విలన్‌ గా నన్ను చూడరేమో! | Gaali Sampath Movie Updates | Sakshi

విలన్‌ గా నన్ను చూడరేమో!

Mar 11 2021 3:01 AM | Updated on Mar 11 2021 3:01 AM

Gaali Sampath Movie Updates - Sakshi

‘‘ఒకప్పుడు కథల కోసం నేను పరుగులు పెట్టాను. ఇప్పుడు మంచి కథలు నా దగ్గరకు వస్తున్నాయి. నేను విభిన్నమైన సినిమాలను ఎంచుకోవడం వల్ల కాదు.. నేను ఎంచుకున్న కథలను ప్రేక్షకులు ఆదరించడం వల్ల ఈ స్థాయిలో ఉన్నాను’’ అన్నారు శ్రీవిష్ణు. అనీష్‌ దర్శకత్వంలో శ్రీ విష్ణు, లవ్‌లీ సింగ్‌ హీరో హీరోయిన్లుగా రాజేంద్రప్రసాద్‌ ప్రధాన పాత్రలో రూపొందిన చిత్రం ‘గాలి సంపత్‌’. అనిల్‌ రావిపూడి సమర్పణలో ఎస్‌. కృష్ణ, సాహు గారపాటి, హరీష్‌ పెద్ది నిర్మించిన ఈ సినిమా నేడు విడుదలవుతోంది.

శ్రీ విష్ణు మాట్లాడుతూ – ‘‘గతంలో వచ్చిన నా సినిమాలు కొన్నింటికి అనిల్‌ రావిపూడిగారు సపోర్ట్‌ చేశారు. ఓ సందర్భంలో ‘గాలిసంపత్‌’ కథ చెప్పారు. కథ నచ్చింది. ఈ కథను ఎస్‌.కృష్ణ రాశారని, అనీష్‌ డైరెక్ట్‌ చేస్తారని చెప్పారు. అలాగే నా తండ్రి పాత్రలో రాజేంద్రప్రసాద్‌గారు ఉంటారని తెలిసింది. సాధారణంగా తండ్రి బాధ్యతగా ఉంటే... కొడుకు జులాయిగా ఉంటాడు. కానీ ఈ సినిమాలో కొడుకు బాధ్యతగా ఉంటే.. తండ్రి జులాయి అన్నమాట. రాజేంద్రప్రసాద్‌ గారితో వర్క్‌ చేయడం ఫుల్‌ హ్యాపీ. నెగటివ్‌ పాత్రల గురించిన ఆలోచన ఉంది. కానీ విలన్‌ గా నన్ను చూడరేమోనని అనుకుంటున్నాను’’ అన్నారు.

Advertisement

Related News By Category

Related News By Tags

Advertisement
 
Advertisement

పోల్

Photos

View all
Advertisement