డర్బన్‌: దక్షిణాఫ్రికాతో జరుగుతున్న మొదటి టెస్టులో శ్రీలంక పరాజయానికి చేరువైంది. 516 పరుగుల భారీ విజయ లక్ష్యంతో రెండో ఇన్నింగ్స్‌ బరిలోకి దిగిన శ్రీలంక మ్యాచ్‌ మూడో రోజు శుక్రవారం ఆట ముగిసే సమయానికి 5 వికెట్లకు 103 పరుగులే చేసింది.కరుణరత్నే (4), నిసాంక (23), మాథ్యూస్‌ (25), కమిందు (10), ప్రభాత్‌ (1) ఇప్పటికే పెవిలియన్‌ చేరారు. దినేశ్‌ చండీమల్‌ (29 బ్యాటింగ్‌), ధనంజయ డిసిల్వ (0 బ్యాటింగ్‌) క్రీజులో ఉన్నారు. శ్రీలంక గెలుపు కోసం మరో 413 పరుగులు చేయాల్సి ఉంది. రబడ, మార్కో యాన్సెన్‌ చెరో 2 వికెట్లు పడగొట్టారు. అంతకుముందు ఓవర్‌నైట్‌ స్కోరు 132/3తో ఆట కొనసాగించిన దక్షిణాఫ్రికా తమ రెండో ఇన్నింగ్స్‌ను 5 వికెట్లకు 366 పరుగుల వద్ద డిక్లేర్‌ చేసింది. ట్రిస్టన్‌ స్టబ్స్‌ (221 బంతుల్లో 122; 9 ఫోర్లు, 2 సిక్స్‌లు), కెప్టెన్‌ తెంబా బవుమా (228 బంతుల్లో 113; 9 ఫోర్లు) సెంచరీలు నమోదు చేయడం విశేషం. స్టబ్స్‌ కెరీర్‌లో ఇది రెండో శతకం కాగా...బవుమాకు మూడోది. వీరిద్దరు నాలుగో వికెట్‌కు 249 పరుగులు జోడించారు.చదవండి: ‘గులాబీ’ బంతితో సాధనకు సిద్ధం

పోర్ట్‌ ఎలిజబెత్‌: భారత్‌ చేసింది 124/6. తక్కువ స్కోరే! దక్షిణాఫ్రికా ముందున్న లక్ష్యం 125. సులువైందే! కానీ భారత ఆఫ్‌ స్పిన్నర్‌ వరుణ్‌ చక్రవర్తి (4–0–17–5) బిగించిన ఉచ్చు సఫారీని ఓటమి కోరల్లో పడేసింది. ఈ దశలో ‘ప్లేయర్‌ ఆఫ్‌ ద మ్యాచ్‌’ ట్రిస్టన్‌ స్టబ్స్‌ (41 బంతుల్లో 47 నాటౌట్‌; 7 ఫోర్లు) చేసిన పోరాటం ఆతిథ్య జట్టును గెలిపించింది.ఆదివారం జరిగిన రెండో టి20లో దక్షిణాఫ్రికా 3 వికెట్ల తేడాతో భారత్‌పై గెలిచింది. దాంతో నాలుగు టి20ల సిరీస్‌లో రెండు జట్లు 1–1తో సమంగా నిలిచాయి. 13న సెంచూరియన్‌లో మూడో టి20 జరుగనుంది. మొదట భారత్‌ నిర్ణీత 20 ఓవర్లలో 6 వికెట్లకు 124 పరుగులు చేసింది. హార్దిక్‌ పాండ్యా (45 బంతుల్లో 39 నాటౌట్‌; 4 ఫోర్లు, 1 సిక్స్‌) మెరుగ్గా ఆడాడంతే! అనంతరం లక్ష్యఛేదనకు దిగిన సఫారీ జట్టు 19 ఓవర్లలో 7 వికెట్లు కోల్పోయి 128 పరుగులు చేసి గెలిచింది. కొయెట్జీ (9 బంతుల్లో 19 నాటౌట్‌; 2 ఫోర్లు, 1 సిక్స్‌) చేసిన కీలక పరుగులు, స్టబ్స్‌ పోరాటంతో దక్షిణాఫ్రికా పైచేయి సాధించింది. కష్టాలతో మొదలై... ఇన్నింగ్స్‌ మొదలైన తొలి ఓవర్లోనే జాన్సెన్‌ మూడో బంతికి సంజూ సామ్సన్‌ (0) క్లీన్‌బౌల్డయ్యాడు. తర్వాతి కొయెట్జీ ఓవర్‌ మూడో బంతికి అభిషేక్‌ శర్మ (4) కీపర్‌ క్యాచ్‌ నుంచి రివ్యూకెళ్లి బతికిపోయినా... మరో రెండు బంతులకే భారీ షాట్‌కు ప్రయతి్నంచి జాన్సెన్‌కు క్యాచ్‌ ఇచ్చి నిష్క్రమించాడు. దీంతో 5 పరుగులకే భారత్‌ ఓపెనర్లను కోల్పోయింది. ఈ కష్టాలు చాలవన్నట్లు కెప్టెన్ సూర్యకుమార్‌ (4) సిమ్‌లేన్‌ బౌలింగ్‌లో వికెట్ల ముందు దొరికిపోయాడు. 15 పరుగులకే టాపార్డర్‌ కూలిపోగా... పవర్‌ప్లేలో భారత్‌ 34/3 స్కోరు చేసింది. లెఫ్ట్‌ హ్యాండ్‌ బ్యాటర్స్‌ జోడీ ఠాకూర్‌ తిలక్‌ వర్మ (20 బంతుల్లో 20; 1 ఫోర్, 1 సిక్స్‌), అక్షర్‌ పటేల్‌ (21 బంతుల్లో 27; 4 ఫోర్లు) నిలదొక్కుకోకుండా మార్క్‌రమ్‌ చేశాడు. అతని బౌలింగ్‌లో తిలక్‌ షాట్‌ ఆడగా బుల్లెట్‌లా దూసుకొచ్చిన బంతిని మిల్లర్‌ గాల్లో ఎగిరి ఒంటిచేత్తో అందుకున్నాడు. అక్షర్‌ పటేల్‌ (21 బంతుల్లో 27; 4 ఫోర్లు) దురదృష్టవశాత్తూ రనౌటయ్యాడు. పీటర్‌ వేసిన 12వ ఓవర్లో హార్దిక్‌ స్ట్రెయిట్‌ డ్రైవ్‌ ఆడగా... అది నేరుగా వెళ్లి నాన్‌–స్ట్రయిక్‌ ఎండ్‌లోని వికెట్లకు తగిలింది. ఈ లోపే బంతిని అడ్డుకోబోయిన పీటర్‌ చేతికి టచ్‌ అయ్యింది. అక్షర్‌ రీప్లే వచ్చేవరకు వేచిచూడకుండా పెవిలియన్‌ వైపు నడిచాడు. దీంతో 70 పరుగులకే టీమిండియా సగం వికెట్లను కోల్పోయింది. తర్వాత వచ్చిన రింకూ (9)ను పీటరే అవుట్‌ చేశాడు. రింకూ ఆడిన షాట్‌ను షార్ట్‌ఫైన్‌ లెగ్‌లో కొయెట్జీ అందుకున్నాడు. ఎట్టకేలకు 17వ ఓవర్లో పాండ్యా బౌండరీతో జట్టు స్కోరు వందకు చేరింది. జాన్సెన్‌ వేసిన 18వ ఓవర్లో పాండ్యా 2 ఫోర్లు, ఒక సిక్స్‌ బాదాడు. చివరి రెండు డెత్‌ ఓవర్లను కొయెట్జీ, జాన్సెన్‌ చక్కగా నియంత్రించారు. పాండ్యా ఆఖరిదాకా క్రీజులో ఉన్నప్పటికీ కొయెట్జీ 19వ ఓవర్లో 3 పరుగులే ఇవ్వగా, జాన్సన్‌ ఆఖరి ఓవర్లో 6 పరుగులు వచ్చాయి. వరుణ్‌ తిప్పేసినా... సొంతగడ్డపై ప్రత్యర్థి స్వల్ప లక్ష్యమే నిర్దేశించినా... దక్షిణాఫ్రికా ఆపసోపాలు పడి గెలిచింది. హెండ్రిక్స్, కెపె్టన్‌ మార్క్‌రమ్‌ (3), జాన్సెన్‌ (7), క్లాసెన్‌ (2), మిల్లర్‌ (0)లను అవుట్‌ చేసిన వరుణ్‌ చక్రవర్తి ఆశలు రేపాడు. ఒక దశలో 64/3 వద్ద పటిష్టంగా కనిపించిన సఫారీ అంతలోనే వరుణ్‌ స్పిన్‌ ఉచ్చులో పడి 66 పరుగులకే 6 వికెట్లను కోల్పోయి ఓటమి ప్రమాదాన్ని తెచ్చుకుంది. కాసేపటికే సిమ్‌లేన్‌ (7)ను రవి బిష్ణోయ్‌ బౌల్డ్‌ చేయడంతో భారత్‌ శిబిరం ఆనందంలో మునిగితేలింది. 24 బంతుల్లో 37 పరుగులు చేయాల్సి ఉండగా, అర్ష్ దీప్ 17వ ఓవర్లో కొయెట్జీ 6, స్టబ్స్‌ 4 బాదారు. దీంతోనే సఫారీ జట్టు స్కోరు 100కు చేరింది. ఇక 18 బంతుల్లో 24 పరుగుల సమీకరణం వద్ద అవేశ్‌ బౌలింగ్‌కు దిగడంతో మ్యాచ్‌ స్వరూపమే మారింది. చెత్త బంతులేసిన అవేశ్‌ ఖాన్‌ రెండు ఫోర్లు సహా 12 పరుగులు సమర్పించుకున్నాడు. తర్వాతి ఓవర్‌ అర్ష్ దీప్ వేయగా స్టబ్స్‌ 4, 4, 0, 0, 4, 4లతో ఇంకో ఓవర్‌ మిగిలుండగానే మ్యాచ్‌ను ముగించాడు. స్కోరు వివరాలు భారత్‌ ఇన్నింగ్స్‌: సామ్సన్‌ (బి) జాన్సెన్‌ 0; అభిషేక్‌ (సి) జాన్సెన్‌ (బి) కొయెట్జీ 4; సూర్యకుమార్‌ (ఎల్బీడబ్ల్యూ) (బి) సిమ్‌లేన్‌ 4; తిలక్‌ (సి) మిల్లర్‌ (బి) మార్క్‌రమ్‌ 20; అక్షర్‌ (రనౌట్‌) 27; పాండ్యా (నాటౌట్‌) 39; రింకూ (సి) కొయెట్జీ (బి) పీటర్‌ 9; అర్ష్ దీప్ (నాటౌట్‌) 7; ఎక్స్‌ట్రాలు 14; మొత్తం (20 ఓవర్లలో 6 వికెట్లకు) 124. వికెట్ల పతనం: 1–0, 2–5, 3–15, 4–45, 5–70, 6–87. బౌలింగ్‌: జాన్సెన్‌ 4–1–25–1, కొయెట్జీ 4–0–25–1, సిమ్‌లేన్‌ 3–0–20–1, కేశవ్‌ 4–0– 24–0, మార్క్‌రమ్‌ 1–0–4–1, పీటర్‌ 4–0–20–1. దక్షిణాఫ్రికా ఇన్నింగ్స్‌: రికెల్టన్‌ (సి) రింకూ (బి) అర్ష్ దీప్ 13; హెండ్రిక్స్‌ (బి) వరుణ్‌ 24; మార్క్‌రమ్‌ (బి) వరుణ్‌ 3; స్టబ్స్‌ (నాటౌట్‌) 47; జాన్సెన్‌ (బి) వరుణ్‌ 7; క్లాసెన్‌ (సి) రింకూ (బి) వరుణ్‌ 2; మిల్లర్‌ (బి) వరుణ్‌ 0; సిమ్‌లేన్‌ (బి) బిష్ణోయ్‌ 7; కొయెట్జీ (నాటౌట్‌) 19; ఎక్స్‌ట్రాలు 6; మొత్తం (19 ఓవర్లలో 7 వికెట్లకు) 128. వికెట్ల పతనం: 1–22, 2–33, 3–44, 4–64, 5–66, 6–66, 7–86. బౌలింగ్‌: అర్ష్ దీప్ 4–0–41–1, అవేశ్‌ 3–0–23–0, హార్దిక్‌ 3–0–22–0, వరుణ్‌ 4–0–17–5, రవి బిష్ణోయ్‌ 4–0–21–1, అక్షర్‌ 1–0–2–0.

