Janhvi Kapoor: దేవర భామ స్పై యాక్షన్ థ్రిల్లర్‌.. టీజర్ అదిరిపోయింది!

దేవర మూవీతో బిజీగా ఉన్న జాన్వీ కపూర్‌ మరో సినిమాతో ప్రేక్షకుల ముందుకొస్తోంది. తాజాగా జాన్వీ ప్రధాన పాత్రలో తెరెకక్కుతోన్న తాజా చిత్రం ఉలజ్‌. ఈ చిత్రంలో జాన్వీ కపూర్‌ విదేశీ రాయబారి పాత్రలో కనిపించనుంది. సుధాన్షు సరియా దర్శకత్వం వహిస్తున్న ఈ సినిమా టీజర్‌ను మేకర్స్‌ రిలీజ్‌ చేశారు. టీజర్ చూస్తే స్పై యాక్షన్‌ థ్రిల్లర్‌గా తెరకెక్కిస్తున్నట్లు తెలుస్తోంది. విదేశాల్లో గూఢచర్యంపై కథాంశంగా రూపొందించినట్లు కనిపిస్తోంది. ఈ సినిమాతో యాక్షన్ అవతార్‌లోకి అడుగు పెట్టింది. 

కాగా.. ఈ యాక్షన్‌ థ్రిల్లర్‌లో గుల్షన్ దేవయ్య, రోషన్ మాథ్యూ కూడా కీలక పాత్రలు పోషిస్తున్నారు. ఆదిల్ హుస్సేన్, రాజేష్ తైలాంగ్, మెయాంగ్ చాంగ్, రాజేంద్ర గుప్తా, జితేంద్ర జోషి ప్రధాన పాత్రల్లో కనిపించనున్నారు. జంగిల్ పిక్చర్స్‌ పతాకంపై వినీత్ జైన్ నిర్మించిన ఈ చిత్రం జూలై 5, 2024న ప్రేక్షకుల ముందుకు రానుంది.  ఈ చిత్రం ద్వారా జాన్వీ కపూర్ యాక్షన్ జోనర్‌లో అడుగు పెట్టింది. 

కాగా.. టాలీవుడ్‌లో కొరటాల డైరెక్షన్‌లో వస్తోన్న దేవర సినిమాతో ఎంట్రీ ఇస్తోంది. ఈ చిత్రంలో జూనియర్ ఎన్టీఆర్‌ సరసన కనిపించనుంది. ఆ తర్వాత రామ్ చరణ్‌తోనూ జతకట్టనుంది. బుచ్చిబాబు సన దర్శకత్వంలో తెరకెక్కించనున్న ఆర్సీ16లో జాన్వీ హీరోయిన్‌గా నటించనుంది. అంతే కాకుండా బాలీవుడ్‌లోనూ కరణ్‌ జోహార్‌ మూవీ మిస్టర్ అండ్ మిసెస్ మహి షూటింగ్‌ ఇటీవలే పూర్తి చేసుకుంది.