీకొంది. దీంతో కారులో ప్రయాణిస్తున్న శ్రీలత అక్కడికక్కడే మృతి చెందింది. క్షతగాత్రులు శ్రుతి, రామారావును హైవే అంబులెన్సులో కొడంగల్‌లోని ప్రభుత్వాస్పత్రికి తరలిస్తుండగా రామారావు మృతిచెందారు. ఆస్పత్రిలో చికిత్స పొందుతూ శ్రుతి మృతి చెందింది. ఇదిలా ఉండగా కొడంగల్‌ మండలం పర్సాపూర్‌కు చెందిన శ్రీలతకు పెద్దేముల్‌ మండలం మంబాపూర్‌కు చెందిన కృష్ణప్పతో వివాహం జరిగింది. కుటుంబ సభ్యులు హైదరాబాద్‌లోని హబ్సిగూడలో నివాసముంటూ ఇళ్లలో కూలి పనులు చేసుకుంటూ జీవనం సాగిస్తున్నారు. రామారావు ఇంటో శ్రీలత పని చేస్తోంది. దైవ దర్శనానికి వెళ్లి వస్తున్న క్రమంలో జరిగిన రోడ్డు ప్రమాదంలో రామారావు, శ్రీలత, శ్రుతి మృతి చెందారు. బొలెరో వాహన డ్రైవర్‌కు తీవ్రగాయాలు కావడంతో ఆస్పత్రిలో చికిత్స పొందుతున్నాడు. మృతుల కుటుంబసభ్యుల ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు సీఐ శ్రీధర్‌రెడ్డి తెలిపారు. బొలెరో.. కారు ఢీకొని ముగ్గురు దుర్మరణం దైవ దర్శనానికి వెళ్లి వస్తుండగా ఘటన

సాక్షి, సిటీ బ్యూరో: రిటైర్డ్‌ పోలీస్‌ అధికారి, రచయిత చిలుకూరి రామ ఉమామహేశ్వర శర్మ రాసిన ‘ఏ’ కథా సంపుటిని పలువురు సాహితీ వేత్తలు ఆవిష్కరించారు. ఆదివారం జూబ్లీహిల్స్‌ ఇంటర్నేషనల్‌ సెంటర్‌లో జరిగిన కార్యక్రమంలో కేంద్ర సాహిత్య అకాడమీ పురస్కార గ్రహీత, బాల సాహితీవేత్త డాక్టర్‌ పత్తిపాక మోహన్‌, రచయితలు ఖదీర్‌ బాబు, అనిల్‌, మానస ఎండ్లూరి, కుప్పిలి పద్మ తదితరులు పాల్గొన్నారు. ఈ సందర్భంగా వక్తలు మాట్లాడుతూ ‘ఏ’ కథా సంపుటిలో వైవిధ్యం, వాస్తవికత, మానవీయత కలిగిన కథలు ఉన్నాయని కొనియాడారు. ఈ కథల్లో సీ్త్ర, పురుష సంబంధాల గురించి స్వేచ్ఛగా వ్యక్తపరచడం పాఠకులను ఆశ్చర్యపరుస్తుందని పేర్కొన్నారు. కథలన్నీ ఆలోచింపజేసేలా ఉన్నాయన్నారు. సీ్త్ర, పురుష సంబంధాల పట్ల, సమాజం నిర్మించిన నైతిక చట్రపు విలువలను, సంబద్ధతను రచయిత నిశితంగా ప్రశ్నించారని వివరించారు. ఒకే మూసలో ఒదగని ఈ కథలు చెప్పేతీరు కూడా కథ కథకి మారుతుందన్నారు. కాగా ఉమామహేశ్వర శర్మ పదవీ విరమణ చేశాక రాసిన రెండో పుస్తకం ‘ ఏ’ కథలు. ఆయన మొదటి పుస్తకం ‘నేనూ శాంత కూడా–ఓ జీవన కథ’ ఇప్పటికే పాఠకుల ఆదరణ పొందింది.

సాక్షి, సిటీబ్యూరో: జీహెచ్‌ఎంసీ కొత్త కమిషనర్‌గా ఆర్వీ కర్ణన్‌ నియమితులయ్యారు. ప్రస్తుతం బల్దియా కమిషనర్‌గా ఉన్న ఇలంబర్తికి హైదరాబాద్‌ మెట్రో పాలిటన్‌ సెక్రటరీ బాధ్యతలను అప్పగించారు. ఫ్యూచర్‌సిటీ డెవలప్‌మెంట్‌ అథారిటీ (ఎఫ్‌సీడీఏ) కమిషనర్‌గా కె.శశాంకను నియమిస్తూ ప్రభుత్వం ఉత్తర్వులు జారీ చేసింది. ఆర్వీ కర్ణన్‌.. తమిళనాడు అగ్రికల్చరల్‌ యూనివర్సిటీ నుంచి ఫారెస్ట్రీ విభాగంలో గ్రాడ్యుయేషన్‌ చేశారు. 2007లో ఇండియన్‌ ఫారెస్ట్‌ సర్వీస్‌ పరీక్షలో టాపర్‌గా నిలిచారు. అనంతరం 2012లో ఐఏఎస్‌కు ఎంపికయ్యారు. ఉట్నూరు ఐటీడీఏ ప్రాజెక్ట్‌ ఆఫీసర్‌గా, కరీంనగర్‌, నల్లగొండ జిల్లాల కలెక్టర్‌గా పని చేశారు. ప్రస్తుతం హెల్త్‌ అండ్‌ ఫ్యామిలీ వెల్ఫేర్‌ డైరెక్టర్‌గా ఉన్న కర్ణన్‌.. ఫుడ్‌సేఫ్టీ కమిషనర్‌గానూ బాధ్యతలు నిర్వహించారు. హైదరాబాద్‌తో పాటు రాష్ట్ర వ్యాప్తంగా ఆహార కల్తీలపై విస్తృతంగా తనిఖీలు చేయించారు. ముఖ్యంగా జీహెచ్‌ఎంసీలో తనిఖీలపై ఆయన తన ప్రత్యేకతను చాటుకున్నారు. ఆహార కల్తీలను గుర్తించినప్పుడు హోటళ్ల లైసెన్సులు రద్దు చేయడం తదితర అధికారాలను జీహెచ్‌ఎంసీ జోనల్‌ కమిషనర్లకు అప్పగిస్తూ.. వారిని ఇన్‌చార్జి ఫుడ్‌సేఫ్టీ డిజిగ్నేటెడ్‌ అధికారులుగా నియమించారు. ఆమ్రపాలి ఆంధ్రప్రదేశ్‌కు వెళ్లాక పూర్తిస్థాయి అదనపు బాధ్యతలతో ఇలంబర్తిని జీహెచ్‌ఎంసీ కమిషనర్‌గా నియమించిన ప్రభుత్వం.. ఆయనను నవంబర్‌లో రెగ్యులర్‌ కమిషనర్‌గా నియమించింది. దాదాపు ఆర్నెల్లకే బదిలీ చేయడంతో జీహెచ్‌ఎంసీ పరిస్థితి మళ్లీ మొదటికొచ్చిందనే వ్యాఖ్యానాలు వినపడుతున్నాయి. రోనాల్డ్‌రాస్‌, ఆమ్రపాలి సైతం స్వల్పకాలం మాత్రమే జీహెచ్‌ఎంసీ కమిషనర్లుగా పని చేయడం తెలిసిందే. కాగా హెచ్‌ఎండీఏ సెక్రటరీగా ఆర్‌.ఉపేందర్‌ రెడ్డి బదిలీపై వచ్చారు. జీహెచ్‌ఎంసీ కమిషనర్‌గా ఆర్వీ కర్ణన్‌ హైదరాబాద్‌ మెట్రో పాలిటన్‌ సెక్రటరీగా ఇలంబర్తి ఎఫ్‌సీడీఏ కమిషనర్‌గా శశాంక నియామకం

● సరూర్‌నగర్‌ ఇండోర్‌ స్టేడియంలో వెయ్యి మందితో ఫాస్ట్‌ కిక్కింగ్‌ కాంపిటీషన్‌ ● హై రేంజ్‌ బుక్‌ ఆఫ్‌ రికార్డ్స్‌లో చోటుహుడాకాంప్లెక్స్‌: ఫస్ట్‌ ఇండో నేపాల్‌ ఇంటర్నేషనల్‌ ఓపెన్‌ తైక్వాండో కరాటే, కుంగ్‌ఫూ, మార్షల్‌ఆర్ట్స్‌ చాంపియన్‌ షిప్‌–2025 పోటీలు ఉత్సాహంగా సాగాయి. సరూర్‌నగర్‌ ఇండోర్‌ స్టేడియంలో ఆదివారం ఇంటర్నేషనల్‌ తైక్వాండో గ్రాండ్‌ మాస్టర్‌ జయంత్‌రెడ్డి, కోచ్‌ ఖలీల్‌, గజిందర్‌ ఆధ్వర్యంలో స్పీడ్‌ కిక్కింగ్‌, స్పీడ్‌ పంచింగ్‌ విభాగంలో పోటీలు నిర్వహించారు. ఒకేసారి వెయ్యి మంది క్రీడాకారులు ఫాస్ట్‌ కిక్కింగ్‌లో పాల్గొనడంతో హై రేంజ్‌ బుక్‌ ఆఫ్‌ వరల్డ్‌ రికార్డ్స్‌లో నమోదు చేశారు. ఈ సందర్భంగా అమికల్‌ స్పోర్ట్స్‌ అకాడమీ డైరెక్టర్‌ వీణా వాహిని మాట్లాడుతూ.. పిల్లల్లో ఆత్మరక్షణ పెంపొందించేందుకు ఇలాంటి పోటీలు నిర్వహించినట్టు తెలిపారు. లండన్‌లో జూలైలో జరిగే పోటీలకు ఇందులోని విద్యార్థులను ఎంపిక చేస్తామన్నారు. యువత చెడుమార్గాల వైపు అడుగులు వేయకుండా ఆత్మరక్షణ కోసం కరాటే నేర్చుకోవాలని సూచించారు. ఈ సందర్భంగా విజేతలకు సుమన్‌ పల్లె, శ్రీకాంత్‌ గుర్తింపు పత్రాలు అందజేశారు. కార్యక్రమంలో ఖాజా అఫ్రిది, ముర్‌వాసిఫ్‌ అలీఖాన్‌ తదితరులు పాల్గొన్నారు. అనంతరం హైరేంజ్‌ ప్రతినిధులు వీణా వాహినికి రికార్డ్స్‌ పత్రాన్ని అందజేశారు.

జమ్మూ కశ్మీర్‌ పహల్గాంలో పర్యాటకులపై మంగళవారం జరిగిన ఉగ్రదాడిని నగరం ముక్తకంఠంతో ఖండించింది. ఉగ్రవాదంపై ఆగ్రహం పెల్లుబికింది. బుధవారం నగర వ్యాప్తంగా ఉగ్రవాదులకు వ్యతిరేకంగా నిరసన ప్రదర్శనలు చేశారు. మృతులకు నివాళులు అర్పిస్తూ ర్యాలీలు నిర్వహించారు. పలు ప్రాంతాల్లో జాతీయ జెండాలను ప్రదర్శిస్తూ ఉగ్రవాదుల దిష్టిబొమ్మలను దహనం చేశారు. ఉప్పల్‌ స్టేడియం వేదికగా సన్‌రైజర్స్‌–ముంబై ఇండియన్స్‌ మధ్య జరిగిన క్రికెట్‌ మ్యాచ్‌కు క్రీడాకారులు, రిఫరీలు నల్లబ్యాడ్జీలతో హాజరయ్యారు. సంతాప సూచికంగా ఈ మ్యాచ్‌కు చీర్‌ గర్ల్స్‌ను రద్దు చేశారు. – సాక్షి, సిటీబ్యూరో

ఆన్‌లైన్‌ విధానంలో శ్రీశైలంలో రూమ్‌ బుకింగ్‌ ● జీఎస్టీ కోసమంటూ ఫోన్‌ చేసిన సైబర్‌ నేరగాళ్లు ● నగదు రిఫండ్‌ చేస్తామని రూ.1.33 లక్షలు స్వాహా సాక్షి, సిటీబ్యూరో: శ్రీశైలం వెళ్లాలని భావించిన నగర వాసి ఆన్‌లైన్‌ ప్లాట్‌ఫామ్‌ ద్వారా రూమ్‌ బుక్‌ చేసుకున్నారు. జీఎస్టీ విషయంలో తేడా రావడంతో ఆ బుకింగ్‌ రద్దు చేసుకోవాలని భావించారు. చెల్లించిన మొత్తం రిఫండ్‌ ఇస్తామంటూ ఎర వేసిన సైబర్‌ నేరగాళ్లు రూ.1.33 లక్షలు కాజేశారు. బాధితుడి ఫిర్యాదు మేరకు బుధవారం కేసు నమోదు చేసుకున్న సిటీ సైబర్‌ క్రైమ్‌ పోలీసులు దర్యాప్తు ప్రారంభించారు. నగరానికి చెందిన ప్రైవేట్‌ ఉద్యోగి శ్రీశైలంలోని వైశ్య సత్రంలో రూమ్‌ కోసం ఆన్‌లైన్‌లో సెర్చ్‌ చేశారు. ఓ వెబ్‌సైట్‌ ఆధారంగా ఒక రోజు కోసం రూమ్‌ బుక్‌ చేసుకుని, అందుకు సంబంధించి రూ.1000 చెల్లించారు. అది బోగస్‌ వెబ్‌సైట్‌ కావడంతో బాధితుడి వివరాలను సైబర్‌ నేరగాళ్లకు చేరాయి. కొద్దిసేపటికే అతడికి కాల్‌ చేసిన నేరగాళ్లు... రూమ్‌ అద్దె మాత్రమే చెల్లించారని, బుకింగ్‌ ఖరారు కావడానికి జీఎస్టీగా మరో రూ.180 చెల్లించాలని కోరారు. దీంతో తనకు రూమ్‌ వద్దని చెప్పిన బాధితుడు తాను చెల్లించిన రూ.వెయ్యి రిఫండ్‌ చేయాలని కోరాడు. దీంతో సైబర్‌ నేరగాడు రిఫండ్‌ కోసం సంప్రదించాలంటూ మరో నెంబర్‌ ఇచ్చాడు. బాధితుడు ఆ నెంబర్‌కు కాల్‌ చేసి విషయం చెప్పగా... రిఫండ్‌ ప్రాసెస్‌ ప్రారంభించడానికి తొలుత తమకు రూ.1 చెల్లించాలని కోరారు. యువకుడు అలానే చెల్లించగా... రూ.2 రిఫండ్‌ చేశారు. తమ కంపెనీ రిఫండ్‌ పాలనీ ఇలానే ఉందని... తమకు చెల్లించిన మొత్తానికి రెట్టింపు తిరిగి ఇస్తూ రిఫండ్‌ పూర్తి చేస్తామని నమ్మబలికారు. ఆపై బాధితుడి నుంచి రూ.1,180 కట్టించుకుని రెట్టింపు ఇచ్చారు. ఇలా కొన్నిసార్లు జరిగిన తర్వాత రూ.76,500 చెల్లించాలని చెప్పడంతో బాధితుడు నిరాకరించాడు. ఇప్పటి వరకు తాను చెల్లించింది తిరిగి ఇవ్వాలని డిమాండ్‌ చేశాడు. దీంతో తమ వద్దకు నేరుగా వచ్చి డబ్బు తీసుకోవాలని వాళ్లు చెప్పడంతో నగర యువకుడు అంగీకరించలేదు. చివరకు తాను మోసపోయానని గుర్తించిన బాధితుడు లెక్కలు చూడగా సైబర్‌ నేరగాళ్లకు రూ.1,33,564 చెల్లించినట్లు తేలింది. ఈ మేరకు ఆన్‌లైన్‌ ద్వారా సైబర్‌ క్రైమ్‌ పోలీసులను ఆశ్రయించాడు.

