బలగం ఫేమ్‌ సుధాకర్‌ రెడ్డి చేతుల మీదుగా ఒక్క రోజు.... 48 గంటలు పోస్టర్‌

రేఖా నిరోషా

ఆదిత్య బద్వేలి, రేఖా నిరోషా జంటగా నిరంజన్‌ బండి దర్శకత్వంలో రూపొందిన చిత్రం ‘ఒక్క రోజు.. 48 హవర్స్‌’. ప్రీతీ క్రియేషన్స్, హేమలత సమర్పణలో కృష్ణా రెడ్డి, కేకే నిర్మించిన ఈ చిత్రం త్వరలో విడుదల కానుంది. ఈ చిత్రం పోస్టర్‌ను ‘బలగం’ ఫేమ్‌ సుధాకర్‌ రెడ్డి, షేడ్‌ స్టూడియోస్‌ అధినేత బలివాడ దేవి ప్రసాద్‌ ఆవిష్కరించారు.

నిర్మాత కేకే మాట్లాడుతూ– ‘‘మా బేనర్‌లో ఇది తొలి చిత్రం. మంచి కథాంశంతో రూపొందించిన ఈ చిత్రం ఔట్‌పుట్‌ బాగా వచ్చింది. విజయం పట్ల నమ్మకంతో ఉన్నాం’’ అన్నారు.  నిరంజన్‌ బండి మాట్లాడుతూ– ‘‘అనుకోని పరిస్థితుల్లో కష్టాలపాలైన హీరో టైమ్‌ ట్రావెల్‌ చేసి తనని ఏ విధంగా కాపాడుకున్నాడు అనేది ఈ సినిమా కథ’’ అన్నారు. ‘‘అవకాశం ఇచ్చిన డైరెక్టర్‌కి, ప్రొడ్యూసర్స్‌కి థ్యాంక్స్‌’’ అన్నారు ఆదిత్య, రేఖా నిరోషా.