మెరిసిన శ్రేయ‌స్‌.. మ‌రో సిరీస్‌ను క్లీన్ స్వీప్ చేసిన టీమిండియా

లంక నిర్ధేశించిన 147 ప‌రుగుల టార్గెట్‌ను ఛేదించేందుకు బ‌రిలోకి దిగిన టీమిండియా మ‌రో 19 బంతులు మిగిలుండ‌గానే ల‌క్ష్యాన్ని చేరుకుని 3 మ్యాచ్‌ల సిరీస్‌ను 3-0 తేడాతో క్లీన్ స్వీప్ చేసింది. ఈ విజ‌యంతో టీమిండియా వ‌రుస‌గా 12వ మ్యాచ్‌లో విజ‌యం సాధించి అఫ్ఘానిస్థాన్ పేరిట ఉన్న అత్య‌ధిక వ‌రుస విజ‌యాల రికార్డును స‌మం చేసింది. శ్రేయ‌స్ అయ్య‌ర్ (45 బంతుల్లో 73; 9 ఫోర్లు, సిక్స‌ర్‌) సిరీస్‌లో వ‌రుస‌గా మూడో హాఫ్ సెంచ‌రీ బాది టీమిండియాను విజ‌య‌తీరాల‌కు చేర్చాడు. 

మ‌రో ఎండ్‌లో ర‌వీంద్ర జ‌డేజా (15 బంతుల్లో 22 నాటౌట్‌) శ్రేయ‌స్‌కు స‌హ‌క‌రించాడు. టీ20ల్లో తొలిసారి బ్యాటింగ్‌కు దిగిన దీప‌క్ హుడా (16 బంతుల్లో 21; ఫోర్‌, సిక్స్‌) ప‌ర్వాలేద‌నిపించాడు. లంక బౌల‌ర్ల‌లో కుమార 2, చ‌మీరా, క‌రుణ‌ర‌త్నే త‌లో వికెట్ ప‌డ‌గొట్టారు. అంత‌కుముందు ద‌సున్ శ‌న‌క (37 బంతుల్లో 9 ఫోర్లు, 2 సిక్స‌ర్ల‌తో 74 నాటౌట్‌) ఒంటిరి పోరాటం చేయ‌డంతో మూడో టీ20లో లంక జ‌ట్టు గౌర‌వ‌ప్ర‌ద‌మైన స్కోర్ చేయ‌గ‌లిగింది. శ‌న‌క‌కు చండీమాల్(27 బంతుల్లో 2 ఫోర్ల‌తో 25) స‌హ‌క‌రించ‌డంతో లంకేయులు నిర్ణీత ఓవ‌ర్ల‌లో 5 వికెట్ల న‌ష్టానికి 146 ప‌రుగులు చేశారు. టీమిండియా బౌల‌ర్ల‌లో ఆవేశ్ ఖాన్ 2, సిరాజ్‌, హ‌ర్ష‌ల్ ప‌టేల్‌, ర‌వి బిష్ణోయ్ త‌లో వికెట్ ప‌డ‌గొట్టారు. 

కుమార వేసిన 13వ ఓవ‌ర్‌లో జ‌య‌విక్ర‌మ‌కు క్యాచ్ ఇచ్చి వెంక‌టేశ్ అయ్య‌ర్ (4 బంతుల్లో 5) ఔట‌య్యాడు. 12.2 ఓవ‌ర్ల త‌ర్వాత టీమిండియా స్కోర్ 103/4. ర‌వీంద్ర జ‌డేజాక్రీజ్‌లోని వ‌చ్చాడు. 

దూకుడుగా ఆడుతున్న దీప‌క్ హుడా (16 బంతుల్లో 21; ఫోర్‌, సిక్స్‌) 11వ ఓవ‌ర్ ఆఖరి బంతికి ల‌హీరు కుమార బౌలింగ్‌లో క్లీన్ బౌల్డ్ అయ్యాడు. అనంత‌రం 12వ ఓవ‌ర్ తొలి బంతికి భారీ సిక్స‌ర్ బాదిన శ్రేయ‌స్ అయ్య‌ర్ (29 బంతుల్లో 50; 7 ఫోర్లు, సిక్స‌ర్‌) సిరీస్‌లో వ‌రుస‌గా మూడో హాఫ్ సెంచ‌రీ బాదాడు 12 ఓవ‌ర్ల త‌ర్వాత టీమిండియా స్కోర్ 102/3. శ్రేయ‌స్‌తో పాటు క్రీజ్‌లో వెంక‌టేశ్ అయ్య‌ర్ ఉన్నాడు.