బంగ్లాదేశ్‌తో రెండో టెస్టులో దక్షిణాఫ్రికా తొలి ఇన్నింగ్స్‌ను భారీస్కోరు వద్ద డిక్లేర్‌ చేసింది. రెండో రోజు వియాన్‌ ముల్డర్‌ (105 నాటౌట్‌; 8 ఫోర్లు, 4 సిక్స్‌లు) కూడా ‘శత’క్కొట్టడంతో ఈ ఇన్నింగ్స్‌లో మొత్తం మూడు సెంచరీలు నమోదయ్యాయి. తొలి రోజే ఓపెనర్‌ టోని డి జోర్జి, వన్‌డౌన్‌ బ్యాటర్‌ ట్రిస్టన్‌ స్టబ్స్‌ శతకాలు బాదారు. ఓవర్‌నైట్‌ స్కోరు 307/2తో బుధవారం ఆట కొనసాగించిన దక్షిణాఫ్రికా 144.2 ఓవర్లలో 6 వికెట్ల నష్టానికి 575 పరుగుల వద్ద తొలి ఇన్నింగ్స్‌ను డిక్లేర్‌ చేసింది.ఓవర్‌నైట్‌ బ్యాటర్లు జోర్జి (177; 12 ఫోర్లు, 4 సిక్స్‌లు), బెడింగ్‌హామ్‌ (59; 2 ఫోర్లు, 4 సిక్స్‌లు) మూడో వికెట్‌కు 116 పరుగులు జోడించారు. వేగంగా ఆడి అర్ధసెంచరీ సాధించిన బెడింగ్‌హామ్‌ను తైజుల్‌ బౌల్డ్‌ చేశాడు. 5 పరుగుల వ్యవధిలోనే మూడు వికెట్లుజోర్జి తన శతకాన్ని డబుల్‌ సెంచరీగా మలచుకోలేకపోయాడు. 141 క్రితంరోజు స్కోరుతో ఆట కొనసాగించిన అతను 36 పరుగులు జోడించి తైజుల్‌ బౌలింగ్‌లోనే ఎల్బీగా వెనుదిరిగాడు.తన మరుసటి ఓవర్లో కైల్‌ వెరియెన్‌ (0)ను తైజుల్‌ వికెట్ల ముందు దొరకబుచ్చుకోవడంతో తొలి సెషన్‌లో 5 పరుగుల వ్యవధిలోనే మూడు వికెట్లు పడ్డాయి. జట్టు స్కోరు 400 పరుగులు దాటాక... రెండో సెషన్‌లో రికెల్టన్‌ (12) నహీద్‌ రాణా బౌలింగ్‌లో అవుటయ్యాడు. అయితే చకచకా నాలుగు వికెట్లు తీసిన ఆనందం ఆవిరయ్యేందుకు ఎంతోసేపు పట్టలేదు. రెండో సెషన్‌లో మరో వికెట్‌ పడకుండా ముల్డర్, సెనురన్‌ ముత్తుస్వామి (75 బంతుల్లో 68 నాటౌట్‌; 5 ఫోర్లు, 2 సిక్స్‌లు) ఆరో వికెట్‌కు అబేధ్యమైన భాగస్వామ్యాన్ని నిర్మించారు. ఇద్దరు 152 పరుగులు జోడించారు.దక్షిణాఫ్రికా 575/6 డిక్లేర్డ్‌ ఇక టీ విరామం తర్వాత ముత్తుస్వామి అర్ధసెంచరీ, ముల్డర్‌ సెంచరీ పూర్తి చేసుకున్న వెంటనే ఇన్నింగ్స్‌ను డిక్లేర్‌ చేశారు. లెఫ్టార్మ్‌ స్పిన్నర్‌ తైజుల్‌ ఇస్లామ్‌ (5/198) ఐదు వికెట్లు తీయగలిగాడు కానీ దాదాపు 200 పరుగులు సమర్పించుకున్నాడు. అనంతరం తొలి ఇన్నింగ్స్‌ ఆరంభించిన బంగ్లాదేశ్‌ ఆట ముగిసే సమయానికి 9 ఓవర్లలో 38 పరుగులే చేసి 4 కీలకమైన వికెట్లను కోల్పోయి పీకల్లోతు కష్టాల్లో పడింది.టాప్‌–3 బ్యాటర్లు షాద్‌మన్‌ (0), హసన్‌ (10), జాకీర్‌ హసన్‌ (2) చేతులెత్తేశారు. దక్షిణాఫ్రికా స్టార్‌ పేసర్‌ రబడ 2 వికెట్లు తీయగా, నైట్‌వాచ్‌మన్‌ హసన్‌ (3)ను స్పిన్నర్‌ కేశవ్‌ మహరాజ్‌ అవుట్‌ చేశాడు. మోమినుల్‌ హక్‌ (6 బ్యాటింగ్‌), కెప్టెన్‌ నజ్ముల్‌ హుస్సేన్‌ (4 బ్యాటింగ్‌) క్రీజులో ఉన్నారు.‘బాక్సింగ్‌ డే’ టెస్టులోచివరిసారి టెస్టుల్లో దక్షిణాఫ్రికా జట్టు స్కోరు 500 పరుగులు దాటిన సంవత్సరం 2020. ఆ ఏడాది సెంచూరియన్‌లో శ్రీలంక జట్టుతో జరిగిన ‘బాక్సింగ్‌ డే’ టెస్టులో దక్షిణాఫ్రికా 621 పరుగులకు ఆలౌటైంది.ఒకే ఇన్నింగ్స్‌లో ముగ్గురి తొలి సెంచరీలు.. అరుదైన రికార్డుఒకే ఇన్నింగ్స్‌లో ముగ్గురు బ్యాటర్లు తమ తొలి సెంచరీని నమోదు చేయడం ఇది రెండోసారి మాత్రమే. బంగ్లాదేశ్‌తో జరుగుతున్న టెస్టులో దక్షిణాఫ్రికా తరఫున టోనీ జోర్జి, స్టబ్స్, ముల్డర్‌ సెంచరీలు సాధించారు. 1948లో భారత్‌తో ఢిల్లీలో జరిగిన టెస్టులో వెస్టిండీస్‌ తరఫున గెర్రీ గోమెజ్, రాబర్ట్‌ క్రిస్టియాని, క్లేడ్‌ వాల్కట్‌ తమ తొలి సెంచరీలను నమోదు చేశారు. చదవండి: India vs New Zealand: జయమా... పరాభవమా!

