వైరల్‌ వీడియో : యూనిటీ పవర్‌ ఏంటో చూపించారు

నాగాలాండ్‌ : ఐకమత్యం ఉంటే ఎంతటి అసాధ్యం అయినా సుసాధ్యం అవుతుంది. నాగాలాండ్‌లో జరిగిన ఓ సంఘటన  సరిగ్గా దీనికి అద్దం పడుతుంది. వివరాల ప్రకారం..నాగాలాండ్‌లోని ఓ లోయలో ప్రమాదవశాత్తూ ఓ లారీ పడిపోగా పెద్ద పెద్ద  ప్రొక్లెయిన్లతో లారీని బయటకు లాగేందుకు ప్రయత్నించినా సాధ్యపడలేదు. దీంతో వందలాది మంది అక్కడికి వచ్చి ఆ లారీని బయటకు లాగేందుకు ప్రయత్నించారు. వాహనానికి ఇరువైపులా తాళ్లు కట్టి ఎంతో శ్రమతో దాన్ని బయటకు లాగి ఐకమత్యంగా పనిచేస్తే ఎంతటి అసాధ్యాన్ని అయినా సుసాధ్యం చేయవచ్చు అని నిరూపించారు. ఈ వీడియోను సుప్రియా సాహూ అనే ఐఏఎస్ అధికారి ట్విట్టర్​లో పోస్ట్‌ చేయడంతో ఇది కాస్తా వైరల్‌గా మారింది. టీం వర్క్‌ పవర్‌ ఏంటో నిరూపించారు అంటూ పలువురు నెటిజన్లు నాగాలాండ్‌ వాసులను అభినందిస్తున్నారు.