IND vs NZ: సూర్యకుమార్‌పై కోహ్లి ప్రశంసలు.. వీడియో గేమ్‌ ఇన్నింగ్స్‌ అంటూ!

న్యూజిలాండ్‌తో జరిగిన రెండో టీ20లో టీమిండియా స్టార్‌ విధ్వంసకర ఇన్నింగ్స్‌ ఆడాడు. తన కెరీర్‌లో రెండో అంతర్జాతీయ సెంచరీని సూర్య నమోదు చేశాడు. ఈ మ్యాచ్‌లో 51 బంతులు ఎదుర్కొన్న సూర్యకుమార్‌ 11 ఫోర్లు, 7 సిక్స్‌లతో 111 పరుగులు చేసి ఆజేయంగా నిలిచాడు. ఇక విధ్వంసకర ఇన్నింగ్స్‌ ఆడిన సూర్యకుమార్‌పై భారత స్టార్‌ ఆటగాడు విరాట్‌ కోహ్లి ప్రశంసల వర్షం కురిపించాడు.

"సూర్య ప్రపంచంలోనే నెం1 ఆటగాడు ఎందుకు అయ్యాడో చెప్పడానికి ఈ ఒక్క ఇన్నింగ్స్‌ చాలు. నేను అతడి ఇన్నింగ్స్‌ను ప్రత్యక్షంగా చూడలేదు కానీ ఇది మాత్రం అతడి మరొక వీడియో గేమ్‌ ఇన్నింగ్స్‌" అని కోహ్లి ట్వీట్‌ చేశాడు. కాగా కోహ్లి చేసిన ఈ పోస్టు  ప్రస్తుతం వైరల్‌గా మారింది.

అతడు పోస్ట్‌ చేసిన 40 నిమిషాల్లోనే 60,000 పైగా లైక్‌లు వచ్చాయి. కాగా టీ20 ప్రపంచకప్‌-2022లో సూర్య, కోహ్లి అద్భుతమైన ఇన్నింగ్స్‌లు ఆడారు. వీరిద్దరూ కలిసి జట్టుకు కీలకమైన భాగస్వామ్యాలు నెలకొల్పారు. ఇక న్యూజిలాండ్‌తో సిరీస్‌కు విరాట్‌ కోహ్లి దూరంగా ఉన్న సంగతి తెలిసిందే.

Numero Uno showing why he's the best in the world. Didn't watch it live but I'm sure this was another video game innings by him. 😂 @surya_14kumar

— Virat Kohli (@imVkohli) November 20, 2022

చదవండి: IND vs NZ: దీపక్‌ హుడా సరికొత్త చరిత్ర.. తొలి భారత ఆటగాడిగా!