ఉప్పెన: జూనియర్‌ ఎన్టీఆర్‌ వాయిస్‌ ఓవర్‌!

మెగా మేనల్లుడు సాయిధరమ్‌తేజ్‌ సోదరుడు వైష్ణవ్‌ తేజ్‌ తొలిసారి హీరోగా నటిస్తున్న చిత్రం "ఉప్పెన". కృతిశెట్టి కథానాయికగా నటిస్తోంది. డైరెక్టర్‌ సుకుమార్‌ శిష్యుడు బుచ్చిబాబు సానా దర్శకత్వం వహిస్తున్నాడు. యంగ్‌ టైగర్‌ జూనియర్‌ ఎన్టీఆర్‌ గురువారం సాయంత్రం నాలుగు గంటలకు ఈ సినిమా ట్రైలర్‌ను రిలీజ్‌ చేయనున్న విషయం తెలిసిందే. అయితే ఈ ట్రైలర్‌కు ఎన్టీఆర్‌ వాయిస్‌ ఓవర్‌ ఇచ్చారట. మొత్తానికి వైష్ణవ్‌ సినిమా రిలీజ్‌ అవకముందే అందరి నుంచి సపోర్ట్‌ అందుతోంది. (చదవండి: ‘వీడు ముసలోడు అవ్వకూడదే’)

ఇక ఈ సినిమా నుంచి విడుదలైన పాటలు ఎంత హిట్‌ అయ్యాయో ప్రత్యేకంగా చెప్పక్కర్లేదు. కాలర్‌ట్యూన్లు, రింగ్‌టోన్లు ఎక్కడా చూసినా ఈ పాటలే మార్మోగిపోయాయి. మరీ ముఖ్యంగా 'నీ కన్ను నీలి సముద్రం..' పాట సంగీత సముద్రంలో అందరితో పడవ ప్రయాణం చేయించింది. ఇప్పటికే షూటింగ్‌ పూర్తైన ఈ చిత్రం వాలంటైన్స్‌ డేకు రెండు రోజుల ముందుగా అంటే ఫిబ్రవరి 12న థియేటర్లలో విడుదల కానుంది. సముద్రతీర ప్రాంతంలోని గ్రామంలో ఓ పేదింటి అబ్బాయికీ, ఓ సంపన్న కుటుంబానికి చెందిన కాలేజీ అమ్మాయికీ మధ్య ఏర్పడే ప్రేమ ఎలాంటి పరిణామాలకు దారి తీసిందనే పాయింట్‌తో ఈ చిత్రం ఉంటుంది. మరి పాటలను ఆదరించిన ప్రేక్షకులు సినిమాను ఎంతవరకు ఆదరిస్తారో చూడాలి. రాక్‌స్టార్‌ దేవిశ్రీ ప్రసాద్‌ సంగీతం అందిస్తున్న ఈ చిత్రాన్ని  మైత్రీ మూవీ మేకర్స్, సుకుమార్‌ రైటింగ్స్‌ బ్యానర్‌పై నవీన్‌ ఎర్నేని, వై. రవిశంకర్‌ నిర్మించారు. (చదవండి: మహేశ్‌తో స్పెషల్‌ సాంగ్‌: మోనాల్‌ క్లారిటీ!)