147 ప‌రుగుల టార్గెట్‌ను ఛేదించేందుకు బ‌రిలోకి దిగిన టీమిండియా ఆడుతూపాడుతూ ల‌క్ష్యం దిశ‌గా సాగుతుంది. శ్రేయ‌స్ అయ్య‌ర్ (25 బంతుల్లో 42; 5 ఫోర్లు), దీప‌క్ హుడా (14 బంతుల్లో 20; ఫోర్‌, సిక్స్‌) దూకుడుగా ఆడుతున్నారు. 10 ఓవ‌ర్ల త‌ర్వాత టీమిండియా స్కోర్ 86/2. 

147 ప‌రుగుల నామ‌మాత్ర‌పు టార్గెట్‌ను ఛేదించేందుకు బ‌రిలోకి దిగిన టీమిండియా ఏడో ఓవ‌ర్‌లో రెండో వికెట్ కోల్పోయింది. క‌రుణ‌ర‌త్నే బౌలింగ్‌లో వికెట్‌కీప‌ర్ చండీమాల్‌కు క్యాచ్ ఇచ్చి సంజూ శాంస‌న్ (12 బంతుల్లో 18; 3 ఫోర్లు) ఔట‌య్యాడు. మ‌రో ఎండ్‌లో ఉన్న శ్రేయ‌స్ అయ్య‌ర్ (18 బంతుల్లో 28; 5 ఫోర్లు) దూకుడుగా ఆడుతున్నాడు. 7 ఓవ‌ర్ల త‌ర్వాత టీమిండియా స్కోర్ 55/2. 

టీమిండియా కెప్టెన్ రోహిత్ శ‌ర్మ (9 బంతుల్లో 5) వ‌రుస‌గా రెండో మ్యాచ్‌లోనూ విఫ‌ల‌మ‌య్యాడు. ఇన్నింగ్స్ రెండో ఓవ‌ర్‌లో చ‌మీరా బౌలింగ్‌లో క‌రుణ‌ర‌త్నేకు క్యాచ్ ఇచ్చి ఔట‌య్యాడు. 2 ఓవ‌ర్ల త‌ర్వాత టీమిండియా స్కోర్ 7/1గా ఉంది. క్రీజ్‌లో శ్రేయ‌స్ అయ్య‌ర్‌, సంజూ శాంస‌న్ ఉన్నారు. 
 

కెప్టెన్ ద‌సున్ శ‌న‌క (37 బంతుల్లో 9 ఫోర్లు, 2 సిక్స‌ర్ల‌తో 74 నాటౌట్‌) ఒంటిరి పోరాటం చేయ‌డంతో మూడో టీ20లో లంక జ‌ట్టు గౌర‌వ‌ప్ర‌ద‌మైన స్కోర్ చేయ‌గ‌లిగింది. శ‌న‌క‌కు చండీమాల్(27 బంతుల్లో 2 ఫోర్ల‌తో 25) స‌హ‌క‌రించ‌డంతో లంకేయులు నిర్ణీత ఓవ‌ర్ల‌లో 5 వికెట్ల న‌ష్టానికి 146 ప‌రుగులు చేశారు. టీమిండియా బౌల‌ర్ల‌లో ఆవేశ్ ఖాన్ 2, సిరాజ్‌, హ‌ర్ష‌ల్ ప‌టేల్‌, ర‌వి బిష్ణోయ్ త‌లో వికెట్ ప‌డ‌గొట్టారు. 

