Asia Cup 2022: ప్రపంచ రికార్డు సృష్టించిన రోహిత్‌ శర్మ.. తొలి ఆటగాడిగా!

టీమిండియా కెప్టెన్‌ రోహిత్‌ శర్మ అంతర్జాతీయ టీ20ల్లో అరుదైన ఘనత సాధించాడు. టీ20 క్రికెట్‌లో అత్యధిక పరుగులు చేసిన జాబితాలో న్యూజిలాండ్‌ ఓపెనర్‌ మార్టిన్‌ గప్టిల్‌ను అధిగమించి రోహిత్‌ శర్మ అగ్రస్థానానికి చేరుకున్నాడు. ఆసియాకప్‌-2022లో భాగంగా పాకిస్తాన్‌తో జరిగిన మ్యాచ్‌లో 11 పరుగుల వ్యక్తిగత స్కోర్‌ వద్ద రోహిత్‌ ఈ ఘనతను అందుకున్నాడు.

ఈ అరుదైన ఘనత సాధించిన జాబితాలో 3499 పరుగులతో రోహిత్‌ టాప్‌లో ఉండగా.. గప్టిల్‌(3497), విరాట్‌ కోహ్లి(3341) పరుగులతో రెండు మూడు స్థానాల్లో కొనసాగుతున్నారు. ఇక అఖరి వరకు ఉత్కంఠ భరితంగా జరిగిన ఈ మ్యాచ్‌లో భారత్‌ 5 వికెట్ల తేడాతో విజయం సాధించింది. తద్వారా గతేడాది టీ20 ప్రపంచకప్‌లో ఓటమికి టీమిండియా బదులు తీర్చుకుంది.

మ్యాచ్‌ సంక్షిప్త​ సమాచారం
టాస్‌: భారత్‌ బౌలింగ్‌
పాకిస్తాన్‌: 147/10
పాక్‌ ఇన్నింగ్స్‌లో టాప్‌ స్కోరర్‌: మహ్మద్ రిజ్వాన్(42 బంతుల్లో 43 పరుగులు)
భారత బౌలింగ్‌: భువనేశ్వర్‌ కుమార్‌ నాలుగు వికెట్లు, హార్ధిక్‌ పాండ్యా 3వికెట్లు, అర్షదీప్‌ సింగ్‌ 2వికెట్లు
టీమిండియా : 148/5(19.4 ఓవర్లు)
భారత ఇన్నింగ్స్‌లో టాప్‌ స్కోరర్లు: విరాట్‌ కోహ్లి(35), జడేజా(35)
పాక్‌ బౌలింగ్‌: మహ్మద్‌ నవాజ్‌ మూడు వికెట్లు, నషీమ్‌ షా రెండు వికెట్లు
విజేత: 5 వికెట్ల తేడాతో పాక్‌పై టీమిండియా విజయం
ప్లేయర్‌ ఆఫ్‌ ది మ్యాచ్‌: హార్దిక్‌ పాండ్యా( మూడు వికెట్లతో పాటు 33 పరుగులు (నాటౌట్‌))
చదవండి: Asia Cup 2022: 'కూల్‌గా ఉండు కార్తీక్‌ భాయ్‌.. నేను ఫినిష్‌ చేస్తా'! వీడియో వైరల్‌