TV
వన్డే ప్రపంచకప్‌-2023లో ముంబై వేదికగా ఇంగ్లండ్‌తో జరుగుతున్న మ్యాచ్‌లో దక్షిణాఫ్రికా బ్యాటర్లు ఆకాశమే హద్దుగా చెలరేగిపోయారు. ప్రోటీస్‌ బ్యాటర్లు ఇంగ్లండ్‌ బౌలర్ల భరతం పట్టారు. టాస్‌ ఓడి బ్యాటింగ్‌కు దిగిన దక్షిణాఫ్రికా నిర్ణీత 50 ఓవర్లలో 7 వికెట్ల నష్టానికి 399 పరుగుల భారీ స్కోర్‌ సాధించింది.
ప్రోటీస్‌ బ్యాటర్లలో హెన్రిస్‌ క్లాసన్‌ విధ్వంసకర శతకంతో చెలరేగాడు. 67 బంతులు ఎదుర్కొన్న క్లాసెన్‌ 12 ఫోర్లు, 4 సిక్స్‌లతో 109 పరుగులు చేశాడు. అతడితో పాటు ఓపెనర్‌ రీజా హెండ్రిక్స్(85), మార్కో జాన్సెన్(75) రాస్సీ వాన్ డెర్ డస్సెన్(60), పరుగులతో అదరగొట్టారు. ఇంగ్లండ్‌ బౌలర్లలో టాప్లీ 3 వికెట్లు పడగొట్టగా.. రషీద్‌, గుస్ అట్కిన్సన్ రెండు వికెట్లు సాధించారు.
Comments
Please login to add a commentAdd a comment