TV
పెళ్లంటేనే సందడి. కుటుంబ సభ్యులు, బంధువులు, స్నేహితులతో ఇళ్లంతా పండగ వాతావరణం ఉంటుంది. పెళ్లిలో జరిగే ఫన్నీ, ఊహించని, ఆసక్తికర, షాకింగ్‌, ఘటనకు సంబంధించిన వీడియోలు సోషల్‌ మీడియాలో తెగ సందడి చేస్తున్నాయి. ఈ మధ్య వివాహ వేడుకల్లో ఎంజాయ్‌మెంట్‌ ఎక్కువైంది. అతి చేష్టలకు పోయి కొందరు ప్రమాదాలను కొనితెచ్చుకుంటారు. తాజాగా అలాంటి వీడియో ఒకటి నెట్టింట్లో చక్కర్లు కొడుతోంది.
పెళ్లి వేడుకలో వ‌ధూవ‌రుల ఫొటోలు తీస్తున్న ఓ మహిళ పొరపాటున కాలు జారి మురికి కాలువ‌లో ప‌డిపోయింది. అయితే ఈ ఘటన ఎక్కడ, ఎప్పుడు చోటుచేసుకుందో దానిపై క్లారిటీ లేదు కానీ.. వీడియో చూస్తుంటే విదేశాల్లో జరిగినట్లు తెలుస్తోంది. ఇన్‌స్టాగ్రామ్‌లో షేర్ చేసిన ఈ వీడియోలో మహిళ వ‌ధూవ‌రుల ఫొటోల‌ను త‌న ఫోన్‌లో రికార్డ్ చేస్తూ కనిపించింది.
జంట‌ను కెమెరాలో బంధించే క్రమంలో వెనక్కి నడుస్తుండగా ఉన్నట్టుండి మురుకు నీటి కాలువ‌లో ప‌డిపోయింది. అక్క‌డున్న వారంతా ఆమెను కాలువ నుంచి పైకి తీసుకొచ్చేందుకు ప్ర‌య‌త్నించ‌డం కనిపించింది. ఇక ఈ వైర‌ల్ వీడియోను కోటి మందికి పైగా వీక్షించారు. ఫోటోలో మునిగిపోవడమే కాకుండా.. చుట్టూ పిరిస‌రాల‌ను గ‌మ‌నిస్తూ ఉంటే బాగుంటుంది. అదృష్టం బాగుండి ఎలాంటి గాయాలు కాలేదు. లేకుంటే ఎంత ఘోరం జరిగేది’ అంటూ ప‌లువురు నెటిజన్లు కామెంట్ చేస్తున్నారు.