కరెన్సీ కట్టలను ప్యాక్‌ చేసి ఇంజక్షన్‌ ఇస్తే డబుల్‌ మనీ అంటూ టోకరా ● చైతన్యపురిలో వెలుగులోకి నయా తరహా వంచన ● రూ.1.75 లక్షలు స్వాహా చైతన్యపురి: మోసగాళ్ల పట్ల అప్రమత్తంగా ఉండాలని అవగాహన కల్పించినా కొత్త రకం మోసాలకు అమాయకులు బలైపోతున్నారు. చెప్పుడు మాటలతో మోసపోతున్నారు. ఇలా ‘మ్యాజిక్‌ మనీ’ పేరుతో జరిగిన నయా తరహా మోసం చైతన్యపురి పోలీస్‌ స్టేషన్‌ పరిధిలో చోటుచేసుకుంది. ఇన్‌స్పెక్టర్‌ వెంకటేశ్వరరావు తెలిపిన వివరాల ప్రకారం.. చైతన్యపురిలో నివసించే ప్రైవేట్‌ ఉద్యోగి దుద్దాల సాయి కల్యాణ్‌, బి.ఆనంద్‌ స్నేహితులు. ఆర్థిక ఇబ్బందులు తొలగాలంటే మ్యాజిక్‌ మనీ ట్రిక్‌ ఒకటి ఉందని, ఎంత డబ్బులు ఇస్తే దానికి రెట్టింపు సంపాదించవచ్చని ఆనంద్‌ చెప్పాడు. తన స్నేహితుడు కందా శ్రీనివాస్‌ను మ్యాజిక్‌ మనీ గురించి తెలుసన్నాడు. ఈ నెల 16న విద్యుత్‌నగర్‌ రోడ్‌నంబర్‌–8 లోని శ్రీనివాస్‌ ఇంటికి సాయి కల్యాణ్‌ను తీసుకెళ్లాడు. కొద్ది సేపటి తర్వాత రవి అనే వ్యక్తిని పిలిపించారు. ఎంత డబ్బు ఇస్తే అంత రెట్టింపు మనీ వచ్చేలా చేస్తానని నమ్మబలికాడు. దీంతో సాయి కల్యాణ్‌ తన వద్ద ఉన్న రూ.1.75 లక్షల కరెన్సీ నోట్లను శ్రీనివాస్‌ ద్వారా రవికి అప్పగించాడు. రవి ఆ డబ్బును తీసుకుని బ్రౌన్‌ కలర్‌ బాక్స్‌లో పెట్టి పైన ఆకుపచ్చ రంగు టేప్‌ చుట్టి డబ్బాకు పింక్‌ కలర్‌ ఇంజక్షన్‌ చేశాడు. బాక్స్‌ను శ్రీనివాస్‌ ఇంట్లోని ఫ్రిజ్‌లో పెట్టి సాయంత్రం వస్తానని రవి వెళ్లిపోయాడు. అయితే సాయంత్రం అయినా రవి తిరిగి రాలేదు. అతని మొబైల్‌కు కాల్‌ చేయగా స్విచ్‌ ఆఫ్‌ వచ్చింది. రెండు రోజుల తర్వాత శ్రీనివాస్‌ తన ఇంట్లో ఫ్రిజ్‌లోని డబ్బులు పెట్టిన బాక్స్‌ను సాయి కల్యాణ్‌ ఇంటికి తీసుకొచ్చాడు. దానిని తెరిచి చూడగా డబ్బుకు బదులు తెల్ల కాగితాలు ఉండటం గమనించారు. దీంతో మోసపోయానని గ్రహించిన సాయి కల్యాణ్‌ మంగళవారం సాయంత్రం పోలీసులకు పిర్యాదు చేశాడు. కేసు నమోదు చేసి విచారణ చేస్తున్నట్లు ఇన్‌స్పెక్టర్‌ తెలిపారు.

ఫలించిన కేటీఆర్‌ హుకుం ● కాంగ్రెస్‌, ఎంఐఎం, బీజేపీల నుంచి అందరూ హాజరు ● 112 మందికిగాను ఓటేసింది 88 మంది ● ప్రశాంతంగా ముగిసిన పోలింగ్‌ అప్పుడు అలా.. ఉమ్మడి రాష్ట్రంలో ఒక పర్యాయం హైదరాబాద్‌ స్థానిక సంస్థల ఎమ్మెల్సీ స్ధానానికి రెండు పార్టీలు పోటీకి దిగగా, ఓటర్ల బలం లేని పార్టీ తీరా పోలింగ్‌ రోజున బహిష్కరించడంతో సాంకేతికంగా పోలింగ్‌ జరిగినప్పటికీ, ఎన్నిక ఏకగ్రీవమే అయినట్లు సమాచారం. సాక్షి, సిటీబ్యూరో: హైదరాబాద్‌ స్థానిక సంస్థల ఎమ్మెల్సీ ఎన్నిక ప్రశాంతంగా ముగిసింది. అవాంఛనీయ ఘటనలేమైనా జరుగుతాయేననే భయాందోళనలతో పాటు పలు ఊహాగాలకు తావిచ్చింది. పలు ప్రచారాలతో భారీగా పోలీసు బలగాలను మోహరించారు. పోలింగ్‌ ప్రశాంతంగా ముగియడంతో అందరూ ఊపిరి పీల్చుకున్నారు. ఈ ఎన్నికలో ఓటర్లు కేవలం ప్రజాప్రతినిధులే కావడం.. పార్టీల వారీగా సంఖ్యాబలంతోనే గెలవలేమని తెలిసి తక్కువ ఓట్లున్న పార్టీలు పోటీ చేయకపోవడంతో గతంలో ఏకగ్రీవంగానే ఈ ఎన్నిక ముగిసేది. ఈసారి తగిన సంఖ్యాబలం లేనప్పటికీ, బీజేపీ పోటీలో దిగడం, ఇతర పార్టీల ఓట్లనూ కూడగడతామని ధీమాగా చెప్పడంతో ఈ ఎన్నిక రాష్ట్రవ్యాప్తంగా చర్చనీయాంశంగా మారింది. ముఖ్యంగా ఈ పోలింగ్‌ను తాము బహిష్కరిస్తున్నట్లు బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ ప్రకటించిన నేపథ్యంలో.. ఆ పార్టీ వారి వైఖరి ఏమిటన్నది పోలింగ్‌ ముగిసేంత వరకూ సస్పెన్స్‌గానే సాగింది. ఒక దశలో నలుగురైదుగురు బీఆర్‌ఎస్‌ కార్పొరేటర్లు పోలింగ్‌కు వస్తున్నట్లు మీడియాలో కొందరికి సమాచారమిచ్చి, అంతలోనే ఆ ఆలోచన విరమించుకున్నట్లు తెలిసింది. రెండు కేంద్రాల్లో పోలింగ్‌ జీహెచ్‌ఎంసీ ప్రధాన కార్యాలయంలో ఏర్పాటు చేసిన రెండు కేంద్రాల్లో పోలింగ్‌ జరిగింది. బుధవారం ఉదయం 8 నుంచి సాయంత్రం 4 గంటల వరకు సమయమున్నప్పటికీ, మధ్యాహ్నం 2 గంటల వరకే 78.57 శాతంతో పోలింగ్‌ పూర్తయింది. మొత్తం 112 మంది ఓటర్లలో (కార్పొరేటర్లు, ఎమ్మెల్యేలు, ఎమ్మెల్సీలు, ఎంపీలు) 88 మంది తమ ఓటుహక్కు వినియోగించుకున్నారు. మిగతా 24 మంది బీఆర్‌ఎస్‌ వారిగా భావిస్తున్నారు. అన్ని పార్టీల్లో వెరసి ఎక్స్‌అఫీషియో సభ్యులు 31 మందిలో 22 మంది తమ ఓటు హక్కు వినియోగించుకున్నారు. 81 మంది కార్పొరేటర్లలో 66 మంది ఓట్లేశారు. తొలుత బీజేపీ.. పోలింగ్‌ సమయం ప్రారంభమయ్యాక తొలుత బీజేపీ నుంచి కేంద్రమంత్రి జి.కిషన్‌రెడ్డి, ఎంపీలు ఈటల రాజేందర్‌, కొండా విశ్వేశ్వర్‌రెడ్డి, డా.కె. లక్ష్మణ్‌ వరుసగా ఓట్లు వేశారు. అనంతరం ఎంఐఎం ఎంపీ అసదుద్దీన్‌ ఒవైసీ, ఎమ్మెల్యేలు అక్బరుద్దీన్‌ ఒవైసీ, జాఫర్‌ హుస్సేన్‌, మాజిద్‌ హుస్సేన్‌, అహ్మద్‌ బలాలా, మహ్మద్‌ ముబిన్‌, కౌసర్‌ తదితరులు ఒకరి తర్వాత ఒకరు ఓట్లు వేశారు. టీజేఎస్‌ ఎమ్మెల్సీ కోదండరామ్‌, కాంగ్రెస్‌ పార్టీకి చెందిన ఎంపీ అనిల్‌కుమార్‌ యాదవ్‌, ప్రస్తుత ‘స్థానిక’ సిట్టింగ్‌ ఎమ్మెల్సీ ఎంఎస్‌ ప్రభాకర్‌రావు, ఎమ్మెల్యేలు దానం నాగేందర్‌, శ్రీగణేశ్‌ ఎమ్మెల్సీ బల్మూరి వెంకట్‌ తదితరులు ఓటు హక్కు వినియోగించుకున్నారు. మేయర్‌ గద్వాల్‌ విజయలక్ష్మి, డిప్యూటీ మేయర్‌ శ్రీలత శోభన్‌రెడ్డితో పాటు ఇతర కార్పొరేటర్లు పోలింగ్‌లో పాల్గొన్నారు. బీజేపీ ఎమ్మెల్యే టి.రాజాసింగ్‌ విడిగా వచ్చి ఓటేశారు. బీఆర్‌ఎస్‌ మినహా మిగతా పార్టీలకు చెందిన ఓటర్లందరూ పోలింగ్‌లో పాల్గొన్నారు. ఎంఐఎం గెలుపు లాంఛనమే.. పోలింగ్‌లో 88 మంది పాల్గొన్నందున సగం కంటే ఎక్కువ.. అంటే 45 ఓట్లు వచ్చిన వారు విజేతగా నిలుస్తారు. ఎంఐఎం పార్టీకి స్వతహాగానే 49 ఓటర్ల బలం ఉండటంతో పాటు కాంగ్రెస్‌ ఓట్లు కూడా వారికే పడే అవకాశ ఉండటంతో ఎంఐఎం గెలుపు లాంఛనమేనని భావిస్తున్నారు. బీజేపీ మాత్రం తమకు కొన్ని కాంగ్రెస్‌ ఓట్లు పడ్డట్లు చెబుతోంది. స్ట్రాంగ్‌రూమ్‌లకు బ్యాలెట్‌ బాక్స్‌లు పోలింగ్‌ ముగిశాక బ్యాలెట్‌ పత్రాలున్న బాక్స్‌లను జీహెచ్‌ఎంసీ ప్రధాన కార్యాలయంలోనే ఏర్పాటు చేసిన స్ట్రాంగ్‌రూమ్‌లోకి తరలించారు. ఓటు వేస్తున్న నగర మేయర్‌ గద్వాల్‌ విజయలక్ష్మి

జలమండలి ఎండీ అశోక్‌రెడ్డి సాక్షి, సిటీబ్యూరో: సుంకిశాల ప్రాజెక్టు పనుల డిజైన్లు వెంటనే సమర్పించాలని నిర్మాణ సంస్థ ప్రతినిధులను జలమండలి ఎండీ అశోక్‌ రెడ్డి ఆదేశించారు. పనుల నాణ్యతలో నిర్లక్ష్యం వహిస్తే చర్యలు తప్పవని హెచ్చరించారు. బుధవారం నాగార్జున సాగర్‌ వద్ద నిర్మిస్తున్న సుంకిశాల ప్రాజెక్టు నిర్మాణ పనులను ఆయన జలమండలి ఉన్నతాధికారులు, నిర్మాణ సంస్థ ప్రతినిధులతో కలిసి పరిశీలించారు. పైపులైన్‌ విస్తరణ పనులు.. సుంకిశాల ఇంటేక్‌ వెల్‌ నిర్మాణ పనులపై ఆరా తీశారు. ఈ సందర్భంగా ఆయన మాట్లాడుతూ.. ప్రస్తుతం సివిల్‌, టన్నెల్‌, ఎలక్ట్రికల్‌, పైపులైన్‌ పనులు కొనసాగుతున్నాయని చెప్పారు. టన్నెల్‌, ఎలక్ట్రికల్‌ పనులు తుది దశకు చేరుకున్నాయని.. సివిల్‌ వర్క్స్‌ ఇంకా కొనసాగుతున్నాయని పేర్కొన్నారు. అనంతరం సుంకిశాల టన్నెల్‌ గేట్‌ రిటైనింగ్‌ వాల్‌ పక్కకు ఒరిగిన ప్రాంతాన్ని అశోక్‌రెడ్డి పరిశీలించారు. ఆయన వెంట జలమండలి ప్రాజెక్టు డైరెక్టర్‌ టీవీ శ్రీధర్‌, సీజీఎం మహేష్‌, జీఎంలు, ప్రాజెక్టు అధికారులు, నిర్మాణ సంస్థల ప్రతినిధులు ఉన్నారు.

సాక్షి, సిటీబ్యూరో: నగరంలో బతుకమ్మ ఉత్సవాలు ప్రారంభమయ్యే నాటికి బతుకమ్మ కుంటను సర్వాంగ సుందరంగా తీర్చిదిద్ది, ప్రజలు వినియోగించుకోవడానికి సిద్ధం చేస్తామని హైడ్రా కమిషనర్‌ ఏవీ రంగనాథ్‌ అన్నారు. స్థానికులు బతుకమ్మ కుంటలోనే పండగ సంబరాలు చేసుకోవచ్చని పేర్కొన్నారు. ఈ వివాదానికి సంబంధించి న్యాయస్థానం మంగళవారం కీలక తీర్పు ఇచ్చింది. దీంతో రంగనాథ్‌ బుధవారం అంబర్‌పేటలోని బతుకమ్మ కుంటను సందర్శించారు. అభివృద్ధి పనులను స్థానికుల సమక్షంలో పునఃప్రారంభించారు. ఈ సందర్భంగా జరిగిన ప్రత్యేక పూజలో ఆయన పాల్గొన్నారు. యుద్ధ ప్రాతిపదికన ఈ చెరువు పునరుద్ధరణ, అభివృద్ధి, సుందరీకరణ పనులు జరగాలని అధికారులను ఆదేశించారు. ఈ చెరువు పునరుజ్జీవంతో పరిసరాలతో పాటు చుట్టుపక్కల ప్రాంతాలూ ఆహ్లాదకరంగా మారుతాయన్నారు. అభివృద్ధి పనులకు సహకరించాలని స్థానికులను కోరారు. ఈ ఏడాది ఫిబ్రవరిలో ఈ చెరువు పూడికతీత ప్రారంభమైంది. ఆ నెల 18న జేసీబీలు కేవలం అడుగున్నర తవ్వగా... లోపల నుంచి నీళ్లు ఉబికివచ్చాయి. ఆపై కోర్టు వివాదం నేపథ్యంలో పనులకు బ్రేక్‌ పడగా.. బుధవారం మళ్లీ మొదలయ్యాయి. హైడ్రా కోసం ప్రత్యేక లోగో సిద్ధమైంది. ఇప్పటి వరకు అధికారులు జీహెచ్‌ఎంసీలో భాగంగా ఉండగా డిజాస్టర్‌ రెస్పాన్స్‌ ఫోర్స్‌ (డీఆర్‌ఎఫ్‌) కోసం రూపొందించిన లోగోనే వినియోగించారు. తాజాగా హైడ్రా కోసం ఓ ప్రత్యేక లోగోను డిజైన్‌ చేశారు. ప్రభుత్వ భూముల కబ్జాలపై చర్యలు తీసుకుంటున్నప్పటికీ హైడ్రా ప్రధాన లక్ష్యం జలవనరుల పరిరక్షణ. ఈ థీమ్‌ ఉట్టిపడేలా లోగోను కమిషనర్‌ ఏవీ రంగనాథ్‌ ఖరారు చేశారు. అభివృద్ధి పనులు పునఃప్రారంభంలో రంగనాథ్‌ వెల్లడి హైడ్రా కోసం రూపొందించిన ప్రత్యేక లోగో సిద్ధం

సాక్షి, సిటీబ్యూరో: మురుగు నీటి పైపు లైన్లలో పేరుకుపోయిన సిల్ట్‌ను తొలగించేందుకు ఉద్దేశించిన సీవర్‌ క్రోక్‌ రోబోటిక్‌ యంత్రం పనితీరును హైడ్రా, జీహెచ్‌ఎంసీ కమిషనర్లు ఏవీ రంగనాథ్‌, ఇలంబర్తి బుధవారం క్షేత్రస్థాయిలో పరిశీలించారు. రోబోటిక్‌, వాటర్‌–జెట్‌ శక్తితో నడిచే ఈ యంత్రం సిల్ట్‌ను తొలగించే విధానాన్ని గమనించారు. సచివాలయం ముందు ఉన్న డైన్లలో ప్రయోగాత్మకంగా పరీక్షించారు. మురుగు, వరద నీరు పొంగి రహదారులను ముంచెత్తిత్తడం నగరంలో సర్వ సాధారణం. ఈ పరిస్థితుల్లో సీవర్‌ క్రోక్‌ ఎంత వరకు ఉపకరిస్తుందనేది అధ్యయనం చేశారు. వాటర్‌ జెట్‌తో టర్బైన్‌ తిప్పడంతో ముందుకు వెళ్లి ఈ యంత్రం బ్లేడ్ల సాయంతో చెత్తను తొలగిస్తుంది. మురుగునీటి లైన్లను శుభ్రం చేయడానికి సీవర్‌ క్రోక్‌ను గతంలో వాటర్‌ బోర్డు వినియోగించిందని తయారీ సంస్థ అజంతా టెక్నో సొల్యూషన్స్‌ చీఫ్‌ టెక్నికల్‌ ఆఫీసర్‌ జర్మయ్య తెలిపారు.

