TV
టాలీవుడ్ ప్రముఖ నిర్మాత అల్లు అరవింద్ ఇంట్లో పెళ్లి వేడుక జరిగింది. అవును మీరు సరిగానే విన్నారు. పెద్ద కొడుకు బాబీకి ఎప్పుడో పెళ్లయిపోయింది. అల్లు అర్జున్ కూడా చాన్నాళ్ల క్రితమే ఓ ఇంటివాడయ్యాడు. ఇప్పుడు హీరో శిరీష్‌కి ఏమైనా పెళ్లయిందని అనుకుంటున్నారా? కాదు పెద్ద కొడుకు బాబీకి రామకృష్ణ తేజ అని కొడుకు ఉన్నాడు. ఆ కుర్రాడికే ఇప్పడు వివాహం జరిగింది.
అల్లు అరవింద్ మనవడు రామకృష్ణ తేజ్.. సాయి సంజనతో కొత్త జీవితంలోకి అడుగుపెట్టాడు. హైదరాబాద్‌లో ఈ పెళ్లి వేడుక గ్రాండ్‌గా జరిగింది. మెగాస్టార్ చిరంజీవి, అల్లు అర్జున్ దంపతులు కొత్త జంటని ఆశీర్వదించారు. అల్లు ఫ్యామిలీతో పలువురు సెలబ్రిటీలు కూడా ఈ వివాహానికి హాజరయ్యారు. ఈ ఫొటోలు ఇప్పుడు సోషల్ మీడియాలో వైరల్ అవుతున్నాయి.
(ఇదీ చదవండి: Kanguva Review: 'కంగువా' మూవీ రివ్యూ)
అల్లు అరవింద్ పెద్ద కొడుకు బాబీ ప్రస్తుతం గీతా ఆర్ట్స్‌లో డిస్ట్రిబ్యూషన్ బాధ్యతలు చూసుకుంటున్నారు. అయితే పెళ్లి ఈడుకొచ్చిన కొడుకు ఉన్నాడని ఈ ఫొటోలు బయటకొచ్చేంతవరకు ఎవరికీ పెద్దగా తెలీదు. ఈ పిక్స్ చూసి బన్నీ ఫ్యాన్స్ ఆశ్చర్యపోయారనే చెప్పొచ్చు.
త్వరలో 'పుష్ప 2' మూవీతో అల్లు అర్జున్ ప్రేక్షకుల్ని పలకరించనున్నాడు. డిసెంబరు 5న థియేటర్లలోకి రానుంది. 17వ తేదీన సాయంత్రం 6:03 గంటలకు ట్రైలర్ లాంచ్ చేయనున్నారు. ఇప్పటికే హైప్ బోలెడంత ఉంది. ట్రైలర్ రిలీజైన తర్వాత అది ఇంకాస్త పెరగడం గ్యారంటీ.
(ఇదీ చదవండి: ‘మట్కా’ మూవీ రివ్యూ)
Comments
Please login to add a commentAdd a comment