చట్టోగ్రామ్‌ వేదికగా బంగ్లాదేశ్‌తో జరుగుతున్న రెండో టెస్ట్‌లో సౌతాఫ్రికా భారీ స్కోర్‌ దిశగా సాగుతోంది. తొలి రోజు ఆట ముగిసే సమయానికి ఆ జట్టు 2 వికెట్ల నష్టానికి 307 పరుగులు చేసింది. టోనీ డి జోర్జీ (141 నాటౌట్‌), ట్రిస్టన్‌ స్టబ్స్‌ (106) సెంచరీలతో కదంతొక్కారు. వీరిద్దరికీ టెస్ట్‌ల్లో ఇవి తొలి శతకాలు. ఎయిడెన్‌ మార్క్రమ్‌ (33) శుభారంభం లభించినప్పటికీ భారీ స్కోర్‌గా మలచలేకపోయాడు. టోనీ డి జోర్జీతో పాటు డేవిడ్‌ బెడింగ్హమ్‌ (18) క్రీజ్‌లో ఉన్నాడు. సౌతాఫ్రికా కోల్పోయిన రెండు వికెట్లు తైజుల్‌ ఇస్లాంకు దక్కాయి. ఈ మ్యాచ్‌లో సౌతాఫ్రికా టాస్‌ గెలిచి తొలుత బ్యాటింగ్‌ ఎంచుకుంది. కాగా, రెండు మ్యాచ్‌ల టెస్ట్‌ సిరీస్‌ కోసం సౌతాఫ్రికా బంగ్లాదేశ్‌లో పర్యటిస్తుంది. ఈ సిరీస్‌లోని తొలి మ్యాచ్‌లో సౌతాఫ్రికా 7 వికెట్ల తేడాతో ఘన విజయం సాధించింది.ఈ మ్యాచ్‌లో బంగ్లాదేశ్‌ తొలి ఇన్నింగ్స్‌లో 106 పరుగులు, రెండో ఇన్నింగ్స్‌లో 307 పరుగులు చేయగా.. సౌతాఫ్రికా తొలి ఇన్నింగ్స్‌లో 308, ఛేదనలో 106 పరుగులు చేసి విజయం సాధించింది. సౌతాఫ్రికా తొలి ఇన్నింగ్స్‌లో కైల్‌ వెర్రిన్‌ (114) మెరుపు సెంచరీతో కదంతొక్కాడు. రబాడ రెండు ఇన్నింగ్స్‌ల్లో కలిపి తొమ్మిది వికెట్లు తీసి బంగ్లాదేశ్‌ను దెబ్బకొట్టాడు.

అబుదాబి వేదిక‌గా ఐర్లాండ్‌తో జ‌రిగిన రెండో వ‌న్డేలో 174 ప‌రుగుల తేడాతో ద‌క్షిణాఫ్రికా ఘ‌న విజ‌యం సాధించింది. దీంతో మ‌రో మ్యాచ్ మిగిలూండ‌గానే మూడు టీ20ల సిరీస్‌ను 2-0 తేడాతో ప్రోటీస్ సొంతం చేసుకుంది. ఇక ఈ మ్యాచ్‌లో 344 ప‌రుగుల భారీ ల‌క్ష్యంతో బ‌రిలోకి దిగిన ఐర్లాండ్‌.. స‌ఫారీ బౌల‌ర్ల దాటికి కేవ‌లం 169 ప‌రుగుల‌కే కుప్ప‌కూలింది. ప్రోటీస్ పేస‌ర్ లిజార్డ్ విలియ‌మ్స్ 3 వికెట్లు ప‌డ‌గొట్ట‌గా.. ఎంగిడీ, జార్న్ ఫోర్టుయిన్ త‌లా రెండు వికెట్లు సాధించారు. వీరితో పాటు ముల్డ‌ర్‌, ఆండిలే ఫెహ్లుక్వాయో, బార్ట‌మ‌న్ చెరో వికెట్ ప‌డగొట్టారు. ఐరీష్ బ్యాట‌ర్ల‌లో క్రెయిగ్ యంగ్‌(29) ప‌రుగుల‌తో టాప్ స్కోర‌ర్‌గా నిలిచాడు.సెంచ‌రీతో చెల‌రేగిన స్ట‌బ్స్‌..ఇక తొలుత బ్యాటింగ్ చేసిన ద‌క్షిణాఫ్రికా నిర్ణీత 50 ఓవ‌ర్ల‌లో 4 వికెట్ల న‌ష్టానికి 343 ప‌రుగుల భారీ స్కోర్ సాధించింది. స‌ఫారీ బ్యాట‌ర్ల‌లో యువ ఆట‌గాడు ట్రిస్ట‌న్ స్ట‌బ్స్ విధ్వంస‌క‌ర సెంచ‌రీతో చెల‌రేగాడు. 81 బంతుల్లో 8 ఫోర్లు, 3 సిక్స్‌ల‌తో 112 ప‌రుగులు చేసి ఆజేయంగా నిలిచాడు. స్ట‌బ్స్‌కు ఇదే తొలి అంత‌ర్జాతీయ సెంచ‌రీ కావ‌డం విశేషం. స్ట‌బ్స్‌తో పాటు వెర్న‌య‌నే(67), ముల్డ‌ర్‌(43) కీల‌క ఇన్నింగ్స్‌లు ఆడారు. ఐర్లాండ్ బౌల‌ర్ల‌లో యంగ్‌, కాంఫ్‌హ‌ర్‌, హోయ్ త‌లా వికెట్ సాధించారు. ఇక ఇరు జ‌ట్ల మ‌ధ్య ఆఖ‌రి వ‌న్డే ఆక్టోబ‌ర్ 7న అబుదాబి వేదిక‌గా జ‌ర‌గ‌నుంది.చదవండి: T20 WC: న్యూజిలాండ్‌ చేతిలో ఘోర ఓట‌మి.. భార‌త్ సెమీస్‌ చేరాలంటే?

ఐపీఎల్‌-2024లో తమ చివరి లీగ్ మ్యాచ్‌లో ఢిల్లీ ‍‍క్యాపిటల్స్ బ్యాటర్లు జూలు విధిల్చారు. ఈ మెగా ఈవెంట్‌లో భాగంగా అరుణ్ జైట్లీ స్టేడియం వేదికగా లక్నో సూపర్ జెయింట్స్‌తో మ్యాచ్‌లో ఢిల్లీ బ్యాటర్లు ఆకాశమే హద్దుగా చెలరేగిపోయారు. తొలుత బ్యాటింగ్ చేసిన ఢిల్లీ క్యాపిటల్స్ నిర్ణీత 20 ఓవర్లలో 4 వికెట్ల నష్టానికి 208 పరుగుల భారీ స్కోర్ సాధించింది. ఢిల్లీ బ్యాటర్లలో అభిషేక్ పోరెల్‌(58), ట్రిస్టన్ స్టబ్స్‌(57) అద్బుతమైన హాఫ్ సెంచరీలతో చెలరేగారు. వారిద్దరితో పాటు షాయ్ హోప్‌(38), కెప్టెన్ రిషబ్ పంత్‌(33) పరుగులతో రాణించారు. ఇక లక్నో బౌలర్లలో నవీన్ ఉల్ హక్ రెండు వికెట్లు పడగొట్టగా.. అర్షద్ ఖాన్‌, బిష్ణోయ్ తలా వికెట్ సాధించారు.