ఏప్రిల్‌ 27 వరకు కొనసాగనున్న నేషనల్‌ సిల్క్‌ ఎక్స్‌పో సాక్షి, సిటీబ్యూరో: దేశంలోని వివిధ ప్రాంతాల సాంస్కృతిక వైవిధ్యం కలిగిన వస్త్ర ఉత్పత్తులు నగరం వేదికగా అలరిస్తున్నాయి. నగరంలోని బంజారాహిల్స్‌ వేదికగా కళింగ కల్చరల్‌ సెంటర్‌లో ఏప్రిల్‌ 27 వరకు కొనసాగనున్న ‘నేషనల్‌ సిల్క్‌ ఎక్స్‌పో’ నగరవాసులకు నాణ్యమైన, విలక్షణమైన వస్త్రర సోయగాలను చేరువ చేస్తోంది. ఈ ఎక్స్‌పోలో విభిన్న రకాల పట్టు డిజైన్లతో పాటు కాటన్‌ డిజైన్‌ దుస్తులు, డిజైనర్‌ బ్లౌజ్‌లు, కుర్తీలు తదితర భారతీయ వస్త్ర వైభవాలు నేత కార్మికుల ద్వారా 50 శాతం వరకు తగ్గింపుతో అందించబడుతున్నాయి. ఇందులోని మహారాష్ట్ర స్వచ్ఛమైన పైథానీ సిల్క్‌ చీరలు, కర్ణాటక – బెంగళూరు సిల్క్‌, సాఫ్ట్‌ సిల్క్‌ తదితరాలు వస్త్ర ప్రియులను ఆకర్షిస్తున్నాయి.

అల్వాల్‌: తన పెంపుడు కుక్కను వీధి కుక్కలు చెడగొడుతున్నాయని ఆగ్రహానికి లోనైన ఓ వ్యక్తి వీధి కుక్కలను గోడకేసి కొట్టి కాలితో తొక్కి చంపేసిన సంఘటన అల్వాల్‌ పోలీస్‌ స్టేషన్‌ పరిధిలో ఆలస్యంగా వెలుగులోకి వచ్చింది. పోలీసుల కథనం మేరకు వివరాలిలా ఉన్నాయి. ఇంటీరియర్‌ డెకరేటర్‌గా పనిచేసే ఆశీష్‌ కుటుంబంతో కలిసి బొల్లారంలోని వీబీసిటి అపార్ట్‌మెంట్‌లో నివాసం ఉంటున్నాడు. పూర్తిగా శాఖాహారి అయిన అశీష్‌ రెండు కుక్కలను పెంచుకుంటూ వాటికి శాఖాహారమే అలవాటు చేశాడు. ఈ క్రమంలో అపార్టుమెంట్‌ పరిసరాల్లో వీధికుక్కలు మాంసాహారం తింటూ తరుచూ తన పెంపుడు కుక్కల వద్దకు రావడం, వాటిపై దాడి చేస్తుండటంతో అతను విసుగెత్తిపోయాడు. ఈ నెల 14న సాయంత్రం అతను కుక్కను తీసుకొని అపార్టుమెంట్‌ సెల్లార్‌లోకి వెళ్లగా వీధి కుక్క పిల్లలతో సహా అక్కడికి వచ్చింది. దీంతో ఒక్కసారిగా విచక్షణ కోల్పోయిన అశీష్‌ నాలుగు కుక్కపిల్లలను గోడకేసి కొట్టి కాలితో తొక్కి చంపేశాడు. జంతు ప్రేమికులు బుధవారం ఫిర్యాదు చేయడంతో పోలీసులు కేసు నమోదు చేసి దర్యాప్తు చేస్తున్నారు. వీధి కుక్కలను చంపిన యజమాని జంతు ప్రేమికుల ఫిర్యాదు కేసు నమోదు

మణికొండ: తాను ఉంటున్న ఇంటిని లాక్కునేందుకు సినీహీరో రాజ్‌తరుణ్‌ అతని తల్లితండ్రులను పంపి డ్రామాలు చేస్తున్నాడని, అతని అనుచరులతో తనపై దాడి చేయించాడని, అతడిపై న్యాయ పోరాటం చేస్తానని అతని మాజీ ప్రియురాలు లావణ్య అన్నారు. కోకాపేటలోని రాజ్‌తరుణ్‌ విల్లాకు బుధవారం అతని తల్లితండ్రులు రాజేశ్వరి, బసవరాజు తాము ఇక్కడే ఉంటామని రాగా, వారిని ఇంట్లోకి రానివ్వకుండా లావణ్య అడ్డుకున్న విషయం తెలిసిందే. వారు అర్దరాత్రి వరకు విల్లా ముందే కూర్చోవటంతో నార్సింగి పోలీసులు జోక్యం చేసుకుని వారిని ఇంట్లోకి పంపించారు. దీంతో గురువారం ఆమె రాజ్‌తరుణ్‌ తరఫు వ్యక్తులు 15 మంది తనపై దాడి చేశారని, వారి వెనక అతనే ఉన్నాడా.. మస్తాన్‌ సాయి ఉన్నాడా అనే విషయంపై పోలీసులు దర్యాప్తు చేసి చర్యలు తీసుకోవాలని కోరుతూ నార్సింగి పోలీసులకు ఫిర్యాదు చేసింది. అనంతరం మీడియాతో మాట్లాడుతూ తనకు రాజ్‌తరుణ్‌తో ప్రాణహాని ఉందని, ఇప్పటి వరకు కలిసి పోదామని మిన్నకున్నానని, బుధవారం జరిగిన దాడితో అతనిపై న్యాయపోరాటం చేస్తానన్నారు. బెయిల్‌పై ఉన్న వ్యక్తి తనపై దాడులు చేయిస్తున్నారని ఆమె ఆరోపించింది. మస్తాన్‌సాయిని పంపినట్లు రాజ్‌తరుణ్‌ను కూడా జైలుకు పంపుతానన్నారు. కాగా రాజ్‌తరుణ్‌ తల్లి తండ్రులు విల్లాలోని రెండవ అంతస్తులో ఉండగా లావణ్య మొదటి అంతస్తులో ఉంటున్నట్లు తెలిపారు. ప్రియుడు పెళ్లికి నిరాకరించాడని.. భవనం పైనుంచి దూకి ప్రియురాలి ఆత్మహత్య గచ్చిబౌలి: ప్రియుడు పెళ్లికి నిరాకరించడంతో మనస్తాపానికి లోనైన ఓ యువతి ప్రియుడి ఇంటిపై నుంచి దూకి ఆత్మహత్యకు పాల్పడిన సంఘటన గురువారం రాయదుర్గం పోలీస్‌ స్టేషన్‌ పరిధిలోని బంజారానగర్‌లో చోటు చేసుకుంది. ఎస్‌ఐ రాములు కథనం మేరకు వివరాలు ఇలా ఉన్నాయి. అస్సాం రాష్ట్రం, బస్కంది గ్రామానికి చెందిన సుల్తానా బేగం(26) సిద్ధిఖీనగర్‌లో ఉంటూ గచ్చిబౌలిలోని అంతేరా హోటల్‌లో సర్వర్‌గా పని చేస్తోంది. వెస్ట్‌ బెంగాల్‌కు చెందిన సైదుల్లా షేక్‌ గచ్చిబౌలిలోని నావాబ్‌ హోటల్‌లో మేనేజర్‌గా పని చేస్తూనే పెస్ట్‌ కంట్రోల్‌ పని చేసేవాడు. సుల్తానా, సైదుల్లా షేక్‌ మూడేళ్లుగా ప్రేమించుకుంటున్నారు. సుల్తానా తల్లిదండ్రులు ఆమెకు పెళ్లి చేసేందుకు సంబంధాలు చూస్తుండటంతో తనను పెళ్లి చేసుకోవాలని సుల్తానా సైదుల్లాపై ఒత్తిడి పెంచింది. బుధవారం సాయత్రం పెళ్లి విషయమై గొడవ జరిగింది. దీంతో పెళ్లికి నిరాకరించిన అతను ఆమె ఫోన్‌ను బ్లాక్‌లో పెట్టాడు. దీంతో సుల్తానా మరో యువతికి ఫోన్‌ చేసి షైదుల్లా ఉంటున్న ఇంటిపై నుంచి దూకి ఆత్మహత్య చేసుకుంటానని చెప్పింది. దీంతో ఆమె ఈ విషయాన్ని సైదుల్లాకు చెప్పినా అతను పట్టించుకోలేదు. దీంతో మనస్తాపానికి లోనైన సుల్తానా గురువారం ఉదయం సైదుల్లా నివాసం ఉండే భవనంపైకి ఎక్కి 6వ అంతస్తు నుంచి దూకడంతో కింద పార్క్‌ చేసి ఉన్న కారుపై పడింది. ఈ ఘటనలో తీవ్రంగా గాయపడిన ఆమెను కొండాపూర్‌ కిమ్స్‌ ఆస్పత్రికి తరలించారు. అక్కడి నుంచి నిమ్స్‌కు తరలించగా ఉదయం మృతి చెందింది. ఈ మేరకు పోలీసులు కేసు నమోదు చేసుకుని దర్యాప్తు చేస్తున్నారు. ● నార్సింగి పోలీస్‌స్టేషన్‌లో మరోసారి ఫిర్యాదు ● నాపై 15 మంది దాడి చేశారు ప్రాణహాని ఉంది ● రాజ్‌తరుణ్‌ మాజీ ప్రియురాలు లావణ్య

సాక్షి, సిటీబ్యూరో: ట్రాఫిక్‌ నిర్వహణ కోసం ఓ జంక్షన్‌లో హోంగార్డు, ఇన్‌స్పెక్టర్‌, ఏసీపీ, అదనపు డీసీపీ నిల్చున్నారు. దాదాపు మూడు గంటల పాటు ఎవరి డ్యూటీలు వారు చేశారు. ఈ నలుగురిలో హోంగార్డు, ఇన్‌స్పెక్టర్‌పై వాయు కాలుష్య ప్రభావం ఉండగా... ఏసీపీ, అదనపు డీసీపీపై మాత్రం లేదన్నది ప్రభుత్వ ఉద్దేశం. అందేంటని అనుకుంటున్నారా..? ఈ కారణంగానే ట్రాఫిక్‌ వింగ్‌లో పని చేసే వారికి చెల్లిస్తున్న 30 శాతం పొల్యూషన్‌ పే ఇన్‌స్పెక్టర్‌ స్థాయి వరకే అమలు చేయడం ఇదే విషయాన్ని స్పష్టం చేస్తోంది. ప్రస్తుతం నెలకొన్న పరిస్థితుల నేపథ్యంలో ప్రతి ఒక్కరూ క్షేత్రస్థాయి విధులు నిర్వర్తించాల్సిందేనని, తమకూ పొల్యూషన్‌ పే అమలు చేయాలని ఉన్నతాధికారులు కోరుతున్నారు. రాజధానిలోనే ఎక్కువ ప్రభావం... రాజధానిలో కాలుష్య ప్రమాణాలు నానాటికీ ఆందోళనకర స్థాయిలో పెరిగిపోతున్నాయి. ఇది వాహనాలు ప్రయాణించే రోడ్లు, సిగ్నల్స్‌ నేపథ్యంలో ఆగుతున్న జంక్షన్ల వద్ద ఎక్కువగా ఉంటోంది. నగరంలో మొత్తం 585 ట్రాఫిక్‌ జంక్షన్లు ఉన్నాయి. వీటిలో దాదాపు 400 ప్రాంతాల్లో ట్రాఫిక్‌ పోలీసులు విధి నిర్వహణ (పాయింట్‌ డ్యూటీ)లో ఉంటున్నారు. అన్నిచోట్లా కాలుష్యం స్థాయి ఒకేలా ఉండట్లేదు. వాహన శ్రేణి, రాకపోకల సంఖ్య ఆధారంగా లెక్కిస్తే 125 జంక్షన్లలో అత్యంత తీవ్రంగా... మరో 200 జంక్షన్లలో తీవ్రంగా ఉంటోంది. కాలుష్య నియంత్రణ మండలి నివేదికల ఆధారంగా ట్రాఫిక్‌ పోలీసుల గతంలో ఈ గణాంకాలను రూపొందించారు. ఈ వాయు కాలుష్యానికి తోడు ప్రమాణాలు పాటించని/ మోడ్రన్‌ హారన్లు, శక్తిమంతమైన లైట్లు శబ్ధ, కాంతి కాలుష్యాలకూ కారకాలవుతున్నాయి. వీటికి చెక్‌ చెప్పేందుకు అవసరమైన యంత్రాలు, యంత్రాంగం లేకపోవడంతో ఇబ్బందులు నానాటికీ పెరుగుతున్నాయి. ప్రమాదపుటంచుల్లో ట్రాఫిక్‌ సిబ్బంది.... ఈ పరిస్థితుల్లో పని చేస్తున్న ట్రాఫిక్‌ సిబ్బంది అనేక ఆరోగ్య సమస్యల్ని ఎదుర్కొంటున్నారు. 2012లో ట్రాఫిక్‌ సిబ్బందికి నిర్వహించిన సామూహిక వైద్య పరీక్షల ఫలితాలను విశ్లేషించిన నాటి ట్రాఫిక్‌ చీఫ్‌ సీవీ ఆనంద్‌ ఆందోళనకర అంశాలను గుర్తించారు. నగర ట్రాఫిక్‌ విభాగంలో పని చేస్తున్న వారిలో అనేక మంది ఊపిరితిత్తులు, కళ్లు, చెవులకు సంబంధించిన సమస్యలతో బాధపడుతున్నారని తేలింది. సరాసరిన 32 శాతం మందికి ఊపిరితిత్తుల, 25 శాతం మందికి కంటి, ఏడు శాతం మందికి చెవి సంబంధ రుగ్మతలు ఉన్నట్లు వెలుగులోకి వచ్చింది. ఈ నేపథ్యంలోనే ట్రాఫిక్‌ పోలీసు సిబ్బందికి జీతానికి అదనంగా పొల్యూషన్‌ పే ఇప్పించాలని నిర్ణయించారు. ఈ మేరకు 30 శాతం ఇప్పించాలంటూ సీవీ ఆనంద్‌ అప్పట్లో పార్లమెంట్‌ స్థాయీ సంఘాన్ని కోరారు. వారు ఆమోదముద్ర వేయడంతో ప్రతిపాదనలు రూపొందించి ప్రభుత్వానికి పంపారు. వీటిని పరిగణలోకి తీసుకున్న తెలంగాణ ప్రభుత్వం అనేక మార్పుచేర్పులతో 2016 నుంచి రాష్ట్ర వ్యాప్తంగా అమలు చేస్తూ నిర్ణయం తీసుకుంది. అక్కడ అలా... ఇక్కడ ఇలా... పోలీసు విభాగంలో లూప్‌లైన్లుగా భావించే అవినీతి నిరోధక శాఖ, పోలీసు అకాడమీల్లో పని చేస్తున్న సిబ్బందికి జీతంపై అదనంగా 30 శాతం చెల్లించే విధానం అమలులో ఉంది. కీలక బాధ్యతలు నిర్వర్తించే సీఐ సెల్‌, ఆక్టోపస్‌, సీఐడీ, సీఎస్‌డబ్ల్యూల్లోనూ అదనపు చెల్లింపు విధానం అమలవుతోంది. అయితే అక్కడ అన్ని స్థాయిల అధికారులకు ఇది వర్తిస్తుంది. ట్రాఫిక్‌ విభాగం దగ్గరకు వచ్చేసరికి తొలుత కానిస్టేబుల్‌ నుంచి ఇన్‌స్పెక్టర్‌ వరకు ఇచ్చారు. ఆపై హోంగార్డుల్నీ ఈ జాబితాలో చేర్చారు. గతంలో మాదిరిగా కాకుండా ప్రస్తుతం ఉన్నతాధికారులు సైతం పాయింట్‌ డ్యూటీలు చేయాల్సి వస్తోంది. దీంతో ఏసీపీలు, అదనపు డీసీపీలు, డీసీపీలు, ట్రాఫిక్‌ చీఫ్‌కు ఇది వర్తించాలని పలుమార్లు ప్రభుత్వానికి ప్రతిపాదనలు పంపారు. అయితే ఇప్పటికీ సర్కారు దీనిపై దృష్టి పెట్టట్లేదని ఉన్నతాధికారులు చెబుతున్నారు. ట్రాఫిక్‌ విభాగంలోనే పని చేస్తున్న తమకూ ఆ పొల్యూషన్‌ పే అమలు చేయాలని కోరుతున్నారు. ఈ దిశలో డీజీపీ కార్యాలయం సైతం కృషి చేయాలని వేడుకుంటున్నారు. ఇన్‌స్పెక్టర్‌ స్థాయి వరకే పొల్యూషన్‌ పే 2016 నుంచి 30 శాతం ఇస్తున్న సర్కారు మరికొన్ని విభాగాల్లోనూ ప్రోత్సాహకాలు అక్కడ మాత్రం అన్ని ర్యాంకులకు వర్తింపు తమకూ ఇవ్వాలంటున్న ఉన్నతాధికారులు

