TV
ఓటీటీలకు ఆదరణ విపరీతంగా పెరిగిపోయింది. అందుకే హీరోహీరోయిన్లందరూ ఓటీటీలోనూ ఎంట్రీ ఇస్తూ అదరగొడుతున్నారు. ఇప్పటికే చాలామంది డిజిటల్‌ ప్లాట్‌ఫామ్‌లో కనిపించగా తాజాగా నాగచైతన్య కూడా అందుకు సిద్ధమయ్యాడు. ఇతడు ప్రధాన పాత్రలో నటించిన వెబ్‌ సిరీస్ దూత. ఈ వెబ్‌ సిరీస్ ప్రకటించి చాలా రోజులు కావస్తున్నా దీని గురించి సోషల్‌ మీడియాలో పెద్ద ప్రచారం, అప్‌డేట్స్‌ లేకుండా పోయాయి. షూటింగ్‌ ఎప్పుడో పూర్తయినా విడుదల మాత్రం ఆలస్యం అవుతోంది.
ఎట్టకేలకు దూత విడుదల తేదీ ఖరారైంది. అమెజాన్‌ ప్రైమ్‌లో డిసెంబర్‌ 1 నుంచి అందుబాటులోకి రానుంది. తెలుగు, తమిళ, మలయాళ, కన్నడ, హిందీ భాషల్లో స్ట్రీమింగ్‌ కానుంది. మొత్తం ఎనిమిది ఎపిసోడ్‌లుగా ఈ సిరీస్ రానుందట. శరద్‌ మరార్‌ నిర్మించిన ఈ సిరీస్‌కు విక్రమ్‌ కె. కుమార్‌ దర్శకత్వం వహించారు. ఈయన నాగచైతన్యతో 'మనం', 'థాంక్యూ' సినిమాలు చేశారు. ఈ వెబ్‌ సిరీస్‌లో పార్వతీ తిరువోతు, ప్రియ భవానీ శంకర్‌, ప్రాచీ దేశాయ్‌, తరుణ్‌ భాస్కర్‌ ముఖ్య పాత్రలు పోషించారు.
చై సినిమాల విషయానికి వస్తే..
‘ప్రేమమ్, సవ్యసాచి’ వంటి చిత్రాల తర్వాత చందు మొండేటి దర్శకత్వంలో మరో సినిమా చేస్తున్నాడు నాగచైతన్య. సాయిపల్లవి హీరోయిన్‌గా చేస్తోంది. అల్లు అరవింద్‌ సమర్పణలో గీతా ఆర్ట్స్‌ బ్యానర్‌పై ‘బన్నీ’ వాసు నిర్మిస్తున్నాడు. మత్స్యకారుల జీవితం నేపథ్యంలో రూపొందనున్న ఈ చిత్రానికి తండెల్‌ అనే టైటిల్‌ను పరిశీలిస్తున్నట్లు టాక్‌. శ్రీకాకుళంలో మత్స్యకారులను తండెల్‌ అని పిలుస్తారట.
mystery or message? you’ll find out soon enough 👀#DhoothaOnPrime, Dec 1 pic.twitter.com/7vNbKk6Aih
— prime video IN (@PrimeVideoIN) November 15, 2023
చదవండి:
Comments
Please login to add a commentAdd a comment