ఐపీఎల్‌-2024లో భాగంగా అరుణ్‌జైట్లీ స్టేడియం వేదికగా రాజస్తాన్‌ రాయల్స్‌తో మ్యాచ్‌లో ఢిల్లీ క్యాపిటల్స్‌ బ్యాటర్లు విధ్వంసం సృష్టించారు. టాస్‌ ఓడి తొలుత బ్యాటింగ్‌కు దిగిన ఢిల్లీ నిర్ణీత 20 ఓవర్లలో 8 వికెట్ల నష్టానికి 221 పరుగుల భారీ స్కోర్‌ సాధించింది. ఢిల్లీ బ్యాటర్లలో ఓపెనర్లు జెక్‌ ఫ్రెజర్‌ మెక్‌ గర్క్‌(20 బంతుల్లో 50), అభిషేర్‌ పోరెల్‌(65) అదరగొట్టారు. వీరిద్దరితో పాటు ఆఖరిలో ట్రిస్టన్‌ స్టబ్స్‌ మెరుపులు మెరిపించాడు.20 బంతులు ఎదుర్కొన్న స్టబ్స్‌.. 3 ఫోర్లు, 3 సిక్స్‌లతో 41 పరుగులు చేశాడు. రాజస్తాన్‌ బౌలర్లలో రవిచంద్రన్‌ అశ్విన్‌ మూడువికెట్లు పడగొట్టగా.. చాహల్‌, బౌల్ట్‌, సందీప్‌ శర్మ తలా వికెట్‌ సాధించారు.

‘‘నేను కలిసిన అత్యంత నిస్వార్థమైన వ్యక్తుల్లో అతడూ ఒకడు. తన దగ్గరికి వచ్చిన ప్రతి ఒక్కరికీ అతడు సమయం కేటాయించగలడు. సాయం చేయడానికి 24/7 అందుబాటులోనే ఉంటాడు.ఎక్కడి హోటల్‌కు వెళ్లినా నా గదికి రెండు గదుల అవతల అతడు ఉంటాడు. నాకు ఇష్టం వచ్చినప్పుడు అక్కడికి వెళ్లవచ్చు. ప్రతి రోజూ ఉదయం అక్కడే నేను కాఫీ తాగుతాను కూడా!ఇండియన్‌ అనడం బెటర్‌నిజం చెప్పాలంటే అతడు ఆస్ట్రేలియన్‌ అనడం కంటే ఇండియన్‌ అనడం బెటర్‌. అతడికి కూడా ఇదే మాట చెబుతూ ఉంటా. నా దృష్టిలో అతడు 70 శాతం ఇండియన్‌.కేవలం 30 శాతం మాత్రమే ఆస్ట్రేలియన్‌గా ఉంటాడు’’ అంటూ ఢిల్లీ క్యాపిటల్స్‌ యువ సంచలనం, ఆసీస్‌ స్టార్‌ జేక్‌ ఫ్రేజర్‌-మెగర్క్‌ సహచర ఆటగాడు డేవిడ్‌ వార్నర్‌పై ప్రశంసలు కురిపించాడు.తనకు ఎప్పుడు ఏ అవసరం ఉన్నా వెంటనే వార్నర్‌ దగ్గరికి వెళ్లి అడిగేంత చొరవ ఉందని తెలిపాడు. సీనియర్‌ అన్న పొగరు ఏమాత్రం చూపించడని.. అందరితోనూ సరదాగా ఉంటాడని మెగర్క్‌ చెప్పుకొచ్చాడు.హైదరాబాదీలతో బంధంకాగా ఆసీస్‌ వెటరన్‌ ఓపెనర్‌ డేవిడ్‌ వార్నర్‌ ఐపీఎల్‌ ద్వారా భారతీయులకు చేరువైన విషయం తెలిసిందే. ముఖ్యంగా సన్‌రైజర్స్‌ హైదరాబాద్‌కు ఆడిన సమయంలో హైదరాబాదీలతో బంధం పెనవేసుకున్నాడు.టాలీవుడ్‌ స్టార్‌ హీరోల తెలుగు పాటలకు రీల్స్‌ చేస్తూ ఎప్పుడూ వార్తల్లో నిలిచే వార్నర్‌ భాయ్‌.. ఇటీవలే దర్శకధీరుడు రాజమౌళితో కలిసి ఓ యాడ్‌లోనూ నటించి మెప్పించాడు.ఈ నేపథ్యంలో మెగర్క్‌ వార్నర్‌ గురించి డీసీ(ఢిల్లీ క్యాపిటల్స్‌) పాడ్‌కాస్ట్‌లో మాట్లాడుతూ ఈ మేరకు వ్యాఖ్యలు చేశాడు. ఢిల్లీకి ఆడుతున్న సౌతాఫ్రికా స్టార్‌ ట్రిస్టన్‌ స్టబ్స్‌ సైతం వార్నర్‌తో తనకు మంచి అనుబంధం ఉందని.. అతడితో కలిసి గోల్ఫ్‌ ఆడటం తనకు ఇష్టమని పేర్కొన్నాడు.ఐపీఎల్‌-2024లో ఇలాకాగా ఐపీఎల్‌-2024లో ఢిల్లీ క్యాపిటల్స్‌ ఇప్పటి వరకు ఆడిన 11 మ్యాచ్‌లలో ఐదు గెలిచి పాయింట్ల పట్టికలో ఆరోస్థానంలో ఉంది. మరోవైపు.. ఈ సీజన్‌తో క్యాష్‌ రిచ్‌ లీగ్లో అరంగేట్రం చేసిన 22 ఏళ్ల జేక్‌ ఫ్రేజర్‌-మెగర్క్‌ 6 ఇన్నింగ్స్‌లో కలిపి 259 పరుగులు చేశాడు.ఇక ట్రిస్టన్‌ స్టబ్స్‌ 10 ఇన్నింగ్స్‌ ఆడి 277 రన్స్‌ చేయగా.. డేవిడ్‌ వార్నర్‌ కేవలం 7 మ్యాచ్‌లలో భాగమై 167 పరుగులు చేయగలిగాడు. ఈ సీజన్‌లో ఇప్పటి వరకు వార్నర్‌ తన స్థాయికి తగ్గ ప్రదర్శన చేయలేదు.

టీ20 ప్రపంచకప్‌-2024 కోసం సౌతాఫ్రికా తమ జట్టు ప్రకటించింది. మెగా టోర్నీ నేపథ్యంలో 15 మంది సభ్యులతో కూడిన జట్టు వివరాలను మంగళవారం వెల్లడించింది. ఐసీసీ ఈవెంట్లో ఐడెన్‌ మార్క్రమ్‌ సారథ్యంలో తలపడే టీమ్‌లో అన్రిచ్‌ నోర్జే, క్వింటన్‌ డికాక్‌లకు చోటు ఇవ్వడం గమనార్హం.కాగా ఇటీవలే వీరిద్దరిని సౌతాఫ్రికా సెంట్రల్‌ కాంట్రాక్ట్‌ నుంచి బోర్డు తప్పించిన విషయం తెలిసిందే. వెన్నునొప్పి కారణంగా పేసర్‌ ఆన్రిచ్‌ నోర్జే గతేడాది సెప్టెంబరు నుంచి అంతర్జాతీయ క్రికెట్‌కు దూరంగా ఉండగా.. వరల్డ్‌కప్‌-2023 టోర్నీ తర్వాత వన్డేలకు కూడా రిటైర్మెంట్‌ ప్రకటించాడు డికాక్‌.అన్‌క్యాప్ట్‌ ప్లేయర్ల పంట పండింది!ఇదిలా ఉంటే.. సౌతాఫ్రికా టీ20 లీగ్‌లో సత్తా చాటిన ఇద్దరు అన్‌క్యాప్ట్‌ ప్లేయర్ల పంట పండింది. ఇంతవరకు జాతీయ జట్టుకు ప్రాతినిథ్యం వహించని రియాన్‌ రికెల్టన్‌, ఒట్‌నీల్‌ బార్ట్‌మన్‌లు ఏకంగా ప్రపంచకప్‌ జట్టులో చోటు సంపాదించారు. ఎంఐ కేప్‌టౌన్‌ తరఫున రికెల్టన్‌ 530 పరుగులతో సౌతాఫ్రికా టీ20 లీగ్‌లో టాప్‌ స్కోరర్‌గా నిలవగా.. సన్‌రైజర్స్‌ ఈస్టర్న్‌కేప్‌ తరఫున బరిలోకి దిగిన బార్ట్‌మన్‌ 18 వికెట్లతో రాణించి జట్టును వరుసగా రెండోసారి చాంపియన్‌గా నిలపడంలో కీలక పాత్ర పోషించాడు.ఈ నేపథ్యంలో ఈ ఇద్దరు యువ ఆటగాళ్లకు సౌతాఫ్రికా పెద్దపీటవేయడం గమనార్హం. ఇక ఐపీఎల్‌-2024లో దుమ్ములేపుతున్న పవర్‌ హిట్టర్‌ హెన్రిచ్‌ క్లాసెన్‌, డేవిడ్‌ మిల్లర్‌, ట్రిస్టన్‌ స్టబ్స్‌లు కూడా మెగా ఈవెంట్లో భాగం కానున్నారు. కాగా జూన్‌ 1న ప్రపంచకప్‌నకు తెరలేవనుండగా.. జూన్‌ 3న సౌతాఫ్రికా న్యూయార్క్‌ వేదికగా శ్రీలంకతో తమ తొలి మ్యాచ్‌ ఆడనుంది.టీ20 ప్రపంచకప్‌-2024 కోసం సౌతాఫ్రికా జట్టు ఇదే:ఐడెన్‌ మార్క్రమ్‌(కెప్టెన్‌), ఒట్‌నీల్‌ బార్ట్‌మన్‌, గెరాల్డ్‌ కొయోట్జీ, క్వింటన్‌ డికాక్‌, జోర్న్‌ ఫార్చూన్‌, రీజా హెండ్రిక్స్‌, మార్కో జాన్సెన్‌, హెన్రిచ్‌ క్లాసెన్‌, కేశవ్‌ మహరాజ్‌, డేవిడ్‌ మిల్లర్‌, అన్రిచ్‌ నోర్జే, కగిసో రబడ, రియాన్‌ రికెల్టన్‌, తబ్రేజ్‌ షంసీ, ట్రిస్టన్‌ స్టబ్స్‌.ట్రావెలింగ్‌ రిజర్వ్స్‌: నండ్రీ బర్గర్‌, లుంగి ఎంగిడి.

