లైంగిక వేధింపుల కేసు.. ప్రజ్వల్‌ రేవణ్ణపై ఛార్జ్ షీట్

బెంగళూరు: మహిళలపై లైంగిక వేధింపలకు పాల్పడినట్లు జేడీఎస్‌ మాజీ ఎంపీ ప్రజ్వల్‌ రేవణ్ణ వచ్చిన ఆరోపణలు కర్ణాటకలో  సంచలనం సృష్టించాయి. ఈ కేసులో సిట్‌ అధికారులు శుక్రవారం ప్రత్యేక ప్రజాప్రతినిధుల కోర్టులో ప్రజ్వల్‌ రేవణ్ణ ఆయన తండ్రి హెచ్‌డీ రేవణ్ణపై చార్జ్‌షీట్‌ దాఖలు చేశారు. ప్రజ్వల్‌పై హోలెనరసిపూర పోలీస్‌ స్టేషన్‌లో కేసు నమోదైన విషయం తెలిసిందే. ఈ కేసుకు సంబంధించి సిట్‌ దర్యాప్తు అధికారి సుమారాణి 137 మంది సాక్షులను విచారించారు. ఆ వివరాలతో 2000పైగా పేజీల చార్జ్‌షీట్‌ను కోర్టుకు సమర్పించారు. ప్రజ్వల్‌ రేవణ్ణ ప్రస్తుతం పరప్పన అగ్రహార జైలులో ఉన్నారు.

2019 నుంచి 2022 మధ్య హోలెనరసిపురలోని తన నివాసంలో పనిచేసిన పనిమనిషిని హెచ్‌డీ రేవణ్ణ లైంగికంగా వేధించారని ఆరోపణలు వచ్చాయి. ఈ కేసులో నిందితుడు రేవణ్ణ మహిళలను లైంగికంగా వేధించారని చార్జిషీట్‌లో పేర్కొంది. మహిళలపై లైంగిక వేధింపుల కేసులో హెచ్‌డీ రేవణ్ణ ఏ1, ప్రజ్వల్‌ రేవణ్ణగా ఏ2గా ఉన్నారు.