Varun Tej - Lavanya Tripathi: లావ‌ణ్య మెడ‌లో మూడు ముళ్లు వేసిన వ‌రుణ్ తేజ్‌

ప్రేమ‌ప‌క్షులు పెళ్లి బంధంతో ఒక్క‌ట‌య్యారు. మెగా ప్రిన్స్ వ‌రుణ్ తేజ్‌, హీరోయిన్ లావ‌ణ్య త్రిపాఠి వేద‌మంత్రాల సాక్షిగా వైవాహిక బంధంలో అడుగుపెట్టారు. న‌వంబ‌ర్ 1వ తేదీన ఇటలీలోని టస్కనీలో వీరి వివాహం ఘ‌నంగా జ‌రిగింది. ఈ వేడుక‌కు ఇరు కుటుంబాలు, బంధుమిత్రులు స‌హా టాలీవుడ్ సెల‌బ్రిటీలు హాజ‌ర‌య్యారు. ఇప్ప‌టికే కాక్‌టైల్‌, మెహందీ, హ‌ల్దీ వేడుక‌ల‌కు సంబంధించిన ఫోటోలు సోష‌ల్ మీడియాలో తెగ వైర‌ల‌వుతున్న సంగ‌తి తెలిసిందే!

బుధ‌వారం రాత్రి వ‌ధూవ‌రులిద్ద‌రూ ఒక‌రి త‌ల‌పై మ‌రొక‌రు జీల‌క‌ర్ర‌-బెల్లం పెట్టారు. అనంత‌రం వ‌రుణ్‌.. లావ‌ణ్య మెడ‌లో మూడు ముళ్లు వేశాడు. పెళ్లి అనంత‌రం కొత్త జంట న‌మ‌స్క‌రిస్తున్న ఫోటో ఒక‌టి తాజాగా సోష‌ల్ మీడియాలో ప్ర‌త్య‌క్షం కాగా క్ష‌ణాల్లో వైర‌ల్‌గా మారింది.  ఈ ఫోటో చూసిన అభిమానులు వ‌రుణ్‌-లావ‌ణ్య‌ల జంట‌ చూడ‌ముచ్చ‌ట‌గా ఉంద‌ని కామెంట్లు చేస్తున్నారు. ఈ పెళ్లిలో రామ్‌చ‌ర‌ణ్‌, అల్లు అర్జున్‌, నితిన్ త‌దిత‌ర సెల‌బ్రిటీ క‌పుల్స్‌ స్పెష‌ల్ అట్రాక్ష‌న్‌గా నిలిచారు. ఇక‌ ఉప‌సాన పెళ్లి విందు కోసం సిద్ధ‌మ‌య్యామంటూ ఓ ఫోటో షేర్ చేసింది. ఇందులో అతిథుల‌కు విందు ఏర్పాట్లు ఎంత ఘ‌నంగా చేశారో క‌నిపిస్తోంది.

ప్రేమ‌ అలా మొద‌లైంది..
వ‌రుణ్ తేజ్‌, లావ‌ణ్య వీరిద్ద‌రూ మిస్ట‌ర్ సినిమాలో జంట‌గా న‌టించారు. ఈ మూవీ 2017లో రిలీజైంది. ఈ సినిమా షూటింగ్ స‌మ‌యంలోనే వీరి మ‌ధ్య స్నేహం మొద‌లైంది. ఈ సినిమా షూటింగ్ కూడా ఇట‌లీలో జ‌రుపుకుంది. అక్క‌డ వీరి ప్రేమ‌కు బీజం ప‌డింది. త‌ర్వాత అంత‌రిక్షంలోనూ వీరు క‌లిసి న‌టించారు. ఈ సినిమాతో మ‌రింత ద‌గ్గ‌ర‌య్యారు. వీరి ప్రేమ‌కు ఇరు కుటుంబాలు గ్రీన్ సిగ్న‌ల్ ఇవ్వ‌డంతో వైవాహిక బంధంతో ఒక్క‌ట‌య్యారు.

👉: (ఫొటో గ్యాలరీ కోసం ఇక్కడ క్లిక్ చేయండి)

Exciting moments await as the most beautiful and adorable pair, #VarunLav ❤️, ties the knot in Italy! The magical ceremony is set to begin at 7:18 PM. Stay tuned for updates and join us in celebrating the love of @IAmVarunTej and @Itslavanya. 💫 #VarunTej #LavanyaTripathi pic.twitter.com/V4VJ7ioCik

— 𝐒𝐡𝐢𝐯𝐚𝐚 (@IamShivaMegaFan) November 1, 2023

చ‌ద‌వండి: గౌత‌మ్ మాస్ట‌ర్ మైండ్‌.. రైతుబిడ్డ అవుట్‌.. ఏడ్చేసిన ప్ర‌శాంత్‌