ముంబై ఇండియన్స్‌తో జరుగుతున్న మ్యాచ్‌లో ఢిల్లీ బ్యాటర్లు శివాలెత్తిపోయారు. తొలుత జేక్‌ ఫ్రేసర్‌ (27 బంతుల్లో 84; 11 ఫోర్లు, 6 సిక్సర్లు), షాయ్‌ హోప్‌ (17 బంతుల్లో 41; 5 సిక్సర్లు), ఆఖర్లో ట్రిస్టన్‌ స్టబ్స్‌ (25 బంతుల్లో 48 నాటౌట్‌; 6 ఫోర్లు, 2 సిక్సర్లు) చెలరేగిపోయారు. ఫలితంగా ఢిల్లీ నిర్ణీత ఓవర్లలో 4 వికెట్ల నష్టానికి 257 పరుగుల భారీ స్కోర్‌ చేసింది. ఐపీఎల్‌లో ఢిల్లీకి ఇదే అత్యధిక స్కోర్‌. ఢిల్లీ ఇన్నింగ్స్‌లో అభిషేక్‌ పోరెల్‌ (27 బంతుల్లో 36; 3 ఫోర్లు, సిక్స్‌), రిషబ్‌ పంత్‌ (19 బంతుల్లో 29; 2 ఫోర్లు, 2 సిక్సర్లు), అక్షర్‌ పటేల్‌ (6 బంతుల్లో 11 నాటౌట్‌; సిక్స్‌) ఓ మోస్తరు స్కోర్లు చేశారు. ముంబై బౌలర్లలో లూక్‌ వుడ్‌, బుమ్రా, పియూశ్‌ చావ్లా, నబీ తలో వికెట్‌ పడగొట్టారు. ట్రిస్టన్‌ స్టబ్స్‌ ఊచకోతలూక్‌ వుడ్‌ వేసిన ఇన్నింగ్స్‌ 18వ ఓవర్‌లో ట్రిస్టన్‌ స్టబ్స్‌ పూనకం వచ్చినట్లు ఊగిపోయాడు. ఈ ఓవర్‌లో స్టబ్స్‌ ఐదు బౌండీరలు, ఓ సిక్సర్‌ కొట్టి (4,4,6,4,4,4) 26 పరుగులు పిండుకున్నాడు. స్టబ్స్‌ ధాటికి కేవలం రెండో మ్యాచ్‌ ఆడుతున్న వుడ్‌ బెంబేలెత్తిపోయాడు. ఈ మ్యాచ్‌లో తన కోటా 4 ఓవర్లు వేసిన వుడ్‌ ఓ వికెట్‌ తీసి 68 పరుగులు సమర్పించుకున్నాడు. ఫలితంగా వుడ్‌ ఐపీఎల్‌ చరిత్రలో ఐదో చెత్త గణాంకాలు నమోదు చేశాడు. ఐపీఎల్‌లో అత్యంత చెత్త బౌలింగ్‌ గణాంకాల రికార్డు మోహిత్‌ శర్మ పేరిట నమోదై ఉంది. మోహిత్‌ ఇదే సీజన్‌లో ఢిల్లీతో జరిగిన మ్యాచ్‌లో 4 ఓవర్లలో వికెట్‌ లేకుండా 73 పరుగులు సమర్పించుకున్నాడు.

ఐపీఎల్‌ 2024 సీజన్‌లో భాగంగా గుజరాత్‌ టైటాన్స్‌తో నిన్న (ఏప్రిల్‌ 24) జరిగిన రసవత్తర సమరంలో ఢిల్లీ క్యాపిటల్స్‌ 4 పరుగుల స్వల్ప తేడాతో విజయం సాధించింది. ఈ మ్యాచ్‌లో ఢిల్లీ విజయానికి రిషబ్‌ పంత్‌ (43 బంతుల్లో 88 నాటౌట్‌; 5 ఫోర్లు, 8 సిక్సర్లు, 2 క్యాచ్‌లు), అక్షర్‌ పటేల్‌ (43 బంతుల్లో 66; 5 ఫోర్లు, 4 సిక్సర్లు, 3 క్యాచ్‌లు, 3-0-28-1) ప్రత్యక్షంగా దోహదపడితే.. ట్రిస్టన్‌ స్టబ్స్‌ పరోక్షంగా ఢిల్లీ గెలుపుకు కారణమయ్యాడు. This blinder from Tristan Stubbs saved 5 runs for Delhi Capitals🔥They won the match in 4 runs!Stubbs hero for capitals..David Miller & Rashid khan, you can love to watch them any day❤️Rishabh Pant#GTvsDC #IPL2024 pic.twitter.com/UwJKCIS0Wn— Rakesh_sundarRay (@RSundarRay) April 24, 2024 ఛేదనలో గుజరాత్‌ లక్ష్యం దిశగా పయనిస్తుండగా (11 బంతుల్లో 32 పరుగులు).. స్టబ్స్‌ అద్భుత విన్యాసం చేసి సిక్సర్‌ వెళ్లాల్సిన బంతిని (18.2వ ఓవర్‌: రసిక్‌ సలాం బౌలింగ్‌లో రషీద్‌ ఖాన్‌ కొట్టిన షాట్‌) ఆపాడు. ఫలితంగా ఢిల్లీకి ఐదు పరుగులు సేవ్‌ అయ్యాయి. ఇంచుమించు ఇదే తేడాతో (4 పరుగులు) ఢిల్లీ గుజరాత్‌పై విజయం​ సాధించింది. స్టబ్స్‌ తన అద్భుత ప్రయత్నంతో ఢిల్లీని గెలిపించాడు. దీనికి సంబంధించిన వీడియో నెట్టింట వైరలవుతుంది.స్టబ్స్‌ సూపర్‌ మ్యాన్‌ ఎఫర్ట్‌ను అంతా మెచ్చుకుంటున్నారు. భారీ స్కోర్లు చేసినా చేయకపోయినా ఇలాంటి ప్రయత్నాలే మ్యాచ్‌లు గెలిపిస్తాయని నెటిజన్లు అంటున్నారు. ఈ మ్యాచ్‌లో స్టబ్స్‌ బ్యాట్‌తోనూ రాణించాడు. ఇన్నింగ్స్‌ చివర్లో వచ్చి (7 బంతుల్లో 3 ఫోర్లు, 2 సిక్సర్ల సాయంతో 26 పరుగులు నాటౌట్‌) రిషబ్‌ పంత్‌తో కలిసి వీరబాదుడు బాదాడు. ఫలితంగా తొలుత బ్యాటింగ్‌ చేసిన ఢిల్లీ నిర్ణీత ఓవర్లలో 4 వికెట్ల నష్టానికి 224 పరుగులు చేసింది.గుజరాత్‌ బౌలర్లలో సందీప్‌ వారియర్‌ (3-0-15-3) ఒక్కడే రాణించాడు. మోహిత్‌ శర్మ (4-0-73-0) ఐపీఎల్‌ చరిత్రలో అత్యధిక పరుగులు సమర్పించుకున్న బౌలర్‌గా చెత్త రికార్డును మూటగట్టుకున్నాడు. అనంతరం భారీ లక్ష్య ఛేదనలో గుజరాత్‌ సైతం అద్భుతంగా పోరాడింది. సాహా (39), సాయి సుదర్శన్‌ (65), మిల్లర్‌ (55), రషీద్‌ ఖాన్‌ (21 నాటౌట్‌), సాయికిషోర్‌ (13 నాటౌట్‌) గుజరాత్‌ను గెలిపించేందుకు విఫలయత్నం చేశారు. ఆఖర్లో స్టబ్స్‌ అద్భుత ప్రయత్నం గుజరాత్‌కు మ్యాచ్‌ను దూరం చేసింది. రషీద్‌ కొట్టిన ఆ షాట్‌ సిక్సర్‌ అయ్యుంటే గుజరాత్‌ ఈ మ్యాచ్‌ తప్పక గెలిచుండేది.అంతిమంగా గుజరాత్‌ నిర్ణీత ఓవర్లలో 8 వికెట్ల నష్టానికి 220 పరుగులు చేసి లక్ష్యానికి 5 పరుగుల దూరంలో నిలిచిపోయింది. ఢిల్లీ బౌలర్లలో రసిక్‌ సలాం (4-0-44-3), కుల్దీప్‌ యాదవ్‌ (4-0-29-2), అక్షర్‌ పటేల్‌ (3-0-28-1), నోర్జే (3-0-48-1), ముకేశ్‌ కుమార్‌ (4-0-41-1) వికెట్లు తీశారు. ఈ గెలుపుతో ఢిల్లీ ఆరో స్థానానికి జంప్‌ కొట్టింది. గుజరాత్‌ ఏడో ప్లేస్‌లో నిలిచింది.

