TV
ఆస్ట్రేలియా స్టార్ క్రికెటర్‌ స్టీవ్ స్మిత్ తెలుగు సినిమాల్లోని డైలాగులు చెప్పి అభిమానులను అలరించాడు. లండన్‌ వేదికగా భారత్‌తో జరగుతున్న డబ్ల్యూటీసీ ఫైనల్లో బీజీగా ఉన్న స్మిత్.. ఖాళీ సమయంలో స్టార్‌స్పోర్ట్స్‌-1 తెలుగుతో ముచ్చటించాడు. ఈ క్రమంలో యాంకర్‌ చెప్పిన డైలాగ్‌లను స్మిత్ తనదైన స్టైల్‌లో చెప్పి నవ్వులు పూయించాడు.
ముఖ్యంగా టాలీవుడ్‌ హీరో బాలకృష్ణ డైలాగ్‌లను స్మిత్ తనదైన మేనరిజంతో చెప్పాడు. అపాయింట్‌మెంట్ లేకుండా వస్తే వకేషన్ చూడను, లొకేషన్ చూడను “, ” డోంట్ ట్రబుల్ ది ట్రబుల్. ఇఫ్ యు ట్రబుల్ ది ట్రబుల్.. ట్రబుల్ ట్రబుల్స్ యు.. ఐయామ్ నాట్ ది ట్రబుల్, ఐయామ్ ట్రుత్ వంటి డైలాగ్‌లు స్మిత్ నోటి నుంచి వచ్చాయి.
అదే విధంగా చివరకు ” తగ్గేదేలే “.. అంటూ అల్లు అర్జున్ పుష్ప డైలాగ్ ను స్టీవ్ స్మిత్ చెప్పాడు. ఇందుకు సంబంధించిన వీడియోను స్టార్‌స్పోర్ట్స్‌-1 ట్విటర్‌లో షేర్‌ చేసింది. దీంతో ఈ వీడియో సోషల్‌ మీడియాలో వైరల్‌గా మారింది. ఇక డబ్ల్యూటీసీ ఫైనల్లో ఆస్ట్రేలియా ఆధిపత్యం కొనసాగుతోంది.
మూడో రోజు ఆట ముగిసే సమయానికి రెండో ఇన్నింగ్స్‌లో ఆస్ట్రేలియా 4 వికెట్లు కోల్పోయి 123 పరుగులు చేసింది. క్రీజులో మార్నస్ లబుషేన్ (41 పరుగులు), కామెరూన్ గ్రీన్ (7 పరుగులు) ఉన్నారు. తొలి ఇన్నింగ్స్‌లో లభించిన పరుగులతో మొత్తంగా ఆసీస్‌ 296 పరుగుల ఆధిక్యంతో కొనసాగుతోంది.
చదవండి: WTC Final: టీమిండియా చేసిన తప్పు అదే.. అందుకే ఈ పరిస్థితి: ఆసీస్‌ దిగ్గజం
స్టీవ్ స్మిత్ నోట 🥳
— StarSportsTelugu (@StarSportsTel) June 9, 2023
మన తెలుగు సినిమా డైలాగ్స్ 😎
మరి తనదైన మనేరిజంతో 🔥
ఎలా అలరించాడో మీరే చూసేయండి 😉
చూడండి 👀 #WTCFinalOnStar | #AUSvsIND Day 3 Live
మీ 📺 #StarSportsTelugu/HD & Disney+Hotstar లో #BelieveInBlue pic.twitter.com/maudxIGLoJ
Comments
Please login to add a commentAdd a comment