‘ఓదెల రైల్వేస్టేషన్‌’ తర్వాత మరో యాక్షన్‌ థ్రిల్లర్‌ సినిమా రెడీ

సందీప్‌ మాధవ్, కేథరిన్‌ త్రెసా జంటగా ‘ఓదెల రైల్వేస్టేషన్‌’ ఫేమ్‌ అశోక్‌ తేజ దర్శకత్వంలో ఓ సినిమా రూపొందుతోంది. కేసీఆర్‌ ఫిల్మ్స్, శ్రీ మహా విష్ణువు మూవీస్‌పై సోమ విజయ్‌ ప్రకాష్‌ నిర్మాణంలో దావులూరి జగదీష్, పల్లి కేశవరావు నిర్మిస్తున్న ఈ చిత్రం రెగ్యులర్‌ షూటింగ్‌ హైదరాబాద్‌లో జరుగుతోంది. కాగా ఆదివారం (సెప్టెంబర్‌ 10న) కేథరిన్‌ పుట్టినరోజు. ఈ సందర్భంగా ఆమె బర్త్‌ డేని చిత్ర యూనిట్‌ సెట్స్‌లో జరిపింది.

అశోక్‌ తేజ మాట్లాడుతూ– ‘‘యాక్షన్‌ థ్రిల్లర్‌గా రూపొందుతున్న చిత్రమిది. రెండవ షెడ్యూల్‌ ప్రస్తుతం హైదారాబాద్‌లో జరుగుతోంది. త్వరలోనే పవర్‌ ఫుల్‌ టైటిల్‌ని ప్రకటించబోతున్నాం’’ అన్నారు. ఈ కార్యక్రమంలో సందీప్‌ మాధవ్, హీరోయిన్లు కీర్తీ చావ్లా, నిష్మా, దీక్షా పంత్, దావులూరి జగదీశ్, పల్లి కేశవరావు పాల్గొని, కేథరిన్‌కి  పుట్టినరోజు శుభాకాంక్షలు తెలిపారు. ఈ చిత్రానికి కెమెరా: సతీష్‌ ముత్యాల, సంగీతం: అనూప్‌ రూబె¯Œ ్స, సహ నిర్మాతలు: గౌటి హరినాథ్, రొంగుల శివకుమార్‌.