సౌతాఫ్రికా టీ20 లీగ్‌లో సన్‌రైజర్స్ ఈస్టర్న్ కేప్ జట్టు తొలి విజయం నమోదు చేసింది. ఈ టోర్నీలో భాగంగా మంగళవారం ఎంఐ కేప్‌టౌన్‌తో జరిగిన మ్యాచ్‌లో 4 వికెట్ల తేడాతో సన్‌రైజర్స్ విజయం సాధించింది. 159 పరుగుల విజయం లక్ష్యంతో బరిలోకి ఈస్టర్న్ కేప్ 19.3 ఓవర్లలో 6వికెట్లు కోల్పోయి చేధించింది. ఇక సన్‌రైజర్స్ గెలుపులో ఆ జట్టు కెప్టెన్‌ ఎయిడెన్ మార్కరమ్‌ కీలక పాత్ర పోషించాడు. తొలుత బౌలింగ్‌లో రెండు వికెట్లు పడగొట్టిన మార్క్రమ్.. అనంతరం బ్యాటింగ్‌లో అద్భుతమైన ప్రదర్శన కనబరిచాడు. ఈ మ్యాచ్‌లో 35 బంతులు ఎదుర్కొన్న మార్కరమ్‌ 7 ఫోర్లు సాయంతో 50 పరుగలు సాధించాడు. అతడితో పాటు సరేల్ ఎర్వీ(41), స్టబ్స్‌(30) పరుగులతో రాణించారు. ఎంఐ కేప్‌టౌన్‌ బౌలర్లలో ఒడియన్‌ స్మిత్‌ మూడు, సామ్‌ కుర్రాన్‌ రెండు, రషీద్‌ ఖాన్‌ ఒక్క వికెట్‌ సాధించారు. ఇక తొలుత బ్యాటింగ్‌ చేసిన ఎంఐ కేప్‌టౌన్‌ నిర్ణీత 20 ఓవర్లలో 8 వికెట్లు కోల్పోయి 158 పరుగులు చేసింది. కాగా కేప్‌టౌన్‌  52 పరుగులకే 4 వికెట్లు కోల్పోయి పీకల్లోతు కష్టాల్లో పడింది. ఈ క్రమంలో రాసీ వాన్ డర్ డస్సెన్ (29), లిండే(63) అద్భుత ఇన్నింగ్స్‌లతో జట్టుకు గౌరవప్రదమైన స్కోర్‌ను అందించారు. కాగా ఈస్టర్న్ కేప్ బౌలర్లలో బార్ట్‌మాన్ మూడు వికెట్లు, మగాల, మార్కరమ్‌ తలా రెండువికెట్లు పడగొట్టారు. చదవండి: IND vs NZ: న్యూజిలాండ్‌తో తొలి వన్డే.. సూర్యకుమార్‌కు నో ఛాన్స్‌! కిషన్‌కు చోటు

ఇండోర్‌ వేదికగా దక్షిణాఫ్రికాతో జరిగిన మూడో టీ20లో టీమిండియా 49 పరుగుల తేడాతో పరాజాయం పాలైంది. కాగా ఈ మ్యాచ్‌లో భారత పేసర్‌ దీపక్‌ చాహర్‌ క్రీడా స్పూర్తిని ప్రదర్శించాడు. సౌతాఫ్రికా ఆటగాడు ట్రిస్టాన్‌ స్టబ్స్‌ను రనౌట్‌(మన్కడింగ్‌) చేసే అవకాశం ఉన్నప్పటికీ.. అఖరి నిమిషంలో తన మనసును చాహర్‌ మార్చుకున్నాడు. జరిగిందంటే.. దక్షిణాఫ్రికా ఇన్నింగ్స్‌ 16వ ఓవర్‌లో తొలి బంతి వేయడానికి దీపక్‌ చాహర్‌ సిద్దమయ్యాడు. ఈ క్రమంలో నాన్‌స్ట్రయికర్ ఎండ్‌లో ఉన్న ట్రిస్టాన్ స్టబ్స్.. బౌలర్‌ను గమనించకుండా క్రీజు వదిలి చాలా దూరం ముందుకు వెళ్లాడు. ఈ విషయాన్ని గమనించిన చాహర్.. బంతిని వేయకుండా ఆపేసి రనౌట్‌ చేస్తానని నవ్వుతూ హెచ్చరించాడు. ఇందుకు సంబంధించిన వీడియో సోషల్‌ మీడియాలో వైరల్‌గా మారింది.  కాగా దీపక్‌ క్రీడా స్పూర్తికి అభిమానులు ఫిదా అవుతున్నారు. ఇక భారత స్టార్‌ మహిళా స్టార్‌ ఆల్‌రౌండర్‌ దీప్తి శర్మ.. మూడో వన్డే సందర్భంగా ఇంగ్లండ్‌ క్రికెటర్‌ చార్లీ డీన్‌ను రనౌట్ (మన్కడింగ్) చేసిన సంగతి తెలిసిందే. అయితే ఈ రనౌట్‌పై రాజుకున్న వివాదం ఇంకా చల్లారలేదు. Not Mankading! The ever smiling and dashing Deepak Chahar maintains the rule, law, spirit, fairness, glory and beauty of cricket! Respect ✊ #INDvSA #ICC2022 #BCCI #CricketTwitter #respect #chennaisuperkings #mankad pic.twitter.com/8pT4SXleEY — Narasimha R N (@NarasimhaRN5) October 4, 2022 చదవండి: IND Vs SA: రోహిత్‌ శర్మ చెత్త రికార్డు.. ప్రపంచంలోనే తొలి ఆటగాడిగా!

సౌతాఫ్రికాతో తొలి టి20లో టీమిండియాకు మంచి ఆరంభం లభించింది. టీమిండియా పేసర్లు అర్ష్‌దీప్‌ సింగ్‌, దీపక్‌ చహర్‌లు చెలరేగడంతో సౌతాఫ్రికా జట్టు 9 పరుగులకే ఐదు వికెట్లు కోల్పోయి పీకల్లోతు కష్టాల్లో పడింది. అందులో అర్ష్‌దీప్‌ మూడు వికెట్లు కాగా.. రెండు వికెట్లు దీపక్‌ చహర్‌వి ఉన్నాయి. కాగా సౌతాఫ్రికాకు టి20 క్రికెట్‌లో ఇదే అత్యంత చెత్త ఆరంభం. ఏకంగా ముగ్గురు బ్యాటర్లు గోల్డెన్‌ డక్‌గా వెనుదిరగడం విశేషం. రొసో, మిల్లర్‌, ట్రిస్టన్‌ స్టబ్స్‌లు తాము ఎదుర్కొన్న తొలి బంతికే వెనుదిరిగారు. ఇక అర్షదీప్‌ సింగ్‌.. టీమిండియా సీనియర్‌ ఆటగాడు శిఖర్‌ ధావన్‌ను గుర్తుకు తెచ్చాడు. ఇన్నింగ్స్‌ మూడో ఓవర్లో దీపక్‌ చహర్‌ బౌలింగ్‌లో ట్రిస్టన్‌ స్టబ్స్‌ భారీ షాట్‌కు యత్నించగా.. థర్డ్‌మన్‌లో ఉన్న అర్ష్‌దీప్‌ క్యాచ్‌ అందుకున్నాడు. దీంతో అర్ష్‌దీప్‌ క్యాచ్‌ అందుకున్న సంతోషంలో తొడ కొట్టి మీసం మెలేశాడు. కాగా టీమిండియా గబ్బర్‌ శిఖర్‌ ధావన్‌ క్యాచ్‌ పట్టిన ప్రతీసారి తొడగొట్టడం అలవాటు. ప్రస్తుతం దీనికి సంబంధించిన ఫోటో సోషల్‌ మీడియాలో వైరల్‌గా మారింది.