సాక్షి, సిటీబ్యూరో: నగరంలో సంచరించే సిటీ బస్సుల్లో తిరుగుతూ... ప్రయాణికుల సెల్‌ఫోన్లు తస్కరించే ముఠాలు ఎన్నో ఉన్నాయి. అయితే ఈ సెల్‌ఫోన్లను వినియోగించి వారి బ్యాంకు ఖాతాలను ఖాళీ చేసే గ్యాంగ్స్‌ ఇటీవల పుట్టుకొచ్చాయి. ఈ ఏడాది ఫిబ్రవరిలో ఓ వ్యక్తి రూ.2.98 లక్షలు నష్టపోగా... తాజాగా ఓ మహిళ రూ.1.04 లక్షలు పోగొట్టుకున్నారు. ఇలాంటి ముఠాల పట్ల అప్రమత్తంగా ఉండాలని, ఫోన్‌ పోయిన వెంటనే కొన్ని కీలక జాగ్రత్తలు తీసుకోవాలని సిటీ సైబర్‌ క్రైమ్‌ పోలీసులు సూచిస్తున్నారు. నగరానికి చెందిన ఓ మహిళా ఉద్యోగి (45) ఇటీవల తార్నాక నుంచి కాచిగూడకు వెళుతుండగా ఆమె ఫోన్‌ తస్కరణకు గురైంది. ఆ తర్వాత రెండు రోజులకు ఆమె కాచిగూడ పోలీసులకు ఫిర్యాదు చేశారు. ఈ లోపే నేరగాళ్లు ఆమె బ్యాంకు ఖాతా నుంచి అక్రమ లావాదేవీలు చేసి రూ.1,04,901 కాజేశారు. ఆ ఫోన్‌లో ఉన్న సిమ్‌కార్డు నెంబరే బ్యాంకు ఖాతాతో లింకై ఉండటంతో పాటు యూపీఐ యాప్స్‌ అందులోనే ఉన్నాయి. ఫోన్‌ అన్‌లాక్‌ చేయడానికి, యూపీఐ లావాదేవీలకు పటిష్టమైన పాస్‌వర్డ్‌ లేకపోవడంతో తేలిగ్గా తెరిచిన నేరగాళ్లు అక్రమ లావాదేవీలు చేయగలిగారు. ఈ లావాదేవీలపై బ్యాంకు నుంచి ఎస్సెమ్మెస్‌లు వచ్చినప్పటికీ... ఫోన్‌ సైతం నేరగాళ్ల వద్దే ఉండటంతో బాధితురాలికి విషయం తెలియలేదు. బ్యాంక్‌ స్టేట్‌మెంట్‌ తీసుకున్న తర్వాతే తాను నష్టపోయిన విషయం గుర్తించిన బాధితురాలు గురువారం సిటీ సైబర్‌ క్రైమ్‌ ఠాణాలో ఫిర్యాదు చేయడంతో కేసు నమోదైంది. ఇటీవల చోటు చేసుకుంటున్న ఈ నేరాలను గమనించిన సైబర్‌ క్రైమ్‌ పోలీసులు ఇలాంటి వ్యవస్థీకృత ముఠాలు బస్సుల్లో సంచరిస్తున్నట్లు అనుమానిస్తున్నారు. పాస్‌వర్డ్‌ పటిష్టంగా ఉండాలి.. ఈ నేపథ్యంలో నగరవాసులకు కొన్ని కీలక హెచ్చరికలు జారీ చేస్తున్నారు. ఆండ్రాయిడ్‌, ఐఫోన్లలో కచ్చితంగా ఫౌండ్‌ మై డివైజ్‌ను యాక్టివేట్‌ చేసుకోవాలని కోరుతున్నారు. ఎవరైనా ఫోన్‌ పోగొట్టుకుంటే వెంటనే సిమ్‌కార్డు బ్లాక్‌ చేయించుకోవాలని, పోలీసులతో పాటు బ్యాంకు అధికారులకు ఫిర్యాదు చేయాలని కోరుతున్నారు. తన నెట్‌ బ్యాంకింగ్‌, యూపీఐ లావాదేవీలను నిలిపివేయాల్సిందిగా బ్యాంకును కోరాలని సూచిస్తున్నారు. అన్‌లాక్‌, యూపీఐ చెల్లింపుల పాస్‌వర్డ్స్‌ పటిష్టంగా ఉండేలా చూసుకోవాలని స్పష్టం చేస్తున్నారు. తొలుత సెల్‌ఫోన్లు చేజిక్కించుకుంటున్న నేరగాళ్లు యూపీఐ యాప్స్‌ వినియోగించి డబ్బు స్వాహా బస్సుల్లో సంచరిస్తున్న వ్యవస్థీకృత ముఠాలు అప్రమత్తంగా ఉండాలంటున్న పోలీసు అధికారులు

సాక్షి, సిటీబ్యూరో: ఆన్‌లైన్‌లో దరఖాస్తు చేసిన రెండు గంటల్లో రుణం ఇస్తామంటూ నమ్మబలికిన సైబర్‌ నేరగాళ్లు నగరానికి చెందిన ఓ వ్యక్తిని నిండా ముంచారు. రుణం పొందడానికి అన్ని అర్హతలు ఉన్నాయని, రూ.15 లక్షలు మంజూరు అయిందని చెప్పి రూ.44 లక్షలు కాజేశారు. బాధితుడి ఫిర్యాదు మేరకు బుధవారం కేసు నమోదు చేసుకున్న హైదరాబాద్‌ సైబర్‌ క్రైమ్‌ పోలీసులు దర్యాప్తు ప్రారంభించారు. సికింద్రాబాద్‌ ప్రాంతంలో నివసించే ఓ ప్రైవేట్‌ ఉద్యోగికి ఇటీవల వాట్సాప్‌ ద్వారా ఓ సందేశం వచ్చింది. మహాలక్ష్మీ ఫైనాన్సెస్‌ సంస్థ నుంచి వచ్చినట్లు ఉన్న ఆ సందేశంలో అర్హులైన వారికి దరఖాస్తు చేసిన రెండు గంటల్లో వ్యక్తిగత రుణం మంజూరు చేస్తామని ఉంది. ఆ సందేశం చివరలో ఓ నెంబర్‌ సైతం ఉండటంతో బాధితుడు ఫోన్‌ చేశాడు. బాధితుడి నుంచి కొన్ని వివరాలు తెలుసుకున్న అవతలి వ్యక్తి సిబిల్‌ స్కోరు చాలా తక్కువగా ఉందని, ఈ పరిస్థితుల్లో రుణం ఇవ్వడం సాధ్యం కాదని చెప్పాడు. ఆపై తాము పంపే క్యూఆర్‌ కోడ్‌కు కొంత మొత్తం చెల్లించాలి రీపేమెంట్‌ సామర్థ్యాన్ని నిరూపించుకోవాలని సూచించాడు. ఇలా చెల్లించిన మొత్తం రిఫండబుల్‌ అని మోసగాడు చెప్పడంతో బాధితుడు చెల్లించాడు. నేరగాళ్లు ఆధార్‌, పాన్‌కార్డులతో పాటు ఓ చెక్కు ఫొటోను పంపమని కోరడంతో బాధితుడు అలానే చేశాడు. ఈ విషయం తెలిసిన అతడి సోదరుడు వారించడంతో వాటి ఫొటోలను బాధితుడు నేరగాడి చాట్‌ నుంచి డిలీట్‌ చేసేశాడు. బాధితుడిని సంప్రదించిన సైబర్‌ నేరగాడు రూ.15 లక్షల లోన్‌ ప్రాసెస్‌లో ఉండగా డాక్యుమెంట్లు డిలీట్‌ చేసిన ఉల్లంఘనకు పాల్పడ్డావని చెప్పాడు. దీంతో పాటు బాధితుడి ఎస్‌బీఐ ఖాతాలో బ్యాలెన్స్‌ తక్కువగా ఉండటంతో దాని నిమిత్తం మరికొంత పెనాల్టీ అంటూ వసూలు చేశాడు. ఇలా మొత్తం ఎనిమిదిసార్లు రకరకాలైన పెనాల్టీలు, ఫీజులు వసూలు చేసిన సైబర్‌ నేరగాడు ప్రతి సందర్భంలోనూ రిఫండ్‌ అంటూ నమ్మబలికాడు. చివరకు ఓ రోజు రుణం మంజూరైందని చెప్తూ దానికి సంబంధించిన సందేశమంటూ డమ్మీ స్క్రీన్‌షాట్‌ పంపాడు. త్వరలోనే తమ సంస్థ ప్రధాన కార్యాలయం అధికారులు సంప్రదించి ఆ మొత్తం రిలీజ్‌ చేస్తారని నమ్మించాడు. వాళ్లు సూచించిన మొత్తం మరోసారి డిపాజిట్‌ చేయాలని, అలా కాకుంటే రుణం రద్దు అవుతుందని బెదిరించారు. అప్పటికే దాదాపు 25 సార్లు పెనాల్టీల చెల్లింపు కోసం బాధితుడు కుటుంబీకులు, బంధువులతో పాటు స్నేహితుల వద్ద అప్పు చేసి రూ.44,83,000 చెల్లించాడు. వీటికి తోడు మరికొంత చెల్లించాలంటూ వాళ్లు చెప్తుండటంతో అనుమానించిన బాధితుడు ఆరా తీశాడు. ఈ నేపథ్యంలోనే తాను మోసపోయినట్లు గుర్తించి ఆ మొత్తం తిరిగి చెల్లించాలని కోరాడు. దీంతో పంథా మార్చిన సైబర్‌ నేరగాళ్లు బాధితుడిని బెదిరింపులతో కూడిన, అభ్యంతరకరమైన సందేశాలు పంపడం మొదలెట్టారు. ఈ మేరకు బాధితుడు సిటీ సైబర్‌ క్రైమ్‌ ఠాణాలో ఫిర్యాదు చేయడంతో కేసు నమోదైంది.

సాక్షి, సిటీబ్యూరో: అక్రమ ఫోన్‌ ట్యాపింగ్‌ కేసులో కీలక నిందితులుగా ఉన్న ఎస్‌ఐబీ మాజీ చీఫ్‌ టి.ప్రభాకర్‌రావు, ఓ మీడియా ఛానల్‌ మాజీ ఎండీ శ్రవణ్‌రావులపై ఇంటర్‌పోల్‌ రెడ్‌ కార్నర్‌ నోటీసులు జారీ చేసింది. తీవ్రమైన, సంచలనాత్మక కేసుల్లో వాంటెడ్‌గా ఉండి, విదేశాలకు పారిపోయినట్లు ఆధారాలు లభించిన వారిపై పోలీసులు ఈ నోటీసులు జారీ చేయిస్తారు. తెలంగాణ నుంచి రెడ్‌ కార్నర్‌ నోటీసులు జారీ అయి ఉన్న వారి సంఖ్య ప్రస్తుతం ఏడుగా ఉంది. శ్రవణ్‌రావు తిరిగి రావడంతో వీరిలో వాంటెడ్‌ నిందితుల సంఖ్య ఆరు మాత్రమే. ప్రభాకర్‌రావు, శ్రవణ్‌రావులపై జారీ అయిన రెడ్‌ కార్నర్‌ నోటీసుల్ని ఇంటర్‌పోల్‌ కేవలం అఫీషియల్‌ వ్యూలోనే ఉంచింది.ముగ్గురిపై ఉగ్రవాద సంబంధ కేసుల్లో...ఈ ఏడుగురిలో ముగ్గురిపై మాత్రం ఉగ్రవాద సంబంధిత కేసుల్లో రెడ్‌ కార్నర్‌ నోటీసులు జారీ అయ్యాయి. మాదన్నపేట సమీపంలోని కూర్మగూడకు చెందిన ఫర్హాతుల్లా ఘోరీ అలియాస్‌ అబు సూఫియాన్‌ 1998లోనే ఉగ్రవాదం వైపు మళ్లి అ/్ఞాతంలోకి వెళ్లిపోయాడు. 2002లో గుజరాత్‌లోని అక్షర్‌ధామ్‌ దేవాలయంపై దాడి, 2004లో నగరం కేంద్రంగా బీజేపీ నేత ఇంద్రసేనారెడ్డి హత్యకు కుట్ర, 2005లో నగర కమిషనర్స్‌ టాస్క్‌ఫోర్స్‌ కార్యాలయం మానవబాంబు దాడి, 2012 నాటి బెంగళూరు ‘హుజీ కుట్ర’ సహా అనేక కేసుల్లో వాంటెడ్‌గా ఉన్నాడు. ఇతడితో పాటు బెంగళూరు కుట్ర కేసులో నిందితులుగా ఉన్న మరో ఇద్దరి పైనా ఇంటర్‌పోల్‌ రెడ్‌ కార్నర్‌ నోటీసులు జారీ చేసింది. హైదరాబాద్‌, బెంగళూరు, హుబ్లీ, నాందేడ్‌లో విధ్వంసాలకు కుట్ర పన్నిన ఆరోపణలపై నమోదైన ఈ కేసులో తలాబ్‌కట్టకు చెందిన మహ్మద్‌ సాదిక్‌ బిన్‌ ఉస్మాన్‌, యాకత్‌పురకు చెందిన మహ్మద్‌ అబు సాద్‌ల పైనా ఇంటర్‌పోల్‌ రెడ్‌కార్నర్‌ నోటీసులు జారీ చేసింది.మరో ఇద్దరిపై వేర్వేరు కేసుల్లో...ఈ ముగ్గురిపై ఉగ్రవాద సంబంధ కేసుల్లో, ప్రభాకర్‌రావు, శ్రవణ్‌రావు అక్రమ ఫోన్‌ ట్యాపింగ్‌ కేసులో రెడ్‌ కార్నర్‌ నోటీసులు జారీ కాగా.. మరో ఇద్దరిపై వేర్వేరు కేసుల్లో ఈ నోటీసులు ఉన్నాయి. కేరళ, ఆంధ్రప్రదేశ్‌, తెలంగాణల్లో నమోదైన అనేక హత్య, హత్యాయత్నం కేసుల్లో నగరానికి చెందిన తాహెర్‌ అన్సారీ నిందితుడిగా ఉన్నాడు. ఇతడితో పాటు అమీర్‌పేట కేంద్రంగా పని చేసిన ఓ ప్రైవేట్‌ బ్యాంక్‌ను నిండా ముంచిన బాబు మహ్మద్‌ పైనా ఇంటర్‌పోల్‌ జారీ చేసిన రెడ్‌ కార్నర్‌ నోటీసులు ఉన్నాయి. ఇతగాడు మరికొందరితో కలిసి 1997–2000 మధ్య సదరు బ్యాంకును నిండాముంచినట్లు ఆరోపణలు ఉన్నాయి. ఈ రెడ్‌కార్నర్‌ నోటీసులు ఉన్న మోస్ట్‌వాంటెడ్‌ జాబితాను ఇంటర్‌పోల్‌ తన వెబ్‌సైట్‌లో ఉంచుతుంది. అసవరాన్ని బట్టి కొందరి వివరాలు పబ్లిక్‌ వ్యూలో, మరికొందరివి అఫీషియల్‌ వ్యూలో ఉంచుతుంది. ఇలా అఫీషియల్‌ వ్యూలో ఉన్న కారణంగానే ప్రభాకర్‌రావు, శ్రవణ్‌రావులపై ఉన్నవి ప్రత్యేక లాగిన్‌ అవకాశం ఉన్న అధికారులకు తప్ప సాధారణ ప్రజలకు కనిపించవు. కేవలం ఉగ్రవాద సంబంధిత, అత్యంత తీవ్రమైన కేసుల్లో నిందితులుగా ఉన్న వారి వివరాలు మాత్రమే పబ్లిక్‌ వ్యూలో ఉంటాయి.శ్రవణ్‌రావుపైసుప్రీం కోర్టుకు...ఇలా రెడ్‌కార్నర్‌లో ఉన్న నిందితుల్లో శ్రవణ్‌రావుకు సుప్రీం కోర్టు ఊరట ఇవ్వడంతో వచ్చి లొంగిపోయారు. అయితే దర్యాప్తునకు సహకరించాలంటూ న్యాయస్థానం విధించిన షరతును ఈయన ఉల్లంఘిస్తున్నారని పోలీసులు చెప్తున్నారు. ఇప్పటికి మూడుసార్లు నోటీసులు ఇచ్చి విచారించినా సరైన వివరాలు చెప్పలేదని, ట్యాపింగ్‌ సమయంలో వినియోగించిన ఫోన్లు ఇవ్వాలని కోరితే వేరేవి ఇచ్చారని ఆరోపిస్తున్నారు. ఆయన స్వాధీనం చేసిన మూడు ఫోన్లకు ప్రాథమికంగా ఫోరెన్సిక్‌ పరీక్షలు నిర్వహించిన అధికారులు అందులో ఎలాంటి డేటా లేదని తేల్చారు. ఇలా దర్యాప్తునకు సహకరించని శ్రవణ్‌రావుపై సుప్రీం కోర్టును ఆశ్రయించాలని అధికారులు భావిస్తున్నారు. ఆయనకు ఉన్న ఊపశమనం ఎత్తివేయాలంటూ కోర్టును కోరే అవకాశం ఉందని తెలుస్తోంది.

