ఆలియా ‘ఆల్ఫా’లో అతిథిగా స్టార్‌ హీరో!

ఆలియా భట్, శార్వరీ ప్రధాన పాత్రల్లో నటిస్తున్న స్పై యాక్షన్‌ ఫిల్మ్‌ ‘ఆల్ఫా’. శివ్‌ రవైల్‌ ఈ చిత్రానికి దర్శకత్వం వహిస్తున్నారు. వైఆర్‌ఎఫ్‌ (యశ్‌ రాజ్‌ ఫిలింస్‌) స్పై యూనివర్స్‌లో భాగంగా ఈ మూవీని ఆదిత్యా చో్ప్రా నిర్మిస్తున్నారు. ప్రస్తుతం ఈ సినిమా చిత్రీకరణ కశ్మీర్‌లో జరుగుతోంది. ఆలియా, శార్వరీ పాల్గొనగా కీలక సన్నివేశాలను చిత్రీకరిస్తున్నారు. 

ముఖ్యంగా యాక్షన్‌ సన్నివేశాలను చిత్రీకరిస్తున్నారని బాలీవుడ్‌ సమాచారం. అంతేకాదు... ఈ సినిమాలో హృతిక్‌ రోషన్‌ ఓ అతిథి పాత్ర చేయనున్నారని, ఆయన పాత్ర తాలూకు సన్నివేశాల చిత్రీకరణను కూడా ఈ షూటింగ్‌ షెడ్యూల్‌లోనే ప్లాన్‌ చేశారని బాలీవుడ్‌ టాక్‌. ఈ సినిమాను వచ్చే ఏడాది రిలీజ్‌ చేయాలనుకుంటున్నారు.