కాంగ్రెస్‌ పార్టీపై ప్రధాని నరేంద్ర మోదీ ధ్వజం

ఢిల్లీ : భారత రాజ్యాంగ నిర్మా త డాక్టర్‌ బీఆర్‌ అంబేద్కర్‌పై కేంద్ర హోంమంత్రి అమిత్ షా చేసిన వ్యాఖ్యలకు నిరసనగా విపక్షాలు పార్లమెంట్‌లో విపక్షాల ఆందోళన చేపట్టాయి. వారి ఆందోళనపై ప్రధాని మోదీ ఎక్స్‌ వేదికగా స్పందించారు. 

‘రాజ్యసభలో అంబేద్కర్‌ను అవమానించిన కాంగ్రెస్ చీకటి చరిత్రను అమిత్ షా బట్టబయలు చేశారు. కాంగ్రెస్ అబద్ధాలు, అనేక సంవత్సరాల వారి అకృత్యాలను, ముఖ్యంగా డాక్టర్ అంబేద్కర్‌ను అవమానించి, దాచి పెట్టాలన్నా దాగలేదు. అంబేద్కర్ వారసత్వాన్ని తుడిచిపెట్టడానికి అణుగారిన వర్గాల ప్రజలను ఎలా అవమానించిందో దేశ ప్రజలు చూశారు.  

అంబేద్కర్‌కు కాంగ్రెస్ తీరని అన్యాయం చేసింది. ఆయనను ఎన్నికల్లో ఓడించడం,అంబేద్కర్‌కు వ్యతిరేకంగా పండిట్‌ జవహర్‌లాల్‌ నెహ్రూ ప్రచారం చేయడం, భారతరత్నను నిరాకరించడం, పార్లమెంట్‌ సెంట్రల్‌ హాలులో రాజ్యాంగ నిర్మాత చిత్ర పటాన్ని ఏర్పాటు చేయకపోవడం వంటి అంశాలు ఉన్నాయి’ అని మోదీ అన్నారు.

కాంగ్రెస్ పాలనలో అణుగారిన వర్గాలపై హత్యాకాండలు జరిగాయి. దాన్ని దాచిపెట్టలేరు. అధికారంలో ఉన్నప్పుడు ఎస్సీ, ఎస్టీ వర్గాలకు సాధికారత కల్పించేందుకు ఎలాంటి నిర్ణయాలు తీసుకోలేదని మోదీ ట్వీట్‌లో పేర్కొన్నారు.

If the Congress and its rotten ecosystem think their malicious lies can hide their misdeeds of several years, especially their insult towards Dr. Ambedkar, they are gravely mistaken!

The people of India have seen time and again how one Party, led by one dynasty, has indulged in…

— Narendra Modi (@narendramodi) December 18, 2024