సాక్షి, సిటీబ్యూరో : అమెరికాలోని ఫ్లోరిడా, కాలిఫోర్నియా తదితర ప్రాంతాల్లో పండించే ఓజీ కుష్‌ అనే డ్రగ్స్‌తోపాటు ఇతర మాదకద్రవ్యాలను, విదేశీమద్యం సీసాలను ఎకై ్సజ్‌ శాఖ ఎస్‌టీఎఫ్‌ బి టీమ్‌ పోలీసులు పట్టుకున్నారు. ఈ డ్రగ్స్‌తోపాటు స్కోడాకారు గంజాయి, హాషిష్‌ సింథటిక్‌ డ్రగ్స్‌, చరస్‌ వంటి మత్తుపదార్ధాలను స్వాధీనం చేసుకున్నట్లు ఎకై ్సజ్‌ ఎన్‌ఫోర్స్‌మెంట్‌ జాయింట్‌ కమిషనర్‌ ఖురేషి తెలిపారు. ఈ మేరకు బుధవారం ఎకై ్సజ్‌ భవన్‌లో ఏర్పాటు చేసిన విలేకరుల సమావేశంలో పట్టుకున్న డ్రగ్స్‌ను, నిందితులను హాజరుపరిచారు. పట్టుబడిన కారు, డ్రగ్స్‌ విలువ రూ.40 లక్షలుగా ఉంటుందని ఆయన వెల్లడించారు. కాచిగూడ రైల్వేస్టేషన్‌న్‌లో బుధవారం బి టీమ్‌ ఎస్‌ఐ సంధ్య బృందం ఈ డ్రగ్స్‌ను పట్టుకున్నట్లు పేర్కొన్నారు. కాచిగూడ రైల్వే స్టేషన్‌ వద్ద బైక్‌పైన ఉన్న ఒక వ్యక్తి స్కోడా కారులోని మరో వ్యక్తి నుంచి ఓజీ కుష్‌ను మార్పిడి చేసుకుంటుండగా ఎకై ్సజ్‌ పోలీసులు పట్టుకున్నారు. కారులో తనిఖీల్లో 500 గ్రాముల ఓజీ కుష్‌, కిలో గంజాయి, 6 గ్రాముల చరస్‌, 4.38 గ్రాముల హషీష్‌ సింథటిక్‌ డ్రగ్స్‌తోపాటు ఐదు విదేశీ మద్యం బాటిళ్లను స్వాధీనం చేసుకున్నారు. ఇద్దరు నిందితులు ప్రతీష్‌ భట్‌, జై సూర్యలను అరెస్టు చేసినట్లు జాయింట్‌ కమిషనర్‌ ఖురేషి తెలిపారు.ఈ సమావేశంలో బి టీమ్‌ లీడర్‌ ప్రదీప్‌రావు, సీఐ భిక్షా రెడ్డి తదితరులు పాల్గొన్నారు. ● అమెరికా నుంచి దిగుమతి ● బెంగళూరు నుంచి హైదరాబాద్‌కు సరఫరా ● పట్టుబడిన డ్రగ్స్‌ విలువ రూ.40 లక్షలు

ఇబ్రహీంపట్నం రూరల్‌: రామోజీ ఫిలింసిటీ ఆక్రమణలో ఉన్న ఇళ్ల స్థలాల కబ్జా కోసం లబ్ధిదారులకు సహకరించాలని సీపీఎం రంగారెడ్డి జిల్లా కార్యదర్శి పగడాల యాదయ్య ప్రభుత్వాన్ని డిమాండ్‌ చేశారు. ఈ మేరకు మహేశ్వరం డీసీపీ సునీతారెడ్డి సమక్షంలో బుధవారం రాచకొండ పోలీస్‌ కమిషనర్‌ సుధీర్‌బాబును కలిసి వినతిపత్రం అందజేశారు. అనంతరం ఆయన మాట్లాడుతూ.. ఫిలింసిటీ చెరలో ఉన్న పేదల భూములకు విముక్తి కల్పించాలన్నారు. గతంలో నిరుపేదలకు ప్రభుత్వం అందజేసిన ఇళ్ల స్థలాలను స్వాధీనం చేసుకునేందుకు పర్మిషన్‌ ఇవ్వాలని కోరారు. శాంతియుతంగా ఇంటి నిర్మాణ పనులు చేసుకుంటామని, ఇందుకు సహకరించాలని కోరారు. దీనిపై సీపీ స్పందిస్తూ ఇంటి స్థలాల అంశంపై ప్రభుత్వం సానుకూలంగా ఉందని, త్వరలోనే సమస్య పరిష్కారం అవుతుందని ఆశాభావం వ్యక్తం చేశారు. ఈ కార్యక్రమంలో జిల్లా కార్యదర్శి వర్గ సభ్యుడు సామేలు, మండల కార్యదర్శి సీహెచ్‌ బుగ్గరాములు, ఇంటి స్థలాల పోరాట కమిటీ కన్వీనర్‌ పి.జగన్‌, మండల కమిటీ సభ్యుడు ఆనంద్‌, ఎంపీటీసీ మాజీ సభ్యుడు భిక్షపతి తదితరులు పాల్గొన్నారు. రామోజీ ఫిలింసిటీ ఆక్రమణలో ఉన్న భూముల చెర విడిపించండి సీపీఎం జిల్లా కార్యదర్శి పగడాలయాదయ్య డిమాండ్‌ రాచకొండ పోలీస్‌ కమిషనర్‌ సుధీర్‌బాబుకు వినతిపత్రం

బంజారాహిల్స్‌: బీఆర్‌ఎస్‌ పార్టీ, కేసీఆర్‌ కృషితో తెలంగాణలో బంజారాల బతుకులు మారాయని ఎమ్మెల్సీ కల్వకుంట్ల కవిత స్పష్టం చేశారు. అఖిల భారత బంజారాల ఆధ్యాత్మిక గురువు, పౌరాదేవీ పీఠాధిపతి శ్రీశ్రీ చంద్రశేఖర్‌ మహారాజ్‌ బుధవారం ఎమ్మెల్సీ కవిత నివాసానికి విచ్చేశారు. ఈ సందర్భంగా సంప్రదాయబద్దంగా ఎమ్మెల్సీ కవిత వారిని ఆహ్వానించి సన్మానించి ఆశీర్వాదాలు తీసుకున్నారు. అనంతరం ఎమ్మెల్సీకవిత మాట్లాడుతూ... రాష్ట్రంలోని బంజారాల ఆశీస్సులు కేసీఆర్‌పై, బీఆర్‌ఎస్‌ పార్టీపై ఉన్నాయని తెలిపారు. బంజారా పిల్లలకు విద్య, ఉపాధి అవకాశాలను మెరుగుపర్చడానికి కేసీఆర్‌ ఎన్నో చర్యలు తీసుకున్నారని వివరించారు. ముఖ్యంగా కేంద్ర ప్రభుత్వం సహకరించుకున్నా ఎస్టీలకు 10 శాతం రిజర్వేషన్‌ కల్పించి కేసీఆర్‌ చరిత్ర సృష్టించారని స్పష్టం చేశారు. దేశంలోనే తొలిసారిగా సేవాలాల్‌ జయంతిని అధికారికంగా నిర్వహించాలని నిర్ణయించిన గొప్ప వ్యక్తి కేసీఆర్‌ అని చెప్పారు. ఈ కార్యక్రమంలో ఎమ్మెల్యే అనిల్‌ జాదవ్‌, మాజీ ఎంపీ కవిత, మాజీ ఎమ్మెల్యే చంద్రవతి, హరిప్రియ నాయక్‌ తదితరులు పాల్గొన్నారు.

మణికొండ : మా కుమారుడి కష్టార్జితంతో నిర్మించుకున్న ఇంట్లో తామే ఉంటామని హీరో రాజ్‌తరుణ్‌ తల్లిదండ్రులు రాజేశ్వరి, బసవరాజు పేర్కొన్నారు. తమ ఇంట్లో లావణ్య అసాంఘిక కార్యకలాపాలకు పాల్పడుతోందని, తమకు స్వంత ఇల్లు ఉండగా బయట అద్దెకు ఉండాల్సిన ఖర్మ తమకు లేదని వారు పేర్కొన్నారు. బుధవారం నార్సింగి పోలీస్‌ స్టేషన్‌ పరిధిలోని కోకాపేటలోని విల్లాలో రాజ్‌తరుణ్‌ తరఫు వ్యక్తులు, కేర్‌ టేకర్స్‌తో పాటు అతని తల్లిదండ్రులు వచ్చారు. తమ ఇంట్లో తాము ఉంటామని లోనికి వెళ్లే ప్రయత్నం చేశారు. దాంతో లావణ్య వారిని అడ్డుకున్నారు. తన ఇంటి సీసీ కెమెరాలను, ఇంట్లోని వస్తువులను ధ్వంసం చేసి తనపై దాడి చేశారని లావణ్య ఆరోపించారు. రాజ్‌తరుణ్‌తో తనకు జరిగిన వివాహంతో పాటు ఇంటి విషయం కోర్టులో ఉందని, కోర్టు ఆదేశాల ప్రకారమే తాను నడుచుకుంటానన్నారు. కాగా దీనిపై తమకు లావణ్య, రాజ్‌తరుణ్‌ తల్లిదండ్రులు ఎలాంటి ఫిర్యాదు ఇవ్వలేదని నార్సింగి పోలీసులు తెలిపారు.

సాక్షి, సిటీబ్యూరో: కొత్తగా నవీకరించిన ఫ్రీడమ్‌ వేరుశనగ నూనె ప్యాక్‌ను బుధవారం ఫ్రీడమ్‌ హెల్తీ కుకింగ్‌ ఆయిల్స్‌ సేల్స్‌ అండ్‌ మార్కెటింగ్‌ సీనియర్‌ వైస్‌ ప్రెసిడెంట్‌ పి.చంద్రశేఖరరెడ్డి ఆవిష్కరించారు. సంప్రదాయ భారతీయ ఊరగాయ, పచ్చళ్లు, ఇతర వంటకాలకు అవసరమైన ఆరోగ్యకర కుకింగ్‌ ఆయిల్‌ కలెక్షన్‌ను రూపొందించినట్లు ఆయన పేర్కొన్నారు. ఫ్రీడమ్‌ వేరుశనగ నూనె గింజ రుచిని కలిగి ఉంటుందని, వివిధ ఆరోగ్య ప్రయోజనాలను అందిస్తుందని పేర్కొన్నారు. ఆంధ్రప్రదేశ్‌, తెలంగాణ, కర్ణాటక, తమిళనాడు రాష్ట్రాలలో సంప్రదాయ రుచి, సువాసనతో ఊరగాయలు, పచ్చళ్లు తయారు చేయడానికి ప్రాధాన్యతనిస్తారన్నారు. వీని అభిరుచికి తగిన ‘ఫ్రీడమ్‌ వేరుశనగ నూనె ప్యాక్‌’ను పరిచయం చేయటం చాలా సంతోషంగా ఉందన్నారు. కార్యక్రమంలో జెమినీ ఎడిబుల్స్‌–ఫ్యాట్స్‌ ఇండియా లిమిటెడ్‌ మార్కెటింగ్‌ జనరల్‌ మేనేజర్‌ చేతన్‌ పింపాల్టే తదితరులు పాల్గొన్నారు.

చిక్కడపల్లి: రిజిస్ట్రేషన్‌లలో స్లాట్‌ బుకింగ్‌ విధానాన్ని రద్దుచేసి డ్యాకుమెంట్‌ రైటర్స్‌కు జీవనోపాధి కల్పించాలని తెలంగాణ డ్యాకుమెంట్‌ రైటర్స్‌ ఫెడరేషన్‌ నాయకులు శ్రీనివాస్‌, గిరిబాబు ప్రభుత్వాన్ని కోరారు. ఈ మేరకు బుధవారం సాయంత్రం అశోక్‌నగర్‌లోని చిక్కడపల్లి సబ్‌ రిజిస్ట్రార్‌ కార్యాలయం ముందు ప్లకార్డులు ప్రదర్శించి నిరసన తెలిపారు. ఈ సందర్భంగా వారు మాట్లాడుతూ స్లాట్‌ విధానంతో రానున్న రోజుల్లో డాక్యుమెంట్‌ రైటర్స్‌ జీవనోపాధి కోల్పోయే ప్రమాదం ఉందన్నారు. స్లాట్‌ విధానంతో వినియోగదారులు నష్టపోయే అవకాశం ఉందన్నారు. స్లాట్‌ పద్ధతిని రద్దుచేసి పాత విధానాన్ని కొనసాగించాలని వారు డిమాండ్‌ చేశారు. ఈ కార్యక్రమంలో డ్యామెంట్‌ రైటర్స్‌ ఈశ్వర్‌, అశోక్‌, కార్తీక్‌, బ్రహ్మం, అతీఫ్‌ తదితరులు పాల్గొన్నారు. తెలంగాణ డ్యాకుమెంట్‌ రైటర్స్‌ ఫెడరేషన్‌

