TV
మేజర్ లీగ్ క్రికెట్‌-2024 టోర్నీలో శాన్ ఫ్రాన్సిస్కో యునికార్న్స్ జైత్ర యాత్ర కొన‌సాగుతోంది. ఆదివారం డల్లాస్‌ వేదికగా సీటెల్ ఓర్కాస్‌తో జరిగిన మ్యాచ్‌లో 6 వికెట్ల తేడాతో శాన్ ఫ్రాన్సిస్కో ఘన విజయం సాధించింది. ఈ విజయంతో ఫ్లే ఆఫ్స్‌కు శాన్ ఫ్రాన్సిస్కో అర్హత సాధించింది.
ఇక ఈ మ్యాచ్‌లో తొలుత బ్యాటింగ్‌ చేసిన సీటెల్ ఓర్కాస్‌ నిర్ణీత 20 ఓవర్లలో 7 వికెట్ల నష్టానికి 152 పరుగులు చేసింది. ఓర్కాస్‌ బ్యాటర్లలో క్వింటన్‌ డికాక్‌(33 బంతుల్లో 8, 3 సిక్స్‌లతో 62 పరుగులు) టాప్‌ స్కోరర్‌గా నిలవగా.. జయసూర్య(31) పరుగులతో పర్వాలేదన్పించాడు. శాన్‌ఫ్రాన్సిస్కో బౌలర్లలో స్పిన్నర్ హసన్‌ ఖాన్‌ 3 వికెట్ల పడగొట్టగా.. రౌక్స్‌ రెండు, కౌచ్‌, ఆండర్సన్‌ తలా వికెట్‌ సాధించారు.
ఫిన్ అలెన్ విధ్వంసం..
అనంతరం 153 పరుగుల లక్ష్యాన్ని శాన్ ఫ్రాన్సిస్కో కేవలం 4 వికెట్ల మాత్రమే కోల్పోయి 14.2 ఓవర్లలో ఊదిపడేసింది. శాన్ ఫ్రాన్సిస్కో బ్యాటర్లలో ఫిన్ అలెన్(న్యూజిలాండ్‌) విధ్వంసం సృష్టించాడు. లక్ష్య చేధనలో ఆకాశమే హద్దుగా చెలరేగిపోయాడు.
కేవలం 21 బంతుల్లోనే తన హాఫ్ సెంచరీ మార్క్‌ను అందుకున్నాడు. తద్వారా ఈ ఏడాది మేజర్ లీగ్ క్రికెట్‌లో సెకెండ్‌ ఫాస్టెస్ట్‌ హాప్‌ సెంచూరియన్‌గా అలెన్ నిలిచాడు. అంతకుముందు ఆసీస్‌ స్టార్‌, వాషింగ్టన్‌ ఫ్రీడమ్‌ ఓపెనర్‌ ట్రావిస్‌ హెడ్‌ కేవలం 20 బంతుల్లోనే ఆర్ధశతకం నమోదు చేశాడు.
ఇక ఈ మ్యాచ్‌లో ఓవరాల్‌గా 30 బంతులు ఎదుర్కొన్న అలెన్.. 8 ఫోర్లు, 6 సిక్స్‌లతో 77 పరుగులు చేసి ఔటయ్యాడు. అతడితో పాటు జోష్‌ ఇంగ్లీష్‌(24నాటౌట్‌) రాణించాడు. కాగా అలెన్ ఐపీఎల్‌లో రాయల్‌ ఛాలెంజర్స్‌ బెంగళూరుకు ప్రాతినిథ్యం వహిస్తున్న సంగతి తెలిసిందే.
Comments
Please login to add a commentAdd a comment