చంద్రబాబుది నియంత పాలన

రాజమహేంద్రవరం రూరల్‌: రాష్ట్రంలో ప్రభుత్వ అరాచకం కట్టలు తెంచుకుంటోం­దని మాజీ మంత్రి, వైఎస్సార్‌­సీపీ తూర్పు గోదావరి జిల్లా అధ్యక్షుడు చెల్లుబోయిన శ్రీనివాస వేణుగోపాలకృష్ణ అన్నారు. సీఎం చంద్ర­బాబు కక్షలతో రాజ­కీయ ప్రత్యర్థులను, కళాకారులను, విశ్లే­ష­కు­­లను అరెస్టు చేస్తూ నియంత పాలన చేస్తు­న్నారని ధ్వజమెత్తారు.

ప్రజాస్వా­మ్యాన్ని ఖూనీ చేసి, రెడ్‌బుక్‌ రాజ్యాంగాన్ని నడు­పుతున్నారని దుయ్య­బట్టారు. వేణు­గోపా­ల­కృష్ణ గురువారం ఇక్కడ ఏర్పాటు చేసిన విలేకరుల సమావేశంలో  మాట్లా­డుతూ.. ప్రముఖ నటుడు పోసాని కృష్ణమురళి అరెస్టుతో చంద్రబాబు కక్షపూరిత రాజకీ­యాలు పతాక స్థాయికి చేరాయన్నారు. రాజకీయాల నుంచి తప్పుకుంటున్నట్లు కొన్ని నెలల క్రితమే పోసాని ప్రకటించారని తెలిపారు. గొంతు ఆపరే­షన్‌ చేయించుకున్నారని, అనారోగ్యంతో ఉన్నా­రని, అయినా  చంద్రబాబు సర్కారు క్రూరంగా అరెస్టు చేసిందని ఆగ్రహం వ్యక్తంచేశారు.