SA20 auction- Tristan Stubbs Most Expensive Player: టీ20 క్రికెట్‌కు పెరుగుతున్న ఆదరణ దృష్ట్యా దక్షిణాఫ్రికాలోనూ సౌతాఫ్రికా టీ20 లీగ్‌ పేరిట వచ్చే ఏడాది పొట్టి ఫార్మాట్‌ టోర్నీ ఆరంభం కానుంది. ఇందుకు సంబంధించి సోమవారం ఆటగాళ్ల వేలం జరిగింది. ఈ కార్యక్రమంలో సన్‌రైజర్స్‌ ఫ్రాంఛైజీ యజమాని కావ్య మారన్‌ ప్రత్యేక ఆకర్షణగా నిలిచారు. సన్‌రైజర్స్‌ ఈస్టర్న్‌ కేప్‌ కాగా సౌతాఫ్రికా టీ20 లీగ్‌లో భాగంగా ఇండియన్‌ ప్రీమియర్‌ లీగ్‌ ఫ్రాంఛైజీ సన్‌రైజర్స్‌ హైదరాబాద్‌..  పోర్ట్‌ ఎలిజబెత్‌ ఫ్రాంఛైజీని సొంతం చేసుకున్న విషయం తెలిసిందే. ఈ క్రమంలో తమ జట్టుకు సన్‌రైజర్స్‌ ఈస్టర్న్‌ కేప్‌గా నామకరణం చేసిన యాజమాన్యం.. నిబంధనల ప్రకారం వేలానికి ముందే ఇద్దరు ప్రొటిస్‌ ఆటగాళ్లతో ఒప్పందం చేసుకుంది. ఐపీఎల్‌లో ఎస్‌ఆర్‌హెచ్‌కు ప్రాతినిథ్యం వహిస్తున్న ఎయిడెన్‌ మార్కరమ్‌తో పాటు డెత్‌ఓవర్ల స్పెషలిస్టు ఒట్‌నీల్‌ బార్టమన్‌(అన్‌క్యాప్డ్‌)ను ఎంపిక చేసుకుంది. ఈ క్రమంలో కేప్‌టౌన్‌లో జరిగిన సోమవారం నాటి వేలంలో దక్షిణాఫ్రికా పవర్‌ హిట్టర్‌ ట్రిస్టన్‌ స్టబ్స్‌ కోసం సన్‌రైజర్స్‌.. ఎంఐ కేప్‌టౌన్‌(ముంబై ఇండియన్స్‌) యాజమాన్యంతో తీవ్రంగా పోటీ పడింది. అత్యధిక ధర! ఎట్టకేలకు సొంతం ఎట్టకేలకు 9.2 మిలియన్‌ సౌతాఫ్రికా ర్యాండ్‌లు(భారత కరెన్సీలో సుమారు 4.1 కోట్లు) వెచ్చించి ట్రిస్టన్‌ను సొంతం చేసుకుంది. ఇక ఈ యువ వికెట్‌ కీపర్‌ తమ జట్టు సొంతమైనట్లు నిర్వాహకులు ప్రకటించగానే కావ్య మారన్‌ ముఖం ఆనందంతో వెలిగిపోయింది.  చిరునవ్వులు చిందిస్తూ ఆమె మురిసిపోయిన తీరు అభిమానులకు ఆకట్టుకుంది. ఇందుకు సంబంధించిన వీడియో సోషల్‌ మీడియాలో వైరల్‌ అవుతోంది. కాగా ఈ వేలంలో అత్యధిక ధర పలికిన ఆటగాడిగా 22 ఏళ్ల ట్రిస్టన్‌ స్టబ్స్‌ నిలిచాడు.  ఇక ట్రిస్టన్‌ స్టబ్స్‌ ఐపీఎల్‌-2022లో ముంబై ఇండియన్స్‌కు ప్రాతినిథ్యం వహించిన విషయం తెలిసిందే. లెఫ్టార్మ్‌ పేసర్‌ టైమల్‌ మిల్స్‌ స్థానంలో అతడు జట్టులోకి వచ్చాడు. అయితే, సౌతాఫ్రికా లీగ్‌లో భాగంగా అతడు సన్‌రైజర్స్‌ ఈస్టర్న్‌కేప్‌నకు ప్రాతినిథ్యం వహించనుండటం విశేషం. ఈ విషయంపై ట్రిస్టన్‌ స్టబ్స్‌ స్పందిస్తూ.. ‘క్రేజీగా అనిపిస్తోంది. పోర్ట్‌ ఎలిజబెత్‌లోనే నా కెరీర్‌లో చాలా మ్యాచ్‌లు ఆడాను. ఇప్పుడు ఆ జట్టుకు ఆడనుండటం ఎంతో ఆనందాన్నిస్తోంది’’ అని హర్షం వ్యక్తం చేశాడు. చదవండి: IND Vs AUS T20 Series: టీమిండియాకు ఆరో బౌలర్ దొరికేశాడు.. ఎవరంటే?! టీ20లలో రోహిత్‌ తర్వాత అరంగ్రేటం.. ఇప్పటికే రిటైరైన 10 మంది భారత ఆటగాళ్లు వీరే! హెడ్‌కోచ్‌ సైతం.. Teams battle in auction to get the services of 22 year old Tristan Stubbs.#TristanStubbs#SA20Auction#SA20 #INDvAUS pic.twitter.com/NAF4dTxd5N — Cricket Videos🏏 (@Crickket__Video) September 19, 2022 The 22-year old Tristan Stubbs expresses his joy after being picked up by #SEC in the #SA20Auction! 🧡 #SunrisersEasternCape #OrangeArmy #TristanStubbs pic.twitter.com/9Ij4rDiPe0 — Sunrisers Eastern Cape (@SunrisersEC) September 19, 2022

సౌతాఫ్రికా యువ ఆటగాడు ట్రిస్టన్‌ స్టబ్స్‌ హండ్రెడ్‌ టోర్నమెంట్‌లో భాగంగా ట్రెంట్‌ రాకెట్స్‌తో జరిగిన మ్యాచ్‌లో ప్రత్యర్థి బౌలర్లను ఊచకోత కోశాడు. క్రీజులో ఉన్నది కాసేపే అయినా వరుస సిక్సర్లతో స్టేడియాన్ని హోరెత్తించాడు. అతని ఇన్నింగ్స్‌ ధాటికి మాంచెస్టర్‌ ఒరిజినల్స్‌ భారీ స్కోరు సాధించింది. మాంచెస్టర్‌ ఇన్నింగ్స్‌లో 76 బంతుల వరకు ఒక్క సిక్సర్‌ కూడా రాలేదు. ఈ దశలో స్టబ్స్‌ తబ్రెయిజ్‌ షంసీ బౌలింగ్‌లో వరుసగా నాలుగు బంతులను సిక్సర్లు బాదాడు. అలా 10 బంతుల్లో 27 పరుగుల చేసి ఔటయ్యాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇక మ్యాచ్‌ విషయానికి వస్తే.. తొలుత బ్యాటింగ్‌ చేసిన మాంచెస్టర్‌ ఒరిజినల్స్‌ 100 బంతుల్లో 3 వికెట్ల నష్టానికి 189 పరుగులు చేసింది. సాల్ట్‌ 46 బంతుల్లో 70 నాటౌట్‌, జాస్‌ బట్లర్‌ 41 పరుగులు రాణించగా.. చివర్లో స్టబ్స్‌ 10 బంతుల్లో 4 సిక్సర్లతో 27 పరుగులు చేశాడు. అనంతరం బ్యాటింగ్‌ చేసిన ట్రెంట్‌ రాకెట్స్‌ 94 బంతుల్లో 2 వికెట్లు మాత్రమే కోల్పోయి లక్ష్యాన్ని అందుకుంది. డేవిడ్‌ మలాన్‌(44 బంతుల్లో 98 నాటౌట్‌, 3 ఫోర్లు, 9 సిక్సర్లు) దాటిగా ఆడి జట్టు విజయంలో కీలకపాత్ర పోషించగా.. అలెక్స్‌ హేల్స్‌ 38, టామ్‌ కోహ్లెర్‌ 30 పరుగులు చేశారు. GIF Of MI Original Blood Tristan Stubbs 4 Balls 4 Sixes . A Thread (1/1) pic.twitter.com/3Docwv798I — Prof. Boies Pilled Bell 🪄 (@Lil_Boies45) August 13, 2022 2/2 pic.twitter.com/3VlWEo2aLd — Prof. Boies Pilled Bell 🪄 (@Lil_Boies45) August 13, 2022 4/4 pic.twitter.com/kNQM67jG9g — Prof. Boies Pilled Bell 🪄 (@Lil_Boies45) August 13, 2022