లంక కెప్టెన్ శ‌న‌క (29 బంతుల్లో 51 7 ఫోర్లు) వ‌రుస‌గా రెండో మ్యాచ్‌లోనూ కెప్టెన్స్ ఇన్నింగ్స్ ఆడాడు. రెండో టీ20లోనూ ఆఖ‌ర్లో మెరుపులు మెపిరించిన శ‌న‌క ఈ మ్యాచ్‌లోనూ అద్భుత‌మైన పోరాట ప‌టిమ క‌న‌బ‌ర్చి హాఫ్ సెంచ‌రీ బాదాడు. ఫ‌లితంగా శ్రీలంక స్కోర్‌ 18.1 ఓవ‌ర్ల త‌ర్వాత‌ 119/5గా ఉంది.

టీమిండియా బౌల‌ర్ల ధాటికి లంక బ్యాట‌ర్లు పెవిలియ‌న్‌కు క్యూ క‌డుతున్నారు. హ‌ర్ష‌ల్ ప‌టేల్ వేసిన 13వ ఓవ‌ర్ తొలి బంతికి వెంక‌టేశ్ అయ్య‌ర్‌కు క్యాచ్ ఇచ్చి చండీమాల్ (27 బంతుల్లో 2 ఫోర్ల‌తో 25) ఔట‌య్యాడు. ఫ‌లితంగా లంక జ‌ట్టు 60 ప‌రుగుల‌కే స‌గం వికెట్లు కోల్పోయింది. క్రీజ్‌లో ష‌న‌క (11), క‌రుణ‌ర‌త్నే ఉన్నారు. 
 

యువ స్పిన్న‌ర్ బిష్ణోయ్ వేసిన 9వ ఓవ‌ర్లో శ్రీలంక నాలుగో వికెట్ కోల్పోయింది. బిష్ణోయ్ విసిరిన గూగ్లి బంతికి లియ‌నాగే (19 బంతుల్లో 9) క్లీన్ బౌల్డ్ అయ్యాడు. ఫ‌లితంగా శ్రీలంక 29 ప‌రుగుల‌కే 4 వికెట్లు కోల్పోయింది. క్రీజ్‌లో చండీమాల్‌, శ‌న‌క ఉన్నారు.

టాస్ గెలిచి బ్యాటింగ్‌కు దిగిన శ్రీలంక జ‌ట్టు పేక మేడ‌లా కూలుతుంది. 4 ఓవ‌ర్ల‌లో కేవ‌లం 11 ప‌రుగులు మాత్ర‌మే చేసి 3 కీల‌క‌మైన వికెట్లు కోల్పోయి క‌ష్టాల్లో కూరుకుపోయింది. 4వ ఓవ‌ర్ ఆఖ‌రి బంతికి ఆవేశ్ ఖాన్ బౌలింగ్‌లో భారీ షాట్ ఆడేందుకు ప్ర‌య‌త్నించిన అస‌లంక (6 బంతుల్లో 4) వికెట్‌కీప‌ర్ సంజూ శాంస‌న్‌కు క్యాచ్ ఇచ్చి పెవిలియ‌న్‌కు చేరాడు. క్రీజ్‌లో జ‌నిత్ లియ‌నాగే (2), చండీమాల్ ఉన్నారు.

సిరాజ్ బౌల్ చేసిన తొలి ఓవ‌ర్‌లో వికెట్ కోల్పోయిన శ్రీలంక‌.. వ‌రుస‌గా రెండో ఓవ‌ర్‌లోనూ వికెట్ చేజార్చుకుంది. ఆవేశ్ ఖాన్ బౌలింగ్‌లో వెంక‌టేశ్ అయ్య‌ర్‌కు క్యాచ్ ఇచ్చి నిస్సంక (10 బంతుల్లో 1) ఔట‌య్యాడు. 2 ఓవ‌ర్ల త‌ర్వాత లంక స్కోర్ 2 వికెట్ల న‌ష్టానికి 5 ప‌రుగులు. క్రీజ్‌లో అస‌లంక‌, లియ‌నాగే ఉన్నారు. 

టాస్ గెలిచి బ్యాటింగ్‌కు దిగిన శ్రీలంక‌కు తొలి ఓవ‌ర్‌లోనే ఎదురుదెబ్బ త‌గిలింది. సిరాజ్ బౌలింగ్‌లో లంక ఓపెన‌ర్ గుణ‌తిల‌క (0) క్లీన్ బౌల్డ్ అయ్యాడు. తొలి ఓవ‌ర్ త‌ర్వాత లంక స్కోర్ 1/1.