Harshal Patel: ఐపీఎల్‌ చరిత్రలో రెండో బౌలర్‌గా హర్షల్‌ పటేల్‌

ఐపీఎల్‌లో ఆర్‌సీబీ బౌలర్‌ హర్షల్‌ పటేల్‌ అరుదైన ఫీట్‌ సాధించాడు. ఐపీఎల్‌ చరిత్రలో  వరుసగా రెండు మెయిడెన్‌ ఓవర్లు వేసిన రెండో బౌలర్‌గా హర్షల్‌ పటేల్‌ చరిత్ర సృష్టించాడు. ఐపీఎల్‌ 2022లో భాగంగా కేకేఆర్‌తో మ్యాచ్‌లో హర్షల్‌ ఈ ఫీట్‌ అందుకున్నాడు. ఇంతకముందు ఆర్‌సీబీకే చెందిన మహ్మద్‌ సిరాజ్‌ అదే కేకేఆర్‌పై ఐపీఎల్‌ 2020లో తన వరుస రెండు ఓవర్లను మెయిడెన్‌ వేసి తొలి బౌలర్‌గా ఉన్నాడు.

ఇక 12వ ఓవర్‌లో బౌలింగ్‌కు వచ్చిన హర్షల్‌ ఆ ఓవర్‌ను మెయిడెన్‌ వేశాడు. అంతేకాదు తన తొలి ఓవర్‌లోనే సామ్‌ బిల్లింగ్స్‌ను ఔట్‌ చేశాడు. ఆ తర్వాత రెండో ఓవర్‌ను కూడా మెయిడెన్‌ వేసిన హర్షల్‌ ఈసారి రసెల్‌ రూపంలో రెండో వికెట్‌ తీసుకున్నాడు. మొత్తంగా రెండు ఓవర్లు ముగిసేసరికి హర్షల్‌ స్పెల్‌ 2-2-0-2గా ఉంది. ఏ క్రికెటర్‌కైనా ఇది బెస్ట్‌ స్పెల్‌ అని చెప్పొచ్చు. ఆ తర్వాత మూడో ఓవర్‌నూ దాదాపు అదే రీతిలో బౌల్‌ చేసిన హర్షల్‌.. ఓవరాల్‌గా తన కోటా బౌలింగ్‌ను (4-2-11-2)తో ముగించాడు. 

చదవండి: IPL 2022: క్రికెట్‌ చరిత్రలోనే అత్యంత చెత్త రివ్యూగా మిగిలిపోనుంది

పవర్‌ ప్లేను కూడా వదలని ఎస్‌ఆర్‌హెచ్‌.. ఇంకెన్ని చూడాలో!