TV
టాలీవుడ్‌ హీరో ప్రిన్స్‌ మహేష్‌ బాబు హీరోగా దర్శకుడు త్రివిక్రమ్ తెరకెక్కిస్తున్న 'గుంటూరు కారం'లో శ్రీలీల, మీనాక్షి చౌదరి హీరోయిన్లుగా నటిస్తున్నారని తెలిసిందే. దీనికి తమన్‌ సంగీతం అందిస్తున్నారు. ఈ భారీ ప్రాజెక్ట్‌కు నిర్మాతగా నాగవంశీ ఉన్నారు. సినిమా షూటింగ్‌కు బ్రేక్‌ ఇచ్చి ఇటీవలే వెకేషన్కు వెళ్లిన ఆయన.. మళ్లీ సినిమాలపై దృష్టి పెట్టారు.
(ఇదీ చదవండి: పవన్‌తో విడాకుల టైమ్‌లో జరిగింది ఇదే.. రేణుదేశాయ్‌ వైరల్‌ కామెంట్స్‌)
తాజాగ ఆయన జిమ్లో వర్కౌట్స్ చేస్తూ కనిపించారు. ఆ ఫొటోలను ఇన్స్టాలో షేర్ చేశారు. కొత్త సినిమా కోసమే మహేశ్ ఇదంతా చేస్తున్నారని ఆయన అభిమానులు కామెంట్లు చేస్తున్నారు. ప్రస్తుతం ఈ ఫొటో నెట్టింట ట్రెండ్ అవుతోంది. నేటి నుంచి గుంటూరు కారం సినిమా కొత్త షెడ్యూల్ మొదలు కానుందట. శుక్రవారం ఆగష్టు 18 నుంచి మహేశ్ బాబు కూడా సెట్స్లోకి రానున్నట్లు సమాచారం.
అతడు, ఖలేజ' తర్వాత త్రివిక్రమ్- మహేశ్ చేస్తున్న మూడో సినిమా 'గుంటూరు కారం' కావడంతో అభిమానులు భారీ అంచనాలు పెట్టుకున్నారు. ఇప్పటికే మహేశ్ బాబు బర్త్డే సందర్భంగా రిలీజైన పోస్టర్లు అభిమానులను విపరీతంగా ఆకట్టుకున్నాయి. షూటింగ విషయంలో చాలా ఆలస్యం అవుతుందని ఫ్యాన్స్‌ నిరుత్సాహంగా ఉంటున్న సమయంలో మహేశ్ చేసిన ఈ పోస్ట్‌తో ఫ్యాన్స్‌ ఫుల్‌ జోష్‌లో ఉన్నారు. ముందుగా అనుకున్నట్లే వచ్చే ఏడాది సంక్రాంతికి సినిమా రిలీజ్ చేయనున్నారు.
Comments
Please login to add a commentAdd a comment