TV
ప్యాంగ్‌యాంగ్‌: దక్షిణ కొరియా తమకు ప్రధాన శత్రువని ప్రకటించిన ఉత్తర కొరియా వరుసగా కవ్వింపు చర్యలకు దిగుతోంది. తాజాగా ఆ దేశం మల్టిపుల్‌ రాకెట్‌ లాంచర్‌ వ్యవస్థను పరీక్షించింది. దానిపై నుంచి 240ఎమ్‌ఎమ్‌ బాలిస్టిక్‌ రాకెట్‌ లాంచర్‌ షెల్స్‌ను విజయవంతంగా ప్రయోగించింది.
షెల్‌ అండ్‌ బాలిస్టిక్‌ కంటట్రోల్‌ సిస్టమ్‌ను అభివృద్ధి చేయడంలో ఈ పరీక్ష కీలకం కానుందని నార్త్‌ కొరియా అధికార వార్తా సంస్థ కేసీఎన్‌ఏ వెల్లడించింది. జనవరిలోనూ పొరుగు దేశం దక్షిణ కొరియా సరిహద్దులోని ఓ ఐలాండ్‌లో ఆర్టిలరీ బాంబుల వర్షం కురిపించింది ఉత్తర కొరియా.
దక్షిణ కొరియా తమపై దాడికి దిగితే ఆ దేశాన్నే లేకుండా చేస్తామని ఇటీవలే ఉత్తర కొరియా నియంతా కిమ్‌ జోంగ్‌ ఉన్‌ ఆ దేశ పార్లమెంట్‌లో ప్రకటించిన విషయం తెలిసిందే. ఈ నేపథ్యంలో ఉత్తర కొరియా తన మిలిటరీ సామర్థ్యాన్ని పెంచుకోవడం చర్చనీయాంశమవుతోంది.
Comments
Please login to add a commentAdd a comment