అదిరి పోయే ఫైట్స్‌ చేసేందుకు రెడీ అవుతున్న ‘సికందర్‌’

ముంబైలో అదిరి పోయే ఫైట్స్‌ చేసేందుకు సిద్ధం అవుతున్నాడు సికందర్‌. సల్మాన్‌ ఖాన్‌ హీరోగా ఏఆర్‌ మురుగదాస్‌ దర్శకత్వంలో తెరకెక్కనున్న యాక్షన్‌ థ్రిల్లర్‌ మూవీ ‘సికందర్‌’. ఈ చిత్రంలో రష్మికా మందన్నా హీరోయిన్‌గా నటించనున్నారు. ఇందులో సికందర్‌గా కనిపించనున్నారు సల్మాన్‌ ఖాన్‌. కాగా ఈ మూవీ చిత్రీకరణ ఈ నెల 18 నుంచి ముంబైలో ప్రారంభం కానుంది. 

తొలుత యాక్షన్‌  సన్నివేశాలను చిత్రీకరించేలా సన్నాహాలు చేస్తున్నారు ఏఆర్‌ మురుగదాస్‌. ముంబై షెడ్యూల్‌ తర్వాత విదేశాల్లో ఓ భారీ షెడ్యూల్‌ను జరపాలని ప్లాన్‌  చేస్తోందట యూనిట్‌. సాజిద్‌ నడియాడ్‌ వాలా నిర్మించనున్న ఈ సినిమా వచ్చే ఏడాది రంజాన్‌ సందర్భంగా విడుదల కానుంది.