మహాశివరాత్రికి జటాధర

సుధీర్‌బాబు హీరోగా నటించనున్న ద్విభాషా (తెలుగు, హిందీ) చిత్రం ‘జటాధర’. సూపర్‌ నేచురల్‌ ఫ్యాంటసీ అంశాలతో వెంకట్‌ కల్యాణ్‌ ఈ చిత్రానికి దర్శకత్వం వహించనున్నారు. హిందీలో ‘రుస్తుమ్, టాయ్‌లెట్‌: ఏక్‌ ప్రేమ్‌కథ, ప్యాడ్‌మ్యాన్, పరి’లాంటి చిత్రాలను నిర్మించిన ప్రేరణ అరోరాతో కలిసి శివిన్‌ నారంగ్, నిఖిల్‌ నందా, ఉజ్వల్‌ ఆనంద్‌లు ఈ సినిమాను నిర్మించనున్నారు.

‘జటాధర’ను శనివారం ప్రకటించి, ఫస్ట్‌ లుక్‌ను విడుదల చేయడంతో పాటు ఈ సినిమాను వచ్చే ఏడాది మహాశివరాత్రి సందర్భంగా విడుదల చేయనున్నట్లు వెల్లడించారు మేకర్స్‌. ‘‘ఈ చిత్రంలో సుధీర్‌బాబు ఓ పవర్‌ఫుల్‌ రోల్‌లో కనిపిస్తారు. త్వరలోనే షూటింగ్‌ ఆరంభిస్తాం’’ అని చిత్రబృందం పేర్కొంది.