TV
శివరాజ్‌కుమార్‌.. కన్నడలో స్టార్‌ హీరో! తన సినిమాలు తెలుగులోనూ డబ్‌ కావడంతో ఇక్కడివారికీ సుపరిచితుడే! గతేడాది జైలర్‌ సినిమాలో అతిథి పాత్రలో కనిపించి తెలుగు ప్రేక్షకులను అబ్బురపరిచాడు. ప్రస్తుతం ఆయన తెలుగులో డైరెక్ట్‌గా ఓ సినిమా చేస్తున్నాడు. నేడు (జూలై 12న) శివరాజ్‌కుమార్‌ బర్త్‌డే కావడంతో ఓ సర్‌ప్రైజ్‌ వదిలారు. రామ్‌ చరణ్‌- బుచ్చిబాబు సన కాంబినేషన్‌లో తెరకెక్కుతున్న సినిమాలో శివన్న భాగమైనట్లు ఓ పోస్టర్‌ వదిలారు. అందులో తెలుగు సినిమాకు స్వాగతమని పేర్కొన్నారు.
అప్పుడు అతిథిగా..
శివన్న తొలిసారి తెలుగులో పూర్తి స్థాయిలో నటించనున్నాడన్నమాట! 2017లో వచ్చిన గౌతమిపుత్ర శాతకర్ణిలో అతిథి పాత్రలో మెరిశారు. ఆ తర్వాత తెలుగులో డైరెక్ట్‌ సినిమాలో నటించనేలేదు. కన్నప్ప మూవీలోనూ ఈయన నటించనున్నట్లు అప్పట్లో రూమర్స్‌ వచ్చాయి. దీనిపై విష్ణు స్పందిస్తూ హరహర మహాదేవ్‌ అని ట్వీట్‌ వేశాడు. దీంతో ఈ సినిమాలోనూ శివన్న ఉన్నాడని అభిమానులు ఫిక్సయిపోయారు.
మేకోవర్‌..
రామ్‌చరణ్‌ 16వ సినిమా విషయానికి వస్తే.. జాన్వీ కపూర్‌ హీరోయిన్‌గా నటిస్తున్న ఈ మూవీ స్పోర్ట్స్‌ బ్యాక్‌డ్రాప్‌లో రూపొందనున్నట్లు తెలుస్తోంది. ఇందుకోసం చరణ్‌ కండలు పెంచాలనుకుంటున్నాడట! ఈ మేకోవర్‌ కోసం ఆస్ట్రేలియా వెళ్లి కొంతకాలం అక్కడ శిక్షణ తీసుకోనున్నాడట! ఏఆర్ రెహమాన్ సంగీతాన్ని అందిస్తున్న ఈ మూవీని మైత్రీ మూవీ మేకర్స్, సుకుమార్‌ రైటింగ్స్, వృద్ధి సినిమాస్‌పై వెంకట సతీష్‌ కిలారు నిర్మించనున్నారు. ఆగస్టు నెలాఖరులో షూటింగ్‌ ప్రారంభించేందుకు చిత్రయూనిట్‌ సన్నాహాలు చేస్తోంది.
Har Har Mahadev ❤️ https://t.co/liGw4R0Rxv
— Vishnu Manchu (@iVishnuManchu) October 12, 2023
Comments
Please login to add a commentAdd a comment