England vs South Africa, 3rd T20I: ఇంగ్లండ్‌తో మూడో టీ20 మ్యాచ్‌లో దక్షిణాఫ్రికా యువ ఆటగాడు ట్రిస్టన్‌ స్టబ్స్‌ అద్భుత క్యాచ్‌తో మెరిశాడు. కళ్లు చెదిరే రీతిలో ఒంటిచేత్తో బంతిని ఒడిసి పట్టి ప్రత్యర్థి బ్యాటర్‌ ఆట కట్టించాడు. ఇందుకు సంబంధించిన వీడియో సోషల్‌ మీడియాలో వైరల్‌ అవుతోంది. కాగా దక్షిణాఫ్రికా ఇంగ్లండ్‌ పర్యటనలో భాగంగా ఇరు జట్ల మధ్య ఆదివారం ఆఖరి టీ20 జరిగింది. సౌతాంప్టన్‌ వేదికగా సాగిన ఈ మ్యాచ్‌లో ఆతిథ్య ఇంగ్లండ్‌ టాస్‌ గెలిచి తొలుత బౌలింగ్‌ ఎంచుకుంది. ఈ క్రమంలో ఓపెనర్‌ హెండ్రిక్స్‌(70 పరుగులు)కు తోడు మార్కరమ్‌ అజేయ అర్ధ శతకంతో రాణించడంతో ప్రొటిస్‌ భారీ స్కోరు చేయగలిగింది. నిర్ణీత 20 ఓవర్లలో 5 వికెట్ల నష్టానికి 191 పరుగులు చేసింది. ఇక లక్ష్య ఛేదనకు దిగిన బట్లర్‌ బృందానికి దక్షిణాఫ్రికా బౌలర్లు చుక్కలు చూపించారు. ముఖ్యంగా తబ్రేజ్‌ షంసీ 5 వికెట్లు పడగొట్టి ఇంగ్లండ్‌ పతనం శాసించాడు. దీంతో 16.4 ఓవర్లకే ఇంగ్లండ్‌ కథ ముగిసిపోయింది. 90 పరుగుల తేడాతో మూడో టీ20లో గెలిచి.. దణాఫ్రికా సిరీస్‌ను కైవసం చేసుకుంది. ఇంగ్లండ్‌ ఆటగాళ్లలో జానీ బెయిర్‌స్టో 27 పరుగులతో టాప్‌ స్కోరర్‌గా నిలవగా.. ప్రొటిస్‌ బౌలర్‌ షంసీ ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు.   హైలెట్‌ క్యాచ్‌.. ఇదిలా ఉంటే.. ఇంగ్లండ్‌ టాపార్డర్‌ కుప్పకూలిన వేళ.. ఐదో స్థానంలో బ్యాటింగ్‌కు దిగాడు మొయిన్‌ అలీ. అతడైనా జట్టును ఆదుకుంటాడని భావిస్తే.. పదో ఓవర్‌లోనే అవుటయ్యాడు. మార్కరమ్‌ బౌలింగ్‌లో బంతిని అలీ గాల్లోకి లేపగానే.. స్టబ్స్‌ ఏమాత్రం ఆలస్యం చేయకుండా దూసుకువచ్చాడు. గాల్లోకి ఎగిరి ఒంటిచేత్తో బంతిని ఒడిసిపట్టాడు. అసాధ్యమనుకున్న క్యాచ్‌ను విజయవంతంగా అందుకుని ఆటగాళ్లతో పాటు ప్రేక్షకులను ఆశ్చర్యపరిచాడు. సంచలన క్యాచ్‌తో మ్యాచ్‌లో హైలెట్‌గా నిలిచాడు. One of the best catches you'll ever see 👏 Scorecard/clips: https://t.co/kgIS4BWSbC 🏴󠁧󠁢󠁥󠁮󠁧󠁿 #ENGvSA 🇿🇦 pic.twitter.com/FBlAOf3HUM — England Cricket (@englandcricket) July 31, 2022 ఇందుకు సంబంధించిన వీడియోను ఇంగ్లండ్‌ క్రికెట్‌ బోర్డు సోషల్‌ మీడియాలో షేర్‌ చేసింది. ఇలాంటి అత్యుత్తమ క్యాచ్‌ ఎప్పుడూ చూసి ఉండరు అని పేర్కొంది. ఇందుకు.. నెటిజన్లు తమదైన శైలిలో స్పందిస్తున్నారు. సూపర్‌మాన్‌ అంటూ స్టబ్స్‌ను కొనియాడుతున్నారు. కాగా.. ఈ మ్యాచ్‌లో బ్యాటర్‌గా మాత్రం స్టబ్స్‌ విఫలమయ్యాడు. 4 బంతుల్లో 8 పరుగులు చేసి అవుటయ్యాడు. అయితే, మొదటి టీ20 మ్యాచ్‌లో మాత్రం అతడి అద్భుత ఇన్నింగ్స్‌ను ఎవరూ అంత తేలికగా మర్చిపోలేరు. ఈ మ్యాచ్‌లో స్టబ్స్‌ 28 బంతుల్లోనే రెండు ఫోర్లు, 8 సిక్సర్ల సాయంతో 72 పరుగులు చేశాడు. కానీ జట్టును గెలిపించలేకపోయాడు.   చదవండి: IND VS WI: రెండో టీ20కి ముందు రోహిత్‌ను ఊరిస్తున్న ప్రపంచ రికార్డు India Probable XI: అలా అయితే అయ్యర్‌పై వేటు తప్పదు! ఓపెనర్‌గా మళ్లీ అతడే!?

బుధవారం బ్రిస్టల్‌ వేదికగా ఇంగ్లండ్‌తో జరగిన తొలి టీ20లో దక్షిణాఫ్రికా 41 పరుగుల తేడాతో ఓటమి చెందింది. అయితే ప్రోటిస్ పరాజయం పాలైన ప్పటికీ ఆ జట్టు యువ ఆల్‌ రౌండర్‌ ట్రిస్టన్ స్టబ్స్ మాత్రం ఇంగ్లండ్‌కు వణుకు పుట్టించాడు. 21 ఏళ్ల స్టబ్స్  కేవలం 28 బంతుల్లోనే 72 పరుగులు సాధించి ఇంగ్లండ్‌ బౌలర్లకు చుక్కలు చూపించాడు. అతడి ఇన్నింగ్స్‌లో 2 ఫోర్లు, 8 సిక్స్‌లు ఉన్నాయి. ఈ క్రమంలో దక్షిణాఫ్రికా తరపున ఇంగ్లండ్‌పై అర్ధశతకం సాధించిన అతి పిన్న వయస్కుడిగా స్టబ్స్  నిలిచాడు. ఇక తొలుత బ్యాటింగ్‌ చేసిన ఇంగ్లండ్‌.. బెయిర్‌ స్టో(90), మొయిన్‌ అలీ(52) పరుగులతో చెలరేగడంతో నిర్ణీత 20 ఓవర్లలో 6 వికెట్లకు 234 పరుగులు చేసింది. అనంతరం 235 పరుగుల లక్ష్యంతో బరిలోకి దిగిన ప్రోటిస్‌ 86 పరుగులకే నాలుగు కీలక వికెట్లు కోల్పోయి కష్టాల్లో పడింది. ఈ సమయంలో క్రీజులోకి వచ్చిన స్టబ్స్ ఇంగ్లండ్‌ బౌలర్లను ఊచకోత కోశాడు.  స్టుబ్స్ చెలరగేడంతో ఇంగ్లండ్ ఒక దశలో ఓడిపోయేలా కనిపించింది. అయితే గ్లెసిన్‌ బౌలింగ్‌ స్టబ్స్‌ ఔట్‌ కావండంతో విజయం ఇంగ్లండ్‌ సొంతమైంది. ఇక ఇది ఇలా ఉండగా.. ఐపీఎల్‌లో ముంబై ఇండియన్స్‌కు  స్టబ్స్‌ ప్రాతినిధ్యం వహిస్తున్నాడు. ఈ ఏడాది సీజన్‌ మధ్యలో గాయపడిన టైమల్‌ మిల్స్‌ స్థానంలో స్టబ్స్‌ను ముంబై భర్తీ చేసుకుంది. కాగా ఒకటెండ్రు మ్యాచ్‌ల్లో అవకాశం లభించినా స్టబ్స్‌ ఉపయోగించుకోలేకపోయాడు. అయితే వచ్చే ఏడాది సీజన్‌లో మాత్రం స్టబ్స్‌ దుమ్ము రేపుతాడని అభిమానులు సోషల్‌ మీడియాలో కామెంట్లు చేస్తున్నారు. స్టబ్స్‌ తుపాన్‌ ఇన్నింగ్స్‌తో ముంబై ఫుల్‌ జోష్‌లో ఉంటుందని మరి కొంత మంది అభిప్రాయపడుతున్నారు. చదవండి: ENG vs SA: టీ20‍ల్లో మొయిన్‌ అలీ అరుదైన రికార్డు.. ఇంగ్లండ్‌ తొలి ఆటగాడిగా! Stubbs-Brevis-David 🔥🔥🔥 Future of MI Verma agar 2 overs daalega aur David bhi waise hi karega toh inn 3 logon ko le sakte hai. Warna Daniel Sams toh hai hi https://t.co/3R2ARqz1gf — Vinesh Prabhu (@vlp1994) July 28, 2022