TV
జగపతిబాబు, మమతా మోహన్‌ దాస్, విమలా రామన్, ఆశిష్‌ గాంధీ, గానవి లక్ష్మణ్, ‘బాహుబలి’ ప్రభాకర్, ఆర్‌ఎస్‌ నంద ప్రధాన పాత్రల్లో నటించిన చిత్రం ‘రుద్రంగి’. ‘బాహుబలి, ఆర్‌ఆర్‌ఆర్‌’ చిత్రాలకు డైలాగ్స్‌ రాసిన అజయ్‌ సామ్రాట్‌ ఈ చిత్రానికి దర్శకత్వం వహించారు. ఎమ్మెల్యే రసమయి బాలకిషన్‌ నిర్మించిన ఈ సినిమా జూలై 7న విడుదలకానుంది.
తాజాగా ఈ చిత్రం ట్రైలర్‌ని యూనిట్‌ విడుదల చేసింది. తెలంగాణ చారిత్రక నేపథ్య కథతో పీరియాడిక్‌ యాక్షన్‌ డ్రామాగా రూపొందిన ఈ మూవీలో భీమ్‌ రావ్‌ దొరగా జగపతిబాబు, జ్వాలా భాయిగా మమతా మోహన్‌ దాస్, మల్లేష్‌గా ఆశిష్‌ గాంధీ నటించారు. ‘ఒకడు ఎదురుపడి వేటాడతాడు.. ఒకడు వెంటపడి వేటాడతాడు.. నేను ఎరేసి వేటాడతా’ అంటూ జగపతిబాబు చెప్పే డైలాగ్స్‌తో ట్రైలర్‌ సాగుతుంది. ఈ చిత్రానికి కెమెరా: సంతోష్‌ శనమోని, సంగీతం: నాఫల్‌ రాజా.
Comments
Please login to add a commentAdd a comment