Allu Arjun and Pooja Hegde: పూజా నాకొక్కడికే స్పెషల్‌ అనుకున్నా.. కానీ కాదు: అల్లు అర్జున్‌

అఖిల్‌ అక్కినేని, పూజా హెగ్డే హీరోహీరోయిన్లుగా నటించిన తాజా చిత్రం ‘మోస్ట్‌ ఎలిజిబుల్‌ బ్యాచ్‌లర్‌’. గతవారం విడుదలైన ఈ మూవీ మంచి విజయాన్ని అందుకుంది. ఈ తరుణంలో మూవీ టీం హైదరాబాద్‌లో సక్సెస్‌ సెలబ్రెషన్స్‌ని నిర్వహించింది. ఈ కార్యక్రమానికి ముఖ్య అతిథిగా హాజరైన అల్లు అర్జున్‌ హాజరయ్యాడు.

అల్లు అర్జున్‌  ఈ సినిమా హీరోయిన్‌ గురించి మాట్లాడుతూ..‘పూజా నాకొక్కడికే స్పెషల్‌ అనుకున్నా.. కానీ కాదు. ఆమె అందరి హీరోలకి స్పెషలే’ అని తెలిపాడు. అంతేకాకుండా.. ‘ముకుంద మూవీ నుంచి పూజాని చూస్తున్నా. ​ప్రతి సినిమాలో తనదైన శైలిలో వైవిధ్యమైన నటనని ప్రదర్శిస్తోంది. ఆమె ఎవరితో నటించిన ఆ హీరో హిట్‌ అందుకుంటాడ’ని ఐకాన్‌ స్టార్‌ చెప్పాడు. కాగా ఈ స్టైలిష్‌ స్టార్‌ ప్రస్తుతం సుకుమార్‌ డైరెక్షన్‌లో ‘పుష్ప’ చేస్తున్న విషయం తెలిసిందే. రెండు భాగాలు రానున్న ఈ మూవీ మొదటి పార్ట్‌ డిసెంబర్‌లో ప్రేక్షకుల ముందకు రానుంది.

చదవండి: పుష్ప: అదిరిపోయిన రష్మిక ‘శ్రీవల్లి’ సాంగ్‌