TV
పెద్దితో స్టెప్పులేశారు జాన్వీ కపూర్‌. రామ్చరణ్ టైటిల్‌ రోల్‌లో నటిస్తున్న పీరియాడికల్‌ అండ్‌ మల్టీస్పోర్ట్స్‌ డ్రామా ‘పెద్ది’. ఈ విలేజ్‌ బ్యాక్‌డ్రాప్‌ చిత్రంలో జాన్వీ కపూర్‌ హీరోయిన్‌గా నటిస్తున్నారు. ఇటీవల హైదరాబాద్‌లో జరిగిన ఈ సినిమా కొత్త షెడ్యూల్‌లో జాన్వీ కపూర్‌ పాల్గొన్నారు.
ఈ షెడ్యూల్‌లో రామ్చరణ్, జాన్వీతో పాటు ముఖ్య తారాణంగా పాల్గొనగా ఓ పాటను చిత్రీకరించారు. బుచ్చిబాబు సానా దర్శకత్వంలో సుకుమార్‌ రైటింగ్స్, మైత్రీ మూవీ మేకర్స్‌ సమర్పణలో వృద్ధి సినిమాస్‌ పతాకాలపై వెంకట సతీష్‌ కిలారు నిర్మిస్తున్న ఈ చిత్రం వచ్చే ఏడాది మార్చి 27న విడుదల కానుంది. ఈ చిత్రానికి సంగీతం: ఏఆర్‌ రెహమాన్‌.
