‘రంగస్థలం’ కాంబినేషన్‌ రిపీట్‌.. రౌడీ హీరోకి హ్యాండిచ్చిన సుకుమార్‌?

పుష్ప సినిమాతో సుకుమార్‌ పాన్‌ ఇండియా డైరెక్టర్‌ అయ్యాడు. ఆ చిత్రం సౌత్‌ కంటే నార్త్‌ ఆడియెన్స్‌నే ఎక్కువగా ఆకట్టుకుంది. సుకుమార్‌ మేకింగ్‌పై బాలీవుడ్‌ ప్రశంసలు కురిపించింది. ఇక ఇప్పుడు గ్లోబల్‌ ఆడియన్స్‌ను మెప్పించేలా పుష్ప 2ను తీర్చిదిద్దుతున్నాడు కుమార్‌. ఆలస్యమైనా సరే.. పుష్ప 2తో గ్లోబల్‌ స్థాయిలో గుర్తింపు తెచ్చుకోవాలనుకుంటున్నాడు. ప్రస్తుతం ఈ మూవీ శరవేగంగా షూటింగ్‌ జరుపుకుంటుంది. ఆగస్ట్‌ 15న ప్రపంచ వ్యాప్తంగా రిలీజ్‌ కానుంది. ఈ మూవీ తర్వాత సుకుమార్‌ రామ్‌ చరణ్‌తో సినిమా చేయబోతున్నట్లు వార్తలు వినిపిస్తున్నాయి. 

(చదవండి: నేను చనిపోవాలట.. వారికేం వస్తుందో మరి!: బుల్లితెర నటి)

వీరిద్దరి కాంబినేషన్‌లో వచ్చిన  ‘రంగస్థలం’ (2018) బ్లాక్‌ బస్టర్‌ అయిన సంగతి తెలిసిందే. ఇక అప్పుడు అంతకు మించిపోయే హిట్‌ స్టోరీని సుకుమార్‌ ప్లాన్‌ చేస్తున్నాడట. ఈ నెల 27న రామ్‌చరణ్‌ బర్త్‌ డే సందర్భంగా ఈ సినిమా గురించిన అధికారిక  ప్రకటన వెల్లడి కానుందని తెలిసింది. వాస్తవానికి పుష్ప తర్వాత సుకుమార్‌.. విజయ్‌ దేవరకొండతో సినిమా చేయాల్సింది. పుష్ప రిలీజ్‌కు ముందే అధికారిక ప్రకటన కూడా చేశారు. కొన్నాళ్ల తర్వాత ఆ చిత్రం ఆగిపోయిందని వార్తలు వచ్చాయి. అప్పుడు కూడా టీమ్‌ స్పందిస్తూ..కచ్చితంగా సినిమా ఉంటుందని పేర్కొంది. కానీ ఇంతవరకు ఎలాంటి అప్‌డేట్‌ ఇవ్వలేదు.

విజయ్‌ దేవరకొండ నటించిన లైగర్‌ చిత్రం దారుణ పరాజయాన్ని మూటగట్టుకోవడంతో సుకుమార్‌ మనసు మార్చుకున్నట్లు తెలుస్తోంది. ఆ చిత్రం హిట్‌ అయితే విజయ్‌ పాన్‌ ఇండియా స్టార్‌ అయ్యేవాడని.. అప్పుడు సినిమా తీస్తే అదే రేంజ్‌లో  విజయం సాధించొచ్చని సుక్కు భావించాడట. కానీ లైగర్‌ ఫ్లాప్‌ చూసి.. వెనుకడుగు వేశాడు. వెంటనే పుష్ప 2ని సెట్స్‌పైకి తీసుకెళ్లాడు. ఈ మూవీ తర్వాత అయినా విజయ్‌ సినిమా ఉంటుందని అనుకున్నారు. కానీ ఇప్పుడు రామ్‌చరణ్‌ మూవీ తెరపైకి వచ్చింది. దీంతో ఇక విజయ్‌తో సినిమా లేనట్లే అని ఇండస్ట్రీ పెద్దలు అంచనా వేస్తున్నారు.