న్యూలుక్స్‌ సూపర్‌ అంటున్న ఫ్యాన్స్‌

సూపర్‌స్టార్‌ మహేష్‌ బాబు న‌ల‌భై ఐదేళ్ల‌ వ‌య‌సులోనూ ఇర‌వై ఏళ్ల కుర్రాడిలా కనిపిస్తారు. వయసు పెరిగే కొద్దీ మహేష్‌ మాత్రం​ ఇంకా యంగ్‌గా కనిపిస్తూ రోజురోజుకీ త‌న‌ అందాన్ని పెంచుకుంటూ పోతున్నారు. తాజాగా మహేష్‌బాబు పోస్ట్‌ చేసిన ఫోటో నెట్టింట వైరల్‌ అవుతోంది. ఓ యాడ్ చిత్రీక‌ర‌ణ‌ కోసం తీసిన ఈ ఫోటో  తనకిష్టమైన లుక్స్‌లో ఒకటని మహేష్‌ తెలిపాడు. ఎంతో స్మార్ట్‌ అండ్‌ హ్యాండ్‌సమ్‌గా కనిపిస్తున్న ఈ పోటో నెటిజన్లను ఆకర్షిస్తోంది. ప్రముఖ ఫొటోగ్రాఫర్ అవినాష్ గోవారికర్‌ ఈ ఫోటోను క్లిక్‌మనిపించాడు.

ప్రస్తుతం  ‘సర్కారువారి పాట’ సినిమాలో మహేష్‌ నటిస్తున్నారు. పరశురామ్‌ దర్శకత్వంలో మైత్రీ మూవీ మేకర్స్, 14 రీల్స్‌ ప్లస్, జీయంబీ సంస్థలు నిర్మించనున్న ఈ చిత్రం షూటింగ్‌ త్వరలోనే ప్రారంభం కానుంది. మహానటి ఫేం కీర్తి సురేష్‌ ఈ సినిమాతో తొలిసారి మహేష్‌తో జోడీ కట్టనున్నారు. ఈ చిత్రం అనంతరం భీష్మ డైరెక్టర్‌ వెంకీ కుడుములతో కలిసి ఓ సినిమా చేయనున్నట్లు సమాచారం. (రామ్‌ చరణ్‌ నో చెప్పిన కథకు మహేష్‌ ఓకే?)