శతక్కొట్టిన బ్యాటర్లు.. భారీ స్కోర్‌ దిశగా హైదరాబాద్‌

Under 19 Cooch Behar Trophy 2022-23: కూచ్‌ బెహర్‌ ట్రోఫీ అండర్‌–19 క్రికెట్‌ టోర్నీలో భాగంగా సిక్కిం జట్టుతో శనివారం మొదలైన మ్యాచ్‌లో హైదరాబాద్‌ బ్యాటర్లు అదరగొట్టారు. ఉప్పల్‌ స్టేడియంలో జరుగుతున్న ఈ మ్యాచ్‌లో తొలి రోజు ఆట ముగిసే సమయానికి హైదరాబాద్‌ 90 ఓవర్లలో 6 వికెట్లకు 462 పరుగులు సాధించింది. ఓపెనర్‌ అమన్‌ రావు (113; 10 ఫోర్లు, 6 సిక్స్‌లు), రితీశ్‌ రెడ్డి (110; 8 ఫోర్లు) సెంచరీలతో ఆకట్టుకున్నారు. అరవెల్లి అవినాశ్‌ (92; 8 ఫోర్లు, 1 సిక్స్‌) త్రుటిలో సెంచరీ కోల్పోగా... ధీరజ్‌ గౌడ్‌ (68; 2 ఫోర్లు, 3 సిక్స్‌లు), విఘ్నేశ్‌ రెడ్డి (39; 4 ఫోర్లు) కూడా రాణించారు. అమన్, అవినాశ్‌ తొలి వికెట్‌కు 206 పరుగులు జోడించడం విశేషం.