సాక్షి, సిటీబ్యూరో: భూగర్భ జలాలు అడుగంటిపోవడంతో తాగునీటికే కాదు.. ఇంటి అవసరాలూ తీరే పరిస్థితి కనిపించడంలేదు. నీటి సమస్య తీవ్ర రూపం దాల్చుతోంది. పశ్చిమ హైదరాబాద్‌ ప్రాంతంలో విచ్చలవిడిగా బోర్ల తవ్వకాల ప్రభావంతో జలాలు పాతాళానికి పడిపోయి బోరుబావులు బావురుమంటున్నాయి. ఫలితంగా వాటర్‌ ట్యాంకర్లకు డిమాండ్‌ పెరుగుతోంది. రాత్రి పగలూ తేడా లేకుండా ట్యాంకర్ల ద్వారా నీటి సరఫరా కొనసాగుతోంది. సిటీజనుల అవసరాలను సొమ్ము చేసుకునేందుకు కొందరు చెరువుల పక్కన, ఖాళీ ప్లాట్లలో.. ఇలా ఎక్కడ పడితే అక్కడ బోర్లు వేసి, కోట్ల కొద్దీ లీటర్ల నీటిని పుడమి కడుపు నుంచి తోడేస్తున్నారు. ప్రాంతాన్ని బట్టి.. అక్కడ ఉన్న నీటి కొరత తీవ్రత, అత్యవసరాన్ని బట్టి ట్యాంకర్‌ నీటి ధరను పెంచేసి వసూళ్లకు పాల్పడుతున్నారు. జంట జలాశయాల పరీవాహకంలో.. నగర శివార్లలోని జంట జలాశయాల పరిసరాల్లో విచ్చలవిడిగా ప్రైవేటు ఫిల్లింగ్‌ కేంద్రాలు భారీగా పుట్టుకొచ్చాయి. మూసీ పరీవాహకంలో సైతం ప్రైవేటు బోర్ల నీటి దందా అడ్డూ అదుపూ లేకుండా సాగుతోంది. అసలు బోరు ఎక్కడుంది? ఎక్కడి నుంచి నీళ్లు వస్తున్నాయన్నది అర్థంకాని పరిస్థితి నెలకొంది. చెరువులు, కుంటలు, ఖాళీ స్థలాల్లో ఎక్కడిపడితే అక్కడ బోర్లు ఏర్పాటు చేసి గుర్తించకుండా వాటి చుట్టూ ఇంటిని తలపించేలా రేకుల షెడ్లు వేస్తున్నారు. మరికొన్ని ప్రాంతాల్లో సిమెంట్‌, కాంక్రీట్‌తో శ్లాబ్‌లు నిర్మిస్తున్నారు. గండిపేట, నార్సింగ్‌, మణికొండ, హఫీజ్‌పేట, మియాపూర్‌, బౌరంపేట, దుండిగల్‌, మల్లంపేట, ఉప్పల్‌, రామంతాపూర్‌, బోయిన్‌పల్లి తదితర ప్రాంతాల్లో చెరువుల పక్కన ప్రైవేటు బోర్ల వ్యాపారం విచ్చలవిడిగా సాగుతోంది వాల్టాకు తూట్లు.. వాటర్‌ ల్యాండ్‌ అండ్‌ ట్రీస్‌ (వాల్టా) యాక్ట్‌– 2002 ప్రకారం ఇంటి అవసరాల కోసం బోరు వేసినా రెవెన్యూ విభాగం అనుమతి తీసుకోవాల్సి ఉంటుంది. తహసీల్దార్‌కు దరఖాస్తు చేసుకుంటే క్షేత్రస్థాయి పరిస్థితులు, దరఖాస్తుదారు అవసరం, అక్కడి భూగర్భ జలాల లభ్యతను బట్టి అనుమతినిస్తారు. ఇంటి నిర్మాణం కోసం సామాన్యులు బోరు వేస్తే.. ఈ చట్టాన్ని చూపి నానా ఇబ్బందులూ పెట్టే రెవెన్యూ యంత్రాంగం ప్రైవేటు నీటి దందా కోసం ఇష్టానుసారంగా పదుల సంఖ్యలో బోర్లు తవ్వి పుడిమిని తోడేస్తున్నా.. కనీసం అటువైపు కన్నెత్తి చూడట్లేదు. ఇటీవల జలమండలి విజిలెన్స్‌ విభాగం అక్రమ ఫిల్లింగ్‌ కేంద్రాలను గుర్తించి రెవెన్యూ యంత్రాంగం దృష్టికి తీసుకెళ్లింది. ఇదీ పరిస్థితి.. మహానగరం కాంక్రీట్‌ జంగిల్‌గా మారడంతో వర్షపు నీరంతా నాలాలు, డ్రెయినేజీల నుంచి మూసీలో కలుస్తోంది. ఫలితంగా ఆశించిన స్థాయిలో నగర పరిధిలో భూగర్భ జలమట్టాలు పెరగలేదు. ప్రస్తుతం జీహెచ్‌ఎంసీ పరిధితో పాటు ఔటర్‌ పరిధిలోని సుమారు 45 ప్రాంతాల్లో భూగర్భ జలమట్టాలు సగటున 12 మీటర్ల దిగువన పడిపోయినట్లు అధికార గణాంకాలు స్పష్టం చేస్తున్నాయి. కొన్ని ప్రాంతాల్లో వెయ్యి నుంచి 5 వేల అడుగుల మేర తవ్వించిన బోర్లు సైతం ఎండిపోతుండటంతో భూగర్భజలాలు ఎంత పాతాళానికి పడిపోతున్నాయో అర్థం చేసుకొవచ్చు.. జలమండలి ట్యాంకర్ల తాకిడి గ్రేటర్‌తో పాటు ఔటర్‌ రింగ్‌ రోడ్డు పరిధిలో తాగునీటిని సరఫరా చేస్తున్న జలమండలి ఈసారి పెరుగుతున్న డిమాండ్‌ను తట్టుకోలేక తడబడుతోంది. పశ్చిమ హైదరాబాద్‌ పరిధిలోని గచ్చిబౌలి, శేరిలింగంపల్లి, కూకట్‌పల్లి, పటాన్‌చెరు, మూసాపేట్‌, మాదాపూర్‌, హైటెక్‌ సిటీ, నానక్‌రాంగూడ, కోకాపేట్‌, నార్సింగి, కొండాపూర్‌, బంజారాహిల్స్‌, జూబ్లీహిల్స్‌ తదితర ప్రాంతాల నుంచి తాకిడి అధికంగా పెరిగినట్లు తెలుసోంది. సాధారణంగా వాటర్‌బోర్డుకు వేసవిలో రోజుకు 5 వేల నుంచి 6 వేల వరకు ట్యాంకర్ల డిమాండ్‌ ఉంటోంది. కానీ.. ఈసారి ఆ సంఖ్య పదివేలు దాటింది. ట్యాంకర్‌ బుక్‌ చేసిన 12 గంటల లోపు ట్యాంకర్‌ను సరఫరా చేయడం గమనార్హం. కేవలం ట్యాంకర్లపైనే ఆధారపడిన హోస్టళ్లు, సర్వీస్‌, వాణిజ్య కేంద్రాలు మాత్రం అత్యవసర సరఫరాకు ప్రైవేటు ట్యాంకర్ల వైపు మొగ్గుచూపుతున్నాయి. అక్రమ ఫిల్లింగ్‌ కేంద్రాలతో ప్రైవేటు ట్యాంకర్ల దందా పశ్చిమ హైదరాబాద్‌లో పెరిగిన డిమాండ్‌ నీటి రేట్లు పెంచేసి వ్యాపారుల దోపిడీ ప్రతిరోజూ పది వేల ట్రిప్పులకుపైగా జలమండలి సరఫరా 4 లక్షల ట్రిప్పుల వరకు అంచనా.. రాబోయే రోజుల్లో ట్యాంకర్లకు డిమాండ్‌ మరింత పెరిగవచ్చని జలమండలి అంచనా వేస్తొంది. గత ఏడాదితో పోల్చితే ఈసారి జనవరిలో 35 శాతం, ఫిబ్రవరిలో 50 శాతం, మార్చిలో 90 శాతం అదనంగా డిమాండ్‌ పెరిగినా.. ఎలాంటి ఆటంకం లేకుండా సరఫరా చేయగలిగింది. తాజాగా ఈ నెలలో రెట్టింపు స్థాయిలో ట్యాంకర్ల డిమాండ్‌ పెరిగింది. ఏప్రిల్‌, మే నెలల్లో సగటున 4 లక్షల ట్రిప్పుల చొప్పున డిమాండ్‌ ఉండే అవకాశం ఉంటుందని జలమండలి అంచనా వేస్తోంది. జలమండలి ద్వారా ట్యాంకర్ల సరఫరా ఇలా సంవత్సరం జనవరి ఫిబ్రవరి మార్చి 2021 52,778 55,175 75,782 2022 45,613 52,548 83,078 2023 74,870 86,479 1,12,679 2024 81,821 1,12,926 1,69,596 2025 1,19,752 1,84,074 2,82,961

యథేచ్ఛగా నీటిని తోడుతున్నట్లు బహిర్గతంనీటి సరఫరాలో పెరుగుతున్న ప్రెషర్‌.. మోటార్‌ ఫ్రీ ట్యాప్‌ వాటర్‌ స్పెషల్‌ డ్రైవ్‌తో నీటి సరఫరాలో ఒత్తిడి పెరుగుతోంది. క్షేత్ర స్థాయిలో తనిఖీలు కొనసాగుతుండటంతో కొందరు వినియోగదారులు నల్లాలకు మోటార్లను తొలగిస్తున్నారు. దీంతో నీటి సరఫరాలో ఒత్తిడి పెరిగి సమపాళ్లలో సరఫరా కొనసాగుతోంది. దీంతో లో పెష్రర్‌తో ఇబ్బందులు పడుతున్న వినియోగదారులు ఆనందం వ్యక్తం చేశారు. ముఖ్యంగా నీటి సరఫరాలో లోప్రెషర్‌ ప్రాంతాలపైనే జలమండలి దృష్టి సారించి తనిఖీలను ముమ్మరం చేసింది. ● వాణిజ్య సముదాయాల్లో డొమెస్టిక్‌ కనెక్షన్లు ● పలు ప్రాంతాల్లో పర్యటించిన జలమండలి ఎండీ ● స్పెషల్‌ డ్రైవ్‌తో పెరుగుతున్న నీటి ప్రెషర్‌ ● రెండో రోజూ కొనసాగిన మోటార్‌ ఫ్రీ ట్యాప్‌ డ్రైవ్‌ సాక్షి, సిటీబ్యూరో: మహా నగరంలో తాగునీటి నల్లాలకు వ్యసాయ మోటార్లను బిగించి నీటిని తోడుతున్నట్లు బహిర్గతం కావడం ఆందోళన కలిగిస్తోంది. జలమండలి నీటి సరఫరాలో లో ప్రెషర్‌ తగ్గించేందుకు పకడ్బందీగా చేపట్టిన ‘మోటర్‌ ఫ్రీ ట్యాప్‌’ వాటర్‌ స్పెషల్‌ సర్వే తనిఖీలో నల్లాలకు బిగించిన మోటార్లు కుప్పలు తెప్పలుగా బయటపడుతున్నాయి. మరోవైపు వాణిజ్య భవన సముదాయాలు డొమెస్టిక్‌ కనెక్షన్లు కలిగి ఉన్నట్లు తనిఖీ బృందాలు గుర్తిస్తున్నాయి. స్పెషల్‌ డ్రైవ్‌లో భాగంగా బుధవారం పలు ప్రాంతాల్లో నల్లాలకు వినియోగిస్తున్న సుమారు 32 మోటార్లను సీజ్‌ చేసి 39 మంది వినియోదారులకు జరిమానాలు విధించారు. రెండో రోజూ జలమండలి ఎండీ అశోక్‌ రెడ్డి క్షేత్ర స్థాయిలో పర్యటించి తనిఖీలు నిర్వహించారు. ఎస్‌ఆర్‌ నగర్‌లోని మధురానగర్‌ పరిధిలో నీటి సరఫరాను పరిశీలించారు. లోప్రెషర్‌ను గుర్తించి సమీపంలోని హాస్టళ్లు, వాణిజ్య సముదాయాలును తనిఖీ చేశారు. 2 హెచ్‌పీ మోటార్‌ వినియోగంపై ఆగ్రహం వ్యవసాయానికి వినియోగించే 2 హెచ్‌పీ మోటార్లను నల్లాలకు వినియోగించడంపై అశోక్‌ రెడ్డి ఆగ్రహం వ్యక్తంచేశారు. పది గృహ సముదాయాలకు సరిపడే నీటిని ఒకే గృహానికి వాడితే మిగతావారు ఏమైపోవాలంటూ ఆయన ప్రశ్నించారు. మరోసారి ఇలాంటి తప్పు చేస్తే క్రిమినల్‌ కేసు నమోదు చేస్తామని హెచ్చరించారు. గృహ సముదాయంలోని ఆ హాస్టల్‌కు నెలవరకు నీటిని నిలిపివేసి ట్యాంకర్‌ సైతం బుక్‌ చెయ్యకుండా బ్లాక్‌ లిస్ట్‌లో పెట్టాలని అధికారులను ఆదేశించారు. ఇదే ప్రాంతంలో మరో భవనానికి సైతం వ్యవసాయ మోటార్‌ వాడుతూ పట్టుపడగా కనెక్షన్‌ తొలగించి, నెల వరకు ట్యాంకర్‌ సరఫరా కూడా నిలిపివేయాలంటూ అధికారులకు ఎండీ ఆదేశాలు జారీ చేశారు. ప్రతిరోజూ వాటర్‌ సరఫరా సమయంలో తనిఖీలు కొనసాగించాలని ఆయన సూచించారు.

భూముల రక్షణకేనేటి నుంచి 30 వరకు చట్టంపై అవగాహన సమావేశాలు సదస్సుల సమాచారం తేదీ మండలం 17 షాద్‌నగర్‌, కేశంపేట 19 ఆమనగల్లు, తలకొండపల్లి 21 చేవెళ్ల, శంకర్‌పల్లి 22 కొందుర్గు, చౌదరిగూడ 23 మాడ్గుల, యాచారం 24 మెయినాబాద్‌, షాబాద్‌, గండిపేట్‌ 25 మంచాల, ఇబ్రహీంపట్నం 26 కొత్తూరు, నందిగామ, శంషాబాద్‌ 28 అబ్దుల్లాపూర్‌మెట్‌, హయత్‌నగర్‌, సరూర్‌నగర్‌ 29 మహేశ్వరం, కందుకూరు, కడ్తాల్‌ 30 శేరిలింగంపల్లి, రాజేంద్రనగర్‌, బాలాపూర్‌ ప్రభుత్వం ప్రతిష్టాత్మకంగా తీసుకుని అంబేడ్కర్‌ జయంతి సందర్భంగా ఏప్రిల్‌ 14న భూ భారతి చట్టానికి సంబంధించిన పోర్టల్‌ను ఆవిష్కరించి రైతు కుటుంబాలకు అంకితం చేసింది. జూన్‌ 2 నుంచి పోర్టల్‌ అమలు చేసేందుకు సన్నాహకాలు చేస్తున్న ప్రభుత్వం ప్రజల్లో విస్తృతంగా అవగాహన కల్పించేందుకు మండలాల వారీగా సమావేశాలు ఏర్పాటు చేస్తోంది.సాక్షి, రంగారెడ్డిజిల్లా: భూ సమస్యలకు శాశ్వత పరిష్కారం చూపేందుకు తీసుకొచ్చిన ‘భూ భారతి’పథకాన్ని ప్రజల్లోకి విస్తృతంగా తీసుకెళ్లాలని ప్రభుత్వం నిర్ణయించింది. ఇందులో భాగంగా గురువారం నుంచి ఈ నెల 30 వరకు మండలాల వారీగా రికార్డ్‌ ఆఫ్‌ రైట్స్‌(ఆర్‌ఓఆర్‌)–2025 భూమి హక్కుల రికార్డు, ధరణి స్థానంలో కొత్తగా తీసుకురాబోతున్న భూ భారతి, ఆర్‌ఓఆర్‌లో తప్పుల సవరణ, వ్యవసాయ భూముల రిజిస్ట్రేషన్‌, మ్యూటేషన్‌, వారసత్వ భూముల మ్యూటేషన్‌, సేల్‌డీడ్‌ ఇతర మార్గాల ద్వారా వచ్చిన మ్యూటేషన్‌, సాదా బైనామాల క్రమబద్ధీకరణ, పట్టాదారు పాసుపుస్తకాలు, అప్పీల్‌ వ్యవస్థ, రివిజన్‌ అధికారాలు, న్యాయ సహాయం, గ్రామ రెవెన్యూ రికార్డుల నిర్వహణ వంటి అంశాలపై అవగాహన కల్పించనున్నారు. రెవెన్యూ రికార్డులను పక్కాగా నిర్వహించడంతో పాటు భూములకు (కమతం) ఆధార్‌ తరహాలో భూధార్‌ నంబర్‌ కేటాయింపు సహా ప్రభుత్వం అందించే సంక్షేమ ఫలాలు సైతం ఈ నంబర్ల ఆధారంగానే అందనున్నాయి. భూ రికార్డుల నిర్వహణలో ఎలాంటి వివాదాలకు ఆస్కారం ఇవ్వొద్దని నిర్ణయించింది. ఆర్డీఓ, తహసీల్దార్‌ సహా డి సెక్షన్‌ అధికారులు ఈ సమావేశాల్లో పాల్గొని, రైతులు, భూ యజమానుల్లోని అనుమానాలను నివృత్తి చేయనున్నారు. తద్వారా రెవెన్యూ శాఖపై సృష్టించిన అపవాదులను పూర్తిగా తొలిగించుకోవాలని యోచిస్తోంది. రిజెక్ట్‌ చేస్తే.. కారణం చెప్పాల్సిందే జిల్లా వ్యాప్తంగా 12,43,035 ఎకరాల భూములు ఉన్నాయి. వీటిలో 64,803 ఎకరాల అటవీ భూములు ఉండగా 8,86,705 ఎకరాల సాగు భూములు ఉన్నాయి. 2,26,509 ఎకరాల వ్యవసాయేతర భూములు ఉన్నాయి. 1,89,406 ఎకరాలు తోటలు, చెట్లతో నిండి ఉంది. 59,906 ఎకరాలు సాగుకు యోగ్యం కానీ భూములున్నాయి. ప్రభుత్వ, భూదాన్‌, వక్ఫ్‌, సీలింగ్‌, లావణి, అటవీ భూములతో పాటు ప్రైవేటు పట్టా భూములు ఉన్నాయి. నగరానికి సమీపంలో జిల్లా ఉండడం, ఐటీ, అనుబంధ సంస్థలతో పాటు రియల్‌ ఎస్టేట్‌ రంగం పెట్టుబడులు ఇక్కడ భారీగా పెడుతుండటంతో జిల్లాలోని భూములకు రెక్కలొచ్చాయి. దీంతో పాటు సరిహద్దు వివాదాలు కూడా అధిక మయ్యాయి. భూ రికార్డుల ప్రక్షాళనలో భాగంగా గత బీఆర్‌ఎస్‌ ప్రభుత్వం 2020 నవంబర్‌లో ధరణి ఫోర్టల్‌ను తీసుకొచ్చింది. ఇప్పటి వరకు రెండు లక్షలకుపైగా దరఖాస్తులు పోర్టల్‌లో నమోదు కాగా, ఇప్పటికే 1.80 వేల దరఖాస్తులను క్లియర్‌ చేయగా.. ప్రస్తుతం 17,646 దరఖాస్తులు పెండింగ్‌లో ఉన్నట్లు తెలిసింది. వీటిలో 7,966 దరఖాస్తులు తహసీల్దార్ల వద్ద, 3,351 దరఖాస్తులు ఆర్డీఓల వద్ద, అదనపు కలెక్టర్‌ వద్ద 4,877 దరఖాస్తులు, కలెక్టర్‌ వద్ద 1,452 దరఖాస్తులు పెండింగ్‌లో ఉన్నట్లు సమాచారం. గతంలో దరఖాస్తు తిరస్కరిస్తే. కారణం చెప్పేవారు కాదు. ప్రస్తుతం అమల్లోకి తెచ్చిన భూ భారతిలో అప్పీల్‌ వ్యవస్థను ప్రవేశపెట్టింది. కొత్తగా అమల్లోకి తీసుకురాబోతున్న భూ భారతిపై ప్రజలకు విస్తృత అవగాహన కల్పించేందుకు సదస్సులు నిర్వహిస్తోంది. కమతాలకు భూదార్‌ నంబర్ల కేటాయింపు వాటి ఆధారంగానే సంక్షేమ ఫలాలు

