IND vs BAN: లిటన్‌ దాస్‌ కళ్లు చెదిరే క్యాచ్‌.. విరాట్‌ కోహ్లి షాక్! వీడియో వైరల్‌

టీమిండియాతో తొలి వన్డేలో బంగ్లాదేశ్‌ స్టాండింగ్‌ కెప్టెన్‌ లిటన్‌ దాస్‌ అద్భుతమైన క్యాచ్‌తో మెరిశాడు. భారత ఇన్నింగ్స్‌ 11 ఓవర్‌ వేసిన షకీబ్‌ అల్‌ హసన్‌ బౌలింగ్‌లో మూడో బంతిని విరాట్‌ కోహ్లి కవర్‌ డ్రైవ్‌ షాట్‌ ఆడటానికి ప్రయత్నించాడు. ఈ క్రమంలో కవర్స్‌లో ఫీల్డింగ్ చేస్తున్న లిటన్ దాస్ డైవ్‌ చేస్తూ ఒంటి చేత్తో అద్భుతమైన క్యాచ్‌ అందుకున్నాడు.

దీంతో ఒక్క సారిగా కోహ్లి కూడా షాక్‌కు గురయ్యాడు. ఈ మ్యాచ్‌లో కోహ్లి కేవలం 9 పరుగులు మాత్రమే చేసి పెవిలియన్‌కు చేరాడు. ఇక లిటన్‌ దాస్‌ క్యాచ్‌కు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది.

186 పరుగులకే భారత్‌ ఆలౌట్‌
ఇక ఈ మ్యాచ్‌లో టాస్‌ ఓడి బ్యాటింగ్‌కు దిగిన టీమిండియా 186 పరుగులకే ఆలౌటైంది. భారత ​బ్యాటర్లలో కేఎల్‌ రాహుల్‌ 73 పరుగులతో టాప్‌ స్కోరర్‌గా నిలిచాడు. ఇక బంగ్లా బౌలర్లలో షకీబ్‌ అల్‌ హసన్‌ ఐదు వికెట్లు, ఎబాడోత్ హుస్సేన్ నాలుగు వికెట్లు పడగొట్టారు

What a catch by Liton Das 👏👏👏🔥 But excluded from CAA.#INDvsBAN #indvsbang pic.twitter.com/JsGPoGAfgj

— Dev (@iDev__R) December 4, 2022

చదవండి: IND vs BAN: బంగ్లాదేశ్‌తో వన్డే సిరీస్‌.. రిషబ్‌ పంత్‌ దూరం! బీసీసీఐ కావాలనే తప్పించిందా?