Bigg Boss Telugu 8: నాలుగో కంటెస్టెంట్‌గా ప్రేరణ

కృష్ణ ముకుంద మురారీ సీరియల్‌తో నటి ప్రేరణ కంభం ఎక్కువ పాపులర్‌ అయింది. ఇందులో అమాయకంగా కనిపించే ప్రేరణ క్యూట్‌ యాక్టింగ్‌ ప్రేక్షకులకు ఎంతగానో నచ్చేసింది. ఈ ధారావాహికలో కృష్ణగా ప్రేరణ, ముకుందగా యష్మి గౌడ నటించారు. సీరియల్‌లో మురారి కోసం కొట్టుకున్నట్లే బిగ్‌బాస్‌ తెలుగు ఎనిమిదో సీజన్‌లో వీరిద్దరు టైటిల్‌ కోసం పోటీపడటం ఖాయంగా కనిపిస్తోంది. 

బయట అన్నిరకాల స్పోర్ట్స్‌ ఆడతానంటున్న ఈ బ్యూటీ బిగ్‌బాస్‌లో ఏం గేమ్‌ ఆడుతుందో చూడాలి. అలాగే తన గురించి తనకేం బాధ లేదని, కానీ, తనతో పోటీపడే కంటెస్టెంట్ల పరిస్థితి ఎలాగోనంటూ బాధపడుతోంది ప్రేరణ. రష్మిక మందన్నాకు ఈమె క్లోజ్‌ ఫ్రెండ్‌ కూడా! పెళ్లయి ఎనిమిది నెలలే అవుతున్న ఈ బ్యూటీ భర్తను వదిలేసి బిగ్‌బాస్‌ తెలుగు ఎనిమిదో సీజన్‌లో నాలుగో కంటెస్టెంట్‌గా అడుగుపెట్టింది. మరి ఇక్కడ కూడా అల్లరిపిల్లగా, చలాకీగా ఉంటుందా? తన గేమ్‌ ఎలా ఉంటుందో చూడాలి!