'విరించి' ట్రైలర్‌ను విడుదల చేసిన హీరో సుమంత్‌

కదిలే బొమ్మలు ఎంటర్టైన్మెంట్స్ పతాకంపై స్కంద మిత్ర హీరోగా సత్య కె దర్శకత్వంలో తెరకెక్కిన ఇండిపెండెంట్ ఫిలిం 'విరించి'. ఇప్పటికే విడుదలైన ఫస్ట్ లుక్ తో చిత్రంపై పాజిటివ్‌ హైప్‌ క్రియేట్‌ అయ్యింది. ఇటీవలె చిత్రీకరణ పూర్తి చేసుకున్న ఈ చిత్రం త్వరలోనే విడుదల కానుంది. శుక్రవారం విరించి ట్రైలర్‌ను హీరో సుమంత్‌ రిలీజ్‌ చేశారు. ఈ సందర్భంగా ఆయన మాట్లాడుతూ..'ట్రైలర్‌ చూశాను..చాలా బాగుంది. డైరెక్టర్‌ పనితనం ట్రైలర్‌లో కనిపించింది. హీరో స్కంద మిత్ర అద్భుతంగా నటించాడు.

మంచి సినిమాను ఆదరించి విజయవంతం చేయాలి. షేడ్ స్టూడియోస్‌లో అనే యూట్యూబ్‌ ఛానెల్‌లో విడుదలవుతున్న ఈ సినిమాను చూసి ఎంజాయ్‌ చేయండి' అని సుమంత్‌ అన్నారు. బాజీ కీస్ సంగీతం అందించిన ఈ చిత్రానికి అరవింద్ సుదర్శన్ ఫోటోగ్రాఫర్‌గా పనిచేశారు. స్కంధ మిత్ర, ప్రీతి నిగమ్, రవి వర్మ, షఫీ, వేదం నాగయ్య, హరి ప్రియ, అప్పాజీ అంబరీష  దర్భా, అల్లా మహమ్మద్ ఓతుర్ ముఖ్య పాత్రల్లో నటించారు. 

చదవండి : నాన్న.. నాకు అన్నీ మీరే: మంచు లక్ష్మీ
(మహేశ్‌బాబు లగ్జరీ కారవాన్‌‌‌: ఖరీదు ఎంతో తెలుసా?)