Aaradugula Bullet  Movie Trailer Is Out: గోపీచంద్‌, నయనతార జంటగా నటించిన చిత్రం ‘ఆరడుగుల బుల్లెట్‌’.బి.గోపాల్‌ దర్శకత్వంలో తెరకెక్కిన ఈ సినిమా ట్రైలర్‌ విడుదలైంది. కామెడితో పాటు యాక్షన్‌ సీన్స్‌తో ట్రైలర్‌ను ఆసక్తికరంగా తెరకెక్కించారు.'పరిచయం అయితే నేను మర్చిపోను. పంగా అయితే నువ్వు మర్చిపోలేవు, ‘డబ్బులిచ్చే నాన్నను చూసి ఉంటావు… అప్పులిచ్చే నాన్నను ఎక్కడైనా చూశావా?' వంటి డైలాగులు ఆకట్టుకుంటున్నాయి. ఇప్పటికే పోస్ట్‌ ప్రొడక్షన్‌ పనులు పూర్తి చేసుకున్న ఈ సినిమా అక్టోబర్‌8న ప్రేక్షకుల ముందుకు రానుంది. జయబాలజీ రీల్‌ మీడియా ప్రైవేట్‌ లిమిలెట్‌ పతాకంపై తాండ్ర రమేశ్‌ ఈ చిత్రాన్ని నిర్మించారు.  ప్రకాశ్‌రాజ్‌, బ్రహ్మానందం కీలకపాత్రలు పోషించారు. మణిశర్మ ఈ చిత్రానికి సంగీతం అందించారు.

సినిమా లవర్స్‌కి శనివారం మంచి వార్త ఇచ్చింది. మూడు సినిమాల విడుదల తేదీలను ప్రకటించి, వీకెండ్‌ ధమాకా ఇచ్చింది. ‘ఆర్‌ఆర్‌ఆర్‌’, ‘పుష్ప’, ‘ఆరడుగుల బుల్లెట్‌’ చిత్రాల విడుదల తేదీలు ఖరారు అయ్యాయి. ‘బాహుబలి’ తర్వాత రాజమౌళి దర్శకత్వంలో రూపొందిన భారీ బడ్జెట్‌ పీరియాడికల్‌ ప్యాన్‌ ఇండియన్‌ ఫిల్మ్‌ ‘రౌద్రం.. రణం..రుధిరం’ (ఆర్‌ఆర్‌ఆర్‌) కొత్త విడుదల తేదీ ఖరారైంది. ఈ సినిమాను సంక్రాంతి సందర్భంగా వచ్చే ఏడాది జనవరి 7న విడుదల చేయనున్నట్లు చిత్రయూనిట్‌ శనివారం అధికారికంగా ప్రకటించింది. ఎన్టీఆర్, రామ్‌చరణ్‌ హీరోలుగా నటించిన ఈ చిత్రంలో ఒలీవియా మోరిస్, ఆలియా భట్‌ కథానాయికలుగా నటించారు. ఇందులో స్వాతంత్య్ర సమరయోధులు కొమురం భీమ్‌ పాత్రలో ఎన్టీఆర్, అల్లూరి సీతారామరాజు పాత్రలో రామ్‌చరణ్‌ కనిపిస్తారు. డీవీవీ దానయ్య నిర్మించిన ఈ సినిమాకు ఎమ్‌ఎమ్‌ కీరవాణి స్వరకర్త. ఈ సినిమా విడుదల ఇప్పటికే మూడుసార్లు (2020 జూలై 30,  2021 జనవరి 8, 2021 అక్టోబరు 13) వాయిదా పడిన విషయం తెలిసిందే. ఈ నేపథ్యంలో విడుదల ఎప్పుడు? అనే చర్చలకు ఫుల్‌స్టాప్‌ పెడుతూ, జనవరి 7న ఖరారు చేశామని చిత్రబృందం ప్రకటించింది. ఇక పుష్పరాజ్‌ సైతం తన రాకను కన్ఫార్మ్‌ చేశాడు. క్రిస్మస్‌ పండగ సందర్భంగా డిసెంబరు 17న థియేటర్స్‌కు రానున్నట్లు తేల్చి చెప్పేశాడు. ‘ఆర్య, ఆర్య 2’ చిత్రాల తర్వాత హీరో అల్లు అర్జున్, దర్శకుడు సుకుమార్‌ కాంబినేషన్‌లో రూపొందుతున్న చిత్రం ‘పుష్ప’. ఇందులో రష్మికా మందన్నా హీరోయిన్‌గా నటిస్తున్నారు. నవీన్‌ ఎర్నేని, వై. రవిశంకర్‌ ఈ చిత్రాన్ని నిర్మిస్తున్నారు. ఇందులో పుష్పరాజ్‌ పాత్రలో అల్లు అర్జున్, శ్రీవల్లి పాత్రలో రష్మికా మందన్నా కనిపిస్తారు. రెండు భాగాలుగా విడుదల కానున్న ఈ చిత్రం తొలి భాగం ‘పుష్ప: ది రైజ్‌’ పేరుతో డిసెంబరు 17న ప్రేక్షకుల ముందుకు రానుంది. మరోవైపు వీళ్లిద్దరికంటే ముందే ‘ఆరడుగుల బుల్లెట్‌’లా థియేటర్స్‌లోకి దూసుకొస్తున్నారు గోపీచంద్‌. బి. గోపాల్‌ దర్శకత్వంలో గోపీచంద్‌ హీరోగా తాండ్ర రమేష్‌ నిర్మించిన ‘ఆరడుగుల బుల్లెట్‌’ చిత్రం ఈ నెల 8న విడుదల కానుంది. ఇందులో నయనతార హీరోయిన్‌గా నటించారు. వక్కంతం వంశీ కథ అందించిన ఈ చిత్రానికి మణిశర్మ సంగీత దర్శకుడు. ఈ మూడు సినిమాల విడుదల తేదీలే కాదు... రానున్న రోజుల్లో మరిన్ని సినిమాలు కొత్త విడుదల తేదీలను ప్రకటించడానికి రెడీ అవుతున్నాయి. 

