Aaradugula Bullet Movie: బుల్లెట్‌ వస్తోంది

‘బొబ్బిలి రాజా, అసెంబ్లీ రౌడీ, సమరసింహారెడ్డి, నరసింహ నాయుడు, ఇంద్ర’.. వంటి పలు హిట్‌ చిత్రాలు తీసిన బి. గోపాల్‌ దర్శకత్వంలో తెరకెక్కిన చిత్రం ‘ఆరడుగుల బుల్లెట్‌’. గోపీచంద్‌–నయనతార జంటగా నటించారు. తాండ్ర రమేష్‌ నిర్మించిన ఈ చిత్రం విడుదలకు సిద్ధమైంది.

థియేటర్స్‌ రీ ఓపెన్‌  కాగానే ‘ఆరడుగుల బుల్లెట్‌’ థియేటర్లలోకి దూసుకురానుంది. ఈ సందర్భంగా తాండ్ర రమేష్‌ మాట్లాడుతూ– ‘‘గోపీచంద్, నయనతార నటన, బి. గోపాల్‌ డైరెక్షన్‌, వక్కంతం వంశీ కథ, మణిశర్మ మ్యూజిక్‌  ఈ సినిమాకి  హైలెట్‌గా నిలుస్తాయి. ఈ చిత్రాన్ని ప్రపంచవ్యాప్తంగా నేనే సొంతంగా విడుదల చేస్తున్నాను’’ అన్నారు.