సంక్రాంతికి మజాకా

సందీప్‌ కిషన్  హీరోగా నక్కిన త్రినాధరావు దర్శకత్వంలో రూపొందుతున్న తాజా చిత్రానికి ‘మజాకా’ అనే టైటిల్‌ ఖరారైంది. ఏకే ఎంటర్‌టైన్ మెంట్స్, హాస్య మూవీస్, జీ స్టూడియోస్‌ పతాకాలపై రాజేష్‌ దండా ఈ సినిమా నిర్మిస్తున్నారు. సోమవారం ఈ సినిమా టైటిల్‌ని ప్రకటించి, ఫస్ట్‌లుక్‌ని విడుదల చేయడంతో పాటు సినిమాని సంక్రాంతికి రిలీజ్‌ చేయనున్నట్లు మేకర్స్‌ ప్రకటించారు.

‘‘మాస్‌ ఫ్యామిలీ ఎంటర్‌టైనర్‌గా రూపొందుతోన్న చిత్రం ‘మజాకా’. ఈ సంక్రాంతికి పర్ఫెక్ట్‌ మూవీగా అలరిస్తుంది’’ అని చిత్ర యూనిట్‌ పేర్కొంది. రావు రమేశ్‌ కీలక పాత్రలో నటిస్తున్న ఈ సినిమాకు సంగీతం: భీమ్స్‌ సిసిరోలియో, సహ–నిర్మాత: బాలాజీ గుత్తా.