IPL 2024 DC Vs LSG: చెలరేగిన స్టబ్స్‌, అభిషేక్‌.. లక్నో ముందు భారీ టార్గెట్‌

ఐపీఎల్‌-2024లో తమ చివరి లీగ్ మ్యాచ్‌లో ఢిల్లీ ‍‍క్యాపిటల్స్ బ్యాటర్లు జూలు విధిల్చారు. ఈ మెగా ఈవెంట్‌లో భాగంగా అరుణ్ జైట్లీ స్టేడియం వేదికగా లక్నో సూపర్ జెయింట్స్‌తో మ్యాచ్‌లో ఢిల్లీ బ్యాటర్లు ఆకాశమే హద్దుగా చెలరేగిపోయారు. 

తొలుత బ్యాటింగ్ చేసిన ఢిల్లీ క్యాపిటల్స్ నిర్ణీత 20 ఓవర్లలో 4 వికెట్ల నష్టానికి 208 పరుగుల భారీ స్కోర్ సాధించింది. ఢిల్లీ బ్యాటర్లలో అభిషేక్ పోరెల్‌(58), ట్రిస్టన్ స్టబ్స్‌(57) అద్బుతమైన హాఫ్ సెంచరీలతో చెలరేగారు. 

వారిద్దరితో పాటు షాయ్ హోప్‌(38), కెప్టెన్ రిషబ్ పంత్‌(33) పరుగులతో రాణించారు. ఇక లక్నో బౌలర్లలో నవీన్ ఉల్ హక్ రెండు వికెట్లు పడగొట్టగా.. అర్షద్ ఖాన్‌, బిష్ణోయ్ తలా వికెట్ సాధించారు.