Aaradugula Bullet Movie: టాలీవుడ్ యాక్షన్ హీరో గోపీచంద్, న‌య‌న‌తార హీరో హీరోయిన్లుగా బి. గోపాల్‌ దర్శకత్వంలో రూపొందిన చిత్రం ‘ఆరడుగుల బుల్లెట్‌’. జయబాలజీ రీల్‌ మీడియా ప్రైవేట్‌ లిమిలెట్‌ పతాకంపై తాండ్ర రమేష్‌ నిర్మించిన ఈ చిత్రానికి సంబంధించిన అన్ని కార్యక్రమాలు పూర్తయ్యాయి. ఆగస్టులో ఈ మూవీని  ప్రేక్షకుల ముందుకు తీసుకురానున్నారు. ఈ సినిమాని ప్రపంచవ్యాప్తంగా నిర్మాత తాండ్ర రమేష్ ఓన్ రిలీజ్‌ చేస్తుండటం విశేషం. ఈ చిత్రానికి వ‌క్కంతం వంశీ క‌థ‌ అందించగా, మ‌ణిశ‌ర్మ సంగీతం సమకూర్చాడు. 

‘బొబ్బిలి రాజా, అసెంబ్లీ రౌడీ, సమరసింహారెడ్డి, నరసింహ నాయుడు, ఇంద్ర’.. వంటి పలు హిట్‌ చిత్రాలు తీసిన బి. గోపాల్‌ దర్శకత్వంలో తెరకెక్కిన చిత్రం ‘ఆరడుగుల బుల్లెట్‌’. గోపీచంద్‌–నయనతార జంటగా నటించారు. తాండ్ర రమేష్‌ నిర్మించిన ఈ చిత్రం విడుదలకు సిద్ధమైంది. థియేటర్స్‌ రీ ఓపెన్‌  కాగానే ‘ఆరడుగుల బుల్లెట్‌’ థియేటర్లలోకి దూసుకురానుంది. ఈ సందర్భంగా తాండ్ర రమేష్‌ మాట్లాడుతూ– ‘‘గోపీచంద్, నయనతార నటన, బి. గోపాల్‌ డైరెక్షన్‌, వక్కంతం వంశీ కథ, మణిశర్మ మ్యూజిక్‌  ఈ సినిమాకి  హైలెట్‌గా నిలుస్తాయి. ఈ చిత్రాన్ని ప్రపంచవ్యాప్తంగా నేనే సొంతంగా విడుదల చేస్తున్నాను’’ అన్నారు. 


 హైదరాబాద్‌: అల్లు అర్జున్‌ ‘దువ్వాడ జగన్నాథం’  సినిమాపై వివాదం సద్దుమణకముందే మరో చిత్రం చిక్కుల్లో పడింది. గోపీచంద్‌ హీరోగా నటించిన ‘ఆరడుగుల బుల్లెట్‌’ సినిమాపై వివాదం రాజుకుంది. ఈ సినిమా కోసం నిర్మాత సి. కళ్యాణ్‌ రూ. 6 కోట్లు తీసుకుని మోసం చేశారని సహదేవ్‌ అనే ఎన్నారై ఆరోపించారు. ఈ మేరకు కళ్యాణ్‌, తాండ్ర రమేశ్‌పై సీసీఎస్‌లో ఫిర్యాదు చేశారు.
 
 ఈ నెల 9న ‘ఆరడుగుల బుల్లెట్‌’ సినిమా విడుదలకు సన్నాహాలు చేస్తున్న నేపథ్యంలో వివాదం నెలకొనడం గమనార్హం. జయబాలాజీ రియల్‌ మీడియా పతాకంపై బి గోపాల్‌ దర్శకత్వంలో తెరకెక్కిన సినిమాలో గోపీచంద్‌ సరసన నయనతార హీరోయిన్‌గా నటించింది. ఫ్యామిలీ యాక్షన్‌ ఎంటర్‌టైనర్‌గా రూపొందిన ఈ చిత్రానికి మణిశర్మ సంగీతం అందించాడు.