నిధులు సద్వినియోగం చేసుకోవాలి

నిధులు సద్వినియోగం చేసుకోవాలి

సంగారెడ్డి జోన్‌: ప్రభుత్వం కేటాయించిన నిధులను సమర్థవంతంగా సద్వినియోగం చేసుకుని, మౌలిక వసతులు మెరుగుపరచుకోవాలని కలెక్టర్‌ వల్లూరు క్రాంతి పేర్కొన్నారు. సంగారెడ్డి కలెక్టరేట్‌లో పంచాయతీరాజ్‌ ఇంజనీరింగ్‌, మండల విద్యాశాఖ అధికారులతో ఎంపిక చేసిన పాఠశాలల ప్రధానోపాధ్యాయులతో పాఠశాలల అభివృద్ధి పనులపై శనివారం సమీక్ష నిర్వహించారు. ఈ సందర్భంగా కలెక్టర్‌ మాట్లాడుతూ...పీఎంశ్రీ పథకం కింద జిల్లాలో 44 పాఠశాలలు ఎంపికయ్యాయన్నారు. మంజూరైన నిధులతో ఆ పాఠశాలల్లో క్రీడలు,నైపుణ్యాభి వృద్ధి, తరగతి గదుల నిర్మాణం, కిచెన్‌ గార్డెన్‌, ఫీల్డ్‌ విజిట్‌, ఎల్‌ఈడీ లైటింగ్‌, లైబ్రరీ అభివృద్ధి, మరుగుదొడ్లు, తాగునీటి వసతి, ల్యాబ్‌ ఏర్పాట్లు వంటి తదితర అభివృద్ధి పనులకు వినియోగించాలని అధికారులకు సూచించారు. ఈ అభివృద్ధి పనులను నిర్దేశిత కాలవ్యవధిలో నాణ్యతతో వేగంగా పూర్తి చేయాలని చెప్పారు. కార్యక్రమంలో డీఈవో వెంకటేశ్వర్లు, ఈఈపీ ఆర్‌ జగదీశ్‌, ఎంఈవోలు, పంచాయతీరాజ్‌ ఇంజనీరింగ్‌ అధికారులు, ప్రధానోపాధ్యాయులు, సంబంధిత అధికారులు, సిబ్బంది పాల్గొన్నారు.

కలెక్టర్‌ వల్లూరు క్రాంతి