మిల్కీబ్యూటీ తమన్నా గురించి ప్రత్యేకంగా పరిచయం అక్కర్లేదు. టాలీవుడ్‌లో అగ్ర హీరోల సరసన నటనతో మెప్పించింది. ప్రస్తుతం బాలీవుడ్‌లో బిజీగా ఉంది భామ. అప్పట్లోనే అందం తిన్నానండీ అందుకే ఇలా ఉన్నానండీ అనే పాటను రాయడానికి ఒక గీత రచయితకు ప్రేరణగా నిలిచిన అందగత్తె నటి తమన్నాను అందుకే మిల్కీబ్యూటీ అంటారు. వెండితెరపై అందాల ఆరబోతలో తనకు తానే సాటి అనిపించుకునే తమన్నా అవకాశం వచ్చినప్పుడల్లా తనలోని నటనను చాటుకుంటూనే ఉన్నారు.

(ఇది చదవండి: సుశాంత్‌ ఆత్మహత్యపై కంగనా సంచలన ఆరోపణలు..!)

 2005 నుంచి ఇప్పటి వరకు హీరోయిన్‌గా నటిస్తూ నాటౌట్‌గా నిలిచారు. ప్రస్తుతం తమన్నా చేతిలో తెలుగు, తమిళం, మలయాళం, హిందీ భాషలతో కలిపి ఐదారు చిత్రాలు ఉన్నాయి. అందులో రజనీకాంత్‌తో కలిసి నటించిన జైలర్‌ చిత్రం ఆగస్టు 10న విడుదలకు సిద్ధమవుతుండగా, ఆ మరుసటిరోజునే అంటే ఆగస్టు 11న తెలుగులో చిరంజీవితో నటించిన భోళాశంకర్‌ చిత్రం తెరపైకి రానుంది. ఈమె నటిస్తున్న తమిళ చిత్రం అరణ్మణై–4, మలయాళం చిత్రం బాంద్రా, హిందీ చిత్రం బోల్‌ చుడియన్‌ చిత్రాలు సెట్‌పై ఉన్నాయి.

ఈ 33 ఏళ్ల ఈ పరువాల సుందరి ఇంకా తన అందాలను మెరుగుపరుచుకునే పనిలోనే ఉన్నారు. అలా లేటెస్ట్‌గా తీయించుకున్న ఫొటోలను ఈ అమ్మడు సామాజిక మాధ్యమాల్లో విడుదల చేశారు. ఆ గ్లామరస్‌ ఫొటోలు ఇప్పుడు నెట్టింట్లో వైరల్‌ అవుతున్నాయి. ఇకపోతే రజనీకాంత్‌ సరసన నటించిన జైలర్‌ చిత్రం షూటింగ్‌ ఇటీవలే పూర్తి చేసుకుంది. 

రజనీకాంత్‌ తనను కలిసిన వారికి రాఘవేంద్రస్వామి విగ్రహాన్ని, ఒక ఆధ్యాత్మిక పుస్తకాన్ని బహూకరించడం ఆనవాయితీ. అదేవిధంగా నటి తమన్నాకు ఒక ఆధ్యాత్మిక పుస్తకాన్ని బహూకరించారట. ఈ విషయాన్ని తమన్నా ట్విట్టర్‌లో పేర్కొన్నారు. ఆమె మాట్లాడుతూ జైలర్‌ చిత్ర షూటింగ్‌ సమయంలో రజనీకాంత్‌ తనకు ఒక ఆధ్యాత్మిక పుస్తకాన్ని ఆయన సంతకంతో బహూకరించారని అది తనకు చాలా ప్రయోజనకరంగా ఉంటుందని పేర్కొన్నారు.

(ఇది చదవండి: థియేటర్లో లైంగిక వేధింపులు.. ఒక్కసారిగా మైండ్ బ్లాంక్: స్టార్ హీరోయిన్)