జపాన్‌ రవాణా సదుపాయాలపై అధ్యయనం.. ఈ పర్యటనలో భాగంగా జపాన్‌లోని వివిధ మెట్రోపాలిటన్‌ నగరాల్లో వినియోగంలో ఉన్న ప్రజారవాణా సదుపాయాలను కూడా ముఖ్యమంత్రి బృందం అధ్యయనం చేయనుంది. జపాన్‌లోని కోబ్‌, క్యోటో, నగోయా, ఒసాకా, సప్పోరో, సెండాయ్‌, టోక్యో, యొకోహామా తదితర నగరాల్లో సబ్‌వే వ్యవస్థలు ఉన్నాయి. ప్రయాణికుల రద్దీకనుగుణంగా మెట్రోపాలిటన్‌ ప్రాంతాలను క్రాస్‌ చేసే సబర్బన్‌ కమ్యూటర్‌ రైల్వే సదుపాయం అక్కడ ఉంది. అలాగే అనేక నగరాల్లో స్ట్రీట్‌కార్‌, మోనోరైల్‌ నెట్‌వర్క్‌లు అందుబాటులో ఉన్నాయి. అర్బన్‌ ర్యాపిడ్‌ రైల్‌ సిస్టమ్‌, ఆటోమేటెడ్‌ గైడ్‌వే ట్రాన్సిట్‌ (ఏజీటీ), ఆటోమేటెడ్‌ పీపుల్‌ మూవర్‌, (ఏపీఎం), లైట్‌రైల్‌ ట్రాన్సిట్‌ (ఎల్‌ఆర్‌టీ), ట్రామ్‌, సిటీబస్‌ వంటి వివిధ రకాల ప్రజారవాణా సదుపాయాలు అందుబాటులో ఉన్నాయి. హైదరాబాద్‌లో మెట్రో రైల్‌ విస్తరణతో పాటు అర్బన్‌ ట్రాన్స్‌పోర్టేషన్‌కు అనుగుణమైన ప్రజారవాణా సదుపాయాలపై ఈ అధ్యయనంలో దృష్టి సారించనున్నట్లు అధికారులు తెలిపారు. సాక్షి, సిటీబ్యూరో: మెట్రో రెండోదశ నిర్మాణానికి నిధుల సమీకరణకు రాష్ట్ర సర్కారు జైకా (జపాన్‌ ఇంటర్నేషనల్‌ కో–ఆపరేషన్‌ ఏజెన్సీ)తో సంప్రదింపులు జరుపుతోంది. ఇందులో భాగంగా ఆ సంస్థతో రుణ అంశంపై చర్చించేందుకు హైదరాబాద్‌ ఎయిర్‌పోర్టు మెట్రోరైల్‌ ఎండీ ఎన్వీఎస్‌ రెడ్డి జపాన్‌ పర్యటనకు వెళ్లారు. ముఖ్యమంత్రి రేవంత్‌రెడ్డి బుధవారం నుంచి జపాన్‌లో పర్యటిస్తున్నందున.. ఇదే సమయంలో జైకాతో సమావేశం నిర్వహించేలా షెడ్యూల్‌ ఖరారైంది. ఈ సమావేశంలో నిధుల విడుదల వ్యవహారం కొలిక్కి వచ్చే అవకాశముంది. మెట్రో రెండో దశ నిర్మాణానికి నిధులు అందజేసేందుకు జైకా సూత్రప్రాయంగా అంగీకరించింది. తాజాగా సీఎం జపాన్‌ పర్యటనలో భాగంగా మరోసారి జైకా ప్రతినిధుల బృందంతో సమావేశమై నిధుల విడుదలపై పరస్పర ఒప్పందం కుదు ర్చుకునే అవకాశం ఉన్నట్లు మెట్రో అధికారులు తెలిపారు. తద్వారా మెట్రో రెండో దశకు నిధులను అందజేసేందుకు జైకా సిద్ధంగా ఉన్న దృష్ట్యా కేంద్రం నుంచి సావరిన్‌ గ్యారంటీ లభించేందుకు ఒత్తిడి చేసేందుకు అవకాశం లభిస్తుందని పేర్కొన్నారు. నిధుల సేకరణంలో భాగంగా.. మెట్రో రెండో దశలో మొదట ప్రతిపాదించిన 5 కారిడార్‌లలో 76.4 కిలోమీటర్ల మెట్రో నిర్మాణానికి సుమారు రూ.24,269 కోట్లు వ్యయం కానున్నట్లు అంచనా. ఇందులో ప్రైవేట్‌ సంస్థల నుంచి 52 శాతం నిధులను సేకరించాలని లక్ష్యంగా పెట్టుకు న్నారు. అంటే.. సుమారు రూ.12,726 కోట్లు జైకా వంటి సంస్థల నుంచి రుణాలుగా తీసుకోవా ల్సి ఉంటుంది. మిగతా వ్యయంలో 30 శాతం నిధులు అంటే రూ.7,313 కోట్లు రాష్ట్ర ప్రభుత్వం అందజేస్తుంది. మరో 18 శాతం నిధులను (రూ.4,230 కోట్లు) కేంద్రం భరించాల్సి ఉంటుంది. అలాగే మెట్రో స్టేషన్లలో మౌలిక సదుపాయాలతో పాటు పలు పనులను పీపీపీ విధానంలో చేప ట్టాలని ప్రతిపాదించారు. ప్రైవేట్‌ సంస్థల నుంచి నిధుల సేకరణలో భాగంగా సీఎం జపాన్‌ పర్యటనలో జైకాతో సంప్రదింపుల్లో హెచ్‌ఏఎంఆర్‌ఎల్‌ ఎండీ ఎన్వీఎస్‌ రెడ్డి కీలకంగా వ్యవహరించనున్నారు. మెట్రో రెండో దశపై జైకాతో సంప్రదింపులు సీఎం రేవంత్‌తో పాటు జపాన్‌ పర్యటనలో మెట్రో ఎండీ

సొంత భార్య మెడలోని బంగారు గొలుసునే కొట్టేసిన ఘనుడు ఎట్టకేలకు కేసును ఛేదించిన పోలీసులుకేపీహెచ్‌బీకాలనీ: గాఢ నిద్రలో ఉన్న భార్య మెడలోని రెండు తులాల బంగారు గొలుసును తానే కాజేసి.. దొంగలు ఎత్తుకెళ్లారంటూ కథనం అల్లి పోలీసులను తప్పుదోవ పట్టించేందుకు యత్నించిన ఓ భర్తను కేపీహెచ్‌బీ పోలీసులు అరెస్టు చేశారు. నిందితుడి నుంచి రెండు తులాల బంగారు గొలుసు స్వాధీనం చేసుకున్నారు. పోలీసులు చెప్పిన వివరాల ప్రకారం.. కేపీహెచ్‌బీ కాలనీ వసంతనగర్‌ కాలనీలోని ప్లాట్‌ నంబర్‌– 115లోని బహుళ అంతస్తుల భవనంలో మెదక్‌ జిల్లా వల్లూరుకు చెందిన ముక్కెర ఆంజనేయులు, భార్య భాగ్యమ్మతో కలిసి వాచ్‌మన్‌గా పని చేస్తూ ఇక్కడే ఓ గదిలో నివాసం ఉంటున్నారు. తన భార్య మెడలోని రెండు తులాల బంగారు గొలుసును దొంగిలించాలని పథకం వేసిన ఆంజనేయులు మంగళవారం తెల్లవారుజామున 2.30 గంటల సమయంలో భాగ్యమ్మ గాఢ నిద్రలో ఉండగా ఆమె మెడలోని 2 తులాల బంగారు గొలుసును దొంగిలించి దాచి పెట్టాడు. వెంటనే ఎవరో దొంగలు వచ్చి తన భార్య మెడలోని బంగారు గొలుసును తెంచుకెళ్లారంటూ బుకాయిస్తూ భార్యను కూడా నమ్మించాడు. ఇదే విషయాన్ని ఇరుగు పొరుగు వారికి చెప్పి పోలీసులకు సైతం ఫిర్యాదు చేశాడు. కేసు నమోదు చేసుకున్న పోలీసులు దర్యాప్తులో భాగంగా భాగ్యమ్మ, ఆంజనేయులును విచారణ చేయగా.. పొంతన లేని సమాధానాలు చెప్పారు. సీసీ పుటేజీల ఆధారంగా బయటి వ్యక్తులెవరూ వీరి గదిలోకి రాలేదని పోలీసులు నిర్ధారణకు వచ్చారు. ఆంజనేయులును అదుపులోకి తీసుకుని తమదైన శైలిలో విచారణ చేయగా.. బంగారు గొలుసును తానే దొంగిలించానని ఒప్పుకొన్నాడు. గొలుసు పోయిందనే సానుభూతి పొందటంతో పాటు ప్లాట్‌ యజమానులు ఇచ్చే ఆర్థిక సహకారంతో తన అప్పులు తీర్చుకోవచ్చని పథకం వేసి చోరీకి పాల్పడినట్లు వెల్లడించాడు. ఈ మేరకు పోలీసులు ఆంజనేయులును అరెస్టు చేసి రిమాండ్‌కు తరలించారు.

సాక్షి, సిటీబ్యూరో: ‘అంగట్లో అన్నీ ఉన్నా అల్లుడి నోట్లో శని’ అన్నట్లుంది రెండో దశ మెట్రో పరిస్థితి. నిధులిచ్చే సంస్థలు ఉన్నా అడుగు ముందుకు పడటంలేదు. ప్రతిపాదనలు, ప్రణాళికలు, సమగ్రమైన ప్రాజెక్టు నివేదికలను కూడా సిద్ధం చేసుకొని, చివరకు నిధులను సమకూర్చే సంస్థలను సైతం ఎంపిక చేసుకున్నప్పటికీ కేంద్రం ప్రాపకం లభించకపోవడంతో రెండో దశ మెట్రో ప్రాజెక్టుపై ప్రతిష్టంభన నెలకొంది. నిధుల సేకరణలో భాగంగా హైదరాబాద్‌ ఎయిర్‌పోర్ట్‌ మెట్రో రైల్‌ లిమిటెడ్‌ (హెచ్‌ఏఎంఆర్‌ఎల్‌) సంస్థ పలు అంతర్జాతీయ ఆర్థిక సంస్థలతో నిరంతరం సంప్రదింపులు జరుపుతోంది. ఈ క్రమంలో రెండో దశ మెట్రోకు నిధులను అందజేసేందుకు జపాన్‌కు చెందిన ఆర్థిక సంస్థ జైకా నుంచి సుముఖత లభించినట్లు తెలిసింది. ఆ సంస్థ ప్రతినిధులతో హెచ్‌ఏఎంఆర్‌ఎల్‌ ఇప్పటికే పలుమార్లు చర్చలు జరిపింది. ప్రస్తుతం ప్రక్రియ కూడా తుది దశకు చేరుకున్నట్లు సమాచారం. కేవలం కేంద్రం నుంచి సావరిన్‌ గ్యారంటీ లభించకపోవడం అనేదే ఇప్పుడు సాంకేతికంగా ఎదురవుతున్న సమస్య. రెండో దశపై రూ పొందించిన డీపీఆర్‌లను రాష్ట్ర ప్రభుత్వ ఆమోదంతో కేంద్రానికి పంపించి 6 నెలలైంది. నగరంలోని వివిధ ప్రాంతాల నుంచి హైదరాబాద్‌ అంతర్జా తీయ విమానాశ్రయానికి కనెక్టివిటీనిచ్చే ఈ ప్రాజెక్టును రాష్ట్ర ప్రభుత్వం ఎంతో ప్రతిష్టాత్మకంగా భావిస్తోంది. ఈ మేరకు సీఎం రేవంత్‌రెడ్డి ఇప్పటికే పలుమార్లు కేంద్ర మంత్రులను కూడా కలిశారు. కానీ ఇప్పటికీ కేంద్రం నుంచి సావరిన్‌ గ్యారంటీ లభించలేదు. దీంతో రుణాలు ఇచ్చే సంస్థలు సిద్ధంగా ఉన్నప్పటికీ పనులు చేపట్టలేని పరిస్థితి నెలకొంది. ప్రైవేట్‌ సంస్థల నుంచి 52 శాతం నిధుల సేకరణ.. మెట్రో రెండో దశలో ప్రతిపాదించిన 76.4 కిలోమీటర్ల కారిడార్‌ల నిర్మాణానికయ్యే మొత్తం వ్యయం రూ.24,269 కోట్ల వరకు ఉంటుందని అంచనా. ఇందులో 30 శాతం అంటే రూ.7,313 కోట్లు రాష్ట్ర ప్రభుత్వం అందజేస్తేంది. మరో 18 శాతం నిధులు అంటే రూ.4,230 కోట్లు కేంద్రం భరించాల్సి ఉంటుంది. మిగతా 52 శాతం నిధులు.. రూ.12,726 కోట్లు అంతర్జాతీయ సంస్థల నుంచి రుణాల రూపంలో సేకరించాలని నిర్ణయించారు. మెట్రో స్టేషన్‌లలో మౌలిక సదుపాయాలతో పాటు పలు పనులను పీపీపీ విధానంలో చేపట్టాలని ప్రతిపాదించారు. కేంద్రం నుంచి లభించే ఆర్ధిక సహాయంతో పాటు రుణాల సేకరణ ద్వారా ఈ ప్రాజెక్టును చేపట్టాలని రాష్ట్ర ప్రభుత్వం భావిస్తోంది. ఈ మేరకు జైకా సంస్థ నుంచి సానుకూలత లభించింది. కేంద్రం అనుమతి సహా అన్నీ అనుకూలిస్తే 2028 నాటికి ప్రతిపాదిత 5 కారిడార్‌లలో రైళ్లను నడపాలని హెచ్‌ఏఎంఆర్‌ఎల్‌ లక్ష్యంగా పెట్టుకుంది. – గతేడాది డీపీఆర్‌లు సిద్ధం చేసినప్పటికీ ఇప్పటి వరకు సావరిన్‌ గ్యారంటీ లభించకపోవడంతో తీవ్రమైన జాప్యం నెలకొంది. ‘మెట్రో రెండో దశకు నిధుల కొరత ఏ మాత్రం సమస్య కాదు. అంతర్జాతీయ ఆర్థిక సంస్థలు నిధులను ఇచ్చేందుకు సిద్ధంగా ఉన్నాయి. కానీ కేంద్రం అనుమతి లభించడమే కీలకం’ అని అధికారులు చెబుతున్నారు. జైకాతో సంప్రదింపులు చాలావరకు తుదిదశకు చేరుకున్నాయని పేర్కొన్నారు. ఇతర మెట్రోపాలిటన్‌ నగరాల్లో మెట్రో రెండు, మూడో దశలు కూడా పూర్తయ్యాయి. కానీ.. హైదరాబాద్‌లో మాత్రం ఏడు సంవత్సరాలు ఆలస్యంగా రెండోదశకు ప్రణాళికలను రూపొందించారు.ప్రస్తుతం మొదటి దశలోని 69 కిలోమీటర్ల కారిడార్‌లలో 5 లక్షల మంది ప్రయాణం చేస్తుండగా, రెండో దశలో ప్రతిపాదించిన 5 కారిడార్‌లు అందుబాటులోకి వస్తే ప్రయాణికుల సంఖ్య 8 లక్షలు దాటే అవకాశం ఉన్నట్లు అంచనా. ఆ సంస్థతో చర్చలు జరుపుతున్న హెచ్‌ఏఎంఆర్‌ఎల్‌ కేంద్ర ప్రభుత్వ అనుమతి లభించకపోవడంతోనే జాప్యం ప్రైవేట్‌ సంస్థల నుంచి 52 శాతం నిధుల సేకరణకు కసరత్తు

ఆస్తుల లెక్క.. లే ఔట్‌ ఖాళీ స్థలాలు, పార్కులు, బల్దియా కార్యాలయాలు.. ● మార్కెట్లు, కమ్యూనిటీ హాళ్లు, స్థిరాస్తులు తదితరాలు ● అంగుళం సైతం తేడా రాకుండా డీజీపీఎస్‌ సర్వే ● తొలుత ఎల్‌బీనగర్‌, కూకట్‌పల్లి జోన్ల పరిధిలో.. ● కన్సల్టెంట్లకు జీహెచ్‌ఎంసీ ఆహ్వానం సాక్షి, సిటీబ్యూరో: గ్రేటర్‌ పరిధిలో కోటి మందికి పైగా ప్రజలకు వివిధ పౌర సేవలందిస్తున్న జీహెచ్‌ఎంసీకి ప్రధాన, జోనల్‌, సర్కిల్‌ కార్యాలయాలతో పాటు పలు ఆస్తులున్నాయి. మున్సిపల్‌ మార్కెట్లు, షాపులు, భూములతో పాటు పార్కులు, డంపింగ్‌ యార్డులు, స్లాటర్‌ హౌస్‌లు తదితరాలున్నాయి. అయినా.. తమ స్థిరాస్తులు ఎక్కడ ఎన్ని ఉన్నాయో, ఎవరి స్వాధీనంలో ఉన్నాయో, ఎంత విస్తీర్ణంలో ఉన్నాయో, వాటిలో ఎవరుంటున్నారో కనీస వివరాలు కూడా జీహెచ్‌ఎంసీ వద్ద లేకుండాపోయాయి. అంతేకాదు.. లే ఔట్‌ల ఖాళీ స్థలాల్లో పార్కులు, ఆటస్థలాలు, ఇతరత్రా సదుపాయాలు కల్పించాల్సి ఉండగా, అసలు ఆ లేఔట్లలోని ఖాళీ ప్రదేశాలు ఎన్ని చోట్ల ఉన్నాయో, ఎంత విస్తీర్ణంలో ఉన్నాయో వంటి వివరాలు కూడా జీహెచ్‌ఎంసీ వద్ద లేవు. సుదీర్ఘ కాలం మొద్దు నిద్ర తర్వాత ఎట్టకేలకు జీహెచ్‌ఎంసీ తమ ఆస్తులెన్ని ఉన్నాయో కచ్చితంగా తెలుసుకోవాలనే నిర్ణయానికొచ్చింది. అందుకుగాను ఆషామాషీగా కాకుండా కచ్చితమైన, అంగుళం కూడా తేడా రాకుండా వాటిని కనిపెట్టడంతోపాటు రియల్‌ టైమ్‌లోనూ వాటిని ఆన్‌లైన్‌ ద్వారా వీక్షించే సదుపాయం ఉండాలని భావిస్తోంది. అందుకోసం తమ స్థిరాస్తుల సర్వే, డిజిటలీకరణ, జియో రిఫరెన్సింగ్‌ తదితరమైనవి చేయగల కన్సల్టెంట్ల సేవలను ఆహ్వానిస్తూ రిక్వెస్ట్‌ ఫర్‌ ప్రపోజల్‌ (ఆర్‌ఎఫ్‌పీ)టెండర్లను ఆహ్వానించింది. ఈ పనులకు ఎంపికయ్యే కన్సల్టెన్సీ జీపీఎస్‌ సర్వే కాకుండా అంగుళం వరకు కూడా కచ్చితమైన వివరాలందజేయగల డీజీపీఎస్‌ (డిఫరెన్షియల్‌ గ్లోబల్‌ పొజిషనింగ్‌ సిస్టమ్‌) సర్వే నిర్వహించాల్సి ఉంటుంది. సర్వే చేయాలిలా.. ప్రతి ఆస్తికి సంబంధించిన విస్తీర్ణం, సరిహద్దులు, చుట్టుపక్కల ఉన్న భవనాలు, రోడ్లు, వాటర్‌, విద్యుత్‌, సివరేజి వంటి యుటిలిటీస్‌ లైన్లు తదితరమైనవి డీజీపీఎస్‌ను ఉపయోగించి చేయాలి. ఆస్తికి సంబంధించి ప్రతీ మూల రియల్‌ కోఆర్డినేట్లు గుర్తించాలి. అన్ని భవనాల ముందు, పక్కల, లోపల దృశ్యాలు కనిపించేలా ఫొటోలు తీయాలి. సదరు భవనం జీహెచ్‌ఎంసీ ఏ సర్కిల్‌లో ఉందో పేర్కొనడంతో పాటు సర్వే నెంబరు, టౌన్‌ సర్వే నెంబరు, డోర్‌ నెంబర్‌, లొకాలిటీ పేరు, గ్రామం, మండలం, జిల్లా పేర్లతో పాటు ఖాళీ ప్రదేశమా, భవనమా, భవనమైతే నాలుగువైపులా సరిహద్దులు, ప్రహరీ ఉందా.. లేదా? భవనమైతే ప్రస్తుత వినియోగం, బిల్టప్‌ ఏరియా, భవనంపేరు వంటి వివరాలు పొందుపరచాలి. ● లే ఔట్‌ ఓపెన్‌ స్పేస్‌లైతే లే ఔట్‌ పేరు, నెంబరు, లే ఔట్‌ మేరకు ఎంత ఓపెన్‌స్పేస్‌ ఉండాలి.. ఎంత ఉంది.. (చదరపు గజాల్లో), ఎంత మేర కబ్జా అయింది, కబ్జాలో జరిగిన నిర్మాణాల వంటి వివరాలు సైతం పొందుపరచాలి. జీహెచ్‌ఎంసీకి సంబంధించిన స్థిరాస్తులన్నింటికీ యూనిక్‌ ఐడీ నెంబరు ఇవ్వాలి. ఇందుకుగాను తగినన్ని బృందాల్ని నియమించాలి. జోన్‌కు కనీసం రెండు బృందాల వంతున ఆరు జోన్లకు తగినన్ని బృందాల్ని నియమించాలి. ఈ బృందాలకు ఆయా అంశాల్లో జీహెఎంసీ టౌన్‌ప్లానింగ్‌, రెవెన్యూ, ఇంజినీరింగ్‌ విభాగాలు సహకరిస్తాయి. టౌన్‌ప్లానింగ్‌ విభాగం ఆధ్వర్యంలో సర్వే చేయిస్తారు. తొలుత ప్రయోగాత్మకంగా ఎల్‌బీనగర్‌, కూకట్‌పల్లి జోన్లలో ఈ సర్వే నిర్వహిస్తారు.

చిలకలగూడ : సికింద్రాబాద్‌ రైల్వే స్టేషన్‌ ఏడో నంబరు ప్లాట్‌ఫారంపై తరలించేందుకు సిద్ధంగా ఉంచిన రూ. 26 లక్షల విలువైన 52 కిలోల గంజాయిని ఆర్పీఎఫ్‌ పోలీసులు పట్టుకున్నారు. రైల్వే పోలీసులు తెలిపిన వివరాల ప్రకారం.. ఆర్పీఎఫ్‌ ఎస్‌ఐ రమేష్‌ నేతృత్వంలో సిబ్బంది సూర్య, నరేష్‌, రమేష్‌లు సికింద్రాబాద్‌ రైల్వే స్టేషన్‌లో తనిఖీలు నిర్వహిస్తున్నారు. ఏడో నంబరు ప్లాట్‌ఫారంపై 26 బ్యాగులను గుర్తించారు. అక్కడ ఉన్న ప్రయాణికులు, షాప్‌కీపర్స్‌ను వాకబు చేశారు. అనుమానం వచ్చిన పోలీసులు సదరు బ్యాగులను తెరిచి చూడగా గంజాయి కనిపించింది. మొత్తం 26 బ్యాగుల్లో 52 కిలోల గంజాయిని పట్టుకున్నట్లు గురువారం సికింద్రాబాద్‌ రైల్వే డీఎస్పీ ఎస్‌ఎన్‌ జావేద్‌ తెలిపారు.

చార్మినార్‌: ఈ నెల 21, 22, 23 తేదీల్లో పాతబస్తీలోని ఉర్దూ ఘర్‌లో అరుదైన అంతర్జాతీయ నాణేలు, కరెన్సీ నోట్లు, పురాతన వస్తువుల ప్రదర్శన ఉంటుందని నిర్వాహకులు తెలిపారు. ఉదయం 9 నుంచి సాయంత్రం 7 గంటల వరకు సందర్శకులకు ప్రవేశం ఉచితమని పేర్కొన్నారు. అరుదైన నాణేలు, పేపర్‌ కరెన్సీ, స్టాంపులు, పెయింటింగ్‌ల ప్రదర్శన చరిత్రపై ఆసక్తి ఉన్నవారికి ఈ ఎగ్జిబిషన్‌ ఎంతో ఉపయోగకరంగా ఉంటుందన్నారు. ఏపీజే అబ్దుల్‌ కలాం వెల్ఫేర్‌ సొసైటీ ఆధ్వర్యంలో జరిగే ఈ అంతర్జాతీయ నాణేలు, కరెన్సీ ఎగ్జిబిషన్‌ అందరికీ అందు బాటులో ఉంటుందని.. తమకు కావాల్సిన వాటిని ఖరీదు చేయవచ్చని, అలాగే తమ వద్ద ఉన్న పురాతన నాణేలను విక్రయించవచ్చని సొసైటీ కార్యదర్శి డాక్టర్‌ సయ్యద్‌ అబ్దుల్‌ హై ఖాద్రీ తెలిపారు. నాణేలు, పేపర్‌ కరెన్సీ, స్టాంపులు, పెయింటింగ్‌లతో పాటు ఇతర పురాతన వస్తువుల మిశ్రమ కలయిక వస్తువులను ఎగ్జిబిషన్‌లో సందర్శకులకు అందుబాటులో ఉంచుతున్నామన్నారు.

కొండపాక(గజ్వేల్‌): రోడ్డు ప్రమాదంలో ఏడేళ్ల బాలుడు మృతి చెందిన ఘటన కుకునూరుపల్లి మండలం, లకుడారం గ్రామ శివారులో గురువారం చోటు చేసుకుంది. కుకునూరుపల్లి ఎస్సై శ్రీనివాస్‌ కథనం మేరకు.. హైదరాబాద్‌లోని మూసాపేటకు చెందిన ఉమేశ్‌ తన 5 నెలల కుమారుడి పుట్టు వెంట్రుకలను తీయించేందుకు కుటుంబ సభ్యులతో వేముల వాడలోని రాజరాజన్న దేవ స్థానానికి కారులో బయలు దేరారు. ఈ నేపథ్యంలో ఉమేశ్‌ చెల్లెలు కుమారుడు రామారం కార్తీక్‌ (7) కూడా మేనమామతో కలిసి కారులో వెళ్లాడు. కార్యక్రమం అనంతరం తిరుగు ప్రయాణంలో కుకునూరుపల్లి మండలంలోని లకుడారం గ్రామ శివారులోకి రాగానే కారు అదుపు తప్పి రాజీవ్‌ రహదారి పక్కన విద్యుత్‌ స్తంభాన్ని ఢీకొట్టింది. ఈ ఘటనలో కార్తీక్‌కు తీవ్ర గాయాలు కావడంతో అక్కడికక్కడే మృతి చెందాడు. కారులో ఉన్న మిగితా ఆరుగురికి స్వల్ప గాయాలయ్యాయి. స్థానికులు క్షతగాత్రులను 108 అంబులెన్స్‌లో గజ్వేల్‌ ప్రభుత్వ ఆస్పత్రికి తరలించారు. తమ కుమారుడి మృతికి కారణమైన బావమరిది ఉమేశ్‌పై చర్యలు తీసుకోవాలంటూ రామారం బాబీ ఫిర్యాదు మేరకు పోలీసులు కేసు నమోదు చేశారు. విషాదం నింపిన పుట్టు వెంట్రుకల వేడుక కారులో వేములవాడకు వెళ్లిన కుటుంబం తిరుగు ప్రయాణంలో లకుడారం గ్రామ శివారులో కారు బోల్తా ఆరుగురికి స్వల్ప గాయాలు

లోగో ఆవిష్కరించిన కొత్వాల్‌ ఆనంద్‌ సాక్షి, సిటీబ్యూరో: నగరంలో మహిళల భద్రతను మరింత పెంచడమే లక్ష్యంగా హైదరాబాద్‌ సిటీ సెక్యూరిటీ కౌన్సిల్‌తో (హెచ్‌సీఎస్‌సీ) కలిసి సిటీ పోలీసులు ‘సీ్త్ర’ (షీ ట్రంప్స్‌ థ్రూ రెస్పెక్ట్‌, ఈ క్వాలిటీ అండ్‌ ఎంపవర్‌మెంట్‌) పేరుతో మరోసారి సదస్సు ఏర్పాటు చేస్తున్నారు. ఇప్పటికే 2023లో ఓసారి ఈ సదస్సు నిర్వహించారు. ఈ నెల 15న నిర్వహించనున్న రెండో సమ్మిట్‌కు సంబంధించిన లోగోను కొత్వాల్‌ సీవీ ఆనంద్‌ గురువారం తన కార్యాలయంలో ఆవిష్కరించారు. వివిధ వర్గాలకు చెందిన మహిళలు, యువతులతో పాటు నిపుణులు ఈ సమ్మేళనంలో పాల్గొననున్నారు. ఈ సందర్భంగా తమ అనుభవాలను పంచుకోవడంతో పాటు సలహాలు, సూచనలు ఇస్తారు.

గడ్డిఅన్నారం వ్యవసాయ మార్కెట్‌ కమిటీ చైర్మన్‌ మధుసూదన్‌రెడ్డి అబ్దుల్లాపూర్‌మెట్‌: పండ్ల మార్కెట్‌కు వచ్చే మామిడి రైతులకు గిట్టుబాటు ధర కల్పిస్తూ వారి ప్రయోజనాల కోసమే మార్కెట్‌ కమిటీ పనిచేస్తోందని గడ్డిఅన్నారం వ్యవసాయ మార్కెట్‌ కమిటీ చైర్మన్‌ చిలుక మధుసూదన్‌రెడ్డి అన్నారు. మామిడి సీజన్‌ ప్రారంభమైన నేపథ్యంలో గురువారం ఆయన బాటసింగారం పండ్ల మార్కెట్‌లో జరుగుతున్న మామిడి పండ్ల క్రయవిక్రయాలను పాలకవర్గ సభ్యులు, అధికారులతో కలిసి పరిశీలించారు. మామిడి మార్కెట్‌ యార్డులో కలియ తిరిగి రైతుల సమస్యలు, క్రయవిక్రయాలను అడిగి తెలుసుకున్నారు. మార్కెట్‌కి వచ్చిన రైతుల సమస్యలు తెలుసుకొని వారి సలహాలు స్వీకరించారు. ఈ సందర్భంగా ఆయన మాట్లాడుతూ.. గతేడాది కంటే ఈ సంవత్సరం మామిడి దిగుబడి అధికంగా ఉందని, మార్కెట్‌కి వచ్చే రైతులకు అన్ని రకాల సదుపాయాలు కల్పిస్తున్నామన్నారు. రైతులకు గిట్టుబాటు అందించేలా అధికారులు చొరవ చూపాలని సూచించారు. రోజుకు 800 వాహనాలు మార్కెట్‌కి వస్తున్న తరుణంలో ట్రాఫిక్‌కు ఇబ్బంది కలగాకుండా చూడాలన్నారు. కార్యక్రమంలో మార్కెట్‌ కమిటీ వైస్‌ చైర్మన్‌ సీహెచ్‌ భాస్కరాచారి, మార్కెట్‌ సెక్రటరీ ఎల్‌.శ్రీనివాస్‌, డైరెక్టర్లు బండి మధుసూదన్‌ రావు, అంజయ్య, నవరాజ్‌, రఘుపతి రెడ్డి, నరసింహ, జైపాల్‌ రెడ్డి, మచ్చేందర్‌ రెడ్డి, గణేశ్‌నాయక్‌, వెంకటేశం గుప్తా, ఇబ్రహీం పాల్గొన్నారు.